السودان الأمل المظلم

[هيثم بابكر]

احبائي اعضاء منتدى ودمدني الحبيب ،،، عاوزين نتكلم شوية عن مشاكل السودان ككل والتمنيات الكبيرة المرجوة في داخل كل مواطن سوداني اصيل بان يستقر حال بلدنا وينعم مواطن بلدنا بان يعيش بسلام وكفاية من تعليم وصحة وغذاء ، هل هذه الاشياء ضرب من التمنيات المستحيلة التي لايمكن ان تتحقق هل نقنع انفسنا بان نعيشها احلاما فقط ونترك المجريات كما هي ، ماذا يجب ان يحدث ماهي الخطوات الصحيحة التي تقود الى هذا الاستقرارماهو دور الحكومات ماهو دور المواطنين ماهو دور الشباب ماهو دور الاطفال .


الذي شجعني ان اكتب في هذا الموضوع خبر سمعته بالامس القريب مفاده تفشي الفساد المالي بصورة خطيرة وكبيرة بين المسئولين في دولتنا الحبيبة عن شئون العباد وبين مؤسسات الدولة لدرجة خصصت جلسة بالمجلس الوطني لطرح هذا الموضوع وتكوين لجنة كبيرة للبحث في هذا الموضوع . نحن أملنا كثيرا في ان ينصلح حال بلدنا بالبترول ووقف الحرب في الجنوب كشباب ومغتربين ولكن تحبطنا جدا مثل هذه الاخبار التي تأتي علينا كالصاعقة في نفوسنا وقلوبنا وآمالنا كيف نرجو الاحلام الوردية الجميلة ان تتحقق وتفشي مثل هذه الامراض الفتاكة التي تصيبنا في مقتل هل نهيئ انفسنا لحالة الاستقرار المرجوة ام نتابع قضايا الفساد التي تاخذنا لمنحى آخر تموت معه آمالنا وطموحاتنا .

وللحديث بقية ارجو من الاعضاء المشاركة بفاعلية .

[هيثم بابكر]

ياشاب وين مشاركاتكم في الموضوع

[samar_taha]

أخي هيثم أثرت موضوع يثير في دواخلنا العديد من المشاعر المضطربة والمتباينة , فما بين الماضي المشرق والواقع المأساوي الفاسد , والمستقبل المظلم جداً, يقع المواطن المغلوب على أمره ,ولسان حاله يقول (ولا الصابر ولا الباكي ,,,,, غايتو حكايتي بين أمرين )
فلا الكلام يجدي نفعاً ولا الصمت يغير ما بنا .
ولكن فقط نقول حسبنا الله ونعم الوكيل

[هيثم بابكر]

شكر اختى سمر طه على المرور ومنتظرين المزيد من الشباب

[حسن سادة]

عزيزي هيثم
شيال الحمول
نهارك فل إن شاء الله
قول آمين

الزمن ميّل يا لطيف
وأريت لو كان على كدة وبس
وقالوا البعيش الدنيا ياما تشوفو

وكان الله في عون وطنا البإسمك كتبنا ورطنا

حسبي الله ونعم الوكيل

[عوض الكواكب]

الموضوع اكبر واكبر من كدة بكتير ياأخوي هيثم
وعشان النقاط تتخته على الحروف لو قدرنا نختها
موضوعك بالجد عايز صحافة باكملها وكتاب واقلام فذة علشان يصل المسؤلين

[ود ام تريبات]

الاستاذ /هيثم بابكر

الموضوع بكل بساطة ان الذين يسعون الى تحطيم السودان عن قصد هم نفسهم الذين يستفيدون من ذلك التحطيم ... اي ان من مصلحة لصوص قوت الشعب ان يظل الشعب مشغولاً بلقمة عيشه وعلاجه اي بابسط مقومات الحياة ..

عزيزي هيثم :
ماذا تقدم الدولة لموكنيها في السودان ؟؟؟ لاشيء تعليم على حساب المواطن علاج على حساب المواطن السوق ملتهب يلهب جيوب الناس لاشيء يقدم للناس سوى العزاب ومزيداً من العزاب .؟..
ولا زال المنافقون في المدينة يمنون انفسهم بتنمية تاتي من عائدات البترول !!! و بمعادلة بسيطة اذا حسبت كم مركبة تستخدم البترول للحكومة من جهاز امنها فقط و الوزارات الاتحادية والولائية والمحليات ومحليات المحليات والمنسقيات والدفاع الشعبي واخوات نسيبة وكل اللصوص الذين يقتاتون على حليب اطفالنا هناك ستجد ان ذلك البترول المزعوم لن يبرح تلك السيارات الى اي مكان وان تعداها فسيتعداها الى جيوب الهمباته وقطاع الطرق في بلادنا ..

لو ان المتسلطين على رقاب العباد في بلادنا قامو بتوظيف اموال التجيش التي يصرفونها على المعسكرات التي يدربون بها اطفال الثانوي او انهم وجهوا هذه الاموال في كل عام الى قطاع لكان خلال هذه ال 18سنة من عمر التجربة الفاشلة حققنا جل ما نريد لكن هي العين العمياء التي لا ترى سوى مصالحها الضيقة ولا يهمها من امر الناس ان جاعوا او ماتو على رصيف فلل وعمارات المنسقين في كافوري وفي المنشية ..
لينزل ذلك المتغطرس الكذاب الى شارع المسجد الكبير في السوق العربي ليرى طوابير الشحاذين تمد اكفها تسال الناس كسرة الخبذ .. او نساء هذا الشعب الذين صرن بائعات شاي وبائعات كل ما كان مصان ..

ولي عودة

[ود ام تريبات]

لقد فتحت فينا جراحاً قديمة حديثة لم تبراء

فاين اختفيت ياهيثم ؟؟؟؟

[عثمان جلالة]

بدون تعليق ؟؟؟؟؟؟؟؟؟؟؟؟؟؟؟؟؟؟

[طارق محمد الحسن]

واللة يااخى الكريم مافى حاجة اسمها الامل المظلم وبلدنا جميلة بى ناسها واهلها ومافى داعى انحنا نقول على بلدننا كلام ماكويس طيب اذا انحنا قلنا كدا الغرباء يقولو شنووكن جميلا ترى الوجود جميلا

[هيثم بابكر]

الأعزاء سمر طه ، حسن ساده ، عوض الكواكب ، ود امتريبات ، جلاله ، طارق محمد الحسن ،

شكرا على المرور والمشاركة ودمدتم

[هيثم بابكر]

موضوعنا احبتي ليس استكانه ولا احباط شامل مجرد تطرق للتعرف لمشكلتنا الاساسية ، فلننظر من حولنا لهذه الدولة القريبة مننا التي تنعم بالاستقرار رغم شح مواردها حتى ولو استقرار نسبيا اين نحن منهم ، هل السودان صعوبة وتعقيدا لهذه الدرجة حتى ولو ؟ ماهو الحل وكيف هو ومتى ؟؟؟

[ود ام تريبات]

واللة يااخى الكريم مافى حاجة اسمها الامل المظلم وبلدنا جميلة بى ناسها واهلها ومافى داعى انحنا نقول على بلدننا كلام ماكويس طيب اذا انحنا قلنا كدا الغرباء يقولو شنووكن جميلا ترى الوجود جميلا

استاذ/
طارق محمد الحسن

الذي تقوله لا خلاف عليه فكل اوطان الناس جميلة وان قبحت ..

لكن اكثر الاشياء افادة هي تلك التي تنطلق من نقدنا لذاتنا ومعرفة مكامن ضعفنا وغلطاتنا لنتفاداها ونعدلها .. والقول بما ليس فينا لا يفيد وقد يؤدي بنا الى تصديق تلك الاكاذيب ..

[طارق محمد الحسن]

يااخى الكريم واللة انا قصدى من الكلام دا انو شايفك انت عندك احباط شديد لكن نعمل شنو ياهو داقدرنا اننا طلعنا مولودين فى البلد دى وبلدنا زاته تركيبتها غريبة سبحان اللة تلقى فيها العرب والافارقة والنص نص وفيها اكتر من 200 قبيلة واكتر من 300لغة محلية وكلو زول فى البلد دى ماراضى بالتانى بلد اخدت استقلاله سنة56 ولحدى الليلة ماقادرة تقيف على رجلينا ودا ما من برة دا مننا وفينا وبنعملو فيها برانا وبرضو برجع واقول انو بلد قارة زى السودان ماشايل الناس ولو وزعوة اى زول نصيبو حايكون 5فدان للفرد الواحدعشان كدة يااخى الكريم حقو نتعايش مع مشاكلنا ونبقى ركازة للبلد ................................................ اصلى لمن ادور اجيكى بجيكى لابقيف بيناتنا عارض لا الظروف تمسك بايدى ولامن الايام مخافة يانفس فجر القصائد ماضهب فى بعدى عنك اصلى متغرب عشانك راضى بالجاينى منك ولك خالص ودى

[ود ام تريبات]

يااخى الكريم واللة انا قصدى من الكلام دا انو شايفك انت عندك احباط شديد لكن نعمل شنو ياهو داقدرنا اننا طلعنا مولودين فى البلد دى وبلدنا زاته تركيبتها غريبة سبحان اللة تلقى فيها العرب والافارقة والنص نص وفيها اكتر من 200 قبيلة واكتر من 300لغة محلية وكلو زول فى البلد دى ماراضى بالتانى بلد اخدت استقلاله سنة56 ولحدى الليلة ماقادرة تقيف على رجلينا ودا ما من برة دا مننا وفينا وبنعملو فيها برانا وبرضو برجع واقول انو بلد قارة زى السودان ماشايل الناس ولو وزعوة اى زول نصيبو حايكون 5فدان للفرد الواحدعشان كدة يااخى الكريم حقو نتعايش مع مشاكلنا ونبقى ركازة للبلد ................................................ اصلى لمن ادور اجيكى بجيكى لابقيف بيناتنا عارض لا الظروف تمسك بايدى ولامن الايام مخافة يانفس فجر القصائد ماضهب فى بعدى عنك اصلى متغرب عشانك راضى بالجاينى منك ولك خالص ودى


وطن اخر وطن قدام
وطنا وبس في جوفنا اندس

وطن بالفيهو نتساوى نحلم نقرى نداوى

وطن لكنو ما هولك ولا الزول القبيل زولك

وطن حدادي مدادي ما بنبنية فرادي
ولا بالضجة في الرادي ولا بالخطب الحماسية