تعريف الزواج بأعين المتشائمين

[صديق بلال]

الزواج هو غلطة، ورطة وطول العمر ربطة ياتصيب يا تخيب يا تجيب جلطة......
إذا أنت يا أيها القارئ من أي نوع تكون أنت؟

[مختار بازى]

الزواج هو غلطة، ورطه وطول العمر ربطه ياتصيب يا تخيب يا تجيب جلطة......
إذا أنت يا أيها القارئ من أي نوع إنت

اجيب ليك صحبي ابورانيا يديك رايو اول باقي لي هو خطير في الشغلة دي:D

[Madanawi]

حسب رأي القرآن وهو الحق من عند الله هدى للعالمين
الزواج هو ميثاق غليظ .. شعوب وقبائل تتعارف وتمتزج
هو نسباً وصهرا .. هو ذرية وامتداد للجنس البشري .. وهو
مـــــــــودة .. ورحــــــــــــــمة

[هشام السماني إبراهيم]

انا بترك الاجابة للاخ سوااااح :D
لك تحياتي

[معتز الريح]

من الاقوال الماثورة لجحا عن الزواج:
قبح الله من تزوجوا قبلي..لان احدا منهم لم يحك لي شيئا..
وقبح الله ايضا من تزوجوا بعدي..لان احدا منهم لم يستشرني ..

في رايكم .. جحا ده كان معاهو حق؟؟

[صديق بلال]

حسب رأي القرآن وهو الحق من عند الله هدى للعالمين
الزواج هو ميثاق غليظ .. شعوب وقبائل تتعارف وتمتزج
هو نسباً وصهرا .. هو ذرية وامتداد للجنس البشري .. وهو
مـــــــــودة .. ورحــــــــــــــمة

بيض الله وجهك يا أخي الكريم ففعلا هذا هو الرأي الصائب والذي يجب على كل مسلم ومسلمة أن يقتدوا به فالدين الإسلامي قد أعطى كل شئ حقه... فما من شئ يخطر على بالك من تساؤلات إلا تجد الشريعة الإسلامية لديها جميع الإجابات عن هذه التساؤلات.. فهذا هو الدين القيم المكتمل الذي يسعد من عمل به دنيا وآخرة ومن بعد عنه فقد خسر خسرانا عظيما...ونسأل الله أن يوفق جميع المتزوجين ومن لديهم رغبة في الزواج.. وبالله التوفيق

[ابوندى]

شنو يا صديق بلال رميتنا بصاروخ وخوفت الجماعة العزابة ولمان مدناوى اداك كبسولة حصلتو باسكود ورميته , شنو الحركات دى
وكمان خليت ناس معتز يتململو ويرموها فى جحا

[صديق بلال]

شنو يا صديق بلال رميتنا بصاروخ وخوفت الجماعة العزابة ولمان مدناوى اداك كبسولة حصلتو باسكود ورميته , شنو الحركات دى
وكمان خليت ناس معتز يتململو ويرموها فى جحا



شوفت كيف يا أخي أبو ندى... الصاروخ اللي رميته ده صاروخ فالوسو كله هوى في هوى أما الصاروخ الحقيقي حا يجيك من مراتك... لأنك من كلامك ده فضحك يدل على نيتك للزواج تاني مرة... فأحسن ليك تشوف مخبـأ تحصن نفسك فيه من الصاروخ الحقيقي ويمكن يكون كيماوي أو جرثومي.. وما عندي المعلومات الكافية عن أم ندى... يمكن تمتلك صاروخ نووي...فنروح فيها كلنا والله يستر للمتزوجين والعزابة....... واللا شنوا يا أخينا أبو ندى

[الطويل]

الزواج هو غلطة، ورطه وطول العمر ربطه ياتصيب يا تخيب يا تجيب جلطة......
إذا أنت يا أيها القارئ من أي نوع إنت


ههههههههههههههههههههههههه

ياشيخ حرام عليك الزواج ده نص الدين

بس بختلف على حسب الزوجه يعنى لو الزوجه انسانه فاهمه وعاقله أكيد ح أكون زواج عجيب ورهيب وتبوس يدك ظهر وعصر

لكن لو الزوجه نكتيه وفقريه ح أكون غلطه وورطه وجلطه

وانشاء الله كلنا من اصحاب الجلطه :D لأنو الزوجه لو ما كانت نقناقه العيشه ما بتكون حلوه والله العظيم

[الطويل]

اجيب ليك صحبي ابورانيا يديك رايو اول باقي لي هو خطير في الشغلة دي:D


يامخو لكن صاحبك لسه ماجرب لكن عندى فكره بس :D

[رضا حسن محمد]

الهزار
الزواج اتنين ساكنين مع بعض واحد ثقيل ما بدفع الايجار


الجد
الزواج اجمل شى فى الوجود خاصة لوكانت المدام بت دبلوك

[صديق بلال]

ههههههههههههههههههههههههه

ياشيخ حرام عليك الزواج ده نص الدين

بس بختلف على حسب الزوجه يعنى لو الزوجه انسانه فاهمه وعاقله أكيد ح أكون زواج عجيب ورهيب وتبوس يدك ظهر وعصر

لكن لو الزوجه نكتيه وفقريه ح أكون غلطه وورطه وجلطه

وانشاء الله كلنا من اصحاب الجلطه :D لأنو الزوجه لو ما كانت نقناقه العيشه ما بتكون حلوه والله العظيم

خلاص ياحبيبنا أبو رانية ها نسميك من اللحظة دي أبو جلطة ومراتك أم جلطة والمحروسة رانية هي الجلطة....

[صديق بلال]

نشكر الجميع على مشاركتهم اللطيفة... ونتمنى لكم حياة سعيدة دوما... سواء مع الجلطات... أو الحنينات...

[ابوندى]

عينك في الفيل تطعن في ضلو
شوف يا صديق , انت الظاهر عليك ضاربنك بي صاروخ قصير المدى ودا المخليك تنطط وتجقلب وتسخن في صواريخ الناس , بالله دا صاروخ صغير عمل فيك كدا الظاهر انو وزارة الداخلية عندك فيها احتياطى مركزى ودفتر تمام ,,,خلى الجرسة دى وواجه صواريخك الجاية بدل ما تولع نيران الصواريخ التانية القواعدها محمية
ونصيحة منى ليك........... اجمد شوية

[طارق محمد الحسن]

السلام عليكم اها الزواج دا ماورطة لكن شر لابد منة نسال اللة السلامة

[الطويل]

خلاص ياحبيبنا أبو رانية ها نسميك من اللحظة دي أبو جلطة ومراتك أم جلطة والمحروسة رانية هي الجلطة....


هههههههههههههههههههههههههههههههههههههههه

الله أجيب أم الجلطه والجلطه يارب:D :D

[صديق بلال]

عينك في الفيل تطعن في ضلو
شوف يا صديق , انت الظاهر عليك ضاربنك بي صاروخ قصير المدى ودا المخليك تنطط وتجقلب وتسخن في صواريخ الناس , بالله دا صاروخ صغير عمل فيك كدا الظاهر انو وزارة الداخلية عندك فيها احتياطى مركزى ودفتر تمام ,,,خلى الجرسة دى وواجه صواريخك الجاية بدل ما تولع نيران الصواريخ التانية القواعدها محمية
ونصيحة منى ليك........... اجمد شوية

يا حبيبنا أبو ندى....
الصواريخ اللي بتتكلم عنو نحنا تعودنا على ضرباته... ذي ما قالو في المثل... ضرب الحبيب ذي أكل الزبيب... ونحن شغلبنا المثل ده... نقول فيه... ضرب صواريخ الحبيب ذي أكل الزبيب... أما المشكلة عندك لإنك حتى دلحين ما تعرف مدى الصاروخ اللي حا تنضرب بيهو من الحرس الثوري اللي عندك في معسكر البيت... بس أنصحك عشان تتعود على الضربة المرتقبة... روح عند حماتك وقليها تجرب فيك الصاروخ اللي معاها لإنو صاروخ قديم وعتيق من أيام الحرب العالمية الأخيرة....