المساعد الشخصي الرقمي

مشاهدة النسخة كاملة : رابطة الطاحونة


شبارقة
19-06-2007, 01:21 AM
الإخوه رواد المنتدى السادة الأعضاء

تم بحمدالله انشاء رابطة الطاحونة ، كل عضو يكتب كلمة السر ويخش برجلو اليمال ، ويقول بسم الله ..

كل من يرغب في التسجيل بالرابطة عليه كتابة الاسم الحركي والايميل ..

سيم تحديد اللقاء صباح كل يوم ..

والقرارات تناقش هناك وتنزل هنا ..
بسم الله ابتدينا
مدنيّة
19-06-2007, 01:23 AM
ويخش برجلو اليمال ،

دي جديدة ولا شنو يا شبارقة :confused:

انا اللي بعرفن وحدة يمين وحدة شمال الا دي ماادونا ليها :D
صلاح ودالطاهر
19-06-2007, 01:24 AM
هوووووي ياشبارقه الطاحونه دي فيها ام دلدوم
شبارقة
19-06-2007, 01:37 AM
دي جديدة ولا شنو يا شبارقة :confused:

انا اللي بعرفن وحدة يمين وحدة شمال الا دي ماادونا ليها :D



مدون هنا !!

يا حليلك يا النايمة علي حيلك ،، انت وين !!
شبارقة
19-06-2007, 01:38 AM
هوووووي ياشبارقه الطاحونه دي فيها ام دلدوم

الجماعة كايسين ليك .. تعال بي غادي
بورتبيل
19-06-2007, 01:45 AM
يا شبارقة .. الطاحونة دي بدققوا فيها دقيق استرالي ولا دقيق فتريتا:D
بعدين خلي الناس تسجل بالايميل يا مولانا الايميل هوت ميل او msn
مختار بازى
19-06-2007, 02:07 AM
انا جيت ناطي بي كرعي التنين :D
abu_ola
19-06-2007, 03:57 AM
يا شبارقة أخوي انا لي يوم الليلة ما بعرف رجلي اليمال من الشمين يا تها

بس بعرف انو في يدي البأكل بيها و التانية البمسكو بيها العضم

عشان كده بجيكم متلب الصلب

و الداير يلعب معاي شـــدت يرجاني في الطاحونة
Madanawi
19-06-2007, 05:09 AM
يا أفوكاتو .. قلت كدي أخير؟؟؟؟؟؟

الطاحونة دي معناها جميل ولها فضل على كل بيت سوداني .. بس ما بقول ليك أفضالها من كسرة وفتريتة .. ووزن عشرة .. والدخن .. واواواوا .. لزوم الحنكشة والحناكيش المعانا ناس ود المطامير .. وأبو رجاء .. وبورتبيل ديل ماسمعوبا عشان كده مافي داعي نجرح احاسيس الحناكيش.
رضا حسن محمد
19-06-2007, 05:58 AM
انتو الطاحونة دى ببيعوا فيها الطحنية؟
شبارقة
19-06-2007, 07:21 AM
فكرة رابطة الطاحونة يا جماعة ، انو بعض الأعضاء بيكونوا على الهواء ، يعني دردشة جماعية على الماسنجر Msn الهوتميل ماسنجر ، وفيها بيتعرف الأعضاء على بعض أكتر ، ويتبادلوا الأفكار ، ما عليك الا أن تضيف واحد من أعضاء رابطة الطاحونة الى الماسنجر الخاص بك وستجد نفسك على الهواء في الساعة والحين ...


أها يا ناس الرابطة علقوني من لساني!!
ود المطامير
19-06-2007, 10:09 AM
يا أفوكاتو .. قلت كدي أخير؟؟؟؟؟؟

الطاحونة دي معناها جميل ولها فضل على كل بيت سوداني .. بس ما بقول ليك أفضالها من كسرة وفتريتة .. ووزن عشرة .. والدخن .. واواواوا .. لزوم الحنكشة والحناكيش المعانا ناس ود المطامير .. وأبو رجاء .. وبورتبيل ديل ماسمعوبا عشان كده مافي داعي نجرح احاسيس الحناكيش.
هههههههههههههههههههههه
بورتبيل أدوهو فيها أم دلدوم .
ود المطامير
19-06-2007, 10:13 AM
والله يا شبارقه يا صاحبى الطاحونه براك مسيخه
عليك الله كل يوم تعال دقق العيش .
جيفارا
19-06-2007, 10:44 AM
دا كلام تمـــام طيب ما كان تشوف لينا اسم تاني بدل الطاحونة دي إســــــــم رنان
بورتبيل
19-06-2007, 11:45 AM
يا أفوكاتو .. قلت كدي أخير؟؟؟؟؟؟

الطاحونة دي معناها جميل ولها فضل على كل بيت سوداني .. بس ما بقول ليك أفضالها من كسرة وفتريتة .. ووزن عشرة .. والدخن .. واواواوا .. لزوم الحنكشة والحناكيش المعانا ناس ود المطامير .. وأبو رجاء .. وبورتبيل ديل ماسمعوبا عشان كده مافي داعي نجرح احاسيس الحناكيش.
:D :D :D
اقول شنو يا مدناوي .. كان ما كلامك دا كان ليوم الليلة ما فهمتا انتا بتقول في شنو:D

الا النسالك يا مدناوي انت الفتريتة دي made in where وهي بتجي مغلفة ولا ذي شاي ليبتون:D
بورتبيل
19-06-2007, 11:48 AM
انتو الطاحونة دى ببيعوا فيها الطحنية؟

ولله يا رضا .. فاقدنك في الطاحونة ديك عليك الله ابقى خش

وكان على صقر قريش .. حالف ما يرك فوق الطاحونة

واسكت ساكت اتصالاتو بتجي قاطعه من فوق لينا .. وبتعبر البحر

ولينا ما بتغشا .. مالو معانا
بورتبيل
19-06-2007, 11:51 AM
هههههههههههههههههههههه
بورتبيل أدوهو فيها أم دلدوم .

القال منو؟؟؟ .. هو انا الجابني هنا شنو؟؟؟

ما تقعدو تزيدو في الكلام

لا ام دلدوم ولا سنتر الخرطوم ... دا ما انا:d
الفارس البنفسجي
19-06-2007, 10:23 PM
عندي زول عاوز أطحنو




بتطحنو لي؟
بورتبيل
19-06-2007, 10:36 PM
عندي زول عاوز أطحنو




بتطحنو لي؟

بنطحنو ليك بس انتا جيبو وتعال .. بس الطحن حقنا ممكن ما يكون طحن صحي صحي

ومرحب بيك وبزولك يا الفارس البنفسجي
Madanawi
20-06-2007, 03:42 AM
الحاجة المستغرب ليها أنا .. أنو الجنا شبارقة ده قال طلق بت الحاج
وبالرغم من كده كاتب في اليافطة طاحونة عـــــــ لــــــــوـــــــــ يـــــة
شبارقة
20-06-2007, 09:03 AM
الحاجة المستغرب ليها أنا .. أنو الجنا شبارقة ده قال طلق بت الحاج
وبالرغم من كده كاتب في اليافطة طاحونة عـــــــ لــــــــوـــــــــ يـــــة

طاحونة علوية ، لطحن الفوتريتة ولعب الضمنة!!
شبارقة
20-06-2007, 09:08 AM
والله يا شبارقه يا صاحبى الطاحونه براك مسيخه
عليك الله كل يوم تعال دقق العيش .

أكان ما جيت معناها بت الحاجة مكتفاني كتيفة الحرامي السرق نعلات غفير السجن!!
غيداء نورالدين
20-06-2007, 09:09 AM
شبارقة الطاحونة هسي فاتحة ولا قافلة لو فاتحة ناس جيرانا عندهم دقيق اجيبوا بتطحنوا ولا لا:D :D :D
ود المطامير
20-06-2007, 09:32 AM
شبارقة الطاحونة هسي فاتحة ولا قافلة لو فاتحة ناس جيرانا عندهم دقيق اجيبوا بتطحنوا ولا لا:D :D :D
جيرانكم عندهم دقيق ودايرين يطحنوهوا يبقى شنو يعنى ؟ سلفه ؟
عشان نحنا طاحونتنا بدقق العيش وما بتطحن دقيق .
ابوالنور
20-06-2007, 09:43 AM
هع ود اهلي ابشر بي الخير حرم نحنا معاك في السراء والضراء بس انت جيب العيش ونحنا طوالي بندور ليك
غيداء نورالدين
20-06-2007, 09:47 AM
جيرانكم عندهم دقيق ودايرين يطحنوهوا يبقى شنو يعنى ؟ سلفه ؟
عشان نحنا طاحونتنا بدقق العيش وما بتطحن دقيق .

كنت قايلاها سلفه ههههههه
اها خلاص بدققوا ليهم العيش ولا يرجعوا بيتهم ياود المطامير:D :D :D
همسة شوق
20-06-2007, 10:04 AM
ياناس الطاحونة كيفنكم
إنتوا عارفين إنو رمضان قرٌب
عشان كدة أنسوا موضوع الفتريتة والقمح والحاجات دى
وخلونا مع الزريعٌة عشان الحلو مر جاهزين ؟
محمد السر احمد
21-06-2007, 05:31 AM
يا شبارقة انت الطاحونة حقتكم دي فيها دليفري
عشان ناس هناي وهناي ما فاضين ليكم
بضربو ليكم تلفون عشان تجو تشيلو العيش حقهم
والله الفكرة رائعة ومعاكم محل ما تمشو