كل يوم حمام

[رضا حسن محمد]

بسم الله الرحمن الرحيم

مما كنت صغير انا بكره الحمام
ام نزار الله يديها الصحة والعافية كسرت فينى ميات المفاريك فى موضوع الحمام
نزار وعصام كانو مرحين معها فى الموضوع دة لكن انا دقتنى دق العيش
كانت تصر انو لازم استحم كل يوم
اها بقيت غصبا عنى بستحم كل يوم لغاية ما دخلت جامعة الخرطوم
اها فى الجامعة بقيت استحم كل يوم عشان الجكس مشتت ذى البلى
وعشان اولاد الخرطوم الوهم ديل ما يقولو ناس مدنى ما بستحمو
وعشان بت دبلوك كانت بتقرا فى جامعةالخرطوم
وبعد التخرج اشتغلت فى مدنى وسكنت فى بيتنا وامى واصلت معاى نفس الحصار

اها بعد ما اتزوجت بت دبلوك, امى كانت ارحم
بقت تجبرنى استحمى اليوم مرتين
وشابكانى ليك النضافة من الايمان وانت لازم تكون قدوة حسنة لاولادك
وبعدين الخواجات الانتا شغال معاهم ديل يقولو عليك شنو
اها ود حسن بقى يوميا يستحمى مرتين شدة ما الله اداهو
شفتو المصايب الانا واقع فيا دى
وزى ما قال معتز الريح حقو يوم السبت دة يكون للحمام
اها بت دبلوك لمن اقول ليها انا جعلى وريحتى ما بتكون كعبة تقول ليك سيبك من الكلام الفاضى وتدينى ليك محاضرات شى بالعربى وشى بالانجليزى
بقت تعاين لى كدة اخش الحمام
يا ربى انا بخاف منها ولا شنو
طيب جدى الكتل الاسد دة الله يرحمو يقول على شنو
بجى تانى

[Madanawi]

النظافة من الايمان يا ود حسن .. وبعدين لازم الحمام يعني
ما جمبكم الترعة .. وبركات السنة كلها ماشاء الله المطر داق فيها .. يعني تحوم مشوارين في الحوش وتجي مستحمي بي موية زمزم .. أنت يا رضا أنا لمن لاقيتك في منى اثناء ايام الحج الماضي .. الكان حمر ليك منو؟؟أم نزار الله يديها العافية .. ولا زوجة أخو نزار الله يديها العافية؟؟

[صلاح ودالطاهر]

ههههههههههههههههههههههههههههههههههههههههههههه تعريف يود حسن قطعت مصاريني من الضحك طبعا انا بتخيل في المنظر والمفراكه وتذكرت حمام الوقفه طبعا الشي الكان محيرني انو وقفت عيد الضحية كانت دائما تجي في الشتاء وتعرف عمتك ام مصباح الله يرحمها في اليوم ده بالذات حالة استنفار قصوي تحضر الليفه والحجر لكرش الكريعات واستخراج الكدوب وتحضر دهن الكركار الماخمج لزوم التلميع عشان الصباح تكون تلمع ذي اللقيمات الطالعه من الصاج تعرف يارضا حمام الوقفه ده مشكله اه برجع ليك

[رضا حسن محمد]

النظافة من الايمان يا ود حسن .. وبعدين لازم الحمام يعني
ما جمبكم الترعة .. وبركات السنة كلها ماشاء الله المطر داق فيها .. يعني تحوم مشوارين في الحوش وتجي مستحمي بي موية زمزم .. أنت يا رضا أنا لمن لاقيتك في منى اثناء ايام الحج الماضي .. الكان حمر ليك منو؟؟أم نزار الله يديها العافية .. ولا زوجة أخو نزار الله يديها العافية؟؟
مدناوى يا زين
حمام الحج دة ما منو مهرب
وانا بينى وبينك كنتا طاشى بس ما قلت ليك
سلملم

[رضا حسن محمد]

ههههههههههههههههههههههههههههههههههههههههههههه تعريف يود حسن قطعت مصاريني من الضحك طبعا انا بتخيل في المنظر والمفراكه وتذكرت حمام الوقفه طبعا الشي الكان محيرني انو وقفت عيد الضحية كانت دائما تجي في الشتاء وتعرف عمتك ام مصباح الله يرحمها في اليوم ده بالذات حالة استنفار قصوي تحضر الليفه والحجر لكرش الكريعات واستخراج الكدوب وتحضر دهن الكركار الماخمج لزوم التلميع عشان الصباح تكون تلمع ذي اللقيمات الطالعه من الصاج تعرف يارضا حمام الوقفه ده مشكله اه برجع ليك
صلاح يا صلاح يا حرف الام
بتذكر مرة ونحن فى وقفة من الوقفات
حاجة عزيزة الله يديها العافية قالت لامى انت اشرفى على حمام اولادك وخلى لى المعفن دة ( اللهو انا) تعرف يا ابو صلاح حمتنى حمام تقول دايرين يدخلونى بترينا
وبعدين المرة شابكانى انت بتمثل السودان
امثل السودان انا هيثم مصطفى
سلام وخليك قريب

[معتز الريح]

وزى ما قال معتز الريح حقو يوم السبت دة يكون للحمام


أها يا اخوانا بقينا اتنين ( حد يزود)

[رضا حسن محمد]

يا ود الريح
انا بقترح انو يكون يوم الجمعة عشان الجمعة الصلاة وكدة كدة الواحد حيستحم
سلام يا راقى

[abu_ola]

صباح الخير يا ود حسن

اها اليوم استحميت و لا جايننا كالعادة

غايتو الحمام دا زمـــــااان يا ود حسن أنا عندي معاهو مشكلة و خصوصاً في الشتاء و جني و جن الصابون البدخل في العيون بس بي الجد كانت أيــــــــــــــام وقت تقوم امك كدي تختك في نص الطشتي حرم شكلك كان القرمة البكسرو فيها اللحمة في الجزارة المفرشن ليها شوال


ات يا ود حسن تعال النسألك حاجة عزيزة دي الله يديها العافية بتين بقت من دول حوض النيل :confused: :confused:

[رضا حسن محمد]

صباح الخير يا ود حسن

اها اليوم استحميت و لا جايننا كالعادة

غايتو الحمام دا زمـــــااان يا ود حسن أنا عندي معاهو مشكلة و خصوصاً في الشتاء و جني و جن الصابون البدخل في العيون بس بي الجد كانت أيــــــــــــــام وقت تقوم امك كدي تختك في نص الطشتي حرم شكلك كان القرمة البكسرو فيها اللحمة في الجزارة المفرشن ليها شوال


ات يا ود حسن تعال النسألك حاجة عزيزة دي الله يديها العافية بتين بقت من دول حوض النيل :confused: :confused:
صباح الورد يا ابو علا
تعرف فى حمامات كدى مافى منها مهرب
حمام الامتحانات
الاعياد
السفر
بالناسبة انا اليلة عندى زكام عشان كدى ما مستحمى ولا دايرنى استحم واموت

[معتز الريح]

يا ود الريح
انا بقترح انو يكون يوم الجمعة عشان الجمعة الصلاة وكدة كدة الواحد حيستحم

يومين ورا بعض يا حبيب ..
ما حارررره ؟؟ ..

[رضا حسن محمد]

يومين ورا بعض يا حبيب ..
ما حارررره ؟؟ ..
عشان ناس المنتدى بقولو بنستحم مرتين فى الاسبوع
الاولاد نضاف وكدة

[ابوشوتال]

انتو بتتكلما عن الحمام ولا الحمام
انا قايلوا حمام ونفسي في شوربة حمام
انشاء مرة واحدة في الاسبوع

اما الحمام الا تجي المطرة ولا يوم العيد وبس

اقعدوا عافية

[رضا حسن محمد]

انتو بتتكلما عن الحمام ولا الحمام
انا قايلوا حمام ونفسي في شوربة حمام
انشاء مرة واحدة في الاسبوع

اما الحمام الا تجي المطرة ولا يوم العيد وبس

اقعدوا عافية


ابوشوتال ازيك
زكرتنى اغنية عثمان اليمنى
والله يا برج الحمام انا يا حمام
طعم الفراق فى حلقى مر

عليك الله الشوتال دة شنو
سلملم

[صلاح ودالطاهر]

تعريف يارضا اكبر مشكله في الحمام زمان هو الطشت وصابون الفنيك والليفه والحجر
والله يقدرك يكون في كدوب في الحاله دي الله قال بقولك جنس دعك اه برجع ليك

[مدنيّة]

ترا امنية واية بناتي ما براهن :p

[صلاح ودالطاهر]

ترا امنية واية بناتي ما براهن :p





الحمد لله حمام ودحسن جابك انت يامدنيه كنت قايله الموضوع حمام اكل لا ياختي ده موضوع كرش باليفه والحجر الاسود وحاتك يابت امي ام مصباح يوم الوقفه اسكتي ساااااااااااااااي نحمدو ونصرو

[ابوشوتال]

ابوشوتال ازيك
زكرتنى اغنية عثمان اليمنى
والله يا برج الحمام انا يا حمام
طعم الفراق فى حلقى مر

عليك الله الشوتال دة شنو
سلملم

الشوتال يا عزيزي الفاضل
الة حادة اصغر من السيف واكبر من الخنجر
كان بستعملوها اهلنا زمن الجهدية -والانجليز
ودا لقب جدنا ( ابوشوتال)
سلملم

[رضا حسن محمد]

تعريف يارضا اكبر مشكله في الحمام زمان هو الطشت وصابون الفنيك والليفه والحجر
والله يقدرك يكون في كدوب في الحاله دي الله قال بقولك جنس دعك اه برجع ليك
انت يا ود الطاهر حصل حموك بسلك جلاى
سلامين

[رضا حسن محمد]

ترا امنية واية بناتي ما براهن :p





طول مفارق حيو
يا اخوانا كيف وازيو
من يوم فراقو ديارنا
ما شفنا زى زى زيو

[رضا حسن محمد]

الشوتال يا عزيزي الفاضل
الة حادة اصغر من السيف واكبر من الخنجر
كان بستعملوها اهلنا زمن الجهدية -والانجليز
ودا لقب جدنا ( ابوشوتال)
سلملم
يا ابو شوتال
يعنى الواحد كان شاكلك بطعنو بطعنو
سلامين يا خبة

[رضا حسن محمد]

الشوتال يا عزيزي الفاضل
الة حادة اصغر من السيف واكبر من الخنجر
كان بستعملوها اهلنا زمن الجهدية -والانجليز
ودا لقب جدنا ( ابوشوتال)
سلملم
يا ابو شوتال
يعنى الواحد كان شاكلك بطعنو بطعنو
سلامين يا حبة

[معتز الريح]

انت يا ود الطاهر حصل حموك بسلك جلاى

يا رضا ياخوي ..
بسلك الجلاي عديل كده .. عايزين يطلعو شنو؟
ياخي انت جميل

[طارق محمد الحسن]

واللة رجعتونا لى ايام زمان ايام الحمام باالطشت والحمام جماعى اللحاجة تدخلنا كلنا فى الطشت واكتر حاجة كانت بتخوف الصابون البدخل فى العيون غايتو شفع الزمن دا مابعرفو الطشت زاتو والحمام بقى بالدش والبانيو والصابون شى شامبو وشى ديتول اللة يرحم ايام زمان

[abu_ola]

انت يا ود الطاهر حصل حموك بسلك جلاى
سلامين

سلك جلاي عديييل كده يا ود حسن ،،، انت حاجة عزيزة دي يا الحبيب كانت بتحميل في طشتي العدة :D :D :D

زكرتني بي نكتة العربي القالوا دخل البندر و الجماعة قالو ليهم لازم تستحم و تبقي نضيف على العموم قال ليك لمن كملوا فيهو 7 صابونات ظهرت ليهم فنيلة داخلية !!!!


الله يديك العافية يا رضى أخوي رجغتنا للزمن الجميل

[رضا حسن محمد]

يا رضا ياخوي ..
بسلك الجلاي عديل كده .. عايزين يطلعو شنو؟
ياخي انت جميل


ود الريح الوريف
دة كا ن نوع من التاديب
لوأد روح التمرد
ويا ود الريح القلوب شواهد والله بحبك فى الله سيدى
سالم وغانم انشاءالله

[رضا حسن محمد]

واللة رجعتونا لى ايام زمان ايام الحمام باالطشت والحمام جماعى اللحاجة تدخلنا كلنا فى الطشت واكتر حاجة كانت بتخوف الصابون البدخل فى العيون غايتو شفع الزمن دا مابعرفو الطشت زاتو والحمام بقى بالدش والبانيو والصابون شى شامبو وشى ديتول اللة يرحم ايام زمان

طارق حبيب الكل ازيك

يا زول مفتح شفت
ما تمشى بعيد
تجرى وتشتت
اريتك بحمام الطشت

تلاتة سلامات

[رضا حسن محمد]

سلك جلاي عديييل كده يا ود حسن ،،، انت حاجة عزيزة دي يا الحبيب كانت بتحميل في طشتي العدة :D :D :D

زكرتني بي نكتة العربي القالوا دخل البندر و الجماعة قالو ليهم لازم تستحم و تبقي نضيف على العموم قال ليك لمن كملوا فيهو 7 صابونات ظهرت ليهم فنيلة داخلية !!!!


الله يديك العافية يا رضى أخوي رجغتنا للزمن الجميل


ابو علاء يا فردة
كيفك

لكن العربى ما بالغ
لذيذة بتاعت لوجاهو الفلس البركة فى مس كولو

سلام يا غالى

[معتز الريح]

لوأد روح التمرد


قصدك لسلخ روح التمرد
ههههههههههههههههه
يا رضا مشكور على الشعور النبيل

[ابوشوتال]

لا والله ياحبو

انا زول مسالم جدا ( جعلي)
بس ماقلت لي الحمام ولا الحمام

[رضا حسن محمد]

قصدك لسلخ روح التمرد
ههههههههههههههههه
يا رضا مشكور على الشعور النبيل
ود الريح
تشكر يا ود السرور

[رضا حسن محمد]

لا والله ياحبو

انا زول مسالم جدا ( جعلي)
بس ماقلت لي الحمام ولا الحمام
تعرف يا ابو شوتال
الحمام اخطر من السمك
كدى جربو
سلام

[صلاح ودالطاهر]

انت يا ود الطاهر حصل حموك بسلك جلاى
سلامين
ودحسن سلاك جلاي شنو انا جنيت ولاعضيني كلب
تعرف يارضا امس كنت ماشي في سوق غبيره ودي كلها سودانين وحتك تخشها كانك في فريق توتو ماته تلقي الشيه بهن والاقشي واشياء اخر المهم في الموضوع دخلت دكان بتاع اخونا ناس صلاح عبدالماجد لبيع المنتجات السودانيه تعرف يارضا كان اشوف ليك الحجر والليفه بس كان كتفي رفه وشعرت جلدي قامت اه طوالي قلت لي ام العو هي امرقي بسرعه وكت ركبت العربيه قالت لي مالك ياراجل مرقتنا من الدكان بسرعه وبطريقه غير شعوريه قلت ليها هوي عدت الحرب قاعده المره قاعدت تضحك اصلو يافرده هي ماعرف شنو عدة الحرب بس اكتفت قالت لي ياراجل انت جنت ولاشنو وانا في سري اتذكر في مافعلته ادوات الحرب في الزمن الجميل

[بورتبيل]

اتخيل انو انا كنت مفتكر الموضوع حمام وجداد


بس الا انسالكم .. انتو شنو يعني طشت وجردل .. وصابون .. حمامكم كان زمان متخلف جداً يا ود الطاهر:D
ليه ما عندكم بانيو .. ودش .. وكدا يا رضا :D

[نزار حسن محمد]

اتخيل انو انا كنت مفتكر الموضوع حمام وجداد


بس الا انسالكم .. انتو شنو يعني طشت وجردل .. وصابون .. حمامكم كان زمان متخلف جداً يا ود الطاهر:D
ليه ما عندكم بانيو .. ودش .. وكدا يا رضا :D

والله صدقته يابورتووو انت ماكنت بتستحمه فى حوض البانيو ؟!!!!...وشوف عينى كنت لمن تغطس وتمرق بتجيب معاك قرقور بلهارسيا وغرموط ابوشنبات ...شوف شوف يابورتوووو ودالطاهر بضحك كيف هو قايل القرقور والقرموط بالجد لا لا لا يابوى ديل من البلاستيك
عشان بورتوووو كان بلعب بيهم لمن استمحى.بضحك كيف هو قايل القرقور والقرموط بالجد .لكن الكذب حرام كان لمن ارجع البيت ريحته سمك وصارقيل ساكت والغريبه بعد ماستحما ببقى اغبش ..السر شنوا مابعرفه

[المكاشفى]

ياود حسن بينى وبينك كدى
بت دبلوك اسى ماقاعده تكسر فيك
المفاريك وله بلاد الخواجات مافيها مفاريك

[رضا حسن محمد]

ودحسن سلاك جلاي شنو انا جنيت ولاعضيني كلب
تعرف يارضا امس كنت ماشي في سوق غبيره ودي كلها سودانين وحتك تخشها كانك في فريق توتو ماته تلقي الشيه بهن والاقشي واشياء اخر المهم في الموضوع دخلت دكان بتاع اخونا ناس صلاح عبدالماجد لبيع المنتجات السودانيه تعرف يارضا كان اشوف ليك الحجر والليفه بس كان كتفي رفه وشعرت جلدي قامت اه طوالي قلت لي ام العو هي امرقي بسرعه وكت ركبت العربيه قالت لي مالك ياراجل مرقتنا من الدكان بسرعه وبطريقه غير شعوريه قلت ليها هوي عدت الحرب قاعده المره قاعدت تضحك اصلو يافرده هي ماعرف شنو عدة الحرب بس اكتفت قالت لي ياراجل انت جنت ولاشنو وانا في سري اتذكر في مافعلته ادوات الحرب في الزمن الجميل

ود الطاهر الحلو

كيفك يا راقى
اتصلت عليك يوم الخميس ليلا وما رديت اكتر من مرة
وبعدين اتصلت على ابو رجوية قال لى صلاح حكومتو قوية وهو داخل فى ايدى امينة
عشان كدة كيف يرد عليك يوم الخميس بالليل
والليل سجارتو قوية يا حاجة لا

[رضا حسن محمد]

اتخيل انو انا كنت مفتكر الموضوع حمام وجداد


بس الا انسالكم .. انتو شنو يعني طشت وجردل .. وصابون .. حمامكم كان زمان متخلف جداً يا ود الطاهر:D
ليه ما عندكم بانيو .. ودش .. وكدا يا رضا :D


ياى يا برتو ياى ياى
يا حنكوشة انتى يا بطة
بركة الكربوك فى الكرسى الساخن
بركة الهى وسيدى يشدجوك لى بملحقين

يعنى يا برتو ما عليز تزورنى ولا المعنى شنو
بعدين انا شهر سبعة نازل البلد وما احشيل ليك اى حاجة لاولادك
يلا للبوفية نظبط الفتة
انت اصلك زول داير الشطة

[رضا حسن محمد]

والله صدقته يابورتووو انت ماكنت بتستحمه فى حوض البانيو ؟!!!!...وشوف عينى كنت لمن تغطس وتمرق بتجيب معاك قرقور بلهارسيا وغرموط ابوشنبات ...شوف شوف يابورتوووو ودالطاهر بضحك كيف هو قايل القرقور والقرموط بالجد لا لا لا يابوى ديل من البلاستيك
عشان بورتوووو كان بلعب بيهم لمن استمحى.بضحك كيف هو قايل القرقور والقرموط بالجد .لكن الكذب حرام كان لمن ارجع البيت ريحته سمك وصارقيل ساكت والغريبه بعد ماستحما ببقى اغبش ..السر شنوا مابعرفه

مرة امى الله يديها الصحة جبرتنى استحم ومن شدة زهجى دخلت استحم وما قفلت الباب الترباس (طبعا نحن شفع ) جا نزارو دفر الباب ولقانى زى ما الله خلقنى
قال لى يا حيوان ما تقفل الباب بالترباس
ما عرفت اقول ليهو شنو
قعدت ابكى وقات ليهو انا عيان
هالة حسن ليوم الليلة تضحك فى القصة دى
كر على منى كر كر

[بورتبيل]

والله صدقته يابورتووو انت ماكنت بتستحمه فى حوض البانيو ؟!!!!...وشوف عينى كنت لمن تغطس وتمرق بتجيب معاك قرقور بلهارسيا وغرموط ابوشنبات ...شوف شوف يابورتوووو ودالطاهر بضحك كيف هو قايل القرقور والقرموط بالجد لا لا لا يابوى ديل من البلاستيك
عشان بورتوووو كان بلعب بيهم لمن استمحى.بضحك كيف هو قايل القرقور والقرموط بالجد .لكن الكذب حرام كان لمن ارجع البيت ريحته سمك وصارقيل ساكت والغريبه بعد ماستحما ببقى اغبش ..السر شنوا مابعرفه

:D :D :D :D :D

تعرف يا صقر الخلا ولله ذكرتني ايام زمان لمن كنّا بنعوم في الترعة .. الواحد لمن تجي الساعة 3 عصرا .. بيكون راسوا تقيل من الموية .. وبعدين لونو بيكون بيقا ذي لون الفول المدمس حق الفلاتيات .. وتلقاهو ماشي وحاسي جسمو خفيف.
لكن ما تكذب ساي يا صقر الخلا .. كنّا بنتمسح بالصابون عشان ما نكون غُبش.:D

[رضا حسن محمد]

ياود حسن بينى وبينك كدى
بت دبلوك اسى ماقاعده تكسر فيك
المفاريك وله بلاد الخواجات مافيها مفاريك
المكاشفى الحبيب سامى المكانة

افو انا بت دبلوك تكسر فينى المفاريك
انا التسخو
الدخل البحر مرق بى وسخو
انا التكل الوقع فوق ستو
انا الككو الخفجت الطين

يا مكاشفى انا شغال فى جدة لكن الشركة الشغال فيها كلها خواجات
الله يصرف الخواجات
بعدين انا شايل البلد شهر سبعة افرنجى ادينى عنوانك انجى نسلم عليك
سلملم

[بورتبيل]

مرة امى الله يديها الصحة جبرتنى استحم ومن شدة زهجى دخلت استحم وما قفلت الباب الترباس (طبعا نحن شفع ) جا نزارو دفر الباب ولقانى زى ما الله خلقنى
قال لى يا حيوان ما تقفل الباب بالترباس
ما عرفت اقول ليهو شنو
قعدت ابكى وقات ليهو انا عيان
هالة حسن ليوم الليلة تضحك فى القصة دى
كر على منى كر كر

:D :D :D :D
شكيت محنكم يا اولاد حسن .. ولله انا من الضحك ما قادر اكتب
ولله ما عارف اقول شنو
الا يا رضا المنتدى دا لو ختاكم ولله ما عارف اقول شنو!!!
بجيك راجع

[بورتبيل]

ياى يا برتو ياى ياى
يا حنكوشة انتى يا بطة
بركة الكربوك فى الكرسى الساخن
بركة الهى وسيدى يشدجوك لى بملحقين

يعنى يا برتو ما عليز تزورنى ولا المعنى شنو
بعدين انا شهر سبعة نازل البلد وما احشيل ليك اى حاجة لاولادك
يلا للبوفية نظبط الفتة
انت اصلك زول داير الشطة

يا رضا ولله خاتيك في البال بس ولله ما عارف محلك وين
وبعدين انا شغال طوالي .. يعني من تسعة لتسعة
من 9 ل4.30 في مكان ومن 5.30 ل9 ف التحلية
الا برضو بحاول اجيك يا ود حسن