الكرسي الساخن مع ابوروان - اعادة

[aborawan]

بسم الله الرحمن الرحيم
بصراحة الفكرة قابلتني في احد المنتديات العربية وحبيت انقلا لمنتدانا العامر باهله وطبعا للجميع الحرية في ابداء آراهم فى الموافقة على هذه الفكرة او لا والفكرة عبارة عن اختيار عضو من قبل الاعضاء ليجلس على الكرسي الساخن وكرسي الصراحة ويقوم اى عضو من الاعضاء بتوجيه سؤال لصاحب الكرسي وصاحبنا غايتو ربنا يعينو على الاسئلة والاجابات ( اهم شئ الصراحة ) طبعا دي بصورة مختصرة الفكرة وما حا ارشح اى عضو للجلوس في الكرسي الا اعرف راي الشباب في الفكرة وتحياتي ليكم جميعا

[امير عبدالباقي]

100ال100
انا موافق واظن واعتقد الكل ماعندو مانع
الي الامام

[aborawan]

تمام يا امير ونتمنى من الكل المشاكرة هنا ويدونا رايهم عشان نتوكل على الله ونقص الشريط على الموضوع

[حلوه واموره]

اولا انا موافقه على الفكره

ثانيا ممكن اعرف ايش هي نوع هذي الاسئله ؟؟؟؟



:cool:
تحياتي للجميع

[aborawan]

الاسئلة مفتوحة يا غالية حسب مذاج العضو بس بعيدا عن الاحراج والامور الخاصة جدا جدا بعدين ما تخافي :) الاسئلة حاتكون من اخوانك :):) يعني خليك مطمنة يا سيد جرسة انتي :D:D من هسه بدينا :)

[الزين]

انا معاكم والفكره حلوه وبتزيد التفاعل والمشاركه ....اثنى

[نورا]

انا زاتي معاكم يلا ابدو

[aborawan]

خلاص تمام التمام وعشان الناس ما تقول اختار الموضوع وزاغ انا حا اتبرع وحا اكون اول الجالسين على الكرسي والعندو اى سؤال وساتفسار انا حاضر للاجابة وبمنتهى الصراحة كما تعودتموني

[امير عبدالباقي]

والله ياابوروان نحن عارفنك صريح ومادام ختيت نفسك في الكرسي الساخن
ليك مني هذا السوال الغريب
عارفين انك خاطب وبتموت فيها ؛ لكن اذا خيروك من تختار تكون شريكه حياتك وشايف تصلح ليك من اخواتنا المحترمات الفي المنتدي ؟
معزره

[رهيب]

الفكرة ممتازة واثني

جاوب على سؤال امير عشان تجاوب على السؤال الثاني

الله يعينك ياابو روان

[رهيب]

اه جاهز يابوروان للسؤال الثاني ؟

السؤال الثاني هو ؟

تخيل لو أنك علمت أنه لم يعد باقي من عمرك الا يوم واحد

فماذا ستفعل ؟؟ في هذا اليوم ؟؟

هل ستقضيه كله في الصلاة والبكاء لتستغفر عن كثير من الصلوات التي أضعتها؟؟

هل ستهرع بالاتصال وزيارة كثير من أقاربك وتصل رحمك الذي قطعته متعذرا بظروف ومشاغل الدنيا ؟؟

أم تبحث عن القرآن الكريم لتقرأه بعد أن هجرته لسنين ؟؟

ماذا ستفعل بتلك الصور التي يكتظ بها جهازك ؟؟

هل ستتصل بكل شخص أغتبته وتعتذر منه .. أو تستغفر له ؟؟


ربنا يديك الصحة والعافية ويطول لينا في عمر ك ( اللهم امين )

[aborawan]

عارفين انك خاطب وبتموت فيها ؛ لكن اذا خيروك من تختار تكون شريكه حياتك وشايف تصلح ليك من اخواتنا المحترمات الفي المنتدي ؟ طبعاً ده هو سؤالك يا امير وحا اقول ليك انو الاجابة على السؤال ده تقريباً موجودة في نفس السؤال ( قلت واحدة من اخواتنا ) يعني ما بقدر انى اتزوج واحدة منهم ناهيك عن وده هو الاهم انو انا وام روان روح واحدة اتوزعت في جسدين يعني لو ما حصلت القسمة لا قدر الله تأكد انو حا يكون اخر المطاف الحبكاني بالنسبة لي :)


اما بالنسبة لاخوي رهيب اول شئ ليه التحية على هذا السؤال وبقول ليك يا اخ رهيب والحمد لله الواحد جاهز موية ونور للقاء الله طبعا ما بقول ليك انا كامل والكمال ولكل منا اخطائه وسلبياته بس الحمد لله لما اقارن نفسي بالزمان الانا عايش فيه وشباب الزمان الانا فيه طبعا ما كلهم لكن الاغلبية بلاقي نفسي احسن زول ولله الحمد ( ما غرور والله ) بعدين بصراحة حكاية الصور الفي الجهاز دي عايز اقول ليك الصور الموجودة حاليا في جهازي هم خمسة تقريباً واحدة صورة توقيعي التحت ده يا مقلب القلوب والتانية بتاعت اسماء الله الشاشة الفلاشية بتلاقيها في مشاركة اسماء الله الحسنى موجودة والتالتة كمان اسماء الله مكتوبة في لوحة برضو بتلاقيها في نفس المشاركة والرابة كلمة بسم الله الرحمن الرحيم مصصمة بالفلاش والخامسة والاخيرة حرف m واهو انت شايوف على يمين مشاركتي دي

[نونا]

والله يا ابو روان ربنا يديك الفى بالك
والله الاسئلة صعبة جدا وانا قدها





سوالى هو


لو خيروك انتا ماضايق من منو من اعضاء المنتدى وتتمنى انو اتصلخ فى الحا جة الما عاجباك تختار منو
ومتضايق منو فى شنو؟

[aborawan]

بما اننا اتفقنا على الصراحة وانا ملتزم اني اكون صادق مع نفسي قبل كل شئ فبقول انا بصراحة شديدة مضايق من حلوة وامورة ومضايق منها في اللهجة البتتكلم بيها ( اللهجة الخليجية ) طبعا ً ما عندي اى كلام في اللهجة الخليجية بس احنا سوداننين والمنتدى سوداني ولهجتنا السودانية حلوة وجميلة جداً كمان ونحن هنا نعتبر سفراء لبلدنا يعني ده انترنت ممكن اى واحد يجي ويدخل على المنتدى فبتكون حاجة جميلة لما يعرف عننا شئ بلهجتنا ما لهجة غير حقتنا وازيدكم من الشعر بيت في وسط كوكبتنا الرائعة دي في عضوة سعودية الجنسية وشاركت كم مرة في المنتدى وفي كتاباتا وردودا كانت بتحاول بقدر المستطاع انها تكتب بلهجتنا السودانية وليها مني التحية

[حلوه واموره]

بعد ما عرفت انك متضايق مني ومتضايق من اللهجه

انا ححاول اغيرها وراح احاول بقدر المستطاع

اني اتكلم معاكم بنفس اللهجه


وطبعا انا اتاسف وراح احاول اغير اللهجه


تحياتي

:)

[aborawan]

بالتوفيق

[نورا]

سلام أبو روان أولا قبل كل شئ...تدينا بطاقتك الشخصية...وبعدين تقول لينا روان دي منو وقصتها شنو؟؟؟




شمشرة مش؟؟؟;) :D

[aborawan]

محمد القاسم معروف محمد من مواليد 10 / 8 / 1977 م ومن ابناء فداسي الحليماب ومقيم حالياً في المملكة العربية السعودية المنطقة الشرقية مدينة الدمام وروان دي والله مجرد اسم عاجبني من سنين وحبيت انو اقرن نفسي بالاسم ده وكلى امل ورجاء في انو ربنا يدينا طولة العمر ونجتمع انا وام روان في بيتنا ويقسم لي تحقيق امنية من امنياتي ( والله والله الاسم ما ليه اى علاقة بشخصية معينة ) الكلام ده طبعاً للناس الما حا تصدق اني ما بعرف لي بت اسما روان خالص جد مجرد اعجاب بالاسم ليس الا واتمنى يصبح حقيقي وتحياتي ليك بعدين مافي حاجة اسما شمشرة انتي اختي وشئ طبيعي انك تكون عارفة اى شئ عن حياة اخوك ولا شنو يا نورا :):)

[أبوريلان]

أبو روان تحياتى

أنت مبدع بحق وحقيقة

وفداسى منبع مبدعين دائما

وسؤالى لك أنت من فداسى الحليماب زى ما قلت ماهى علاقتك بمدنى وسر إعجابك بها هل قضيت بها سنين الدراسة أم العمل قبل الإغتراب ، أم موجوده بها أم روان وماذا تعنى لك مدنى ؟

كم مدة أغترابك ؟

كيف تعرفت على وأم روان ؟

تقريبا متى سوف يتم كتب كتابك على أم روام ؟

إذا رزقت كل زريتك أولاد هل سوف تغير أسم أبو روان على أسم الولد الأول أم سوف تظل على الأسم حتى الولد الرابع لو ربنا لم يحقق لك أمنية البنت ؟

كل الشكر والتقدير لشخصك الكريم .

[aborawan]

التحية لك اخي الكريم ابوريلان واشكرك على هذا الاطراء الجميل وكلنا مبدعون اما بالنسبة لاسئلتك
مدنى تعني لي الكثير طبعاً درست فيها سنين الثانوي الثلاث في مدرسة مدني الثانوية وكان جدي طرف الوالدة يسكن فى اشلاق البوليس غير كده وهو الاهم معروفين اهلنا اهل الجزيرة ناس طيبين وحنان وكلهم عندهم حنين وولاء غير طبيعي وكلنا واااحد وفي دم سوداني واااحد سواء من مدني او من ضواحي مدني او من الخرطوم او او او فى النهاية كلنا واحد ويجمعنا المنتدى وهو لنا بمثابة الام التي تحتضن ابنائها .

مدة اغترابي تقريباً 4 سنوات لاني غادرت السودان بتاريخ 8 / 1 / 2001 م

اول ايام غربتي والواحدعايش ما بين الدبرسة والزهج متأثر بالواقع المرير الحواليه وهذا السجن المؤبد بين الحيط والجدران شاء الله لي ان اتعرف على بعض الاصدقاء الذين اعتبرهم بمثابة الاخوة لي واصبحت لي معاهم علاقات حميمة واصبحوا انيسي وحدتي وخلوتي ( طبعاً عوائل :D ) وكان من بين هذا الكم الهائل من الاصدقاء اشقاء الغالية ام روان واصبحت الزيارات تتكرر الى المنزل الى ان شاء الله لقلبينا بالحب المتبادل من النظرة الاولى والحمد لله عايشين في سلام و وئام منذ 3 سنوات والحمد لله طبعاً تمت الخطوبة الرسمية بتاريخ 1 / 2 / 2004 م

والله باذن الله واذا ربنا ختانا العوارض ومشت الامور زي ما انا مرتب ليها حايكون كتب الكتاب في عيد الفطر الجاي ده باذن الله ودعواتكم

بصراحة اسم روان غالي على جداً وبحب اسمعوا من كل من يعرفني واذا ربنا راد وما جات البنت اكيد حا اقرن اسمي باسم الولد الكبير لحدي ما تجي روان

اتمنى اكون وفيت وكفيت لك مني كل التحايا

[مزوني]

طبعا يا أبو روان كان نفسي أجيك جااااااااااااااااهز
وأديك سؤال يوديك الصين ويجيبك لينا وعيونك صغار
لكن مافي مشكلة السؤال هو















كالأتي :-

















طبعا انت عارف انو انا ما عجلاتي






حا أقوم احن عليك حبة








اكتر شخصية بتحبها (استثناء روان والاهل )
اكثر شخصية تحبها في المنتدى أو ارتحتليها (مع التحديد شخص بعينه)
بس
وشكرا

[aborawan]

اكتر شخصية بتحبها (استثناء روان والاهل )
بدون تفكير ولا تردد هي اختي وحبيتي الغالية جداً جداً نهاد التى احييها من هنا من ارض المهجر واتمنى يصلا سلامي ودعوات اخوية صادقة من قلبي انو ربنا يوفقا في مشوارا العلمي وانتو كمان ادعوا ليها بالتوفيق ودعوات قلبية كمان مني ليكم كلكم بالتوفيق في مشواركم الحياتي
اكثر شخصية تحبها في المنتدى أو ارتحتليها (مع التحديد شخص بعينه)
طبعاً مافي شخصية محددة بالاسم وما دام انك قلت مع التحديد فبقول اكتر شخصية انا ارتحتا ليها في المنتدى





هي









( اسرة منتدى ودمدني )

تحياتي يا غالي

[امير عبدالباقي]

ربنا يوفق نعاد وتشوفها في اعلي المراتب
اكثر شخصية تحبها في المنتدى أو ارتحتليها (مع التحديد شخص بعينه)
بس
خليك من الدبلوماسيه دي عامل ذي ود المويه ماعاوزين اجابات دبلوماسيه عاوزين اجابات واضحه وصريحه
ارجو الالتزام بالصراحه
تحياتي ياغالي

[aborawan]

والله لا سياسة ولا شئ هو قال اني لازم احدد شخصية وانا حددت اسرة المنتدى لاني وربنا شاهد كل الاعضاء هنا حبايب قلبي ولو عايز احدد شخصية معينة بكون ظلمت الباقيين لانهم بكونو في نفس المرتبة من الحب والتقدير والاحترام ولك تحياتي بعدين تعال هنا انت ما تبقى شااااااااااااطر وتوقعني خليك من ود المويه دي :D:D :p

[أبوريلان]

أبو روان سلالالالالالالالالالالام

أطرف موقف مر بيك يا أبو روان؟

وأحرج موقف مر بيك ؟

[امير عبدالباقي]

اذا في يوم وبدون مقدمات ام روان قالت ليك انسي البينا وماعايزه مناقشه في الموضوع يعني قفلت الباب عشان ماتقول اجلس معاها واتفاهم ح تعمل شنو؟
حتعمل نفسك شهيد الحب وتقول العن انو البنات وتفتش عن واحده تانيه عشان تنسي الماضي

[aborawan]

اطرف موقف مر بي طبعاً وما حاانساه نهائي يوم وفي احد الامسيات الخريفية الماطرة في عالمي الصغير ( فداسي طبعاً :) ) كنا على وشك النوم وكنت اتوسط ابن خالتي محمد وابن عمي محمد برضو طبعا الاولاد عاملين صاحين وبحلو في الكلمات المتاقطعة وانا يا حليلي المسكين في نصهم بين نايم وما نايم بس في الغالب كنتا نايم المهم كان ماسك الجريدة محمد ولد خالتي على يساري سال محمد ولد عمي قال ليه ( ماركة اقفال من حرفين ) صاحبنا رد ليه قال ليه ( سوكرتا ) طبعاً انا لا شعورياً لقيت نفسي بموت من الضحك ويوما النوم ما زار عيوني لحدى الصباح وكل ما اتذكر الموقف ده اموت من الضحك ولحدىاللحظة اتذكر الموقف ده اموت من الضحك (سوكرتا دي كانت طبل في السودان ياناس الشهادة العربية اكيد بتكونو ما عرفتوها :D:D (

كمان احرج موقف مر بي وبعتبرو اتفه موقف كمان يوم وانا راجع من المدرسة من مدني الى فداسي كان في جيبي في 30 جنيه طبعاً كانت قيمة التذكرة 30 جنيه المهم ركبت الحافلة وانا مرتاح جداً جدأً وفجاءة وبدون مقدمات لاحظت انو البنية الراكبة فى المقعد الجنبي طوالي بت عمة الوالدة طبعاً اصابني احباط شديد وما عرفت اعمل شنو وقررت اني اعمل ما شفتها لكن كان من الصعب انو حاجة زي دي تحصل وهي كمان انتبهت لي وخشت فيني سلام طوالي وانا بقيت ما فاهم اى حاجة ولو لي مراد اطير بالشباك واختفي المهم ربنا رب الخير ما بضيع عبدو وانا مع التوسلات الكتيرة ديك لربنا انو الموقف ده يعدي على خير وفعلا رب العالمين سخر لينا احد معارفي كان قدامنا ودفع لي معاه وال 30 العندي دفعتها ليها هي وانتهى الموقف على خير
ده بالنسبة ليك يا ابوريلان

اما بالنسبة ليك يا امير فبقول ليك لو حصل شئ زي ده وام روان قالت لي كلام زي ده امشي اعتكف ليك في مسجد طوالي لانو صدقني حايكون اخر الزمان ولا بد من تحسين العمل ياخي ام روان دي الثانية البتضيع علينا وما نقعدا مع بعض بتأثر علينا تجي تقول كلام زي ده بعدين فرضاًَ فرضاً انها قالت لي كلام زي ده اساساً انا ما حااكون عندي مزاج عشان اقعد معاها تاني انسانة ما قدرت تصون حبي ليها وجات طلعت كلام زي ده الله الغني عنها وتذهب طوالي غير مأسوف عليها لكن والحمد لله محمد وام روان خمسة وخميسة على اللي ما يصلي على النبي

تحياتي

[aborawan]

بعد غداً نستقبل ضيفنا الثاني على الكرسي الساخن ولمدة اسبوع نرجو من جميع الاعضاء المشاركة وامسكوا الخشب

[aborawan]

المرشحين للكرسي الاسبوع القادم ادمن / امير / حمدتو / مازن / نوناوامسكو الخشب :D :D لا مفر

[admin]

انقلاب عسكري .. جيت بالليل وبدون اي ضغوطات .. ونزلتا نفسي من الكرسي الساخن وختيت ليكم ابوروان .. انا عارف في ناس كتير حالفين ليهو .. يلا انتقام اسئلة .. والباقين خليكم جاهزين .. يلا اتفضل جاوب يا ابوروان هههههههههههههههههه

[saly]

الاخ ابوروان تحياتي ليك

وانت تمتطئ صهوة جواد ودمدني

واتمنى ان لا يكون له كبوة ويلا افتتحو ليك انا


سأجرّب أن أرسمك من الذاكرة ... سأخلع عنك آلاف السنوات ...

أجرّدك من لسانك وربما من قبضتيك وبعض التفاصيل الزائدة...

فربما أتعرّف عليك جداً ... لابد ستبدو أكثر طيبة .. أو جمالاً ...

على الأقل كن حقيقياً ... كن ذلك المخلوق المخوّل بتغيير وجه الأرض.

هل فكّرت يوماً أن تغيّر التاريخ وتفعل ما لن يقدم عليه الآخرون؟؟؟


*** أكيد الحياة مليئة بالمفاجآت..

1- مفاجأة أذهلتك …

2- مفاجأة فقدتك المنطق…

-3أخرى خلتك تطير من الفرح …


*** سوف أضع في الخلفية ظلك متكئاً فوق أريكة من سحاب ...
يلتقط قطوف العنب بلسانه ... يعب من نهر الخمر بيديه ...
فذلك حلمك القديم الذي تقضي أيامك لأجله ... نائماً داخل كهفك
الجوع يدفعك للإطلال خارجه ... تعجبك انحناءة امرأتك تحت الشمس ...
تفرغ بعض طاقاتك المخزونة فيها حتى تنتفخ هي وتتألم ...
ولن يفوتك وأنت تتناول طعامها أن تذكرها في كل صباح بأنها أخرجتك من الجنة ...
كي تظل مذعنة تدفع ثمن الخطيئة طوال القرون المقبلة ...
سوف تعبث بخرائط جسدها وروحها ...
تشوّه ما سبق أن أعجبك دون أن تفكر للحظة أنك حتماً ستكره ما صنعته يداك ..
الان ماذا تقول با ابوروان ؟؟؟


*** الركن الهادي..

مكان عزيز عليك بتهرب ليهو لما تحس بانو الدنيا خرم ابره؟؟؟

*** شئ اتمنيتيو يحصل وحصل ..

*** وشئ اتمنيتيو يحصل وما حصل..

*** وشئ اتمنيتيهو ما يحصل وحصل ..

***وشئ اتمنيتيهو ما يحصل وما حصل؟؟؟ (( بقت فزوره بعد ده ))


*** أحلام اليقظة دائماً سعيده..

حلم دائما براودك في اليقظة؟؟؟

*** كان قبل كده كتبت انا بوست بعنوان إعتزاااااااااااااااااار

وما وضحت سببو شنو

واسع لقيتها مناسبه اكتب السبب واوضحو

في اثنين من الاعضاء بدون زكر اسماءهم طبعا

بينتدقدوني قالو انو انا بكتب الردود والمشاركات للاخرين

اني ما بركز علي الموضوع

بركز دائما علي كاتب الموضوع في ردي ليهو

وح نسأل عليك..

حزن الشفق..

وكت الخيال

انعكس ..انوم..اتوسد

أحلام الأفق...!!

مثلا الشعر الكاتباهو ده

اذا لحقت كتبو في مشاركه

القيامه تقوم والرسائل تصلني

مع احترامي الشديد ليهم ((ما حاعلق في الموضوع ده كتير اسع))

وياخالد هاشم ..فاقد حنان .. روبش .. التيمان ..والباقين الكتبتو لي اها اليوم عرفتو السبب

فرايك شنو يا ابوروان في الكلام ده

لانك انت دائما بتكون متواجد بانتظام في المنتدي

وعارف كل صغيره وكبيره ... رايك شنو في ردودي لمواضيع الاعضاء؟؟؟

((وعلي فكره انا ما قدمت الاعتزار لاني انا المعتزره زي ما كتير فهمو

بالعكس تماما)).

*** يمكن يكون سؤال انطرح قبل كده في واحد من الكراسي الساخنه

رايك شنو في صداقات النت؟؟؟

هل بتستمر ولا هي بس عابره ... ونسه علي الماشي

لانو مرات بيكون الواحد في بلد مختلف عن الاخر؟؟؟

وتقول انت حالاقيهو وين؟؟؟

***طيب لمن زول يتخذ ليهو شخص كصديق مقرب

ويجي في الاخر يخذلو ويخونو ويكون عدو ليهو زي الشحمه والنار؟؟؟

ويحاول ياذيه بشتي الطرق والوسائل ؟؟؟

صديق ليك دائما واقف معاك في السراء والضراء ..

بتفرح لفرحو .. وتزعل لزعلو .. اذا غاب بتفقدو ..

في لحظه ....

بس ....

إنكسر كل شئ ... بينكم

وخلاص انو

العلاقه البينكم انتهت

مستحيل ترجع

واذا رجعت ما حتكون طبيعيه زي الاول

الاحساس بالغدر

الشئ البيناتهم إندثر

ضاع

احساس قاسي ..بالندم علي الثقه الاديتها ليهو

للولاء

الاخوه البينكم

لصفاء النيه

للاستبداد

للقهر

لطيب الخاطر….

حتقول شنو …

او تبرر ردود افعلاهم شنو …


*** احاول اقتحم حياتك الشخصيه شويه

ابوروان قبل وبعد الزواج ؟؟؟

*** فداسي … الترحال … الغربه …البعد عن الاهل … الدمام …الحنين … الشوق


والله فترتا عديل كده..

ونفسي قام

ويدي وجعتني من الكتابه

النقوم اعشي الشفع وارجع اكمل باقي الاسئله ..


يلا جيت تاني بمزاج وشايله كبايه شاي احمر بالهبهان

النكمل ليك


***((علاقتك الي اي مدي)) او (( رايك)) في الشخصيات دي (( امسكهم واحد واحد)):

ياسر .. ابوريلان

غابه الابنوس

بكري .. الادمن

محمد .. ابوروان ((إنته نفسك))

يوسف .. مستر وحيد

كاظم .. الزعيم

امير عبد الباقي .. ابو ريان

ابراهيم .. تلش

مجاهد .. سوباوي

عمو .. صالح ابوشوارب

البلدوزر

الحبيبه .. اميمه عشريه

خالد هاشم

التيمان

سامبا

مزوني

وفي الاخر .. بت مدني .. ســــالي

***ومنهم فوق :

منو اقرب زول ليك كصديق؟؟؟

واقرب ليك ... كاخ؟؟؟

واقرب ليك ... ككاتم اسرار؟؟؟

واقرب ليك ... انك تلجا ليه في اي شئ وتاخد رايو؟؟؟

واقرب ليك ... كعزيز وغالي ما تقدر تستغني عنو؟؟؟

اقرب ليك ... كقرب عائلي (( غير يوسف طبعا ))؟؟؟

واحد منهم تتمني ... انك تتعرف عليه عن قرب ؟؟؟

واحد منهم ما بتدورو (( تكرهو))؟؟؟

واحد منهم ابعد من يكون مقرب ليك او قريب كفايه من ان يكون صديق ليك؟؟؟((اوعه

تزوق من الاجابه .... وبدون دبلوماسيه منك ...مع انو الاجابه متوقعه))

ومنو من الاعضاء قريبين ليك في المنتدي وانا نسيت ما كتبته اسمائهم؟؟؟


*** مااضافه لك منتدي ومدني وما اخذه منك؟؟؟

***كلمه توجهها :

للما سجلو لسه وبخشو كضيوف بس؟؟

للاعضاء الجدد؟

الاعضاء القدامي؟

للمشرفين؟

للبخشو باكتر من شخصيه وملاحظه انو ده لسه موجود (( نظام وشين وكده )) ,((وش سمح

قدام الناس وشخصيه تانيه مسجلين بيها يستخدموها عشان يحرجو الواحد )) حتقول للزي ديل

شنو؟؟؟

***في الفتره الاخيره

قريت واحد كاتب تعليق انو لازم تضاف اقسام جديده

مثلا كاالمنتدي الديني و منتدي المراه

في رايك اذا افتتحت اقسام زي دي

حتضيف شي جديد للمنتدي مع انو الاشياء البتخص المراه او الدين

بتلقاها موجوده في المنتدي العام غالبا او جميع الاقسام ؟؟

ده ما حيبعثر او يشتت افكار العضو انو يمشي هنا وهناك؟؟

وحاليا الاعضاء علي وعي كفايه من انهم يصنفو اي موضوع يختو في ياتو مكان...

او انت بتبحث عنوممكن تلقاهو وين...(( وبرضو بمساعده من المشرفين ... تلقاهم

متابعين لكل المواضيع الجديده ودائما بحاولو ينقلو اي موضوع لاي قسم يكون تابع

ليهو))


اها يا الله ... اكتب تاني شنو... ولا نسيت شي ما زكرتو ... ما كتبتو....

خلاص بكتفي بالاسئله دي .. وكان الله هون ومد في العمر

بجيك راجعه تاني


في الاخر بهديك اغنيه قاعده اسمع فيها اسه عاجباني شديد


بتاعت محمود عبد العزيز " شايل جراح "

[أبوريلان]

***في الفتره الاخيره

قريت واحد كاتب تعليق انو لازم تضاف اقسام جديده

مثلا كاالمنتدي الديني و منتدي المراه

في رايك اذا افتتحت اقسام زي دي

حتضيف شي جديد للمنتدي مع انو الاشياء البتخص المراه او الدين

بتلقاها موجوده في المنتدي العام غالبا او جميع الاقسام ؟؟

ده ما حيبعثر او يشتت افكار العضو انو يمشي هنا وهناك؟؟

وحاليا الاعضاء علي وعي كفايه من انهم يصنفو اي موضوع يختو في ياتو مكان...


؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

أبو روان وينك !!!!

[aborawan]

الاخ ابوروان تحياتي ليك

وانت تمتطئ صهوة جواد ودمدني

واتمنى ان لا يكون له كبوة ويلا افتتحو ليك انا

مرحبا اختي سالي ويسعدني ان تكوني من اوائل السائلين اهلا وسهلا يا صاحبة الفخامة ويلا امسكي الخشب

سأجرّب أن أرسمك من الذاكرة ... سأخلع عنك آلاف السنوات ...

أجرّدك من لسانك وربما من قبضتيك وبعض التفاصيل الزائدة...

فربما أتعرّف عليك جداً ... لابد ستبدو أكثر طيبة .. أو جمالاً ...

على الأقل كن حقيقياً ... كن ذلك المخلوق المخوّل بتغيير وجه الأرض.

هل فكّرت يوماً أن تغيّر التاريخ وتفعل ما لن يقدم عليه الآخرون؟؟؟


*** أكيد الحياة مليئة بالمفاجآت..

1- مفاجأة أذهلتك …
تلقيت خبر مؤسف جدا وانا في المدرسة وفاة جدتي التي مررت ببها وانا في طريقي الى المدرسة وكانت تنعم بالصحة والعافية وفعلا كان الخبر مفاجأة مذهلة لكن لله ما اعطى ولله مااخذ واننا لله وانا اليه راجعون
2- مفاجأة فقدتك المنطق…
بتذكرفي التسعينات مشيت الجامعة عشان اسجل وكان بافي على عيد الاضحى المبارك تقريبا 23 يوم وكانت اخر محطاتي في فداسي وانا ماشي للتسجيل بيت الحنان (( الجكسوية )) غبت عن فداسي 15 يوم ورجعت للعيد ولقيت البنية زواجها ثالث يوم في العيد (( كان شاكوش كارب من مغترب جاي واجازتو شهر )) جد حاجة تقفد المنطق وتخلي الواحد يطلع بره الخريطة نهائي ولله في خلقه شؤون
-3أخرى خلتك تطير من الفرح …
اخر الاخبار التي اسرتني واسعدتني خبار نجاح عملية بتنا لينا بنت العزيز ياسر يوسف الله يمتعها واهلها بالصحة والعافية



مكان عزيز عليك بتهرب ليهو لما تحس بانو الدنيا خرم ابره؟؟؟
اي مكان مافيه زول غيري

*** شئ اتمنيتيو يحصل وحصل ..
السؤال موجه لانثى لذلك اعتذر عن الاجابة

*** وشئ اتمنيتيو يحصل وما حصل..
السؤال موجه لانثى لذلك اعتذر عن الاجابة

*** وشئ اتمنيتيهو ما يحصل وحصل ..
السؤال موجه لانثى لذلك اعتذر عن الاجابة

***وشئ اتمنيتيهو ما يحصل وما حصل؟؟؟ (( بقت فزوره بعد ده ))
السؤال موجه لانثى لذلك اعتذر عن الاجابة

الاخت الفضلى ساااالي انا انسان حساس جدا وجعلي حد السكين ياريت تتنتبهي لتعديل الاسئلة في حال كانت منسوخة من مكان ما وفي حالة انك انتي كاتباها اتمنى ما تتسرعي في الكتابة


*** أحلام اليقظة دائماً سعيده..

حلم دائما براودك في اليقظة؟؟؟
ارجع السودان نهائي وانا زول شبعااااااااااااااااااااااااااااااااااااااااااااااا ااااااااااااااااااااااااااااااااااااااااااان ( جلابية سكروتا وعمة ومركوب نمر ولاندكروز والجيب يتل :):):) )

*** كان قبل كده كتبت انا بوست بعنوان إعتزاااااااااااااااااار

وما وضحت سببو شنو

واسع لقيتها مناسبه اكتب السبب واوضحو

في اثنين من الاعضاء بدون زكر اسماءهم طبعا

بينتدقدوني قالو انو انا بكتب الردود والمشاركات للاخرين

اني ما بركز علي الموضوع

بركز دائما علي كاتب الموضوع في ردي ليهو

وح نسأل عليك..

حزن الشفق..

وكت الخيال

انعكس ..انوم..اتوسد

أحلام الأفق...!!

مثلا الشعر الكاتباهو ده

اذا لحقت كتبو في مشاركه

القيامه تقوم والرسائل تصلني

مع احترامي الشديد ليهم ((ما حاعلق في الموضوع ده كتير اسع))

وياخالد هاشم ..فاقد حنان .. روبش .. التيمان ..والباقين الكتبتو لي اها اليوم عرفتو السبب

فرايك شنو يا ابوروان في الكلام ده

لانك انت دائما بتكون متواجد بانتظام في المنتدي

وعارف كل صغيره وكبيره ... رايك شنو في ردودي لمواضيع الاعضاء؟؟؟
في كثير من الاحيان اختي الاحظ ردودك تكون بعيدة كل البعد عن الموضوع فاحياناً اجدك تردين باشعار وخواطر ليست لها اى صلة بالموضوع او كاتبه واحيانا تكون ردوك غاية في الروعة لذلك حافظي على هذه الروعة

((وعلي فكره انا ما قدمت الاعتزار لاني انا المعتزره زي ما كتير فهمو

بالعكس تماما)).

*** يمكن يكون سؤال انطرح قبل كده في واحد من الكراسي الساخنه

رايك شنو في صداقات النت؟؟؟

هل بتستمر ولا هي بس عابره ... ونسه علي الماشي

لانو مرات بيكون الواحد في بلد مختلف عن الاخر؟؟؟

وتقول انت حالاقيهو وين؟؟؟

علاقة النت زيها زي اي علاقة تانية لو كانت علاقة نضيفه عنوانها الصدق والاحترام بتكون زي علاقة الاخوان لكن في علاقات كده مجرد علاقة قرقر وتلقى الكلام بتكرر لمليون الف شخص ودي عمرها ما بتكون علاقة لكن انا واحد من الناس 90% من علاقاتي بالنت وكلها علاقات ما فيها كلام الا علاقة واحدة فقط لي هسه بعضي عليها اصابع الندم

***طيب لمن زول يتخذ ليهو شخص كصديق مقرب

ويجي في الاخر يخذلو ويخونو ويكون عدو ليهو زي الشحمه والنار؟؟؟

ويحاول ياذيه بشتي الطرق والوسائل ؟؟؟

صديق ليك دائما واقف معاك في السراء والضراء ..

بتفرح لفرحو .. وتزعل لزعلو .. اذا غاب بتفقدو ..

في لحظه ....

بس ....

إنكسر كل شئ ... بينكم

وخلاص انو

العلاقه البينكم انتهت

مستحيل ترجع

واذا رجعت ما حتكون طبيعيه زي الاول

الاحساس بالغدر

الشئ البيناتهم إندثر

ضاع

احساس قاسي ..بالندم علي الثقه الاديتها ليهو

للولاء

الاخوه البينكم

لصفاء النيه

للاستبداد

للقهر

لطيب الخاطر….

حتقول شنو …

او تبرر ردود افعلاهم شنو …
اختي سالي انتي بتقولي انسان مقرب وصديق ومستحيل يحصل من صديق حاجات من الانتي بتقولي عليها دي وحتى اذا حصل ممكن تتعمقي في علاقتك بهذا الشخص شوية وتشوفي الاسباب الخلتو يعمل كده شنو احتمال بل اكيد تكون كلها في مصلحتك انتي والله اعلى واعلم ياريت دائما ما نستعجل في الحكم على الاشياء وعلى الامور

*** احاول اقتحم حياتك الشخصيه شويه

ابوروان قبل وبعد الزواج ؟؟؟
ابوروان قبل الزواج كان لا يهتم لضياع الوقت والدقائق كانت تتطاير من حولة كالشظايا دون ان تأثر عليه لكن تعالي شوفي هسه الساعة 4 ودقيقة لو جات وانا لسه في الدوام بجن جنوني وما بقدر اتحمل الدقيقة الصغيرونة دي ده ابوروان قبل وبعد الزواج

*** فداسي … الترحال … الغربه …البعد عن الاهل … الدمام …الحنين … الشوق
فداسي لها محبتها الخاصة في قلوب كل مواطنيها اهل فداسي وهي دائما مرحبة بكل الضيوف من البعد برسل سلامي يا فسفسة الحبيية

الترحال مافي اى ترحال ثاابتين ومستقرين لانو الارض تمام والزرع تمام والماء تمام يعني الكلأ كلو متوفر والحمد لله :):):)

الغربه كالعلقم في الطعم وكالنار في الاكل لانها تاكل العمر رد الله غربتنا وغربتكم

البعد عن الاهل حار وقاسي زي النار والله وتعبنا عديل كده بس الصبر طيب

الدمام مقر الاقامة ومن اجمل مدن الممكلة

الحنين سامبا انتا شايقي صاااااااااااااااااااااااااااااااااااااااح تعال جاوب على ساااااي وفهمها الحنين على كيف كيفك :):):)

الشوق احساس طبيعي ينتابنا للناس الغاليين الليهم معزتهم الخاصة في قلوبنا ويمة الشوق غلب
والله فترتا عديل كده..

ونفسي قام

ويدي وجعتني من الكتابه

النقوم اعشي الشفع وارجع اكمل باقي الاسئله ..


يلا جيت تاني بمزاج وشايله كبايه شاي احمر بالهبهان

النكمل ليك


***((علاقتك الي اي مدي)) او (( رايك)) في الشخصيات دي (( امسكهم واحد واحد)):

ياسر .. ابوريلان
عرفتني به المنتديات لكن كاني اعرفه منذ امد بعيد واعتبره اخ شقيق وتم التآلف والتمازج بينا في فترة زمنية وجيزة وبقى على قول آل شمس فرده صاقعة له التحية
غابه الابنوس
شخص غامض احسه كانه شخصية لي واسلوبه نفس اسلوبي تقريبا بس هو انسان صريح اكتر مني وبحسده على كده له تحية خاصة جدا

بكري .. الادمن
عرفتني به المنتديات لكن كاني اعرفه منذ امد بعيد واعتبره اخ شقيق وتم التآلف والتمازج بينا في فترة زمنية وجيزة وبقى على قول آل شمس فرده

محمد .. ابوروان ((إنته نفسك))
رحم الله امرئ عرف قدر نفسه

يوسف .. مستر وحيد
يوسف ده حكايتو حكاية والله ولو قعدتا اتكلم عنو للصباح يشهد الله ما بقدر اديه ربع حقو لانو بالجد انسان اكثر من رائع ومتاكد تمام اي زول حا يتعرف على يوسف ده حا يحبو جدا لانو بصراحة انسان لا يقاوم

كاظم .. الزعيم
انسان راقي ومهذب وصاحب قلم مبدع باختصار عبارة عن مجموعة انسان

امير عبد الباقي .. ابو ريان
عرفتني به المنتديات لكن كاني اعرفه منذ امد بعيد واعتبره اخ شقيق وتم التآلف والتمازج بينا في فترة زمنية وجيزة وبقى على قول آل شمس فرده

ابراهيم .. تلش
عرفتني به المنتديات لكن كاني اعرفه منذ امد بعيد واعتبره اخ شقيق وتم التآلف والتمازج بينا في فترة زمنية وجيزة وبقى على قول آل شمس فرده

مجاهد .. سوباوي
انسان راقي ومهذب وصاحب قلم مبدع باختصار عبارة عن مجموعة انسان

عمو .. صالح ابوشوارب
رائع بمعني الكلمة وجد معرفتي بيه معرفة شخصية وليه جمائل علي لا تحصي يكفيني فخراً اني تلقيت خبر عقدي منه هو شخصياً لانو كان متواجد لحظة العقد في السفارة السودانية في الرياض ليه مني وقفة احترام وتحية خاصة ربنا يديه الصحة والعافية

البلدوزر
بصراحة ما بعرفو وكتاباتو قليلة ونادرة جدا

الحبيبه .. اميمه عشريه
اميمة دي انسانة من الخيال ما بتتوصف بستمتع وانا بقرا موضوع يكون بقلم اميمة

خالد هاشم
عرفتني به المنتديات لكن كاني اعرفه منذ امد بعيد واعتبره اخ شقيق وتم التآلف والتمازج بينا في فترة زمنية وجيزة وبقى على قول آل شمس فرده
التيمان
حايمين في المنتدى مع شوية شقاوة لكن بعيب عليهم بعض الالفاظ في الردود على الاعضاء ياريت ينتبهو شوية عشان ما يتعرضو للايقاف

سامبا
عضو لمع في سماء المنتدى بسرعة وتتسم مواضيعه ومشاركاته بالفرفشة له مني تحية خاصة

مزوني
عرفتني به المنتديات لكن كاني اعرفه منذ امد بعيد واعتبره اخ شقيق وتم التآلف والتمازج بينا في فترة زمنية وجيزة وبقى على قول آل شمس فرده

وفي الاخر .. بت مدني .. ســــالي
ما بعرف عنها اى حاجة بس يبدو وعلى حسب متابعتي ليها من خلال المشاركات انها انسانة رزينة وتقيلة وقليلة التعارف
***ومنهم فوق :

منو اقرب زول ليك كصديق؟؟؟
امير عبدالباقي

واقرب ليك ... كاخ؟؟؟
امير عبدالباقي

واقرب ليك ... ككاتم اسرار؟؟؟
امير عبدالباقي

واقرب ليك ... انك تلجا ليه في اي شئ وتاخد رايو؟؟؟
امير عبدالباقي

واقرب ليك ... كعزيز وغالي ما تقدر تستغني عنو؟؟؟
امير عبدالباقي

اقرب ليك ... كقرب عائلي (( غير يوسف طبعا ))؟؟؟
اسماء الامين / صباح مبارك

واحد منهم تتمني ... انك تتعرف عليه عن قرب ؟؟؟
غفران

واحد منهم ما بتدورو (( تكرهو))؟؟؟
محمد ما بكرهـ عزيزتي

واحد منهم ابعد من يكون مقرب ليك او قريب كفايه من ان يكون صديق ليك؟؟؟((اوعه

تزوق من الاجابه .... وبدون دبلوماسيه منك ...مع انو الاجابه متوقعه))
متوقعة منو انتي

ومنو من الاعضاء قريبين ليك في المنتدي وانا نسيت ما كتبته اسمائهم؟؟؟
المنتدى ده كل ناسو قريبين لي نسال الله ان يدم المحبة

*** مااضافه لك منتدي ومدني وما اخذه منك؟؟؟
المنتدى قدم لي الكثير الكثير الاصدقاء و زيادة المعرفة بالتنوع في اشكال المشاركات

***كلمه توجهها :

للما سجلو لسه وبخشو كضيوف بس؟؟
انت الآن ضيف ونتمنى ان تكون استمتعت بحسن الضيافة خذ وقتك وكن معانا وشارك في المنتديات باقتناع تام

للاعضاء الجدد؟
سماء المنتدى تتألق بانضمامك كونو نوراً للمنتدى يقهر كل ظلام

الاعضاء القدامي؟
نحي فيكم نشاطكم وهمتكم ونتمنى المزيد من الابداع

للمشرفين؟
اعانكم الله على قضاء مهامكم وانتم حقاً رائعون

للبخشو باكتر من شخصيه وملاحظه انو ده لسه موجود (( نظام وشين وكده )) ,((وش سمح

قدام الناس وشخصيه تانيه مسجلين بيها يستخدموها عشان يحرجو الواحد )) حتقول للزي ديل

شنو؟؟
ممكن ارد على حسب السبب الخلا الواحد يسجل بشخصيتين يعني سبحان الله احتمال كبير الواحد يسجل في المنتدى بشخصيتين من اجل مصلحة المنتديات وكده ما ملام وفي نوع بستخدم الشخصيات لاحراج الغير وده يعتبر انسان مريض نسال ليه الشفاء
***في الفتره الاخيره

قريت واحد كاتب تعليق انو لازم تضاف اقسام جديده

مثلا كاالمنتدي الديني و منتدي المراه

في رايك اذا افتتحت اقسام زي دي

حتضيف شي جديد للمنتدي مع انو الاشياء البتخص المراه او الدين

بتلقاها موجوده في المنتدي العام غالبا او جميع الاقسام ؟؟

ده ما حيبعثر او يشتت افكار العضو انو يمشي هنا وهناك؟؟
الاخت سالي نحنا كادارة لا نمانع من افتتاح اقسام جديدة في المنتدى لكن في حالة توفر عدد كافي من الاعضاء حتى لا يتشتت العدد الحالي من الاعضاء ما بين الاقسام والمواضيع كما اسلفتي
وحاليا الاعضاء علي وعي كفايه من انهم يصنفو اي موضوع يختو في ياتو مكان...

او انت بتبحث عنوممكن تلقاهو وين...(( وبرضو بمساعده من المشرفين ... تلقاهم

متابعين لكل المواضيع الجديده ودائما بحاولو ينقلو اي موضوع لاي قسم يكون تابع

ليهو))


اها يا الله ... اكتب تاني شنو... ولا نسيت شي ما زكرتو ... ما كتبتو....

خلاص بكتفي بالاسئله دي .. وكان الله هون ومد في العمر

بجيك راجعه تاني
والله مرحب بيك اختي ساااالي في اي وقت وبتلقينا قاعدين منتظرنك بس حاسبي كما تدين تدان وانتي حا تكوني بعدي في الكرسي والله يعينك
في الاخر بهديك اغنيه قاعده اسمع فيها اسه عاجباني شديد

بتاعت محمود عبد العزيز " شايل جراح "
مشكورة على الاغنية بس ما عارف مناسبة الهدية شنو بعدين اسم الاغنية يخوف خير في شنو

يلا منتظرنك ما تطولي الغيبة ولازم نشوفك تاني هنا

تحياتي

[aborawan]

قريت واحد كاتب تعليق انو لازم تضاف اقسام جديده

مثلا كاالمنتدي الديني و منتدي المراه

في رايك اذا افتتحت اقسام زي دي

حتضيف شي جديد للمنتدي مع انو الاشياء البتخص المراه او الدين

بتلقاها موجوده في المنتدي العام غالبا او جميع الاقسام ؟؟

ده ما حيبعثر او يشتت افكار العضو انو يمشي هنا وهناك؟؟

وحاليا الاعضاء علي وعي كفايه من انهم يصنفو اي موضوع يختو في ياتو مكان...


حبيبي الغالي القريب الى نفسي اخوي ياسر لك التحية
كما اسلفت سابقاً ادارة المنتدى لا تمانع في افتتاح اى قسم من الاقسام ومستعدون اتم الاستعداد لافتتاح العديد من الاقسام المتنوعة وما يمنعنا من ذلك هو خوفنا من تشتت الاعضاء ما بين هذه الاقسام لقلة عدد الاعضاء في الوقت الراهن لكن نعدكم مستقبلا ان يتم افتتاح اقسام جديدة ومتنوعة

تحياتي ايها الرائع بروعة بلادي :):)

[مزوني]

سلاااااااااااااااام يا حبيبنا

اها في طريقة ندبل أسئله جديده

ولا تكتفي بالقديم يا عسللي

ههههههههههههههههههههههههههه

دا سؤالي يا حبيب قصرت معاك؟؟؟؟؟؟

هاهاهاهاهاهاهاهاهاها

[saly]

]الاخت الفضلى ساااالي انا انسان حساس جدا وجعلي حد السكين ياريت تتنتبهي لتعديل الاسئلة في حال كانت منسوخة من مكان ما وفي حالة انك انتي كاتباها اتمنى ما تتسرعي في الكتابة

الاخ العزيز ابوروان

بقولو الجاتك في كرسيك سامحتك

وانت قدها وقدود في الاسئله ... قدرت ترد عليها بثقه زايده ... واصلا ده كان متوقع من شخص في مثل قامتك.

ولك العتبي مني حتي ترضي يا اخوي اذا انثت الكلام ... تقول شنو الكبر دخل ... وليك علي اخت بالي مره تانيه.


والله مرحب بيك اختي ساااالي في اي وقت وبتلقينا قاعدين منتظرنك بس حاسبي كما تدين تدان وانتي حا تكوني بعدي في الكرسي والله يعينك

انت بتتكلم جد يا ابوروان اكيد بتهظر وما قاصدني انا بالكلام ده

من يوم ما سبت الكرسي الساخن الاستضافوني فيهو اخر مره لسه ما برد عندي عاوزين تختوني تاني

ده يبقي حراااااااااااااااااااااااام واصلو الدايرنو فيني كتاااااار

اوعه تغلطو الغلطه دي مره تانيه

قبل كده سمعته واحد قال لي انكم حتختوني لكن يشهد الله قايلاكم بتهظرو

الله يكضب الشينه بس

[sambaaa]

width="700" height="500"

[aborawan]

مزوني اخد راحتك 24 قيراط وجيب ما عندك بس ما تنسى خت في بالك انو الدنيا دوارة البجينا برجع ليك وفوق ليها كوزين تلاتة كمان

سالي صدقيني انتي البعدي طوالي والرسائل الخاصة انهالت علي وكلها بتطالب بيك على الكرسي وشيلي شيلتك

مشكور العزيز سامبا يديك الف عافية ومتتظرنك

[أبوبكرحامد]

حبيبنا أبوروان ................
ياخى بطل الإرهاب كل ماواحد إعصرك تقول ليهو الزمن دوار وبكرة الفولة بتتملى والبقارة بيجوا ، الواحد بقى خايف من الهجمة المرتدة عشان كده هاك الشكر ده ، أولاً أحيى فيك الصراحة والمباشرة فى الردود " ماتنسى انى دارس فى مصر يعنى تربية مصريين فى البكش والإستهبال ".
ماعندى حالياً أسئلة جاهزة وبرجع ليك لمن تجهز .

[aborawan]

ود المأذون مرحبا بيك وفي انتظارك والله
طبعا اديك سر انا بقرا السؤال وبجاوب طوالي يعني ما بقعد افكر عشان اعمل ليه توم وشمارات وصدقني الفي قلبي في لساني هواء حتى لو كان جارح عشان اكون ارضيت ضميري باني جاوبت صاح طبعا اللف والدوران ده اكيد عندو مادة رقم كده ولا شنو يا اهل القانون

على فكرة يا ود المأذون بمناسبة الارهاب دي يشهد الله انتا اكتر واحد مرشح انك تكون بعدي وبنسبة 100% ومن هسه بقولها ليك بل راسك يا غالي

[أبوبكرحامد]

ياخوى القصة بالدور لأنو بعد الآدمن ، المشرف العام وعندنا بعديهو كبير المشرفين حمدتو ، وبعد داك فى المشرفين الأكبر سناً أبو المهتدى وبابكر وعمر غلام الله وأمير عبد الباقى وابراهيم ومهيرة وسالى وخالد حمد موسى ، يعنى انا دورى بيجى بعد سنتين ، بعدين ياخى نسوى ليك بكش مانفع ، تقولى الدور الجايى على .

[محمد احمد]

أخي محمد ( ابوروان )
في البدء وبالرغم من معترك الحياة القاسي وهجركم للديار وغربة مريرة لايحس بلظاء جمرها إلا مجرب هجر الديار تحملون هموم منتدانا تاج علي رؤوسكم فإن هنالك تحية تقدم لكم فالتكن ( تحية الحب والوفاء ) .
أخي محمد...... وبمناسبة جلوسكم الميمون علي منصة الكرسي الساخن اذاً نحن اليوم امام فرصة ذهبية يجب علينا إقتناصها وإقتنامها
علي قول أخونا ( أبوبكر الأدمن ) حتي اذا جاء يومنا علي هذا الكرسي نكون خالصين ويكون الواحد خالص حقو (تالت ومتلت )
أخي محمد اسئلتي دائماً خفيفة الدم وآخر حلاوة
وانتم تقبلون علي الزواج المبارك والميمون بإذن الله نصيحتكم (للعزابة شنو ) وهم مقبلين علي الزواج ولديهم هاجس وهموم تجهيز العروس من مجاميعها (( وطبعاً قصدي الشيلة والشنطة وخلاف ذالك من تجهيزات )) وفي نفس الوقت لديهم الخوف من مرور الوقت في
التجهيزات ( وإتشوكشو ) .
ثانياً
الأخ محمد والله بجد الواحد يخش المنتدي ناقصو شيء ويخرج من المنتدي وبرضو ناقصو شيء وهو اننا افتقدنا الأخ الخلوق بجد
(( يوسف ، وحيد ، لولي )) أنشاء الله داعي الغياب خير .
ثالثاً
عندما نري الدكتور الفلاني في كندا مثلاً والمهندس والمحاسب والمعلم وصاحب الحرفة النادره في بلدان آخري والوطن في مسيس
الحوجة لتلك الكوادر الأتوافقني الرأي بإن الدولة قصرت في حق هاولاء .

[aborawan]

منور اخوي محمد ومرحبا بيك معانا وبركة في الكرسي الساخن ده خلانا نسمع صوتك واتمنى اني اوفق في اجاباتي على اسئلتك لك تحياتي واحترامي

وانتم تقبلون علي الزواج المبارك والميمون بإذن الله نصيحتكم (للعزابة شنو ) وهم مقبلين علي الزواج ولديهم هاجس وهموم تجهيز العروس من مجاميعها (( وطبعاً قصدي الشيلة والشنطة وخلاف ذالك من تجهيزات )) وفي نفس الوقت لديهم الخوف من مرور الوقت في
التجهيزات ( وإتشوكشو ) .
قد تم الزواج والحمد لله وعلى قولة اخوي خالد هاشم ابوروان العريس سابقاً
بس طبعاً نصيحتي لكل الشباب انو يستعجلو في الخير ده وجد الزواج ده حاجة كده ما بتتوصف وسبحان الله التساهيل بتجيك من حيث لا تحتسب
اي واحد يتوكل على الله وما يشيل هم لي شيلة او شبكة والله ثم والله كل شئ بالقليل ببقى واهم حاجة الاختيار السليم لشريكة الحياة عشان ما تكون كتيرة الطلبات (( ده النوع البطفش وبصعب الزواج )) :):)
لكن حكاية الشاكوش دي تصدق كترت وبقى ما ليها اى علاج والضمان ضمان الله (( اخوك شخصياً مفلوق قبل كده بشاكوش جامد وهسه فلقتا لي زول واسديت شاكوشي القديم :D:D ))

غايتو في شمارة تحت تحت كده انو حا يكون في زواج جماعي في المنتدى وما عايزين اي زول يكون عذابي في المنتدى ويلا همتكم يا شباب


ثانياً
الأخ محمد والله بجد الواحد يخش المنتدي ناقصو شيء ويخرج من المنتدي وبرضو ناقصو شيء وهو اننا افتقدنا الأخ الخلوق بجد
(( يوسف ، وحيد ، لولي )) أنشاء الله داعي الغياب خير .
طبعاً يوسف ده للما عارفين بالنسبة لي زي ابو القدح (( الاخ الشقيق لام روان )) وهو بخير يا محمد احمد بس الولد قال ليك اليومين ديل اهميات تقيلة وخاشي ليه مشروع جديد نسال الله ان يكتب له النجاح فيه وربنا يكفيه شر الشواكيش ( تصدق اليوم كلو تلقاهو غاطس في قوقل وبكتب في مجال البحث حنك سنين حنك سنين وجاري البحث )) :):)

ثالثاً
عندما نري الدكتور الفلاني في كندا مثلاً والمهندس والمحاسب والمعلم وصاحب الحرفة النادره في بلدان آخري والوطن في مسيس
الحوجة لتلك الكوادر الأتوافقني الرأي بإن الدولة قصرت في حق هاولاء .

الدولة مقصرة ومقصرة ومقصرة كمان

انا بتذكر زمان مشيت السودان اجازة وبحكم انو الود مغترب وكده عندي خالتي استاذة قالت لي ارح افسحك طبعا الكلام ده من كم سنة كده ووقتها كنا صغار المهم الفسحة طلعت مشية لي وزارة التربية والتعليم قلتا ليها بالحرف الواحد بس دي ما فسحة يا خالتو قالت لي ما انا جيت هنا عشان ساكة مرتباتي حقت 4 شهور لسه ما ادوني ليها قلتا اشيلا وافسحك بيها طوالي رديت عليها وانا مخلوع طبعاً لا حولااااااااااااااااااااااااااا تفسحيني بي مرتب 4 شهور يا خالتو كده كتير والله وسألتها ببراءة شديدة كم راتبك انتي يا خالتو ردت وياريتا ما ردت قالت بتاخد 54 الف جنيه سوداني
اها يا محمد شنو ليك دي استاذة رياضيات تخصص في المرحلة الثانوية

غايتو سامعين اخبار انو الدولة صلحت المرتبات وبقت تسلم للموظفين اول باول والله يكضب الشينة

[ابراهيم]

حبيبنا ... ابو روان يا صنديد ..
تعظيم سلام و ماشاء الله تبارك الله عليك ..
وعفيت منك يا سالي
بمشي وبجيك ..

[aborawan]

اول شئ نورتنا والله يا هيمة بالطلة وبركة الشفتني طيب :d:d

غايتو والله يا ابراهيم جيتك بندورها بالحيل لكن اسئلتك ما بندورها كلو كلو تعال سلم وامشي وكان حبيت تسأل اتوصى فينا عليك الله

تحياتي اخوي

[سوباوي]

الراقي .. أبو روان …

بداية يا عزيزي كنت أتمنى أن أكون أول الحاضرين في مناسبة زواجك وقد خطط لذلك كثيراً

.. ولكن اختارت سفننا المسير ضد الريح .. أتمنى أن أرتقي بدردشتي معك إلى قامة أدبك

الغزير هذا .. صديقي أبو روان ودود هذا الهمس من أعضاء أسرة المنتدى في إذنك وأنت توفي

الجميع .. جميلون أهلي بهذا المنتدى وأنت أولهم أخي أبو روان .. وأنا أيضاً يعجبني هذا الاسم

"روان" يقال أنه الهاله التي تحيط بالقمر عند تمامه فيقول بعضهم أن هذا الاسم "هاله" حيث

يقولون أن روان هي تلك الدائرة ذات الخط الرفيع الساطع البريق الذي يطوق القمر ويكون

الحد الفاصل بينه وبين الهاله أو بمعنى أنه البريق المتوهج في تركز على محيط دائر القمر عند

اكتماله لا أدري إن كان لك إضافة على هذا المعنى فمدنا بها ؟

هذا وأذكر أنه في تنظيراتنا نحن العذاب أننا تطرقنا للأسباب الأساسية لبداية إندلاع شرارة

مشاكل الزوجة .. فقولنا "أن الرجل يعتبر الزواج أحد موضوع من ضمن موضوعات كثيرة في

مسيرته الحياتية يجب فعلها أو كهدف من أهدافه التي يصبو لتحقيقها بمعنى أنه يخطط لنفسه أن

يهاجر ثم يستثمر ثم يتزوج .. ثم يخلص ما تبقى من دراسات عليا .. ثم يبحث عن دولة أفضل

ثم ..ثم .. ثم أشياء كثيرة يكو الزواج أحدها .. بينما تعتبر المرأة الزواج كل حياتها وكل

موضوعاتها وكل أهدافها .. فيتعامل الزوج مع الحياة الزوجية كبعض شيء بينما تتعامل معها

المرأة ككل شيء وفي هذه الفجوة تدور ما يسمى بمشاكل الحياة الزوجية العادية" إلى أي مدى

ترى أن الصواب قد جانبني في هذا القول؟

الغالي أبو روان دعني أخرج بك خروجاً مفاجئاً إلى فداسي الحليماب .. هل ترى أن فداسي

الحليماب في الآونة الأخيرة فقدت أحساس القرية أو فقدت أنت بها حنين القرية وأريحيتها

وبساطة أهلها وكل تلك التفاصيل التي تختصرها الحبوبة أو العمه في سلامها لك على جانب

عنقك الأيمن حيث يكون سلاماً ممزوجاً بشمه قوية على العنق لتأكيد أن الشوق لا زال معتق

وأن رائحة مصارينها لا زالت فائحة منك .. وفداسي ما بين التحور إلى مدينة لا ينقصها إلا

القليل من تفاصيل التمدن أو تعتقد أن فداسي في هذه المرحلة أفضل لها العودة إلى مضاربها

كقرية حنينه أم السير في خطوها قدماً لتلحق بركب التمدن؟

هل توافقني الرأي في أن كل مدن المهلكة العربية السعودية بلا استثناء هي بالنسبة للزوجة

كعدة غير محددة المدة كواحدة من عددها الشرعية ؟ أعني بذلك قيود المجتمع وجعلها رهينة

انتظار ساعات الدوام ومزاج الكفلاء في التحكم في الكثير من ساعات خصوصيتها وهنا

السؤال للعموم؟

السؤال الآن لك ولأم روان أوا .. صحيح أن حواء كانت كلما تأخر عليها آدم تقوم بإحصاء

أضلعه .. وهل يخامرها الفعل أن تأخر أن تأخر عليها آدمها؟

أبوروان بمقدار ما لغربتنا من أمتداداً على سنين العمر لها امتدادها نحو دواخلنا خادشة وأن لم

تسقط بعض أشيائنا الجميله هل تحس لبعض الأحيان أنك خواء من كل أشيائك الخاصة

المرتبطة بالمكان والزمان فيما تركته خلفك بسبب هذا الهجر لها الإجباري بفعل الغربة؟

بالقرية وبالسودان عموماً تفاصيل حميمة جداً ننتمي بها لذاتنا وللآخرين ومنها الأشياء المجانية

كجلسة ما بعد الغداء وأثناء شاي الغداء مع الأسرة والغفشات التي تتخلل هذه الجلسة لمة

الأصدقاء بعد انتهاء التمرين .. حاج فلان يمر من أمام المنزل فيأخذ في الحديث عن الشباب

قليلا ثم يواصل بينما تواصل خاله فلانه زيارتها سائلة عرضا عن الوالده علها بخير أو تفتقد هذه

التفاصيل يا عزيزي والتي أوجزها لنا محمد الحسن سالم حميد في أبلغ تعبير لما قال وأيه الدنيا غير

لمة ناس في خير أو ساعة حزن ؟ أو تعتقد أن لها عمقها الخاص في تربيتنا وسلوكياتنا وتعاملنا

مع الآخرين؟

أو ا هناك بون شاسع بيه هذه المعطيات لتربيتنا وبين تربية جيل اليوم الذي ينشأ على تسلية

نفسه بالبلي استيشن ذلك القيم الذي يغرس روح الأنانية أكثر مما أنه يغرس روح المنافسة أو

تعتقد أن المسافة بين الجيلين تبرز بوضوح في مستوى الثقافة والفهم والمسئولية وكل التفاصيل

الحياتية أم أنني مجحف قليلاً في أحكامي؟

الغالي أبو روان أهديك الآن هذا النص للأستاذ عثمان بشرى فأقرأه على مهل وقد أعود

أدراجي لأدردش معك مرة ثانية .. فهناك أناس تسقط معهم خصوصية الأشياء وتكون

لعلامات الاستفهام بحوزتنا لهم شاراتها المتقطعة سماحاً بالمرور ومنهم من يضع معك على

الحروف نقاطها فيصبح الحوار بينكم م..ن..ق..و.ط ..هـ .. فينسجم الحديث ويصبح طق

الحنك ماتع

.. أتمنى أن يسعني الزمن لأعود لك قبل إعلان مغادرتك لهذا المجلس ….

تحياتي .. وكن متعافي وبخير ...

الهجـــرة

لو هجرة في غربة الموتى

إلى موتى يعدون الحضور

على موائد من صفيح اللغو

هرجلة التفاصيل الرخيصة والهلام

لو رحلة في الذات ..

عبر مسارح التاريخ … أنزل

أيها المسلول في حدق البصيرة

وأعتقد حدثاً يوازي معطيات اللحظة القصوى

وكن غيبوبة في الذات

واللغة التي بين الحمامة والنشيد صدأ

والريح تصدأ كلما اتجهت حساسين الكلام

عن النبي القادم .. إتجهت شظيات الدخان إلى الشهيق

ملأٌ من الفوضى يثرثر في دمي

ويداك ترتجفان ..

إذ أمدد إليك البحر

أن غرق الذي ترعى .. غرق

هي خيبة الأشواق

أم أن الذي قد مات فيك

ولم تحرر بعد إنشاد العزاء .. ولم تجئ

ولم تجئ .. كما سأذهب في بكائك ضد أحزاني ولم تأتي ..

أ لأنني من فرط حزنك لم أجئ

ظلٌ لسرك .. لا تصدقه

وظلٌ لإنفصامك .. لا تصادقه

وظلك لا تأمنه قفاك

كل الذين يصادقونك في الصباح

هم الذين يوزعون الكأس ما برحت يداك من اليمين إلى اليسار

وسيرفعون السر في تقريرهم عن أمنياتك بالمساء.

"عثمان بشرى"

[aborawan]

الراقي .. أبو روان …

بداية يا عزيزي كنت أتمنى أن أكون أول الحاضرين في مناسبة زواجك وقد خطط لذلك كثيراً

.. ولكن اختارت سفننا المسير ضد الريح .. أتمنى أن أرتقي بدردشتي معك إلى قامة أدبك

هي هكذا الدنياا اخي الكريم وكم كان يبهجني ويسرني تشريفكم وتاكد بان الفرحة كان ستكون فرحتان لكن نقول الجايات اكتر انشاءالله


الغزير هذا .. صديقي أبو روان ودود هذا الهمس من أعضاء أسرة المنتدى في إذنك وأنت توفي

الجميع .. جميلون أهلي بهذا المنتدى وأنت أولهم أخي أبو روان .. وأنا أيضاً يعجبني هذا الاسم

"روان" يقال أنه الهاله التي تحيط بالقمر عند تمامه فيقول بعضهم أن هذا الاسم "هاله" حيث

يقولون أن روان هي تلك الدائرة ذات الخط الرفيع الساطع البريق الذي يطوق القمر ويكون

الحد الفاصل بينه وبين الهاله أو بمعنى أنه البريق المتوهج في تركز على محيط دائر القمر عند

اكتماله لا أدري إن كان لك إضافة على هذا المعنى فمدنا بها ؟

طبعا للاسم مكانته الخاصة داخل حنايا القلب ونسال الله ان يرزقنا روان ومن زمان وانا ببحت في القواميس عشان اعرف معنى الاسم واكثر حاجة متفق عليها هي انا اسم روان هو جمع رانية: التي تطيل النظر إلى مَن تُحب أو المحدّقة إلى شيء كثير الجمال دون أن ترمش أجفانها، المُصغية بشغف وانتباه، المُدارية، المُبارية في الرفعة والشرف هذا تقريبا التعريف الامثل لاسم روان ما تنسى ترفع يدينك عند كل صلاة ربنا يقسمها لينا وكمان تطلع لينا مبدعة زي اخونا الرائع سوباوي :):)

هذا وأذكر أنه في تنظيراتنا نحن العذاب أننا تطرقنا للأسباب الأساسية لبداية إندلاع شرارة

مشاكل الزوجة .. فقولنا "أن الرجل يعتبر الزواج أحد موضوع من ضمن موضوعات كثيرة في

مسيرته الحياتية يجب فعلها أو كهدف من أهدافه التي يصبو لتحقيقها بمعنى أنه يخطط لنفسه أن

يهاجر ثم يستثمر ثم يتزوج .. ثم يخلص ما تبقى من دراسات عليا .. ثم يبحث عن دولة أفضل

ثم ..ثم .. ثم أشياء كثيرة يكو الزواج أحدها .. بينما تعتبر المرأة الزواج كل حياتها وكل

موضوعاتها وكل أهدافها .. فيتعامل الزوج مع الحياة الزوجية كبعض شيء بينما تتعامل معها

المرأة ككل شيء وفي هذه الفجوة تدور ما يسمى بمشاكل الحياة الزوجية العادية" إلى أي مدى

ترى أن الصواب قد جانبني في هذا القول؟

عن نفسي اخي الكريم لا ارى اي صحة لماذكرت او اسلفت فالزواج والحياة الزوجية اساسها المشاركة والتفاهم بين الطرفين
زوجتي هي كل دنيتي وكل حياتي معها اتقاسم المشوار ولاانظر اليها كانها بعض شئ انجزته من خططي لانها حقيقة وعلناً واما الجميع كل شئ
نسمع كثيرً ونقرأ كثيراً لكننا لن نعرف المعنى الحقيقي الا عندما نعيش بانفسنا الحدث وها انا ذا تزوجت وعرفت المعنى الحقيقي للحياة الزوجية
لذلك ابعد عنك هذه الافكار والاقوال وهيا فنحن في انتظارك في حياة الزوجية (( دي ما دردقة والله واعقلها وتوكل وشوف بنفسك الخير يا كل الخير ))

الغالي أبو روان دعني أخرج بك خروجاً مفاجئاً إلى فداسي الحليماب .. هل ترى أن فداسي

الحليماب في الآونة الأخيرة فقدت أحساس القرية أو فقدت أنت بها حنين القرية وأريحيتها

وبساطة أهلها وكل تلك التفاصيل التي تختصرها الحبوبة أو العمه في سلامها لك على جانب

عنقك الأيمن حيث يكون سلاماً ممزوجاً بشمه قوية على العنق لتأكيد أن الشوق لا زال معتق

وأن رائحة مصارينها لا زالت فائحة منك .. وفداسي ما بين التحور إلى مدينة لا ينقصها إلا

القليل من تفاصيل التمدن أو تعتقد أن فداسي في هذه المرحلة أفضل لها العودة إلى مضاربها

كقرية حنينه أم السير في خطوها قدماً لتلحق بركب التمدن؟

فداسي لازالت تحتفظ باجتماعياتها حتى بعد الطفرة التي تعيشها الان انا اتمنى لفداسي من كل قلبي التطور والازدهار ومواكبة المدنية فالعالم من حولنا يتطور ولا اخشى ان تسيطر علينا المدنية والتطور في اجتماعياتنا لانني على ادراك تمام باهل فداسي الرائعون الذي يحملون داخل حناياهم حب لبعضهم البعض لا يمكن ان تقهره البهرجة والاضاءات اعلم سوباوي حتى لو المواصلات داخل فداسي اصبحت بالطائرات الخاصة طراز البوينق سيبقى اهل فداسي كما هم عليه وتجدنا كالجسد الواحد ومنا هنا ارسل صاروخ سلام لكل احبابي في رائعتي فداسي


هل توافقني الرأي في أن كل مدن المهلكة العربية السعودية بلا استثناء هي بالنسبة للزوجة

كعدة غير محددة المدة كواحدة من عددها الشرعية ؟ أعني بذلك قيود المجتمع وجعلها رهينة

انتظار ساعات الدوام ومزاج الكفلاء في التحكم في الكثير من ساعات خصوصيتها وهنا

السؤال للعموم؟

هي هكذا مشيئة الله كتب علينا مغادرة ديارانا واهلنا واحبابنا فعلينا جمبعا ان نرضخ للغدر
انا واحد من الذين حكمت عليهم ظروف الدوام بالتواجد خارج المنزل اكثر من التواجد فيه
اعود الى الى المنزل لاجد درتي الغالية ام روان مبتسمة برؤيتي وعودتي الى المنزل رغم قضائي كل ساعات النهار خارج البيت
لكن بالله عليك اخي سوباي ماذا بايدنا نفعله غير الصبر والصبرو جبرو :):):)

السؤال الآن لك ولأم روان أوا .. صحيح أن حواء كانت كلما تأخر عليها آدم تقوم بإحصاء

أضلعه .. وهل يخامرها الفعل أن تأخر أن تأخر عليها آدمها؟

ام روان يتكون اسمها من ثلاث احرف نديانة (( نهى )) فكرت ان اتناول لك كل حرف على حدا لكن خشيت ان يطلع على صباح يوم غد وانا لازلت في بداياتي مع حرف النون واخشى عليك اخي الكريم من تقدم العمر وانت تنتظرني حتى افرغ لك تماماً من هذه الاحرف الثلاث
ليست كل النساء مثل بعض فتجد من تنتظر زوجها عند الباب وهي تمسك ورقة وقلم داخل محتواها كمية من الاسئلة والتساؤلات التي قامت بتجهيزها خلال فترة تاخير العودة للمنزل في المواعيد المعتادة (( كنتا وين ومشيت وين وليه ما كلمتني وانا ما مصدقاك وحاساك بتغش علي )
وفي نفس الوقت تجد الهدية الرضية التي تستقبل زوجها عند وصوله بابتسامة عريضة مليانة حنان واشواق
سوباوي عليك بالاختيار السليم لنصفك الاخر وشريكة ما تبقى من الطريق وأسال الله ان يرزقك امرأة مثل ما هي ام روان لتنعم بحياة ملؤها الحب
دعواتي قلبية صادقة لك بالتوفيق في اختيارك

أبوروان بمقدار ما لغربتنا من أمتداداً على سنين العمر لها امتدادها نحو دواخلنا خادشة وأن لم

تسقط بعض أشيائنا الجميله هل تحس لبعض الأحيان أنك خواء من كل أشيائك الخاصة

المرتبطة بالمكان والزمان فيما تركته خلفك بسبب هذا الهجر لها الإجباري بفعل الغربة؟

اراك اخي الكريم قد جزئت الوقت (( هل تحس لبعض الأحيان أنك خواء من كل أشيائك الخاصة ))
لكن اعلم اخي انني في كل اوقاتي وليس بعضها افتقد اشيائي الخاصة التي اجبرتني الغربة على تركها خلفي
لا نملك سواء انا نرفع ايدينا للمولى تضرعاً بان يرد غربتنا ونحن سالمون كما اتينا (والله يكفينا ويكفيكم شر امراض الغربة ناس السكري والضغط والرطوبة والخ والخ بس اخوي سوباي مااظن الواحد يطلع من الغربة دي بي كرامة البليلة صااااح لانو يعني كده وعلى اسوأ الفروض لو اتخارجت بتتخارج بي صلعة وبالعدم جلحات )) :D:D

بالقرية وبالسودان عموماً تفاصيل حميمة جداً ننتمي بها لذاتنا وللآخرين ومنها الأشياء المجانية

كجلسة ما بعد الغداء وأثناء شاي الغداء مع الأسرة والغفشات التي تتخلل هذه الجلسة لمة

الأصدقاء بعد انتهاء التمرين .. حاج فلان يمر من أمام المنزل فيأخذ في الحديث عن الشباب

قليلا ثم يواصل بينما تواصل خاله فلانه زيارتها سائلة عرضا عن الوالده علها بخير أو تفتقد هذه

التفاصيل يا عزيزي والتي أوجزها لنا محمد الحسن سالم حميد في أبلغ تعبير لما قال وأيه الدنيا غير

لمة ناس في خير أو ساعة حزن ؟ أو تعتقد أن لها عمقها الخاص في تربيتنا وسلوكياتنا وتعاملنا

مع الآخرين؟
(يولد الانسان على الفطرة فأبواه يهودانه أو ينصرانه أو يمجسانه)
يعني قطع شك بنتأثر ولو رجعت بالزمن الى الخلف قليلاً لوجدت شيئاً فى الماضى اصبح الان في الحاضر مجرد سراب وحكاوي الا وهو احترام الصغير للكبير او التلميذ للمعلم او الابن للخال او العم
بتذكر زمااااااااااااااااان ونحنا صغار نزلنا السودان اجازة وانا راكب مع ولد خالتي في عجلة فجأة لاقانا زول في نص الشارع وبدون أي مقدمات ود خالتي رماني من العجلة ونط هو كمان منها كانو شاف ليه شيطان سالتو ليه اتصرف كده قال لي ياخي ده استاذ فلان بتاع العربي ويا حليل زمان وسنين زمان وربنا يجيب العواقب سليمة يارب

أو ا هناك بون شاسع بيه هذه المعطيات لتربيتنا وبين تربية جيل اليوم الذي ينشأ على تسلية

نفسه بالبلي استيشن ذلك القيم الذي يغرس روح الأنانية أكثر مما أنه يغرس روح المنافسة أو

تعتقد أن المسافة بين الجيلين تبرز بوضوح في مستوى الثقافة والفهم والمسئولية وكل التفاصيل

الحياتية أم أنني مجحف قليلاً في أحكامي؟

والله يا سوباوي انا معاك وما داير اتكلم كتير لانو الاحترام بقى عملة نادرة وكمان في شئ مزعلني شديد الجيل الجديد تلقى الولد بت والبت ولد والله راسنا شطب زاتو وبيقنا ما قادرين نميز ياربي ده يكون من الغربة ولا النظر جلا ربنا يستر والله (( كلامي ليس شامل لكل الجيل فهناك من رحمهم ربي ومازالو محتفظين بشئ من اشياء القدماء ))

الغالي أبو روان أهديك الآن هذا النص للأستاذ عثمان بشرى فأقرأه على مهل وقد أعود

أدراجي لأدردش معك مرة ثانية .. فهناك أناس تسقط معهم خصوصية الأشياء وتكون

لعلامات الاستفهام بحوزتنا لهم شاراتها المتقطعة سماحاً بالمرور ومنهم من يضع معك على

الحروف نقاطها فيصبح الحوار بينكم م..ن..ق..و.ط ..هـ .. فينسجم الحديث ويصبح طق

الحنك ماتع

.. أتمنى أن يسعني الزمن لأعود لك قبل إعلان مغادرتك لهذا المجلس ….

تحياتي .. وكن متعافي وبخير ...

الهجـــرة

لو هجرة في غربة الموتى

إلى موتى يعدون الحضور

على موائد من صفيح اللغو

هرجلة التفاصيل الرخيصة والهلام

لو رحلة في الذات ..

عبر مسارح التاريخ … أنزل

أيها المسلول في حدق البصيرة

وأعتقد حدثاً يوازي معطيات اللحظة القصوى

وكن غيبوبة في الذات

واللغة التي بين الحمامة والنشيد صدأ

والريح تصدأ كلما اتجهت حساسين الكلام

عن النبي القادم .. إتجهت شظيات الدخان إلى الشهيق

ملأٌ من الفوضى يثرثر في دمي

ويداك ترتجفان ..

إذ أمدد إليك البحر

أن غرق الذي ترعى .. غرق

هي خيبة الأشواق

أم أن الذي قد مات فيك

ولم تحرر بعد إنشاد العزاء .. ولم تجئ

ولم تجئ .. كما سأذهب في بكائك ضد أحزاني ولم تأتي ..

أ لأنني من فرط حزنك لم أجئ

ظلٌ لسرك .. لا تصدقه

وظلٌ لإنفصامك .. لا تصادقه

وظلك لا تأمنه قفاك

كل الذين يصادقونك في الصباح

هم الذين يوزعون الكأس ما برحت يداك من اليمين إلى اليسار

وسيرفعون السر في تقريرهم عن أمنياتك بالمساء.

"عثمان بشرى"

الشكره اجزله الرائع مجاهد سوباوي واتمنى ان تسعدنا اللحظات وتجمعنا بك يا كل الجمال ، شاكر لك طلتك على الكرسي الذي اتمنى ان اكون قد وفقت في اجاباتي عليه واوعك تطول الغياب وانتا عارف شوقنا كم

تحياتي

[ruby]

هلا ابو روان
عندي ليك سؤال
كيف يكون موقفك لما تنصدم في شخص انت كنت حاطيه في مكانه اعلى من النجمه بتصرفات لا تتوقعها ولاتصدقها انها صادره عنه؟
مع تحياتي
روبي

[sambaaa]

الأخ العريس / محمد .. ابوراوان ..
ازيك يا صنديد .. ( والله انا ما كنت قايلك كده ) :)
لكن ماشاءالله عيني باردة
عشان كده ما بحاول اسخن بيك كتير ( خايف من بكرة ) ;)
طبعاً يا محمد انا والله كان نفسي برضو احضر زواجك لكن أبى الظرف غير ذلك .. الف مبروك مجدداً ..

اخي ابوراوان ..
المنتدى بيتنا الكبير .. وشباب المنتدى .. اخوانا واخواتنا .. مدني الجميلة ... أمام هذه المفردات .. أين تجد نفسك ؟

نظرتك للمستقبل تجاه هذه المفردات ؟

ما الذي يشغل تفكيرك هذه الأيام بالذات تجاه المنتدى ؟

هل هناك هم كبير تعيشه الآن ؟ كلمنا عنه بتفصيل ودقة اذا امكن

اخي العزيز .. هناك مفردات نطلقها ويطلقها غيرنا .. لبعض الظواهر .. مثل السرقات الأدبية .. ما هو تعريفك لهذا المصطلح ؟
وهل تتفق مع إطلاق ذلك المصطلع لذلك المعنى ( السرقة الأدبية ) ؟؟؟؟؟؟

هل تحتمل ... الكلمة الجميلة ... لفظ السرقة ؟ مثلها مثل كل ماهو مادي في حياتنا !!!

أخي العزيز ..

لا أطيل عليك ... أكتفي بهذا القدر ..

أخوك / SAMBA :)

[aborawan]

هلا ابو روان
هلا بيك بتنا روبي وبركة الشفناك طيب

عندي ليك سؤال
كيف يكون موقفك لما تنصدم في شخص انت كنت حاطيه في مكانه اعلى من النجمه بتصرفات لا تتوقعها ولاتصدقها انها صادره عنه؟
في البداية انا عشان مااكون في موقف الظالم لازم اتأكد من التصرفات الناتجة من الشخص ده لانو احتمالات كبيرة يكون برئ من التصرفات دي وانها تكون مفتعلة من قبل شخص ما قصده تشويه الصورة او تخريب العلاقة وحتى ان حصلت تصرفات غير متوقعة الاجدر بي ان اسال هذا الشخص لماذا بدرت منك هذه التصرفات
اختي روبي اعلممي اننا في زمن تأتيك فيه الطعنات من اقرب الاقربين اليك

تحياتي

[aborawan]

الأخ العريس / محمد .. ابوراوان ..
ازيك يا صنديد .. ( والله انا ما كنت قايلك كده )
لكن ماشاءالله عيني باردة
عشان كده ما بحاول اسخن بيك كتير ( خايف من بكرة )
طبعاً يا محمد انا والله كان نفسي برضو احضر زواجك لكن أبى الظرف غير ذلك .. الف مبروك مجدداً ..
ياخي سوباوي جاء مغصني بنيتو وعدم جيتو برضو جيت انتا وتميت الناقصة الله يديك العافية والله كنت حا اكون فرحان اكتر من العريس والعروس لو جيتو حضرتو عرسي (( كلام مجانين صح )) بس يلا يا قلب ما اشكال الجايات اكتر من الرايحات

اخي ابوراوان ..
المنتدى بيتنا الكبير .. وشباب المنتدى .. اخوانا واخواتنا .. مدني الجميلة ... أمام هذه المفردات .. أين تجد نفسك ؟
المنتدى واعضائه واسمه الذي يحمل اسم تلك المدينة الدرة كلهم داخل حنايا القلب بعد كده شوف براااك انا وين

نظرتك للمستقبل تجاه هذه المفردات ؟
والله باذن الواحد الاحد التطور للجميع سواء ان كان
المنتدى الذي يتطور تلقائياً ويواكب كل جديد في عالم المنتديات
الاعضاء الذي يتطورون بتنوع ثقافاتهم من خلال تعدد المواضيع
المدينة الحالمة التي تشهد تطور ملحوظ في هذه الفترة


ما الذي يشغل تفكيرك هذه الأيام بالذات تجاه المنتدى ؟
بصراحة والحق يقال مع كل صباح يوم جديد تأتينا شكوى بسرقة ادبية من منتدى اخر وهذا تقريبا هو الشاغل الوحيد

هل هناك هم كبير تعيشه الآن ؟ كلمنا عنه بتفصيل ودقة اذا امكن
والله يا غالي لو سالتني سؤالك ده قبل 46 يوم كنتا حا اجاوب واقول ليك همي الوحيد كاان كيف اجتمع مع ام روان تحت سقف بيت واحد بس اهو الحمد لله كان لي ما اردت والحمد لله مافي اي هم وان وجد بكون هم الرجعة النهائية للبلد متين وكيف حا تكون (( طبعا ده هم مشترك ما عايز ليه تفصيل ولا شنو يا فردة ))

اخي العزيز .. هناك مفردات نطلقها ويطلقها غيرنا .. لبعض الظواهر .. مثل السرقات الأدبية .. ما هو تعريفك لهذا المصطلح ؟
انا بيني وبين نفسي مسميها خجلة فنية لانها فعلاً حاجة مخجلة واعتقد ان مصطلح سرقة ادبية هو سرقة اعمال الغير من الادباء والكتاب ونسبة لتسمية الكاتب بالاديب اتى مصطلح السرقة الادبية

وهل تتفق مع إطلاق ذلك المصطلع لذلك المعنى ( السرقة الأدبية ) ؟؟؟؟؟؟
اكيد اتفق

هل تحتمل ... الكلمة الجميلة ... لفظ السرقة ؟ مثلها مثل كل ماهو مادي في حياتنا !!!
والله يا سامبا الكلمة الحلوة ما بتتحمل تتسرق وسمح الكلام في خشم سيدو بس نقول شنو الشكية لي الله


الشكر كل الشكر اخوي سامبا ووصيتي ليك تبل راسك كويس عشان الموس ما تجرحك ولا تألمك
تحياتي

[sambaaa]

بس يلا يا قلب ما اشكال الجايات اكتر من الرايحات[/color]


الجايات اكتر من الرايحااات ؟؟ :eek:

إنت ناوي تعرس تاااااااااااااني ؟ ولا شنو ؟؟؟؟؟؟؟؟؟

:) :) :)

[sambaaa]

الشكر كل الشكر اخوي سامبا ووصيتي ليك تبل راسك كويس عشان الموس ما تجرحك ولا تألمك
تحياتي
http://9q9q.com/Feb/1140635812.gif (http://9q9q.com/)http://9q9q.com/Feb/1140635812.gif (http://9q9q.com/)http://9q9q.com/Feb/1140635812.gif (http://9q9q.com/)

نشووووووووووووف

[aborawan]

الجايات اكتر من الرايحااات ؟؟

إنت ناوي تعرس تاااااااااااااني ؟ ولا شنو ؟؟؟؟؟؟؟؟؟

ياخي ما تعلي صوتك كده :mad: :mad: يوسف بسمعنا
بعد الاقيك بفهمك :mad: :mad:



الشكر كل الشكر اخوي سامبا ووصيتي ليك تبل راسك كويس عشان الموس ما تجرحك ولا تألمك
تحياتي
نشووووووووووووف

ابراهيم عليك الله ما اوصيك فصاحتو دي طيرها ليه في راسو

[سوار الياسمين]

مشرفنا المسخن في الكرسي ابو روان

ازيك يا عريس انشاالله تمام

وسؤالي ليك هوووووو











1) هل عرفتى قمة الالم الكنت بقصدها؟؟؟؟؟؟؟

امشي شوفها

2) ولمنو بتتمناها؟؟ ;)


خخخخخخخخخخخخخخخ :d

تحيااااااتي

[aborawan]

اختي سوار نورتي الكرسي وسؤال مسخن سخانة شديدة

انا عرفت قمة الالم وعندي عليها اضافات وهي انو قمة الالم اني افلقك بي دومة ( الدوم ده فاكهة سودانية على وزن التفاح ) في نص راسك والفلقة تعمل جرح ونقوم ندخل راسك في البحر بتاع الكلونيا ده (( ما تاخدي الامور بجدية انا بهظر :):) )) بس بفلقك بفلقك

بالنسبة للشق التاني من السؤال لمنو بتتمناها صدقيني اتمنى للكل وافر السعادة والله لا يوريكم شر ولا الم