المطربة جواهر تغير لون بشرتها !!!!

[حسن على]

فأجات المطربة جواهر الأوساط الفنية بالقاهرة بظهورها في إحدى المناسبات وقد غيرت لون بشرتها السمراء إلى اللون الأبيض، لدرجة أن كثيرين لم يتعرفوا عليها من اللحظة الأولى ما فعلته جواهر ليس بجديد، فقد سبقها عليه المغني العالمي مايكل جاكسون والذي نتمنى الا تجعل منه المغنية السودانية بلسان مصري قدوه لها وتتجه بعد تغيير اللون إلى عمليات التجميل..


هذا ما ورد في صحيفة آخر لحظة السودانية بتاريخ اليوم 15/5/2007م


يخوانا جواهر دي عطنوها في طشت كلوركس ...ولا شنو ؟؟؟؟؟؟

[مختار بازى]

والله يا حسن يا ريت لو وقفت علي كدة وبس ................!!!!

[بكري الخال]

الاخ حسن طبعا دة موضوع مهم جدا نرجو من الاخوة الاطبة ان يتدخلولكى ينصحوا بنات حوة خاصةالسودانيات كثيرا نرى فى التلفزيون الوجة فاتح والايادى سمرة اوسودة وطبعا السودان فية الاشعة فوق البنفسجية والخواجات بفتشو عليها علشان يغزوا بشرتن الى السمرة وارجو من بنات حوة الاينسو هناك من يحب ان تكون شريكة حياتة حسب الون الذى بفضلة .

[جيفارا]

القروش بعد ما تملى الكروش ممكن تعمل بيها اي حاجة ما تستغرب اذا بكرة بقت ذي بيانسى

[صالح ابوشوارب]

الاخ حسن طبعا دة موضوع مهم جدا نرجو من الاخوة الاطبة ان يتدخلولكى ينصحوا بنات حوة خاصةالسودانيات كثيرا نرى فى التلفزيون الوجة فاتح والايادى سمرة اوسودة وطبعا السودان فية الاشعة فوق البنفسجية والخواجات بفتشو عليها علشان يغزوا بشرتن الى السمرة وارجو من بنات حوة الاينسو هناك من يحب ان تكون شريكة حياتة حسب الون الذى بفضلة .

الاخ بكرى
قالوا الوش مصريــــة
( والكرعين ) عباسية

[الفارس البنفسجي]

كل إناء بما فيه ينضح

[Madanawi]

يا جماعة الموضوع ده خطير وفيه سلبيات كتيرة على صحة الانسان .. وقد قرأت تقرير قبل فترة على أن أطباء الفنان الأمريكي الشهير ومن أصل أفريقي الذي قام بنفس النوع من العمليات التجميلية .. قال أطباؤه أنه معرض لتساقط اللحم الذي بدأ فعلا من الوجه وسيتزايد بوتيرة تصاعدية .. حمانا الله وإياكم،

ومن أحسن صبغة من الله ،،

[ابوشوتال]

دي ما كترة قروش ولا شي
دي عدم قناعة

( وفي السمر معنا لو عرفت بيانة "" ما رات عيناك بيضا ولا حمر) عنتر بن

[elmoiz]

وقالوا غيرت أسمها كمان بقت " جواهر جاكسون"

[انيس التوم]

فأجات المطربة جواهر الأوساط الفنية بالقاهرة بظهورها في إحدى المناسبات وقد غيرت لون بشرتها السمراء إلى اللون الأبيض، لدرجة أن كثيرين لم يتعرفوا عليها من اللحظة الأولى ما فعلته جواهر ليس بجديد، فقد سبقها عليه المغني العالمي مايكل جاكسون والذي نتمنى الا تجعل منه المغنية السودانية بلسان مصري قدوه لها وتتجه بعد تغيير اللون إلى عمليات التجميل..

الواحد يحمد الله انو والله لونه اسمر ودي نعمة من الله والحمدلله

[شبارقاوية]

اللهم عافنا يا رب العالمين

[ودالسني]

وخوفي باكر العدوي تنتقل ... والموضوع يصبح موضه .....

بعدين لودققت في الصوره الوش لون والايادي لون
وفي حضرتكم يطيب الجلوس ...........

[حاتم مرزوق]

ما أجمل السمرة
كان أبونا آدم اسمر اللون وكان نبي الله وكليمه موسي آدم اللون اي شديد السمرة كما كان العديد من صحابة رسول الله صلي الله علية وسلم سمر اللون مثل عثمان وعلي و قد صار سيدنا عمر بن الخطاب اسمرا في عام الرمادة من شدة الجوع.
قد خلق الله الناس مختلفين في الوانهم ولغاتهم واطوالهم وذلك لحكمة يعلمها هو وأكد ان لافرق بين عربي او أعجمي الا بالتقوي فاليتقي الناس ربهم الذي خلفهم من نفس واحدة

[حسن على]

مشكورين علي مروركم والتفاعل مع ا لموضوع

[نور عبدالله]

دي ما كترة قروش ولا شي
دي عدم قناعة

( وفي السمر معنا لو عرفت بيانة "" ما رات عيناك بيضا ولا حمر) عنتر بن

والله الكلام ده بتونسونا بيهو ساكت عشان ترفعوا من معنوياتنا وكدة .. لكن الحقيقة شئ تاااااااااني ..

[رامى طلبه]

مرحب بيكم اهلنا فى مدنى بعد طول غياب .. لظروف العمل .. عن السمره والله جد حلوه .. والمعروف ان كل انواع المبيضات بما فيهم الكلوركس ضاره جدا .. وهنيئا لجواهر جاكسون

[مصريه]

قالوا الوش مصريــــة
( والكرعين ) عباسية

مش عارفه الناس بتغير في خلقه ربنا ليه
البيضاء عايزه تسمر
والسمراء عايزه تفتح
ده حتي يا بنات السمار نص الجمال
وبالنسبه للمثل
انا مش فاهمه معناه:)

وعلي فكره بحسب خبرتي ده ميكاب مش عمليه

[Madanawi]

وعلي فكره بحسب خبرتي ده ميكاب مش عمليه

************************************************** ***********************************
واسئلوا أهل الذكر ان كنتم لا تعلمون ،،

مشكورة يا مصرية على المداخلة القيمة .. فقد شاهدت برنامجا بالأمس يتحدث في نفس الموضوع .. والميكاب أصبح يغير الشكل واللون .. فسبحان الله ،،،،،،