حكاية من حلتنا

[عثمان جلالة]

دي يا شباب حكاية من الواقع ...
بعد ما كترت المشاكل وضاق الحال ... وفترت من فتيش الوظيفة المافي ... قررت أهاجر وأنا بردد (أصلي من دنياك مهاجر) ... عارفين الطريقه .. كلمت أولاد الحله .. يشوفوا لي فيزا إنشاء الله (عامل تربية دواجن) وبعدين بعد أصل أسددها ... ونحن السودانيين فينا الخير .. المهم .. كل الأمور مشت تمام .. يوم السفر وأنا (مستف شنطتي) ... عندي (جدا) لي ... جا يكورك يا ولدي .. صحي مسافر ... قلت ليهو أيوه يا جدي .. ما شايف الحالة بقت صعبة .. والمصاريف بقت كتيره .. والحواشه .. ما جايبها همها .. قال لي .. (حصل سمعت مغترب جاب ليهو بنطون) ضحكت وقلت ليهو لا .. لكن أحاول أنا أجيب البنطون ... وبعدين ضحك وقال لي ... المصاريف ما زادت يا ولدي .. نحن البقت حاجاتنا زايده ... زمان نحن البيت كله فيهو عنقريبين (قد) بدون لحاف وعراقي واحد .. يغسلوا ويستحمه في الترعه في وقت واحد ... أمش يا ولدي والله يكضب الشينه ......
ومضت الأيام والشهور والسنين ... مات جدي الله يرحمه .. ولسه ما قدرت أشتري بنطون ولا حتى بنطلون وما أظن أشتريه ... كان إغتربت مية سنه.
هل فعلاً نحن بقت حوجتنا كتيره بدون لازمه .. يعني زمان نحن قرينا الجامعة قبل ما تجي الموبايلات .. أسي الداير يخش الجامعة .. لازم مع شنطة الهدوم يكون في موبايل ... وين البساطه .. الله يرحمك يا جدي ... ويرحم أيام زمان .. ويفرج علينا .. نرجع وطنا وحلتنا .. ما بي بنطون ولا حاجه .. بالعافية والسلامة بس ... قولوا آميييييييييييييييييييييييييييييييييين

[مدنيّة]

ربنا يرجعك بالسلامة يا جلالة وكل الزيك

اكيد حوجاتنا في تزايد مستمر
وبعدين في نظرية اقتصادية بتقول انه كل ما زاد الدخل زاد المنصرف
والحياة اتغيرت كتييييييييييييييييير ما زي اول
يعني هسي اولادنا قرايتهم بس ما زي قرايتنا نحن للجامعة
والله انا درست في امدرمان الاهلية بخمسة وعشرين الف
وهسي بناتي في الروضة السنة للوحدة فيهم بمبلغ 1.500.000 والاتنين بتلاتة مليون
بالله ما حاجة تحير !!!!


همسة : برضو يامغتربين بري منكم :D

[عثمان جلالة]

ربنا يرجعك بالسلامة يا جلالة وكل الزيك

اكيد حوجاتنا في تزايد مستمر
وبعدين في نظرية اقتصادية بتقول انه كل ما زاد الدخل زاد المنصرف
والحياة اتغيرت كتييييييييييييييييير ما زي اول
يعني هسي اولادنا قرايتهم بس ما زي قرايتنا نحن للجامعة
والله انا درست في امدرمان الاهلية بخمسة وعشرين الف
وهسي بناتي في الروضة السنة للوحدة فيهم بمبلغ 1.500.000 والاتنين بتلاتة مليون
بالله ما حاجة تحير !!!!


همسة : برضو يامغتربين بري منكم :D


الرائعة السباقة دائما مدنية .. الله يخلي ليك أولادك ... وانشاء الله تقريهم الجامعة وتشوفيهم عرسان وعروسات وتشوفي أولادهم وأولاد واولادهم .. ويقولوا ليك .. حبوبة .. بركة من صلى وقال يا الله ... والله حالة صعبة ... تلاته مليون دي ... زمان .. كان بتجيب البنطون

تخريمه (ما قلتي لي .. لسه دايره فيزا)

[معتز الريح]

الحبيب جلالة ..
المغزى رائع .. ولكن هي أرزاق كتبت
ولن يكون الحال أحسن مما كان وما عليه الآن ..

بتتعبنا انت بالمواضيع دي ..

[عثمان جلالة]

الحبيب جلالة ..
المغزى رائع .. ولكن هي أرزاق كتبت
ولن يكون الحال أحسن مما كان وما عليه الآن ..

بتتعبنا انت بالمواضيع دي ..

دايما عاقل ... الحبيب معتز ... كلامك صحيح .. لكن خليني أفضفض شوية والله أنا مغلوب (خمسه : صفر) .. الله يفرج بس .. والحمد لله على كل حال

[حسن سادة]

العزيز جلالة
ما كنت دايره أقولو ليك
لكين لسان الحال سرد

الغربة الحقيقية في وجهة نظري الخاص
هي غربة النفس والغربة في داخل الوطن
كما قال الشاعر
أعيش في غربة لا النفس راضية
ولا الملتقى من شيعتي كثب

أو كما قال الشاعر السوداني

"هى الا الغربة نتغرب
نخلى ديار ونمشى ديار
ماهو الليلة متجاورين وعايشين غربه جوة الدار
جاتنا الغربة كايسانا وليه الكان البعيد قرب
بدون ما نشيل متاع نحن ولا زاد بيهو نتغرب
لقينا نفسنا سافرنا سفرا غيرنا ما جرب
نعيش غربتنا جوة الدار ودارنا معانا يتاوه
صباح العيد يفوت زى قبلو لا سالمنا لا كالمنا لا نوه
بقيت يا ليل تلاقى الليل وجواك نحنا ما نحنا
وجوانا الجرح مكتوم وخفنا جرحنا يفضحنا
ليالى الهم بقت دارنا وفيك يا دارنا روحنا"

وإختلاف الرأي لا يفسد للود قضية

[معذة احمد علي]

العزيز جلالة لو ماجبت البنطون ولا البنطلون جاي تسوي شنو اخير تقعد قبلك
لاكن والله حالتك تحنن
الله يرحم جدك كن ذو نظرة ثاقبة

[طارق محمد الحسن]

واللة القصة جميلة لكن الارزاق مقسمة كان فى بلدك ولا فى غيرها وربنا يسهل عليك وعلينا والاغتراب انا مابنصح بيهو والمغتربين اللة يرد غربتهم ويرحمهن من الاغتراب الماجايب همو ودمتم

[شبارقة]

أخوي جلاله ، الحالو متلي ..... وحالي متلو ...
سردك رائع بمعنى الكلمة ..

انا يا جلاله يوم كنت مسافر .. حبوبتي وصتني علي ...
قالت يا شبارقة أبقى عشره على رقبتك ... وخليك نجيض وملحلح ..
وانشاء الله ترجع لينا بالعافية والسلامة ...
لكن قبل ما أرجع ماتت ياجلاله ...
الله يرحمها ...

وعلى رايك .. ربنا يرجعنا بالعافية والسلامة!!

[مختار بازى]

اخد بالمثل البيقول اذا ابتك ديار ف لله الف ديار
والارزاق علي الله في الآخر بس كمان شيء كان لابد منو انك تجرب عشان تصل للقناعة الوصلتة ليها هسة لو ما سافرتة ما كنتة حتختنع وربنا يرد غربتك وانتة مستنير بعد كدا


همسة :
ما ترسل لي مدنية دي

[عثمان جلالة]

العزيز جلالة
ما كنت دايره أقولو ليك
لكين لسان الحال سرد

الغربة الحقيقة في وجهة نظري الخاص
هي غربة النفس والغربة في داخل الوطن
كما قال الشاعر
أعيش في غربة لا النفس راضية
ولا الملتقى من شيعتي كثب

أو كما قال الشاعر السوداني

"هى الا الغربة نتغرب
نخلى ديار ونمشى ديار
ماهو الليلة متجاورين وعايشين غربه جوة الدار
جاتنا الغربة كايسانا وليه الكان البعيد قرب
بدون ما نشيل متاع نحن ولا زاد بيهو نتغرب
لقينا نفسنا سافرنا سفرا غيرنا ما جرب
نعيش غربتنا جوة الدار ودارنا معانا يتاوه
صباح العيد يفوت زى قبلو لا سالمنا لا كالمنا لا نوه
بقيت يا ليل تلاقى الليل وجواك نحنا ما نحنا
وجوانا الجرح مكتوم وخفنا جرحنا يفضحنا
ليالى الهم بقت دارنا وفيك يا دارنا روحنا"

وإختلاف الرأي لا يفسد للود قضية

أكيد ما بفسد الرائع حسن وزي ما قال أخونا معتز ... الحالة الفيها الواحد هي أفضل الخيارات وشايفك .. كل يوم .. مع المعاناة ... هناك في الكلاكلات ...

همسة
القصة شنو يا حسون (الفوق إكوركو والتحت إكوركو)
شكرا يا رائع ... بس كتر من إبداعاتك .. عشان ننسى الهم .... أمانة

[عثمان جلالة]

العزيز جلالة لو ماجبت البنطون ولا البنطلون جاي تسوي شنو اخير تقعد قبلك
لاكن والله حالتك تحنن
الله يرحم جدك كن ذو نظرة ثاقبة

الأنيقة معذة ... عندك لي طريقة أجيكم بي هناك ... يمكن البنطونات رخيصة شوية عندكم .. الله يديك العافية ... وشكرا على المرور

[عثمان جلالة]

واللة القصة جميلة لكن الارزاق مقسمة كان فى بلدك ولا فى غيرها وربنا يسهل عليك وعلينا والاغتراب انا مابنصح بيهو والمغتربين اللة يرد غربتهم ويرحمهن من الاغتراب الماجايب همو ودمتم

العزيز طارق شكلك حسبتها كويس وحاسم الموضوع من زمان .. أأأأأأأمين نرجع من الغربة بس حضر لينا شغل والله ما أظن ... إلا سماسرة ...

[عثمان جلالة]

أخوي جلاله ، الحالو متلي ..... وحالي متلو ...
سردك رائع بمعنى الكلمة ..

انا يا جلاله يوم كنت مسافر .. حبوبتي وصتني علي ...
قالت يا شبارقة أبقى عشره على رقبتك ... وخليك نجيض وملحلح ..
وانشاء الله ترجع لينا بالعافية والسلامة ...
لكن قبل ما أرجع ماتت ياجلاله ...
الله يرحمها ...

وعلى رايك .. ربنا يرجعنا بالعافية والسلامة!!

الله يرحمها يا شبارقة .... لكن انت أحسن مننا ... فنان وعندك شريط .. مكتوب فيه بالعريض ....الفنان شبارقة ... يعني ... عدادات تقليه ... خلينا نمشي معاك نشيل العدة

[عثمان جلالة]

اخد بالمثل البيقول اذا ابتك ديار ف لله الف ديار
والارزاق علي الله في الآخر بس كمان شيء كان لابد منو انك تجرب عشان تصل للقناعة الوصلتة ليها هسة لو ما سافرتة ما كنتة حتختنع وربنا يرد غربتك وانتة مستنير بعد كدا


همسة :
ما ترسل لي مدنية دي

البازي .... كلامك صحيح .. القناعة كنز لا يفنى ... وآآآآمين غربتنا جميعاً

همسة:

مدنية يا خوي تحمد سيدا تقري في بنياته (الروضه) ونحن هنا أولادنا مدرسه ما قادرين نخششهم لأنو نسوانا جايات عمره

[حسن سادة]

" أنا ما كنت داير الاغتراب
لكني مجبور ابتعدت
حسيت متل غمز الحراب
وفي أنة الصبر النكد
أرجع وأقول إنتي السبب
قلتيها لي يومي العقد ما بترضي بي
عيشة وسط
دايرها فوق عيشة رغد "

العزيز جلالة
مسافر والفراق لحظاتو صعبة
أنا تب في ابسفر ما لي رغبة
مسافر للشروق جسماً بلا روح

قديماً قالوا:
" اللي رماك على المر شنو؟
قال :
الأمرّ منو"

هبشة
قصة الكواريك التحت وفوق دي ما نقشتها
أصلو الكبر شين وأنا أخوك

[ابوالنور]

والله يا ود عمي ربك يهون بس لكن لا هنا نافع ولا هناك نافع

لكن ما قلتا لي البنطون ده حا تشغلو وين في الكنار ولا شنو

[عثمان جلالة]

شكرا يا رائع .. على الأبيات الجميلة ... حسون ... دي معناها كل زول ما رضيان بي وضعو وبقولوها ناس (البصات والحافلات) للركاب .. تحت يكوركو عشان يركبوا وفوق يكوركو من الزحمة .. وانت ود الكلاكلة .. أشرح ليك .. يا حسون ... سلمت

[عثمان جلالة]

والله يا ود عمي ربك يهون بس لكن لا هنا نافع ولا هناك نافع

لكن ما قلتا لي البنطون ده حا تشغلو وين في الكنار ولا شنو

ود عمي .. الله بهونا .. وبتهون ..

البنطون .. بشغلوا ... رفاعة الحصاحيصا ... وما عندك مشكلة يا فرده .. ركشتك ... بنتعاقد معاها ... مدى الحياة ... يعني كنجالات كميه....

تخريمة (منتظرين النتيجة .. ما تنسانا .. نحن البعاد)

[samar_taha]

أعزائي
الغربة مرة
والغربة في الوطن زي ما قالو الأخوان أمر وأقسى بس المهم الزول يلقى وضع مناسب وما يطمع وتبقى فيهو حكاية شاعرنا القال :
لا قدرت أطولك شان أجيك لا الرجعة تاني عرفتها

[عثمان جلالة]

أعزائي
الغربة مرة
والغربة في الوطن زي ما قالو الأخوان أمر وأقسى بس المهم الزول يلقى وضع مناسب وما يطمع وتبقى فيهو حكاية شاعرنا القال :
لا قدرت أطولك شان أجيك لا الرجعة تاني عرفتها

الرائعة سمر ......... ما عدمناك ... شكرا على الكلام الحكيم ... ودمت

[عبدالمنعم الصديق(خدرا)]

جلاله ايها الغالى
لك حبى
لمست قصتك اوتارى الحساسه ونكأت لى جراحا لم ولن تندمل
كلنا سافرنا من اجل البنطون ولكن كما قلت انت ولا بنطون ولا حتى بنطلون
كل يوم يحمل لنا الناعى فقد عزيز فتسيل دموعنا غزيره وننكفى على احزاننا
ولكن ايها العزيز قل لى الى متى ونحن نصارع الامواج ونناطح جدران الغربه الصلبه
اما آن لنا ان نترجل عن صهوة هذا الجواد الجامح
ونرجع الى قرانا
ونرزع حواشاتنا
قطنا وقمحا ووعدا وتمنى
او قل
طماطماوبصلا
وبمبيا
وقبلها نزرع الامل والثقه فى نفوس صغارنا الذين فقدوا الثقه ببعدنا عنهم
الم يناجيك اصغر صغير من ابنائك بان ارجع نحنا ماعايزين قروش بس عايزنك انت تكون معانا

[المكاشفى]

ان وقع القدر كتر البتابت عيب
الزول مكتوبه ليه لقمه فى اى مكان بيأكلها
وربنا يرد غربتكم من الحال التحنن دى

[عثمان جلالة]

جلاله ايها الغالى
لك حبى
لمست قصتك اوتارى الحساسه ونكأت لى جراحا لم ولن تندمل
كلنا سافرنا من اجل البنطون ولكن كما قلت انت ولا بنطون ولا حتى بنطلون
كل يوم يحمل لنا الناعى فقد عزيز فتسيل دموعنا غزيره وننكفى على احزاننا
ولكن ايها العزيز قل لى الى متى ونحن نصارع الامواج ونناطح جدران الغربه الصلبه
اما آن لنا ان نترجل عن صهوة هذا الجواد الجامح
ونرجع الى قرانا
ونرزع حواشاتنا
قطنا وقمحا ووعدا وتمنى
او قل
طماطماوبصلا
وبمبيا
وقبلها نزرع الامل والثقه فى نفوس صغارنا الذين فقدوا الثقه ببعدنا عنهم
الم يناجيك اصغر صغير من ابنائك بان ارجع نحنا ماعايزين قروش بس عايزنك انت تكون معانا

العزيز عبد المنعم ... شكرا على التعقيب والمرور .. ويسمع منك المولى .. نرجع لي حواشاتنا وقطنا وقمحنا .. نرضى بالقليلة .. لكن المسألة .. قرار بدون رجعة

[عثمان جلالة]

ان وقع القدر كتر البتابت عيب
الزول مكتوبه ليه لقمه فى اى مكان بيأكلها
وربنا يرد غربتكم من الحال التحنن دى


حبيب الكل ... شكراً على المرور .. وكلامك عين العقل ... لقمتنا وبناكلها في أي محل لكن مين يقول البغلة في الابريق ... وربنا يرد غربة الجميع