دينار ولا جنيه ولا قرش ؟

[هيثم عبدالعال]

يا جماعه أخوكم في الله ماشي إجازه بعد غيبه ومحتار مع العمله السودانيه ومحتاج مساعدتكم قبل ما يدقس ، أولاً العمله الرسميه ياتا فيهم القرش ولا الجنيه ولا الدينار وشنو بساوي كم بصراحه حاجه تلخبط . رجاء الإفاده ومشكورين مقدماً

[Madanawi]

يا ود عبد العال .. تقل جيبك وما يهمك من العملة شنو .. في كل الحالات مطلوب منك تنكت الضحاكات جنيهات كانت أم دينارات ،

الله يوصلك بالسلامة .. وانشاء الله تجد كل الأهل والأحباب في أحسن حال ،،

[مختار بازى]

زي ما قال ليك الرائع مدناوى
اي شيء جنية ريال قرش مليم
بس تختة درب الدولار:D
وبالسلامة ان شاء الله

[مرتضى يوسف العركي]

عزيزي هيثم عبد العال
يا سلام لما تجيك الاجابات ملح على كل يا فردة انت تسال وتكون احلى لما تدفع وانا طبعا مباريك مباريك كل الاجازة مع الود والتحية ...

[محمد السر احمد]

الاخ هيثم تسافر وترجع بالسلامه وتحياتي لاهل
لاحتي الان الدينار ما انتهي و بنتهي يوم 30/6
والجنية الواحد بساوي 100دينار يعني بساوي 1000 جنية قديمة
1 جنية جديد = 100 دينار = 1000 جنية قديم

[ود المطامير]

يا حبيبنا أقول ليك شئ ؟
سوقنى معاك مترجم .
أتمنى لك إجازه طيبه وسعيده وسط الأهل

[ود المطامير]

وحاة الله يا هيثم أنا فى إجازتى الأخيره دى قبل عشره سنوات
فى موقف مدنى الخرطوم إشتريت جريده بتلاته ألف جنيه وسعرها
كان أظن خمسميه وطلعت جريده بايته حقت أمس .

[مدنيّة]

شكيتك علي الله ياود السر
بس لانك احدث مغترب لسة مانسيت الحاسل في البلد
هسي انا قلت اجي اقبض العمولة من هثيم القاك وريته كل اللي عايز يعرفه:mad:

[مدنيّة]

وحاة الله يا هيثم أنا فى إجازتى الأخيره دى قبل عشره سنوات
فى موقف مدنى الخرطوم إشتريت جريده بتلاته ألف جنيه وسعرها
كان أظن خمسميه وطلعت جريده بايته حقت أمس .

يعرفوك مغترب كيف :p

كان كدا الننتظر هيثم دا بالجرائد الرياضية من المتار:D

[محمد السر احمد]

شكيتك علي الله ياود السر
بس لانك احدث مغترب لسة مانسيت الحاسل في البلد
هسي انا قلت اجي اقبض العمولة من هثيم القاك وريته كل اللي عايز يعرفه:mad:




الاخت مدنية الغالية يا رايت لو عارف ما كان كلمتو
لكن هو الوحيد من ناس المنتدي معاي في الدوحة
و بعدين هو زول جبوب شديد المهم اخبارك شنو وخبر البنات السكرات شنو

[مدنيّة]

الاخت مدنية الغالية يا رايت لو عارف ما كان كلمتو
لكن هو الوحيد من ناس المنتدي معاي في الدوحة
و بعدين هو زول جبوب شديد المهم اخبارك شنو وخبر البنات السكرات شنو

انت خليت فيه ااخبار تاني ياود السر ؟؟ :mad:
هسي انا قل تاطلع حق المدارس من عمولة هيثم دا
غايتو ربك كريم بس

[الشريف الهندي]

هيثم امش ادفع ساااااااااي يا اخوي وما تحسب اسمع كلامي والله العمله الجديده دي تجنن
الطبيب النفسي زاتو ... دحين آبوي امش ادفع سااااي وال ما يكملن تعال راجع
ههههههههههههههه
لأنو لو ما كملن معناها في حاجه غلط بس نكون ماعارفنها
هههههههههههههه
نتمنى ليك اجازه سعيده انشاء الله بين الاهل والاحباب والاصحاب وسلم لينا على تراب السودان وهواهو وجوه وناسو وارضو وسماهو ...

[بنت الرفاعي]

أوووو المغتربين قربوا يصلوا البلد بالله هو شهر 6 جاء؟؟؟
أها معناها المدارس قربت تقفل.
والبلد بترحب بيك وبكل الجايين والله يوصلكم بالسلامة إنشاءالله.

[محمد السر احمد]

انت خليت فيه ااخبار تاني ياود السر ؟؟ :mad:
هسي انا قل تاطلع حق المدارس من عمولة هيثم دا
غايتو ربك كريم بس

ههههههههههههههههههههههههههههه
يا زولة ماف مشكلة انتي مش مشرفة علي المنتدي العام احذف المشاركة حقتي
ولي اقول ليك حاجة انا برسل ليك قروش مدارس البنات و لايهم

[هيثم عبدالعال]

مدناوي : ما الإجازة اصلها كلها نكت ( بكسر الكاف)
والضحاكات مرقتها بتبكي
تسلم ياغالي

[هيثم عبدالعال]

مختار شمار : الدولار ضرب الواطه والأسباب غير معلومه حتى لأحرف إقتصادي
وزي ما قلت الجماعه مابهمهم نوع العمله المهم العين على الجيب
لك الود

[هيثم عبدالعال]

عزيزي مرتضى
الحمدلله الشعب في حماية الشرطه، وأهم حاجه تشدد الرقابه على مدنيه
في إنتظار لقياك بأرض الوطن ، وعندنا برنامج مضمون بإذن الله يوم 14/6

[هيثم عبدالعال]

شكراً ياود السر أهو ده الكلام ، بس تعرف حأبخر المعلومه دي وكل ما أجي أنكت أطلع البخره

[هيثم عبدالعال]

الحبيب ودالمطامير
ماعندي مانع على توظيفك مترجم بس أخاف يغتالوك الجماعه زي مترجمين العراق
الحمدلله الثلاثه ألف ما كانت بالجديد كان لي هسي بتاع الجرايد يضحك

[هيثم عبدالعال]

مدنيه ده ما الخايفين منو ذاتو الواحد يقول ليك ياخي ماتتعب نفسك جيب وأنا بجيب ليك الدايرو .
وأصلو المغتربين ديل عندك معاهم حساسيه يعني فرصه وجاتك بس ودالسر كتر خيرو قطع عليك الطريق
وكان على الجرايد الرياضيه الوالد بقوم بالواجب ( وبرضو الجريده بثلاثه ألف )

[هيثم عبدالعال]

الشريف الهندي
أكيد بيكملن وأنا خليت حجز العوده مفتوح عشان أول ما الجيب يقرب يفضى جري على الوكاله

[هيثم عبدالعال]

moram شهر سته ده حبيب السماسره الأخت سمساره ولا شنو ؟

[محمد السر احمد]

شكراً ياود السر أهو ده الكلام ، بس تعرف حأبخر المعلومه دي وكل ما أجي أنكت أطلع البخره

يا زول خلي البخرة دي معاك في اي مكان ذي الحجاب
لانو ناس مدنية ديل ناوين شر
المهم فتح عينك كوييييييييييييس وسلامي للاهل كتير

[محمد أحمد الشيخ]

عزيزي مرتضى
الحمدلله الشعب في حماية الشرطه، وأهم حاجه تشدد الرقابه على مدنيه
في إنتظار لقياك بأرض الوطن ، وعندنا برنامج مضمون بإذن الله يوم 14/6


يا خوانا ما تعزمونا معاكم يوم 14/6 ده ، والله نفسي في حفله وهجيج للصباح .

[هيثم عبدالعال]

محمد السر : أنا ذاتي ماشي بي خطه عجيبه عشره في الدفاع وواحد قشاش يعني حأقفل المنطقه الخلفيه ، وده طبعاً مع البخره ( كجور الفكي) .

[هيثم عبدالعال]

باسطه بالإنابه عن العريس فردتي شوقي معزوم معانا بس عليك تذاكر الذهاب والعوده ومصاريف الإجازه وهدايا الأخوان والذي منو وطبعاً ده كلو حيكون بالجنيه الجديد ، يعني أحسن تجي تعرس إنت بدل تحضر العرس

[مرتضى يوسف العركي]

وحاة الله يا هيثم أنا فى إجازتى الأخيره دى قبل عشره سنوات
فى موقف مدنى الخرطوم إشتريت جريده بتلاته ألف جنيه وسعرها
كان أظن خمسميه وطلعت جريده بايته حقت أمس .

حبيبنا ود المطامير
عليك الله جاوب بصدق لمان دفعت الثلاث الاف جنيه دي لجريدةبايتة كنت براك ولا معاك ام عمرو ؟السؤوال ده ما شمارة اتلذذ بها بل منتجة في سفر اخونا هيثم عشان ما يباري المدام ؟؟
لقيتني كيف ؟

مشاققة :
لا زلت في انتظار القيم العالية المخزون انتهى ومحتاجين ننقل عنكم باسمنا حاجات سمحة لام العيال الوصفة الاولي بتاعتكم كانت قوية .واثرها حتى الان .

[ود المطامير]

حبيبنا ود المطامير
عليك الله جاوب بصدق لمان دفعت الثلاث الاف جنيه دي لجريدةبايتة كنت براك ولا معاك ام عمرو ؟السؤوال ده ما شمارة اتلذذ بها بل منتجة في سفر اخونا هيثم عشان ما يباري المدام ؟؟
لقيتني كيف ؟

مشاققة :
لا زلت في انتظار القيم العالية المخزون انتهى ومحتاجين ننقل عنكم باسمنا حاجات سمحة لام العيال الوصفة الاولي بتاعتكم كانت قوية .واثرها حتى الان .
حبيب قلبى ... الحلامابى العزيز
لما دفعت الثلاث ألف جنيه فى جريده وطلعت بايته كانت معاى ( أختى ) أصغر منى
وكنا ماشين زياره للمدام ودا كان قبل زواجنا بأربعة أيام و( أختى ) قلعت منى
القروش وقالت لى عشان ما أقوم أدفع فى أبوجنيه مية جنيه وأنا بقيت مباريها ذى الشافع وأقوليها .. أدينى قروشى أدينى قروشى . لكن لقيتك زولى تب .
وليك على إنشاء الله ( القيم العاليه ) والحديث من القلب للقلب ح يكون هو مجالى وتخصصى
ويكفينى شرفا تقيمك الغالى إنو ( قيم عاليه ) ودى شهاده أعتز بها جداً .. جداً .

[مرتضى يوسف العركي]

يا خوانا ما تعزمونا معاكم يوم 14/6 ده ، والله نفسي في حفله وهجيج للصباح .

اولا باسطة افو داير عزومة انت ؟؟
ثانيا : طالما سعادة المستشار هيثم تفضل بعزومتك فهو نحن ونحن هو ومافي كلام بعدو الكلام عليك طلع الكنجالات وابقى جاي والعالم كلها قبل وبعد الهجة منتظرنك وما تعمل ميت ونائم زي زمان مشبط لي بالجنز ومبرم شعرك وهاك يا حوامة .

[محمد أحمد الشيخ]

يا كومندان والله ليك وحشه

المهم سلمو لينا عن الأهل بالنيابه ، وأستمتعوا بالأعراس الما خمج .

وبالله يا سعادة المستشار ويا سعادة الكومندان أتفرجو لي في (الجكس) معاكم .

وشوفو لي عروس علي ذوقكم .