الشيب .. الصبغة .. الإجازة ..

[معتز الريح]

بيناتهم علاقة؟ ..
احتمال ..

[معتز الريح]

ده طبعاً لو في شعر أصلاً ..

[عثمان جلالة]

عزيزي معتز .... تحياتي

العلاقة موجودة للأخوان المغتربين لسنوات عديدة .... الغربة بتجيب الشيب من الكفيل وحوادث السيارات ... ومخالفات المرور ... وضرائب السفارة السودانية ... وعشان يضاري الشيب بعمل صبغة ... لكن السؤال : الجماعة البعملوا خروج وعودة (6) شهور ممكن تصمد الصبغة طوال الفترة دي ولا محتاجة تجديد ... السؤال ليك يا المنطط عينيك

[معتز الريح]

بداية نتفق انو الشيب ما مرتبط بالعمر ..
والوراثة ليها دور كبير ..
والهموم ليها دورها ..
والعيال ..
والبنات وتربية البنات ..

[معتز الريح]

السؤال : الجماعة البعملوا خروج وعودة (6) شهور ممكن تصمد الصبغة طوال الفترة دي ولا محتاجة تجديد ...

العزيز جلالة ..
إضافتك مليانه ..
وبيني وبينك مافي زول بقى ياخد اجازة سته شهور .. ولو اخدها أكيد بيكون ماخد البكفيهو .. يعني جات على الصبغة؟؟ ..
خليك قريب ..

[معتز الريح]

انا غايتو ..
ماشايف فيها حاجه ..
الشايف فيها حاجه يورينا ..

[هاني 2]

ابو النسب.....
العلاقة بينهم ( حرف الالف واللام في كل ) هههههههههههههههههههههههههههه

[هاني 2]

شنو ياابو النسب....
دي مقصودة ولا جاءت كده .....

[مدنيّة]

عليك الله يا معتز بس سعال ÷ الطائر كدا

بتجيب المواتيع دي من وين :D

[samar_taha]

ما تعملوها في الغربة والعيال والهموم
والإعتراف بالحق فضيلة
يعني ما فيها حاجة لما تقولوا كبرنا وكبرت أحزانا
دايريين تعيشوا زمنكم وزمن غيركم

[معتز الريح]

شنو ياابو النسب....
دي مقصودة ولا جاءت كده .....

شنو يا حبيب ..
انت معاهم ولا شنو ؟؟ ...

[معتز الريح]

عليك الله يا معتز بس سعال ÷ الطائر كدا بتجيب المواضيع دي من وين :D



من راسي الما فيهو شيب ده ..

[معتز الريح]

ما تعملوها في الغربة والعيال والهموم
والإعتراف بالحق فضيلة
يعني ما فيها حاجة لما تقولوا كبرنا وكبرت أحزانا
دايريين تعيشوا زمنكم وزمن غيركم

اختنا سمر طه ..
والله الشيب ده ولا عايز كُبر ولا حاجه ..
في أطفال مشيبين ..
انت رايك في الصبغة شنو؟

[معتز الريح]

الظاهر المتورطين كتاااااااااااااااار

[الطويل]

العلاقه بين الشيب والصبغه والاجازه

المغترب

المغترب وقت اجى نازل بلدو أقضى اجازتو بصبغ شعرو بالصبغه :D

[samar_taha]

طبعا يا معتز يا خوي الصبغة بتجيب ليها تبعات , يعني صبغة شعر وسبسة وجل وقميص أصفر وجزمة سبورت يعني ما قصة صبغة بس معاها جهالة (بفتح الجيم ),
كان على الصبغة براها هينة

[معتز الريح]

العلاقه بين الشيب والصبغه والاجازه
المغترب
المغترب وقت اجى نازل بلدو أقضى اجازتو بصبغ شعرو بالصبغه :D

الحبيب أبورانيا ..
طيب لو قلنا العلاقة بين الشيب والصبغة ..
ناس كتيرين بدخلوا فيها ..

[معتز الريح]

طبعا يا معتز يا خوي الصبغة بتجيب ليها تبعات , يعني صبغة شعر وسبسة وجل وقميص أصفر وجزمة سبورت يعني ما قصة صبغة بس معاها جهالة (بفتح الجيم ),
كان على الصبغة براها هينة

طيب ومالو؟ ..
انت شايفاها غلط ؟؟ ..

ليه الواحد ما بظبط نفسه إلا يكون نازل إجازه ..
عايز يوري الجماعه هناك شنو؟؟

[هشام السماني إبراهيم]

الشيب ,, الصبغة ,, الإجازة = صلعه

من كتر المصاريف

تحيات من قريبك سلام

[خالد النور]

والله الشيب دا قصة حاجات كتير بتجيب الشيب المشاكل والهموم والفلوووس والفلس والحبكانه
والصبغة هى البطانية البتغطى الشيب والعلاقة بين الشيب والصبغة والإجازة هى القنزب (الفلوس)
بالفلوس بصبغ الشعر من الشيب وبالفلوس بمتمشى للإجازة وتتجدع بالشعر الأسود

[معتز الريح]

الشيب ,, الصبغة ,, الإجازة = صلعه من كتر المصاريف

يا قريبي ..
لكن رايك في الصبغة والبصبغوا شنو؟

[خالد النور]

هناك ثلاثة أنواع من صبغات الشعر: - الصبغات النباتية: تعرف منذ الأزل وقد استخدمها قدماء المصريين والصينيين والهنود منذ آلاف السنين والتي منها الحناء (الحنة) والكحل، وأنواع أخرى تستخرج من خشب الجمل ومن الشاي الصيني. - الصبغات العضوية الصناعية: وهي الأكثر استعمالاً، وقد تكون مؤقتة أو شبه دائمة، وتقوم الأصباغ الصناعية بتغيير لون الشعر من خلال ترسب هذه الأصباغ على طبقة الكراتين الخارجية للشعر، وفي بعض الأحيان تخترق الأصباغ جدار الشعرة إلى داخلها، وللصبغات الصناعية مزايا عديدة منها أن وقت التعرض للصبغة يكون قصيراً حوالي 45 دقيقة أو أقل، كما أن بالإمكان تغيير تركيز الصبغة وإمكانية الحصول على كل درجات الألوان، وهي لا تزول بالماء واستخدام الشامبو المتكرر، ومن الآثار الجانبية للأصباغ العضوية الصناعية حدوث حساسية أو أكزيما تلامسية بنوعيها التهيجي والمناعي في الجلد، ويعود ذلك لاحتوائها على عدة مواد كيميائية . - الصبغات المعدنية الأصل : كالأملاح غير العضوية، وما يتبعها من تغييرات كيميائية عند الاستخدام ومن المعروف أنها تسبب تقصف الشعر مع كثرة الاستعمال. وفي النهاية ينصح الخبراء باستشارة الطبيب المختص بالأمراض الجلدية قبل اللجوء إلى أي وسيلة أو استخدام أي نوع من أنواع صباغات الشعر من اجل تجنب المضاعفات والتأثيرات غير المرغوبة التي يمكن أن تنجم عنها.



وبالعربى الفصيح البصبغ شعرهم دايرين يورو القرمبوز الوجاهة والمنظر الحسن وانا شخصيا ما من أنصارهم ولو الشعر بقى تلاتة جبنة وواحد فول

[معتز الريح]

والله الشيب دا قصة حاجات كتير بتجيب الشيب المشاكل والهموم والفلوووس والفلس والحبكانه
والصبغة هى البطانية البتغطى الشيب والعلاقة بين الشيب والصبغة والإجازة هى القنزب (الفلوس)بالفلوس بصبغ الشعر من الشيب وبالفلوس بمتمشى للإجازة وتتجدع بالشعر الأسود

حبيبنا خالد ..
يعني انت مع الصبغة ولا ضدها ..

[خالد النور]

وبالعربى الفصيح البصبغ شعرهم دايرين يورو القرمبوز الوجاهة والمنظر الحسن وانا شخصيا ما من أنصارهم ولو الشعر بقى تلاتة جبنة وواحد فول

[Madanawi]

انا يا حبيبنا بديك العلاقة بين الاجازة والشيب والصلعة
لانو الواحد لما يجي ماشي اجازة وما عندو قروش
الشيب بيطلع واحيانا معاه قرون ومن هنا
تبدأ الصلعة ومشوار حياة بلا شامبو

[معتز الريح]

انا يا حبيبنا بديك العلاقة بين الاجازة والشيبوالصلعة
لانو الواحد لما يجي ماشي اجازة وما عندو قروش
الشيب بيطلع واحيانا معاه قرون ومن هنا
تبدأ الصلعة ومشوار حياة بلا شامبو

الصبغة يا أبوأحمد ما الصلعة ..
الشيب .. الصبغة .. الإجازة ..

ليه البصبغ ده بصبغ بس لما يكون نازل إجازه
ما يديها صبغة على طول ..

بيني وبينك السودان مليان بالناس البتصبغ ..
يعني الحكاية ما المغتربين براهم ..
ومنتظرك

[هشام السماني إبراهيم]

الشيب وقااااااااااااااار
مافي داعي للصبغة

[الفارس البنفسجي]

يا معتز يا أخوي

الشيب دا خشم بيوت
في شيب مبكر
وفي شيب بتاع جيب
وفي شيب بتاع زهللة
وفي شيب ما معروف
سببو!!

أها ما قلت لينا أنت قاصد
ياتو شيب ؟

تخريمة : أنا شاكي أن راسك
مليااااااااااااااااااااااان شيب!!

[معتز الريح]

الشيب وقااااااااااااااار
مافي داعي للصبغة

أها يا هشام في ناس الوقار ده ما دايرنوا..
مش أحرار ؟؟ ..

[معتز الريح]

أخونا ضياء ..
منور البوست ..

زي ما قلت الشيب خشم بيوت ..
لكن انا هدفي الصبغة يا حبيب ..
فيها حاجه لو الزول صبغ .. أنا شايفها عادي ..

تخريمة للتخريمة :
كان في شيب بجيني .. بجيني من ناس المنقول
ولا شنو يا مختار ويا مدنية ..دي موازرة مني

[صلاح ودالطاهر]

الحبيب أبوعلا ..
طيب لو قلنا العلاقة بين الشيب والصبغة ..
ناس كتيرين بدخلوا فيها ..

اها يامعتز ارجع فوق شوف الكاتب ابوعُلا ولابورانيا قال صبغه قال اها ده نقول عليهو شنو
http://www.wadmadani.com/vb/member.php?u=5163

[معتز الريح]

اها يامعتز ارجع فوق شوف الكاتب ابوعُلا ولابورانيا قال صبغه قال اها ده نقول عليهو شنو..

حبيبنا ود الطاهر ..
انتم السابقون .. لكن بيني وبينك لحقتها ..
بركة دي الجابتك البوست ..
اها دي عرفناها .. الصبغة نظامها معاك شنو؟؟
تعال تاني ..

[معتز الريح]

يا حبايب
البوست ده بوديني لسؤال تاني ..
هل نحنا شعب بهتم بنفسو شكلياً ؟؟؟..

ما يجيني واحد يقول لي الكلام على الجوهر ..

[Madanawi]

الاجابة عموما .. في زمن مضى .. لا يهتم الناس بالمظهر كثيرا .. قليلا نعم
وتفصيلا .. في الوقت الحالي هنالك تزايد في عدد من يهتمون بالمظهر الخارجي
فمتطلبات الحياة المعاصرة تستوجب المظهرالجيد اكثر من ذي قبل.

[معتز الريح]

فمتطلبات الحياة المعاصرة تستوجب المظهرالجيد اكثر من ذي قبل.

مشكور يا حبيب ..
ده المفيد ..

[معتز الريح]

بسم الله الرحمن الرحيم
الحمد لله رب العالمين، والصلاة والسلام على سيدنا محمد خاتم الأنبياء والمرسلين، وعلى آله وأصحابه أجمعين، والتابعين، ومن تبع هداهم بإحسان إلى يوم الدين، وبعد:
فلا مانع من أن تصبغ المرأة شعرها باللون الذي ترغب فيه، أسود أو غيره.
أما الرجل فالجمهور على كراهة أن يصبغ بالأسود حناء كان أو غيرها، وأجازه البعض، وقد ثبت عن عدد من الصحابة الأجلة أنهم كانوا يصبغون بالأسود، والأول أقوى دليلاً وأحوط، لما ثبت في السنة من نهي الرجال عن الصبغ بالأسود.
والله تعالى أعلم.

وده الرابط ..
http://www.islamic-fatwa.com/index.php?module=fatwa&id=6643

[أبوياسر]

يا حبايب
البوست ده بوديني لسؤال تاني ..
هل نحنا شعب بهتم بنفسو شكلياً ؟؟؟..

ما يجيني واحد يقول لي الكلام على الجوهر ..

ياصديقي
الشيخ فرح قال كل يا كمي قبل فمي
والله بكل أسف لدينا عدد كبير من أخواننا لا يعيرون المظهر حقه وإليك هذه الواقعة
طلبت شركة موظف لديه ماجستير وخبرة معينة أرسل المتقدمون لهذه الوظيفة السيرة الذاتية عبر الفاكس كان من ضمن الذين تقدموا سوداني فيه كل المواصفات المطلوبة وأكثر وكانت الشركة قد وضعت راتب مسبق لهذه الوظيفة وفي يوم المقابلة الشخصية جاء الزول فاكي القميص ولابس شبشب والمشية كيف بعد المعاينة تقرر إعطائه نصف الراتب المقرر وذلك بسبب المظهر فنحن بكل أسف لا نعير هذا الجانب ما يستحقه في حين تجد بعض الشعوب العربية والله ليس لديها مؤهل سوي البدلة المجيهة وحسن المظهر

[معتز الريح]

فنحن بكل أسف لا نعير هذا الجانب ما يستحقه في حين تجد بعض الشعوب العربية والله ليس لديها مؤهل سوي البدلة المجيهة وحسن المظهر

صدقت يا أخي ..