عرس الشفع

[الريانه]

اسلام عليكم ومرحب بيك ومادام طليت وريتنا وشك اقعد وبالهداوه كده قول لى لو عندك اخت صغيره فى السن 15-18 سنه ابوك قال ليك جاها عريس مغترب وانا حاديه سالته:( ليه وهى صغيره) قال ليك
:(انا خايف اموت وخليها من غير سند وخصوصا انى ماخليت ليها شى يعيلها قضيت عمرى كله فى الناس المرته دايره تلد والداير يعرس لى ولدو والداير يدفع مصاريف المدرسه الخاصه والداير موبايل مع الموضه والأغترب وداير اتمو ليو باقى قروش السفر و.......................)وسالك اها رايك شنو؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[صديق بلال]

اسلام عليكم ومرحب بيك ومادام طليت وريتنا وشك اقعد وبالهداوه كده قول لى لو عندك اخت صغيره فى السن 15-18 سنه ابوك قال ليك جاها عريس مغترب وانا حاديه سالته:( ليه وهى صغيره) قال ليك
:(انا خايف اموت وخليها من غير سند وخصوصا انى ماخليت ليها شى يعيلها قضيت عمرى كله فى الناس المرته دايره تلد والداير يعرس لى ولدو والداير يدفع مصاريف المدرسه الخاصه والداير موبايل مع الموضه والأغترب وداير اتمو ليو باقى قروش السفر و.......................)وسالك اها رايك شنو؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

أولا:- أود أن أشكرك على طرحك هذا الموضوع لجهل الكثيرين عنه أو يتجاهلونه وهم يعلمون حقيقته... فأقول مستعينا بالله تعالى... أن ذلك الأب إن كان يعلم علم حقيقي عن العريس من ناحية تمسكه بالدين والخلق والمقدرة...إلخ أي إنني أقصد في هذا العريس أن يكون متصفا بالخيروالصلاح والتقوى في أمور دينه ودنياه... فله أن يزوج إبنته من ذلك العريس.... لأن هناك من ذكر من العلماء رحمهم الله تعالى... أنه يجوز للأب أن يزوج إبنته وإن كانت صغيرة في السن لمن يجد فيه الخير والصلاح والتقوى.. لأن هذا العريس يستطيع أن يتعامل مع هذه الفتاة بمنظور شرعي لا منظور دنيوي... وبعد هذا أرجو أن تكون الأمور واضحة وجلية للجميع... والله الموفق

[الطويل]

صراحه صعبه تديها لمغترب لأنو مغتربين الزمن ده تعبانين والله

وانا أحبذ مغتربى السودان

لكن مدام الحاج داير كدى خلاص :D

وفى النهايه كل شئ قسمه ونصيب

[معتز الريح]

الأخت ريانه ..
لو أقل من 18 سنه ما أظن حا أكون في صفو ..
لكن لو حصلت 18 أنا البعقد ليها ..

[مختار بازى]

الأخت ريانه ..
لو أقل من 18 سنه ما أظن حا أكون في صفو ..
لكن لو حصلت 18 أنا البعقد ليها ..

وانا معاك يا ود الريح

[السباعي]

شباب لكن بنات الزمن دة بقت الواحدة وهي عمرها 19 لكن عقلها عقل 9 سنين.....ربنا يحفظنا يا رب

[الريانه]

الاخ صديق ده كلام واضح جدا وكلام صحيح جدا بس ماشايف انو تفكير الاب ضعف ايمان منو الارزاق بيد الله عز وجل وانو مفروض يستخير الله بس انا بتكلم من ناحيه التفكير خت نفسك مكان الاب والاخ

[الريانه]

ابو رانيه ده كلام شنو ياخوى وديته شمال كدى المغترب اكان خلو ناس السودان من بلاغاتم اكان بقى زول وناس رسل ورسل مسكينه ام رانيه الله يعينه خلى بالك من الريال عشان ماتقبل على رانيه بكره باقى العرسان الخاتين بالم على بت المغترب كتار وبقولو عندو طول ماالنقاطه شقاله مابقول بوفره من رانيا وامها واديها للدايرين ستاير جديده وموبايلات مع الموضه والعجب ناس المدارس الخاصه

[الريانه]

يامعتز رايك شنو فى فهم الراجل البعرس وحده صغيره عشان اربيها على ايدو؟؟؟؟؟؟؟؟؟

[الريانه]

يابازى شنو الرد ده كدى اقفل الخط ده شويه وافضى لينا بعد كدى بجيك مرض الراس البجيبه الموبايل (بعد الشر تبرى ياود امى)

[صديق بلال]

الاخ صديق ده كلام واضح جدا وكلام صحيح جدا بس ماشايف انو تفكير الاب ضعف ايمان منو الارزاق بيد الله عز وجل وانو مفروض يستخير الله بس انا بتكلم من ناحيه التفكير خت نفسك مكان الاب والاخ

أولا أشكرك على هذه المداخلة والمحاورة البناءة... فكلامك واضح ومفهوم وجيد... فحينما أتحدث عن الأب الذي ذكرته في مداخلتي أقصد فيه الأب الذي يخاف الله ويتقيه في أفعاله وأقواله وبالتالي فهو قد جمع في شخصيته الشخصية الإسلامية المؤمنة بقضاء الله وقدره... فأتوماتيكيا تجسد هذه الشخصية إيمانها في الأرزاق بيد الله تعالى... وأيضا موضوع الإستخارة بالله تعالى التي ذكرتيها فإنها لا تفوته... لأن حينما تتحدثين عن مثل تلك الشخصية فأكيد حكاية الإستخارة لا تفوته في كثير من الأمور... وعموما نحن نتحدث عن أب يخاف الله ويتقيه حق التقوى وإنه لا يعمل مثل هذه الأعمال إلا من منطلق منظور إسلامي شرعي... وبالله التوفيق والسداد

[الريانه]

ياسباعى ماكلهم كده شوف ام البت اول وانت تعرف تربيته ممكن تكون جاهله فى امور الدنيا لاكن مستحيل تكون جاهله فى المطبخ مثلا وكيف تحافظ على بيته وزوجها ومااظن الواحد بفتش غير كده انت الا قصدك ياخوى بنات الثانوى البتشوفم مارقات من المدرسه وخاتات حلاوه حربه ومسرحات ضفيرتين اكان ديل ديل مارقات للموضه ياخوى

[مختار بازى]

يابازى شنو الرد ده كدى اقفل الخط ده شويه وافضى لينا بعد كدى بجيك مرض الراس البجيبه الموبايل (بعد الشر تبرى ياود امى)

اها الموبيل قفلتو تسلمي والله يا الريانة
بس الرد معناهو انو انا لو بقت اكبر من 18 او 18 انا البعقد ليها قبل الوالد والارزاق دي بيد الله ما بيدي ولا الوالد وبتمني ليها السعادة والتوفيق في الحياه الزوجية

[معتز الريح]

يامعتز رايك شنو فى فهم الراجل البعرس وحده صغيره عشان اربيها على ايدو؟؟؟؟؟؟؟؟؟

أهم حاجه يا ريانه فرق العمر بين الزوجين
يعني من وجهة نظري
الفرق لو زاد على 10 سنوات
التفاهم بينهم بكون صعب ..
وبتكون هي في وادي وهو في وادي ..

ولو شاءت الظروف
وتم الزواج مع فرق كبير في السن
فده بعتمد على فهم الراجل ووعيه
وإداركه لاهتمامات زوجته ..

أما حكاية يعرسها صغيرة ويربيها معناها البت شافعة ..
ودي يجيب ليها صبر من وين للتربية ..
بدل يربيها نقول يطبعها على طباعو أسهل كده ..

ريانه والله جد موضوعك بعالج كتير ..
وبجيك تاني

[الريانه]

يابازى اديك العافيه وبيت فى الصافيه

[الطويل]

ابو رانيه ده كلام شنو ياخوى وديته شمال كدى المغترب اكان خلو ناس السودان من بلاغاتم اكان بقى زول وناس رسل ورسل مسكينه ام رانيه الله يعينه خلى بالك من الريال عشان ماتقبل على رانيه بكره باقى العرسان الخاتين بالم على بت المغترب كتار وبقولو عندو طول ماالنقاطه شقاله مابقول بوفره من رانيا وامها واديها للدايرين ستاير جديده وموبايلات مع الموضه والعجب ناس المدارس الخاصه


هههههههههههههههههههههههههههههه

والله يا الريانه كان الناس معتمده على المغتربين الرماده كالت حماد

[الريانه]

شكرا صديق بلال كده كلامك ورايك وضح جدا ومشكور مره تانيه على مرورك وطول بالك فى المحاوره

[الريانه]

فى زمتك يابو رانيه بتمشى الصرافه فى الشهر كم ؟؟؟؟؟؟؟؟؟؟؟؟

[الطويل]

فى زمتك يابو رانيه بتمشى الصرافه فى الشهر كم ؟؟؟؟؟؟؟؟؟؟؟؟


ولا مره والله

هههههههههههههههههههههههههههههههه

دافن قروشى تحت الواطه ونايم عليها:D :D

7
7
7
7
7
7
7
7
7
7
7
7
7
77

أنا لوكان عندى قروش فى الصرافه ياالريانه كان دى حالتى

كان عرسته زمان وبقيت أبو رانيا صحى صحى والله:D :D

[الريانه]

بس يابو رانيه بت الناس الحاتقبل عليها دى ادينى خبره واى شمار حاوصله ليها موثق ومختوم فى منتدى ود مدنى

[معتز الريح]

عفواً ..
مكرر ..

[الريانه]

فى الانتظار يامعتز وكلى اذان صاغيه

[الطويل]

بس يابو رانيه بت الناس الحاتقبل عليها دى ادينى خبره واى شمار حاوصله ليها موثق ومختوم فى منتدى ود مدنى


ههههههههههههههههههههههههههههههههههههههه

يا الريانه انا خاطب لى 3 سنه والله

ماشين بالبركه ساكت دايره تولعيها مالك

خليها حلوه عليك الله :D :D

[جيفارا]

من منظور واقعي شوية الحكاية وما فيها امكانيات ولو رجعنا بالزمن شوية بنلقى انو الزواج في السابق كان في سن مبكرة . وله فوائـــد كثيرة جدا الزواج المبكر للولد والبنت نعمة كبيرة جدا وله فوائد لا تحصى .

ولنا رجعة

[السباعي]

والله يا شباب لو الواحد حاول يقلد اعراس الزمن دة الا كان يقعد في الغربة دي 100 سنة

لكن ربنا يستر ...ويدينا بت الحلال الهدية والرضية .....

[السباعي]

ياسباعى ماكلهم كده شوف ام البت اول وانت تعرف تربيته ممكن تكون جاهله فى امور الدنيا لاكن مستحيل تكون جاهله فى المطبخ مثلا وكيف تحافظ على بيته وزوجها ومااظن الواحد بفتش غير كده انت الا قصدك ياخوى بنات الثانوى البتشوفم مارقات من المدرسه وخاتات حلاوه حربه ومسرحات ضفيرتين اكان ديل ديل مارقات للموضه ياخوى

والله يا ريانة بنات جيل الديجيتال والدش والنت ديل ربنا يرزقنا فيهم بواحدة واعية...لكن لما تجي تلقي بنت عمرها 19سنة وقاعدة في ابطال الديجيتال او كابتن ماجد تقولي شنو؟؟؟؟

[مختار بازى]

يابازى اديك العافيه وبيت فى الصافيه

آآآآآآآآآآآآآآآمييييييييييييييييييييييييين يا رب
الله يعافيك

[معتز الريح]

من منظور واقعي شوية الحكاية وما فيها امكانيات ولو رجعنا بالزمن شوية بنلقى انو الزواج في السابق كان في سن مبكرة . وله فوائـــد كثيرة جدا الزواج المبكر للولد والبنت نعمة كبيرة جدا وله فوائد لا تحصى .

ولنا رجعة

ولا يخلو من السلبيات

[عثمان جلالة]

رأي أنا برفض وبشدة .... بالذات لمغترب ... لأنو الحالة معروفة .. أحسن ود البلد

[معتز الريح]

الزواج ذاتو اسبابو تغيرت ..
* واحد عايز يكمل نص الدين ..
* وواحد عايزها سمحة يقشر بيها ..
* وواحد عايزها خدامة ليهو ولي أهلو ولي أولادو ..
* وواحد عايزه تلد سنوياً إلى ان يشاء الله .. عذرو السنة ..
ولو ما ولدت بطلقها ..
* وواحد عرسها عشان قروشها ..

بجيكم تاني

[مرتضى التوم]

اهنئيك على الموضوع ريانة
والله انا بقول انو تزويج البنت قبل سن ال18 فيهو تجاوز للشرع والقانون وحتى لو الوالد كان عندو وجهة نظر فى الموضوع دة فالاعمار من عند الله ومافى حد عارف حيموت بتين اما الزواج من بنت صغيرة فدة موضوع عاوز بوست لوحدو ... بهمنى شديد هههههههه.
نقطة اخيرة الزواج قسمة ونصيب وشئ مكتوب عند المولى عز وجل لنا اراء وافكار ولكن عند ساعة النصيب تتبدد كل الافكار والأراء وربنا يجعل لينا قسمة طيبة .

[مختار بازى]

قرأت هذا الموضوع في مجلة الفرحة و أحبب أن أنقله لكم للإستفادة




هل يتوقع الوالدان يوما أن تبدي ابنتهما المراهقة لهما او لأحدهما عن رغبتها في الزواج و إذا حدث هذا الأمر فكيف يكون تصرفهما حياله ؟

دهشت إحدى الأمهات عندما فاجأتها ابنتها ذات ال15 عاما بطرح هذا السؤال عليها : لماذا لاتزوجيني يا أمي ؟
فما كان من الأم إلا الرد عليها بلهجة المستغربة و المستنكرة لهذا الطلب : ماذا ؟! في هذه السن تنشغلين و تفكرين في امر الزواج اين اهتمامك بدراستك و تحصيلك العلمي.
ثم تداركت نفسها و هدأت من انفعالها الذي احتارت في وصفه .. هل هو استغراب ام حرج .. و انهالت عليها بالأسئلة : ماذا تريدين من الزواج ؟ و من هو الشخص ؟ ثم هل تحسبين الزواج مجرد فستان و طرحة و تشابك بالأيدي .. لا يا حبيبتي الأمر يحتاج إلى نضج في التفكير و الوجدان..إلخ.
فما كان من الإبنة إلا ان شعرت بالحرج والخجل و سكتت غير مقتنعة بكلام امها . بقي لنا ان نتوقع تكرار مثل هذه الحادثه في بيوتنا , فماذا اعددنا للإجابة و المواجهة بشكل يضمن عدم الإنفعال كما حدث لتلك الام .
لكي نحقق ذلك لابد لنا من ان نأخذ بالإعتبار امورا نفسية و اخرى جنسية تخص الفتاة و ثالثة اجتماعية تخص الوالدين.
1. الدوافع النفسية :
لابد ان نفكر لماذا ابدت رغبتها بالزواج في هذه الفترة. ما الذي حرك لديها هذه الرغبة المؤجلة و يمكن لي ان اسألها عن ذلك إن استطعت
و هذا افضل لماذا تريدين الزواج؟ و ذلك لتعرفي تفكيرها و انطباعها عن الجنس الآخر خاصة و أنك تعرفين ان ابنتك تمر بتغيرات جسمية وفيزيولوجية في تلك الفترة وكثيرا ما يلفت نظرها إعجاب الجنس الآخر بها.
ويمكن بحوارك معها ان تصلي الى ان ابنتك بحاجة الى رجل في حياتها فيمكن التنسيق مع اخيها في ذلك او والدها بأن يكون قريبا منها اكثر فأكثر بالكلمة الحلوة و المدح و الثناء والخروج معا و تبادل الهدايا..الخ.

2.الدوافع الجنسية:
و هي التي لابد ان لا نتعامل معها بخجل او من دون مبالاة فكما ان الجوانب الاخرى تنمو و تتغير فكذلك الدوافع الجنسية تنمو وتتغير و إذا تعرضت لما يثيرها تحركت باحثة عن وسائل لإشباعها .. لذا عليك ان تفكري بجدية في هذا الموضوع بتقليل تعرض ابنتك لما يثير الغرائز و الشهوات لديها كالأفلام الجنسية او الأغاني او القصص الغرامية..الخ
وتوجيهها نحو استغلال وقتها بما يستنفد تلك الطاقة و إن بحث موضوع زواجها لابد ان يوضع في الاعتبار بالتنسيق مع والدها و انه إذا جاء( من ترضون دينه و خلقه فزوجوه) ويمكن تأجيل هذا الموضوع سنتين مثلا يسعك في تلك الفترة ان تؤهليها لذلك.

اما الإعتبارات الاجتماعية

و هي خاصة بكما كزوجين و والدين فلا بد ان تعلما ان الاسئلة التي انهالت بها الام على ابنتها هي اسئلة مهمة جدا للاستعداد للزواج.



منقول

[مدنيّة]

ريانة موضوعك جميل

قبل شوية سبحان الله سالني واحد معانا في المكتب قال لي لو بتك صغيرة جاها عريس بتديها ليه !!
قلت ليه لا
لسبب عشان تخلص دراستها في الاول وبعدين تتزوج
عشان الشهادة دي الضمان بالنسبة للبت من غدر الزمن ، غدر الرجل ، .... الخ
وعلي فكرة البت الزمن دا بتخلص الجامعة وعمرها عشرين سنة
يعني اللي خلي ابوها ينتظر لغاية لما عمرها يبقي 18 سنة ما بخليه يصبر سنتين عليهم !!

[مثني ودالعيكوره]

ريانة موضوعك جميل

قبل شوية سبحان الله سالني واحد معانا في المكتب قال لي لو بتك صغيرة جاها عريس بتديها ليه !!
قلت ليه لا
لسبب عشان تخلص دراستها في الاول وبعدين تتزوج
عشان الشهادة دي الضمان بالنسبة للبت من غدر الزمن ، غدر الرجل ، .... الخ
!!

اذا نظرنا للموضوع من زاويه دينيه فنجد ان المرأه اذا كانت تستطيع الوطئ
فلا قضاضه ولا مانع من تزويجها... وهو الافضل والأمن

وحكاية تتم دراستها دي "يامدنيه اختي" هي زاتها الخاربه المجتمع

ماتعرس وتقراء المانع شنو؟؟ وأسألي البنات المعاهن دكتوراه وبايرات

احس ليهن الدكتوراه وله العرس ؟؟

و تذكروا الحديث الذي فيما معناه (من جاءكم ترضون دينه فزوجوه الا تفعلوا تكن
فتنه في الارض وفساد كبير)... وما أظن فتنه وفساد اكثر من الفيهو نحن دا(اتخيل لي بعد طلعتي
من المكتب جيتي بالسوق العربي وشفتي المناظر )

وبالله عليك ايهما خير ليك الزواج المبكر وام الزواج العرفي ؟؟
وانت ما بتكوني عارف انو بنتك متزوجه عرفي لانها قالت ليك ماشه اذاكر مع هاله صاحبتي
وهي بايته "في سبعين نيله"
وبالله ايها احب اليك ان تحمل بنتك طفلها وشهادتها معاً ام شهادتها وعنوستها سوياً؟؟

مشكوره يا الريانه ومشكوره مدنيه للمداخله

مع عاكر مودتي...

[aluas202]

السلام عليكم
اولا عمك دى اكيد ليهو اسباب خلتو يفكر كدىوهو اكيد خبره فى الحياه وخصوصا الزواج هو الشى الوحيد البنجد فيهو الشوره الكتيره يعنى بى ظروفه0000 وكل شى قسمه
اما حكاية العمر دى ما مهمه وايضا اضيف ليها حكايه الدراسه (ما التعليم)
لانو فى عمر 14سنه بتصرفو احسن من ام44 ..وفى الاميه البتتعامل وتقوم بى الواجب احسن من الخريجه الدرست وما اتعلمت شى لما اتخرجت .
اما مغترب ولا محلى الاختيار يجب ان يكون على الشاب الملتزم القادر على المسئوليه
ومتدين ويراعى الله فى كل تصرفاته
لانو ود البلد بعد يومين امكن يكون مغترب
والمغترب بعد يومين يرجع ويكون غير مغترب
خلونا من الالغاب والغش وامسكو الشخصيه وادوها البت
والرازق الله .

[بنت الرفاعي]

والله موضوعك رائع لكن انتي قاصدة بس مغترب ولا برضو محلي ؟
أختي امتحنت للجامعة السنة دي وعرسها بعد إسبوعين إنشاءالله لكن مامغترب ولد خالتها هو العريس وبرضو حاتقرأ الجامعة وتتم قرايته, ومع إنوالافضل البنت تقرأقرايته أول لكن مرات سبحان الله في حاجات بتجي براها وتكون مامقصودة ومع إنو نسيبه أهم شي عندو القراية وقال لازم تكمل قرايته إلا هي تأبى وتقول ماعايزة أقرأ, ولو جينا للرأي القراية للبنت أهم سلاح وزي ماقالت أختي مدنية بيحميها من أغدار الزمن والأغدار الموجودة فيهو ومنو ومن الفيهو هو ذاتو بنات الزمن ده بقن ماهينات ماشاءالله عليهم.

أخوي السباعي كابتن ماجد ماله يعني بس يحضروها الأطفال مفروض إنت تتابع مع أطفالك وتشاركهم عالأقل برنامجهم ده نوع من أنواع التربية بعدين هو في مسلسلات أطفال بالله (المحقق كونان) ده مسلسل أطفال ولا كبار؟
وربنا يعين.

[عماد عبدالشكور]

يامعتز رايك شنو فى فهم الراجل البعرس وحده صغيره عشان اربيها على ايدو؟؟؟؟؟؟؟؟؟
ياريانة يا اختي شفع الزمن دا بقوا يربوا الناس الكبار !!!!!

[زيزي]

يعني فية حاجة لو عرسوني وانا صغيرة
عااااااااااااااااااااااااااااااااادي
هههههههههههههههه
الموضة الزمن دة

[ruby]

انا صراحه ضد انه البنت تتزوج وهي صغيره ومن تجارب حصلت
انه في ذلك العمر يكون هم البنت انها تغير حياتها وتجرب واكيد يعني كل بنت بتستنى اللحظه دي
ويكون تفكير البنت سطحي لانها لسه ماشافت الدنيا فيها شنو
ولذلك فهي لاتستطيع دراسه هذا الموضوع او دراسة العريس من كل جوانب ولو درسته اكيد ماحيكون عندها بعد نظر زي بعد ماتكبر
فالأاحسن انها تعيش كل لحظات حياتها ومافي داعي للاستعجال والاهم انها تكمل دراستها لانه هذه الشهاده هي التي ستنفعها
نفرض انه تزوجت و حصل من او للزوج اي ظرف طلاق.....موت...طلع انسان ماكويس...
اي شئ من سينفعها في ذلك الوقت ويقدر يعولها هي واطفالها نادرا ماتجد بديل لهذا الزوج ولكن لو عندها شهاده تقدر تشتغل وتوفر حاجتها هي واولادها
وانا اشوف نه السن المناسب للبنت في الزواج هو مابعد العشرين
يعني انا لغيت فكره الزواج في الوقت دا
هههههههههههههههههه

[ابوشوتال]

الزواج ليس بالعمربل بالعقل

اصدف زي ما قال اخونا واحدة عمرها 19 وتلعب ديغتال

اهم شي العقل اذا حسين انها عاقل لا ما نع في انها تتزوج حتي لوكان 15

[داريا]

مشكوره اخت ريانه و ممكن اقول رائيى فى الموضوع بكل صراحه والله لو انسان على خلق وحالتو الماديه ok
وشخص بيحترمها وراح يقدرها والله ماشايفه فى مانع ولو ما خلصت دراسه ممكن تكمل الدراسه اهم شى انه يكون بخاف ربه

[معتز الريح]

الموضوع محتاج لكثير من النقاش ..
لا تحرمونا من آرائكم ..

[الريانه]

ياابو رانيه ولا يهمك الشيله على بس عشان ماتقول الريانه خربته وقعدت على تلها

[الريانه]

شكرا يابازى وعشان نحنا بنفتش على الفايده كانت لفته منك انت تبحث فى الموضوع وتشاركنا بى كلمات مفيده والمره دى الطابق الثانى لبيت الصافيه

[الريانه]

ياداريه صاحب بالين ماكزاب؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟

[الريانه]

ابو شوتال اول شى شوتال دى مادايره معجم وانا لو بشوف الديجتال ويجينى شوتال الاسم مش الشخص حاوافق طوالى لاكن كان هيثم ولاسامى بفكر

[الريانه]

يازيزى خليك مع موضه العروسات الصغار اوعى من الوشم وحلق الشلوفه وال dj والاستايلات

[الريانه]

ياعماد محمد تحيتك صعبه يعنى ماظن فيه كلام بعد كده مازمان كان الشافع بيلدوه وهو بيبكى هسى بقى بيلدوه وصباعه فى خشمه

[الريانه]

يامرام احسن الواحده تكمل دراستها وهى مدام لانو دى ممكن يساعده فى حاجات كتيره ومغترب ولا محلى اتخيل لى الاخلاق هى الاهم

[الريانه]

بصراحه ياسباعى ناس الكابتن ماجد قاعدين نشوفم مع عيالنا وبنلعب الليدو والسيجه بس ده مامعناه اننا عقولنا صغيره وله شنو؟؟؟؟؟؟؟؟؟؟؟؟؟؟؟ بعدين شمار كده انت عرفتهم من وين وشفت كم حلقه كدى؟؟؟؟؟؟؟؟؟؟؟؟؟؟؟؟؟؟؟؟؟

[الريانه]

ياجلاله ليه كده المغتربين دايرين التوجيه مساكين لسه عايشين فى زمن عدى بالنسبه للسودان ماشافو ناس الموبايلات اخر موديل وناس اللاب طوب

[الطويل]

ياابو رانيه ولا يهمك الشيله على بس عشان ماتقول الريانه خربته وقعدت على تلها


تشكرى يالريانه بس الشيله جاهزه ليها سنه ناقص حق الحفله:D :D

[الريانه]

والله يابو رانيه اكان دى الحيله اخير تخلى بت الناس تشوف سوقه اصلو معروفه الحفله دى بقومو بيها الاصحاب ناس انا على الفنان وانا على الخرفان وكان للصيوان صيوان الجمعيه وكراسيها وصحانته راقده