ظاهره جديده .

[ود المطامير]

ظاهره ... جديده ...
ناس معانا نعرفهم ويعرفونا أحببناهم وأحبونا وردناهم ورادونا لله فى الله
وفجأه نلقاهم يتملصوا من جلودهم ويأتونا فى توب جديد وأسماء جديده
وينتقدوا الحال وكل الإنتقادات للمشرفين أو الأعضاء تأتى من الناس
( القدااااااااااااااااااااااام الجدد ) وحاة الله شوفوا أى إنتقاد تلقوهوا من زول
ولأ زوله جديد أو جديده فى التسجيل وقديم أو قديمه فى المنتدى ... غايتو ...
دى حكاية بمشى بلبد ليك فى اللفه .

[عماد عبدالشكور]

اخونا الحبيب شيخ العرب ود المطامير
والله دي ظاهرة دخيلة وغريبة علينا اتمنى ان تزول في القريب العاجل

[المكاشفى]

ياعروه والله صدقت ولسه ياما حانشوف
والمنتدى بدى يمسخ بى كتره مهاتراتهم
ولغوهم الفارق والناس لو تابعتهم بتفقد الموضوعيه
وغايتو انا ما اداري ولا مشرف لاكن عندى مقترحات
لابد ان تطبق وافتكر انها جيده وبسلم المنتدى من هؤلاء
(الببارى الجداد بوديهو الكوشه)
انتظرو اقتراحاتى وداير تثنيه من كل الذين قلبهم على
المنتدى

[صلاح ودالطاهر]

اخي ودالمطامير لافضه فوك هذا كلام في الصميم...................... ربنا انشاء الله يوفق الجميع لمافيه خير هذا المنتدي الذي جمعنا كاخوان واحباب لم نر بعضنا البعض ولكن جمع بيننا شي واحد هو الحب الاخوي من غير زيف اونفاق وجمعت بيننا هذه المدينة المعطاه وارجو من جميع الاخوان ان يتركوا سفاسف الامور ويعملوا بجد لرفعة هذه المنتدي .................................................. ......................
ما تصدقوا قول العزول
خليهو ياودالمطامير زي مايقول يقول
بس تاكد انا حبي اكبر بكتير
من قول عزول فاقد ضمير
دايرنا في الاحزان نسير
ويكون فراقنا هو المصير
ولو حصل ذاك
ابقي العزول نال المراد
تعرف ياود المطامير بكتب غناي الباكي فيك
وبمشي المسافات عشان اجيك
يشهد علي حنيني ليك
ولو لحظه مرة بشتهيك
واخيرا اقول لك انتم وحي الهمنا وبكم نستنير وتسلم ياغالي

[مختار بازى]

والله فاتت علي حكاية انو ممكن يتقمسوا شخصيات او اسماء نواعم ويقعوا في الناس انتقادات
وياريت لو انتقادات بناءه وهادفة بل انتقادات هاااااااااااااااااااااااادمة لكل الجهود التي بذلت لنصل الي ارقي المستويات بين المنتديات ونعكس الوجه الحقيقي لانسان مدني
وحق نسمع كلام المكاشف
(البباري الجداد بوديهو الكوش)
ونحنا في انتظارك يا المكاشفي

[نور عبدالله]

والله فاتت علي حكاية انو ممكن يتقمسوا شخصيات او اسماء نواعم ويقعوا في الناس انتقادات
وياريت لو انتقادات بناءه وهادفة بل انتقادات هاااااااااااااااااااااااادمة لكل الجهود التي بذلت لنصل الي ارقي المستويات بين المنتديات ونعكس الوجه الحقيقي لانسان مدني
وحق نسمع كلام المكاشف
(البباري الجداد بوديهو الكوش)
ونحنا في انتظارك يا المكاشفي عمنا مختار .فاتت عليك كيف؟ دي ما واضحة

[نزار حسن محمد]

بسم الله...
بسم الوالى العالى ..بسم كل عضو فى هذا المنتدى الحبيب...

اخوكم ودحسن جااااااكم ..
اتمنى من الجميع .... ان يعتبر ما مر فى هذه الفتره السابقه هى سحابة صيف عابره
وهلا ..هلا على الجد .. وكفى
ودحسن

[رضا حسن محمد]

انا عندى مثل قريب للببارى الجداد يوديك الكوشة


لا تاكل البايتة ولا تبارى (الناس البجوك باسماء وهمية )

[Madanawi]

يا شباب ودمدني .....

لا أعرف كيف أحييكم على ما تبدون من نوايا حسنة وإيجابية،

أستوقفكم مع ضمائركم النقية .. وأقول لكم :

لا فضل لي ان رحت أنشد فضلكم بقصائدي ..... ان الضحى لا يكتم
الا انني أخشى مقالة قائــــــــل ....... أنّ الذي أثنى علـــــيهم منهم
أحبتي ماأجمل المنتدى بكــم ...... ما أجـــــــــمل المنتدى وفيه أنتم

دمتك مترابطين .. حادبين على أمر ورفعة المنتدى ،،

[مدنيّة]

والله يا ود المتامير جيت علي الجرح
والواحد بيستغرب وبتساءل عن الاسباب اللي ممكن تخلي الواحد يعمل كدا !!!
غايتو الا يكون مرض
والله اعلم

[صلاح ودالطاهر]

والله يا ود المتامير جيت علي الجرح
والواحد بيستغرب وبتساءل عن الاسباب اللي ممكن تخلي الواحد يعمل كدا !!!
غايتو الا يكون مرض
والله اعلم
صدقت يا بت عبدالسلام هو المرض وحبوباتنا قالن الجن بداوه الاكعب الاندراوه

[الفارس البنفسجي]

إذا جاءتك مذمتي من ناقص
فهي الشهادة بأني كامل.

ما ياهو بيت الشعر دا كدا
يا ود المطامير ولا ناقص؟

[عماد عبدالشكور]

بالرغم من كل المهاترات والعبارات الغير لائقة من الدكتورة المزعومة الا انني لا اجد العزر لادارة المنتدى من اغلاق المشاركات في الكرسي الساخن الذي كنت ضيفا عليه دون اخباري بذلك او حتى الاعتزار او توضيح الاسباب
اتمنى التوفيق للجميع

[الطويل]

كلامك صاح ياود المطامير وبالاخص الناس المسجلين معانا وليهم مشاركات

وفى ناس أجوك داخلين بى أسماء بنات والله عيب عليهم:D :D