مواقف وذكريات لدينا بالمنتدى

[عوض صقير]

محاولة بتقليب بعض صفحات الذاكرةياشباب أكيد لكل منا مواقف وذكريات فى بداية عهده بالمنتدى أبدأءها لكم بموقف طريف حصل لىوهوعند أول دخول لى بالمنتدى بعد التسجيل مباشرة فتحت بوست بأسم تكوين رابطة أبناء ودمدنى كاتب البوست الأخ العزيز خالد هاشم وبعد قرأتى للموضوع وكتابة عنوانى وهواتفى كما يطلب البوست , قمت بأنزال موضوع جديد بنفس البوست بعنوان مفتاح الجنة وهو موضوع دينى وفى اليوم التالى أستلمت رسالة خاصة من الأخ نزار حسن كمشرف تحدث معى بأدب وشفافية ورحب بى بالمنتدى أجمل ترحيب ثم قام بتوضيح ملاحظته بأننى قمت بكتابة موضوع فى بوست موضوع آخر وأن موضوعك يجب أن يكون فى القسم الأسلامى ومن ثم قام بنقله للقسم الأسلامى وأعتذر لى وبكل صدق رسالة أخى نزار حسن كان لها صدى طيب فى نفسى وكانت بمثابة تحفيز لى بالأستمرار بهذا المنتدىمع العلم بأن نزار لم يكن يعرف عند كتابة الرسالة بأن عوض صقير هذا هو زميل دراسته السابق وأنما تم معرفة ذلك لاحقايلا ياجماعة مواقفكم وذكرياتكم

[بدر الدين محمد]

نفذت الى المنتدى من خلال نفاج موقع ود مدني حيث انني كنت دائم الزيارة لموقع ودمدني وبمجرد ما دخلت موقع المنتدى وانا منبهر باقسامه وجدت اسم (عوض صقير) سجلت ودخلت توش في البوستات سلام وسؤال عن الاهل مافاهم موضوع المنتدى وفاكر انو خاص بالشباب وحركاتهم تماما مثل كاتب موضوع (صديق عبد الله الصديق في الميزان) ... وشوية شويه اندمجت في اولاد مدني واستفدت التواصل الشخصى ومعرفة الكثيرين .. الشكر لعوض صقير

[نزار حسن محمد]

دخلت عبر غوغال ابحث عن كلمة ودمدنى ..وكان فى ذلك الوقت توجد جريدة الجزيره الخاصه بمشروع الجزيره موجوده فى الصفحه الرئسيه كانت تصدر كل خميس فكنت احسب الايام حتى يصدر العدد الجديد .وعندما تتاخر كنت اقراء مقالة الاستاذ عمر سعيد والاستاذ صلاح الباشا والاستاذ عمر غلام الله طول هذه الفتره لم ادخل على المنتدى والتى استمرة لااكثر من عام
عند تسجيلى بالمنتدى واول مشاركه لى رد على اخى العزيز جدا ود الماذون والحبيب ود الماحى والغالى نبيل حمدتو ..وبعد اقل من اسبوع وصلت النت لمنزلى من اجل منتدى ودمدنى ومن اليوم داك الى يومنا هذا لايربطنى بالنت غير منتدى ودمدنى..تحيه خاصه لرفيق الدرب عوض صقير.وكل الاحباب بالمنتدى ..ودحسن

[Madanawi]

مشكور استاذنا عوض صقير على هذه الاطلالة الجميلة والاتكاءة التي من شأنها أن ترفع الطوب وتطلع بعض الع................. المهم يا حبيبنا انا والكاشف اخوي ابو عكاز قصتنا واحدة برضو قوووووووقل .. ودمدني ومن ديك وعيك .. شكلنا عشان من بركات يمكن.
لكن يا عوض نزار بيكون عرفك ولا ما كان رسّل ليك رسالة ظريفة زي دي .. كان لحقك العكّاز ومعاه كرسي طائر .. أو قل طبق طائر.

[صلاح ودالطاهر]

اولا اخي أحب من خلال مشاركتي انا اتقدم باسمي آيات المنى والاخاء.... للاخ ابوبكر حيث جمعنا باخوان ماكنت احلم ان التقي بهم لكن بفضل موقع مدينة ودمدني تعرفت عليهم بالرغم ان بعض الاخوه لم التقيهم بس تعرفت عليهم عن طريق الهاتف لكن احسست كأنني اعرفهم لي سنين ودنين المهم اول دخول كان عن طريق عمكم قوقال وكان ذالك في شهر 6/2004 م وكان رقم العضويه رقم مميز 494 و اول موضوع كتبته هو موضوع مايحزنني وكنت متعصب بشكل كبير لمدني لكن موضوعي لم يفهم صاح وتعرضت للهجوم شنيع فكتبت موضوع اخرى يوضح اسباب مايحزنني واتذكر اتصال الاخ خالد هاشم ربنا يشفيه وعندما تجاذبته معه اطراف الحديث اوضحت له سبب كتابتي للموضوع كما اتصل علي الاخ امير عبدالباقي بعد المناقشه في موضوعي ...طلب مني ان اذهب الي الاخ صالح ابوشوارب حتي اتعرف عليه وكانت جوالات الكمره في اول دخولها الي السعوديه وكنت كل مره اتصل علي الاخ صالح عشان اقابله يقول لي في مخرج 14 كل مره مخرج 14 في الرياض المهم مره قلت سجن سجن غرامه غرامه ذهبت اليه طبعا عمنا صالح كان واضع صوره رمزيه وهويرتدي قميص تحرمني منك وهو لسانو طويل والاخ امير تعرض للدغه من عمنا ابوشوارب وكان خائف انو امير مرسلني ليهوو معي جوال الكمره فاول مادخلت عليه طبعا قابلني بكرمه الحاتمي الفياض وقال لي اولاً في التبادي قبل كل شي معك جوال كمره لومعاك انا عندي مشوار للمخرج 14 ولو مامعك اقعد اشرب معنا شاي ونسكافي وعرفت من ديك مخرج 14 بتاع صالح يعني مخارجه وانا كنت اظن مخرج 14 الطريق الموجود في الرياض الدائري الشرقي ولنا عوده

[صلاح ودالطاهر]

اها نحن في انتظار الاخوه ولاخوات

[مختار بازى]

طبعا انا وقوقل صديقين حميمين ما بنتفارق اصلو والحمد لله ما مقصر معاي ابدا في شيء ما حصل طلبتة منو طلب اتاخر علي في شيء طبعا انا كنتة بدخل علي كبري الشركات عن طريقو وبطلع علي الحسابات بس من غير ما احاول العب فيها ولا احول اي شيء منها المهم قلتة ياخ كدي فتش عن مدني والكلام دا بالتحديد في شهر ديسمبر /2006 والنتيجة ظهرت لي في الصفحة من ضمنها منتديات ودمدني خشيت عليهو علي طول وبديت اتصفح في المنتدي الاسلامي اول شيء والله ومن بعدو خشيت علي الثقافي وباقي المنتديات وبعد ما خلصت تصفح علي طول طلبتة عضوية في نفس اليوم وجاتني عضوية بي رقم 4024 ما اترددتة في التواصل مع الناس وعلي فكرة والله انا الرقم اربعة وعشرين دا عندو معاي تار علي ما اعتقد ما ممكن يكون في ارقام بتخصني الا واجد الرقم 24 من بينها ومن اليوم داك انا ومنتديات ودمدني مع بعض علي طول علي طول ووجودكم وروحكم المرحة دي بتجبر الواحد علي التواجد بينكم وربنا ما يحرمنا منكم

[عوض صقير]

وين ياجماعة باقى الأعضاء
ومواقفهم ؟