ابوشوارب يوم شكرك مايجي وهكذا عرفته

[صلاح ودالطاهر]

السلام عليكم ورحمة الله والبركات
أطلقتُ عليه لقب العمدة وعمدتنا
هذا الرجل المدهش طيبة وكرم ومحنة
أبو شوارب
أحببناه من بعد فعرفناه عن قرب
رغم سنوات الغربة الطويلة لكنه لا يزال بلهجتنا الجميلة
يكتب المزح والجد
يتناول المواضيع الاجتماعية بنصح جميل مقبول
لم يشتكِ منه أحد
بل أحبه كل أحد
خفف عني كثيراً عبر النت وعندما اذهب اليه في مكتبه وجدته والجميع معه يغمرون قلبي بدفء الشفاء
حتى تعافيت .. ثم دنا مني أكثر وأكثر حتى وجدته هو أنا ..
أستشيره واستفسره في أمور شتى ما خاب ظني فيه ..
هو الذي قهر المرض وبزل وقته من اجل مدني والمنتدى
كبير مع الكبير صغير مع الصغير لايتكلف الكلام لسانه حلو سلسبيل معرفته بامور الحياة تاتيك منسابه وبسمات ثغرهو الجميل عرفته صديق واب بل واخ كبير
ما خاب ظني فيه .. فهو مهما كتب ومهما عبرت لااستطيع ان افي صالح بل هو السوداني الأصيل وكفى.

[معتز الريح]

حبيبنا ..
أضيف .. وأنيق جداً ..

[مختار بازى]

فليحفظكم الله جميعا فانتم الروعة تمشي علي قدمين
ولا عدمناكم

[صالح ابوشوارب]

شكرا لك الاخ العزيز صلاح ود الطاهر
حقيقة لا استحق هذا الكلام الجميل منك ومن الإخوان والذى جعلني أتوارى خجلا ونحن عندما نكتب للأبناء والإخوان الصغار عمرا . انما نكتب تجارب انسانية تمر في حياتنا نحاول ان ننقلها لهم في شكل درامي . مرة نصطحب معنا الممرضة جميلة ومرة في شكل قصة حب في ود قيحة . فلاحب في محطة ( بنك باركليز دى سي او ) ولا الممرضة (ست ابوها ) .. بل كان القصد تسليط الضوء لفترة زمنية معينة ( نسميها الزمن الجميل ) مصطحبين معنا بطلة لهذه التجارب

خارج النص
أرى يا ود الطاهر المنتدى العام تحول الى القناة الاولى الحكومية مع اعتذارى لك وللاخوان فانت تعلم باننى احاول ان اصون( الكى بوردى ) ولكنه عاصى ×××

ابو الله جـابـــو

[رضا حسن محمد]

عمنا ابو شوارب
يا جميلا مثل العصافير فى بلدنا الراجعة فى عز المطر ايها الممتلى بالتجارب والشجر وحب الاخرين
انت لا تدرى كم نحبك
اليك ما تساقط من زماننا فى مكانك
لك طيبة ود الطاهر وحب نزار وصفاء ود الريح وود المطاميرونقاء نورالعيون ومهيرة ومدنية ومدناوية
لك الحب وانت تموج فى قلوبنا كما يموج استاد مدنى عند احراز هدف للاتحاد
تلاتة سلامات

[صلاح ودالطاهر]

الاخ / معتز والاخ مختار والاخ رضا تشكروا علي مروركم والاخ صالح اكثر مما كتبت

[admin]

شدوا لك ركب فوق مهرك الجماح
ضرغام الرجال الفارس الجحجاح
تمساح الدميرة الما بيصده سلاح
المال ما بيهمك إن كتر وإن راح
***
بطناً جابتك والله ما بتندم
ويا أسد الكداد الفي خلاك رزم
ويا رعد الخريف الفوق سماك دمدم
***

بابك ما انقفل ونارك تجيب اللم
وما بتحلف تقول غير استريح حرم

***
أبواتك جبير بيسدوا للعوجات
ومطمورتك تكيل للخالة والعمات
وفي الجود والكرم إيديك دوام بارزات
ويا أب قلباً حديد في الحوبة ما بتنفات
***
صدرك للصعاب دايماً بعرف العوم
وفي وسط الفريق في الفارغة ما بتحوم
لا تتلام ولا بتعرف تجيب اللوم
تفخر بيك بنات البادية والخرطوم

شدوا لك ركب فوق مهرك الجماح******
ضرغام الرجال الفارس الجحجاح ******
السم النقوع الفي البدن نتاح ******
إعصار المفازة للعيون كتاح *****
المال مابيهمو هوي إن كتر وإن راح*****

[عمر سعيد]

عمنا ابو شوارب
يا جميلا مثل العصافير فى بلدنا الراجعة فى عز المطر ايها الممتلى بالتجارب والشجر وحب الاخرين
انت لا تدرى كم نحبك
اليك ما تساقط من زماننا فى مكانك
لك طيبة ود الطاهر وحب نزار وصفاء ود الريح وود المطاميرونقاء نورالعيون ومهيرة ومدنية ومدناوية
لك الحب وانت تموج فى قلوبنا كما يموج استاد مدنى عند احراز هدف للاتحاد
تلاتة سلامات

في حفل التكريم الذي أقامته الجمعية للأخ البروفسير عوض أبو زيد مختار ، بمناسبة اختياره ممثلاً لمنظمة الصحة العالمية ، كانت الكلمة للأخ البروفسير محي الدين محمد علي مجذوب ، وقد سبقه للمنبر متحدثاً لبقاً ، كانت كلماته كالدرر ، وقد أقتصر الأخ محي الدين خطابة في كلمتين : "حيث أن الأخ فلان ، قد عبر تعبيراً صادقاً عما يجيش في خاطري ، لذا ليس لدي ما أضيفه ، سوى ( وأنا كذلك ) " ، بعدها ترك المنبر وذهب لمقعده وجلس وسط تصفيق الحضور .

وبدوري ليس لدي ما أضيفه على ما أتحفنا به إبننـا ( رضا حسن ) إلاَّ أن أقول وأنا كذلك .. بس مع تعديل في حكاية أن الاستاد يموج لهدف الاتحاد ـ ومع إني والأخ ود الطاهر ( حلاقين ) ـ فشهادة حق " أن الاستاذ يموج لهدف ( سيد الآتيام ) ؟!! " .

وأضيف أن شخصيه الأستاذ ( صالح أبو شوارب ) الإنسانية المتفردة تسري في قلبه ودمه فضلا على انه ، يعكس صورة حية ومشرقة لقادة أفذاذ يقودون ركب (( المنتديات )) .. ورجل بمثل هذه المواصفات ليس بالغريب أن يصفه حبيبنا الشاب ( ود الطاهر ) بعمدة المنتديات ، وأنا أعدل تعديلاً طفيفاً ... وأقترح ( العميد ) بدلاً عن ( العمدة ) .

هنيئاً لنــا جميعاً هذا الرجل الفذ ... وهنيئاً لنا في أن كان من بيننــا من يعرف أقدار الرجال ، ونقول للأخوان ( ود الطاهر ... ومعتز الريح سنهوري ... ومختار باذي ... ورضا حسن ... والآدمن ) شكراً لكم لأنكم عبرتم بصدق عما يجيش في نفوسنا تجاه هذا الرجل الفذ .

ومتعك الله بالصحة والعافية ، وجعلك ذاداً وذُخراً لنـا ( أبا منار ) .

[عوض صقير]

صدرك للصعاب دايماً بعرف العوم
وفي وسط الفريق في الفارغة ما بتحوم
لا تتلام ولا بتعرف تجيب اللوم
تفخر بيك مدنى ومنتدياتها
أبوشوارب

[صالح ابوشوارب]

لك الحب وانت تموج فى قلوبنا كما يموج استاد مدنى عند احراز هدف للاتحاد تلاتة

شكرا حبيبنا واخو حبيبنا وولد اخت حبيبنا وصديقنا احمد عواض على كلماتك الطيبة ولكن انا اهلاوى من زمن ( ابوصاحبو وسيد مصطفي واحمد حامد وحارس سيد الاتيام سيد خاطر) وفعلا يا رضا كان الاستاد يموج لكن عندما ترتاح الكورة في مرمى المرحوم ابراهيم بدوى

[صالح ابوشوارب]

المال مابيهمو هوي إن كتر وإن راح

الاخ الحبيب ود المبارك شكرا ليك لكن انت يا اخوى بدردقنى عشان اسلفك لانك مسافر السودان ولا شنو ؟
عشم ابليس في الجنة

[رضا حسن محمد]

عمنا ابو شوارب
يا ايها العميد
احاول ان اتيك فى رياض الخير
اجلس معك
وود الطاهر جميل الحديث متالق القميص
وشبارقة محامى الحيرة
زول كلس
وعمى عمر سعيد
دخرى الحوبة
حبيب الله والناس
وابو رجوية
البريدو فى الله سيدى
واقعد بيجاى
اشرب معاك الشاى
ما الحظة معاك
قرون وسنين
احول ان اتيك
لكنى فقير
وتذاكر الطيران غالية (كان دينتة الادمن بدين منو )
وارض الرياض عالية
وعمرىقصير
اتمنى ان جلس معاكم واضحك واتخوجج
واموووووووت فى اتحاد مدنى

[مدنيّة]

انا طبعا ما قدرت ادخل البوست دا عشان ما لاقية كلمة تناسب القمة دي

غايتو يا ود الطاهر دخلتنا في حتة سعبة خلاص
الواحد ما ح يقدر يتزل عمنا ابوشوارب ما يستحق من منزلة

بس بقول ربنا يديك الصحة والعافية