عندما نكره الصدفة

[نونا]

طبعا ياجماعة اى زول بتلاقيه صدف كتيرة وغريبة
عايزة احكى ليكم واحدة من الصدف الى لاقتنى



هى مؤلمة جدا


المهم يوم من الايام انا كنتا فى الخرطوم
مشيت مع عمى المستشفى كان عيان المهم الحته كانت زحمة والناس كتيرين وكان معاى اختى وولدها الصغير قمنا مشينا انا وولدها الضغير تحت شجرة كدة عشان الزحمة والجوطة وقعدنا فى مقعد كدة جميل وطبعا ولد اختى شاف ليه واحد بيبيع لعبات واتعبط الا اشترى ليه كوووورةوانا طبعا كرهتى فى الدنيا الكورة بكرها مووت لا نو كل ما يشترى كورة لازم يكسر حا جة فى البيت المهم ابيت اشتريها ليهو:o بعد كدة فى واحد كان قاعد بعيد اتدخل فى الموضوع وقال لى حرام عليك اشترى ليه الكورة
قتا ليه انتا مالك اولا هو لو قال اى شى غير الكورة كنتا اشتريتا ليه لكن كورة لا لحدى اللحظة دى انا ما شفتا ملامح الولد لانو كان مغطى نص وشو بى طاقيه كاااب ما مظهرة ملامحو وقاعد فى كرسى المهم لعب مع ولد اختى واتعرف عليه وسالنى انتى من وين وريتو انى من مدن وطلع هو كمااااان من مدنى ومن مكان اسم الحوش بعد كدة شفتا شكلو والولد كا نفى منتهى الادب والزوق والاخلاق ولتعرف على اختى وعمى وشال رقم تلفونا وقال بزورنا المهم على كدة انتهى الكلام معاه



ولا عرفنا اسمو
ولا اى شى عنو
بعد كدة طلعنا من المشتشفى ومشينا البيت






رجعنا مدنى
بع اسبوع انا اتسلطتا وفتحتا ح\جريدة الدار لااول مرة فى حياتى







لقيت صورة الولد







تعرفو لى؟؟؟؟؟؟؟؟؟؟؟؟؟



لانو




والى الدين لاعب الكورة


السكن مدنى الحوش


بعد كدة ما عر فتا اقول
شنو






كانت صدفة
اعوز بالله منها

[aborawan]

ألا رحمة الله عليه وادخله الله في فسيح جناته والحقه بالصديقين والشهداء وهي فعلاً خصال اهلنا ولايتنا الحبيبة ولا ية الجزيرة ناس فزعة وبتلقوا في المواقف الحلوة والمرة وفعلاً يالها من صدفة

[نونا]

شكرا ابو رواان
دايما انتا سباق فى الرد
ربنا يخليك

[مازن الجمّال]

واتكسرتي فيه ؟؟

[نونا]

والله كل زول بفكر فيها على حسب نيتو!
يا رست مان



لو انتا جارى طوالى للمعنى دا


اوكى
فى ناس قدروا معانى اكبر من كدة

[امير عبدالباقي]

ربه صدفه خير من ميعاد
ربنا يرحمه

[مازن الجمّال]

ما تزعلى يا ننوية ياخ ,,

بهظر بس ..

وعموما آسف .. لو يرضيك كدا !!

[امير عبدالباقي]

راستا البنات الموجودات كلهم اخواتنا
نرجو ان نعاملهم بكل احترم ؛ والهظار المفروض في حدود لانو ازا تجاوز الحدود بفقد الاحترام
تحياتي لكم جميعا

[مازن الجمّال]

امير عبد الباقي ..

عفوا يا استاذي الفاضل ..

انا لما اضفت التعليق دا ما قصدت بيه حاجة ..

وعموما لما شفتها اضايقت رجعت اعتزرت ليها بسرعة ..

فأرجو من سعادتك انك ما تبني طوب بدون مونة





وعموما انا بكرر اسفي لسة لاختنا نونا ..


راستا

[أبوريلان]

نترحم على اللاعب الفذ الذى أبهج جماهير السودان بموهبته التى لا تكرر وندعو له بالمغفره ومشكوره أختنا نونا على إعترافك وكلنا خطاؤن وخير الخطاؤن التوابون وأكيد الشخص لو ما عرفتو تجهلوا .

[الزين]

الاخت نونا تحياتى

فعلا صدفه ماساويه تتجلى فيها لعبه القدر فى ترتيب الاحداث والتدخل بوضع نها ياتها ارجو انت لا تتشاءمى من هذه الصدف بقدر ما فيها من العبر .......واكيد هنالك صدف جمليه فى حياتك نحن فى انتظارها وكثير من الناس ما نسميه (الصدفه) غيرت مجرى حياتهم ......وانا من الناس جمعتنى الصدفه بناس اعزاء وكانو من الطف الناس تعلمت منهم الكثير فى مشوار الحياه
وانا متاكد كل زول فى المنتدى عندو صدفه فى حياتو .وياريت يكتبوا عنها....
شكرا للموضوع الجميل تانى ...........

حاشيه:

الاخت نونا


ارجو انا اعلق قليلا على ردك للاخ اللطيف(راستا) ملح المنتدى صاحب التعليقات اللازعه وهو صاحب قلم ممتميز او هو بالاحرى صاحب (استايل) فى الكتابه والرد اقرب الى ما يسمى ب(الكوميديا السوداء) وهو اسلوب معروف وقديم ليس هنا مجاله ومحبب وله جمهوره ...لا يساورنى الشك فى حسن نيته الاخ راستا واللامر برمته سوء فهم فقط لاغير ...مع محبتى لكما معا ..اخوك زين

[الزين]

الاخت نونا تحياتى

فعلا صدفه ماساويه تتجلى فيها لعبه القدر فى ترتيب الاحداث والتدخل بوضع نها ياتها ارجو انت لا تتشاءمى من هذه الصدف بقدر ما فيها من العبر .......واكيد هنالك صدف جمليه فى حياتك نحن فى انتظارها وكثير من الناس ما نسميه (الصدفه) غيرت مجرى حياتهم ......وانا من الناس جمعتنى الصدفه بناس اعزاء وكانو من الطف الناس تعلمت منهم الكثير فى مشوار الحياه
وانا متاكد كل زول فى المنتدى عندو صدفه فى حياتو .وياريت يكتبوا عنها....
شكرا للموضوع الجميل تانى ...........

حاشيه:

الاخت نونا


ارجو انا اعلق قليلا على ردك للاخ اللطيف(راستا) ملح المنتدى صاحب التعليقات اللازعه وهو صاحب قلم ممتميز او هو بالاحرى صاحب (استايل) فى الكتابه والرد اقرب الى ما يسمى ب(الكوميديا السوداء) وهو اسلوب معروف وقديم ليس هنا مجاله ومحبب وله جمهوره ...لا يساورنى الشك فى حسن نيته الاخ راستا واللامر برمته سوء فهم فقط لاغير ...مع محبتى لكما معا ..اخوك زين

[نونا]

تيلم يا اخ الزين ورايك وصلنى مشكور على مشاركاتك

[خالد حمد موسى]

الف رحمه ونورلفقيد الشباب وفقيدالكره السودانيه والي الدين وان شاءالله ربنايتقبله مع الشهداءوالصديقين لك التحيه نوناوهزه صدفه وتفضل الزكري ....

[ابوقيس]

رحمه الله علي فقيد الشباب الوالي الغالي علينا

واما بخصوص الاخ الموضوع عااادي

واحتمال حب يتعرف عليك وانت كان تبادريه بنفس الشعور

وصدقيني احتمال من جلستك هذه تقدري تحكي عليه اكتر واكتر

وبقول المثل رب صدفه خير من الف ميعاد

[ابوقيس]

رحمه الله علي فقيد الشباب الوالي الغالي علينا

واما بخصوص الاخ الموضوع عااادي

واحتمال حب يتعرف عليك وانت كان تبادريه بنفس الشعور

وصدقيني احتمال من جلستك هذه تقدري تحكي عليه اكتر واكتر

وبقول المثل رب صدفه خير من الف ميعاد

وليك مني الف تحيه وسلام