الكلام ده صح .. زول يفهمنا !!!!

[Bet-alsudan]

يا جماعة وبعدين في الكلام ده .. الكسل الكسل الكسل وبعدين يعني نحن جد كسلانين والنكت دي شنو بالظبط البتطلع علينا ..يا جماعة الموضوع ده جادي للنقاش لازم نلقى حل .. الكلام ده ما صح في حقنا .. انا وحده مغتربة وجد شايفة الكلام ده بعيني .. ( الســـــودانين كســلانــين)
ده بقى موضوعم .. شنو ؟؟؟!؟؟؟؟!؟ حنفضل ساكتين كده ... ارجوكم خدو الموضوع ده بعين الاعتبار ..
دمتم على الطاعة دائما

[مدنيّة]

والله يابنوتة اعتقد انها دي بقت سمعة لكل السودانيين بالخارج

وانا قبل كدا سمعتها من غير السودانيين بس الايام دي قايمين فيها قومة شديدة وانا كمان بتساءل معك هل فعلا دي صورتنا في الخارج !!!:(

مع انه داخل السودان مافي مقولة زي دي

[محمد السر احمد]

والله كضابين والله برا السودانين شغالين شغل الجن
والشغل كلو فوق راسهم
والواحد كان قالو ليهو امش اشتغل في السودان ذي شغلك دا ما يشتغل
بس نحنا كان لقينا الامكانيات ما عندنا مشكلة
شكرا بت السودان علي الموضوع

[Bet-alsudan]

يا مدنية قلتليك ده موضوعم .. انا جد ما تتصوري قدر شنو بتغاز لمن يقولو كده بتغاااااز وجد بزعل ما برضاها .. ودي فعلا صورة السودانين برة السودان او بالاحرى الصورة الاولى عنهم .. ترضوهااا يا جماعة ؟؟!؟!؟

[Bet-alsudan]

اخونا محمد السر صح معاك حق في كلامك .. لكن الموضوع ده منتشر بي شدة في اي مكااان النكت الكل يوم بطلعوها دي انت ما سمعتها .. الله يصلح الجميع بس ..

شكرا على المرور

[محمد مصطفي]

السلام عليكم

والله يا بت السودان ده الحاصل في السودان ويا مدنية قلتي مافي مقوله زي دي كيف مافي
خشي اي مكتب لي اي مسؤوال شوفي الحاصل شنو بتلقي عندو سرير في المكتب بتاعو
خلي المسؤول امشي اشتري من اي سوبر ماركت بتلقي انو بتاع السوبر ماركت عندو عنقريب وتلقي راقد ونايم الا تدقي ليه الدكان عشان اقوم


ابقي كيف ما كسلانين


انا عندي ود خالتي شغال في الرئاسه بتاعت مدني عسكري يعني قال الضابط فلان ما متزكر اسمو عندو برنده داخل المكتب بتاعو ابقي كيف ما كسلانين ديل جاين اشتقلو ولا انومو

ابقي الكسل حاصل



ودمتو بود ،،،،،

[محمد السر احمد]

اخونا محمد السر صح معاك حق في كلامك .. لكن الموضوع ده منتشر بي شدة في اي مكااان النكت الكل يوم بطلعوها دي انت ما سمعتها .. الله يصلح الجميع بس ..

شكرا على المرور

ديل ما عندهم موضوع السودانين ديل هم بنوا الخليج كلو
والعملهو ما في زول سواهو
اسه تمشي اي مكان في البنيات التحيته في كل دول الخليخ تلقي السودانين
موجودين وانجازهم واضحة
وشكرا علي اهتمامك بت السودان

[Madanawi]

الحقيقة دي اشاعة ملازمة للسودانيين .. وأكرر أنها اشاعة ، السودانيين الشفتهم انا شغالين خارج السودان بالجد زي الطواحين بيشتغلو ليل ونهار .. وقد قدموا اسهامات وانجازات كبيرة في مواقع عملهم المختلفة .. وبيسكبو العرق عشان لقمة عيش نظيفة .. الأمانة أيضاً صفة حميدة و يتصف بها السودانيون ليسو هم فقط وانما هم اكثر من غيرهم من الشعوب لذلك الكثير من أصحاب الاعمال والشركات ترغب في توظيفهم اكثر من غيرهم!! ممكن يكون الوضع في السودان مختلف فالعائد المادي نوعاً ما قليل مقابل الخدمات التي يؤديها الموظف.

[بنت الرفاعي]

بالمناسبة الموضوع ده من زماان منتشر بتذكر مرة أيام ماكنت في الثانوي قبل عدة سنوات (لما كنت محسوبة من المغتربين يعني) في أستاذة قالت لي بيقولوا السودانيين كسلانين سألتها القال ليك منو قالت لي في النت موجود الكلام ده, طبعا إستغربت كيف ممكن كلام في النت ولو بالغلط يأثر للدرجة دي! في حين إنو هم ذاتهم كسلهم عينة مثلا الخدامة تجيب لي الواحد فيهم الموية لحدي عندو يعني حركة من السرير مافي حتى الأكل ده بيطبخو ليهم ده كلام ده وقال السودانيين كسلانين, وبعدين خير ياطير النبقى كسلانين مش قايمين بواجباتنا؟؟!!
وماتزعلي يا بتنا أبدا والعارف عزو الريح مابتهزو. وبعدين البقول ليك السودانيين كسلانين وبالذات الخليجيين ردي ليهو بكسلهم هم وأعرفي ردي وسكتيهم مرة واحدة.

[Bet-alsudan]

اخونا كبك .. انا صحي شايفة السراير في اي مكان عمل في السودان ما عارفة الحكمة شنو ما بنوم اليل ولا كيف ؟؟؟؟ غايتو ما عارفة الحكاية دي غريبة جدا ... اعيد ازيد وادعي ربنا يهدي الجميع ...

دمت على الطاعة

[Bet-alsudan]

اخونا محمد السر .. والله انا معااك في الكلام ده لكن تقول شنو بس .. نحن نشتغل ونحن النلقى الاهانة منهم ...

شكرا على المتابعة

[Bet-alsudan]

مشرفنا الكـــــبير مدناوي ... والله صح معاك حق المغتربين شغالين بس هم لازم يشتغلو اها كان ما اشتغلو مغتربين لي طيب ؟؟ يا جماعة انت ما سامعيين وحاااة الله حاجة تشيب الراس

شكرا على المرور

[محمد السر احمد]

اخونا محمد السر .. والله انا معااك في الكلام ده لكن تقول شنو بس .. نحن نشتغل ونحن النلقى الاهانة منهم ...

شكرا على المتابعة


شوفو كل الخليج بعمل للسودانين الف حساب لانهم عاريفين لو قاموا
صعبين عشان كدا ما زول بقدر يهنهم ولا بالغلط لانو عارف البحصل ليهو شنو
وشكرا ليك كتير
كنا للناس رمز طيبة
كنا عنوان للشباب
ولسه تاهين لينا مدة
بنجري من خلف السراب
وتاني ما تقول اتنهينا بتنهي جيل بنظر الينا
دا باني امالو وطموحو
و معتمد ابدا علينا
نحن قلب الدينا جينا
عز الدينا بينانحن

[Bet-alsudan]

صحي والله يا مرام كلامك ده اكبر دليل انهم كسلانين طيب انا احكيليك القصة دي وحصلت معاي السنة دي في المدرسة ( مرة بنت سودانية في صفي قالت يا ابلة ضروري نعمل كده كده قالت ايوة لازم تحلو المسالة بدقة عشان تاخدو علامة الكاملة وقبلت للبت وقاتليها طبعا لازم تقولي كده ما انتي ( ســـــــــو دانــــية ) ) اتخيلو الموقف انا جد ما عرفت اعمل شنو في اللحظة ديك ... الله يدي العافية بس يا مرام ..
شكرا على مرورك ..

[Bet-alsudan]

اخونا محمد السر لكن هم اهانونا وخلصو .. القالو قالو بالنكت كمااان .. دي الحاجة البتزعل ما اعتقد في زول برضاها على اهل بلدو ...

شكرا وشكرا على المتابعة :)

[الطويل]

الصراحه راحه

السودانين داخل السودان غير كسالا

أما خارج السودان البعض منهم كسالا وذلك بسبب البلد الموجودين فيها لأن كل أهله كسالا

وهذا الكلام بدلائل والله


رأيك شنو لو نعمل للسودانين أمتحان فى الكسالا :D :D

[Bet-alsudan]

يا ابو رانيا .. والله انت ما عارف شي انت بس اسمع واحد فيهم اسمع نكتة طيب واحكم برااك .. برة ولا جوه هم قصدم سودانين بشكل عاااااام ... يا جماااعة يا جماعة الكلام جد بزعل والله بزعل ...

[الطويل]

يا ابو رانيا .. والله انت ما عارف شي انت بس اسمع واحد فيهم اسمع نكتة طيب واحكم برااك .. برة ولا جوه هم قصدم سودانين بشكل عاااااام ... يا جماااعة يا جماعة الكلام جد بزعل والله بزعل ...


بالعكس يابت السودان انا بأيدك بى نسبة 100% والله

وواعى للكلام ده مظبوط

وانا قلته ليك عندى دلائل والله العظيم

وبعدين الخير بخص والشر بعم

كسووول سودانى واحد يكفى لتعم المشكله

طيب أسمعى النكته دى بقولوها أهلنا السعوودين فينا نحنا السوودانين

( فى السودان البصحى من النوم أول بعينوووه رئيس للسووودان )

[محمد أحمد الشيخ]

تعالي يا بتنا نوريك الحكايه من أولا

طبعا من زمن طويل وأول ما بدأت دول الخليج في النمو بدأ تدافق الأخوه العرب أليها وخاصه الأخوه المصريين ( الله أديهم العافيه ) ولكن عندما وصلو الي كل من الأمارات والسعوديه وجدو السودانيين مسيطريين علي جميع الوظائف العالية هناك ، ولكي أمثله بسيطه (بلديه أبوظبي ، بلديه دبي ، التعليم ، المحكمه العليا ، الجيش ، الشرطه ، الخ.... ) فكان لا بد لهم من نشرهذه الشائعة لكي يجدو لهم مكان . فكان لهم هذا ونجحوا فيه . وهذا ما لازمنا الي يومنا هذا .

ولكي كل الشكر علي طرح الموضوع بتنا

[مختار بازى]

والله ياBet-alsudan
الموضوع داير وقفة بالحيل عشان نوري الناس ديل نحنا عكس الكلام دا
لكن الواقع والحقيقة بيقولو عكس ذالك

ودمتي

[Bet-alsudan]

ابو رانيا .. لكن دي مشكلة كبيرة لازم نلقى الحل ليها ... شكرا على متابعتك للموضوع

[Bet-alsudan]

اخونا محمد الشيخ لكن الكلام ده جديد علينا دوبنا سمعنا بيه .. شكرا على المرور

[Bet-alsudan]

اخي مختار البازي .. طيب نحن مفروض نغير الواقع والحقيقة اعتقد بامكانا الكلام ده ..

يا جماعة الموضوع ده ما حنتهي بالنقاش بس لازم يكون نقاش وعمل .. وايجاد للحل المناسب

[الطويل]

ابو رانيا .. لكن دي مشكلة كبيرة لازم نلقى الحل ليها ... شكرا على متابعتك للموضوع



أنا شايف انو مافى ليها حل نهائى

الا حل جزرى وهو انو كل سودانى كسول احاول أصلح نفسوا وابطل كسل :D

[اميمه عشريه]

http://wadmadani.com/vb/showthread.php?t=6794

عليك الله يا بت السودان شوفي انا من سنه كم وانا مغيوظه غيظتك دي
النبي شوفي
غايتو انت بعد سنتين حتصلي مرحله انك تكوني قابله للانفجار بس بالتتش زي كده :D هههههه

[Madanawi]

ربنا سبحنه وتعالى قال في محكم التنزيل ،

ولا تزر وازرة وزر أخرى ،

وهذا دليل على أن الوزر يعود لنفس معينة وتتحمله وحدها ،

وعليه فان الكسل صفة للكسلان فقط وليس لجنسية معينة .. فكل البلاد بها الهميم والذميم والنشط والكسول ،

[احمد النور]

الاخت بنت السودان لك كل الود
اولا ردا على موضوعك علي قول الجماعة هذه سالفة منتهية وانا الان عايش وسطهم وهم الذين اطلقوا علينا هذه الاشاعة وعلى قول اهلنا السودانيين (الجمل مابشوف عوجة رقبتو )وانا احكيلكم قصة واقعية شهود عيان امريكي سألنا قال اذا كان في لمبة حرقت فتحتاج كم من الخليجيين عشان مايركبها فقلنا واحد فقال خطأ فقلنا له اثنين فقال لماذا اثنين قلنا واحد يجيب اللمبه وواحد اركب اللمبة قال خطأ فقلنا ثلاثة قال لماذا ثلاثة قلنا واحد امسك السلم والثاني اجيب اللمبة وواحد اركب اللمبة قال خطأ قلناله طيب كم تحتاج قال ولا خليجي قلنا له طيب كيف اركبه قال اجيب اجنبي واركب له اللمبة

[ابن هشام]

الاخوه رواد المنتدي
في البدايه السلام عليكم ثم تقبلوا عاطر التحايا
هذه اول مشاركه لي في هذا المنتدي العامر باهله واتمني ان ترقي الي مستوي قبولكم
حقيقه ما اريد قوله ان الحافز الذي يتوقعه الانسان هو الذي يحدد الهمه التى يزاول بها نشاطه ولا شنو

[سامر احمد مصباح]

الموضوع جد جد .. واللهي كل يوم بنسمعها السودانيين كسلانين . السودانيين ما بحبوا الشغل وكمان عاملين نكات فينا ..
اقول ليكم بعض النكات القولوها في السودانيين ..
عندهم نكته في المركوب .. بقولوا ليك شده ما السودانيين كسلانين صانعين الجزمه بتاعتهم بتتلبس في اي رجل يعني اليمين في الشمال والشمال في اليمين او العكس علشان ما اكسل وارجعها تاني .. وبرضه عاملين نكته في الجلابيه الانصاريه الفيها جيب من ورا ومن قدام .. بقولوا ليك السوداني البسها طوالي علشان لو لبسها بالقلبه مافي حد اعرف .. شفتوا نحن برانا العملناها في روحنا .. بس الحق يقال .. السوداني بره السودان بشتغل زي المكنه دومين وما ادراك ما الدوامين .. وفي السودان دوام واحد بي تلتله الكلام ده صح ولا انا غلطان ؟؟؟؟
ودمتم ..

[يسرا عشريه]

لكن يا مدناوي الخيريخص والشر يعم والاغلبيه من السودانيين كسالي جدا ودي الحقيقه نحن احسن نواجها مما نهرب وندافع بدون معني .

[يسرا عشريه]

والله كلام سامر صاح مائه المائه نحن في بلدنا كسلانين ونحن البنيبا بلاد الناس زي السعوديه مثلا.

[ابوشوتال]

كسلانييين كسل شديد

[كاتم الأحزان]

ماعارف اقول شنو لكن فعلا في ناس مثبتين علينا
الكلام ده
احمتمال يكون من غير قصد بس المشكلة الناس عليها بالظاهر
والشايفنو

[ود المطامير]

نحنا هنى غايتو مرتاحين من مشكلة الكسل لأن الناس ملوا منها وهسى عندنا موضه جديده وهى ... السودانيين والمواعيد المضروبه . وكل خلق الله هنى يقولوا ليك لو السودانى قال ليك بجيك الساعه عشره مساء معناتها بجيك حداشر ونص .. على الطلاق يا ( بت السودان ) كان رضينا ولأ أبينا ولأ زعلنا كلام ( أختى يسريه عشريه) صحيح ميه الميه أكان للكسل
شبارقه مره قال لأخوى رضا هاك كد لى العضم دا داير آخد لى نومه .
والله والله عندنا هنا تلقى المكتب فيهو عشره سودانيين ولما يجى شغل خارجى برسلوا الهنود
وهم أديهم الجرايد بس .. أحببت فيك زعلك وغيرتك وغضبك على السودان والسودانيين بس لفت نظرى رد ( أختنا الغاليه يسريه ) وهى ردودها مختصره ومغتضبه وفى الصميم
نعم ليه ندفن رؤسنا فى الرمال ؟ يعنى كل الدول العربيه إتفقت على إننا كسلانين من عدم ؟
ولأ علشان محمد صبحى مثلنا فى إحدى مسرحياته بأننا كسلانين ؟

[همسة شوق]

العزيزة بت السودان
كلامك صاح ودى بقت ملازمانا طوالى
لكن لو فعلا كسلانين كان فنشونا زماااااااااااااان
لكن لأنو نحن ماعندنا التملق والحكحكة قالوا عننا كدة
المصرى تقول ليه عايز محاسب يقول انا محاسب
عايز سباك انا سباك عايز بتاع بوهية انا بتاع بوهية والخ......
لكن السودانى لا لا لا لا عشان كدة قالوا نحن كسالة
والله الشغل البنشتغلو فى بلاد الغربة لو إشتغلناه فى السودان كان بقينا فووووووووووق

[Bet-alsudan]

اختنا اميمة .. هههههه والله انتي ما عارفة قدر شنو انا محروووووقة من جوة وحااة الله الكلام ده يفرس ... شكلو ما انا البراااي طرحت الموضوع ده لكن اتمنى المرة دي تكون بنتيجة

شكرا على مرورك ..

[طلال الصول]

تعرفي يابت السودان الكلام دا من شدة ما حرقنا لمن بنحاول نتغاضى عنو
الكسل صفة للسودانيين
حتى لو افترضنا وجود جزء كسلان ما بيجوز الجمع للكل صح
وانا هنا لي غترة والله ما لاقاني كسلان سوداني ولا بالغلط

[Bet-alsudan]

مشرفنا مدناوي .. انا معااك في كلامك الانسان بطبع بحب الراحااااااات لكن نحن بزيااااادة شكلو ،

[Bet-alsudan]

والله يا ( احمد نور ) ما عارفة اقوليك شنو لكن نحن ما حنسكت .... ولا حنرضى

[Bet-alsudan]

اخونا سامر مصباح .. والله النكت دي ما بحب اسمع ولا اشوفة لان ما بضحك فيها حتى لو كانت بتفطس من الضحك كلها كلام فاااضي.. وباذن واحد احد حنثبت الكلام ده ... باذن الله

شكرا على مرورك

[طلال الصول]

في حاجة كمان احنا بنتكلم دايما عن كسلنا
لدرجة اثباتو علينا ودايما بنكون في حاة الدفاع
واظن انو لو اثبتنا للمعانا انهم هم الكسل كاتلن

[Bet-alsudan]

يا يسرا .. حنواجه الكلام ده لكن بهمتنا لازم بهمتنا وعزيمتنا عشان نخلص من الكلام الفااااارغ ده ... صحي نحن البنينا بلاد الناس التانين وان شاء الله حنبني بلادنا

[Bet-alsudan]

ابو شوتااال ... اها كسلانين والحااال في حااالو ولا ما في تغيير حكووون ؟؟!؟!؟!؟!؟!؟!؟!؟!؟!؟

[Bet-alsudan]

كاتم الاحزان .. في عندنا صفات تانية الكل بشهد بيها اول ( الكــــــرم ) و ( النــــخوة ) و ... و ..... لكن الكسل لازم يكون ليه حل ......

[Bet-alsudan]

ود المطامير ... ما هو من الكسل المواعيد خربااانة وبعدين الكلام ده كان من زمااان ما عارفة ليه مسكو علينا ولا يمكن قالو من ( كسلم موااااعيدم خربانة ) ... شكرا على مرورك

[Bet-alsudan]

همسة شوق .. والله ما عارفة كل مرة بي حاجة يطلعونا كسلانين كل مرة بي حجة .. عشان هم كدااااا كسلا نين .. عشان هم كدا كدا كسلانين ... وبعدين انا معاك في حكاية الشغل دي لو لااحظتو برة السودان مستحيل واحد يشتغل ( بايع ولا سباك ولا نجار ولا اي شغلة ممكن الواحد يستصغرة ولو في في ناااادر جدا .. ) ...

شكرا على مرورك

[Bet-alsudan]

اخونا طلال معاك حق في كلامك نحن في كسلنا بنتكلم .. وفي ناس عااادي بتكلم وما عرفين بقينا حكوت الناس ونكتم .. غايتو الله يعين الجميع