المساعد الشخصي الرقمي

مشاهدة النسخة كاملة : الاسماء المستعاره في المنتدى


معتز الريح
13-06-2007, 01:17 AM
الأحباء الاخوة والأخوات ..

أهل مدني مشهورين انهم بعرفوا بعض ..
ولو الزول ما عرفك بكون عرف أخوك أهلك ود خالتك ود عمك
واحد من قرايبكم من فريقكم ..

والسبب بيرجع أولاً لصغر مساحة مدني نسبياً ..
والسبب التاني بيرجع للدراسة والمدارس في المراحل المختلفه ..
ما قريتو مع بعض بتكونوا لعبتو كوره .. ليكم اصدقاء مشتركين ..

وجهة نظر
الأسماء المستعاره بتضيع علينا فرصة معرفة الناس ..

اقتراح
الاسمو مستعار يكتب اسمو في نهاية الموضوع أو التعقيب البكتبو

الهدف
المعرفة والسؤال عن الناس ..

وعلى كيفكم
غيداء نورالدين
13-06-2007, 01:35 AM
معتز والله كلامك صاح وفكرة راااااااااائعة بس انا ماعندي اسم مستعار اسمي الحقيقي
تقبل مروري
معتز الريح
13-06-2007, 01:40 AM
معتز والله كلامك صاح وفكرة راااااااااائعة بس انا ماعندي اسم مستعار اسمي الحقيقي
تقبل مروري

مرورك نور البوست ..
أها بقينا اتنين -
الموافقنا تاني منو؟
مدنيّة
13-06-2007, 01:48 AM
وعلى كيفكم

زعلان مالك يا معتز:D

كلامك جميل والله
بس برضو الاسامي المستعارة بيكون ليها سبب في وقع الانسان ودا ما بيمنع انه الناس تقول اساميها
معتز الريح
13-06-2007, 01:52 AM
زعلان مالك يا معتز:D

كلامك جميل والله
بس برضو الاسامي المستعارة بيكون ليها سبب في وقع الانسان ودا ما بيمنع انه الناس تقول اساميها

الأخت مدنية ..
الله لا جاب زعل ..

بقينا 3 ..
وفي الانتظار
مختار بازى
13-06-2007, 02:20 AM
يا معتز دا اسمي ذاتتتتتتتتتتتتتتتتتتو
Madanawi
13-06-2007, 05:03 AM
مرحب بود الريح المتألق .. كعادتك دوماً ،

قول بقينا 5 (أنا وأخوي مختار)
معتز الريح
13-06-2007, 05:37 AM
يا معتز دا اسمي ذاتتتتتتتتتتتتتتتتتتو

عاشت الأسامي يا حاج مختار ..
معتز الريح
13-06-2007, 05:40 AM
مرحب بود الريح المتألق .. كعادتك دوماً ،

قول بقينا 5 (أنا وأخوي مختار)

الحبيب معز طه ..
يعني انت واحد من الناس انا قدرت أوصل ليك عن طريق المنتدى
وكان يوم السعادة ..

يا حبيب أها بقينا خمسه
أبوياسر
13-06-2007, 06:15 AM
معتز يا رائع
طرحك زيك رائع
للحقيقة والله لينا علاقات دراسة ولينا علاقات كورة ولينا علاقات غربة
لكن والله علاقات المنتديات علاقة خاصة ولها طعم خاص
لا أقول الأذن تعشق قبل العين أحياناً ولكن علاقة المنتدي نقدر نقول إنها علاقة ناضجة
أو علاقة فكرية لأنو الناس بتعرف بعض من خلال إطروحاتهم ومداخلاتهم بعدها بحصل
التآلف والمحبة وصدقوني والله العظيم لي أصدقاء أعزاء جدا جدا حتي الآن لم نتقابل
وبعضهم عندما تقابلنا كانت الأحضان وكادت الدموع تزرف من فرحة اللقيا وقد أعجبني
توقيع أظنو توقيع الزول السمح مدناوي البقول: إيه الدنيا غير لمة ناس بخير أو ساعة حزن
وإنشاء الله يا معتز دائماً ملمومين في الخير
معتز الريح
13-06-2007, 08:15 AM
الحبيب أبو ياسر
ده الكلام البنقول فيهو ذاتووووووو

تسلم يا حبيب ..
وربنا يجمع الكل في ساعة خير
همسة شوق
14-06-2007, 01:42 AM
عزيزى معتز كلامك صاااااااااااااااااااح
ونحن معاك



مجاهد يوسف
زيكو
معتز الريح
14-06-2007, 06:57 AM
الحبيب مجاهد ..
انت 100%
اسم وصوره كمان

شكرا يا حبيب
رضاك ياصفيه
14-06-2007, 04:30 PM
فـــــــــــــــــــــــــي النهايه عاوز تصل لي شنووووووووووووووووووووووووووووووووووو



رضاك يا صفيه
انيس التوم
14-06-2007, 08:28 PM
ودلدنا ده اسمي زاتو الحمدلله لكن زي ما قلت الناس بتتعارف , نبداء بيك انت يا معتز انا عرفتك في المنتدي اخ بمعني الكلمة والله العظيم لكن بعرف مربع 11 كلها ابتداء من عصام والجنه وجقاري وبدر ومعتصم البيم ناس اب سن- جنابو شهاب - دكان رنده , حمادة شاطوط واخونه, عزام واخوانه , الامين توته, شيخ حسبو بشير والي الاخر رايك شنو
هشام السماني إبراهيم
14-06-2007, 09:08 PM
وانا معاكم برضووووووووووووووووووووو

هشام السماني
معتز الريح
15-06-2007, 01:19 AM
عزام واخوانه

الحبيب أنيس التوم
وصلت .. أنا تبع عزام وأخوانه
معتز الريح
15-06-2007, 01:20 AM
وانا معاكم برضووووووووووووووووووووو
هشام السماني

أها يا هشام ودالسماني الزين ..
زمن منكم

لسه في سنار ولا رجعتو
معتز الريح سنهوري
صلاح الدين محمد
15-06-2007, 11:47 PM
يا معتز ويا رفيق دربي اكيد نتا تعلم انو ده اسمي
معتز الريح
15-06-2007, 11:54 PM
الأخ الحبيب صلاح أبا ..
أعلم تمام العلم .. لكن كمان أسم الشهره مهم ..
انا بضيفو ..
صلاح الدين محمد الأمين
الشهير بصلاح أبّا ..
تسلم
HaSsOoN
16-06-2007, 02:00 AM
ياود الريح كلامك في الصميم وفعلا وزي قلتا مدني صغيره والناس بتعارفوا فيها

اخوك حسون
فدوى الحسن
16-06-2007, 04:49 AM
وانا معااااااااااااكم

فدوى الحسن
MASS77
16-06-2007, 05:27 AM
الاخ معتذ الريح
تحيه طيبه
اولا اثارني حديثك عن الزماله في مدني
واسالك سؤال
هل المنتدي يقتصر علي من بداخل مدني فقط
وهل يكون الانتماء الي مدني بشرط الميلاد ام الحب الذي اتي بالمشاهده ام بالشرط
الذي من بين بنوده الكوره والمدرسه والاحياء
في نظري كنت من من يعتقدون بان المنتدي قومي به كل السحنات التي
تعلم عن مدني بعض الشيئ
وكنت اظن بان المنتدي يضم ريف القطن والقمح والذره والفول السوداني اكثر من
من بداخل ودمدني الحبيبه
اما عن الا سم المستعار فاعتقد في عدم تاثيره بالتعارف فان كنت سانتقي صديق فلن اتامل في اسمه انما ساراقب ما يدونه وعندها ساعرف علي من اتعرف فالانسان ليس اسم بل اسلوب
اسلوب مهذب راقي ولكل مقاديره في الحكم والانتقاء
عموما شكرا لحروفك التي جعلتني اعلق
الطويل
16-06-2007, 05:31 AM
فكره جميله والله
انا أسمى محمد انور محمد نور جعفر



فى ناس حأتعرضو للاحراج وما حأدخلوا البوست ده لى سبب

اولاد داخلين المنتدى بى أسماء بنات

وبنات داخلين المنتدى بأسماء أولاااد
معتز الريح
16-06-2007, 05:52 AM
هل المنتدي يقتصر علي من بداخل مدني فقط


الأخ الحبيب ..
مشكور على التعليق والاستفسار لتوضيح مقصدي ..
المنتدى لا يقتصر على من بداخل مدني فقط
والدليل أنا وانت ماموجودين بمدني

جاييك واحده واحده
معتز الريح
16-06-2007, 06:02 AM
وهل يكون الانتماء الي مدني بشرط الميلاد ام الحب الذي اتي بالمشاهده ام بالشرط الذي من بين بنوده الكوره والمدرسه والاحياء في نظري كنت من من يعتقدون بان المنتدي قومي به كل السحنات التي تعلم عن مدني بعض الشيئ وكنت اظن بان المنتدي يضم ريف القطن والقمح والذره والفول السوداني اكثر من من بداخل ودمدني الحبيبه
اما عن الا سم المستعار فاعتقد في عدم تاثيره بالتعارف فان كنت سانتقي صديق فلن اتامل في اسمه انما ساراقب ما يدونه وعندها ساعرف علي من اتعرف فالانسان ليس اسم بل اسلوب اسلوب مهذب راقي ولكل مقاديره في الحكم والانتقاء عموما شكرا لحروفك التي جعلتني اعلق

الأخ الحبيب ..
لو جانا واحد وسكن يوم في مدني .. فهو ينتمي لودمدني
لو درس سنة واحده في مدني .. فهو ينتمي لودمدني

والمنتدى فعلاً منتدى قومي بدليل انت من خارج مدني وشاركت فيه
وليس من شروطه حتى ان تكون سوداني الجنسية ناهيك عن أن تكون من مدني

انا لما كتبت هذا الموضوع .. حبيت أنو الناس تلقى معارفها من مدني أو من خارج مدني .. كلنا وجميع من في هذا المنتدى لهم أصدقاء وأهل من خارج مدني

وده الهدف .. ولك الشكر يا حبيب ..
معتز الريح
16-06-2007, 06:12 AM
فكره جميله والله
انا أسمى محمد انور محمد نور جعفر


الحبيب محمد أنور..
فرصه جميله .. وسعيدين بالتعارف ..
معتز الريح
16-06-2007, 08:48 AM
ياود الريح كلامك في الصميم وفعلا وزي قلتا مدني صغيره والناس بتعارفوا فيها

اخوك حسون

تشكر يا حسون ..
والتعارف نعمه
معتز الريح
16-06-2007, 08:50 AM
وانا معااااااااااااكم

فدوى الحسن

مرحب بيك معانا أخت فدوى
حبابك عشره