اين اخلاقنا واين اسلامنا

[طارق محمد الحسن]

اشتهر السودانيون على مر السنوات بانهم يكر مون المراة ويعتبرونها خطا احمر لايمكن تجاوزة ولكن وللاسف بات هذة الخصال الحميدة فى الاندثا رواصبح السودانيون يروجون لبضاعتهم بنساءهم كما تفعل شركات الاتصال واصبح اللبس الخليع هو الموضة واذا نظرت الى لبس الفتيات فى الشارع يتملكك شعور بالخجل على هذا التردى وهنا يدركنى سوال اين الاب واين الاخ الذين يتركون اخواتهم وبناتهم يخرجون بهذة الصورة المخجلة واين موسسات الدولة التربوية واين الامر بالمعروف والنهى عن المنكر وهذا الحديث لا اعممة على الجميع فهناللك اخوات فضليات يراعون اللة فى كل مايفعلون ويحترمو ن اهلهم بمراعاتهم للتقاليد والاعراف ارجو الا اكو ن قد ظلمت احدا ولكن هى تذكرة ارجو ان نتذكرها جميعا ودمتم

[مدنيّة]

والله ياطارق دي الكارثة اللي عايشنها الان في السودان

من كم يوم احدي شركات الاتصال واضعة اعلان بصورة فتاة باكبر حجم ممكن تتخيله وبصورة شاذة جدا وملفت لنظر بشكل مستفز كانما ليس الهدف شركة الاتصال وانما الهدف الفتاة

في الاخر بقول انه السوق عايز كدا وللاسف حتي في السودان !!! شفتوا وصلنا لوين احنا ؟؟:(

[مختار بازى]

والله يا طارق انا معاك الحال بقي زي ..........................!
لكن نحنا ما نرمي اللوم علي الاب والاخ نرجع للبت اولا لو كانت بتخاف الله ما اظن محتاجة للاب او الاخ عشان ما يتابعوعا تلبس كيف وتمشي كيف وانا معاك انو الاب والاخ ليهم دور
لكن ما تفتكر انو البت البتشوفها انتة لابسة شاذ او .او .بيكون ابوها واخوها عندهم علم بالهي لابساهو دا ومعاك في ناس بتكون عارفة وتقول ليك دي الموضة


نسال الله ان يصلح الاحوال ويهدي الجميع

[الفارس البنفسجي]

الظواهر اللي زي دي
دلالة على أنو أرضيتنا التربوية
هشة جداً ، وللأسف نحن المسئولين
عن اللي بحصل دا، المجتمع كلوا
مسئول ، مسئول بي عدم أدراكوا
للي ممكن يحصل هسه دا.مسئول
لعدم تحصين اولادوا بالدروع القوية
اللي ممكن تقيف قصاد الظواهر
اللي زي دي.

[Madanawi]

اللهم احفظنا .. واحفظ نساءنا ونساء المسلمين جميعا ،،،،،

اذا لم تستحي فافعل ما تشاء .. هذا هو واقع الحال في كثير من الدول الاسلامية والعربية وليس السودان فقط ...... هنالك حملات تقوم ولا تقعد وهنالك مؤامرات تحاك ضد المسلمين وخصوصا المرأة المسلمة .. هلا ندرك المأساة أم أن الاوان قد فات؟؟؟؟؟؟؟