السنين دي لاحقة شنو ؟؟

[معتز الريح]

حبايبنا ..
عندي مشكلة حبيت تشاركوني فيها ..

ما ملاحظين أنو السنين دي جارية ..
انا بتذكر حاجات من الثمانينات عادي جداً ..
بتذكر حاجات من التسعينات عادي جداً ..

لكن مما دخلنا على الفين وانت ماشي ..
اليوم بقى ما ياهو اليوم ..
والسنه بقت زي الشهر والشهر زي اليوم

وما ملاحظين أنو الواحد العمرو 50 سنه ما شاء الله شباب
وزي العمرو 20 سنة ..

الحاصل شنو؟؟

[مدنيّة]

عليك الله يا معتز بعد تعرف كلمني:D

شوف زمان كنا بنقول لاي حاجة مستحيلة انها دي ولا سنة 2000 ما ح تحصل هسي احنا × سنة 2007 ونصها انتهي:(

وكله من عمرنا

[الطويل]

هههههههههههههههههههههههههه

الحاصل أنو الزمن أختلف

وسنة 2000 مازى ال90 وال 80

زمان كان الدنيا بى خيرها زى ما بقولوا جدودنا زمان وصنا على العمل :D

أسى انا عمرى 25 سنه مصلع وشعرى كلو أبيض :D

ولو قلته لى دى وراثه حأرد ليك .....


ماوراثه جدى لليله شعرو فى نص ضهرو وشعرو كلو أسود :D :D

[Madanawi]

والله صدقت يا ود الريح ،،

اليوم بقى زي فكة الريق .. والعمر ما فيهو بركة زي قروش اليومين ديل ،،

الله يستر يا الحبيب .. والجاااي ما معروف كيف ؟؟

[معتز الريح]

الأخت مدنية ..
لو عرفت الحاصل شنو اكيد حا اديك خبر ..
لكن بالله مش ملاحظه الحكاية دي ..
السنين من بدت الألفية التانية دي ماشه باستعجال ..
ما قادرين نركز في اي حاجه - الليله زي أمس زي بكره
السنه - أول السنة - آخر السنة .. رأس السنة الجديدة
بينهم مفقود
لك الشكر ..

[معتز الريح]

الأخ الحبيب أبورانيا ..
ياحبيب انت عارف يا حبيب 3 سنوات من الألفين تساوي 2/1 سنة من حقة التمانينات ..
يا حبيب - على العكس تماماً .. الكبر بقى ما بظهر في الناس زي زمان
أنت شكلك عينة (لكل قاعدة شواذ)
مشكور على المشاركة

[معتز الريح]

الأخ الحبيب الغالي معز طه ..
انت صدقت الكلام البقول فيهو ده ..
نحنا دفعة ودافننو سوا ..
يا حبيب الكبر دخل والأولاد والمسئوليات شغلونا
زمان مافي هموم ..
بقينا ما بنتذكر حاجة .. الذاكرة تعبت من الفيها ..

شايف الموضوع ريحك .. ووقع ليك في جرح ..
لكن وقعتك في الشرك ..

[ترنيمه حزن]

والله يا معتز الحاصل مامعرووف والشي دا بقى حاجه ملاحظه والمشكله انها حاجه مخيفه يعني بس مش سنه 2000 دي كانت امباح والله كان سالتني فيها اقول الحصل بالتفصيل لكن زي مابقولو دا كلو من عمرنا ....
وما ننسى انها من علامات يوم القيامه....
ربنا يسهل الامور ويرحمنا برحمتو الواسعه امين يارب ...
بالجد موضوع يستاهل النقاش تسلللللللللللللللم يا ود الريح

[معتز الريح]

الأخ ترنيمة حزن ..
يعني أنا ما براي الملاحظ الموضوع ده ..
انا اخر مرحله عمرية بتذكرها كده كانت واحد وعشرين سنه..
الباقي ده زي السرقوا مني ..
وقع مني .. ضاع مني ..
صرفتو في شنو ما عارف ..
60 سنه حسه تساوي 40 سنة قديم ..
الناس ماشة صغيره .. والزمان بحسب
كدي فكري معاي ..
الزمن ده شغال بياتو معادله ؟

[ترنيمه حزن]

معادله صعبه غريبه مامعروف الغلط فيييييييييييييييين ؟؟؟؟
المشكله انو انت عملت شنو بردو مامعرووف ؟؟؟؟؟
احساس انو عمرك ماشي في الفاضي ...يعني بعد شويا الله يستر الجاي شنو والحايحصل شنو!!!!!يااخوي العالم كلو بقى مركب بالغلط الصغير كبير ووالعكس الساعه ثانيه والثانيه دقيقه والدقبقه ضااااااااايعه .... والعمر ماشي واحنا ماشين لكن ماشين وييين ...........؟؟ دي المامعروفه ؟؟؟ غايتو انا اول مادخلت الجامعه قلت يالله بتين اصل تالته مااكذب عليك غمضت وفتحت لقيت روحي في تالته كيف ومتين ؟؟؟؟؟؟؟؟ غااااايتو زي مابقولوا قصه .......؟ الله يستر من النهايه...

[معتز الريح]

الأخت ترنيمة حزن ..
أبواللمين بيقول ..
الغريبة الساعة جمبك تبدو اقصر من دقيقة
والدقيقة وانت مافي مرّه مابنقدر نطيقه ..

اظننا قاعدين جمب الزول القاعد جمبو أبواللمين ..
ربما..

[ترنيمه حزن]

هههههههههههههههههه
والله الاحتمالات كترت ودي واحده .... احتمال ...
زي ماقلليك عالم بقى مركب بالغلط.....

[معتز الريح]

أختي العزيزة ..
اظن الموضوع لا يخرج عن زيادة المسئوليات والجري وراء الأرزاق
والله أعلم

[همسة شوق]

الاخ الغالى جدا معتز الريح
ليك وحشة والله
الحقيقة ملاحظتك جميلة جدا ومامعروف الحاصل شنو ؟
لكن شكلو كدة دة اخر الزمان

[معتز الريح]

أووووووووووه - الأخ الحبيب والعزيز مجاهد
تسجيل عتاب - ما بتظهروا إلا مع عزام .. وعزام زاتو بقى يلبد

حسه في زمتك يا مجاهد .. انت مما جيت السعودية ليك كم سنة
بالله مش كأنو امبارح .. وتحسبها تلقاها عشرة سنين

ده كلام ده .. ورينا عمرنا الضاع ده نلقطو من وين تاني
ياخي أظهر ..

[الفارس البنفسجي]

س = س
(س - س) = (س - س)

2(س - س) = (س - س)

بقسمة الطرفين على 2

إذن 2 = 1

[شبارقاوية]

السنين دى لاحقة يوم القيامة العصر
تكون فاكينها بنبلة تكون لاحقة شنو عرفت ؟
كلو من عمرنا
تسلم على الموضوع

[خالد النور]

من علامات يوم القيامة، ربنا يحسن الأعمال
وكل سنة بتنتهى اسرع من السنة القبليها.
( الدنيا ممر والاخرة مقر)

[معتز الريح]

الأخ الفارس ..
الله يرحمك يا استاذ قدوره - كان اثبت ليك انو السنه الفينا دي ما سنة
ممكن تكون جنى سنة .. أو سنه كشت .. أو سنة تقليد ..
لك الشكر

[معتز الريح]

الأخت شبارقاوية ..
انتو متأكدين أنو السنين الفينا دي ميلادية ..
بيني وبينك الصينين ضربوا اي حاجه ..
مش احتمال تكون سنة صينية ..
كدي شوفي الديباجة ..

[معتز الريح]

الأخ الحبيب خالد ..
ممكن نكون عشان نحنا في غربه وطول اليوم في عمل بنحس أنو اليوم قصير .. هل أهلنا هناك بحسو بنفس جري السنين ..
لكن يا خالد السنة بقت بس شهرين يناير وديسمبر
لك الود يازمل ..

[خالد النور]

صدقت يالحبيب، وحتى يناير بقى ين....
وديسمبر بقى ديس... واحيانا مابتقدر تتم ديس تلقى الشهر انتهى
وبرضو فى السودان الأيام بتمر بسرعة يعنى لو مشيت اجازة شهر تمر كانها اسبوع.
والله فواتح بس تلقاها انتهت. الا اذا مطوا السنة وبقوها سنتين..

[معتز الريح]

يا زمل ..
البركة في السنة مفقودة ..
ما وريتني - قريت الديباجة حقتها ..
ياخي الصينين خلونا نشك في أي حاجه

[معتز الريح]

لكن تعرف يا خالد ..
الوحيدين المستفيدين من السرعه دي أخوانا المساجين
وما تقول هم أصلاً سنتهم تسعة شهور ..

[جيفارا]

هههههههههههههههههههههههههه

الحاصل أنو الزمن أختلف

وسنة 2000 مازى ال90 وال 80

زمان كان الدنيا بى خيرها زى ما بقولوا جدودنا زمان وصنا على العمل :D

أسى انا عمرى 25 سنه مصلع وشعرى كلو أبيض :D

ولو قلته لى دى وراثه حأرد ليك .....


ماوراثه جدى لليله شعرو فى نص ضهرو وشعرو كلو أسود :D :D



بمناسبة الصلعة أنا ما عامل ليك بوست كامل


بصراحة حاولت اعمل معاكم مداخلة وما عرفتة لانو في واحد مرسل لي كلام جميل ونقول أمين وكل شئ جائز

السودان عالم 3001

المنتخب البرازيلي لكرة القدم يفاجئ العالم و يهزم المنتخب السوداني بهدفين
نظيفين ضمن جولة المنتخب السوداني حول العالم استعدادا لمونديال السودان 3002
السودان تفرض عقوبات على روسيا بسبب النفايات النووية

القوات السودانية تجتاح لندن ضمن خطتها للقضاء على الإرهاب
المعونات السودانية تصل إلى واشنطن لمساعدة منكوبي الفيضانات
المكوك الفضائي سودانيز 11 يصل إلى زحل بحثا عن الحياة هناك
اجتماع الرئيس الفلسطيني برئيس الوزراءالإسرائيلي في الخرطوم لعقد هدنة بين
الطرفين

قمة الثماني تجتمع في جوبا و الرئيس السوداني يقرر اعفاء 50 مليار جنيه من
الديون على دول أمريكا الجنوبية و الوسطى و أستراليا

تفجيرات تهز وسط مدينة رمبيك و مجلس الأمن يعقد جلسة طارئة لمناقشة الوضع
الرئيس السوداني يلتقي قرينه الياباني في منتجع أمبدة لبحث
الوضع الإنساني المتأزم بسبب المجاعة في الخليج العربي
السودان تمنح 50000 فيزا سنويا للإقامة الدائمة والعمل به

السودان تصدر مياه النيل الى اوكرانيا لشح المياه هناك بسسب تجمدها نظرا للبرد
القارس.
اللاجئون الصينيون المتدفقون الى واو يطالبون بحق تقرير المصير و يرجون عدم
ارجاعهم الى الصين.
عالم سوداني يكتشف علاجا لمرض الايزد الذي ظهر بسسب أدوية ولقاحات مرض الإيدز.
شركة موبيتل تدشن خدمة انتقال المستخدم نفسه من موقع الى آخر عن طريق جهاز
الأشعة فوق السوداء وستطرح الخدمة قريبا في الأسواق الافريقية.
الهلال و المريخ يتعادلان سلبيا في دوري الدرجة الثالثة

منقول طبعا

[معتز الريح]

الحبيب جيفارا ..
شكراً للإضافة الجميله للموضوع ..
لكن صدقني يا حبيب ..
بالشي الشايفو أنا ده سنة 6000 الكلام ده ما حيحصل ..
أنا السمعتو أنو السودان حيتسيد الأرض سنة 3000 ..
لانو باقي الدول طلعو سكنو في كوكب تاني ..
وبعدين سنة 3000 دي مش الفيها ألانا Alana بتاعة مركبة المستقبل..

[صالح شرف]

نعم...

اللهم اجعل خير عملي اقربه إلي اجلي....

واللهم ... زد في بركة عمري... واعمار من قرا... رد وتعليقي...

واللهم ببركة قول حبيبك ... وشفيعنا نحن...عبيدك...
يا حي يا دائم يا باقي يا وارث ... يا متين...

اجرنا من خزي يوم الدنيا...


(...............باينلها اقربت................)

الله يصلح العمل ... ويزكي النفوس...


وكان حيين بنتلاقي...


صااااااااااااااااااااااااااااااالح

[معتز الريح]

الأخ الحبيب شرف ..
مشكور على الدعاء المفيد .. ونقول آآآآآآآآآآآمين يا رب
اللهم أجعل خير أعمالنا خواتيمها ..

كدي حسه ما في طريقة نرجع حركة ورا ..
الله يهون القواسي

[صالح شرف]

نرجع وين يا حبيب...
كدي (بركة الما بقت كديس ...الكي بورت قرب يسويها)
كدي خلينا في بكرة وهم بكرة...
والله يجيب العواقب سليمة


صااااااااااااااااااااالح

[معتز الريح]

الأخ الحبيب صالح الصالح ..
ياحبيب زي ما قلت حركة ورا دي زاتها خسرانه ..
حسه ترجع عمرك شوية - ناس التجنيد يبشتنوك ..

ملاحظه .. أنا لسه سنة ميلادي ما دخلت زون التجنيد ..

[صالح شرف]

صدقتَ....
صدق ....

صدقتَ....




ألف مرحب...

يا حبيب إنت كنت جمب نابليون لمن قال يعمل جيش ....
أنا في....بس شايفك ....

[معتز الريح]

الأخ صالح الصالح ..
ياخي أنت عارف انا شغال بحساب 3 سنين من عينة سنة ألفين تساوي 2/1 سنه قديم عينة الثمانينات ..
في السودان تسأل الواحد من الساعة .. يقوم ليك الساعه 6 قديم - بنقصها ساعة ..
تسألو من السعر يقول ليك 1000 جنيه قديم ..
تسألني من عمري بقول ليك 10 سنه قديم ..
أها انا حاسب بالقديم .. ولي حسه بره زون التجنيد ..

[معتز الريح]

الحبايب ..
الحكاية ما كلها سيئات .. بالعكس فيها كتير من الحسنات
مثلاً ..
1. الخميس بجي سريع ..
2. لي ناس المرتبات .. تغمض وتفتح وتلقى الراتب المستحق جاء ..
(رواتبكم بتتأخر ما بتتأخر ما شغلتي)
3. كما ذكرنا سابقين (المساجين في نعيم)
4. المنتظر ليهو زول يجي من بره (يغمض ويفتح ويلقاهو قدامو)
5. الأولاد بكبروا سرعة ويشيلوا معاك الشيلة
6. كتير ....................

السيئات ..
1. العمر جاري ..
2. الايجار بجيك سريع
3. الفواتير الشهرية ياساتر..
4. أمراض الكبر بتجيك سرعه (الكرعين والضغط والسكر وغيرهم)
5. كتيييييييييير

[مختار بازى]

والله دا مسلسل ما عندو حلقة اخيرة الا الواحد .......................؟؟
وان شاء الله بعد خرف مع انو كلامك بيقول الخرف مننا قريب وجدا

دمت

[معتز الريح]

الأخ الحبيب مختار بازي ..
شكراً على المشاركة ..
لكن في سؤال : البنعمل فيهو ده شنو؟
ده ما الخرف ذاتو ..

[nasir]

اخي معتز سنهوري كل الود
ح اقوليك موقفين حصلن لي انا
1/ انا اشتغلت في السودان في الادارة المركزية اكثر من عشرة سنة وخلالها درست الجامعة
وكنت بلعب كورة في هذه الفترة اتذكر كل الاحداث بالتفصيل الممل والان مغتتتتتتتتتتتتتتتتتتتتتترب
اكثر من ست سنوات ذي اليوم كاني عملت الاجراءات وجئت السعودية الحمدلله
2/في احدي المرات سالتني ام ميدو الليلة شنو في الايام ؟؟؟؟!!!
كان ردي كالاتي يوم تشوفيني لابس كرفته يعني السبت حتي الاربعاء ويوم تشوفيني لابس تي شيرت ده الخميس ويوم تشوفيني لابس جلابية معناها الجمعة وكل الاشياء ده اضربها في 4 يعني الشهر انتهي !! واضربيها في 12 السنة برضو بتكون انتهت وعشان تعرفي السنة فيها الايجار مرتين وتجديد الاقامة مرة ده حساب السنة عندنا نحن في السعودية
رايك شنو في الحساب ده (وعلي فكره انا محلل مالي) ههههههههههههه

[مختار بازى]

الأخ الحبيب مختار بازي ..
شكراً على المشاركة ..
لكن في سؤال : البنعمل فيهو ده شنو؟
ده ما الخرف ذاتو ..

دا والله لو ما الخرف بيكون خرف الا .

يسلموووووووووو ود الريح

[معتز الريح]

حبيبنا العزيز الغالي ناصر ..
كلامك ده ما المجنن بوبي زاتووووووووو
وحساباتك مظبوطة ألف ..
انا ما عارف - امكن السبب في السعودية والشغل والدوام
امكن السبب نسوانا (الساعة جمبك تبدو أقصر من دقيقة)
امكن الشغل الما بنتهي ..

كدي يا ناصر حلل لينا النشوف الحاصل شنو ..

زكرى التونسية قالت يوم ليك ويوم عليك ..
يا كافي البلا نحنا الأيام والسنين كلها علينا

البوست ده محتاج منك زيارة تاني ..
لك الحب

[معتز الريح]

الحبيب مختار ..
زمان جدودنا لما يحصلوا المية ويلزم السرير ويتكلم ساي بقولوا خرف

سمعت بالخرف المبكر ..
ده الحالة العلينا ..

أسمع الخرف المبكر ده بصحو ليهو الساعة كم ..
تسلم انت يا غالي

[مختار بازى]

الحبيب مختار ..
زمان جدودنا لما يحصلوا المية ويلزم السرير ويتكلم ساي بقولوا خرف

سمعت بالخرف المبكر ..
ده الحالة العلينا ..

أسمع الخرف المبكر ده بصحو ليهو الساعة كم ..
تسلم انت يا غالي

علي ما اعتقد كدا عشرة صباحا:D
دمت

[معتز الريح]

ايجابيات جري السنين برضو

* الخطيبها قال ليها العرس بعد خمسة سنين .. ما كتير
(بس ما تنسى تسأل الثعلب ده 5 سنين قديم ولا جديد) ..

* الإجازه السنوية تجي سريع ..
(وللاسف بتنتهي سريع)

* مدني الخرطوم (زمان تلاتة ساعات وفي مقولة 3 ونص)
حسه ساعتين بالكتير .. تشوف فلم وتاكل حلاوه وتشرب عصير تكون وصلت ..

وزي كده كتير

[معتز الريح]

الحبيب مختار ..
10 صباحاً قديم ولا جديد ؟
محبتي

[nasir]

معتز سنهوري مدخلتي الاولي كانت الصباح اسع رجعت لقيت كثير من المدخلات مع اني شربت شاي مااتغديت
وتعرف حكاية الدقيقة تبدو جنبك اقصر من دقيقة!
زمان كنا بنفطر ونتظر الغدا ونمشي التمرين والسينما يكون العشاء لسع
الان والله تصحي الصباح الغداء علي طول تصلي العشاء تشرب شاي الصباح (مسطول مايقدر يحلله)
والله مرات ارجع من الدوامالاول الساعة اتناشر علي طول اجهز لدوام العصر يعني كونك تغير ملابسك ده حلم والله لكن من الحسنات انو ام ميدو ظابطت المواعيد بحضوري وخروجي والحمدلله

[معتز الريح]

الغالي ناصر ..
الأيام زمان فيها بركة .. تعمل أي شي برواقة .. وتلقى الزمن معاك ..
انت لاعب كوره .. زمان الكوره لو مغلوب خمسه ما مشكلة براحه بتتعادل (الزمن مساعد)
حسه لو مغلوب واحد من الدقيقة الأولى مافي امل للتعادل - حاجه عجيبة

دوام الصباح ودوام المساء حاجه لا توصف .. تلقى الأول لسه ما انتهى يدخل عليك الدوام التاني
(واسعة شويه - صاح)
ياحبيب مشكور كتير ..

منتظرين جيتك عمره انت والاسرة لزيارتنا ..
ما تقول لي جينا ورجعنا والزمن سرقنا .. ما علي الكلام ده

بره الموضوع ..
ميدو ده اسم ولدك ولا اسم دلعو

[مختار بازى]

الحبيب مختار ..
10 صباحاً قديم ولا جديد ؟
محبتي

بالقديم 4 بالجديد 10

يسلموووووو

[معتز الريح]

يا مخوووووو ..
عشان اثبت ليك كلامي ..
الليله يوم الخميس ..
صدقني وأنا جاد جداً الأسبوع ده ما بتذكر فيها ولا حاجه
بس يوم السبت (عشان يوم الاستحمام) ..
الباقي ده مشى كيف .. بالجد ماعارف ..

[خالد النور]

ما بعيده على ربنا سبحانه وتعالى

[معتز الريح]

الحبيب أبومحمد ..
واحد من الظرفاء اطلع على عنوان البوست ..
قال لي السنين ما لاحقة حاجه لكن ملحقانا أمات طـــــــــه ..
لك وله التحية

[معتز حمدتو]

تعرف يامعتز حسابك ده حساب زول (( مازول فرده )) زهجان من الغربة لما قف تأمل
بعدين حكاية جديد ولا قديم بقت ذي ساعة السودان !!!!
واحد مضايق شديد بعدين قال لجماعة عزابه كده والله الغربة ده خلت الواحد اطلع من طورُ رد واحد قال ليه اصلُ اول عشره سنوات كده .... الكترابه عشره قديمه ولا جديده ....
لك الود ود الريح

[رضا حسن محمد]

يا معتز ازيك
البست فى قمةالروعة
واحد فى السعودية مرتو ادتو البنطلون والقميص عشان يلبس ويمشى الشغل وهى نامت وهو مشى الشغل وجا وهى جاتا صحية كدى وقالن ليهو ليهو انت لسع ما مشيت الشغل؟
بعدين يا معتزالريح انت هشام الريح اخوك ولا شبه صورة واسم
والتحية عبرك لناصر الذيذ
سلملم

[معتز الريح]

الحبيب معتز حمدتو (بصراحة خايف أقول اللقب)

زمااااااااااان كان لما نسمع زول ليهومغترب 10 سنين من البلد ..
نحتار ونقول كيف قدر يقعد المدة الطويلة دي ..
وطوالي التفكير يمشي لأنو الراجل ده أبوالروقه والقروش

ياخي كنا غلطانين
ما تنقطع

[معتز الريح]

الحبيب رضا ..
تشكر على كلماتك ..

واحد من الزهجانين قال انتو يالمغتربين تحسو بالزمن كيف
مرتاحين ومبسوطين .. يا بتاكلو يا نايمين في المكيفات ..
قلت ليهو تبدل؟ قال لي لا الملاريا دي أخليها لمنو؟

ياسيدي لو بتعرف عزام وصداح ومحمد وسنهوري الريح بتكون وصلت ..
كدي جيب لي الاسم الثالث لهشام الريح ..
الحاج (ربنا يحفظو) عرس من ورانا ولا شنو ؟؟

[صلاح الدين محمد]

تعرف يا عزو انو الواحد تسالو كم عمرك اقول ليك مثلا36 سنة وعادي وواحد تاني اقول ليك

عمري44 سنة والواحد سبحان الله بكون شايف نفسو لسا صغير وبكون ما متزوج ولا مرتب

حياتو علي اساس انو كبر فسبحان الله ما تعرف الناس ده بقي ما عندها احساس بالزمن ولا

الزمن نسي الناس اعمارا.

[رضا حسن محمد]

الحبيب رضا ..
تشكر على كلماتك ..

واحد من الزهجانين قال انتو يالمغتربين تحسو بالزمن كيف
مرتاحين ومبسوطين .. يا بتاكلو يا نايمين في المكيفات ..
قلت ليهو تبدل؟ قال لي لا الملاريا دي أخليها لمنو؟

ياسيدي لو بتعرف عزام وصداح ومحمد وسنهوري الريح بتكون وصلت ..
كدي جيب لي الاسم الثالث لهشام الريح ..
الحاج (ربنا يحفظو) عرس من ورانا ولا شنو ؟؟
معتز سلامين

هشام الريح دة كان بيقرا معلى فى مدنى الثانوية وكان حارس فريق النيل وحارس مدنى الثانوية
كدى شوف حكايةعرس الحاج دى لنو يشبهك شبه العريش لكن ابوهو ما كان سنهورى
تسام يا جميل

[ريموز]

]الاخ معتز
زماان حببوتى بتقول الدنيا طايرة وين؟؟؟ ربنا يرحمها ويحسن اليها
حسى كان جينا سالنا اسئله منطقيه اليوم ياهو زاتو يوم 24 ساعه لا زاد لا نقص بس زالت منو البركه زمان الناس اليوم تسوى فيها جنس سوا يحلف ما يكمل حسى اليوم يادوب بوديك مشوار مشوارين مع انو زمان المواصلات بطيئه وحسى الناس تطير طيران عشان تحلق ما بتلحق .
زمان زمن الدنيا بى خاطرها والقعويه بى راجلها:D الحول بعيد وطويل وعاد بقولو لليك سنه للحول وييييييييك شى كتير خلاص الا حسى بعد القعوية هجرت راجلها والدنيا طار خاكرها بقت الحول سنه وبمشى وبجى فى غمضة عين وكلو محسوب من اعمارنا .
نجى نشوف الحاجات الزالت منها البركه زمن ناس حبوبه بقولو بقولو الجنية بسوى وبسوى وحسى الجنيه ياما ماسوف عليه بقينا زاتو ما فرازينو جنية ولا الف جنيه العارف يورينى الجنية بساوى كم وبجيب شنو من الدكان؟؟؟:confused:
التانى الطارت منو البركه الاكل زمان الناس تتلم فى قدح واحد وياكل البيت والجيران وناس الحله الناس سمان وامان شبعانين حسى الحلل ميه والناس جعانه :eek:
اها الطارت منو البركه العلم الناس دى كلها اتعلمت والناس كلها قرت وبقت دكاترة ماشاء الله بس وجودهم زى عدمهم.
وييييك جنس حاجات طارت منها البركه اكان قعدنا حسبنا نملا المنتدى ده فوق وتحت وما بنحوق اخرها :mad:
[/COLOR]

[معتز الريح]

الحبيب أبا ..
ملاحظتك تدل على شدتك ..
تصدق يا حبيب انا قلتها في الأول عمر 60 سنه حسه يساوي عمر 40 قديم .. يعني قمة الشباب .. وعادي جداً ممكن تظبط الجنز والتي شيرتات .. والألوان الزهزهية ..

أها دي نحسبها مع الفوائد ولا كيف؟؟

[معتز الريح]

الحبيب رضا حسن محمد ..
التحية للأخ هشام الريح الرجل الرياضي ..
أنا برضو قريت في مدني الثانوية في زمن من الأزمان ..
ويخلق من الشبه أربعين

[معتز الريح]

الأخت ريموز ..
الله يرحم حبوبتك ..
كان حضرت الزمن ده كان احتارت ..

اضافتك جميله .. وبالمناسبة ممكن أطلع بجزء من المعادله البنفتش ليها

اليوم = 24 ساعة = مشوارين فقط في مدني
اليوم = 24 ساعة = مشوار واحد من أم در للخرطوم وممكن ما تنجز

يديك العافية

[ابوالنور]

تسلم اخي معتز والي الامام دوما

[معتز الريح]

الأخ الحبيب أبو النور ..
تشكر يا سيدي .. لكن ما وريتنا انت رايك شنو في الكلام ده ..

[معتز الريح]

الأخت ريموز ..
ذكرتيني فائده من فوائد جري السنين

درب السلامة للحول قريب ..
والحول بقى غمضة عين ..

[yasir]

جيفارا
انت جادى؟
ود الريح دا نحنا من زمان عارفنو طالق وفالت انت مالك

[yasir]

الحبيب ود الريح لك كل الود
الغربه ماغيرت فيك اى حاجه ياكا ودالريح

[معتز الريح]

ياسر كابو شخصياً ..
ما معقول ..
حسه في زمتك انا لي منك كم سنه ..
مازي امبارح ..
ياخي مشتاقين .. لكن ما تقول لي ..
عيني بارده .. وماشاء الله

[رضا حسن محمد]

يا زمان يا ود الريح
الدستة اربعة وعشرين حبة
وجوز الحمام تلاتة فرد

[رضا حسن محمد]

الغريبة يا ود الريح
الزمن فى السعودية بيمر اسرع منو فى السودان
يا ربى دة من شنو
مش ياها الساعة نفس الساعة

[معتز الريح]

الحبيب رضا ..
الساعة في السعودية يا راجل ساعه عندها لياقه
عصيرات بيتزات سكريات .. عشان كده الزمن جرااااااي

أسمع .. حقو نطالب أنو نكشف عليها كشف المنشطات ..
ياخي احترنا

[Madanawi]

يا ود الريح كدي ما تنزل الورقة الشايلة دي وتكسب زمنك .. من ما جيت المنتدى دا شايلها ،،

[معتز الريح]

يا ود الريح كدي ما تنزل الورقة الشايلة دي وتكسب زمنك .. من ما جيت المنتدى دا شايلها ،،

مش لمان تزل الشنطه دي ..
ليك وحشه .. ومنتظرك

[معتز الريح]

أها يا أخوانا ..
معقوله .. الليله الثلاثاء وبكره السبت ..
ده ما كلام غريب

[طارق محمد الحسن]

واللة السنين دى بقت جارية جرى عجيب الاسبوع يمر تقول تلاتة يوم والشهر زى الاسبوع غايتو اللة يحم ايام زمان

[معتز الريح]

واللة السنين دى بقت جارية جرى عجيب الاسبوع يمر تقول تلاتة يوم والشهر زى الاسبوع غايتو اللة يحم ايام زمان

الحبيب طارق ..
مرورك نور البوست ..

يازول دي قصه أخرها لسه ..
خليك قريب نشوف الحكاية شنو؟

[جيفارا]

جيفارا
انت جادى؟
ود الريح دا نحنا من زمان عارفنو طالق وفالت انت مالك





والله يا ياسر أنــــــــــا مشكلتي لا دكتور وحاجة ياريت لوكنت دكتور .

[معتز الريح]

الحبيب جيفارا ..
يا ريت لو كلنا بقينا دكاتره ..
لكن حسه مشكلتنا في السنين البتجري دي ..

بره الموضوع ..
البوست اللذيذ حق معاناة واحد مصلع وديتو وين

[mcreio]

يالحبايب

انتو ما عارفين ساى والله زمن ياهو الزمن والايام ياها سبت احد اثنين ...........

لكن الاتغيرت النفوس ... وكل واحد برايو

فى ناس بتكبر وبتحس بالزمن وفى ناس العكس

ويا ود الريح الله يجازى محنك

[جيفارا]

الحبيب جيفارا ..
يا ريت لو كلنا بقينا دكاتره ..
لكن حسه مشكلتنا في السنين البتجري دي ..

بره الموضوع ..
البوست اللذيذ حق معاناة واحد مصلع وديتو وين




حسام ( حسكو ) أبوطاقية عمل مشاكل وقال الناس كلها ما كانت عارف انو عندو صلعة وبقى كل ما واحد يلاقيهو يسالو عن موضوع الصلعة والخلاهو يضايق انو الناس البتسأل حتى ما بعرفوا حاجة اسمها منتديات ههههههههههههههههههههههههههههههه

[معتز الريح]

يالحبايب
انتو ما عارفين ساى والله زمن ياهو الزمن والايام ياها سبت احد اثنين ...........
لكن الاتغيرت النفوس ... وكل واحد برايو
فى ناس بتكبر وبتحس بالزمن وفى ناس العكس
ويا ود الريح الله يجازى محنك

الحبيب ود يونس ..
اها نحنا الناس البنكبر وحاسين بالزمن
انت معانا ولا مع الخيانه ..

منتظر ردك

[رضاك ياصفيه]

هوووووووووووي ما فكها فينا زمن شنو الاختلف دا الكبر يا خوي الله اعينك
الواحد لم اكبر المفروض ما اتكلم اي كلام وبعدين عاين لظارتك بقت زي قعر الفجان
يعني شهر واحد الا طشاش بطيرررررررررررررررررررررررررررررر وين
ههههههههههههه قال الزمن اختلف


رضاك يا صفيه

[رضاك ياصفيه]

؟؟؟؟؟








رضاك ياصفيه

[رضاك ياصفيه]

هوووووووووووي ما فكها فينا زمن شنو الاختلف دا الكبر يا خوي الله اعينك
الواحد لم اكبر المفروض ما اتكلم اي كلام وبعدين عاين لظارتك بقت زي قعر الفجان
يعني شهر واحد الا طشاش بطيرررررررررررررررررررررررررررررر وين
ههههههههههههه قال الزمن اختلف


رضاك يا صفيه

[معتز الريح]

هوووووووووووي ما فكها فينا زمن شنو الاختلف دا الكبر يا خوي الله اعينك
الواحد لم اكبر المفروض ما اتكلم اي كلام وبعدين عاين لظارتك بقت زي قعر الفجان
يعني شهر واحد الا طشاش بطيرررررررررررررررررررررررررررررر وين
ههههههههههههه قال الزمن اختلف


رضاك يا صفيه

تشكر يا حلو

[رضاك ياصفيه]

دا كلام كبر الله اعينك مافي اي اختلاف ما فكها فينا

رضاك يا صفيه

[معتز الريح]

دا كلام كبر الله اعينك مافي اي اختلاف ما فكها فينا
رضاك يا صفيه

الأخ علاء ..
عرفناهو الكبر .. عندك أي إضافه تاني ؟؟

[رضاك ياصفيه]

ايوه في عليك بتمر عشان ما تكبر بسرعه

رضاك يا صفيه

[معتز الريح]

الأخ علاء ..
من دربنا ده على التمر .. النشوفو بوقف السنين دي شويه
مشكور

[هاني 2]

الموضوع رائع يابو النسب ..... لكن انا وجهت نظري السرعة بسبب تغير العالم صار ايقاع الحياة سريع جدا كل شي بسرعة ، دا عصر الكومبيوتر والنت العالم صغير وكلو في متناول اليد عشان كدا .... الواحد امشي وما اعاين وراهو في شنو ... لانو لو حاول اتلفت ح القي الجماعة فااااااااااااااااااااتو خلو
ويازمان ارجع تعال .... احنا صرنا ما ذي زمان

[معتز الريح]

الواحد امشي وما اعاين وراهو في شنو

الحبيب أبوالنسب ..
البوست نور بمداخلتك ..

كلامك جميل .. لكن عصر السرعه أثر في الزمن
زمان قالو الدقيقة 60 ثانية والساعة 60 دقيقة يعني دي ثوابت
رجعو في كلامهم ولا شنو؟

ولو نصيحتك الفوق دي بتوقف الزمن
تاني كان راجع خلف ما بعاين وراي
تسلم يا حبيب

[معتز الريح]

اها يا أخوانا .. ده كلام ..
الليله الخميس شهر 7 / 2007

ده كلام ده

[السباعي]

ياخي موضوعك مبالغة دة ناقلو من وين دة.....عجبتني القوات السودانية ...

وما عجبتني الهدنة بين فلسطين واسرائيل

[معتز الريح]

ياخي موضوعك مبالغة دة ناقلو من وين دة ..

عليك الله يا السباعي .. جري السنين ده داير ليهو نقل
ياخي احترنا

[معتز الريح]

وأسبوع تاني انتهى ..
ويومين والسنة تنتهي ..

مافي طريقة للعرض البطئ؟؟

[معتز الريح]

رمضان جانا .. وفرحنا بو بعد غيابو ..
أهلاً رمضان .. رمضان جانا ..

والحج على الأبواب ..
والحسابة بتحسب ..

[مثني ودالعيكوره]

والله يا ود الريح ... جري السنين دا ياهو ذاتو (الجنن بوبي)

مشكور علي الموضوع

[معتز الريح]

جري السنين دا ياهو ذاتو (الجنن بوبي)


مثنى يا حبيب ..
في ميزان حسناتنا إن شاء الله ..

[معتز الريح]

غمضنا وفتحنا ..
والليه رمضان ليهو اربعة يوم ..
معقولة ؟؟

[جيفارا]

ما عارف اقول ليك شنو يا ود الريح

بس رمضان كريم

وانتظرني بعد رمضان حا اعمل ليك غنية السنين

[عبدالرحيم سعيد]

ياأخوة(تقارب الزمان من علامات الساعة) كما جاء في الاخبار حتي تكون السنة كيوم فلننتبه