صاحب بوتيك الكلام الجميل ( بورتبيل ) يحل ضيفاً كريماً علي الكرسي الساخن

[مدنيّة]

الاخوة والاخوات اعضاء منتديات ود مدني

السلام عليكم ورحمة الله

ضيفنا لهذه المرة ولج لقلوب الجميع بطيبة اهلنا

تراه احيانا مشاكساً واحيانا مشاغباً ولن ما يميزه حبه للمنتدي واعضائه وحب الاعضاء له

لا اريد ان اسهب في الحديث عنه ، سوف اتنحي لكي افسح له كل المجال ليعرفنا

بنفسه عن قرب



<marquee direction="up" width="700" height="142" style="TAHOMA: 150%; font-size: 14pt; color: white; border-style: ridge; border-color: #0066FF" bgcolor="#000000" scrolldelay="100" scrollamount="2"><center>
فهلا تفضلت اخي بورتبيل</marquee>






<embed width="281" height="79" src="http://www.sudaneseonline.com/SudaneseMusic/music/MohamedWardi/altair%20almuhagir.mp3"

[صلاح ودالطاهر]

و

الخبر اللكيد قالو برتبيل ... جاءنا
والكرسي الساخن من الصباح ... جاطنا
والعواس يا حليلو والكواس تب ما فاتنا
برتبيل اخوي شن بثبتك على .. لبعاتنا


والليلة امانة ما وقعته .. وما سميت


مرحبتين حبابك واليوم السعيد الليله جابك يا برتبيل البطاقه الشخصيه
نمشى ونجيك

[المكاشفى]

اووووووووووووووووووووووووووووووك

ارااااااااااااااااااروووووووووووووووووووووووك



امانه ماكتل
رااااااااااااااااااااااااااااااااااااااااااااااااا اااااااااااااااااااااااااااااااجل




















راجع ليك

[admin]

بورتبيل في الكرسي الساخن .. طيب امسك عشان دي تكون بداية اسخن كرسي ..

بعد البطاقة الشخصية
1- تاريخك الاغترابي بالتفصيل .. يعني من البداية الاقامة ذاتها الاشتراها ليك منو ؟ وبي كم ؟ ودا اول كفيل ليك ولا كنتا شغال في حتة تانية ؟ وناقل على الناس ديل ولا ما ناقل ؟
2- فكرة البوتيك دي من وين جاتك؟ هل تفكر في تنفيذها على الطبيعة ؟ ولا نفذتها؟ هل كانت الفكرة محاكاة لموضوع اخر رايت اذدهاره؟ ماذا قدم البوتيك للاعضاء وماذا سيقدم لهم مستقبلا؟ هل تعتقد ان كلمة بوتيك مناسبة للتدليل عن محتويات الموضوع سبب التسمية؟
3- بورتبيل هل هي قرية او مدينة؟ حدثنا عنها ؟ كم المسافة التي تبعدها بورتبيل عن مدني؟ اين تقف مواصلات بورتبيل في مدني؟ لو انا في السوق الكبير وعايز امشي بورتبيل ومعاي عربية اوصف لي الطريق مع ذكر كل القرى والمعالم الاساسية التي تقابلني في الطريق؟ هل هي (بورتبيل) مكان ميلاد الاب والام والاهل؟ هل هنالك اعضاء من بورتبيل معنا في المنتدي ؟ اذكرهم؟ ما الشئ المميز الذي تدعونا لرؤيته اذا ذهبنا الى بورتبيل؟


كفاية كدا وربنا يديك العافية

[مختار بازى]

الاستاذ برتبيل حللت اهلا ونزلت سهلا في الكرسي الساخن

I will return soon


Ask God you success.

[عماد عبدالشكور]

اهلا ومرحب بيك اخونا برتبيل وانشاء الله ما يحصل ليك الحصل لي

[بدر الدين محمد]

الاخ العزيز.. بورتبيل
لك التحية في كرسيك الساخن هذا ..
اولا: ظني انك من بورتبيل والتي اعرفها تماما وانا امر بها لزيارات عمومتي في ودمطر الخوالدة ..
ظني صحيح ؟؟؟
ان لم يكن كذلك اثني طلب الادمن بالحاح ان تفسر وتبين لنا !

[abu_ola]

مدنية ايتها الرئعة

لك التحية و الوفاء

انا لو عارف غيابك بجيب لينا حميض حلو زي دا كان من زمان وصيت الجماعة يختطفوك


الغالي مدثر

من زمااان و أنا مستني لحظة جلوسك في هذا الكرسي لكي نبحر في دواخلك ايها الرائع

اقعد عافية و كان الكرسي ما نفع معاك بجيب ليك عنقريب القد الفي البوتيك

لنا عودات و عودات إن شاء الله

[بورتبيل]

بسم الله الرحمن الرحيم<?xml:namespace prefix = o ns = "urn:schemas-microsoft-com:office:office" /><o:p></o:p>
وبه نبدأ ونستعين .. اللهم اجعل هذا الكرسي برداً وسلاماً علينا.<o:p></o:p>

<o:p></o:p>
وعفواً سادتي اذا توقفت قليلاً عن الرد على المشاركات .. لتوضيح بعض النقاط .. <o:p></o:p>
1- بما ان هذا الكرسي الساخن ( هو ساخن بكل ما تحمل الكلمة من معنى) لذا علينا ان نوضح بانني اقبل باي كمية من الاسئلة
ومهما كانت شايكة ومعقدة .. وانا على استعداد بان ارد عليها كلها فليس هناك ما يدعو للتخوف والحرج ..
فقط اريد ان يحترم بعضنا البعض ولا داعي للمناكفات والتجريح .. والتقليل من شأن الاخرين.<o:p></o:p>
2- اذا كان هذا الكرسي الساخن للسادة الاعضاء المميزين على الواقع (الودمدناوي)
فان اقل بكثير من هذا الواقع (ومسكين يا اخوانا).. فما انا الا رجل يريد ان يبقى معكم ولو لفترة قصيرة. فانا ليست عماد محمد القامة البارزة ولا انا مرتضى الحلامابي .. الرجل الانسان
ولا انا نفحات الصباح بت مدني المأصّلة ولا انا ابوبكر حامد الرقم الصعب في ود مدني .. ولا انا مدناوي لا انا في قامة كل الذين جلسوا في هذا الكرسي من قبلي
.. انا اقل بكثير من من جلسوا هنا. ولكن مشكورين السادة المشرفين اذ راوا فيّ انني اصلح لهذا الكرسي في هذا الوقت واتمنى ان يكون برداً وسلاماً
على الجميع.<o:p></o:p>
3- لكل الذين يريدون ان سألوني او يسالوا عن اي سؤال اقول لهم انا مستعد .. فقط اريد ان أٌنبه بان لا يكون في الاسئلة تجريح
او استخفاف باحد الاعضاء .. ويكفي ما حدث في الكرسي السابق .. ولا نريد ان تتملكنا المشاكل والمهاترات .. والافتراق.<o:p></o:p>
يلا يا اخوانا اضربوا بس بشويش بشويش ..قالوا التور كان وقع بتكتر سكاكينو ..( بس انا ما تور ولا حاجة...
شوفوا التيران وين... وما في داعي للسكاكين الكتار)
بجيكم راجع للبطاقة وكدا.<o:p></o:p>

[المكاشفى]

حبيبى الغالى مدثر اتوهط فى كرسيك ده
وماتخاف من حاجه نحن قاعدين لردوود المساخه
وناس نصيحه ويمين ان ظهر اي شى يخرب الحفله
نتصدالوا قبال المشرفين وخلونا مارقين للربا والتلاف



بس المولد مافاتك اخوى زاهر يس


وراجعلك

[Madanawi]

يا بورتوبيل .. مرحب بيك في الكرسي الساخن ،،

شكلك موعود بحملة شرسة من عشاق البوتيك .. وامسك الخشب يا حبة ،،

كدي ورينا الحاصل في بطاقتك الشخصية وبعد كده تعال لي أسئلتي التسخينية دي :

سؤالي ليك ... يا المارد هو من تلاتة أجزاء ,,,,,,

1/ بورتبيل قبل الغربة .. وبعد الأغتراب .. في سطور؟؟
2/ جدة غير .. والبوتيك غير .. تاني شنو غير؟؟؟؟؟؟؟؟
3/ ماذا أضفت للمنتدى .. وماذا أضاف لك ؟؟؟؟؟؟؟؟؟؟

لزوم التسخينة وجاييلك يا الحبيب ،

[ابوشوتال]

اهلا اهلا مبروك عليك يا عريس
دا اليوم الدايرنوا ليك ياعريس
البطاقة الشخصية

المراحل التعليمية

الحالة الاجتماعية

اكثر ما عجبك في الاغتراب والعكس

وما داير اكتر لمن يسخن برجع تاني واقعد عافية

[غيداء نورالدين]

بورتبيل مرحب بيك في الكرسي الساخن
ولي رجعة تاني

[الفارس البنفسجي]

فرضت نفسك على المنتدى
بإريحيتك وشفافيتك وتعامل الراقي
مع كل الأعضاء ... سكنت في أفئدة
العديد من الأعضاء.

ما هي دواعي تسجيلك في المنتدى؟

كيف يضيف العضو جديداً للمنتدى؟

ماذا تفعل لو كنت:-

الآدمن؟
كبير المشرفين؟

أكيد بمشي وبجيك عشان أزرزرك كويس

[شبارقاوية]

يا هلا يا هلا
الليلة ما يومك جاء
يلا ادينا البطاقة الشخصية قبل ما امشى اجيب الحطب والكبريت

[جيفارا]

كيف بقيت رئيس تحرير

[صلاح ودالطاهر]

هووووووووووووووووووووووووووووووووووووووووووي يا جنه مالك لبته اظهر وبان اولا في تبادي جاوب علي اسئلة ابوكبيره وتاني بنجك نحن اصلو انا كلمت صقر قريش يحمي الدلوكه ويرش النجيله عشان تتوهط في الكرسي وانت ياجنه مالك في البداية اديتنا خطبه عصماء برضو مابتحلك وده اليوم الدايرنو ليك يابرتو مبروك عليك ام بلينا سوت قدرتها والعزها عزه قبيلتها اه بعد دك امشي الحوش وافتح البوتيك والبس ليك جلابتي الفريد وحيده ام جكو واخت سكيني في ضراعي وبجيك راجع ذي ماقلت ليك كدي جاوب علي ابوكبيره

[بورتبيل]

الاخوة والاخوات اعضاء منتديات ود مدني

السلام عليكم ورحمة الله

ضيفنا لهذه المرة ولج لقلوب الجميع بطيبة اهلنا

تراه احيانا مشاكساً واحيانا مشاغباً ولن ما يميزه حبه للمنتدي واعضائه وحب الاعضاء له

لا اريد ان اسهب في الحديث عنه ، سوف اتنحي لكي افسح له كل المجال ليعرفنا

بنفسه عن قرب



<MARQUEE style="FONT-SIZE: 14pt; BORDER-LEFT-COLOR: #0066ff; BORDER-BOTTOM-COLOR: #0066ff; COLOR: white; BORDER-TOP-STYLE: ridge; BORDER-TOP-COLOR: #0066ff; BORDER-RIGHT-STYLE: ridge; BORDER-LEFT-STYLE: ridge; BORDER-RIGHT-COLOR: #0066ff; BORDER-BOTTOM-STYLE: ridge; TAHOMA: 150%" scrollAmount=2 scrollDelay=100 direction=up width=700 bgColor=#000000 height=142><CENTER>
فهلا تفضلت اخي بورتبيل
</CENTER></MARQUEE>






<EMBED src=""http://www.sudaneseonline.com/SudaneseMusic/music/MohamedWardi/altair%20almuhagir.mp3 width=281 height=79 type=audio/mpeg font <>


بسم الله الرحمن الرحيم

اول حاجة القال ليك منو انا مشاغب .. (شكيت محن العلموني المشاغبة)
وتاني حاجة انا بشكرك للثقة الكبيرة دي .( ختيتني في الكرسي الحاااار دا)
وتالت حاجة مشكور كل من مرا بجاي وجدع ليه جمرة جمرتين
وانا اخو البنات .. وجاييكم تقيل تب . وابقو جاهزين الا تقوموني براكم
ورحكاكم معاي

[بورتبيل]

و

الخبر اللكيد قالو برتبيل ... جاءنا
والكرسي الساخن من الصباح ... جاطنا
والعواس يا حليلو والكواس تب ما فاتنا
برتبيل اخوي شن بثبتك على .. لبعاتنا


والليلة امانة ما وقعته .. وما سميت


مرحبتين حبابك واليوم السعيد الليله جابك يا برتبيل البطاقه الشخصيه
نمشى ونجيك

الغالي عمنا صلاح قالوا التسويه (كريت) تلقا في جلدا
بالنسبة للبطاقة الشخصية وكدا اها بسم الله الرحمن الرحيم

مدثر محمد وداعة الله البخيت
تاريخ الميلاد 3/4/1973م
مكان الميلاد: حيث الالفة والطيبة والاهل (بورتبيل)
المراحل التعليمية: طبعاً روضة ما في - بورتبيل الابتددائية - المدينة عرب المتوسطة - سنار الثانوية بنين - جامعة ام درمان الاسلامية - كلية الاقتصاد والعلوم الاجتماعية - قسم محاسبة 1996م
متزوج - والحمد لله

[بورتبيل]

بورتبيل في الكرسي الساخن .. طيب امسك عشان دي تكون بداية اسخن كرسي ..

بعد البطاقة الشخصية
1- تاريخك الاغترابي بالتفصيل .. يعني من البداية الاقامة ذاتها الاشتراها ليك منو ؟ وبي كم ؟ ودا اول كفيل ليك ولا كنتا شغال في حتة تانية ؟ وناقل على الناس ديل ولا ما ناقل ؟
2- فكرة البوتيك دي من وين جاتك؟ هل تفكر في تنفيذها على الطبيعة ؟ ولا نفذتها؟ هل كانت الفكرة محاكاة لموضوع اخر رايت اذدهاره؟ ماذا قدم البوتيك للاعضاء وماذا سيقدم لهم مستقبلا؟ هل تعتقد ان كلمة بوتيك مناسبة للتدليل عن محتويات الموضوع سبب التسمية؟
3- بورتبيل هل هي قرية او مدينة؟ حدثنا عنها ؟ كم المسافة التي تبعدها بورتبيل عن مدني؟ اين تقف مواصلات بورتبيل في مدني؟ لو انا في السوق الكبير وعايز امشي بورتبيل ومعاي عربية اوصف لي الطريق مع ذكر كل القرى والمعالم الاساسية التي تقابلني في الطريق؟ هل هي (بورتبيل) مكان ميلاد الاب والام والاهل؟ هل هنالك اعضاء من بورتبيل معنا في المنتدي ؟ اذكرهم؟ ما الشئ المميز الذي تدعونا لرؤيته اذا ذهبنا الى بورتبيل؟


كفاية كدا وربنا يديك العافية
الارباب اخوي .. تب ما قصرتا معانا .. ارقد قفا اخوك بجاوب تب
اها البطاقة الشخصية جاوبنا عليها نخش في اسئلتك طوالي
1- تاريخك الاغترابي بالتفصيل .. يعني من البداية الاقامة ذاتها الاشتراها ليك منو ؟ وبي كم ؟ ودا اول كفيل ليك ولا كنتا شغال في حتة تانية ؟ وناقل على الناس ديل ولا ما ناقل ؟
تاريخ الاغتراب بالتفصيل كيف يعني ؟؟ انا اغتربتا سنة 1999م - الاقامة اشتراها ليا اخوي الاكبر مني - بستة الف ريال الزمن داك - كنت شغال في شركة في الرياض لمدة خمسة سنوات - الناس ديل ما ناقل عليهم لسع!!!
2- فكرة البوتيك دي من وين جاتك؟ هل تفكر في تنفيذها على الطبيعة ؟ ولا نفذتها؟ هل كانت الفكرة محاكاة لموضوع اخر رايت اذدهاره؟ ماذا قدم البوتيك للاعضاء وماذا سيقدم لهم مستقبلا؟ هل تعتقد ان كلمة بوتيك مناسبة للتدليل عن محتويات الموضوع سبب التسمية؟
فكرة البوتيك كانت فكرة بيني وبين الاستاذ صلاح الطاهر وود المطامير انو نعمل موضوع جديد يناقش ويحاور ويشارك في المنتديات بس بالشعر والدوبيت والمسادير ونجحت الفكرة بحمد لله وبجهود اخوة اعزاء جداً في المنتدى والعايز يعرفهم يمشي البوتيك - بالنسبة لتنفيذها على الطبيعة الفكرة موجودة بس ما اظنها بوتيك , وربنا يسهل - بلصراحة بصراحة الفكرة كانت انفعال مننا انا وصلاح وود المطامير في الماسنجر من موضوع ما لكن فكرة البوتيك جاءت مختلفة تماماً عن الموضوع ذاك , بل وهي اضافة حقيقية اليه:D - البوتيك قدم للاعضاء انو جعل المطارحة بالدوبيت مزدهرة جداً في المنتدى اذ برز فرسان دوبيت ونم ومسادير وانشاء الله سوف يقدم المزيد - اتفق معك بان كلمة بوتيك لا تدلل على الموضوع ولكن هل ترى ان كلمة طاحونة مثلاً تدلل على الكلام الجميل والحلو؟؟
3- بورتبيل هل هي قرية او مدينة؟ حدثنا عنها ؟ كم المسافة التي تبعدها بورتبيل عن مدني؟ اين تقف مواصلات بورتبيل في مدني؟ لو انا في السوق الكبير وعايز امشي بورتبيل ومعاي عربية اوصف لي الطريق مع ذكر كل القرى والمعالم الاساسية التي تقابلني في الطريق؟ هل هي (بورتبيل) مكان ميلاد الاب والام والاهل؟ هل هنالك اعضاء من بورتبيل معنا في المنتدي ؟ اذكرهم؟ ما الشئ المميز الذي تدعونا لرؤيته اذا ذهبنا الى بورتبيل؟
يعني ما عارفا قرية ولا مدنية هي اا اقصد مدينة - بورتبيل قرية صغيرة تقع غرب ود مدني 23كلم - المواصلات بتاعت بورتبيل والمدينة عرب تقع بجوار استاذ ود مدني من الناحية الجنوبية - لو انتا في السوق الكبير وعايز تمشي بورتبيل اوصف ليك الطريق -طيب تطلع بشارع النيل وطوالي لحدي كبري البوليس تقيف عشان في تقاطع شارع مدني الخرطوم مع شارع البطلعك للكريبة ... اها تواصل باتجاه الكريبة وبعد داك اول ما بلاقيك قضيب السكة الحديد تعديه تلقى كبري في ترعة صغيرة كدا تقطع وتتجه غرب قدامك علىاليسار الكريبة وعلى اليمين السلاخانة وسوق البهايم - بعد داك وتواصل في طريق الاسفلت طوالي ملن تجي قدامك ترعة كبيرة (ميجر) تلقى كبري كبير اسمو كبري بيكة تقطع تلقا بيكة على يسارك - اها تواصل طوالي مع الاسفلت ما تنزل منو .. بيكون في يمينك ترعة ماشا معاك طوالي.. تواصل تتجه شمال .. تلقى كبري ابوسنينة والوراق تعدى طوالي وتتجه غرب مع الاسفلت والترعة برضو على يمينك .. توصل مهلة الطريق قاسما على اتنين .. تواصل طوالي وتكون متجه غرب .. بعد مهلة بتلقى قضيب سكة حديد الجزيرة تقطعو وتواصل مع الاسفلت طوالي .. بعد داك بجيك الطلحة الزراعية على يمينك على بعد 2 كلم من الطريق.. اها تواصل طوالي متجه غرب .. بعد داك تلقى قدامك شجر كتير من بعيد بتشوفو .. شجر بان بيكون على يمينك لما تصل الشجر دا بيكون في كبري (قنطرة) ما تقطع الكبري لانو بوديك المدينة عرب.. تزل قبل الكبري يسار في يا فطة مكتوب عليها مرحباً بكم في بورتبيل.... في ردمية حمراء مسافة كيلو ونص كدا بتلقى نفسك دخلتا بورتبيل .. اتذكر انو في ترعة على يمينك وواحدة على شمالك لحد ما تخش بورتبيل بعد داك تلقى المقابر على يسارك والترعة على يمينك .. تمشي بجيك الحلة على يسارك تواصل طوالي لمن تصل طرف الحلة من الناحية الجنوبية الغربية والترعة على يمينك .. هناك قول داير بيت ناس محمد وداعة الله بوروك ليه اها خش تلقى الجماعة قاعدين والف مرحب بيك يا الادمن وكل ناس مدني - نعم بورتبيل مكان ميلاد الاب والام والحمد لله - نعم يوجد اعضاء معنا في المنتدى من بورتبيل - يوجد portbail (عمر مصطفى - الخرطوم) وبابكر بورتبيل ( بابكر مصطفى - الامارات) ومامون يوسف محمد - الرياض... واحس ان هناك عيون من بورتبيل تتابع المنتديات بصورة متواصلة .. بالنسبة للاعضاء الذين ذكرت دخولهم للمنتدى قليل نسبة لطبيعة اعمالهم.
اذ ذهبتم لبورتبيل .. اولاً الف مرحب بيكم في بورتبيل .. واول حاجة احب اقول ليك انو بورتبيل بالجد كلها تحت امرك محل ما عايز تمشي نوديكم ...... لكن قول ليا انت عايز تمشي وين وتششتا بعيوني واصابعيا وقفن من الكتابة عديل كدي ... انتا تعال وخلي مكان نوديك مفاجأة ليكم :D

[المكاشفى]

هووووووووووووووووووووووووووووووووووووووووووي يا جنه مالك لبته اظهر وبان اولا في تبادي جاوب علي اسئلة ابوكبيره وتاني بنجك نحن اصلو انا كلمت صقر قريش يحمي الدلوكه ويرش النجيله عشان تتوهط في الكرسي وانت ياجنه مالك في البداية اديتنا خطبه عصماء برضو مابتحلك وده اليوم الدايرنو ليك يابرتو مبروك عليك ام بلينا سوت قدرتها والعزها عزه قبيلتها اه بعد دك امشي الحوش وافتح البوتيك والبس ليك جلابتي الفريد وحيده ام جكو واخت سكيني في ضراعي وبجيك راجع ذي ماقلت ليك كدي جاوب علي ابوكبيره

ياود الطاهر امشى اجهز تب والبس ام جكو
وابرم سكينك وخليك جنب الراجل واجب ياخى
وانا خلينى بلقط الدراب المتطاير هاوس كيبينق يعنى


تقى تق تقى تق يابورتو مبرووك عليك
دا اليوم الدايرنو ليك ......ابشرو ابشر بالخير

الله ..........حفله فاقده اخونا ود المطامير الله يطراه بالخير


برجع ليك اللسته لسه ماجهزت......

[admin]

شكرا جزيلا بورتبيل على ردك على اسئلتي باذهاب واريحية .. ما قصرت تب .. الله يديك العافية

[بورتبيل]

حبيبى الغالى مدثر اتوهط فى كرسيك ده
وماتخاف من حاجه نحن قاعدين لردوود المساخه
وناس نصيحه ويمين ان ظهر اي شى يخرب الحفله
نتصدالوا قبال المشرفين وخلونا مارقين للربا والتلاف



بس المولد مافاتك اخوى زاهر يس


وراجعلك

تسلم ولله كشة الدولي - ويا ها المحرية فيك .. وكان على زاهر ولله انا اكتر زول فاقدو
ربنا يرجعو بالسلامة

[بورتبيل]

يا بورتوبيل .. مرحب بيك في الكرسي الساخن ،،

شكلك موعود بحملة شرسة من عشاق البوتيك .. وامسك الخشب يا حبة ،،

كدي ورينا الحاصل في بطاقتك الشخصية وبعد كده تعال لي أسئلتي التسخينية دي :

سؤالي ليك ... يا المارد هو من تلاتة أجزاء ,,,,,,

1/ بورتبيل قبل الغربة .. وبعد الأغتراب .. في سطور؟؟
2/ جدة غير .. والبوتيك غير .. تاني شنو غير؟؟؟؟؟؟؟؟
3/ ماذا أضفت للمنتدى .. وماذا أضاف لك ؟؟؟؟؟؟؟؟؟؟

لزوم التسخينة وجاييلك يا الحبيب ،
تسلم يا مدناوي ..البطاقة قلناها
اها النجي لكلامك
1- بورتبيل قبل الغربة ...؟؟ كنت زول عادي ذي ذي غيري .. طالب وبعدها خدمة وطنية ما كملتها .. وتوش خشينا الاغتراب.. بورتبيل بعد الاغتراب .. هم وغم وحياة لا اعلم لها طعم وسنين مرت وزمن سرق منّي احلى الاوقات .. صدقني انا اتمنى ان اعود كما كنت .. ولكن هيهات.
2- جدة غير .. والبوتيك غير .. وحوش ابو رجاء برضو غير
3- انا اعتقد انني لم اضف للمنتدى اي شي يذكر .. وماذا اضاف لي المنتدى سؤال يحتاج لصفحات لكي ارد عليك .. ولكن اختصر هذا كله واقول انه قد جمعني باخوة لم اكن اتخيل انه سوف ياتي يوم واكون معهم .. وخلق لي روابط وصداقات اعتز بها .. عبر الزمن .. ولي معها اشواق وشجن.
مشكور يا المعز على الاسئلة. ومنتظرك

[مدنيّة]

بورتبيل مالك مسخن قبل ما تقعد × الكرسي :eek:
كدي استغفر الله واتوهط واركز × الكرسي دا وخلي الجرسة من قولة تيت:D

[بورتبيل]

فرضت نفسك على المنتدى
بإريحيتك وشفافيتك وتعامل الراقي
مع كل الأعضاء ... سكنت في أفئدة
العديد من الأعضاء.

ما هي دواعي تسجيلك في المنتدى؟

كيف يضيف العضو جديداً للمنتدى؟

ماذا تفعل لو كنت:-

الآدمن؟
كبير المشرفين؟

أكيد بمشي وبجيك عشان أزرزرك كويس

ضياء الدين .. ولله انها لسعادة كبيرة ان تسألني عن هذه المواضيع.
اول حاجة .. بصراحة تسجيلي في هذا المنتدى كان بمحض الصدفة .. الا انني اعتبر نفسي من ابناء مدني ولذا كان من العيب ان اظل متابع لهم من برا برا ولا اشاركهم .. وطوالي سجلتا معاهم والحمد لله وجدتهم مرحبين بي اشد ترحيب .. وربنا يجعل الصداقات تدوم وتدوم.
بالنسبة الى كيفية اضافة جديد للعضو بالمنتدى .. في راى الشخصي .. ان يحاول قدر الامكان تجنب النقاط التي تجعله غير مرغوب فيه .. ويحاول ان يكتب عن ما يراه هو ... ولا يفتعل نقاط الاختلاف .. والافتراق بين الاعضاء .. اذ ان هذا المنتدى يقوم على اهداف تُكرس كلها لمصلحة ود مدني ولخلق روابط تجعل من ابناء ود مدني مترابطين في شتى بقاع الارض ... واحسب ان الجديد الذي يصبو اليه كل عضو موجود في داخله هو واذا اخذ كل منّا ما في داخله دون المساس والخوض في مهاترات قد لا تفيد .. نكون قد سبقنا الكثيرين الى تحقيق اسمى الغايات على الاطلاق.

ماذا افعل لو كنت ... الادمن ( كدي كبيرة على شوية)
لا اعتقد انني استطيع ان افعل ما يفعله الرائع ( ابو بكر محمد المبارك) فهذا الرجل انا احبه في الله كدا وبالجد انه لمفخرة لكل ابناء الجزيرة الخضراء.

وماذا افعل لو كنت كبير المشرفين: انادى بان نكون اكثر تماسكاً واكثر إلفة

لكن صدقني يا ضياء لا هذه ولا تلك احسب نفسي انني استطيع ان اقوم بها على الوجه الاكمل.
(ورحم الله رجل عرف قد نفسه)

[بورتبيل]

اهلا اهلا مبروك عليك يا عريس
دا اليوم الدايرنوا ليك ياعريس
البطاقة الشخصية

المراحل التعليمية

الحالة الاجتماعية

اكثر ما عجبك في الاغتراب والعكس

وما داير اكتر لمن يسخن برجع تاني واقعد عافية

ابو شوتال .. مبروك فوق شنو؟؟؟
وبعدين شبارقة جاب ليا خبرك .. واهلا بيك ..
البطاقة قلناها .. والمراحل التعليمية قلناها
والحالة الاجتماعية : بلعب في دوري المجموعات .. يعني اتاهلنا

اكتر ما عجبني في الاغتراب .. انو اضاف لي معرفة كبيرة ودراية .. وخبرات عملية وعلمية مفيدة جداً لا احسب انني كنت استطيع ان اجدها بالسهولة واليسر هذا .. والحمد لله.
والعكس تماماً .. انو الاغتراب سلب منَا زمناً ما بتلحق .. وحرمنا من الوطن والاهل والتفاعل الاجتماعي الجميل في السودان.... اها كفاك ولا ازيدك.
وتعال انا قاعد باذن الله.

[بورتبيل]

يا هلا يا هلا
الليلة ما يومك جاء
يلا ادينا البطاقة الشخصية قبل ما امشى اجيب الحطب والكبريت

كنتا داير الكرسي دا ليك .. بس الجماعة غشوني وقعدوني انا
على العموم انا جني وجن الحطب والكبريت.

مشكورة يا دكتورة على المشاركة وانا مستعد بس ما تجدعي بالحجار القوية باقي انت عارفة العلاج في البلد دي غالي مرة

[بورتبيل]

اهلا ومرحب بيك اخونا برتبيل وانشاء الله ما يحصل ليك الحصل لي

عماد .. ولله انا من هسع بقيت اتلبت .. خايف يجي الناس الجوك ديلك .. ويكوشو الشغلانية كلها
ربنا يستر يا عماد
وتسلم

[بورتبيل]

الاستاذ برتبيل حللت اهلا ونزلت سهلا في الكرسي الساخن

I will return soon


Ask God you success.


Hi Mukhtar
I will be waiting you here

بس ما تكتر يا ابو الشباب

[بورتبيل]

مدنية ايتها الرئعة

لك التحية و الوفاء

انا لو عارف غيابك بجيب لينا حميض حلو زي دا كان من زمان وصيت الجماعة يختطفوك


الغالي مدثر

من زمااان و أنا مستني لحظة جلوسك في هذا الكرسي لكي نبحر في دواخلك ايها الرائع

اقعد عافية و كان الكرسي ما نفع معاك بجيب ليك عنقريب القد الفي البوتيك

لنا عودات و عودات إن شاء الله

حبينا ابو عُلاء .. تسلم ولله .. وانها لجد قمة في السعادة ان نلتقى بك ونتسامر معاً .. فالحديث معك ذو شجون
منتظرك

[بورتبيل]

بورتبيل مرحب بيك في الكرسي الساخن
ولي رجعة تاني

غيداء نور الدين : اها تفتشي في مدنية وتسألي عنها اها جات وجابت معاها خراب وبشتنة
امشي تاني اللغيب واحد اسالي منو؟؟!!!

مشكورة غيداء وانا مستعد .. ومترقب.. ولك التحايا عاطرة

[نزار حسن محمد]

بزيارتك ..بيتنا ..نور ..ياخى نور كله زينا...
مرحبا ..بالاستاذ مدثر حللت اهلا ونزلت سهلا...
طبعا الان الاستقبال..فى القصر الملكى للمنتدى ..واكيد بتكون مستغرب..كيف نزار بتخاطب مع فخامتكم..بهذا التهذيب ..على العموم ...هنا الاستقبال الرسمى ..لكن هناك فى الحوش والبوتيك حيث الراحه النفسيه والهترشات المزاجيه ..هنا فى الكرسى الساخن حاكون معاك من الخطوط الخلفيه الى ان تجتاز امتحان الزماله ...فمرحبا بالحبيب بوررررتبيل

[بورتبيل]

كيف بقيت رئيس تحرير

بقيت رئيس تحرير .. عديل كدا ..

ولا اقول ليك واسطة واكل باسطة .. رايك شنو

اسال شبارقة

[بورتبيل]

بزيارتك ..بيتنا ..نور ..ياخى نور كله زينا...
مرحبا ..بالاستاذ مدثر حللت اهلا ونزلت سهلا...
طبعا الان الاستقبال..فى القصر الملكى للمنتدى ..واكيد بتكون مستغرب..كيف نزار بتخاطب مع فخامتكم..بهذا التهذيب ..على العموم ...هنا الاستقبال الرسمى ..لكن هناك فى الحوش والبوتيك حيث الراحه النفسيه والهترشات المزاجيه ..هنا فى الكرسى الساخن حاكون معاك من الخطوط الخلفيه الى ان تجتاز امتحان الزماله ...فمرحبا بالحبيب بوررررتبيل

نتقدم لسعادتكم بالشكر على ضياقتكم لنا في هذا المكان , واننا اذ نشكر سعادتكم على هذا الكرم نشكر لكم كل احتراماتكم لنا .. ونسأل الله ان ينعم علينا وعليكم ويتم نعمه ونجتاز الامتحان
ونشكر لكم وقوفكم معنا وشدكم من اذرنا.
والله نسأله التوفيق

[صلاح ودالطاهر]

لحظات لقاك ياحلو أحلى من الفرح.. ومكان لقاك أجمل كثير من قوس قزح...

أجمل حروف وأندر كلام ليها النسيم قلبو إنشرح... لو جاء الشعر شاف الجمال

حا يختفي يسيب الوجود ما أصلو في شرفو إنجرح... تشتاق اصابعي إلى إيديك
تتلاقى عيني بي عنيك تتناجى في لهفة ومـــرح
وضهري للبعت ايدك انشاء الله ام دلدوم او حلاوه لكوم
طليت زي نور صبح
رشيت كل الأرض نور
ما إنت من بلداً سمح
ومدينة النور والعطور
رسمك على اللوحات يسر
وكلام مغسل بالسرور
وطاحونة تسر
يا برتبيل
احرج موقف ؟
اطرف موقف ؟
متى تكون سعيد ؟
متى تحزن ؟
3 ورود لمن تهديها ؟ ولماذا ؟
متى تبكي ؟
وانت بعيد عن الوطن والاهل لمن تشتاق ؟
لونك السياسي ؟
اخر كتاب قرأته ؟
هل تجيد عمل الطبخ؟
ماهي الوجبة المفضلة ؟
متى تقول لا ؟
ماذا تعني لك تلك الكلمات :-
الحب
الزواج
الغربة
الصداقة
الاطفال
الكذب
الخيانة
الفراق

لزوم تسخينه وبرجعليك

[المكاشفى]

يامدثر انا ما داير اسعلك اقولك بور تبيل دي قدر شنو انا عارفها قدر شنو اصلها( بيتين وكاره) موش
بس لو تذكر قبل فتره ضربها شق ارضي داير يقسمها
لى (بيت وكاره ) شرق (وبيت)غرب اها اسئلتي
1 - انت كنت وين وكت ده حصل .
2 - لو حاضر شعورك كان شنو.
3 - ولو ماحاضر :-
أ- شعورك كان شنو .
ب- كنت خايف شديد على منو .
ج- كنت بتضرب تلفون كم مره فى اليوم.
4 - شعور اهل البلد شنو.
5 - تفسير الجوليجيين والجغرافيين للظاهره.
6 - اها رست على شنو.

[جيفارا]

حبينـــــــــــــــا في انتظار ردك حتى الان !!!!!!

أكثـــــر موضوع عجبك ؟

أجمل أسوب ؟

شخص تعرفة عليه في المنتدى تحب أن تلاقيه ؟

عضو لا تمل مشاركاته ؟

[Jamal Elmahi]

الوجيه زين الشباب الجميل بورتبيل
رأيك شنو تعضي جلابيتك فوق خشمك وتديها نقزه و تشاقق بي ناس البندر وتخود بيهم الترعه وتخليهم يجغمو ليهم جغمتين تلاته من عولمة أهل العوض وتحكي ليهم عن:
أم مابريش
الجديله
الحنطباظ
ضبح الطير قب
ام زغيفيته
الدغاليب

مشاققه ...
أهل العوض ديل أهلي ..وكتير بتمني أكون العوض ...ومنو البلحق العوض ...وياحليلك ياالعوض...وكتلنا فيك ياالعوض ...وحتي العوض هاجر وساب قرانا من غير عوض....

ود الماحي

[بورتبيل]

استاذنا صلاح الطاهر .. ذي ما قال المكاشفي( زولاً ما منكم هو الخسران )
نجاوب على اسئلتك واحد واحد.
احرج موقف ؟
في الرياض .. قبل سنة ونصف تقريباً .. كفت زميل في العمل .. وتم استدعاي للمدير المالي وقد شعرت بالحرج الشديد.
اطرف موقف ؟

متى تكون سعيد ؟
عندما يكون من حولي سعيد
متى تحزن ؟
لا اعلم متى احزن ؟؟؟ اللهم اني اعوذ بك من الحزن والهم
3 ورود لمن تهديها ؟ ولماذا ؟
واحدة للمعلمين والمعلمات الذين درسوني خلال مسيرتي التعليمية
والثانية لاسرة منتديات ود مدني الذين اعتبروني واحداً منه
والاخيرة لكل مغترب غائب عن الوطن.
متى تبكي ؟
عند مشاهدة طفل صغير يمسك خبزاً .. وابكي كثيراً على فراق الاحبة
وانت بعيد عن الوطن والاهل لمن تشتاق ؟
للوالدة والوالد .. ولاخوتي وزوجتي وكل اهلي بالسودان - بصراحة الشوق لكل من بالسودان وخارجه
لونك السياسي ؟
يعني اقول ليك شنو .. طيب بتقبل اللون الابيض - خليه ابيض كدي احسن
اخر كتاب قرأته ؟
اخر كتاب قراءته عن الجان والهواتف ( يحكي قصص وعن احاديث عن الجن والشواطين ومدعم بالايات الكريمة التي تبين احوال الجن والشواطين والاحاديث)
هل تجيد عمل الطبخ؟
الى حد ما .. بس ما حريف
ماهي الوجبة المفضلة ؟
كسرة بطماطم وبصل وشطة
متى تقول لا ؟
عند انتقاص الحقوق
ماذا تعني لك تلك الكلمات :-
الحب
في مفهوم العقيدة الاسلامية طبعاً .. شي مستحب
الزواج
اكمال نصف الدين - والدخول الى عالم الحياة الزوجية شي جميل
الغربة
صعبة
الصداقة
وليس اخي من ودني بلسانه **** ولكن اخي من ودني وانا غائب
ومن ماله مالي اذا كنت معدماً**** ومالي له ان اعوذته النوائب
الاطفال
المال والبنون زينة الحياة الدنيا
الكذب
(يهدي الى الفجور .. والفجور يهدي الى النار .. ومازال الرجل يكذب ويتحرى الكذب حتى يكتب عن الله كذابا ) صدق رسول الله صلى الله عليه وسلم
الخيانة
مرة .. نعوذ بالله من شرها
الفراق
صعب .. !!

[بورتبيل]

يامدثر انا ما داير اسعلك اقولك بور تبيل دي قدر شنو انا عارفها قدر شنو اصلها( بيتين وكاره) موش
بس لو تذكر قبل فتره ضربها شق ارضي داير يقسمها
لى (بيت وكاره ) شرق (وبيت)غرب اها اسئلتي
1 - انت كنت وين وكت ده حصل .
2 - لو حاضر شعورك كان شنو.
3 - ولو ماحاضر :-
أ- شعورك كان شنو .
ب- كنت خايف شديد على منو .
ج- كنت بتضرب تلفون كم مره فى اليوم.
4 - شعور اهل البلد شنو.
5 - تفسير الجوليجيين والجغرافيين للظاهره.
6 - اها رست على شنو.

الغالي المكاشفي .. تسلم
بس بورتبيل ما بيتين وكارة القال الكلام دا ما شاف بورتبيل
بخصوص اسئلتك
1- انا كنت موجود في تلك الايام في بورتبيل
وللتنبيه يا مكاشفي .. الشق دا ما حصل فجأءة كدي يعني .. كان في ملاحظات على تشقق بعض البيوت في وسط القرية تقريباً .. وتم متابعة التشقق لفترات متواصلة .. ثم ملاحظة ان الارض بها ظاهرة غريبة شوية .. بدأت الدرسات .. والتحليل للمسألة .. وامتدت الدرسات الى اكثر من العام .. كان هذا في عام 1998م .
بعدها تزايدت الظاهرة واخذت طريقاً غير صحيح .. وبدأ تسيس المسالة وتحريك الراي العام .. الا ان راي الجلوجيين كان فاصلاً وقاطعاً .. اذ اثبتت الدراسات العلمية في السنوات الاخيرة الماضية ان المسألة ليس بالخطورة بمكان .. وانها تعود الى طبيعة التكوين للتربة الرسوبية الحمضية .. وانها قد تظهر في شكل تشققات على سطح التربة قد تصل اعماقها الى حوالي 3 امتار تقريباً في فصل الصيف وجفاف التربة مما يودي الى تصدع بالمباني .. وهذا ملاحظ في كل قري الجزيرة التي تقع في نفس اطار الرقعة الرسوبية الحمضية.
وعلى ما اعتقد ان هناك كثيرين غير مقتنعين بهذه النتيجة.... ويحاولون ان يثبتوا خلاف هذا الكلام.
وفي نهاية الامر .. يا عزيزي المكاشفي اعلم انه لم تسجل ولا اي اصابة لا مادية ولا جسدية في كل انحاء بورتبيل .. طيلة هذه السنوات التى تجاوزت العشر. والحمد لله
الموضوع .. عبارة عن زوبعة في فنجان .. وتحريك واثارة الراي العام ليس الا.

[بورتبيل]

حبينـــــــــــــــا في انتظار ردك حتى الان !!!!!!

أكثـــــر موضوع عجبك ؟

أجمل أسلوب ؟

شخص تعرفة عليه في المنتدى تحب أن تلاقيه ؟

عضو لا تمل مشاركاته ؟
الحبيب الطيب جيفارا
ردينا ليك .. عن السؤال الاول بتاع رئاسة التحرير
اما اسئلتك دي برد ليك عليها بس ما تزعل انتا
أكثـــــر موضوع عجبك ؟
المواضيع كثيرة جداً لا استطيع ان احدد بصراحة يعني في كم موضوع جميل
أجمل أسلوب ؟
اجمل اسلوب كان اسلوب الرائع سوباوي .. في راي طباعاً
شخص تعرفة عليه في المنتدى تحب أن تلاقيه ؟
كثيرون هم ولله اتمنى ان التقيهم جميعاً .. واحداً واحد

[مختار بازى]

الاستاذ برتبيل

نفرض عينوك كبير المشرفين الليلة دي
انظر الي هذة المنتديات وما ذا ستحذف من المواضيع الموجودة الآن في هذة المنتديات

الثقـــــــــــــــــــــــــــــــــافي
العــــــــــــــــــــــــــــــــــام
النواعـــــــــــــــــــــــــــــم
وتحتم عليك اضافــــــــــــــــــــــــــــــــــة منتدي جديد اي اسم ستطلق علية

[بورتبيل]

الوجيه زين الشباب الجميل بورتبيل
رأيك شنو تعضي جلابيتك فوق خشمك وتديها نقزه و تشاقق بي ناس البندر وتخود بيهم الترعه وتخليهم يجغمو ليهم جغمتين تلاته من عولمة أهل العوض وتحكي ليهم عن:
أم مابريش
الجديله
الحنطباظ
ضبح الطير قب
ام زغيفيته
الدغاليب

مشاققه ...
أهل العوض ديل أهلي ..وكتير بتمني أكون العوض ...ومنو البلحق العوض ...وياحليلك ياالعوض...وكتلنا فيك ياالعوض ...وحتي العوض هاجر وساب قرانا من غير عوض....

ود الماحي
جمال الماحي .. تسلم ولله ..مسكتا جلابتي .. وتعالو خوضو الترعة دي والبخاف ما يبارينا
بس ولله يا جمال في حاجات ما عرفتها.. عديل .. يعني ممكن تكون عندها اسامي تانية عندنا ما ذي ما سميتا انت ..واحدة واحدة
أم مابريش ؟؟؟؟ ما عرفتها ولله العظيم - يكون اسمها حاجة تانية
الجديله ؟؟؟ برضو ما عرفتها
الحنطباظ؟؟ برضو ما عرفتو
ضبح الطير قب .... الطير لمن نشرك ليه ونقبضو ونكون عايزين نضبحو .. بنمسك الطيرة من راسا ونقول (بسم الله حلال لي وحلال ليك ) ونجبد راسا من جسما ونكون ضبحناها على ما اعتقد كدا.
ام زغيفيته؟؟؟ دي بتكون في موية المطرة .. وهي مرحلة من مراحل تطور الضفاضع
الدغاليب: بيض الضفدعة في الموية بعد ما يفقس بيكون حاجة صغيرة لها ذيل صغير تسبح في المياه الراكدة .. بعدها طوالي بتطور وتبقى ام زعفيته.


اهل العوض اهلنا ولله .. ومشكور يا جمال الماحي فليس هناك ما يعيب العوض ولا يعيب اهله
وكلنا عوض

[بورتبيل]

الاستاذ برتبيل

نفرض عينوك كبير المشرفين الليلة دي
انظر الي هذة المنتديات وما ذا ستحذف من المواضيع الموجودة الآن في هذة المنتديات

الثقـــــــــــــــــــــــــــــــــافي
العــــــــــــــــــــــــــــــــــام
النواعـــــــــــــــــــــــــــــم
وتحتم عليك اضافــــــــــــــــــــــــــــــــــة منتدي جديد اي اسم ستطلق علية

الغالي بن بازي
لو عينوني كبير مشرفين الليلة دي بس .. بعاين للمنتديات كلها بس ما بحذف ولا موضوع .. تماشياً مع حرية الاخرين .. ولكن لو احسست بان هناك موضوع يسئ او يجرح او انه غير لائق ولا يحترم مكانة المنتديات ..طوالي بحذف ولا بشاور زول.
ولو قالو ليا اضيف منتدى جديد .. كنت اضفتا منتدى بالانجليزية .. عشان انتا ما تزعل بس يا مختار.

[samah]

salam ya modther golna nslem w nbarek lk 3ater al87aya>

[المكاشفى]

يامدثر الغربه دى لمتين؟
اها تجينا وله نجيك فى الايام دى؟
اها كان ما اتسهلت طريقه جيتنا شن بتسوى؟
اها شمار حار قالو الريال راجع لى 700 جنيه مع العقوبات رايك شنو؟
اها دايرين نرشحك حكومه رايك شنو؟
فاقد منو فى الاخوه الاعضاء يكون جنبك ومالاقيه؟
اها راجعلك؟

[abu_ola]

الأديب مدثر

صباحك خير يا وجه الخير

ما شاء الله قلت لي تأهلت لي دوري المجموعات اها في دور المجموعات دا الجماعة بجيبو بنات بدل الأقوان و المنتدي ما شاء الله و عيني بادرة كلهم أبوات / أمهات بنات

اها يا الخزين بورة البنيات دي نفكها كيفن ؟؟؟

بعدين الوليدات الأبو العرس ديل تعمل معاهم شنو ؟؟؟

أها رأيك شنو في أنواع الزواجات الجديدة دي ( مسيار ، عرفي ، مسفار ، سياحي ، جماعي ، زواج فرند )


بمشي على البوتيك و بجيك راجع

قيل عافية يا الحبيب

[بورتبيل]

يامدثر الغربه دى لمتين؟
ولله يا المكاشفي .. ربك يهون .. بس بيني وبينك قريب يا ابوي بشتت
اها تجينا وله نجيك فى الايام دى؟
الايام دي العمرة فتحت ما تجي انتا عمرة .. ( كمان قالو في عمرة سياحية)
اها كان ما اتسهلت طريقه جيتنا شن بتسوى؟
ولله عاد كان ما اتسهلت جيتكم .. عاد نسوي شنو !! ابقو انتظرونا انجيكم نحنا
اها شمار حار قالو الريال راجع لى 700 جنيه مع العقوبات رايك شنو؟
هو يا ابوي ما ممكن يبقى 700 بدون عقوبات !! يعني يبقى عامل ذي (ميزان الكزبرة)
اها دايرين نرشحك حكومه رايك شنو؟
يا المكاشفي نحنا اهلنا ما بدورو الانتخابات ديل جنهم وجن حاجة اسمها مناصب
خليني كدا احسن يا ابوي .. نبرطع ساكت
فاقد منو فى الاخوه الاعضاء يكون جنبك ومالاقيه؟
ولله الايام دي كايس للمسافر ( ابو الدقيق)
الا بيني وبينك عايز كل الاعضاء معاي

[بورتبيل]

حبيبنا ابو عُلاء .. تسلم ان شاء الله

اها يا الخزين بورة البنيات دي نفكها كيفن ؟؟؟ عندي مشروع مقتبس من اهلنا الهوسا (الفلاته) .. ( صدق ان البت التدخل في سن الزواج بتبدا تجهز نفسها وبتشتري كل احتياجاتها من عدة وعفش .. وغالبية مستلزمات البيت.. ولم يكون عرسها بتجي بكل حاجاتا .. يعني مشاركة مع الرجل ) المشروع دا ولله لو بناتنا سون ذيو تبقى بورة ما في تب .. بس نسوي شنو مع الفهم المقسم دا!!
بعدين الوليدات الأبو العرس ديل تعمل معاهم شنو ؟؟؟
حدد يا ابو عُلاء الجماعة بعدين بشاكلوني ساكت :D
أها رأيك شنو في أنواع الزواجات الجديدة دي ( مسيار ، عرفي ، مسفار ، سياحي ، جماعي ، زواج فرند )

هن ديل شنو انا قايلهن موديلات جديدة نزلوهن ناس التايوتا

ومن قال لا اعلم فقد أفتى

[صلاح ودالطاهر]

سيد البوتيك في الكرسي الساخن جالس
يقول في النضم الحلو مركز وماهو سارح
لو شافوه الناس من كلامو كان شيدو مسارح
لانو زولاً طيب وقلبوابيض وكلامو عسل شارح
عفيت منو لود ام تريبات اعتذر وهذا طبعو الماجارح
ودبرتبيل حبيب القسي الكلامو ماخمج وكلامو دائما واضح
صاحب البوتيك الديمه باسم ثغرو من هاتفته دائما ناصح
شحد الله الكريم ورب العرش العظيم يلمو ... ويصبح قلبو فارح

اه برجعليك بكوم اسئله

[المكاشفى]

يابورتبيل رأيك فى الاتى :-
شليل.......
الرمه حباسه........
يامدثر كان ماجيت............................................؟ اكمل
الروس ...............مرحب.....................؟ اكمل
هوى آالجلابه ............................................؟
الحبوبه.
الشتل.
ليه تعوليه.
ود المطامير.



وراجع لك.

[مدنيّة]

<embed width="281" height="79" src="http://andorra.indymedia.org/uploads/2006/07/gustnaa5.wma"

اها يابورتبيل قلت الغربة سعبة !!


غتاتة مني بس قلت النسعبها عليك زيااااااادة

[المكاشفى]

اسلمو مدوووووووووووووون
اى سخنيه والله ده ماكرسى ساخن
ده بنبر تلاجه الناس دى بتمش وين
وله بجو مع العفش........

[عماد عبدالشكور]

حبيبنا المكاشفي
العترة بتصلح المشي وانا عترتي قربت تكسر رقبتي
يعني اسئلتي الكتيرة (لزوم التسخينة) جابت لي المشاكل وجابت لي الدكاترة

[ابوالنور]

بورتبيل ياخي سلامات كترات معليش جينا متاخرين
لكن كدي نعمل استكشاف ونجيك تاني

[بورتبيل]

سيد البوتيك في الكرسي الساخن جالس
يقول في النضم الحلو مركز وماهو سارح
لو شافوه الناس من كلامو كان شيدو مسارح
لانو زولاً طيب وقلبوابيض وكلامو عسل شارح
عفيت منو لود ام تريبات اعتذر وهذا طبعو الماجارح
ودبرتبيل حبيب القسي الكلامو ماخمج وكلامو دائما واضح
صاحب البوتيك الديمه باسم ثغرو من هاتفته دائما ناصح
شحد الله الكريم ورب العرش العظيم يلمو ... ويصبح قلبو فارح

اه برجعليك بكوم اسئله
مشكور عمنا صلاح الشال الكلام وبيهو حايم
ينثر في الدرر ويفرح في ناس العمائم
ان شفتو تكون شفتا فارس حوبة وراجل ضد الهزائم
يسلم ابو فاطمة عاد هو ما سيد العزائم

[abu_ola]

صباح الخير اخونا مدثر

تحياتي و إحتراماتي

قلنا نصبح عليك و نقول صبحية مباركة يا عريس

شويتين و أفتح المُخلايـــة أطلع ليك منها شوية أسئلة كدي على الماشي

بجيك يا الحبيب بس شيل الصبر

[بورتبيل]

يابورتبيل رأيك فى الاتى :-
شليل.......
الرمه حباسه........
يامدثر كان ماجيت............................................؟ اكمل
الروس ...............مرحب.....................؟ اكمل
هوى آالجلابه ............................................؟
الحبوبه.
الشتل.
ليه تعوليه.
ود المطامير.




المكاشفي الخطير .. من وين نفشتا الحاجات دي .. ولله انتا بطريقتك دي بترجعنا السودان جري!!
راي في :
شليل ... زمان كان شليل وين اكلو الدودو .. شليل وين راح اكلو التمساح
الان اظن شليل قاعد ومتلبت اصلوا الناس كلها بقت تماسيح .. منو البمشي يكوس شليل في نص الليل الان.
الرمه وحباسا .... زمن بعيد ما بتلحق .. وليالي غابت مع جمالها !!.. والان تلعب الرمه وحباسا بالبلاي استيشن يا مكاشفي.
كان ما جيت يا بحاول اكون قريب منكم بالوجدان يا مكاشفي.
الروس ..................... مرحب .............. ولله ما فهمتها يا مكاشفي؟؟؟
هوى الجلابة ... شكلو بيكون من ما تقطع كوستي وتغرب .. الجلابة بهناك مكسرين الدنيا!

الحبوبة .... حكاوي عميقة .. وصبر .. وحنان متدفق
الشتل ... (شتل البصل) كانت السرابة ب15 قرش .. وكان الزمن اكثر دفئاً والشلة راجعة مع المغيب وتردد ( نحنا راجعين في المغيرب .. المغيرب المغيرب .. في الضلام لا حد يشوفنا لا نشوف لا يشوفنا)
وبعض منهم يطرقون باقات الماء الفارغة.
ليه تعوليه ... لعبة كشليل وكالرمه وحباسها .. ولغرابة الاشياء انها اصبح اسمها (30بمبه)

ود المطامير .. ود عمي .. ( عروة ) كسائر ابناء الشرفة بركات الذين عرفتهم .. مسكون بالفرح رغم انني اعلم ظروفه تماماً .. راجل اخو اخوان .. اتمنى ان يعود الينا قريباً

[بورتبيل]

<embed width="281" height="79" src="http://andorra.indymedia.org/uploads/2006/07/gustnaa5.wma"

اها يابورتبيل قلت الغربة سعبة !!


غتاتة مني بس قلت النسعبها عليك زيااااااادة

حالتي انا كنت بتكلم كلام سمح .. وشدة ما راسي لفا .. قريت انو مدنية دكتورة
وقالو ليا الجماعة انت اظنك مسخن .. الزول قال مدنية ذكرتو اختو الدكتورة

تجي انتي وتجيب ليا البارود دا.

مشكورة مدنية .. والغربة سعبة .. وشدة ما سعبة المكيف دا عمل لينا رطوبة .. والكهربة الكتيرة دي تطششت بينا .. والاكل دا انا زهجتا منو!!!!:D
تسلمي يا ام البنات

[بورتبيل]

حبيبنا المكاشفي
العترة بتصلح المشي وانا عترتي قربت تكسر رقبتي
يعني اسئلتي الكتيرة (لزوم التسخينة) جابت لي المشاكل وجابت لي الدكاترة
عليك الله كلمو يا عماد
الراجل دا جاكي بينا كدا ليشنو ما عارف

[بورتبيل]

بورتبيل ياخي سلامات كترات معليش جينا متاخرين
لكن كدي نعمل استكشاف ونجيك تاني

ابو النور .. وينك انتا .. غياب يا انتا منتظرنك

بعد ما تعمل الاستكشاف تعال راجع وخليك حنين.

[ود المطامير]

ود المطامير .. ود عمي .. ( عروة ) كسائر ابناء الشرفة بركات الذين عرفتهم .. مسكون بالفرح رغم انني اعلم ظروفه تماماً .. راجل اخو اخوان .. اتمنى ان يعود الينا قريباً
[/size][/color]
مرحب حباب ود عمى الغالى
هو أنا أقدر أفوتكم وين ؟ والحمد لله ( عوارة أخوك عدّت على خير )
أها .. النقششك فى سؤال حبيب قلوبنا ( ود الماحى )
أم مابريش .. هى مصيده للطيور .. نحنا بنعملها بغطاية الصفيحه ونجيب سبيب ضنب
الحصان ولأ الحمار ونخرم غطاء الصفيحه ونفتل السبيب ونعمله زرده وندفن الغطاء
ونخلى الزرده ونشتت العيش وتانى برجع ليك .

[نزار حسن محمد]

برتووووووو....
كيفك يالخزين ..شايفك مرتاح والمكييف عامل لك رطوبه ..كدى هاك شوية الكتاحه دى
1/ اول غـــرام ... بالتفصيل
2/ اول شاكوش ... بالتفصيل
3/ حنكوشه مرتاحه ... بتحبك دايراك بالعندك ...ماردك

[ود المطامير]

يا ود عم الغالى الله يحفظك لينا
يا خى أنا بعدما جيت أبوظبى وقعدت فيها سنوات طويله بقيت حنكوشه
ورايح لى معنى ( أم دلدوم ) معناتو شنوووووو هع هع هع هع هع هع .

[شبارقة]

سبحان الله
الجنا دا مما قعدوهو في الكرسي ما فضيت ...
تقول كرّبني بي فكي ....

بس جاييك .. بوريك المبصل بلا كشن ...


لك كل الود

[بورتبيل]

مرحب حباب ود عمى الغالى
هو أنا أقدر أفوتكم وين ؟ والحمد لله ( عوارة أخوك عدّت على خير )
أها .. النقششك فى سؤال حبيب قلوبنا ( ود الماحى )
أم مابريش .. هى مصيده للطيور .. نحنا بنعملها بغطاية الصفيحه ونجيب سبيب ضنب
الحصان ولأ الحمار ونخرم غطاء الصفيحه ونفتل السبيب ونعمله زرده وندفن الغطاء
ونخلى الزرده ونشتت العيش وتانى برجع ليك .

اها ما قلتا ليك يا ود الماحي ... ما قلتا ليك انو بيكون عندها اسم تاني عندنا

ام بريش دي .. نحنا بنسميها (( الداندرس)) يا ود الماحي

مشكور يا ود المطامير للتوضيح .. اما بخصوص ام دلدوم دي بتعرف مدقاق العيش؟؟
بس ذي يد تقول مدقاق عيش .. تزل فيك تقول نزلت فيك صاقعة ولا دانة
ومنتظرك يا مطامير

[بورتبيل]

برتووووووو....
كيفك يالخزين ..شايفك مرتاح والمكييف عامل لك رطوبه ..كدى هاك شوية الكتاحه دى
1/ اول غـــرام ... بالتفصيل
2/ اول شاكوش ... بالتفصيل
3/ حنكوشه مرتاحه ... بتحبك دايراك بالعندك ...ماردك

صقر الخلا ولله جيت بالمحن الخايف منها.. الا ما عليا انا
1/ اول غرام بالتفصيل .. كان زمااااان ونحنا في سادسة ابتدائي .. وبس اقول ليك انو من ما امتحنا للمتوسطة .. ليوم الليلة ما اتلاقينا.. وكنّا ما بتكلم الا في الدروس والمذاكرة والاختبارات .. اتزوجت من زمااان .. وما لاقيتا تاني.. ممكن تكون نست الموضوع كلو.
2/ اول شاكوش بالتفصيل .... ولله ما اتشوكشتا يا نزار بصدق ولا ما بصدق.
3/ الحنكوشة دي ما بتنفع معايا يا نزار .. عارف ليه .. لانو نحنا في بورتبيل عندنا حساسية من الحناكيش .. خايف اعرسا واسوقا معاي .. الجماعة يعملوا مظاهرة هناك .. ويهدمو علينا حوش بيتنا.:D
مشكور يا ابو النيز

[بورتبيل]

سبحان الله
الجنا دا مما قعدوهو في الكرسي ما فضيت ...
تقول كرّبني بي فكي ....

بس جاييك .. بوريك المبصل بلا كشن ...


لك كل الود

ولله فقدتك يا شبارقة .. وينك شغلة شنو دي العاملا ليك حيرقان دي

كان على المبصل بلا كشن .. الجماعة ما قصرو

راجييك يا شبارقة

[صلاح ودالطاهر]

صقر الخلا ولله جيت بالمحن الخايف منها.. الا ما عليا انا
1/ اول غرام بالتفصيل .. كان زمااااان ونحنا في سادسة ابتدائي .. وبس اقول ليك انو من ما امتحنا للمتوسطة .. ليوم الليلة ما اتلاقينا.. وكنّا ما بتكلم الا في الدروس والمذاكرة والاختبارات .. اتزوجت من زمااان .. وما لاقيتا تاني.. ممكن تكون نست الموضوع كلو.
2/ اول شاكوش بالتفصيل .... ولله ما اتشوكشتا يا نزار بصدق ولا ما بصدق.
3/ الحنكوشة دي ما بتنفع معايا يا نزار .. عارف ليه .. لانو نحنا في بورتبيل عندنا حساسية من الحناكيش .. خايف اعرسا واسوقا معاي .. الجماعة يعملوا مظاهرة هناك .. ويهدمو علينا حوش بيتنا.:D
مشكور يا ابو النيز
ودبرتبيل شكيت محنك انت من سنه سادسه بكائي
1/طيب انا عندي سؤال الفرق بين حب المدينه والقريه؟
2/اه كان في واحده وانت قاعد مع وزارة الداخلية جابت دليل حتعمل شنو؟
3/ امانه عليك تقطع اضنيك ما خمسه بتعني ليك شنو؟
4/ هل مدثر سريع الغضب ؟
5/ هل مدثر ماقاعد يوزن الامور؟
6/ هل مدثر يتاثر بمايقال في الانسان من غير دليل؟
7/ هل مدثر يفكر في الرجوع الي السودان نهائياً؟
8/ ماهو الفرق بين الكفيل والبئر؟
9/ هل فكر مدثر ان يدبل في ام العول؟
10/ كيف يتصرف مدثر اذا جاءت واحده معاها قسيمة زواج وقالت انها زوجته ومعاها شهادات ميلاد موثقه ؟
11/ هل مدثر عاطفي ام مزاجي ؟
12/ اكثر عيوب مدثر؟
13/ اجمل صفات مدثر؟
14/ رايك في غنية راجل المره حلو حلاه؟
اه برجعليك بقفة اسئله وصفحتين دقيق من الطاحونه ابق اظهر

[شبارقة]

ولله فقدتك يا شبارقة .. وينك شغلة شنو دي العاملا ليك حيرقان دي

كان على المبصل بلا كشن .. الجماعة ما قصرو

راجييك يا شبارقة

أول شيء دايرنك تنزل صورتك (صورتك يا حضرة الناظر)

تاني شيء تدينا شوية من نصوص الجوابات حقات المتوسطة اللي كنت بتديها لبت الجيران

تالت شيء ما مدى سطوتك ونفوذك في البيت !!


دي حبّه وجاييك بالباقي .. أركز يا بطل

[samah]

اصبر كمان جابت ليها فط..........شنو ماشايف سلامي دا
الفيك اتعرفت..............يابورتبيل
اها كده شايف
بالمناسبه نظرك كم

http://www.moq3.com/img/uploads/SVZ14560.gifsamah

[المكاشفى]

يابورتو انا نازل اليوم ومامعرووووف نلقاك
متين اها البدورو منك اثبت تب واجمد
وارفع راسنا فووووووووووق
تيت تيت بورتو حديد
كدى جاوب لى ديل........
اها قومه الصباح للجزاره؟
جيب القش من الخلا؟
الورود للمويه من البياره والترعه؟
اكبر واجمد علقه اختها فى حياتك وانت صغير ؟
كانت من منو ؟
وكانت فى شنو؟
ايام الابتدائى قالو كنت رباطى بتلبع اولاد المغتربين؟
البهايم كان رضعن ابوك بسوى فيك شنو؟
الفول وسوق المدينه عرب؟
الدقيق بالحمير؟
وياود المطامير وشبارقه كملو الباقى

[مدنيّة]

اكبر واجمد علقه اختها فى حياتك وانت صغير ؟
كانت من منو ؟
وكانت فى شنو؟


انت يامكاشفي محددها بوقته الصغير مالك ؟ ما تخليها مفتوحة :D

[المكاشفى]

انت يامكاشفي محددها بوقته الصغير مالك ؟ ما تخليها مفتوحة :D



اها انا قاصد ..................
لا هو فى حاجه ...........
كان عندك شئ قوليه بس انا بورتبيك ده حبيبى.....
قولى ساي مدنيه مافوقه شئ.

[بدر الدين محمد]

العزيز بورتبيل الرسالة الخاصة ماكفاية عايزين تسهب لينا في الموضوعات التالية:
1/ توصف لينا طبيعة بورتبيل وما حولها (جمال الترع والكباري والاخضرار) عشان تكون دي دعوة لزيارة المنطقة
2/ ايام الصبا في تلك الربوع الجميلة وعلاقة اللعب بالطبيعة والترع والزراعة
3/ ماذا اكسبتك تلك الطبيعة من مهارات ومقدرات

[رضا حسن محمد]

يا بورتو يا مكروب
فى الكرسى دة ومصلوب
انا ليك بيجيب الطوب
يا زول ظريف محبوب
من بوتيكك المنصوب
ادينى شوكولاتة
ا

[بورتبيل]

صباح الخير اخونا مدثر

تحياتي و إحتراماتي

قلنا نصبح عليك و نقول صبحية مباركة يا عريس

شويتين و أفتح المُخلايـــة أطلع ليك منها شوية أسئلة كدي على الماشي

بجيك يا الحبيب بس شيل الصبر

تلقاني راجيك بالاماني
بكل اشواقي وحناني

ما طول يا ابو عُلا

[ابوالنور]

في رائيك ماهو الشي الذي ينقص المنتدي كي يصل للقمة

[Madanawi]

يا برتو كم سؤال لزوم التسخينة :

1 / مدي علاقتك بالمسجد؟
2 / مدي علاقتك بالمسرح؟
3 / مدي علاقتك بالسينما؟
4/ مدي علاقتك بالاستاد الرياضي؟
5/ ماذا تعني لك الدورة المدرسية ؟ وخصوصاً حين تقام نهائياتها في مدني؟
6/ عندكم أي طالب ممتحن في العائلة وينتظر نتيجة الشهادة السودانية؟

دعواتك ودعوات جميع الاعضاء أن يوفق الطلاب ويحققوا النتائج التي تسعدهم وتشرف أهلهم
قولوا آمين،،

[مرتضى يوسف العركي]

عزيزي الرائع برتبيل
وددت ان اكون بالقرب لاتحسسك قربا بعيدا عن الاسافير بيد انني لا املك الا دعوات صادقات لكم بموفور الصحة والعافية ....
المنتدى مابين حجم التطلعات والواقع ... قراءة دعني اسالك ان تستدعي فيها بلا قيود او تحفظات مساحة مفتوحة هي لك علنا نستهدي بوضاحاتك مجمل الرؤوية الكاملة فهلا ...؟
دمتم استاذي في امان الله .

[ود ام تريبات]

الرائع الراقي
بورتبيل

ده ان اداك وكتر مابقول اديت
اب درق الموشح صدرو بالسوميت
اب رسوة البكُر حجَر شراب سيتيت
كاتال في الخلا وعُقباً كريم في البيت


ماعندي سؤال تب بس مريت امسي عليك اخوي ..

[بورتبيل]

ودبرتبيل شكيت محنك انت من سنه سادسه بكائي
1/طيب انا عندي سؤال الفرق بين حب المدينه والقريه؟
2/اه كان في واحده وانت قاعد مع وزارة الداخلية جابت دليل حتعمل شنو؟
3/ امانه عليك تقطع اضنيك ما خمسه بتعني ليك شنو؟
4/ هل مدثر سريع الغضب ؟
5/ هل مدثر ماقاعد يوزن الامور؟
6/ هل مدثر يتاثر بمايقال في الانسان من غير دليل؟
7/ هل مدثر يفكر في الرجوع الي السودان نهائياً؟
8/ ماهو الفرق بين الكفيل والبئر؟
9/ هل فكر مدثر ان يدبل في ام العول؟
10/ كيف يتصرف مدثر اذا جاءت واحده معاها قسيمة زواج وقالت انها زوجته ومعاها شهادات ميلاد موثقه ؟
11/ هل مدثر عاطفي ام مزاجي ؟
12/ اكثر عيوب مدثر؟
13/ اجمل صفات مدثر؟
14/ رايك في غنية راجل المره حلو حلاه؟
اه برجعليك بقفة اسئله وصفحتين دقيق من الطاحونه ابق اظهر

1/طيب انا عندي سؤال الفرق بين حب المدينه والقريه؟
حب القرية بيكون مستتر .. وغالباً ما يكون بالنظرات بس .. اما حب المدينة عينك يا تاجر.. شي حدائق وشي السوق وشي المواصلات .. والمظلات ويعني حاجات ذي دي.
2/اه كان في واحده وانت قاعد مع وزارة الداخلية جابت دليل حتعمل شنو؟
اول حاجة بقول لوزارة الداخلية .. المرة دي ملخبطة بيني وبين مزمل اخوى.
وكان اصرت تبقى ميته وخراب ديار.
3/ امانه عليك تقطع اضنيك ما خمسه بتعني ليك شنو؟
لعبة قديمة .. بس ناس منتدى الكمبيوتر جابوها باسم (ادي البعدك كف) خشيت مرة واتلطشتا ومرقتا.
4/ هل مدثر سريع الغضب ؟
احياناً يتملكني الغضب .. ولكن يزول سريعاً
5/ هل مدثر ماقاعد يوزن الامور؟
بوزن الامور لكن بتفرق معاي كتير جداً. .. لكن الان موزونة والحمد لله ما عايزه وزن
6/ هل مدثر يتاثر بمايقال في الانسان من غير دليل؟
لا لا كدا كلام ما صاح
7/ هل مدثر يفكر في الرجوع الي السودان نهائياً؟
بفكر كثيرا في الرجوع للسودان ..ولكن منتظر وظيفة محترمة هناك .. او راس مال ممتاز.
8/ ماهو الفرق بين الكفيل والبئر؟
الكفيل والبئر الفرق بينهم انو البئر بتطلع منو موية لكن الكفيل بطلع منك موية!!
9/ هل فكر مدثر ان يدبل في ام العول؟
لا لا يا سيدي الكلام دا مراقب ما تعمل لينا مشاكل.
10/ كيف يتصرف مدثر اذا جاءت واحده معاها قسيمة زواج وقالت انها زوجته ومعاها شهادات ميلاد موثقه ؟
الا يكون في زول منتحل شخصيتي وقال هو مدثر...؟؟
11/ هل مدثر عاطفي ام مزاجي ؟
عاطفي .. لكن مزاجي احياناً
12/ اكثر عيوب مدثر؟
رحم الله امرئ اهداني عيوبي .. عيوبي كثيرة ابرزها الملل
13/ اجمل صفات مدثر؟
ما عارفا ولله
14/ رايك في غنية راجل المره حلو حلاه؟
رغم انها ركيكة جداً وهابطة .. لكن المدهش انها لاقت رواجاً منقطع النظير .. وهذا طبعاً من وراءه اسباب كثيرة لا يتسع المجال لذكرها.

[بورتبيل]

أول شيء دايرنك تنزل صورتك (صورتك يا حضرة الناظر)

تاني شيء تدينا شوية من نصوص الجوابات حقات المتوسطة اللي كنت بتديها لبت الجيران

تالت شيء ما مدى سطوتك ونفوذك في البيت !!


دي حبّه وجاييك بالباقي .. أركز يا بطل

ادي الصورة يا باشا ..تحت

جوابات المتوسطة كان فد واحد وما وصل ليوم الليلة .. كان فيه حته ( تحية اذا مرت بالجبال هدمتها .. واذا غشيت الانهار جففتها .. واذا مرت بالحقول خربتها ..))

مدى سطتوي ونفوذي في البيت .. نحنا ما عندنا كلام بتاع سطوات ونفوذ يا شبارقة .. نحنا ناس بتاعين ديمقراطيات سااااي.. كلنا عندنا راااي...!!

[بورتبيل]

اصبر كمان جابت ليها فط..........شنو ماشايف سلامي دا
الفيك اتعرفت..............يابورتبيل
اها كده شايف
بالمناسبه نظرك كم

http://www.moq3.com/img/uploads/SVZ14560.gifsamah

نان يا سماح .. انا بعد العصرة دي .. تجي انتي تكتبي ليا بالحروف الهلوغروفية
ودايراني ارد ليك .. طيب

لك العتبى يا سماح لم يكن القصد ان اتجاوز عن مشاركتك وبالجد سعيد بمرورك
بس نسوى شنو مع ناس المكاشفي البخمو في الاسئلة ويجو.
لك تحيات عاطرة .. كطيبة ناس العزازة

[بورتبيل]

انت يامكاشفي محددها بوقته الصغير مالك ؟ ما تخليها مفتوحة :D


يعني دايراني اقول ليك انو في علقة قريبة ولا شنو

ما في علقة .. بس بشكل الكرسي دا اكيد حا تكون في علقة قريبة منتظراني:D
ربنا يستر

[بورتبيل]

يابورتو انا نازل اليوم ومامعرووووف نلقاك
متين اها البدورو منك اثبت تب واجمد
وارفع راسنا فووووووووووق
تيت تيت بورتو حديد
كدى جاوب لى ديل........
اها قومه الصباح للجزاره؟
جيب القش من الخلا؟
الورود للمويه من البياره والترعه؟
اكبر واجمد علقه اختها فى حياتك وانت صغير ؟
كانت من منو ؟
وكانت فى شنو؟
ايام الابتدائى قالو كنت رباطى بتلبع اولاد المغتربين؟
البهايم كان رضعن ابوك بسوى فيك شنو؟
الفول وسوق المدينه عرب؟
الدقيق بالحمير؟
وياود المطامير وشبارقه كملو الباقى

يعني في داعي للزرزرة دي يا كشة
اها قومه الصباح للجزاره؟
قومة الصباح للجزارة .. كويسة لما يكون فيها كروبات للطعمية واللقيمات.
وكان ما فيها بتكون شكلاً صعب
جيب القش من الخلا؟
ايام مضت باحلى ما يكون .. مرح ولعب وسرقة عونكوليب
الورود للمويه من البياره والترعه؟
البيارة ولله يا مكاشفي عندنا في البيوت من ما قمنا لقينا المواسير
الا الترعة لما تقطع الموية من البيارة .. والترعة جنب البيت... زمن لذيذ رغم المعاناة
اكبر واجمد علقه اختها فى حياتك وانت صغير ؟
كانت من منو ؟
من بهجت اخوي الاكبر مني طوالي
وكانت فى شنو؟
عمتا في الترعة
ايام الابتدائى قالو كنت رباطى بتلبع اولاد المغتربين؟
لا لا بالعكس انا كنتا زول مسالم ما بتاع مشاكل؟؟؟
البهايم كان رضعن ابوك بسوى فيك شنو؟
ابوي الله يديهو العافية .. البهايم ما بتكلن عليا تب
الفول وسوق المدينه عرب؟
سوق المدينة عرب في الاوان الاخيرة اصبح من اميز الاسواق
في الجزيرة على الاطلاق .. اذ امتد السوق الى مساحات كبيرة جدا
والذهاب اليه يعتبر ضرورة بالنسبة لمن حول المدينة عرب
الدقيق بالحمير؟
زمااان ولله يا المكاشفي .. اما الان الناس بقت بدقق في الشهرين مرة
يا مولانا المخابز ملت الدنيا .. ويا حليل الطاحونة وزمن الطاحونة

[بورتبيل]

العزيز بورتبيل الرسالة الخاصة ماكفاية عايزين تسهب لينا في الموضوعات التالية:
1/ توصف لينا طبيعة بورتبيل وما حولها (جمال الترع والكباري والاخضرار) عشان تكون دي دعوة لزيارة المنطقة
2/ ايام الصبا في تلك الربوع الجميلة وعلاقة اللعب بالطبيعة والترع والزراعة
3/ ماذا اكسبتك تلك الطبيعة من مهارات ومقدرات
الرائع استاذنا بدر الدين
ولله انها للحظات سعيدة ان يمر علينا طيفكم بهذه الخواطر
اولاً
بورتبيل تحدها من جهاتها الاربع الترع ... يعني من الغرب ترعة ومن الشمال ترعة ومن الشرق ترعة ومن الجنوب ترعة
وتتميز بورتبيل بان من جميع جهاتها توجد مساحات مزروعة شاسعة على مد البصر.
اذا هي دعوة لزيارة بورتبيل .. وستجدون اناسا قلوبها تهفو للقائكم....

ايام الصبا في بورتبيل واللعب مع الطبيعة .. ايام كانت زاخرة بكل ما هو جميل .. تجعلك تحس بان العالم ليس له وجود .. العالم هو ما تراه فقط .. ايام بقيت لها وقائع في النفس حتى الان.

اكسبتني مهارات ومقدرات كثيرة .. والحمد لله واهمها على الاطلاق .. اكسبتني احترام الناس .. واجلال الذين يكبرونني سنّا.
مشكور يا استاذنا بدر الدين

[بورتبيل]

يا بورتو يا مكروب
فى الكرسى دة ومصلوب
انا ليك بيجيب الطوب
يا زول ظريف محبوب
من بوتيكك المنصوب
ادينى شوكولاتة
ا

رضا .. وكان ما عندنا شوكولاته
بنتفع معاك الطعمية
ولا بتعمل ليك حساسية:D

مشكور على المرور .. وتعال راجع تاني .. انا منتظرك

[بورتبيل]

في رائيك ماهو الشي الذي ينقص المنتدي كي يصل للقمة

اعتقد بان المنتدى يسير بخطى ملموسة نحو القمة
الا انني اعتقد بان المنتدى لم يكمل هدفه الرئيسي
وهو انه لم يجمع شمل كل ناس مدني بعد
ولكن باذن الله سوف يتحقق هذا قريباً
خصوصاً بعد ان تم فصل منتدى خاص بالونسة
والدردشة .. ليكون هناك مجالاً للانفتاح والانتقاء
بين المواضيع.

الا انني اتحفظ كثيرا على المنتدى الثقافي .. وعزوف البعض عنه
ومعروف ان ود مدني هي نقطة التقاء الثقافات في المجتمع السوداني
وبالعودة للسؤال اقول ان ما ينقص المنتدى هو قوة المنتدى الثقافي
اذ انه احياناً كثيرة يكون فارغ تماماً.
وبقليل من الجهد سوف يكون في المقدمة باذن الله

[بورتبيل]

يا برتو كم سؤال لزوم التسخينة :

1 / مدي علاقتك بالمسجد؟
2 / مدي علاقتك بالمسرح؟
3 / مدي علاقتك بالسينما؟
4/ مدي علاقتك بالاستاد الرياضي؟
5/ ماذا تعني لك الدورة المدرسية ؟ وخصوصاً حين تقام نهائياتها في مدني؟
6/ عندكم أي طالب ممتحن في العائلة وينتظر نتيجة الشهادة السودانية؟

دعواتك ودعوات جميع الاعضاء أن يوفق الطلاب ويحققوا النتائج التي تسعدهم وتشرف أهلهم
قولوا آمين،،

1 / مدي علاقتك بالمسجد؟
ممتازة والحمد لله على ذلك
2 / مدي علاقتك بالمسرح؟
بحب اشوف مسرحيات متى ما كان ذلك مناسباً
ومسرحية المهرج دخلتها مرتين !!
3 / مدي علاقتك بالسينما؟
الغربية فقط .. لما فيها من تقنية عالية .. وبختار دائماً الافلام التي تكون بعيدة عن الاثارة بكل اشكالها
بحب الافلام التي تتحدث عن المغامرات والاكشن.
4/ مدي علاقتك بالاستاد الرياضي؟
بشجع الهلال .. والفريق القومي بشجعوا الى حد ما .. بس بعد المناوشات الاخيرة وهذا يقوم ان لعيبة النادي الفلاني قدموا للفريق القومي .. والنادي التاني ما قدمو .. تمسكت بتشجيع الهلال اكثر.
5/ ماذا تعني لك الدورة المدرسية ؟ وخصوصاً حين تقام نهائياتها في مدني؟
هذه الايام الدورة المدرسية في مدني .. اعتقد انو الدورة المدرسية ملتقى للتلاقح والتماذج بين ابناء الوطن. وهى تعني لي بان الطلاب شعلة النشاط الابداعي في بلادي.
6/ عندكم أي طالب ممتحن في العائلة وينتظر نتيجة الشهادة السودانية؟
بالنسبة لاخواني لا .. فاصغرنا ينتظر التخرج في نهاية هذا العام من كلية الطب.
اما بالنسبة لبقية العائلة ما عارف اذا كان ام لا .. فالعائلة كبيرة والحمد لله.

[بورتبيل]

عزيزي الرائع برتبيل
وددت ان اكون بالقرب لاتحسسك قربا بعيدا عن الاسافير بيد انني لا املك الا دعوات صادقات لكم بموفور الصحة والعافية ....
المنتدى مابين حجم التطلعات والواقع ... قراءة دعني اسالك ان تستدعي فيها بلا قيود او تحفظات مساحة مفتوحة هي لك علنا نستهدي بوضاحاتك مجمل الرؤوية الكاملة فهلا ...؟
دمتم استاذي في امان الله .


شكراً استاذي مرتضى يوسف العركي (الحلامابي)
وشكراً لهذه المساحة التي جعلتها لي خرجاً لأحوم فيها على قدر الاشتهاء .. والحديث عن المنتدى ما بين حجم التطلعات والواقع .. احسبها شايكة الى حد ما احياناً .. واحياناً احسبها شيقة فقط اعلم ان من تطلعات هذا المنتدى بان تكون ود مدني موجودة ومتواجدة في الشبكة العنكوبتية هذه .. وليس موجودة فقط بل بان يكون لها مكاناً يشار اليه .. تكون من الارقام صعبة التجاوز .. ولا احسب ان هذا الامر بالسهل , اذا انه يتطلب جهداً جباراً , ونسأل الله ان يوفق الاخوة القائمين على هذا الامر. وبما ان ود مدني قد دخلت هذا الحيز العنكوبتي .. الا ان الاستمرارية هي المحك الحقيقي , وهنا تقع الجهود على ابناء مدني على ان يحملوا هذا المنتدى الى منصات التتويج والتكريم , هذا عن التطلعات.
اما عن الواقع , فاقول الحمد لله لقد بقيت خطى منتدى ود مدني ثابتة , وما يزيدها ثبات ترابط اعضاء المنتدى مع بعض , وتشكيل اسرة واحدة رغم ظروف المشغوليات والمهام الا انهم يسالون عن بعضهم البعض .. حتى خارج المنتدى, وهذا لعمري من ما يحمد الله عليه كثيراً على هذا التلاقح والتلاقي .. .. والحديث يطول يا استاذنا مرتضى.. ولكن اقول ان المنتدى يسير في طريق سليمة والحمد لله.
وشكراً لمروركم .. واتمنى ان تكونوا في اجازة جميلة.

[بورتبيل]

الرائع الراقي
بورتبيل

ده ان اداك وكتر مابقول اديت
اب درق الموشح صدرو بالسوميت
اب رسوة البكُر حجَر شراب سيتيت
كاتال في الخلا وعُقباً كريم في البيت


ماعندي سؤال تب بس مريت امسي عليك اخوي ..
الرائع ود ام تريبات .. مشكور يا الدود النتر
وياريت الناس كلها تخش تسلم وتمرق .. ولا سالونا ذي اسئلة الناس الرائعين ديل ناس الحلامابي
ومدناوي وابو النور وسماح
مش ذي المكاشفي .. يخم ويردم فيها:D .. ولا ناس كدي خليهم ساي

لكم جميعاً منى احلى التحيات .. واتمنى ان يدوم الود

[هاني 2]

اذيك يامدثر ود بورتبيل مشتاااقين كتير وصدفه جميلة اني القاك هنا مع اني لي زمن وسنين ما قابلتك وبتصل عليك في الجوال مقفول علي طول .... وينك وين ايامك ما ح تكون عرفتني اكيد لكن انا الزول العرفتك في الرياض وحبيتك بجد وصادقتك بكل مودة وحب وووووو ... عرفتك زمن كنت في شركة شدي مع محمد الفاتح الطووويل .... تكون اذكرتني صح كلامك كان جميل عن بورتبيل ... وحقيقي لكل من يقرأ الاسطر دا هي مدينه جميلة ورائعة واهلها رائعين جدا مع انني ذهبت ليها مرة واحده وبس ... واتمني امشي تاني كيف بنتظر ردك

[بورتبيل]

اذيك يامدثر ود بورتبيل مشتاااقين كتير وصدفه جميلة اني القاك هنا مع اني لي زمن وسنين ما قابلتك وبتصل عليك في الجوال مقفول علي طول .... وينك وين ايامك ما ح تكون عرفتني اكيد لكن انا الزول العرفتك في الرياض وحبيتك بجد وصادقتك بكل مودة وحب وووووو ... عرفتك زمن كنت في شركة شدي مع محمد الفاتح الطووويل .... تكون اذكرتني صح كلامك كان جميل عن بورتبيل ... وحقيقي لكل من يقرأ الاسطر دا هي مدينه جميلة ورائعة واهلها رائعين جدا مع انني ذهبت ليها مرة واحده وبس ... واتمني امشي تاني كيف بنتظر ردك

اهلاً يا هاني 2 .. ولله ما اتذكرتك يا باشا
معليش الفترة طالت .. الا خليك قريب
الجوال في الرسالة الخاصة يا هاني

[مختار بازى]

خلاص الاسئلة كملت ؟
طيب ما رايك في شباب مدني المشتركين في المنتدي خاصة؟
وبماذا تنصحهم.
قال الشاعر :
لولا المشقة ساد الناس كلهم
الجود يفقر والاقدام قتال
لولا................... ؟ماكان برتبيل


I will come back to it in the rest of life

[مثني ودالعيكوره]

الرائع جداً صاحب بوتيك "قدر ظروفك"
سلام مطبوق...

استمحك ان اتلو عليك بعض الاسئله ،،،

1- يقول أنتوني روبينز في كتابه المشهور قدرات غير محدودة ..
((إنني اسمي الطاقة بوقود التميز وبإمكانك أن تغير من حالتك الداخلية علي مدار اليوم فلو عمت الفوضي كيمياء جسمك الحيوية فإن المخ سيخلق عروضا مشوشة وسيشتت نظام الجسم بأكمله .
وبالتالي لن تكون لديك القدرة علي الاستفادة مما تعلمته ))

بورتبيل.... وجهة نظرك في الكلام دا شنو ؟

2- يقول هنري فورد

(( ان التفكير أصعب الاعمال .. ولهذا السبب فأن القليلين هم الذين يختارونهم كعمل ))

مارائك في الكلام دا ؟؟

3- تقول هارييت ستو: "اكثر ما يخيفني في التربية انها قضية مثال اكثر مما هي رصف كلام... يمكنك ان تتكلم كما استطعت لكنك بالتالي تجد الطفل يتبع المثال الذي تبضره عيناه لا الكلام الذي تسمعه اذناه... وان روح الاهل تكون روح الطفل"

الى اي مدى حلت فيك روح ابويك؟ والى اي مدى تعتقد بان روحك ستكوّن روح اطفالك؟
وهل نطبق نحن في السودان اسلوب التربيه الامثل؟؟

4- يقول كريستوفر فرمورلي

(( النجاح الوحيد بالحياة هو ان تستطيع ان تحيا حياتك بالطريقة التي تريدها ))

بعد قرات كلام كريستتوفر اجب علي الاتي
1/ حلل
2/مارائك في شخصيت الكاتب كريستوفر فرمورلي ؟؟
3/ هل توافقه الرائ ؟؟


5- لو وقع في يديك فانوس علاء الدين وقيل لك تمنى ثلاث امنيات ماذا سوف تتمنى؟؟؟؟؟

كفاك اليوم

بجيك صااااااااااااااااااااد

مع عاكر مودتي....

[بورتبيل]

خلاص الاسئلة كملت ؟
طيب ما رايك في شباب مدني المشتركين في المنتدي خاصة؟
وبماذا تنصحهم.
قال الشاعر :
لولا المشقة ساد الناس كلهم
الجود يفقر والاقدام قتال
لولا................... ؟ماكان برتبيل


I will come back to it in the rest of life

شكراً يا بن بازي
لا احسب ان الراي يختلف فيه اثنين عن شباب مدني الاعضاء في المنتدى ... وقد اعجبتني جداً طريقة حبهم وانتماءهم لمدني .. وعشقهم العميق لتلكم المدينة.
نصيحتي لهم بان يكون اكثر عطاءً للمنتدى ولمدني .. واتمنى لهم دوام الترابط والالفة وكثيراً من الحب.

لولا المشقة ساد الناس كلهم **** الجود يفقر والاقدام قتالُ (او بتار)

ولو لا ....... منتديات ود مدني لما كان بورتبيل بينكم... هنا في هذا المكان

[بورتبيل]

الرائع جداً صاحب بوتيك "قدر ظروفك"
سلام مطبوق...

استمحك ان اتلو عليك بعض الاسئله ،،،

1- يقول أنتوني روبينز في كتابه المشهور قدرات غير محدودة ..
((إنني اسمي الطاقة بوقود التميز وبإمكانك أن تغير من حالتك الداخلية علي مدار اليوم فلو عمت الفوضي كيمياء جسمك الحيوية فإن المخ سيخلق عروضا مشوشة وسيشتت نظام الجسم بأكمله .
وبالتالي لن تكون لديك القدرة علي الاستفادة مما تعلمته ))

بورتبيل.... وجهة نظرك في الكلام دا شنو ؟

2- يقول هنري فورد

(( ان التفكير أصعب الاعمال .. ولهذا السبب فأن القليلين هم الذين يختارونهم كعمل ))

مارائك في الكلام دا ؟؟

3- تقول هارييت ستو: "اكثر ما يخيفني في التربية انها قضية مثال اكثر مما هي رصف كلام... يمكنك ان تتكلم كما استطعت لكنك بالتالي تجد الطفل يتبع المثال الذي تبضره عيناه لا الكلام الذي تسمعه اذناه... وان روح الاهل تكون روح الطفل"

الى اي مدى حلت فيك روح ابويك؟ والى اي مدى تعتقد بان روحك ستكوّن روح اطفالك؟
وهل نطبق نحن في السودان اسلوب التربيه الامثل؟؟

4- يقول كريستوفر فرمورلي

(( النجاح الوحيد بالحياة هو ان تستطيع ان تحيا حياتك بالطريقة التي تريدها ))

بعد قرات كلام كريستتوفر اجب علي الاتي
1/ حلل
2/مارائك في شخصيت الكاتب كريستوفر فرمورلي ؟؟
3/ هل توافقه الرائ ؟؟


5- لو وقع في يديك فانوس علاء الدين وقيل لك تمنى ثلاث امنيات ماذا سوف تتمنى؟؟؟؟؟

كفاك اليوم

بجيك صااااااااااااااااااااد

مع عاكر مودتي....

الغالي مثنى عيكورة .. الصفاء المعكر لليأس.
تحيات عاطرة
1- يقول أنتوني روبينز في كتابه المشهور قدرات غير محدودة ..
((إنني اسمي الطاقة بوقود التميز وبإمكانك أن تغير من حالتك الداخلية علي مدار اليوم فلو عمت الفوضي كيمياء جسمك الحيوية فإن المخ سيخلق عروضا مشوشة وسيشتت نظام الجسم بأكمله .
وبالتالي لن تكون لديك القدرة علي الاستفادة مما تعلمته ))

بورتبيل.... وجهة نظرك في الكلام دا شنو ؟
وجهة نظري في هذا الكلام قد تكون متطابقة معه فالمرض والجوع تودى كلها الى فوضى في كيمياء الجسم .. وبالتالي يعجز المخ لضعف الجسم وهوانه .. وتقل المقدرة او الطاقة وتشعر بالعجز ويضيع ما تعلمته.
2- يقول هنري فورد

(( ان التفكير أصعب الاعمال .. ولهذا السبب فأن القليلين هم الذين يختارونهم كعمل ))

مارائك في الكلام دا ؟؟
المفكر ليس هو من يجلس ويضع النظريات والتحليل وينتظر ان يجنى رزقه من هذا العمل .. المفكر هو من يعرف كيف يصنع النجاح في عمله .. اذا التفكير ليس هو العمل بل العمل بالتفكير هو الاهم.

3- تقول هارييت ستو: "اكثر ما يخيفني في التربية انها قضية مثال اكثر مما هي رصف كلام... يمكنك ان تتكلم كما استطعت لكنك بالتالي تجد الطفل يتبع المثال الذي تبضره عيناه لا الكلام الذي تسمعه اذناه... وان روح الاهل تكون روح الطفل"

الى اي مدى حلت فيك روح ابويك؟
الى ابعد حد حلت في طباع والديّ ( ربنا يديهم العافية)
والى اي مدى تعتقد بان روحك ستكوّن روح اطفالك؟
وهل نطبق نحن في السودان اسلوب التربيه الامثل؟؟
الى مدى يعلمه الله سبحانه وتعالى
الحمد لله تربية المجتمع السوداني ما تربية تقوم على النازع الديني لا افترض المثالية فيها ولكنها من منظور التربية العربية الحولنا نحنا نسير في طريق صحيح في التربية .. وانظر الى الشارع العام في الخرطوم وانظر الى شارع التحلية في دولة مجاورة .. وقيس الى اي مدى توجد فوارق التربية بيننا وبينهم.
4- يقول كريستوفر فرمورلي

(( النجاح الوحيد بالحياة هو ان تستطيع ان تحيا حياتك بالطريقة التي تريدها ))

بعد قرات كلام كريستتوفر اجب علي الاتي
1/ حلل النجاح الوحيد بالحياة .. الوحيد فقط يا مثنى اليس هذا اجحاف في معنى الحياة نفسها.
2/مارائك في شخصيت الكاتب كريستوفر فرمورلي ؟؟ .. ولله لا اكذب ما بعرفو
3/ هل توافقه الرائ ؟؟ اذا كان النجاح الوحيد .. هو ان تستطيع ان تحيا بالطريقة التى تريد دون المراعاة الى مشاعر الاخرين .. ودون الانقياد والانصياع للتشريعات والعقائد .. فلا اتفق مع اطلاقً


5- لو وقع في يديك فانوس علاء الدين وقيل لك تمنى ثلاث امنيات ماذا سوف تتمنى؟؟؟؟؟
الاولى بتمنى انو جيبو ليا الكتب الجبتا منها الكلام دا
الثانية بتمنى كل المنى لاهلنا ناس العيكورة
الثالثة بتمنى ان نلتقى في ساعة خير ان شاء الله


مع عاكر مودتي... وصفاء تحياتي

[ود المطامير]

يا ود عمى سلااام
أنا من زمان بزازى بهناك ومن بعيد لبعيد
عشان كرسى عماد خلانى أحوم بين المساجد إسبوع .. ما علينا .. أها
1 .... إنت سائق عربيه وفجأه لقيت قدامك ود المطامير بجاى وأبورجاء بهناك
ولازم تكش واحد فيهم أهاااا بتكش منووووووووووو ؟؟؟
2 ... ( أهدينى عيبوبى ) ماهى عيوب ود المطامير ؟

[بورتبيل]

يا ود عمى سلااام
أنا من زمان بزازى بهناك ومن بعيد لبعيد
عشان كرسى عماد خلانى أحوم بين المساجد إسبوع .. ما علينا .. أها
1 .... إنت سائق عربيه وفجأه لقيت قدامك ود المطامير بجاى وأبورجاء بهناك
ولازم تكش واحد فيهم أهاااا بتكش منووووووووووو ؟؟؟
2 ... ( أهدينى عيبوبى ) ماهى عيوب ود المطامير ؟

ود المطامير الغالي الغالي
يا ابوي تعال ساي .. (ولا يلدغ المؤمن من جحر مرتين)
بالنسبة لاكوش منو .. انا ان انعصرتا شديد بتلب من العربية وبخليها تكش البتكشو!!!!

بصراحة من ابرز عيوب ود المطامير على الاطلاق .. كثرة الضحك !!! وقيس على هذا

[zaher]

بورتبييييييييييييل .... امانة ما وقع راجل ..............

هههههههههههههه ....... اول ما سمعت انك في الكرسي الساخن قطعت الاجازة وجيتك ......

[صلاح ودالطاهر]

بورتبييييييييييييل .... امانة ما وقع راجل ..............

هههههههههههههه ....... اول ما سمعت انك في الكرسي الساخن قطعت الاجازة وجيتك ......
سجمك يابرتبيل زهير جاء واقعد ارجاء اه سؤال صغير كان فتحته عينك من الصباح ولقيت نفسك في السودان بتعمل شنو ؟ اه بجيك صاد

[بورتبيل]

بورتبييييييييييييل .... امانة ما وقع راجل ..............

هههههههههههههه ....... اول ما سمعت انك في الكرسي الساخن قطعت الاجازة وجيتك ......


يا اخوانا ما خلاص مواعيد الكرسي دي قربت .. نقوم نشتت

بعدين حبيبنا زاهر جائي مسخن .. ما تقول هو كان في السودان
يعني سخانة جو وسخانة جيب .. الله يستر بس

مرحب حبابك يا زاهر ولله خلينا من دا ودا ولله ليك وحشة عديل كدا .. حمداً لله على السلامة

[Madanawi]

زاهر شخصياً ؟

شكلنا حا نشاهد أهداف بالجملة .. يا حكم زمن اضافي شهرين اقل حاجة ،

[بورتبيل]

زاهر شخصياً ؟

شكلنا حا نشاهد أهداف بالجملة .. يا حكم زمن اضافي شهرين اقل حاجة ،

طيب يا حكم ممكن نعمل تغيير للشوط الاضافي دا ولا ما في طريقة

وبعدين ما وريتونا انو المبارة دي ممكن يكون فيها زمن اضافى

على العموم مرحب بزاهر وحمداً لله على السلامة

[zaher]

حبايبنا الحلوين


بورتبيل العزيز

اولا يا اخوي انا كنت في البحرين ... ورجعت لي يومين والحمدلله ...

ثانيا حكاية انك انت وعماد تفوتوني من الاسئلة ... ما جاية كده؟؟

وبطلب اجتماع سربع لاعضاء حوش القرقراب .. وجميع اهل النفاج للتعاون والتشاور في اعادة جلوسكم انتو الاتنين على الكرسي ده...

ولا تدوني فرصة لغاية ما اقرأ اللي انكتب في الكرسي عشان نسعلك ؟؟؟؟؟؟


سؤال برئ جدا ...... انتو نفحات وين اراضيها ؟؟؟؟

[المكاشفى]

بورتبييييييييييييل .... امانة ما وقع راجل ..............

هههههههههههههه ....... اول ما سمعت انك في الكرسي الساخن قطعت الاجازة وجيتك ......

هف هق هههههههههههه هغ هغ
ياخوى انا كنت جاييك تقييل لكن وكت زاهر جا انا بخلييك لى زاهر
وبكوووورك معاك يا حكم الزمن

حمدا لله على السلامه زاهر وعودا حميدا وكيف الوالد
انشاء الله بلغ الصحه والله سألت منك كثير ولم اجد ردا
واسأل صاحبك السمين ده عمده..........
يابورتو بى الاحضان ياخى

[مهيرة]

شدتني هذه السياحة الجميلة لمرشد سياحي ود بلد أصيل من بورتبيل
ولوقت قريب كنت فاكرة بورتبيل لقب لشي ما ..
ومادام الأمر كذلك ماهو سر ومعني التسمية لهذه القرية الوادعة ( بورتبيل )
أخشي أن يكون هذا السؤال مكرر !!

الطرف الآخر

عزيزنا بورتبيل وانت ماشي وجاي بالبص لود مدني ماهو المعلم الذي يلوح لك من
علي البعد ومازال عالقا في ذهنك ..
أجمل الأحياء التي استهوتك ومن أين أتي هذا الإرث الذي تتدثره شعرا ودوبيت ونثرا
هل هي باديتك بورتبيل وانت حسبا ونسبا ابن المدينة ( طرف مدني ) أم جزور الأسرة .

لك الشكرا ممتدا حتي بورتبيل ...

[صلاح ودالطاهر]

الاخوه الاحباب بقدم ليكم اعتذاري نيابة عن اخي وصديقي وحبيبي مدثر ودبرتبيل للظروف التي منعته مواصلة حديثه العذب وذلك لوفاة والد زوجته المهندس عمر محمد الامين في حادث حركه اليم (انا لله وانا اليه راجعون ) فتقبلوا عذره مع خالص تحياتي للجميع ودمتم سالمين

[مثني ودالعيكوره]

انا لله وانا اليه راجعون....

اللهم ابدله داراً خير من داره واهلاً خيراً من اهله
واجعل الجنة مستقراً له..

آآآآمين

[المكاشفى]

الدواااااااااام لله وحده
وربنا يتقبله شهيدا وانا لله وانا اليه راجعون
ربنا يلزمكم الصبر وحسن العزاء

[مدنيّة]

نسبة لظروف اخونا بورتبيل وسفره للسودان































ترقبوا غداً ضيفنا الجديد ÷ الكرسي الساخن

[نزار حسن محمد]

الجميع فى الانتظار ..يامدنيه

[portbail]

[[:== '''قرية بورتبيل''' ==]]

تاريخ القرية وأسباب تسميتها :

إن تاريخ قرية بورتبيل تاريخ عتيق مختلف فية فمنهم من يقول إنه إتمداد لتاريخ دولة الفونج ومنهم من يري إنها حديثة التكوين و يروا إن بدايتها قد كانت في عهد المستعمر و قد بدأت بمشروع الجزيرة المشروع العملاق الذي أسس في مطلع العشرينات من القرن الماضي ولكل رواتيه الخاصة بهم فألذين يقولون بإن بدايتها كانت مع دولة الفونج في القرن السادس عشر يقولون بإن من أسباب تسميتها بهذا الإسم يعود لأن هنالك بئر يرده الجميع وكان صاحب البئر من الفونج كان يدعي " طبيل" وقد قيل في قديم الزمان كان يشرب من هذا البئر فيقال نحن واردين "بئر طبيل لجلب الماء فصارت كلمة بورتبيل"
أما الرواية الثانية فهم يرون بإن البرته هم السكان الأصليين لهذه المنطقة فعند دخول العرب وتكوين دولة الفونج في مطلع القرن السادس عشر هجرتها قبيلة البرته حيث أستقرت في منطقة النيل الأزرق الحالية وفقال الناس وهذه الرواية الثانية " البرته زمان والبرته قبيل إلي أن صارت بورتبيل "
أما الرواية الثالة فتري أن التسمية وردت من إنها كانت أرض بور أي خالية من الموانع الطبيعية وغير مزروعة وكان يمتلكها أحد الأنجليز يسمي مستر بيل Bail قبل المشروع وكان يقال ويقال نريد أن نزهب لبور مستر تبيل حتي صارت بورتبيل " والله أعلم


التركيبة القبلية و السياسية :

أهم ما يميز قري السودان هي إنها تكونت تكوين طبيعي مجموعة من الأفراد تتجمع حول منطقة معينة لأغراض تجارية رعوية صناعية زراعية ألخ فقرية بورتبيل وأحدة من النموزج لسكان السودان فهي تضم معظم قبائل السودان وقد أنصهرت جميع القبائل مع بعضها البعض كالعوامرة والجعليين والمحس والخوالده والهوارة والحضور والجعافره والفلاته والبرقو و بكل ألوان الطيف السياسي فهي تضم الأمة والإتحادي والإسلاميين والشيوعيين والبعثيين والصوفيين و أنصار السنة المحمدية وتجد هذه التنظيمات السياسية تتوارث عبر الأجيال اي إن الوألد يكون جميع أبناءه ينتمون إلي الطائفة أو الحزب التي ينتمي إليها رب الأسرة.

التواصل مع العالم الخارجي :

ظلت بورتبيل شامخة وشاهدة علي جميع العصور والتحولات السياسية والإقتصادية والإجتماعية التي شهدت العالم تحلل جميع أحداث العالم دأخل أروقة ودكاكين و إجتماعات العامة من خلال الحديث المنقول للعامة عبر الوسائل المتعددة مروراً بالنحاس والتقنيات الحديثة و الرأديو والتلفزيون والصحف و أطباق الإستقبال و شبكات الإتصالات و تقراء جميع الأحداث قراءة حصيفة تبرر بإن المواطن البورتبيلي مواطن مثقف مطلع علي جميع الأحداث التي تشهد العالم ولا ينقطع عنها توأصلاً بين جميع الأجيال من أن كان الأقدمون وكبار السن ينتعون الإتحاد السوفيتي بالسريتي ويتجازبون أطراف الحديث عن الملكة فكتوريا والزابث وعن أمريكا وفلسطين وسد كجبار و أزمة دارفور علي سبيل المثال.

التركيبة الجغرافية و الإقتصادية للقرية :

تقع منطفة بورتبيل في وسط الجزيرة علي بعد 23 كلم غرب مدينة ودمني أي علي بعد 79 كلم من مدينة المناقل تسورها كلمعصم الترع أي شكل جزيرة كاملة تتخللها مخارج صغيرة كباري من الجهة الجنوبية والشرقية والشمالية ورزقالة " ممر حديدي صغير " من الغرب و تبعد عن المدينة عرب حوالي 7 كلم وهي من أكثر المناطق قرباً لها وتربط بين أهلها أوأصر القرابة والصداقة فلكل جيل صديق من نفس جيله يربط بينهما الحب و الإحترام والزكريات الجميلة والمواقف المشرفة التي ظلت خالدة تزكر في كل لقاء وجلسة سمر ، أما السواد الأعظم من سكان المنطقة فهم زراع تتخللها بعض الوظائف التي ترتبط بمطلبات الإنسان كالرعي والتجارة وقيادة السيارات و البناء والخياطة وغيرها ولكن تعتمد معظم أقتصاديات القرية علي الأبناء العاملين بالخارج في الخليج العربي حيث يمثلون الدعامة الأساسية لأقتصاد القرية بعد التردي المحصولي لأسباب عديدة الإستهلاك المستمر وإنهاك الأرض من مطلع العشرينات وحتي تاريخنا هذا وثانياً إهمال الحكومات المتعاقبة للمشروع الذي كان يشكل الركيزة الأساسية لأنسان السودان وإعتماد المزارعين علي الشركات مع الأجراء الذين يهتمون بإستقلال الأرض إستقلالاً سيئاً وهنالك العديد من العوامل ولكن هذه أهمها.

التعليم والصحة والرعاية الإجتماعية :
توجد بقرية بورتبيل شفخانة وهي تعالج الإسعافات الأولية أضف لذلك الأمراض المستوطنة في مناطق الجزيرة كالملاريا وغيرها وتشرف عليها كوكبة من أبناء القرية وكما بالقرية العديد من المدارس أساس بنين وبنات وثانوي بنين وبنات خريجي قرية بورتبيل من الجامعات والمعاهد العليا تربطهم أواصر المحبة والصداقة وذلك بسبب رأبطة طلاب بورتبيل التي خلدت في زكرياتهم ماضي جميل مليء بلإبداع والشجن والزكريات الحلوة

[مأمون يوسف محمد]

الشكر كل الشكرعلي مقال بورتبيل( بالانجليزي) عن قريتنا الجميلة 0000والى الامام