ضيف لذيذ خفيف الظل [الأرشيف]

مشاهدة النسخة كاملة : ضيف لذيذ خفيف الظل

ابوشوتال

11-07-2007, 06:07 AM

اخواننا الكرام

السلام عليكم ورحمة الله وبركاتة
يا حبايبنا طبعا الايام دي نحن مستمتعين جداً بقدوم الضيف العزيز الخفيف الظل ( ابورجاء) بدون تكاليف من المنطقة الشرقية حقيقة اول مرة نلاقية كانت مفاجاَة بالنسبة الينا غير الصورة الكنا خاتنها عنو تماماً ولقيناة زول لذيذ جداً ونكتة ومبتسم دائما واخلاقة عالية جداً بصراحة ادخل الفرحة والابتسامة في نفوسنا بعد زمن طويل غابت عنا .
وبقدومة الينا طبعا في بيت شبارقة والايام دي عملنا (جضيمات) جاء وجاءت البركة معاهو عمنا الاستاذ ( ابوشواراب) وعمنا ( ودالطاهر) (عمر البشير) والشي اللذيذ يااخوانا كل يوم والتاني شي سمك - وشي -زقني - وكنتاكي - والتحليات بانواعها واسكتو ساي حاجات رهيبة .وياريت ما يفوت مننا عشان الناس اللذيذين ديل ما انقطعوا مننا وبعدين الواحد ما يحس باليوم ونسة وضحك وفرفشات ومقالب حاجة جميلة جداياريت لوكنتوا معانا (وحقيقة المعرفة بالرجال كنز)

دي شي بسيط جدا مما حصل حاولت ان انقلة اليكم كي تستمتعوا معانا

واقعدوا عافية

ود المطامير

11-07-2007, 07:07 AM

حبيبنا الغالى ... أبو شوتال ..
تسلم والله وما قصرت تب
والله لمتكم حلوه تسعد النفس
وإنشاء الله دائما كدا أحبّه وأخوان
وأبو رجاء وين ما يحل بجيب معاهو البسمه .. الفرحه .. والسعاده
الله يديكم العافيه ويبعد عنكم كل شر .

مختار بازى

11-07-2007, 07:15 AM

والله ان شاء الله دايما ملمومين في ساعة خير يارب وشوقتنا كتير بي كلامك دا

نجيكم ولا شنو يعني لكن قالوا ما عندكم طباخين حرفا بدلالة الاستاذ لي هسة عيان
ومسجل غياب ليهو كم يوم قالوا بي سبب ملاح الخضرة العملتوها

صاح يا استاذ

هشام السماني إبراهيم

11-07-2007, 01:46 PM

والله الواحد نفسو اقابل الناس دي كلها شوقتنا زيادة

دمت في رعاية الله

صلاح ودالطاهر

12-07-2007, 01:15 AM

والله الواحد نفسو اقابل الناس دي كلها شوقتنا زيادة

دمت في رعاية الله

والله الواحد ماعرف يقول شنو عاجز القلم عن الكتابه

ابوشوتال

12-07-2007, 09:01 AM

ابوشوتال

12-07-2007, 09:02 AM

ابوشوتال

12-07-2007, 09:03 AM

والله الواحد ماعرف يقول شنو عاجز القلم عن الكتابه

ود الطاهر نسال الله يلمنا في ساعة خير

مختار بازى

12-07-2007, 10:04 AM

مرحب بيك

وان ماشالك الراس يشيلك الكتف

انا بجيكم لكن علي شرط تجيبو طباااااااااااااااااااخ ماهر

ابوشوتال

13-07-2007, 05:15 AM

انا بجيكم لكن علي شرط تجيبو طباااااااااااااااااااخ ماهر

والله يا مخو اطبخ ليك شعيرية تقطع يدك فيها

بي زيارتك بيتنا نور

مختار بازى

13-07-2007, 07:05 AM

والله يا مخو اطبخ ليك شعيرية تقطع يدك فيها

بي زيارتك بيتنا نور

تطبخ لي شنو شعيرية
هههههههههههههههههههههههههههههههه
:D :D :D
الشعيرية دي دايرة طباخ ابورانيا بيعملها
علي العموم انا جاي لي شوفتكم براها بالدنيا والله
بس ما تنسو الطبيخ:D

ابورجاء

13-07-2007, 10:55 AM

العزيز الغالي جدا جدا اخوي شوتال الحنين اخو الاخوان
لو قلت اكتب في قصايد تفتكر اقدر اقول كل الحقيقة ما اظن لان
كل حروف الللغة ال28 حرف ما بتسعفني واكيد حتخزلني بس اقدر اقول
ليك ليك في الاعماق محبة فايته حد الوصف ومع ده كلو ود وكمية كده
من اجمل مافي الدنيا من ورد....

حبيبنا الغالى ... أبو شوتال ..
تسلم والله وما قصرت تب
والله لمتكم حلوه تسعد النفس
وإنشاء الله دائما كدا أحبّه وأخوان
وأبو رجاء وين ما يحل بجيب معاهو البسمه .. الفرحه .. والسعاده
الله يديكم العافيه ويبعد عنكم كل شر .

الغالي حبيب قلبي اخي عروه المطوفش
تسلم انت من كل شر ويديك الفي مرادك والله داير
الجيه ليكم لكن الله ما طلق الرجل ونتمنى من رب العالمين
يلمنا في دنيتنا وفي الاخرة في جنتو مع كل الاحباب وليك وحشة
كده عامله طشاش وكاروشة :D ...وهاك كمية الود المبالغة دي وما تقول ناسيك في الورد....

الاستاذ مسجل غياب ليهو كم يوم قالوا بي سبب ملاح الخضرة العملتوها

صاح يا استاذ

الغالي مختار بازي يا اخوي اولا شوقنا ليك دافر شلالات
وسيول ده اول شئ نجي للخدره هو ود الطاهر مدام شربها
شراب وقعد يلهط فيها زي التركتر (ماشاء الله) ما توجع بطنو :D
والشمار ده انت ما ملكو يا مخو غايتو انتو يا المغتربين بري منكم:p ....

انا بجيكم لكن علي شرط تجيبو طباااااااااااااااااااخ ماهر

يا شوتال الزول ده جايكم زيارة والا وعدتوهو بي شغله في مطعم ابو وليد :D :p

والله الواحد نفسو اقابل الناس دي كلها شوقتنا زيادة

دمت في رعاية الله

ودمت انت كمان في رعاية الله وحفظه وربنا يلمنا كلنا
في ساعة خير في ام المداين ودمدني قول آآآآآآآآآآآآآميييييييييييين .....

والله الواحد ماعرف يقول شنو عاجز القلم عن الكتابه

الغالي حبيب القلب نور العيون ضي الاماسي ابو الكرم الطاهر ود الطاهر
والله انتو الواحد الما بيقدر يكتب عنكم ولو فكر يكتب يكتب شنو
ويخلي شنو ده انتو عايزين مجلدات عشان نكتب عن كرمكم وبشاشتكم
وطيبة اصلكم لكن خليني اقول كتر خيركم وبارك الله فيكم وما قصرتو تب
وربنا يقدرنا ونرد ولو القليل من جمايلكم علينا فعلا اجمل ايام عمري القضيتها
بصحبة رجال اقل ما يقال عنهم انهم اهل حارة وحوبة جزاكم الله كل الخير...

ودوما في رعاية الله وحفظه..
مع كل الود باقة ورد...

صلاح ودالطاهر

14-07-2007, 05:01 AM

ابورجاء انشاء الله يوم شكرك مايجي

نزار حسن محمد

15-07-2007, 09:09 PM

هووووى الحق ياود الطاهر ...فى المكتب معنا وحد حبشى حلف باليمين انه صورتك التحت دى صورة اخوه منقستووو الموجود فى اديس ابابا ..وانا اقول قرررر بالضحك ...
مطلوب سريع ..اثبات هويه مصدقه من الحكومه السودانيه ..والمحليه
ويبصم فيها ابوشوارب وابورجاء ... اجى يالحبشى