سن الحرااااب ...... وعوده الاضرااااب.

[المكاشفى]

بسم الواحد الاحد الفرد الصمد
ياخوانا الشكاوي كترت والمناكفات بقت اكتر
مما يقدم على المنتدى الاعضاء والمشرفين
وتسييس المشاركات وكمان ظهرت حاجات
غريبه حزف موضوع ونقل ودمج من غير سابق انزار
ودون مراعات لشعور كاتب الموضوع ودون اعلامه
تحرير المشاركات ده قعدنا نسردب ليه ساكت
وكتير وفى ناس كتار بطنم طمت ولقيت كم
نفر قالو ماشين مخلييييييين المنتدى لفلان
وفلان وعلان عشان يمرحوا فوقوا والبقول
ليك انشاء الله يرثوه وانشاء الله يضوى ليهن
ويا مشرفين وياحيكومه خليكم مشرفين (مشرفيننا)
وشرفو المنتدى موش همبته واختها ليك وختها لى
وانا من الناس الاتلدغو كتير ولو ما لمه الناس كان فريت
ومع مشرف والله المواضيع البكتبها ماقاعد اقراها ومعزره
للاعضاء لان هنالك مواضيع تخصهم ومن الواجب مشاركتهم
بس انا مابقدر لانو هو الكاتب وعزرا
ومن هنا بعلنها داويه المشاركه مسؤوليه كاتبها ومابحسب
انو تكون مخله ادبيا لانو الكاتب زول عاقل وعارف هو بكتب شنو
وفوق كل دا المفروض المشاركات تمشى وتمضى والموضوع مايصبح
شخصي والناس تتضايق مهما كان انفعال الكاتب ودفاعه عن حاجاته
المفروووض نراعى مشاعر بعض والناس تكون واضحه
وهذا البوست مكاشفه ادييل دى مساحه للمعارضين وتطييب خاطر
المظلومين واى زول عندو حاجه مع زووول يدخل ويقولها صراحه
والناس تغلط وتصحح المسار عندى حاجه مع فلان بالاسم مارموز
وهمهمه والناس تقدر ......
ولكم منى كل الحب والحب والحب.......

[Madanawi]

أخو الدقــــــــــــــيق .. قوووووووول خير

كل الناس هنـــــــــا .. مــــــــا بتخبر زعل

تزعل من منو .. وتـــــــــــــزعل في شنو

كل الناس صحاب .. كل النــــــــــاس أهل

والماهم قراااب زي حوش القرقرااااب

قربهم العمل .. وقربهم الأمل .. وقربهم الجدل

ليه نسن الحرااااااب .. وليه نعمل عنكااااااااااااب

ليه ما نقول حباااااااب .. ونطير فوق السحاااااااااب

النيّة الصافية زينة .... وتزيل كل الضباااااااااااااااب

[المكاشفى]

الحبيب مدناوى المسأله ما مسأله
زعل لى الله الموضوع فيه مس كرامه
واهمال لحديث الغير والله لو ما اللمه
وود مدنى القمه كان زمان الواحد
بالمخارجه همه
وله كيف ..........

[ود المطامير]

الحبيب مدناوى المسأله ما مسأله
زعل لى الله الموضوع فيه مس كرامه
واهمال لحديث الغير والله لو ما اللمه
وود مدنى القمه كان زمان الواحد
بالمخارجه همه
وله كيف ..........
المكاشفى يا حبيبنا
على الطلاق طلاق تلاته كلام مدناوى أخوى دا لو كان
قالوا لى أنا فى رقبه كنت عفيت .

[المكاشفى]

المكاشفى يا حبيبنا
على الطلاق طلاق تلاته كلام مدناوى أخوى دا لو كان
قالوا لى أنا فى رقبه كنت عفيت .

والله المثل بقول ليك
اجهل اخوك بس ماتجهل كلامه
وبى طلاق اكان رقبه مانى متمسك
وانت سيد العارفين
لاكين ياعروه على الطلاق
التقول انشق كر عدييل كدى

[Madanawi]

يا المكاشفي .. تهم بالمخارجة كيف ؟؟؟ ما تستكين للعوارض والغربة بتخلي الواحد جااافل لكن ما بنخليك .. وبنهدي ليك كلمات محمد الحسن سالم حميد لما قال لي طيبة ،،،،

كل ما تباعد بيننا عوارض ..

كل ما هواك يا مدني مكنّي

تلد الغربة القرب الواحد ..

بيك أسمي الشوق وأكنّي

لما أفوتك من دون خاطر ..

أو دون خاطر مني تفوتي

بلقى حبايب فى كل حتة ..

وكل بيوت الفقراء بيوتي

لا غيرت وراك الجتة ..

ولا بدلـت ملامح صوتى

ود المطامير ،،،

كل ما أقطع شامة هواك من قلبي .. ألقى هوااااك نبت تاااني

[المكاشفى]

والله الظاهر يامدناوى ات زول فزع
وطويل بال الله يمد فى ايامك ويخليك
للحاجات البتجينا عرضا
لكن امسكو زولكم منى

[ابوندى]

والله يا أخونا المكاشفى مدناوى ما خلا لينا شى نقولو ليك وكما عهدناه دائماَ رفيق غربة
وما تزعل ...الجايات اكتر من الرايحات

[المكاشفى]

مشكور ابو ندى وكتر خيرك
على مرورك الكريم

[بورتبيل]

يا مكاشفي اللجاويد يقعو ويقوموا وانتا لسع ماسك فيها يا ود عبد الله انتا برضو زول وجعة وخلاص ما تقول حاجة انسى الناس خلاص وصلت لاتفاق انو الناس تتصافا ويلا يا باشمهندس خلينا نرجع ذي اول .. وخليك من الزعل .. والموضوع ولله تب ما فيه اي حاجة الناس اتصافت كلها الا انتا .. ولله ما كريمة في حقك يا مكاشفي .. تكون لسع ما خد ي خاطرك.
عشان ما نخسر بعض ارجع يا مكاشفي وتاكد انو كل الناس تكن لك الحب والتقدير والفات مات.

واقلب الصفحة يا مكاشفي.

[Madanawi]

والله الظاهر يامدناوى ات زول فزع
وطويل بال الله يمد فى ايامك ويخليك
للحاجات البتجينا عرضا
لكن امسكو زولكم منى


المكاشفي يا أخوي ،

تزعّلنا منك .. بردا وسلاما على قلوبنا .. إلا تزعل مننا ده ياهو الما بنقدر عليهو ،،

وربنا يمد في أيامك وأيام الجميع .. ولا الضااالين ،،

زولنا ما ياكا انت .. وكل الحلوين المعانا ،،

[المكاشفى]

يا مكاشفي اللجاويد يقعو ويقوموا وانتا لسع ماسك فيها يا ود عبد الله انتا برضو زول وجعة وخلاص ما تقول حاجة انسى الناس خلاص وصلت لاتفاق انو الناس تتصافا ويلا يا باشمهندس خلينا نرجع ذي اول .. وخليك من الزعل .. والموضوع ولله تب ما فيه اي حاجة الناس اتصافت كلها الا انتا .. ولله ما كريمة في حقك يا مكاشفي .. تكون لسع ما خد ي خاطرك.
عشان ما نخسر بعض ارجع يا مكاشفي وتاكد انو كل الناس تكن لك الحب والتقدير والفات مات.

واقلب الصفحة يا مكاشفي.

يا الغالى بورتو انت ياك كبيرنا
ومابنكسر ليك كلمه تب وانت طالما
شايف كدى انا مابجاهر بى شى
والجواى اياهو الجواى
مانى متكلم تانى تب
مشاققه :-
حكايتك شنو بقيت حيكومه ونحن ماعارفين...

[المكاشفى]

المكاشفي يا أخوي ،

تزعّلنا منك .. بردا وسلاما على قلوبنا .. إلا تزعل مننا ده ياهو الما بنقدر عليهو ،،

وربنا يمد في أيامك وأيام الجميع .. ولا الضااالين ،،

زولنا ما ياكا انت .. وكل الحلوين المعانا ،،


آمين
خلاص ياالحبيب مدناوي انا مانى زعلان
ومسامح وعشان الكتيره بس لانو الكتيره
مابعابوها بى الواحد وتسلم مدناوى اخوى