منتدى العوانس

[samar_taha]

أخواتي في منتدى النواعم

تحية طيبة
عندي إقتراح أتمنى ينال إعجابكم
أقترح إنشاء قسم تابع لمندى النواعم , ونسميه قسم العوانس , نناقش فيهو ظاهرة العنوسة وأسبابها وكيفية علاجها أو الحد منها , و كمان المشاكل المصاحبة ليها و الصعوبات التي تواجه العانس والضغوط النفسية والمجتمعية المحيطة بيها ... إلخ إلخ إلخ
وأهم حاجة نكتب عليهو ممنوع دخول الرجال , ولازم ريموز تكتب لينا الرجال لايتزوجون بدل الرجال لا يعقشون , و نعمل بوست ألف باء العنوسة بدل ألف باء الحنكشة .
رايكم شنو ؟؟؟؟
معانا ولا مع الخيانة ؟؟؟؟

[abubaker karar]

بالرغم من أنك قد جعلت الرد و الموقع قاصرا علي النساء إلا أنني أريد أن أقول رأيي وبكل صراحة
أولا : ما ممكن تقولي نسنغني من الرجال وبعدكم عنهم هو سبب العنوسة عشان كده خلي الموقع مختلط.
ثانيا: أنا أؤيد انه الناس تتجه لحل المشكلة وتضع ليها خطط مستقبلية وإرغام الرجل علي الزواج من أربعة .
ثالثا : إدخال اخواتنا الشينات في واحدة من الأربعة لكل رجل .
رابعا : وبالله التوفيق

[samar_taha]

الأخ أبوبكر
نحن قلنا نناقش الأسباب ما قلنا نشرك الأسباب في النقاش
و بعدين لمن يكملوا الرجال غير المتزجين بعد كده نفكر في ( الدبل )
وعلى فكرة العنوسة ما عندها علاقة بالسماحة والشنا , يعني في عانسات جميلات جدا وفي متزوجات شينات برضو , يعني المقياس ما الشكل ؟
عموما أشكر مرورك الكريم

[غيداء نورالدين]

سمر فكرة جميلة انا معاك نشوف باقي النواعم

[مدنيّة]

يعني ياسمورة هي عنوسة وعايزة ليها قسسسسسسسسسسسسسسسم كاااااااااااااامل !!:D

يابتي خلي الطابق مستووووور:p

[ريموز]

[
COLOR="Magenta"]الجواب باين من عنوانو يعنى انتى الشلاقه الليك شنو هم ناس المنتدى قاصدين يسمو النواعم عشان هم بجملو فى الواقع شويه بدل ما يجرحو احساسنا النبيل ونحن المفروض نفهم هم قاصدين شنو بس الناقص نكتب ممنوع دخول الرجال عشان يبقى خاص شويه بعدين كدى انتو سؤال الرجال ديل محشورين فى نصنا كدى فى شنو:rolleyes: الواحده مننا بتجى بتقول تلقى راحتها تقوم تلقى ناس ابو رانيا وناس طلال ومختار محكرين قاعدين ليك فى الكلمه :confused: جنس ديل الا نسوى جدار فصل بينا وبينهم:D
تشكرى على الطرح[/COLOR]

[مختار بازى]

وصلتو وين عندي ليكم اقتراح لو ممكن ؟

[samar_taha]

سمر فكرة جميلة انا معاك نشوف باقي النواعم




غيود حبيبتي اشكرك على تأييد الفكرة وهمتك معانا إنشالله نكون القسم , وأنا بصراحة عايزة أرشحك لرئاستو لأنو عندك افكار بناءة بتعجبني .
أتمنى ليك التوفيق
و تسلمي

[samar_taha]

يعني ياسمورة هي عنوسة وعايزة ليها قسسسسسسسسسسسسسسسم كاااااااااااااامل !!:D

يابتي خلي الطابق مستووووور:p



يا مدون عليك الله ما تكسري مقاديفنا , خليكي متعاونة وأدينا اقتراحاتك
ليك الشكر يا عسل على المرور
تسلمي

[غيداء نورالدين]

غيود حبيبتي اشكرك على تأييد الفكرة وهمتك معانا إنشالله نكون القسم , وأنا بصراحة عايزة أرشحك لرئاستو لأنو عندك افكار بناءة بتعجبني .
أتمنى ليك التوفيق
و تسلمي

الاخت سمر
انشاء الله سوف نكون قسم العوانس ..
وشكرا على كلامك الجميل دا وانشاء الله نكون عند حسن الظن باذن الله تعالى واتمنى التوفيق للجميع
تسلمي يا عسل

[samar_taha]

[
COLOR="Magenta"]الجواب باين من عنوانو يعنى انتى الشلاقه الليك شنو هم ناس المنتدى قاصدين يسمو النواعم عشان هم بجملو فى الواقع شويه بدل ما يجرحو احساسنا النبيل ونحن المفروض نفهم هم قاصدين شنو بس الناقص نكتب ممنوع دخول الرجال عشان يبقى خاص شويه بعدين كدى انتو سؤال الرجال ديل محشورين فى نصنا كدى فى شنو:rolleyes: الواحده مننا بتجى بتقول تلقى راحتها تقوم تلقى ناس ابو رانيا وناس طلال ومختار محكرين قاعدين ليك فى الكلمه :confused: جنس ديل الا نسوى جدار فصل بينا وبينهم:D
تشكرى على الطرح[/COLOR]

عليك نور يا ريموز , وهمتك معانا حبيبتي أنا بالمناسبة مأملة عليك كتير تساندي الطرح ده , ونشوف موضوع حشير الرجال في نصنا وأسى قبل تكملي كلامك مختار جا يشارك , كدى نشوف موضوع الجدار الفاصل ده , ونعمل ليهم خارطة طريق .
تسلمي على الإطلالة

[مختار بازى]

عليك نور يا ريموز , وهمتك معانا حبيبتي أنا بالمناسبة مأملة عليك كتير تساندي الطرح ده , ونشوف موضوع حشير الرجال في نصنا وأسى قبل تكملي كلامك مختار جا يشارك , كدى نشوف موضوع الجدار الفاصل ده , ونعمل ليهم خارطة طريق .
تسلمي على الإطلالة

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[معذة احمد علي]

يا اخونا الفكرة حلوة بس عايزة ليها شوية اجتهاد شدو حيلكوم وحصلونا

[هشام السماني إبراهيم]

انا مع مدنية ومافي داعي للفضايح ودق الصفايح:D :D

[samar_taha]

يا اخونا الفكرة حلوة بس عايزة ليها شوية اجتهاد شدو حيلكوم وحصلونا


معزة
نحن في انتظار أفكاركم ومقترحاتكم , وربنا يوفق
اشكرك على التأييد وعلى المرور كمان
تسلمي

[ابو احمد]

الاخت سمر طول مان انتن معشر النساء عاملات حواجز حتفضلوا عوانس

[samar_taha]

انا مع مدنية ومافي داعي للفضايح ودق الصفايح:D :D



فضايح شنو ؟؟؟
الله لا جاب فضايح

[samar_taha]

الاخت سمر طول مان انتن معشر النساء عاملات حواجز حتفضلوا عوانس

الأخ أبو أحمد إحنا حنعمل الجدار لغاية ما نحلل المشكلة ونشوف الحلول وبعدين نشيلو
تقبل شكر العوانس على المرور والنصيحة

[معتز الريح]

الأخت Samar - Taha
فكرة القسم جميلة ولكن ..
كلمة عانس أوعنوسة كلمة لا تعني حقيقة الأمر ..
وكلمة غير مستحبة (على الأقل بالنسبة لي) ..
فهي كلمة غير مقبولة نفسياً ولا اجتماعياً .. والقصد منها تأخر سن الزواج
فالزواج غير محدد بسن معينة ..
فلا الدين ولا الشرع حدد سن بعدها لا يجوز الزواج ..
قال الرسول صلى الله عليه وسلم ((تنكح المرأة لأربع لدينها ومالها وجمالها وحسبها، فاظفر بذات الدين تربت يداك )) .. ولم يحدد في حديثه عمر أو سن معين ..

فعليه اتمنى اختيار عنوان لا يشمل كلمة عانس
يناقش أسباب تأخر زواج الفتيات ..

[samar_taha]

الأخ معتز
بدءاً تقبل تحياتي وشكري على المرور والإقتراح
ثانياً كلمة عانس كما تفضلت هو المفهوم المتعارف عليه لدى المجتمع للفتاة التي تقدم بها العمر ولم تتزوج , و فعلا فلا الشرع ولا القانون حدد سن معين لزواج الفتيات , ولكن إنما هو المجتمع أولا واخيرا , بتقاليده ومفاهيمة هو الذي يضع الأعراف والقوانين الإجتماعية التي يكون نتاجها مثل هذه القضايا , فبغض النظر عن التسمية فالمشكلة قائمة والسبب فيها المجتمع (للأسف), لذلك كان لابد لي من الإطلالة على هذا المجتمع المصغر (المنتدى) لطرح مثل هذه القضية للتداول , فلعها تكون النواة التي نستطيع بها تغيير أنفسنا وأفكار مجتمعنا حتى يغير الله ما بنا .
فلنجعل أخي معتز محورك هذا بداية النقاش
من الذي يحدد السن المناسب للزواج و ما هي الإعتبارات والأسس التي يقوم عليها هذا التحديد

[نور العيون]

كلام جميل و انا في رؤية بقية الاراء للنقاش

[ابوشوتال]

نحن برضو ما بايرين ياريت منتدي للمعنسين
من الجنسين عشان اشوفوا لينا حل


نحنا قصتنا داير صبر

[samar_taha]

كلام جميل و انا في رؤية بقية الاراء للنقاش

الاخت نور العيون
أشكرك على المرور أولا
وثانياَ
عايزة أسألكم في رأيكم من الذي يحدد السن المناسب وغير المناسب للزواج و ما هو هذا السن و على أي أساس يتم هذا التحديد
ولكم جميعا الشكر

[samar_taha]

نحن برضو ما بايرين ياريت منتدي للمعنسين
من الجنسين عشان اشوفوا لينا حل


نحنا قصتنا داير صبر

يعني قصدك نشكها ونخلص يا ابو شوتال ولا شنو ؟؟؟

ما عندك مشكلة بنحل ليك مشكلتك لو مشكلتنا اتحلت

[صديق بلال]

أخواتي في منتدى النواعم

تحية طيبة
عندي إقتراح أتمنى ينال إعجابكم
أقترح إنشاء قسم تابع لمندى النواعم , ونسميه قسم العوانس , نناقش فيهو ظاهرة العنوسة وأسبابها وكيفية علاجها أو الحد منها , و كمان المشاكل المصاحبة ليها و الصعوبات التي تواجه العانس والضغوط النفسية والمجتمعية المحيطة بيها ... إلخ إلخ إلخ
وأهم حاجة نكتب عليهو ممنوع دخول الرجال , ولازم ريموز تكتب لينا الرجال لايتزوجون بدل الرجال لا يعقشون , و نعمل بوست ألف باء العنوسة بدل ألف باء الحنكشة .
رايكم شنو ؟؟؟؟
معانا ولا مع الخيانة ؟؟؟؟

يا أخت سمر طه... إنني أيضا قد أقحمت مثل هذه الأطروحة في هذا المنتدى... وذكرت فيه الحلول من أهمها هو التعدد وعدم وضع القيود الصعبة من الأباء في زواج أبناءهم... وهناك حلا آخر رغم شرعيته إلا أن الكثيرون يخشون منه ألا وهو زواج المسيار... حيث أن هذا الزواج أصبح ينتشر بشكل ملحوظ في السعودية.. وعموما إنني قد كتبت عن هذا الموضوع عبر هذا المنتدى... إن أردت المزيد من ذلك عليك الدخول في الموضوع المطروح في هذا المنتدى

[samar_taha]

يا أخت سمر طه... إنني أيضا قد أقحمت مثل هذه الأطروحة في هذا المنتدى... وذكرت فيه الحلول من أهمها هو التعدد وعدم وضع القيود الصعبة من الأباء في زواج أبناءهم... وهناك حلا آخر رغم شرعيته إلا أن الكثيرون يخشون منه ألا وهو زواج المسيار... حيث أن هذا الزواج أصبح ينتشر بشكل ملحوظ في السعودية.. وعموما إنني قد كتبت عن هذا الموضوع عبر هذا المنتدى... إن أردت المزيد من ذلك عليك الدخول في الموضوع المطروح في هذا المنتدى

الأخ صديق
بعض الحلول (زواج المسيار مثلاً) قد تكون غير مقبولة إجتماعياً لمجتمع مثل مجتمعنا السوداني ولكن طبعا الشرع لا أحد ينكره ,وذلك بسسب نشأتنا أو بسبب جهلنا بالدين احياناً ,لذلك قد لا نتجاوب معها إلا أنها كما تفضلت قد تكون حل لجزء من المشكلةأما التعدد فقد أصبح واقعا معاش , وقل كثيرا الجدل المثار حوله , أما القيود المفروضة على الزواج من قبل المجتمع فتلك هي الطامة الكبرى والتي تحتاج أن نفرد لها صفحة كاملة نناقش فيها متطلبات الزواج ماهو ضروري وما هو غير ذلك و غلاء المهور أحياناً وارتفاع تكاليف الزواج مما ينفر كثير من الشباب من الإقبال على الزواج .
لك التحية وشكرا على المرور

[fathi farah]

والله هذا الموضوع المقترح حل عند رب العالمين لأن الفتاة لو كانت جميله وربنا ماكتب ليها الزواج لايمكن أن تتزوج والحل هو الدعاء لرب العالمين وليست هناك مشاكل من جانب الرجاله وندعو معكم الله بأن يسهل لكل فتاة إنشاء الله لو وصلت عمر خمسين ان يسهل لها الزواج قولو آمين

[samar_taha]

والله هذا الموضوع المقترح حل عند رب العالمين لأن الفتاة لو كانت جميله وربنا ماكتب ليها الزواج لايمكن أن تتزوج والحل هو الدعاء لرب العالمين وليست هناك مشاكل من جانب الرجاله وندعو معكم الله بأن يسهل لكل فتاة إنشاء الله لو وصلت عمر خمسين ان يسهل لها الزواج قولو آمين

الأخ الفاتح
أي شي في حياتنا بيسير بأمر الله سبحانه وتعالى لكن إحنا نعقد الأمور و نشقيها على روحنا برانا ونتكتف ونقعد من غير ما نناقش مشاكلنا , ونجي نقول الأمر لله , من دون الأخذ بالاسباب
زي الزول العاطل القاعد في البيت ويقول ليك الرزق من الله .
ونعم بالله لكن كمان ربنا أمر بالسعي والعمل والاخذ بالاسباب
وربنا قال بمعنى الاية :
(لو أصابتكم حسنة فمن عند الله وان تصبكم سيئة فمن أنفسكم )

[مصطفي دعوب]

اشكر الأخوات لطرح موضوع بهذه الأهمية وهو يحتاج للمناقشة من الجميع مع انو البنوت ماعايزات تدخل من الرجال لكن عليكم الله موضوع العنوسة ده منو البحلو غير الرجال وكان ما الرجال ادخلو البحلو منو ؟ وبعدين انا سمعت في جدار فاصل وحركات كده ( إسرائيليات يعني ) الجدار مابحلكم مننا !! جاينكم في القسم جاينكم .
والعنوسة حسب علمي البسيط في الأول قسمة ونصيب من عند الله سبحانه وتعالي ثم بعدها تأتي الأسباب الدنيوية . لكن في السودان بقت مشكلة كبيرة ( والمشكلة ريدتك بقت هي المشكلة وريني حل للمشكلة ) عليك الله شوفو فرفور شربكها كيف ، يعني لو اديناهو مشكلة العنوسة ما حايحلها لينا كلو كلو !!! وسبب العنوسة يمكن تقسيمها بالتساوي مابين الأولاد والبنوت . كل له نصيب الأسد في تفشي العنوسة يعني البت في الاول تقول ليك : (( انا مبدور المزارعية بدور البركب العربية )) وفجأة تصحي من الحلم علي صوت قطر مشتت شتات خالي محطات وتقعد تغني (( بالضرا بالضرا يا اب شراء بالضرا انشاء راجل مرة )) و (( سيد الكارو تعال بالتراب الشايلو تعال )) عليكم الله سبب العنوسة منو !!!!!!!!!!!!!!!!!! وبتاع الكارو في الوقت داك مقفل القزاز وعامل فيها اضان الحامل طرشه ولسان حاله يردد ( زمااااااااان ماجيناكم عملتو تقيلين ) هي ياكبري شنبات المرقع بالجنبات بتاع الكارو بقي يتعزز كمان !! .
واغاني البنات في الزمن ده بقت كشف حال عديل ! وهي الخلت حالة العنوسة تظهر علي السطح أو هي البتعبر عن حالة العنوسة عند البنات وكل الأغاني بقت شحدة عديل (( برجاك في محل يوم داك )) ويوم داك هو ولا قابلها ولا حاجة بس قطعتو من رأسها ساي عشان تطمن نفسها انو في واحد كان بقابلها وهي مستنياهو . وكل يوم البنات بتنازلو شوية شوية . في الأول كان (( يالماشي لباريس جيب لي معاك عريس شرطاً يكون لبيس من هيئة التدريس )) وتاني بقي راجل الغرب المابسر القلب - ثم دخلوا في الغريق – ((بختي إنشاء الله راجل أختي )) عليك الله مابالغتوا ؟ وأخيراً الطامة الكبري شغل قلع عديل كده (( مرقوني لي برة وحلفوني اسم الله ، وانا حلفت بي الله راجل المرة مابتخله )) مسخرة وتقعيد وخبيز برا عيد عليك الله شوفو جنس الكلام ده . وبقي فيها شغل جيات باليل (( انا جاياك ياخاينة انت صاحية والله نايمة ، كان انتي مرتو الأولي انا ببقي ليهو الثانية )) - عفيت منكن يابنات حواء – طيب مفروض العنوسة تكون راحت مع راجل الأخت وراجل المرة ده غير البجيبوهو بالعروق . والرجال بقو يخافو من حكاية العروق ( قالو واحد مسطول مشي يخطب بت .. قدمو ليه كباية شاي فيها (كيس لبتون) قال لي صاحبو : أها من قولة تيت ساوين لينا عمل!! ) .
لكن هل هنالك رجال عوانس ؟ الامر متروك للبنات ورونا رأيكم في المسعلة دي وانا عارف انو كلامكم بكون شائري وهلو مازينا نحنا كلامنا كلو دراب .

( نزرة ياهفسة انا شاء الله بالأين البايزة ) .

ودمتم ...

[samar_taha]

أمانة يا مصطفى يا اخوي ما بااااااااااااالغت عدييييييييييييل كده
يا خوي ما خليت لينا صفحة
وهم البنات لو ما الحالة صعبة خااالس كانوا فكروا في راجل المرا وراجل الأخت . ما دي العوجة ذاااتا

[مصطفي دعوب]

[أمانة يا مصطفى يا اخوي ما بااااااااااااالغت عدييييييييييييل كده
يا خوي ما خليت لينا صفحة
وهم البنات لو ما الحالة صعبة خااالس كانوا فكروا في راجل المرا وراجل الأخت . ما دي العوجة ذاااتا

الاخت samar taha مشكورة علي المرور ومعليش للمبااااااااااااالغة لكن حبيت اتناول الموضوع من زاوية منفرجة عشان كده جات المبالغة وعذراً لمن اصابة طرف السوط وانا خليت ليكم صفحة فاضية عشان تتناولوا مشكلة عنوسة الرجال ( بكرة بنغني ليكم مرة الراجل ده حلوه حلا ) .

[ابراهيم]

انا غايتو الموضوع ما بخسني .. وانتو براااكم قلتو جدار وما ادراك من خصوصية .. المهم عن اذنك ياسمر انا بس عايز اسأل مصطفي سؤال واااااحد بس:
الكلام البين الاقواس جبتو من وين!!؟؟ بختي ومرقوني لي برة وجاياكي يا خاينة .. دي اغاني ولا شكل؟؟ انا ظني دة ياهو ذاااتو سبب العنوسة الاغاني دي كان ما انتهت العنوسة ما بتنتهي ..
لكن يا مصطفي ختري

[امنية بكري]

صحي حشير الرجال ما بنفع

شنو يا صديق بلال تعدد شنو يا خوي شوف ليك

حل تاني وبعدين الرجال على قفا من يشيل مافي

غير رجالنا المعرسين ولا هو راجل المره ده -----

وبعدين اول شئ البنات بايرات عشان الاولاد

العطاله نسبتم كبيره موش عشان مافي رجال

والله انا بايد الفكره وبتمنى تنطرح كل الحلول الا

راجل المره ولو لا بد راجلي ما ياخد خبر عن الموضوع هههههههههههههههههههه

وتسلموا

[مجاهد]

والله انا داخل ويدي في قلبي ، لأنو امنية قالت حشير الرجال شنو .. طيب العنوسة دي ما دايرة ليها رجال .. وبعدين لو الاولاد عطالة .. ما عذر .. لأنو البنات قاعدات يقولن ( دايرين نقرا :cool: ) ولا انتو ما معاي يا شباب في النقطة دي .. المهم انا رايي الشخصي كتير حأتكلم فيهو مرات تانية .. ودمتم

[منتهى]

الاخت الغاليه سمر موضوعك جميل جدا وهادف
بس مافى داعى لفصل الرجال لانو ممكن يكون
رايهم هو الحل .

اما فى راى فى اسباب العنوسه هى الفتاة نفسها
لانى بصراحه شايفه البنات بيطلبن مطالب ما بقدر
الواحد عليها لهذا السبب الرجال بقوا متخوفين
من الزواج يعنى المشكله بدايتها الفتاه والشاب
المسكين هو الضحيه

[moh_alnour]

الأخت : سمر طه
في داعي ( للجندرة ) دي ، وشنو هو منتدى ولا جامعة الأحفاد الماعايزة الرجال يدخلوا فيهو دا ، وبعدين أنت بتتكلمي عن موضوع العنوسة يعني تاخر الزواج والزواج عبارة عن علاقة بين طرفين هما الرجل والمرأة ، وياريت أنت وبقية النواعم تكتبوا عن الحوافز التشجيعية التي تجعل الشباب يقبل على الزواج ولا يتخوف من خوض التجربة عندئذ ربما تقل نسبة العنوسة ، بالمناسبة هناك مقولة تقول ( تولد عروساً كل من تولد جميلة ) .
الأخ : دعوب والله كفيت ووفيت ، بس مجرد سؤال أغاني البنات دي جبتها من وين
الأخ : صديق بلال لا أتفق معك في أن الحل في زواج المسيار لأنه يفتقد لكثير من مظاهر الأرتباط الأسري والسكن الأجتماعي المنشود من فكرة الزواج .
الأخت : أمنية بكري شكلك طرف الصوت وصلك بس أنجح حل للعنوسة هو التعدد .

[امنية بكري]

هوووووووووووي يا محمد نور

عرسوا للرجال المامعرسين وبعداك قبلوا للتعدد

ما من اولا تعدد

وبعدين طرف الصوت كان انفكا ما وصلني براي

وصل اي وحدة مرة راجل والله يعينا على زمن

القلع ده وعلى قول ودعوب باليل الوحده ممكن

تقوم تلاقي راجله مقلوع الله يستر

[samar_taha]

انا غايتو الموضوع ما بخسني .. وانتو براااكم قلتو جدار وما ادراك من خصوصية .. ة ما بتنتهي

استاذ ابراهيم
اذنك معاك
ونورت العوانس

[samar_taha]

صحي حشير الرجال ما بنفع

شنو يا صديق بلال تعدد شنو يا خوي شوف ليك

حل تاني وبعدين الرجال على قفا من يشيل مافي

غير رجالنا المعرسين ولا هو راجل المره ده -----

وبعدين اول شئ البنات بايرات عشان الاولاد

العطاله نسبتم كبيره موش عشان مافي رجال

والله انا بايد الفكره وبتمنى تنطرح كل الحلول الا

راجل المره ولو لا بد راجلي ما ياخد خبر عن الموضوع هههههههههههههههههههه

وتسلموا

يا أمنية الحرامي في راسو ريشة
في زول جاب سيرة راجلك
وبعدين كلام راجل المرة ده جابوهو الرجال براهم
احنا قلنا كلامنا عن غير المتزوجين أما أصحاب الخبرة والسوابق ديل الله يعينهم
بين قوسين
يعني في الاااخر كده وبالعدم لو ما في طريقة بنشوف موضوع راجل المرة ده . لكن ما تخافي ما بنجي جنب راجلك
:D

[samar_taha]

والله انا داخل ويدي في قلبي ، لأنو امنية قالت حشير الرجال شنو .. طيب العنوسة دي ما دايرة ليها رجال .. وبعدين لو الاولاد عطالة .. ما عذر .. لأنو البنات قاعدات يقولن ( دايرين نقرا :cool: ) ولا انتو ما معاي يا شباب في النقطة دي .. المهم انا رايي الشخصي كتير حأتكلم فيهو مرات تانية .. ودمتم

مجاهد
مستنين عودتك
ولسة الموضوع محتاج نقاش مستفيض
اشكر مرورك الكريم

[samar_taha]

الاخت الغاليه سمر موضوعك جميل جدا وهادف
بس مافى داعى لفصل الرجال لانو ممكن يكون
رايهم هو الحل .

اما فى راى فى اسباب العنوسه هى الفتاة نفسها
لانى بصراحه شايفه البنات بيطلبن مطالب ما بقدر
الواحد عليها لهذا السبب الرجال بقوا متخوفين
من الزواج يعنى المشكله بدايتها الفتاه والشاب
المسكين هو الضحيه
يا منتهى
اولا أشكرك على المرور
ثانيا مسألة المطالب دي في الأصل ما من الفتاة فقط بل من أسرتا لأن دي ثقافة مجتمع كامل بكل طقوسه وعاداته العقيمة وغير المواكبة والأشياء التي يفرضها على المقبلين على الزواج من قولة خير وشيلة وسد مال وفطور عريس وغيرو .
والتي لا يتم الزواج الا بها , في حين انه كان من الممكن أن يتم بأقل من تلك الاجراءات والتكاليف وتوفر تلك النفقات لفائدة الشابين حديثي الزواج لانهم أحوج لها
اذا يا منتهى المشكلة ليست فتاة أو شاب بقدر ما هي فكر مجتمع وعادات وتقاليد
واذا فلنتعاون جميعا وننبذ العادات العقيمة والاجراءات غير المجدية والتكاليف التي لا يقبلها لا الشرع ولا المنطق من أجل بناء شكل جديد للحياة وللمجتمع
ولا رايكم شنو ؟؟؟

[samar_taha]

الأخت : سمر طه
في داعي ( للجندرة ) دي ، وشنو هو منتدى ولا جامعة الأحفاد الماعايزة الرجال يدخلوا فيهو دا ، وبعدين أنت بتتكلمي عن موضوع العنوسة يعني تاخر الزواج والزواج عبارة عن علاقة بين طرفين هما الرجل والمرأة ، وياريت أنت وبقية النواعم تكتبوا عن الحوافز التشجيعية التي تجعل الشباب يقبل على الزواج ولا يتخوف من خوض التجربة عندئذ ربما تقل نسبة العنوسة ، بالمناسبة هناك مقولة تقول ( تولد عروساً كل من تولد جميلة ) .
الأخ : دعوب والله كفيت ووفيت ، بس مجرد سؤال أغاني البنات دي جبتها من وين
الأخ : صديق بلال لا أتفق معك في أن الحل في زواج المسيار لأنه يفتقد لكثير من مظاهر الأرتباط الأسري والسكن الأجتماعي المنشود من فكرة الزواج .
الأخت : أمنية بكري شكلك طرف الصوت وصلك بس أنجح حل للعنوسة هو التعدد .

الأخ محمد نور
الشكر لك على المرور
والموضوع ما جندرة ولا حاجة
انما نحن قلنا في الأول نحاول نناقش الموضوع فيما بيننا نحن معشر الفتيات ونحاول نوصل لجذور المشكلة ومسبباتها ومعرفة مكمن الخلل وين ومن ثم نخرج بالموضوع للطرف الثاني وللمجتمع ككل
لكن مدام دخلتوا ما بناباكم
حبابكم عشرة
وفعلا أثريتم النقاش بمداخلاتكم القيمة
لكم جميعا الشكر

[عماد عبدالشكور]

الاخت سمر
لك التحية وانت تتطرقين لهذا الموضوع المهم والحساس . وفي اعتقادي ان الحل الوحيد لحل مشكلة العنوسة هو تبسيط تكاليف الزواج ودعم الحكومة للشباب ورعايتهم وتوظيفهم .

تخريمة .....
العانس فيكن ترفع ايدها .........

[moh_alnour]

يا أمنية الحرامي في راسو ريشة
في زول جاب سيرة راجلك
وبعدين كلام راجل المرة ده جابوهو الرجال براهم
احنا قلنا كلامنا عن غير المتزوجين أما أصحاب الخبرة والسوابق ديل الله يعينهم
بين قوسين
يعني في الاااخر كده وبالعدم لو ما في طريقة بنشوف موضوع راجل المرة ده . لكن ما تخافي ما بنجي جنب راجلك
:D

سمر طه أنت رباطبية ولا شنو ، الله يطمنك وقفتي قلبها

[moh_alnour]

هوووووووووووي يا محمد نور


عرسوا للرجال المامعرسين وبعداك قبلوا للتعدد ما من اولا تعدد


أطمئني يا أخت أمنية أبو البنات ما حيقدر يبدل واحدة رائعة زيك
تخريمة : أوعي تنومي على كدا

[samar_taha]

الاخت سمر
لك التحية وانت تتطرقين لهذا الموضوع المهم والحساس . وفي اعتقادي ان الحل الوحيد لحل مشكلة العنوسة هو تبسيط تكاليف الزواج ودعم الحكومة للشباب ورعايتهم وتوظيفهم .

تخريمة .....
العانس فيكن ترفع ايدها .........

أخونا عماد
أتفق معك تماماً في مسألة تقليل التكاليف وذلك عن طريق تقليل الاجراءات والتخلص من بعض العادات العقيمة وذلك ليس فقط للحد من مشكلة العنوسة وإنما أيضاً للخروج من شبهة الإسراف والتبذير والذي نهى عنه الشرع ويتنافى مع المنطق والمقبول
لك التحية
وأشكر مرورك

[samar_taha]

سمر طه أنت رباطبية ولا شنو ، الله يطمنك وقفتي قلبها

محمد منور
أنا والله ما رباطابية
لكن مالهم الرباطاب ؟؟؟:confused:
وبعدين إنت شايل هم راجل المرة مالك ؟؟؟ دحين كان النفوس اتطايبت بنقنع أمنية نكمل الخانات الثلاثة الفاضلة مع إتفاقية سلام من الداخل , إيه رايكم ؟:o

[امنية بكري]

عشم ابليس في الجنه يا سمر طه

والله كان السلام يمحي من الوجود موش كان

النفوس اطايبت والله اكان دابو سوا واتلخبتو

وبقت نفس وحده ما بقتنع

[samar_taha]

عشم ابليس في الجنه يا سمر طه

والله كان السلام يمحي من الوجود موش كان

النفوس اطايبت والله اكان دابو سوا واتلخبتو

وبقت نفس وحده ما بقتنع

خلاص ما تزعلي يا أمنية خلينا في الحرب الأهلية وبطلنا سلام الداخل :D