آخر مشاركاتى وفتكم بعافية!!!

[معتزودمدنى]

باختصار شديد ياجماعة انا كتبت موضوع عن ماحدث فى الولاية الشمالية اثناء تظاهرة المواطنين الرافضين لقيام سد كجبار على نهرالنيل وقيام قوات الشرطة بعمليات قتل راح ضحيتها عدد من ابناء الشعب السودانى وعمليات ضرب للشيوخ والنساء والاطفال وعمليات حرق للنخيل مثلما يحدث من الحكومة الاسرائيلية تجاه الشعب الفلسطينى ودا شى انا ما جايبو من عندى. وكالات الاخبار والفضائيات فى كل الدنيا اتفاعلت مع الاحداث دى واوردتها وحتى الصحف الخليجية افردت مساحات للموضوع دا.
وبكل اسف ناس ادارة المنتدى هنا حذفوا الموضوع وقالوا خارج عن اهداف المنتدى.
طيب ورونا المنتدى اهدافو شنو؟ وفايدة المنتدى شنو لو ما اورد قضايا ذى دى بتهم اى سودانى داخل اوخارج السودان. والمنتدى لو ما اتفاعل فى قضايا قتل الابرياء حيتفاعل فى شنو؟
وقالوا الموضوع سياسى!! السياسة هنا وين؟ الموضوع انسانى ولاعلاقة له بالسياسة. والحاجة التانية ليه ما يكون فى المنتدى قسم سياسى؟؟؟ ولا الادارة ماعاوزة الناس تدخل فى السياسة!! الظاهر مدنى جابت ليها كيزان!! حلااااااال عليكم. لكن دا مامعناه انو تكممو افواه العالم.
وازيدكم من الشعر بيت يا جماعة حكومة الولاية الشمالية منعت وفد قادم من الخرطوم مكون من صحفيين وقناه الجزيرة ومحامين وممثلين لحقوق الانسان واطباء شرعيين منعتهم من عبور النيل والتوجه لمنطقة الاحداث والالتقاء بالمواطنيين والكشف على جثث القتلى. وبرضو تقول لى ما من اهداف المنتدى!!
المنتدى فيهو مواضيع تستاهل الضبيحة ماتستاهل الحذف لكن طالما بعدت عن الحبايب الادارة راضية عنها.
وختاما انا ما حأدخل فى مهاترات مع اي شخص وحأتوقف نهائيا عن المشاركة فى المنتدى وحأكتفى بقراءة مشاركات الاخوان دون التعليق عليها.
وتبقى جسور المحبة والاخاء ممتدة مع جميع الاخوة فى المنتدى بقيادة الحبيب صالح ابو شوارب والاخوة مكاشفى ومحمد باسطة ومختار بازى والنذيرمبروك تأهل المنتخب وكبك عاشق الهلال وانيس التوم ابو التيمان!!
ويا ادارة المنتدى انا آسف اذا غلطت فى حقكم واتمنى انكم تسامحونى.
ونبقى اخوة دائما تجمعنا ودمدنى
ولكم جميعا كل الود والاحترام
معتز

[المكاشفى]

حبيبنا معتز والله الكل يتأسف للحال عموما
فى السودان اذ انه اصبح مجابد من كل الاتجاهات
شئ شرق وشئ غرب وشئ شمال ونتأسف كلنا لما
حدث لأهلنا فى الشماليه واخى معتز انت تعلم ان مثل
هذه المواضيع اثارتها بالمنتدى ستحرمنا من المنتدى
مابالك وانت القائل حكومه الولايه الشماليه منعت وفد
صحفى ووفد الجزيره وحقووق الانسان والامم المتحده
مابالهم مع افراد عاديوون مثل اداره المنتدي وليس لهم
حامى غير المولى عز وجل لكى تقف حائلا بينهم وبين الحكومه
وسوف يتم توقيف المنتدى ولن تكون لنا وجهه نقصدها لكى نلتقى
بمن نحب وانت تعلم ما حدث فى الايام الاخيره من مهاترات من بعض
الاعضاء ومحاوله تسييس المنتدى ولعمرى لو تسيس المنتدى واخز اى لون
سياسى لفقد مذاقه وسار فى اتجاه واحد واصبح عديم الفائده واخى معتز المحسى الغيور
انت بيننا كيان لا ينجلى فعش هنيئا واتركنا نستمتع بصحبتك وتجازب اطراف الحديث معك
فضلا لاتترك لهواجسك تمنعك عنا فانت كنت شعله من النشاط محبا للمعرفه والتعارف

تعقيب :-
اخى معتز ان مايحدث فى بلدى انها دسايس ومؤامرات حاكوها وماذال يحيكها من كانو فى النظام وخرجو واصبحو يرددون علئ وعلى اعدائى ولعمرى فتنه الغرب منهم والشمال الان منهم بالعقل كدى يامعتز ما منحته الحكومه لأهلى بالشمال من وجه رأيى انه كافى ويؤمن لهم العيش الرخى ومستقبلى من خلال السد ولكن الطابور بجى بقول للناس انه ده اقل من حقكم وانت تعلم حراره قلب اهلنا يثوروا ويتصادموا ويروح ضحايا سدا والطابور يكتفى بتحريك الرأى العام والامم المتحده وعقوبات ونحوه ويكونو سرقو اللقمه من افواه الملايين من ابناء
شعبى (والله انا لا انتمى لاى حزب والله على ما اقول شهيد بس وطنيتى زايده حبه)

[مختار بازى]

معتزودمدنى

بعد التحية والاحترام
رجاء لا تذهب فنحن هنا في انتظار مشاركاتك ووجودك معنا يثلج صدورنا كثيرا
فهذة هي سنة الحياه لابد لك ان تصارع وتصارع لتسبت وجودك مع انك فعلت ذالك في فترة لاتتجاوز عمر تسجيلك في المنتدي فلا تتدع اي شيء يفصل حبل الود الذي امتد بيننا والي الامام
ونحن من خلفك ان شاء الله ستجدنا في اي وقت تحتاجنا فية فعد بكل قوة

اخوك مختـ بازي ــــــــــــــــــــــار

[مح السنى مد]

اخونا معتز موضوع زى ده لو ناقشناهو فى المنتدى ذى ماقال ليك المكاشفى ح يؤدى الى اغلاق المنتدى لانو الحكومه منعت الصحافه من التصور .............. عشان كده ماتخلى ده سبب يخليك توقف مشاركاتك فى المنتدى واخذ الموضوع بى عقل ............ وننتظر مشاركتك بى موضوع جديد.......... ولك كل التحيه والتقدير

[ود المطامير]

يا الحبيب ... تسلم والله وكلامك صاح والله وأنا والله شخصيا تعرضت لمضايقات من أجهزة الأمن فى آخر إجازه لى وبعدها حرمت ما أمشى السودان وهسى لى 11 سنه من السودان وأبوى وأمى على قيد الحياه وذنبهم فى رقبة اللى كان السبب .
تم تعديل مشاركتى مجاراةً للرأى العام .

[الفارس البنفسجي]

الأخ الغالي معتز

ثق أن بعدك عنا سنعتبره خسارة فادحة بكل المقاييس وحذف هذا الموضوع لم يأتي من فراغ ... فالسودان في قلب الجميع وكلنا يبكي إن رأي دمعة طفل على الخد تنزل. وفضلاً لا أمراً نأمل أن يستمر وجودك معنا ، فإدارة المنتدى ترى أن لهذا المنتدى أهدافاً هي بعيدة كل البعد عن السياسة أو تلك الموضوعات التي تجرنا إليها جراً. نحن نبحث أرض خصبة تنبت فيها كل الأشجار لتخضر وتؤتي ثمارها.

معاً لمنتدى وارف الظلال
معاً لمنتدى يعشقه الكل
معاً لمنتدى نظيفاً خالياً من كل الشوائب

[ود المطامير]

[quote=الفارس البنفسجي;190868]
الأخ الغالي معتز

ثق أن بعدك عنا سنعتبره خسارة فادحة بكل المقاييس وحذف هذا الموضوع لم يأتي من فراغ ... فالسودان في قلب الجميع وكلنا يبكي إن رأي دمعة طفل على الخد تنزل. وفضلاً لا أمراً نأمل أن يستمر وجودك معنا ، فإدارة المنتدى ترى أن لهذا المنتدى أهدافاً هي بعيدة كل البعد عن السياسة أو تلك الموضوعات التي تجرنا إليها جراً. نحن نبحث أرض خصبة تنبت فيها كل الأشجار لتخضر وتؤتي ثمارها.

معاً لمنتدى وارف الظلال
معاً لمنتدى يعشقه الكل
معاً لمنتدى نظيفاً خالياً من كل الشوائب
[/quot
تسلم يا فارسنا براك تخرب .

[Bet-alsudan]

اسمحوو لي ... بس اي موضوع يخص السودان يخص المنتدى ... الكلام ده ما فيه 2 و3 .. مشرفنا كلامك علي العين والراس بس ياريت لو يقنعنا اكتر .. واخونا معتز قرارك مش صائب ابدا بانك تخلي المشاركة في المنتدى اذ انت شايف كلامك ده لازم بتعرض هنا في منتدانا ونعلق عليه فانا شايفة الكلام ده اكتر منك .. فيها شنو لو تكلمنا وعبرنا وعلقنا على الحاصل في سودانا هيي يا جماعة دي مش بلدنا !!!! اووكي اعملو قسم سياسي ... كان انتو شايفين انو ده بخص السياسة بس ما تقولو بعيد عن اهداف المنتدى ...

اسفة اذا تماديت بس الكلام حرقني شديد ..

دمتم على الطاعة

ملاحظة : ود المطامير مالك يا ود الناس اعصابك .. ناس المنتدى ديل سودانين والموضوع بخصنا كلنا ولا عندك رااي تاني

[محمد أحمد الشيخ]

يا معتز هدي اللعب وما تتهور فكما عهدناك روحك رياضية وليس من المعقول بمجرد حزف مشاركة مهما كانت الأسباب تقرر أن تتوقف من المنتدي ، فنحن وأنتم في بلد غربه ومحتاجين لمثل هذه الدعابات حتي نتنسم عبير هذه البلدة الطيبة من خلالكم وخلال مشاركاتكم .

لك ودي
ومنتظرين منك موضوع جديد

[المكاشفى]

اسمحوو لي ... بس اي موضوع يخص السودان يخص المنتدى ... الكلام ده ما فيه 2 و3 .. مشرفنا كلامك علي العين والراس بس ياريت لو يقنعنا اكتر .. واخونا معتز قرارك مش صائب ابدا بانك تخلي المشاركة في المنتدى اذ انت شايف كلامك ده لازم بتعرض هنا في منتدانا ونعلق عليه فانا شايفة الكلام ده اكتر منك .. فيها شنو لو تكلمنا وعبرنا وعلقنا على الحاصل في سودانا هيي يا جماعة دي مش بلدنا !!!! اووكي اعملو قسم سياسي ... كان انتو شايفين انو ده بخص السياسة بس ما تقولو بعيد عن اهداف المنتدى ...

اسفة اذا تماديت بس الكلام حرقني شديد ..

دمتم على الطاعة

ملاحظة : ود المطامير مالك يا ود الناس اعصابك .. ناس المنتدى ديل سودانين والموضوع بخصنا كلنا ولا عندك رااي تاني


بتنا بت السودان كدى فى الاول امشى على
السنما باقى انتى موظفه وتانى حاجه
المشاركات والتعليقات على العين والراس
بس افهمى حاجه واحده الناس مابتلتزم وتبقى
تخدم فى انتمائاتها او اذا ماعندهم انتمائات
بدخلوا فى مهاترات واساءات للغير وهذه بتدخلنا
كلنا فى دوامه ومسائلات نحن فى غنى عنها
وعن تجربه حقيقيه كنت عضو فاعل فى جامعه
السودان كليه الهندسه اسمو (سواعد) اسمه يدل على
فعله وشباب حلويين وفنانين وثقافى فقط بس نحن طيبين
والكل يشارك والكل يخدم حاجاته الى ان المنتدى توقف من
المضايقات واسى مشيت قريب الجامعه لقيت سواعد جمعيه
بتاعه حريم وله صندوق صرفه ماعارف المهم الكيان الثقافى انتهى
ودمتم كلكم بحبكم كلكم

[باسطه]

والله ياناس أنا ماسياسي لكن بأيد الصاح لو كان بيزعل كل الناس أنا مع بت السودان في الراي ماعيب انو الزول يعبر عن رايو وبالتحديد لمن يكون المستهدف ده وطنو من ناحية الاتفاقية بتاعت التسجيل مالو ليه مايكون ده راي جديد بالنسبة للإدارة يدخلو قسم سياسي إذا كانو بيشوفو انو راي معتز ده سياسي ويدرجو الكلام ده في الاتفاقية بالرغم انو أنا شايف كلام معتز ده مافيهو نوع من السياسة ياناااس ده زول غيووور على وطنو وعايز يدافع عنو بقلمو على الأقل لو عجز انو يدافع بيدو ده أضعف الإيمان أخي معتز ماتحرمنا شوفتك انته حبيبنا ورايك في مواضيعنا بهمنا .


مداخلة : الأخ ود المطامير ياريت لو يكون أسلوبك في إبداء الرأي أفضل من الإندفاعية القمته بيها دي ياأخي نحن أخوان وجينا هنا عشان حاجه وحده بس إنو نتبادل الثقافات والآراء بيناتنا مش عشان نخسر بعض فياريت يكون ردك ألطف من كده بعدين الإقناع بيكون بالحنكه والبساطه مش بالقوة وتسلم ياأخي .
وأنا آسف ياجماعة إذا كان رأي جارح لكن نحن جينا هنا عشان نطلق العنان لآراءنا في حدود المعقول
ولكم التحية إدارة المنتدى

[ود المطامير]

مداخلة : الأخ ود المطامير ياريت لو يكون أسلوبك في إبداء الرأي أفضل من الإندفاعية القمته بيها دي ياأخي نحن أخوان وجينا هنا عشان حاجه وحده بس إنو نتبادل الثقافات والآراء بيناتنا مش عشان نخسر بعض فياريت يكون ردك ألطف من كده بعدين الإقناع بيكون بالحنكه والبساطه مش بالقوة وتسلم ياأخي .


ولكم التحية إدارة المنتدى




قلت كدى ؟ طيب آسفين يا الحبيب والله بس النغمه دى لحد متين ؟

[ود المطامير]

ملاحظة : ود المطامير مالك يا ود الناس اعصابك .. ناس المنتدى ديل سودانين والموضوع بخصنا كلنا ولا عندك رااي تاني
لا لا لا وحاة الله ما عندى رأى تانى أى والله نحنا كلنا سودانيين وليه يحزفو موضوع حيوى ذى دا ؟ والمنتدى لو ما غاص فى شتى برك السودان الموحله شن فايدتو ؟ كدا تمام ؟

[النزير محمد شريف]

حبيبنا معتز والله الكل يتأسف للحال عموما
فى السودان اذ انه اصبح مجابد من كل الاتجاهات
شئ شرق وشئ غرب وشئ شمال ونتأسف كلنا لما
حدث لأهلنا فى الشماليه واخى معتز انت تعلم ان مثل
هذه المواضيع اثارتها بالمنتدى ستحرمنا من المنتدى
مابالك وانت القائل حكومه الولايه الشماليه منعت وفد
صحفى ووفد الجزيره وحقووق الانسان والامم المتحده
مابالهم مع افراد عاديوون مثل اداره المنتدي وليس لهم
حامى غير المولى عز وجل لكى تقف حائلا بينهم وبين الحكومه
وسوف يتم توقيف المنتدى ولن تكون لنا وجهه نقصدها لكى نلتقى
بمن نحب وانت تعلم ما حدث فى الايام الاخيره من مهاترات من بعض
الاعضاء ومحاوله تسييس المنتدى ولعمرى لو تسيس المنتدى واخز اى لون
سياسى لفقد مذاقه وسار فى اتجاه واحد واصبح عديم الفائده واخى معتز المحسى الغيور
انت بيننا كيان لا ينجلى فعش هنيئا واتركنا نستمتع بصحبتك وتجازب اطراف الحديث معك
فضلا لاتترك لهواجسك تمنعك عنا فانت كنت شعله من النشاط محبا للمعرفه والتعارف

تعقيب :-
اخى معتز ان مايحدث فى بلدى انها دسايس ومؤامرات حاكوها وماذال يحيكها من كانو فى النظام وخرجو واصبحو يرددون علئ وعلى اعدائى ولعمرى فتنه الغرب منهم والشمال الان منهم بالعقل كدى يامعتز ما منحته الحكومه لأهلى بالشمال من وجه رأيى انه كافى ويؤمن لهم العيش الرخى ومستقبلى من خلال السد ولكن الطابور بجى بقول للناس انه ده اقل من حقكم وانت تعلم حراره قلب اهلنا يثوروا ويتصادموا ويروح ضحايا سدا والطابور يكتفى بتحريك الرأى العام والامم المتحده وعقوبات ونحوه ويكونو سرقو اللقمه من افواه الملايين من ابناء
شعبى (والله انا لا انتمى لاى حزب والله على ما اقول شهيد بس وطنيتى زايده حبه)


ميه الميه يا مكاشفي والله
معتز اخوي اسمعني كويس

نحنهنا من اجل مدني وبعدين يا اخي نقول ليك شنو انت عارف كفانا كدا وخلاص والفي الضمير معروفه

بس ابقي لابد لك ان تتحدي كل الصعاب وتركب جواد المستحيل من اجل مدني واهل مدني والجزيره عموماً

يالله ايها الفارس الذي اعرفه مرتجلاً لا يعرف الرجوع الي الوراء ابداً

ربنا كمان يبارك ليك وكونك تخصني بالتهنئه بالفوز برضو ليك مني اللاف التحايا

مع مودتي

[ابوالنور]

حين أغمض عيني.. أفتحها..
علي أنعم برؤياك..او رؤيه طيفك ..
احلم و اتمنى..ان يصبح وجهك أول شيء تطالعه عيني في الصباح
أكتب عليها بطرف اصبعي كما دوما خططتــــــ..
أني أحبــــــك ..تصحب كلمتي اليك قبله..
اودعها بين صفحاتك ..و على أثرها اغفو..
يا منتـــــــــــــــــــــــــــــــــــــــــــــدا نا يا ودمدني.......
فكيف لك ان تترك والدك اخي معتز ....

[الفارس البنفسجي]

اسمحوو لي ... بس اي موضوع يخص السودان يخص المنتدى ... الكلام ده ما فيه 2 و3 .. مشرفنا كلامك علي العين والراس بس ياريت لو يقنعنا اكتر ..


أولاً أشكرك على هذه الشفافية التي نحن في حاجة لها أكثر من أي شئ أخر ... وكما يقال في المثل إذا عرف السبب بطل العجب. بالنسبة للبوست المحذوف وزيادة في التوضيح فقد تطرق لآراء نحسب أنها من حق صاحب البوست ولكن ليس هذا مكانها حيث تضمنت تجريح لجهات وأشخاص وهذا المنتدى كغيره من كثير من المنتديات يمنع التجريح أو التشهير أو الإساءة بصورة مباشرة أو غير مباشرة لأشخاص أو جهات بغض النظر عن إنتماءاتهم أو كياناتهم


. واخونا معتز قرارك مش صائب ابدا بانك تخلي المشاركة في المنتدى اذ انت شايف كلامك ده لازم بتعرض هنا في منتدانا ونعلق عليه فانا شايفة الكلام ده اكتر منك .. فيها شنو لو تكلمنا وعبرنا وعلقنا على الحاصل في سودانا هيي يا جماعة دي مش بلدنا !!!!


أتفق معك في ما قلت .. من حق الجميع أن يقولوا ما يشاءوا ولكن التقيد بالمسموح به مطلوب ... ولم لا وهناك عشرات المنتديات التي تسمح بالسياسة ، فنحن ليس ضد السياسة ولكن آمل أن تتفقوا معي أن هذا المنتدى ليس مرتعاً خصباً لها


اووكي اعملو قسم سياسي ... كان انتو شايفين انو ده بخص السياسة بس ما تقولو بعيد عن اهداف المنتدى ...



إذا تم إفتتاح قسم سياسي ثقي أنه سيتم السماح لكل من يرغب أن يكتب في السياسة أن يكتب ما يشاء ولكن حينها ايضاً يمنع التجريح والإساءة هذا أدب عام كلنا ملزمين به.


والشكر فوق التصور لجميع المتداخلين الذين أثروا هذا البوست بمداخلاتهم البهية .. وهو ما تميز به.وكل أملي أن نكون أحلى مما كنا عليه.

معاً لمنتدى مفعم بالجمال ... مزدهر بأدب الإختلاف

[Bet-alsudan]

لا لا لا وحاة الله ما عندى رأى تانى أى والله نحنا كلنا سودانيين وليه يحزفو موضوع حيوى ذى دا ؟ والمنتدى لو ما غاص فى شتى برك السودان الموحله شن فايدتو ؟ كدا تمام ؟


بدون تعــــــــــــــــــــــــــــــــــــــــــــــــ ــــــــــــــــــــليـــــــــــــــــــق

[Bet-alsudan]

أولاً أشكرك على هذه الشفافية التي نحن في حاجة لها أكثر من أي شئ أخر ... وكما يقال في المثل إذا عرف السبب بطل العجب. بالنسبة للبوست المحذوف وزيادة في التوضيح فقد تطرق لآراء نحسب أنها من حق صاحب البوست ولكن ليس هذا مكانها حيث تضمنت تجريح لجهات وأشخاص وهذا المنتدى كغيره من كثير من المنتديات يمنع التجريح أو التشهير أو الإساءة بصورة مباشرة أو غير مباشرة لأشخاص أو جهات بغض النظر عن إنتماءاتهم أو كياناتهم




أتفق معك في ما قلت .. من حق الجميع أن يقولوا ما يشاءوا ولكن التقيد بالمسموح به مطلوب ... ولم لا وهناك عشرات المنتديات التي تسمح بالسياسة ، فنحن ليس ضد السياسة ولكن آمل أن تتفقوا معي أن هذا المنتدى ليس مرتعاً خصباً لها




إذا تم إفتتاح قسم سياسي ثقي أنه سيتم السماح لكل من يرغب أن يكتب في السياسة أن يكتب ما يشاء ولكن حينها ايضاً يمنع التجريح والإساءة هذا أدب عام كلنا ملزمين به.


والشكر فوق التصور لجميع المتداخلين الذين أثروا هذا البوست بمداخلاتهم البهية .. وهو ما تميز به.وكل أملي أن نكون أحلى مما كنا عليه.

معاً لمنتدى مفعم بالجمال ... مزدهر بأدب الإختلاف



مشرفنا .. كلامك مية مية بس في تعليق بسيط انا فهمت من كلامك ان المفروض تدو انذار للرادين على الموضوع بس مش الموضوع بحد زاتوو .. المهم الموضوع فاات وانا اسفة مرة تانية اذا تماديت بس دي بلدنااااااااااااا وسوووداانا اغلى منو في الدنيا دي ماافي .. والكلام ليك برضو يا مكاشفي ..

[mohamed]

ورونا المنتدى اهدافو شنو؟

[MASS77]

الاخ معتز
اتمني ان يكون المنتدي بعيدا عن السياسه فالسياسه تفسد حتي الماء
اما عن الانسانيه فارجو الا تتبع راي الاذاعات الخليجيه والعالميه
وعن اهداف المنتدي فبرغم انني ليس من الادارة ولكن لدي تصور في دواخلي
ان يكون المنتدي زات طابع شعبي ووطني وان يبتعد عن السياسه وليس الانسانيه
فالانسانيه رضعناها من اراضي الجزيره
اخي معتز السياسه لن تزيدنا الا اختلافا ونفورا عن بعضنا ويكفي ما يحدث الان
بسبب السياسه
اما عن مشاركاتك وتوقيفها فارجو ان لا تقحم نفسك في ذلك
فنحن ما جئنا الا ان نستفيد من حروفكم فارجو الا تحرمنا من قراة احرفك لنها طعما ولونا للتواصل بين الاخوه في المنتدي

[صالح ابوشوارب]

الاخ معتز
تحية لك وانت تحمل هموم السودان . وفعلا ما كتبت الموضوع المحذوف الا لخوفك الشديد لاهل السودان الطيبين
ولكن اخي معتز انت كتبت الموضوع وفيه معلومات ان الشرطة قتلت مواطنين وجرحت آخرين ولكن لم تكتب من اين لك هذه المعلومات . فلا بد ان توثق هذه المعلومه وتكتب المصدر الذى نقلت منه الخبر وذلك حتى لاينقلها احد من منتدى مدنى ونكون نحن المصدر الوحيد لهذا الخبر .
وبعدين اذا كان موقع مدنى بينقل دائما اخبار غير مؤكدة او موثقة او تكون سمعية فهذا يعرض اقفال الموقع في السودان وهذا مما يؤدى الى حرمان اخواننا في السودان عموما ومدنى خصوصا في المشاركة معنا
فانت معتز بي بمدنى ومدنى معتزة بك