تخيل كيف يكون الحال لو ما كنت سوداني

[خالد النور]

كنت ح تلتزم بالمواعيد..

كنت ح تتصل بالتلفون قبل زيارة أحد في منزله .. (بدري شوية، مش وإنت في خشم الباب (

كنت إنتظرت دورك في الصف.. ولم تتفنّن في تجاهله أو الوصول إلى مقدّمته بأي صورة..

كنت ح تنهر أولادك لمّا يبهدلوا ليهم بيت زول .. وكنت ح تتردد في أخذهم معاك المرّة الجاية لنفس البيت..
علشان يبهدلوه مرّة تانية..

كنت ح تدفع الshare بتاعك في العشاء الجماعي دون ملاحقة .. أو سّك من منظمي المناسبة المتوكحّين بالفاتورة..

كنت ح تتردد في إعطاء رقم تلفون أو عنوان شخص ما دون إذنه..

كنت ح تتكلم بلسانك وليس لسان كل من يحمل الجواز الأخضر..

كنت ح تتوقع ح يحصل شنو لمّا ترقّد طفلك الصغير.. دون بامبرز.. في سرير في بيت ناس ..

كنت ح تلبس حزام الأمان في السيّارة..
وكنت إمتنعت عن السماح بجلوس طفلك الرضيع في المقعد الأمامي على حجر والده أو والدته..

كنت ح تتردد في زيارة شخص ما أنصاص الليالي وصابح يوم مدارس وعمل..

كنت ح تخّلي الصغار في البيت عندما تكون المناسبة مناسبة كبار..

كنت إتونّست بصوت معقول.. خصوصا عندما يكون الطرف الآخر قاعد جنبك في نفس الكنبة.. ويا حبذّا عندما يكون الطرف الآخر ساكت..

كنت إمتنعت عن التدخين في منزل شخص آخر.. أو على الأقل إستأذنت (قبل ما تولّع (

كنت ترددت في إرسال حاجات وزنها خمسة كيلو (وما فوق) مع كل من تسمع بأنه ماشّي السودان..

كنت رجّعت القروش الإستلفتها في وقتها.. (أو في الحقيقة... رجعّتها وبس).

كنت إمتنعت عن زيارة أحدهم في مكتبه.. للونسة أو مناقشة أمور لا صلة لها بالعمل...

كنت خجلت من عدد المسكولات التي تعملها..
مش كمان تقول "شنو يا فردة..خمسة مسكولات ما ترّد عليها؟ والله الفيك إتعرفت"

[Madanawi]

السوداني ..سوداني

ونحنا الساس .. ونحنا الراااس

ونحنا الفينا .. مشهودة .. واصحاب شهامة .. والكرم جندو !!

وما في .. وسطنا واااااحداً .. ما انكرب زندو .. والحاااارة بنقوداااا !!!

[ابورجاء]

والله يا خالد النور شكلك ممقوص مغصة من واحد
يا اخوي والله لو ما كنت سوداني كنت اتمنى اكون
سوداني وفي السوداني كمان مدناوي خليهم يقولوا
عنصري اي عنصري وسادي كمان:D ...
ويا اخوي الحاجات الذكرتها دي كلها ماركة مسجلة
باسم السودانيين الطيبين الزينين الما عندهم حقد ولا
حسد للاجناس التانية وناس على نياتهم والطيبة معدنهم
والاريحية والبساطة دي صفات بيتمناها كل بني ادم والا شنو...
وتسلم يا رائع على الموضوع الجميل ده ويديك الفي مرادك ....

ودوما في رعاية الله وحفظه.....
مع كل الود باقة ورد.....

[مدنيّة]

والله لكن ياخالد ياخوي انا من العنوان قلت ياخ خالد دا اكيد زول وكني وبحب السودان بالجد اها جيت لقيت ليك الجوه خليه ساااااااااااااااي:D

همسة : انت ماناوي ترجع القروش اللي استلفتها مني من خمسة شهور:cool:

[ودالسني]

انا سوداني انا ..انا سوداني انا
كل أجـــــــــــــــــــزائه لنا وطن
اذ نباهي به ونفــــــــــــــــــــتتن
نتغني بحســــــــــــــــــــــــنه ابدا
دونه لا يروقنا حســــــــــــــــــن
ولو ما كنت سوداني وامأساتي وازلي

[خالد النور]

يا جماعة ماتفهمو الموضوع غلط وتاخذو من زاوية واحدة. انا سودانى وبفتخر انى سودانى ومدناوى على السكين كمان.
بمجرد انى اتناولت موضوع وطرحته للنقاش، المفترض تتناولوا الموضوع من نفس الزاوية.

حبى للسودان لا يضاهيه حب

[ابورجاء]

يا جماعة ماتفهمو الموضوع غلط وتاخذو من زاوية واحدة. انا سودانى وبفتخر انى سودانى ومدناوى على السكين كمان.
بمجرد انى اتناولت موضوع وطرحته للنقاش، المفترض تتناولوا الموضوع من نفس الزاوية.

حبى للسودان لا يضاهيه حب

طيب يا الحبيب يا خلودي يا ود عمي النور
كدي انت مسكنا الزاوية وشوف الشغل
النضيف كيف :D غايتو لو الزاوية لفت
انا اطرش في اللفت بقلش لكن لو يمين
مسكنا ليها ساي واتفرج وشوف اللعيب
النضيف كيف يا حبه والا شنو ....

ودوما في رعاية الله وحفظه.....
مع كل الود باقة ورد....

[خالد النور]

وانت يامدنية اخصميها من الفلوس الإستلفتيها منى قبل سنة والباقى رجعيهو لى

[شبرقية]

علي قدر فهمي اخونا خالد
ماقاصد انه ننكر سودانيتنا والا انه ماعاجبو جوازوا اللخدر
بس هو عاوز الناس يكونوا سودانيين راقيين
والعينة دي والحمد لله موجدة لكن بقلة
والجاجات الكزكورة كلها بتحصل
بدافع الحنية والحالة واحدة
واصلو لنيل ابونا والجنس سوداني

[معذة احمد علي]

لو ماكان كدة ماكان سوداني كان موبيتل

[أبنوس]

والله يا خالد النور شكلك ممقوص مغصة من واحد
يا اخوي والله لو ما كنت سوداني كنت اتمنى اكون
سوداني وفي السوداني كمان مدناوي خليهم يقولوا
عنصري اي عنصري وسادي كمان:D ...
ويا اخوي الحاجات الذكرتها دي كلها ماركة مسجلة
باسم السودانيين الطيبين الزينين الما عندهم حقد ولا
حسد للاجناس التانية وناس على نياتهم والطيبة معدنهم
والاريحية والبساطة دي صفات بيتمناها كل بني ادم والا شنو...
وتسلم يا رائع على الموضوع الجميل ده ويديك الفي مرادك ....

ودوما في رعاية الله وحفظه.....
مع كل الود باقة ورد.....


والله يا جماعة خالد اختزل كل سلبياتنا فى كلام لطيف جدا وعلى الأقل الحقيقة دايما مرة بس اعتقد كمان انو بعد دا كلوا انا لو ما كنت سودانية كنت اتمنى اكون كذلك لأنو نحن اطيب شعب فى العالم العربى وبدون تصويت!! بس نصحى بدرى شوية!!