والليييييييله .. الكاميرا جاتكم ..

[معتز الريح]

كلنا ملاحظين ..
نكون قاعدين في حفلة أو مناسبة ..
فيها تصوير فيديو تلقى المضايرات حصلت ..
والمركزه عليها الكاميرا تلقاهو في حالة إرتباك تحنن ..
ده غير البغطي وشو .. وغير البدنقر ..
وغير البعمل إشارة معناها أبعد بكاميرتك دي ..
حاجه غريبة ..
يا ربي يكون السبب شنو؟؟

[معتز الريح]

تعالوا شوفوا اللقاءات في الشارع ..
حدث ولا حرج ..
بنرتبك والكلام بطير ..
أصلوا المصور ده ماسك كاميرا ولا سلاح ..
وده طبعاً بيأثر على الكلام وبكون كلو
زي كلام الطير في الباقير ..

[معتز الريح]

لكن الحكاية دي في جذورنا ..
بادية من صغرنا ..
كدي لاحظوا لي شفعنا ..
وأعمل مقارنة مع أي شافع من شفع أخوانا المصريين
ولاحظو الفرق ..

تعالوا نتناقش

[zoolfrda]

ديل ناس ما بتحب التلفزة

وقلة قوة شخصية الناس بتختلف من شخص لآخر

يعني ما بعرف يتكلم قدام الناس

زي طابور الصباح

عشان كده الناس البيعملوا مسرحيات ديل ناس بتكون شخصيتهم قوية

[مدنيّة]

اتخيل لي يامعتز انه السبب اننا ما بنتعامل بطبيعتنا
بل اغلب تصرفاتنا مصطنعة
عشان كدا الربكة حاااصلة

[نزار حسن محمد]

ود الريح ..ايها المميز الفريد
من وين بتنكد المواضيع دى ..اوع تكون بتقعد فى شاطى النيل الخصيب ..
بالنسبه لموضوعك ..كلامك صاح ..الا ما..ندر..وذى ما قلت برجع ذلك
لعامل التربيه منذا الصغر لكن بينى وبينك اخوك كان فصيح جنس فصاحه
حيرت الاساتذه فى الجمعيات الادبيه ...
لك الود ياراقى ..

[مدنيّة]

لكن بينى وبينك اخوك كان فصيح جنس فصاحه
حيرت الاساتذه فى الجمعيات الادبيه ...


بتاعت الدورة المدرسية اللي كانت سنة خمسين ولا ياتها يانزار:D

[معتز الريح]

ديل ناس ما بتحب التلفزة
وقلة قوة شخصية الناس بتختلف من شخص لآخر
يعني ما بعرف يتكلم قدام الناس


الحبيب زول فرده
لكن ديل أغلبية كتيره جداً
كتاااااااااار .. وشكلها المشكلة من الصغر ..
النلحق أولادنا ..
مشكور يا حبيب

[نزار حسن محمد]

بتاعت الدورة المدرسية اللي كانت سنة خمسين ولا ياتها يانزار:D


بالله شوفووو مدنيه دى هووووى الحقى روحك واعملى لك نظارات كويسه انا قلت الجمعيات الادبيه ..اسع الجاب الجمعيات ..للدوره المدرسيه شنوا الدوره المدرسيه بتاعتنا الكانت سنة1999 .وكان معى عم تنقو وابوشوراب لو مغلطتنى ...:cool:

[ابوالنور]

انت عارف يا معتز
انو السودانين عموما معروفين بي حتت الاستحاء دي
وعشان كدي الواحد في الحتات الزي دي بي يتضاير
لكن داير تعرف فصاحتم جيب ليك كلب واقيف بيه في نص الشارع تعال شوف البيحصل
والله عينك ما تشوف الا النور
وتسلم يا راقي علي الموضوع المنفرد

[معتز الريح]

اتخيل لي يامعتز انه السبب اننا ما بنتعامل بطبيعتنا
بل اغلب تصرفاتنا مصطنعة
عشان كدا الربكة حاااصلة

والله كمان يا مدنية بضيف على كلامك عدم الثقة بالنفس
ما تنقطعي ..

[رضا حسن محمد]

والله انا لا بخجل من كمرة ولا يحزنون وفى الحفلات بسوى جنس محن
فى عرس غسان السنة الفاتت اخترعت لى رقصى اسمه رقصت العوير برقص بجنس عوارة وسامر اخوى صورنى وما خلا زول ما رسلة ليهو

[معتز الريح]

لكن بينى وبينك اخوك كان فصيح جنس فصاحهحيرت الاساتذه فى الجمعيات الادبيه ..

الحبيب نزار ..
أراهنك الجمعيات دي لو كانت مصورة فيديو .. كان فصاحتك دي طارت ليك في راسك ..

قلت لي النيل الخصيب ..

[خالد النور]

دوام التألق أخى معتز
هذا النوع من الخوف يطلق على الذين يخافون من الوقوف امام الكاميرات أو يرتبكون عند الحديث هو نوع من عدم الثقة بالنفس ويطلق عليه الرهاب الإجتماعى.
لأن الخجل هو الإمتداد المرضى للحياة مما يعيق المرء عن ممارسة حياته بشكل طبيعى.
ويعتبر الرهاب الإجتماعى من أكثر الإطرابات النفسية شيوعاً فى مجتمعنا بالذات وهو منتشر أكثر من اى مجتمع آخر.
لكن كيف العلاج منه هذا ما يجب علينا البحث عنه

[معتز الريح]

انو السودانين عموما معروفين بي حتت الاستحاء دي


الحبيب المرشح نجم الشهر بقوة ..
لكن الاستحياء ده لو زاد عن الحد بنقلب وبدي نتائج عكسية
وزي ما قالت مدنية ما بنتعامل بطبيعتنا قدام الكاميرا
مشكور يا مشاغب

[معتز الريح]

والله انا لا بخجل من كمرة ولا يحزنون وفى الحفلات بسوى جنس محن
فى عرس غسان السنة الفاتت اخترعت لى رقصى اسمه رقصت العوير برقص بجنس عوارة وسامر اخوى صورنى وما خلا زول ما رسلة ليهو
الحبيب .. فاكهة المنتدى ..
الغريبة شكلك خجول .. لكن فرحتك طغت على الموقف
وغسان يستاهل يتعاوروا ليهو
لكن برضو بقول احتمال صوروك بالدس ..

قلت لي لقيتني بشكير..

[معتز الريح]

هذا النوع من الخوف يطلق على الذين يخافون من الوقوف امام الكاميرات أو يرتبكون عند الحديث هو نوع من عدم الثقة بالنفس ويطلق عليه الرهاب الإجتماعى.

اها كان كده السودان كلو عندو رهاب اجتماعي ..
يجيبوا ليهم علاج من وين ..

خالد الحبيب
أشكرك

[خالد النور]

أخونا معتز بالجد أثار ظاهرة إجتماعية متفشية فى مجتمعنا
ونرجو من الجميع التفاعل والإدلاء بالرأى لمعالجة هذا الرهاب الإجتماعى
وأختنا مدنية أصابت مربط الفرس عندما قالت أننا لا نتعامل بطبيعتنا

فما هو الحل من الخروج من هذه الظاهرة وبأقل خساير

[هشام السماني إبراهيم]

سلام :


انتو عملتوها مسارح وثقة بي النفس والموضوع ماكدا

اها النقول ليكم فكرتي انا

في واحدين بكونو مظلات

وفي ناس مجكسة وفي خلط حاصل وصاحبن الشايل الكاميرا بجي اقطع حبل افكارو :rolleyes:

صح في ناس بتخجل بس كدي بيني وبينك احيانا الكاميرا بتطلع ناس شيييييييييينة وناااااااااس

شوية سمنة

وفي الشاترو الحلاق واهل المناسبة الواحد جاري النهار كلو يعني بعد الحمام والنظافة برضو

راجع من شكلة(( تعبااان :D


كدي برجع ليك تاني


تسلم على الموضيع

[مختار بازى]

لكن الحكاية دي في جذورنا ..
بادية من صغرنا ..
كدي لاحظوا لي شفعنا ..
وأعمل مقارنة مع أي شافع من شفع أخوانا المصريين
ولاحظو الفرق ..

تعالوا نتناقش

والله يا معتز الحكاية وما فيها التعود برضو ليهو اثر كبير فالمصريين في كل مناسبة صغيرة ولا كبيرة بيصوروها ودا بيترك اثر اكيد في نفس الشافع الصغير وبيعودو علي الكاميرا عشان هم اصلا غير الكاميرا دي ما بيجيبو حاجة تانية ان شاء الله ولو بارد سااااااااي عشان كدا بنلقي الامور دي سهلة بالنسبة ليهم وهنا المناسبة كميرا وحفلة بس والله والناس هنا بتجيكم الا بعد الحفلة تبدا لكن مقارنة بينا نحنا الله يكون في عونك من ناس تور وطباخ وهلما جرا عشان كدا التصوير بينحصر علي اعيان المدينة دون القري ولو لاحظتة في المدن بيكون في فرق بين المدينة والقرية ودا كلو ناتج عن عدم توفير المال لي بعض الناس وعندنا مثلا في بعض الاحيان تلقي الناس بتحكي يقولوا ليك حفلة بي تصويرا يعني شيءء كدا جديد ما عادي

[عثمان جلالة]

حبيبنا معتز .. والله موضوع ... لمعالجة مشكلة حقيقية ... (أسي منو المواضيعو بتعب)
أها النقول ليك
1- تجربتي أنا مع الكاميرا .. كانت قوية .. لأنو كنت بتاع جمعيات أدبيه ومسرح وإلغاء شعري عشان كده ما عندي رهبة كاميرا .... زي أخونا نزار
2- كلامك صحيح مقارنة طفلنا مع طفل مصري بتوضح الفرق في الشجاعة الادبية لأنو نحن تربيتنا غلط ... الطفل من يوعى كدي ... نشبكو ليك ده غلط .. أوع تدخل على الضيوف .. ما تغني قدام الناس ... يعني بالعربي بنرهبوا بالقوه من الحاجات الغلط .. ما بنديهو الفرصة يتعلم الغلط من الصاح .. بالراحة وبالنقاش وبالتعلم ... يعني طفل .. يكون ماشي على النار داير يهبشا مثلا .. نشبكو ليك لااا النار .. والكواريك .. ده لو ما أديناهو كف .. الأفضل نخليهو يلمسها عشان يعرف دي نار .. حتى لو تحرقوا

[معتز الريح]

فما هو الحل من الخروج من هذه الظاهرة وبأقل خساير

الحل نشتغل في أولادنا ربنا يحفظهم
ونعلمهم كيف تكون قوة الشخصية والإندماج في المجتمعات
أما جيلنا والأجيال القدامنا خلاص رضينا بالمصير ..

[هشام السماني إبراهيم]

والله يا معتز الحكاية وما فيها التعود برضو ليهو اثر كبير فالمصريين في كل مناسبة صغيرة ولا كبيرة بيصوروها ودا بيترك اثر اكيد في نفس الشافع الصغير وبيعودو علي الكاميرا عشان هم اصلا غير الكاميرا دي ما بيجيبو حاجة تانية ان شاء الله ولو بارد سااااااااي عشان كدا بنلقي الامور دي سهلة بالنسبة ليهم وهنا المناسبة كميرا وحفلة بس والله والناس هنا بتجيكم الا بعد الحفلة تبدا لكن مقارنة بينا نحنا الله يكون في عونك من ناس تور وطباخ وهلما جرا عشان كدا التصوير بينحصر علي اعيان المدينة دون القري ولو لاحظتة في المدن بيكون في فرق بين المدينة والقرية ودا كلو ناتج عن عدم توفير المال لي بعض الناس وعندنا مثلا في بعض الاحيان تلقي الناس بتحكي يقولوا ليك حفلة بي تصويرا يعني شيءء كدا جديد ما عادي



في دي برضو معاك حق

[معتز الريح]

سلام :


صح في ناس بتخجل بس كدي بيني وبينك احيانا الكاميرا بتطلع ناس شيييييييييينة وناااااااااس شوية سمنة وفي الشاترو الحلاق واهل المناسبة

أها دي ما بيد زول ..
وخلقة الله ما فيها كلام ..
وما حاجه بتخجل ..

منتظرك يا هشام

[هشام السماني إبراهيم]

طيب قول الكلام دا للبفهم

لانو بحصل

[معتز الريح]

والله يا معتز الحكاية وما فيها التعود برضو ليهو اثر كبير فالمصريين في كل مناسبة صغيرة ولا كبيرة بيصوروها ودا بيترك اثر اكيد في نفس الشافع الصغير وبيعودو علي الكاميرا عشان هم اصلا غير الكاميرا دي ما بيجيبو حاجة تانية ان شاء الله ولو بارد سااااااااي عشان كدا بنلقي الامور دي سهلة بالنسبة ليهم

طيب فصاحة شفعهم دي برضو تعويدة ..
والله يا مختار أخوي معاك حق ..
لكن قالوا الحكاية فيها رهاب اجتماعي ..
كدي اتأكد من خالد النور طلعنا عيانين

[معتز الريح]

نحن تربيتنا غلط ...

يا جلالة ..
أنت جبت المفيد ..
نحنا منتظرين منك بوست ورينا فيهو
أساليب التربية الصحيحة ..

[مختار بازى]

طيب فصاحة شفعهم دي برضو تعويدة ..
والله يا مختار أخوي معاك حق ..
لكن قالوا الحكاية فيها رهاب اجتماعي ..
كدي اتأكد من خالد النور طلعنا عيانين

بس دا بيت القصيد والله انا عايش معاهم هنا ودي حقيقة ونصيحة واحدة انا بعترف بيها في حقهم حتة التعامل مع الشافع والله لو شفتهم بيعاملوا الشافع كيف ولا الطريقة البتكلموا بيها نعاهو كيف تتمحن انتة كسوداني الواحد بيديك احساس انو قاعد يخاطب ليهو زول كبيييييييييييير
ما شافع صغير والعجب لما يستمع ليهو والله والله دي الحتة الوحيدة البتعجبني فيهم وانا مشيت المهرجان الدولي لسينما الاطفال والله يا معتز لي اكتر من ساعتين سارح في حوار بتاع اطفال والله عمرهم ما بتجاوز السبعة سنوات والواحد فيهم والله ولا كانو واقف قدام جمهور ولا في كميرات متابعة الحوار دا والحتي دي انا عن راي الشخصي بعترف بيها انهم فايتننا فيها وعشان نلحق نفسنا نتحاور مع الشافع من هو صغير ما نقول دا صغير لا يعمل كدا وما يعمل كدا (فالنقش في الصغر كالنقش في الحجر )

[معتز الريح]

قاعد يخاطب ليهو زول كبيييييييييييير
ما شافع صغير

والله يا مختار ده المفروض يحصل
تعرف انو الطفل من عمر 3 سنين ممكن يتعلم لغات
لكن نحنا بنشوف المواضيع دي مستحيله

مشكور على المشاركة وخليك قريب

[معتز الريح]

في انتظار المزيد

[ruby]

ههههههههههههههههههه
بالجد والله المشكله دي حاصله لي
انا زمان كنت ما بخاف من كاميرا في مناسبه بتخص العائله يمكن لانه غالبا البصوروا بيكونو شباب من العائله والشريط بيكون عندنا
لكن لقيت انا كنت غلطانه
يااخي الشريط من يجيبوه ونشغله تعال شوف انواع الضحك ومايخلو عيب مايطلعو فيك لما يخلوك تتعقد
فبقيت اي كاميرا تجي بيعندي اتأدب ليها
لكن في حفلات اصحابنا او معارف ساي مابحب اتصور نهائي ماعارفه السبب شنو ولا بقرب عند حته فيها تصوير
بس اظن السبب من الخوف من التصوير انه الواحد خايف يلقطو ليه صوره كدا ولا كدا تقعد ليه عمره كله
وتقبل مروري

[الريانه]

اولا سسسسسسسسسسسسسسسسسسسسسسسلام حار يامدنى وياودالريح ده زاتو الفلم مش البظهرو فى الفلم اولا الجنس اللطيف ليه نظره من الحركه دى والجنس الخشن ليه نظره
1: اللطيف - الماواسقه من مظهره لانه اهم شى عندهم بتضاير والعاوزه تلفت الانتباه ليها بتمنع التصوير بى حركه من ايده لو لاحظنا كل حاله وليها نفسيتها
2: الخشن - فيه الخجول وده الايسكر عشان يقيف قدام الاضواء وفيه البيكون بياكل والجداده ماليه خشمه وطبعا مستحيل يجى كلب مارى الا فى متاعب .
*** موضوع التصوير والبيحصل فيه كله بيعتمد على المصور ********************
ولينا بقيه فى الكلام ده بس اشوف شريط عندى فيه الحالات دى كلها واحلل الحاصل وبرجع

[معتز الريح]

بالجد والله المشكله دي حاصله لي

والله يا روبي ..
كلنا المشكلة دي حاصلة لينا ..
مما تجي الكاميرا علينا بندخل في حالة من الارتباك
والواحد بيحاول يعمل فيها ما مهتم ..
لكن الكبكبة ظاهرة
مشكورة على المشاركة

[معتز الريح]

1: اللطيف - الماواسقه من مظهره لانه اهم شى عندهم بتضاير والعاوزه تلفت الانتباه ليها بتمنع التصوير بى حركه من ايده لو لاحظنا كل حاله وليها نفسيتها

اختنا ريانة ..
* اتخيلي لي البتكون لابسة كويس ..
ومسرحة تمام .. ومكياجها مجيه ..
بتكون بتتمنى الكاميرا ما تفارقها ..
* والجميلة وعارفه نفسها جميلة ..
برضو بتتمنى الكاميرا ما تفارقها ..

* أما الماواثقة من نفسها ومكياجها ما مظبط
فدي من عينة البخافو من الكاميرا ..

[معتز الريح]

2: الخشن - فيه الخجول وده الايسكر عشان يقيف قدام الاضواء وفيه البيكون بياكل والجداده ماليه خشمه وطبعا مستحيل يجى كلب مارى الا فى متاعب

أما نحنا ..
فبينا وبين الكاميرا خصاااااااام ..
والخجول ومن شدة الخجل إلا يشرب الحرام
ده بكون عندو المرض القال عليهو خالد النور
الرهاب الاجتماعي ..
أما البياكل وخشمو مليان فده معاهو حق 100%

ومنتظرين تحليلك بعد ما تشوفي الشرايط

[معتز الريح]

يا ريانة ..
لسه ما شفتي الشرايط ؟؟ ..
ورينا لقيتي شنو؟

[خالد النور]

يا معتز شنو شغال لينا كده قدر ما نعمل فيها مثغفين تقولوا مليون حاجه

أها النحدثك يا عشاى مرات بتاعين الكشافة بتاعة الكاميرا بيكونا غتيتين بسلطوها شديد على البنات عشان يخربوا المكياج. ومن ديك بقت تدخل الكميرا خوفه فيهم وبضايروا منا. وبالنسبه للرجال بتحصل الكبكبه ليه دى حلها لينا

[صالح شرف]

الفكرة في الخوفة البتخش الواحد إنو بفتكر الناس البتعاين ليهو دي شايفاهو شيييييييييين
طيب لو عملتا مافي وسعك عشان تطلع تمام...(خلي باللك من المرايا)... وختيت الرحمن جواك...
وإعتمدتا علي فكرة إنو إنت جاي تقدم حاجة فيها فايدة...
وأنو لوم ما إنت أهل للحاجة دي ...ما كان أُسندت ليك...
ساعتها ح تحس بي راحة وتبدا تشتغل بالراحة وبلا قلق ولا خوف..ولا رهبة...
ودة طبعا مردو للرغبة الأكيدة...الجوه الشخص ذات نفسو...
مثلا حبو للمجال ... شوقو وهو صغير إنو يحكي ويوصف ويشد إنتباه الأخرين..ويقدم لهم المفيد بحسب الملعومات المتوفرة لديه...
وكذلك(الله يكفينا شر السكاكين)
كذلك ...عودة لناس الحفلات...كذلك الواحد لما جاء الحفلة(بالتاكيد لابس كويس) وبعدين الشريط ده ح يُصبح توثيق...يعني مهم...فلمَ الخوف والقلق..
والناس (الخالطة)لو جادة وبكرة ح تمشي الأمور تمام ونجي حفلتهك برضو مافي مشكلة...البخاف ده الكضاب القاعد يغش في بت الناس(الجاهزة أصلا للغش) وده أخو البت من حقو يهدر دمو ...ما مشكلة أهو يؤازر سلمان رُشدي


مع فائق تحياتي
صااااااااااااااالح

[معتز الريح]

وبالنسبه للرجال بتحصل الكبكبه ليه دى حلها لينا

والله الحل غلبني ..
لانو أنا للأسف من الناس البتكبكبوا ..

[معتز الريح]

وبعدين الشريط ده ح يُصبح توثيق...يعني مهم...فلمَ الخوف والقلق..

الحبيب صالح ..
الخوف من التوثيق ده ذاتوووو ..

[هشام السماني إبراهيم]

طيب كلامكم جميل والفيكم اتعرفت :D



كدي ادونا حلول سريعة عشان الكاميرا متخلينا نتجهجه والكبكبة تحصل:eek:

يعني مثلا :

الواحد يكتم نفس كلها كم ثانية وبتمشي ؟

الابتسامة ماتكون كبيرة يعني السنون ما تظهر عشان في ناس قاعدة لي شيلت حالك احذر

البنات اخففن المكياج

و و و و و و

كدي معتز يكمل ويقول لينا الحلول شنو

اتفضل استاذ معتز

[صالح شرف]

حبيبي من ضمن الحلول بل من أهمها إنك ما تخاف أصلا...
هم الناس القاعدين يقابلوا الكاميرات ديل احسن منك
ولا اقول ليك خاف وخلي الباقي..
عشان ما تجي تزاحمنا باقي نحن مساكين وغلابة..
والله حالتنا تحنن ذاتو...
مع صااااااادق معذتي..(ما معذة محمد علي)..صاااااااااااااااالح

[معتز الريح]

كدي ادونا حلول سريعة عشان الكاميرا متخلينا نتجهجه والكبكبة تحصل
الحبيب هشام ..
زمان نحنا كنا بنخاف من الكاميرا ..
عشان كنا بندخن في الحفلات وعاملين مخخنجية..
وطبعا بنتلفت عشان مافي زول بنعرفوا يشوفنا ..
واتخيل الكاميرا جات في وشك وأنت شافط ليك نفس ..
اها بقت لينا عقدة من الكاميرات والتصوير ..
واستمرت العقدة حتى بعد ما الله هدانا وخلينا التدخين ..

بمناسبة التدخين دي ..
مره وانا جاي السودان وطالع على سلم الطياره .. وكنت لسه بدخن
قابلني مضيف جامد في سلم الطيارة وسألني بنهرة : انت بتدخن؟؟ ..
أنا افتكرتو أبوي .. قلت ليهو : لا لا .. خوفة ساااااااااي لله ..

[معتز الريح]

هم الناس القاعدين يقابلوا الكاميرات ديل احسن منك

الحبيب صالح ..
الحكمة في إنو الكاميرا فيها مشكلة فبالإضافة للتوثيق ..
مرات الكاميرا تلقطك عملت حركة ويمسكوها ليك أبد الدهر ..
وسبب كمان تكون شادي ليك قميص ولا بنطلون وعاملهم حقاتك ..
ياخي الأسباب كتير ..
اخير لينا خوفنا ده ..

[salwa]

الاخ معتز

انا بغتقد والله اعلم انه الحياء وعدم التاقلم على وجود كميرا وانه دي لحظة جديدة على الشخص ليها اثر يعني مثلا الممثل ليه ما بيخجل ولا بيستحي لانه متعود عليها وبقت وجودها او لا لا يمثل ليه شيء...لذلك الخجل وغرابة الموقف او قوته على الشخص بتختلف

والله اعلم طبعا وده رايي

مع شكري

موضوع جميل جدا

[معتز الريح]

انا بغتقد والله اعلم انه الحياء

والله ياسلوى ياهو الحياء الزايد عن اللزوم ..
تشكري على المرور

[عوض الكواكب]

والله يا أخوي معتز موضوعك بالجد جميل جداً
وداخل في صميم ثقافتنا السودانية الثرية جداً وتنقصها بعض الاشياء
ودة من الاشياء الناقصاها لوالناس حسبتها حسابات دقيقة ومن جميع النواحي
كل الناس بتقول الخوف....؟؟؟ من شنو
(عامل التربية هنا يحتاج مراجعة)
والحتة دة مفقدانا كثير من الاشياء ثقافياً واجتماعياً
وان شاء الله ما تلاقيكم كاميرا في شارع الا بعد.....؟؟؟؟
تجهزوا ليها؟؟؟
ام تكسروا الخوف...؟؟؟

[معتز الريح]

والله يا أخوي معتز موضوعك بالجد جميل جداً
وداخل في صميم ثقافتنا السودانية الثرية جداً وتنقصها بعض الاشياء
ودة من الاشياء الناقصاها لوالناس حسبتها حسابات دقيقة ومن جميع النواحي
كل الناس بتقول الخوف....؟؟؟ من شنو
(عامل التربية هنا يحتاج مراجعة)
والحتة دة مفقدانا كثير من الاشياء ثقافياً واجتماعياً
وان شاء الله ما تلاقيكم كاميرا في شارع الا بعد.....؟؟؟؟
تجهزوا ليها؟؟؟
ام تكسروا الخوف...؟؟؟

* عامل التربية بحتاج مراجعة ..
* تلقاك كاميرا فجأه ..
* الخوف ..
دي أسباب تمام التمام ..

لكن ..
حصل لاقتك كاميرا فجأة؟
أنا غايتو ما لاقتني ..

[عوض الكواكب]

غايتو انا شخصيا جاهز للكاميرا حتى لو شايل صاج خرسانة وتخيل معاي الشكل بكون كيف
وفجأة عايزنها تطلع من الاسرة(البيت)لان الشارع بالنسبة لينا هو البيت الكبير

[هشام السماني إبراهيم]

* عامل التربية بحتاج مراجعة ..
* تلقاك كاميرا فجأه ..
* الخوف ..
دي أسباب تمام التمام ..

لكن ..
حصل لاقتك كاميرا فجأة؟
أنا غايتو ما لاقتني ..


بتلاقيك

والله عشان كلامك دا انا اشتريت كاميرا حقت فيديو ولو قلتا ليك انا جاي جدة خليك قاااااااااااااااااشر ومستعد عشان (آكشن )

[معتز الريح]

غايتو انا شخصيا جاهز للكاميرا حتى لو شايل صاج خرسانة وتخيل معاي الشكل بكون كيف ..

ما يكون كلام ساي ..

[معتز الريح]

انا جاي جدة

ده يوم المنى ..

[هشام السماني إبراهيم]

غايتو انا شخصيا جاهز للكاميرا حتى لو شايل صاج خرسانة وتخيل معاي الشكل بكون كيف
وفجأة عايزنها تطلع من الاسرة(البيت)لان الشارع بالنسبة لينا هو البيت الكبير


والله اول ش ي بقع صاجك دا :D