هدية .. للحبايب فقط .. كيف تخلي موضوعك يجيب دخل؟

[معتز الريح]

أخوانا وأخواتنا في المنتدى ..
تعالوا نفكر .. كيف نقدر نخلي موضوعاتنا في المنتدى جاذبة
وتلم الناس .. وتخليهم يشاركونا .. تعالو نختها في نقاط ..

بسم الله نبدأ

1. أول حاجه اختيار الموضوع الجيد ..
يعني فكر شوية وحاول تجيب موضوع ما مكرر ولا ممل .. موضوع يهم شريحه كبيرة من الأعضاء .. وفكر مره ومرتين قبل ما تكتب ..

وحاول تكتب الموضوع بطريقه ظريفه وما تكون جامده

تابعوا

[معتز الريح]

نواصل :

2. عرض الموضوع في نقاط مختصره وواضحه ومباشره
لتسهيل المتابعه (نظرية جيفارا)

3. محاوله البعد عن الأخطاء الإملائيه ..
(اتعبوا شويه وراجعوا الموضوع)

تابعوا

[معتز الريح]

نواصل :

4. التعقيب والرد على جميع المشاركين في الموضوع ..

5. البعد قدر الإمكان عن المهاترات والمزاح إذا كان الموضوع جادي..

6. احترام وجهات النظر .. يعني ما تتوقع كل الناس توافقك في طرحك
وما تعتبر وجهة النظر المخالفة لك عداء شخصي ليك

7. وياريت لو يكون الاقتباس حسب النقطه المراد الرد عليها ..
يعني ما تقتبس المشاركه كلها وانت تكون عايز ترد على جزء صغير ..

8. محاولة التركيز على الموضوع الرئيسي وعدم البعد عنه ..

[معتز الريح]

نواصل :

9. نجي للنقل والمواضيع المنقوله ..
يعني لو لقيت الموضوع مهم ومفيد للأعضاء انقلوا
واذكرانو منقول وياريت لو جبت الرابط حقو ..
وحاول التركيز على المواضيع المنقوله تكون بتهم مجتمعنا وعاداتنا
ما تكون بتخص بيئه تاني .. نحنا ما ناقصين ..
أو تكون فيها معلومات طبية أو دينيه أو علميه مفيده

[معتز الريح]

نسيت حاجه مهمه ..
ما تنتظر الناس تجيك في موضوعك وتعلق عليهو
من غير ما تزور مواضيعهم وتعلق عليها
الحكاية مشاركة

أي واحد عندو زياده يساعدنا ..
للمصلحة العامة ..

وفي انتظاركم

[المكاشفى]

الحبيب ود الريح كلامك زى الدهب
واحب اقول انو الاعضاء ماشاء الله عليهم
ملتزمون ومرحون وربنا يديم المحبه

[معتز الريح]

حبيبنا المكاشفي ..
تشكر على المرور ..
وأنا منتظر منك ومنهم الأفكار وإثراء الموضوع

تسلم

[رهيب]

موضوعك جميل ياود الريح وياريت نمشي بيه خطوة خطوة
وبي صراحة المنتدى بقى فيه ملل وملل شديد لعدم المواضيع الجادة وعدم الردود وعدم التفاعل
ويديك الف صحة وعافية

[معتز الريح]

الحبيب رهيب ..
يدي بيدك ويد باقي الأعضاء وربنا يسهل ..
وأكيد الأمور حتظبط
مشكور يا الحبيب

[جيفارا]

انت ما عرفتة النظرية الجديدة

1
/ جيب ليك اول حاجة موضوع مستفذ .

2/ هاجم أول واحد يرد عليك .

3/ هاجم المشرفين .

4/ كرر هجومك وواصل فيهو بين الحين والأخر على المشرفين وأول واحد ردا عليك .

5/ ركز الهجوم على الاعضاء الفاعلين .

في خلال ساعة تلقى الزيارات فاتت المية + الردود تلقاها فوق الخمسين!!!!! .


قبل ما يتقفل الموضوع لازم تكون متواجد على الدوام للرد وغيرو لانو حايكون عندك 12 ساعة قبل ما يتم إجراء اللازم .

ملحوظة :- ناس المنتدى هنا كل حبايبنا واخوانا سريعين في المعارك تلقاهم مستعدين وتلقاني أنا أول واحد واقف في الطابور ودائما مستعد . طبعا دا بالتجربة والخبرات التي كسبناها من المعارك السابقة وما في داعي أقول حاجة اخليها تولع تاني .

بس بصراحة الواحد بيحب جو الحماسة والمشاكسات طبعا بدون ما الواحد يلمس أي أمور شخصية أو عدم إحترام لإي شئ سواء عقيدة أو جماعة أو حاجات تانيه حاميـــــاني هههههههههههههه .


وإذا رحموك وتم تعليق مشاركتك أو منعوك من الدخوا فترة أستحمل وما تكررها تاني عشان ما يزيدو المدة .

[معتز الريح]

2. عرض الموضوع في نقاط مختصره وواضحه ومباشره
لتسهيل المتابعه (نظرية جيفارا)


يا جيفارا الحبيب ..
يعني عملنا ليك نظريه وسجلناها عشان الحقوق
وعجبتنا النظريه جيفارا 1

لكن جيفارا 2 دي ما معانا

[غيداء نورالدين]

معتز موضوع جميل شديد تسلم
تقبل مروري

[معتز الريح]

الاخت غيداء ..
تشكري على المرور ..
لكن منتظر تشاركونا بأفكاركم وإضافاتكم

[مختار بازى]

والله نصائح اخونا معتز دي حقو الناس تعمل بيها
وشوفوا ماشاء الله ماشي بي خطي ثابتة وربنا يزيد ويبارك
ونشوفك مشرف في القريب العاجل

[samar_taha]

الأستاذ معتز
تقبل تحياتي بدأً على هذه اللفتة الجميلة
ثانيا أحب أثني على مسألة الأخطاء الإملائية لأنها فعلاً تقلل من استمتاعك بالموضوع مهما كان شيق .
والنقطة الثانية احب اعلق عليها هي مسألة التشويق والإثارة والعناوين الدعائية , يعني العنوان مفروض يكون مرتبط و متناسق مع الموضوع ويعبر عنو التعبير اللازم , والابتعاد عن المبالغة في عنونة المواضيع بغرض الإثارة وجذب الإنتباه للموضوع , لأن القارئ ممكن يفقد الثقة في الكاتب , وقد يمر لاحقا بموضوعات فعلا مهمة من غير ما يقراها خوفاً من انو يطلع الموضوع فالصو .
لازم نراعي الموضوعية في الكتابة وفي اختيار العناوين في البداية
وشكرا

[معتز الريح]

الحبيب مختار بازي ..
شكراً على المرور وانت من المميزين والمداومين على هذا المنتدى

تسلم

[معتز الريح]

لازم نراعي الموضوعية في الكتابة وفي اختيار العناوين في البداية


الأخت samar - taha
إضافتك جميله وفي مكانها ..

لك الشكر

[الفارس البنفسجي]

سؤال مهم لابد أن يسأله أي عضو لنفسه.

لماذا سجلت بهذا المنتدى؟

تنمية مواهبك الأدبية والفكرية
المشاركة الهادفة مع الإلتزام بأدبيات الأختلاف مع الآخر
بإمكانك التواصل مع الأعضاء من خلال المواضيع أو الرسائل الخاصة أو البريد
تقديم يد العون للجميع حسب إمكانياتك ومجال خبرتك
الاستفاده من الأعضاء وإفادتهم
جعل المنتدى ارشيف لكل اعمالك وحفظها من الضياع
الإحتكاك مع أصحاب الخبرات وتطوير قدراتك

وأسئلة أخرى

ماهي أهداف هذا المنتدى؟
كيف السبيل إلى تحقيقها؟
هل يمكن أن أساهم في تحقيقها؟
بمشي وبجيكم عشان نكمل المشوار

[معتز الريح]

الأخ الحبيب ضياء ..
وجودك مهم ومشاركتنا الأفكار جميله ..

منتظرين عودتك

[هنا مدني]

معتز موضوع جميل وأنا أستفدت منوا كتير

[هنا مدني]

وياريت لو تعملوا زي ماعاملين النواعم
في كعب الموضوع او الرد تنوهوا على مواضيع الكاتب

[هنا مدني]

انت ما عرفتة النظرية الجديدة

1
/ جيب ليك اول حاجة موضوع مستفذ .

2/ هاجم أول واحد يرد عليك .

3/ هاجم المشرفين .

4/ كرر هجومك وواصل فيهو بين الحين والأخر على المشرفين وأول واحد ردا عليك .

5/ ركز الهجوم على الاعضاء الفاعلين .

في خلال ساعة تلقى الزيارات فاتت المية + الردود تلقاها فوق الخمسين!!!!! .


قبل ما يتقفل الموضوع لازم تكون متواجد على الدوام للرد وغيرو لانو حايكون عندك 12 ساعة قبل ما يتم إجراء اللازم .

ملحوظة :- ناس المنتدى هنا كل حبايبنا واخوانا سريعين في المعارك تلقاهم مستعدين وتلقاني أنا أول واحد واقف في الطابور ودائما مستعد . طبعا دا بالتجربة والخبرات التي كسبناها من المعارك السابقة وما في داعي أقول حاجة اخليها تولع تاني .

بس بصراحة الواحد بيحب جو الحماسة والمشاكسات طبعا بدون ما الواحد يلمس أي أمور شخصية أو عدم إحترام لإي شئ سواء عقيدة أو جماعة أو حاجات تانيه حاميـــــاني هههههههههههههه .


وإذا رحموك وتم تعليق مشاركتك أو منعوك من الدخوا فترة أستحمل وما تكررها تاني عشان ما يزيدو المدة .


ما أتوقع إنو منتدى زي دا هادي وهادف يتحمل فكره زي فكرتك دي
مع كامل إحترامي ومودتي

[رضاك ياصفيه]

والله يا معتز في بعض الاوقات بفكرررررررررررررر كويس


رضاك يا صفيه

[رضاك ياصفيه]

هههههههههههههههههههههههههههههههههههههههههههههههههه هههههههههههههههههه
هنا مدني كلامك هووووووووووووووو الجايب سوق
بجد زي ما قلتي
رضاك يا صفيه

[معتز الريح]

معتز موضوع جميل وأنا أستفدت منوا كتير .. وياريت لو تعملوا زي ماعاملين النواعم في كعب الموضوع او الرد تنوهوا على مواضيع الكاتب

هنا مدني ..
القصد من البوست هو الفايده العامه ..
اقتراحك جميل .. نحولوا للمشرفين ..

لك الشكر

[رضا حسن محمد]

ود الريح الظريف
انا داخل ازيد ليك الدخل
وطالبك مداخلة
سلام

[معتز الريح]

ود الريح الظريف
انا داخل ازيد ليك الدخل
وطالبك مداخلة


الحبيب الجميل رضا ..
زيارتك دي هي الدخل كلو ..
والحساب يجمع ..

انت من بركات ؟

[رضا حسن محمد]

الحبيب الجميل رضا ..
زيارتك دي هي الدخل كلو ..
والحساب يجمع ..

انت من بركات ؟

الوريف ود الريح
نحنا حياتنا كلها ساكنين فى بركات
بعدين لما الوالد الله يديه الصحة والخير كله اخد المعاش فى 1997 سكنا فى حى المنيرة
وبيتنا قريب من الكلية الاعدادية يا ريت لو تشرفنا بزيارة انا شهر سبعة شايل البلد
سلاميا فردة

[معتز الريح]

حياتنا كلها ساكنين فى بركات


التحية لأجمل وألطف شباب عرفتهم
أولاد بركات

كدي طالبني مداخلتين ..
لك الشكر

[Madanawi]

ود الريح لك التحية على هذه الاشراقة الجميلة والاساس القوي لطرق التعامل مع الاعضاء في المنتدى واحترام مواضيعهم ومشاركاتهم ورؤاهم وأفكارهم.

أضيف على ما ذكرت .. أن يتواجد بداخلنا الدافع لتقديم المفيد والايجابي لانه سيدر علينا جميعا الخير الوفير .. فنتبادل المعلومات القيمة .. ونتعلم فنون الحوار وأدب الخلاف .. ونرتقي بفكرنا فتستنير ألبابنا .. الطرح الايجابي يجد طريقه بسهولة لعقول وقلوب بقية الاعضاء فيتدافعون نحوه بحب وود يلتمسون فيه الاهداف التي من اجلها نحن هنا.

أيضا الصدق في ما نكتب مطلوب .. فكيف نكون اصدقاء ولا نصدق بعضنا البعض؟

المسئولية بيننا وبين أنفسنا .. فما نكتبه يجب أن نعلم مدى مسؤليتنا تجاهه فبالتأكيد هو يؤثر أيجابا أو سلباً على بقية الأعضاء.

البعد عن النقد غير المؤسس وأنتقاص أفعال الغير .. فهي بلا شك بؤر لخلافات لا نحب أن نراها في منتدانا الحبيب ... فليس المؤمن بطعّان ولا لعّان ولا فاحش ولا بذئ.

دمت بكل الود .. ومزيداً من المواضيع ذات النكهة المتميزة ،،

[معتز الريح]

حبيبنا أبو أحمد ..
منور يا ولدنا .. انت كده جبت المفيد ..
يعني يا حبيب كملنا بعض
انت جبت المعنوي
وأخوك جاب الفني
كده كملت

تسلم

[أبوياسر]

هنا مدني ..
القصد من البوست هو الفايده العامه ..
اقتراحك جميل .. نحولوا للمشرفين ..

لك الشكر

أستاذ والله أستاذ
لكن بي دي ذكرتني عزيزي المشاهد

[معتز الريح]

أستاذ والله أستاذ
لكن بي دي ذكرتني عزيزي المشاهد

حبيبنا ..
مش أخير مما اذكرك هيفا وهبي
تسلم على المرور

[معتز الريح]

حبايبنا ..
الليله بلاش .. بكره بقروش

[ايمن جعفر]

أخي معتز بما أنك عضو فعال الفكرة جميلة والترتيبات أجمل لكن أنا عندي مشكلة لدي الكثير من المواضيع المفيدة لكن المشكلة ما اقدر أنزل المواضيع على المنتدى الرسالة أنو الملف خاطي يعني الموضوع بكون من عدة صفحات ما مكن أعمل ليهو نسخ ولصق بصير ممل ما عارف رأيك شنو
شاكرين

[هشام السماني إبراهيم]

الاخ معتز :

والله المعلومات القلتها مفيدة جدا جدا

عندي اضافة بسيطة :
المفرض الواحد اشارك بي موضوع واحد كل فترة عشان ادي البقية فرصة لي اضافة مواضيع جديدة وعشان العضاء اعرفو بعض يعني مافي اليوم الواحد اكتب 3 لى 4 مواضيع كدا انا شايف كتير .
ودمتم
اخوكم : هشام / Doom99

[معتز الريح]

الحبيب ايمن جعفر ..
نتمنى أن يمر على البوست من هو قادر على حل مشكلتك
وشكراً على المشاركة ..

[معتز الريح]

المفرض الواحد اشارك بي موضوع واحد كل فترة عشان ادي البقية فرصة لي اضافة مواضيع جديدة وعشان العضاء اعرفو بعض يعني مافي اليوم الواحد اكتب 3 لى 4 مواضيع كدا انا شايف كتير .
/ Doom99

الحبيب هشام ..
والله يا حبيب وجهة نظر تحترم ..
مشكور

[معتز الريح]

الحبيب مختار بازي ..
انا رافع الموضوع ده عشانك ..

[معتز الريح]

أضيف ..
* ما تقطع مواضيع من راسك ..
* ما تكتب مداخلة لو ما كونت فكرة طيبة عن الموضوع ..

[معتز الريح]

فوق مخصوص ..
عشان الريانة ..

[جيفارا]

ما أتوقع إنو منتدى زي دا هادي وهادف يتحمل فكره زي فكرتك دي
مع كامل إحترامي ومودتي


انا عارف بس انت ما كنت متابعة ولو كنت موجودة في حينها كان فهمتي قصدي لكن ربنا يهدينا الى التي هي اقوم ولو عكستي حاتفهمي

[جيفارا]

والله يا معتز الناس حيرونا ما خلو حاجة في الدنيا الا كتبو عنها وبقت اصعب حاجة انو اكتب موضوع جديد لانو الشباب مشاء الله عليهم مبادرين ومجتهدين ومرات بتكون المشاركة في موضوع قائم احسن من الزحمة واضافة موضوع جديد

[جيفارا]

وعشان ما اكتر الكلام حقو الناس تدي الموضوع حقو يعني الفترة الكافية الناس تشارك فيهو

[مختار بازى]

الحبيب مختار بازي ..
انا رافع الموضوع ده عشانك ..

والله ما قصرتة تب ولو علي انا كان اتثبت

[معتز الريح]

والله يا معتز الناس حيرونا ما خلو حاجة في الدنيا الا كتبو عنها وبقت اصعب حاجة انو اكتب موضوع جديد لانو الشباب مشاء الله عليهم مبادرين ومجتهدين ومرات بتكون المشاركة في موضوع قائم احسن من الزحمة واضافة موضوع جديد

أعصر راسك وأتأكد انو الما اتكتب كتيييير ..
تخريمة .. تحياتنا لحسكو ..

[معتز الريح]

لزياده الفائده ..

[معتز الريح]

ملاحظ مواضيع الحب والشواكيش
دخلها 100% ..
يكون السبب شنو؟