المصلحة العامة مفقوودة في بلادنا ...

[Bet-alsudan]

الكلام ده قاعدة اسمعوا كتير وحابة اشوفكم انتو حتقولو شنو عيله .. شفت الكلام ده في احدى المنتديات اتنين بتشاكلو مع بعض او اظن ان واحد متغايز من التاني او حاجة زي كده المهم القصة كالتالي الشخصية الاولى قالت الكلام ده وهو الحيرني !!( ده حال السودانين مستحيل يكونو مجتمعين و متحدين لازم لا ده حقي انا حسوي ده انا حعمل ده انا كده انا كده ( انـــــا ) عندهم كتير وفعلا ده الحاصل في السودان كل واحد يعميليه شارع زلط قدام بيتو انا في حالي وجاري في حالو والبيوت التانية ردووم ردووم التراب قدامة مستحيل نفكر بالمصلحة العامة )


هذا ما قالته الشخصية الاولى ... هو فعلا كده ولا كيف .. انا صحي شايفة في السودان ردووم التراب على كيف كيفكم بيت اخر قياافة وبيت .................. المطر كان صبت الدنيا دي كلها تتملي اما جارنا كانو ما حصل حاجة لي بس لي ؟؟ لي ما نتشارك لي ما نتحاور لي ما نشاور ؟؟!؟!؟!؟!؟!؟!؟!؟!؟!؟!؟!؟!؟!؟!؟!؟!؟!؟!؟!؟!؟


دمتم على الطاعة

[ترنيمه حزن]

والله كلامك صاح انا برضو ملاحظه الظاهره دي انو كل واحد بقول اللهم نفسي وبس ومافي زول بعاين لي حال التاني كان ميت ولا حي ولا المشكله الكبيره وين انو الفوق بدل يعاين لي حالت التحتو وساعدوا لا بالعكس بحاول يرمي لي تحت زياده وزياده .... غايتو يابتنا الحال بقت صعبه .... والناس بقت مش صعبه صعبه شدييييييييييييييييييييييييييييييييد
موضوع مهم والله

[Bet-alsudan]

والله كلامك صاح انا برضو ملاحظه الظاهره دي انو كل واحد بقول اللهم نفسي وبس ومافي زول بعاين لي حال التاني كان ميت ولا حي ولا المشكله الكبيره وين انو الفوق بدل يعاين لي حالت التحتو وساعدوا لا بالعكس بحاول يرمي لي تحت زياده وزياده .... غايتو يابتنا الحال بقت صعبه .... والناس بقت مش صعبه صعبه شدييييييييييييييييييييييييييييييييد
موضوع مهم والله


والله يا ترنيمة في جنسيات تانية بعرفو عننا صفات الصراحة انا برفع راسي فووووووووووووووووووووووووووووووووووووووووووق بيها .. بس دي الحاجة الناقصانا صحي ما في حاجة كاامله بس من ناحية دينية يا جماعة ربنا وصانا بالحاجات دي ولكن ؟!؟!؟!؟ هل مجييب :confused: :confused:

[الفارس البنفسجي]

هذا هو التكافل الإجتماعي الذي نادى
به الإسلام (من له فضل ظهر فليعد به
على من لا ظهر له) وإعادة فضل الظهر
لمن لا ظهر له هو قيمة إنسانية راقية
جداً.

[ابوندى]

مشكورة اختنا بت السودان على هذة اللفتة ........والظاهرة دى فى الخرطوم وبعض احياء مدنى البقولو اهلها انها راقية واكثر من ذلك انو ما تعرف جارك مسافر ولا موجود خليها على التراب القدام البيت ...دى بسيطة
والدنيا اتغيرت ..اقصد الناس اتغيرت . فى سلوكها وكلامها وكمان ناس غيرت مشيتها ونست اصلها وجذورها والزمن السمح البتغدو فيه الجيران مع بعض وكان صبت المطرة ما تشيل هم الجيران موجودين

[Bet-alsudan]

هذا هو التكافل الإجتماعي الذي نادى
به الإسلام (من له فضل ظهر فليعد به
على من لا ظهر له) وإعادة فضل الظهر
لمن لا ظهر له هو قيمة إنسانية راقية
جداً.

مشرفنا الكبير شكرا على المرور وابداء الرأي ..

[Bet-alsudan]

مشكورة اختنا بت السودان على هذة اللفتة ........والظاهرة دى فى الخرطوم وبعض احياء مدنى البقولو اهلها انها راقية واكثر من ذلك انو ما تعرف جارك مسافر ولا موجود خليها على التراب القدام البيت ...دى بسيطة
والدنيا اتغيرت ..اقصد الناس اتغيرت . فى سلوكها وكلامها وكمان ناس غيرت مشيتها ونست اصلها وجذورها والزمن السمح البتغدو فيه الجيران مع بعض وكان صبت المطرة ما تشيل هم الجيران موجودين



بقولو يا ابو ندى انو الدنيا بتمشي للاحسن بس انا شايفة العكس تماماً... شكرا على الاطلالة

[Madanawi]

أنا بعتقد أن هذا الكلام لا ينطبق على حالنا في السودان .. فنحن شعب ميزنا الله سبحانه وتعالى عن كل الشعوب بالتكافل .. فتجد الجار كأنه واحد من أفراد الأسرة .. وأقرب مثال ما نراه في الأفراح والأتراح من تعاون ومساعدات سواء كانت مادية أو بالجهد والمتابعة وتسهيل بعض المهام .. بالجد أنا أفتخر بسودانيتي ومدناويتي. وما عارف كيف يكون الحال لو ما كنت سوداني وأهل الحارة ديل أهلي؟؟

[ابوندى]

بقولو يا ابو ندى انو الدنيا بتمشي للاحسن بس انا شايفة العكس تماماً... شكرا على الاطلالة


فعلاً الدنيا ماشة للاحسن اذا لم ننسى اصلنا ورجعنا للكبار واقتدينا بيهم والناس هى البتغير
وكما قيل نعيب زماننا والعيب فينا فما لزماننا عيب سوانا
عسى ولعل يرجع الناس للقديم الجميل وحكاوى حبوبة والفزعة والنفير وابو مروة

[مدنيّة]

ابدا بنوتة الكلام دا ما بينطبق ÷ الكل × السودان

في احياء ومناطق مية مية الكلام دا فيها بصورة مزعجة جدا بس انا بعزيها لمشاغل الناس × الخرطوم وبعد المسافات ممكن تلقي الواحد يطلع من الصباح ويجي راجع البيت الساعة تسعة مساء !!! يعني ما بيكون فيه نفس يسال من ناس بيته ناهيك عن بقية الناس

[Bet-alsudan]

مدنية , مدناوي يمكن يكون كلامكم صح .. بس ده الانا شفتوا . وزي ما قلته مافي حاجة كاملة .. والله هي على حسب نفوس الناس وطباعم ومدى حبهم للخير ...

شكرا على المرور جميعا ..

[الطويل]

معااااك حق با بت السودان وده فعلا الشئ الحاصل فى بلدنا

[مختار بازى]

هذا هو التكافل الإجتماعي الذي نادى
به الإسلام (من له فضل ظهر فليعد به
على من لا ظهر له) وإعادة فضل الظهر
لمن لا ظهر له هو قيمة إنسانية راقية
جداً.

والله يا بت السودان نحنا ما نقول مفقودة الي خالص لكن ممكن نقول مفقودة الي حد ما ولا رايك شنو في كلامي دا والتكافل لابد يكون في ليهو توعية وامثلة مضروبة في ارض الواقع
عشان الكل يحس بي جارو ويغير علي الوطن ويعمل ما فيهو الخير للامة جمعاء
ودمتي علي الطاعة والمناشدة الي فعل الخير

[غيداء نورالدين]

بت السودان كلامك كله صاح بس مابينطبق على كل الناس وفعلا الكلام دا حاصل في بلدنا
لك الف تحية

[Bet-alsudan]

مختار .. ابوراينا .. غيداء .. شكرا على المرور جميعا ...

دمتم على الطاعة