عفوا .. للمساطيل فقط

[مازن الجمّال]

في الليل داك


وفي نفس المكان الكان

بفتفت فيه كل الهم

واسوق أفراح بدل أحزان

أجيبا معاي من الحبان

ودفتر لف من الدكان

واجيب بالباقي منو لبان

واصنقر في الأرض وانجم

ولما ألف بكون فرحان

بكون هيمان

بكون خرمان

أفت الحمرا في الورقة

وأكب من فوقا سر الجان

ولي صباعي الصغير أمدغ

وأطلّع للبذر بحنان

وامسك للوريقة الحلوة

وأبدا ألف بخور الجان

وبلساني المرطب ديمة

ألحسا بالعرض بأمان

وأبرم للطريف الفوق

واشمّها زي حريف إدمان

واختّها في الخشيم المر

سواد شلوفته زي قطران

وكبريتي الملهلبة نارا

أشعل عودا زي بركان

وامرّر للهب بشويش

سجارة الدوكو دايرة حنان

ولنفيس البداية أجر

وألحقو بالتني بجنان

ويتقل راسي زي صخرة

ويبرد حيلي زي تعبان

واحس برجولي زي مافي

وأهبش فيها زي مرضان

وأبدا في دور من السرحان

وواصل في السجارة شراب

واشوف حاجات عجيبة كمان

أشوف غنماية في فستان

ممكيجة في خشيما لبان

ومرة كمان أشوفلي بحر

وفيه حسان بكل ألوان

وضحكات صاخبة منداحة

والكل بي فرح طربان

وأوصل بالسجارة هناك

محل شوشاوتا وازدان

وازغرت بيها زي نسوان

واجرجر للرجول أوقف

واهبش في الارض حفيان

نعالي نسيته وين ختيته

من جيت للمكان خرمان

وأمسك دربي زي برجل

أدوّر في المشي السكران

وأوصل بيتنا دربه أمان

واشيل الجك وفوت للزير

ده ريقي نشف نشاف البان

واقرطع للجكيك كله

وبرضي كمان بكون عطشان

وأفتح للمواسير سيل

وكل دقيقة بمشي كمان

وفي الآخر سريري حنين

يشيلني نعاس ونوم غمران .

[ابوالنور]

لكن يا مازن سجارتك ما مبالغه دي منو بالهي

[مازن الجمّال]

ابو النور ياخ والله مشتاقين

وسجارتي انا الشديدة ولا سجارتك انت الخلتك
تاكل بي راسك ههههههه

[مختار بازى]

والله يا مازن المعلم لو سمع القصيدة دي
ح يكون ليك سيجارة كل يوم ملح
تسلم من الجن..............................!

[مازن الجمّال]

مختار ازيك ياخي
وتسلم انت يا معلم

[ابراهيم]

راستا مان مشتاقين يا حبيب
لكن بنقلاديش فامهة
انا عارفك لمن تطول كدة بتكون راقد ليك فوق راي
ورايك سمح زي طلتك

قلت لي غنماية في فستان
ممكيجة في خشيمها لبان


والله ظهرتها عاملة

[راشد خضر]

أخي مازن ، لك التحية . . بس ! المساطيل طلما استطعت الدخول الى عقولهم بقصيدة مضحكة ، حبذا لو ختمتها بتحذيرهم ! من خطورة تلك السموم المُدمر ، لتعم الفائدة .


ولكل موضوع ٍ هدف وفائدة

[محمد عبد الله عبدالقادر]

ود الجمال - شكيت محنك انت يا اخوي تلبت ليك زمن وتجي بالعجب العجاب
الصاروخ بتاعك كان لمه فيهو محشش درجة اولى كانت طارت ليهو
بس انت صحيت كيف من النوم!!!؟؟؟؟

[شبارقاوية]

أشوف غنماية في فستان

ممكيجة في خشيما لبان
هههههههههههههههههههههههههههه
والله سيجارة رهيبة

[ابوشوتال]

والله لكن دة
سطلتوا قوية
قايتو عرفنا الطريقة

[مازن الجمّال]

ابراهيم يا حنين

شوقنا بحور والله
ودايش مع الدنيا الفايرة دي بس

واسوي نشو بس

[مازن الجمّال]

أخي مازن ، لك التحية . . بس ! المساطيل طلما استطعت الدخول الى عقولهم بقصيدة مضحكة ، حبذا لو ختمتها بتحذيرهم ! من خطورة تلك السموم المُدمر ، لتعم الفائدة .


ولكل موضوع ٍ هدف وفائدة

العزيز راشد
ازيك يا ملك واخبارك
واتخيل لي الدخول لعقول المساطيل بالقصائد الحلمنتيشية
زي الدخول لعقولهم بالنكت .. وبالتالي كان مفروض يطلعوا نكت تحذيرية برضو
ولا شنو
وكمان اتخيل لي مافي زول هسة ما عارف البنقو بيلفوه كيف
واحساسه بكون كيف وبرضو مخاطره شنو وبيعمل شنو وما بالضرورة الواحد يكون جربو وانما من حكاوي الناس ساي .
ونكت المساطيل ..

وكمان اهلنا قالوا اعرف طبيعة الحاجة عشان تسلم من شرها
وكمان يا حنين لو انت اتأملت في القصيدة كويس بتلقاني ذاكر مخاطره برضو وبشكل
ساخر زي ( الذهاب بالعقل ) ..

وفي النهاية المقصود هو الهزل والضحك والفرفشة ..

وكن بخير يا راشد .

[مازن الجمّال]

احمد عبد الله
مشتاقين ياخ
ومالك قاطع خبر كده

وصحيت لقيت نفسي تحت السرير ههههه

[مازن الجمّال]

شبرقاوية ازيك
وشيلي ليك نفسين كدي

[مازن الجمّال]

ابوشوتال ازيك
وعرفتها بس ما تمشي تسويها

[ابوالنور]

العزيز راشد
ازيك يا ملك واخبارك
واتخيل لي الدخول لعقول المساطيل بالقصائد الحلمنتيشية
زي الدخول لعقولهم بالنكت .. وبالتالي كان مفروض يطلعوا نكت تحذيرية برضو
ولا شنو
وكمان اتخيل لي مافي زول هسة ما عارف البنقو بيلفوه كيف
واحساسه بكون كيف وبرضو مخاطره شنو وبيعمل شنو وما بالضرورة الواحد يكون جربو وانما من حكاوي الناس ساي .
ونكت المساطيل ..

وكمان اهلنا قالوا اعرف طبيعة الحاجة عشان تسلم من شرها
وكمان يا حنين لو انت اتأملت في القصيدة كويس بتلقاني ذاكر مخاطره برضو وبشكل
ساخر زي ( الذهاب بالعقل ) ..

وفي النهاية المقصود هو الهزل والضحك والفرفشة ..

وكن بخير يا راشد .

احييك في بعدي يا مازن الجمال

[ابراهيم]

الأخوين
مازن وراشد تحياتي
تحياتي وما بينكما ود

وددت هنا ان اقول لراشد إنها قصيدة حلمنتيشية وكما تعودنا في القصائد الحلمنتيشية التوجيه بصورة هزلية للخروج عن المألوف وكسر روتين الجدية الذي ينفر منه الناس في الغالب وليس بالضرورة كتابة تحذير فكلنا يعلم اضرار وفوائد الأشياء وهذا لا ينفى التحذير من الاشياء الضارة ولكن وعاء القصيدة الحلمنتيشية له ابعاده وهي في الآخر فاكهة كما النكتة كما قال اخونا مازن.

علي جنب:
ياخ هو قال ليك بشوف غنماية لابسة فستان
وعاملة مكياج ... وتقل راس واحساس بالكرعين مافي
في تحذير اكتر من كدة
ولكما تحياتي وتقديري

[مازن الجمّال]

ابو النور حبيب قلبي
وابراهيم الرجل اللطيف

صدقوني شوقي وحبي لي مدني وناسا كفيلين انهم يبعدوني من أي مهاترات لفظية
مقصودة كانت او غير
وانا بدخل المنتدى مخصوص عشان ألاقي الناس وخصوصا اني بعرف تلت ارباع
المشتركين خارج المنتدى وكمان عشان الواحد يبعد من ضغط العمل ومشاكله
والبيفهمني صاح تمام والبيفهمني غلط لما يرجع لكلامي ويدقق فيه بتتغير الرؤية عنده
بعد داك ..

الاخ راشد اخ عزيز ولينا مداخلات جميلة مع بعض في بوستات سابقة
واعتقد انه هسة حيكون قراني صاح ..

وخالص تحياتي وحبي واحترامي ومودتي للجميع

[محمد عبد الله عبدالقادر]

احمد عبد الله
مشتاقين ياخ
ومالك قاطع خبر كده

وصحيت لقيت نفسي تحت السرير ههههه
انت يا اخوي الظاهر جد جد لافيها !!!! انا محمد عبد الله مش احمد عبد الله !!!!!!!1
يا حلييييييييييييييييييييييييييييييييييييلك

[مازن الجمّال]

انت يا اخوي الظاهر جد جد لافيها !!!! انا محمد عبد الله مش احمد عبد الله !!!!!!!1
يا حلييييييييييييييييييييييييييييييييييييلك
هههههه
والله تصدق يا محمد امكن لاني مشتاق ليكم الاتنين
وبعدين احمد اخوك ده آخر مرة لاقيتو امكن قبل تلاتة سنين
بلاي خالص تحياتي ليه

[محمد السر احمد]

مازن الجمال الغالي والله مشتاقين عديل كدا خبرك شنو
والقصيدة مبالغة دي اكيد حاجة شديدة

[ااسمر]

مازن سلامات كتار

[ابوالنور]

مازن يا حلو اللسان تسلم علي كل حرف نطقتو وربنا ما يحرمنا من بعض
وتحيات خاصه للمسمي محمد موسي

[مازن الجمّال]

محمد السر
يا ود اتنفخت كدة مالك
ومشتاقين اميال

ودي من سجار النيش

[مازن الجمّال]

اسمر
وتحيات كماان وكمان

[مازن الجمّال]

ابوالنور
اللهم آمين ونتلم قريب انشاالله
وصاحبك محمد موسى هسة لو قريب في المزاد قاعد

[الطويل]

أنعل أبو دى سجاره يا مازن

أعمل حسابك المره الجايه بجيبك لى بى هنا:D

[مازن الجمّال]

ابو رانيا

وانا بجيك براي يا عمك

هههههه

[همسة شوق]

مزونى حبيبنا قصيدة مبااااااااااااالغة
الواحد لو مابعرفك بيقول إنت لافيها بالجد
وشفايفك دى مسودة من الشوشاوة
واحشنا كميااااااااااااااااات ياغالى

[شبرقية]

والله يامازن كل شوية ناط
بضحكة اعلي واجمل من القبلها

بس قول لي السجارة دي خيالية
زي الزول الثقيل داااك ولاااااااااااا.......

[عمار هبّار]

سألت هذا السؤال أكثر من مرة ولم أجد الإجابة .. ما هي العلاقة بين التعاطي والإبداع ؟؟!!
كنت يوماً أدعي الفن .. فقال لي أحمد الأخوة الموسيقيين (يا عمار لو عايز صوتك يكون تمام .. أضرب البتاعة) فقلت ليه علاقة الغنى بي البتاعة شنو ؟! .. ذكر لي بعض الأشياء التي لم تقنعني .. وكانت سبب في تركي الغنى نهائياً .. والآن أكرر هذا السؤال ماهي العلاقة ؟!

[مازن الجمّال]

همسة شوق
والله ليك وحشة وشوق
واخوك كتب اوصاف الناس بس

[مازن الجمّال]

شبرقية يا عسل
انشاالله دايما ضاحكة
وخيالية جدا البتاعة دي

[مازن الجمّال]

عمار الراقي
ما كان تخليه والله
وصدقني دي كلها اوهام بس
وعلاقة مافي
بس امكن المقصود الصفا الزهني البيجيك بعد السجارة

[ادمون]

الاخ مازن الجمال والله السجاره شديده اقصد القصيده بالله من وين الاتنين تتصور من شدتها سرحت معاها وانا عندى شغل وما يهمك كل ما يكون عندك واحده شديده ( قصيده) والاضرار واضحه والمساله ضحكه جميله والمجال مفتوح عشان نكتب وانا عندى راى خلو مازن يكتب عن المساطيل وناس تانين تكتب عن الاضرار وكده نكسب الاتنين وعمر الحلو ما يكمل تحياتى للاخ خالد هاشم الجمال اذا كان من العائله المالكه والتوم وكل ال الجمال وود ازرق

[مازن الجمّال]

ادمون
كدي في البداية ازيك
وبعدين شكلك بتاع سجارة قديم هههههه
وخالد ده اخوي والتوم ود عمي
والسلام يوصل انشاالله
بس ما تمشي تقول ليم لقيت ولدكم طلع بتاع سجارة هههههه

تسلم يا ادمون ياخ
وخالص تحياتي ومودتي

[samar_taha]

يا مازن متاكد سجارتك دي حمرة ؟ ولا بعدها شفت الدنيا حمرة ؟؟؟؟

[مازن الجمّال]

سمر

نارا بس الكانت حمرا

[بدر الدين احمد الطائف]

العريس مازن
والله البشوف وصفك فى القصيدة يقول انت مجرب .
قصيدة حلمنتيشيه جميله.
وزراة الصحه تحزير هام التدخين ضار بالصحه والعقل.

[monim]

ابداع يا مازن ... طلة جميلة بعد طول غياب

[أبو جودي]

أخونا مازن بالله ده اللفاهو ليهو منو ،،، شكلو كدي تحت البحر

[مازن الجمّال]

العريس مازن
والله البشوف وصفك فى القصيدة يقول انت مجرب .
قصيدة حلمنتيشيه جميله.
وزراة الصحه تحزير هام التدخين ضار بالصحه والعقل.

هههههههههه

دا نكتو من وين يا بدر الدين

وغايتو جينا شاقين بالمقابر ساي يا عمك

تسلم على المرور والمشاركة يا حبيب

وما نتحرم منك

[ahmed algam]

لكن والله السجاره عندك ياود الجمال

[ممدوح أبّارو]

آمنت بالله !!!!
يا مبشتن دي وارد وين؟http://wadmadani.com/vb/images/icons/icon10.gif

ليك وحشة يا مان

[عبدالله محمد العقاد]

الحبيب العريس مزوني

ابداع والله

اخي مازن انت ماشالله شاعر و عندك امكانيات معتبرة لكن ليه مقل في عطائك هنا في المنتدى سواء في العام ام الثقافي



و عليك الله يا مازن قول لينا قصيدة : كل ما نشتل الافراح تجي الغنماية تأكلها تاني

[مازن الجمّال]

ابداع يا مازن ... طلة جميلة بعد طول غياب

منعم يا جميل

انت الابداع بام عينه
ومواضيعك دايما بتضرب في الوتر الحساس

غياب لظروف
لكن دايما الرجعة اكيدة

مودتي لك يا حبيب

[مازن الجمّال]

أخونا مازن بالله ده اللفاهو ليهو منو ،،، شكلو كدي تحت البحر

ابوجودى العسولة
(ربنا يحفظا )

ودي جاتو ملفوفة جاهزة .. وبعدين في اجمل من قعدة ظريفة تحت شجر الصفصاف جمب المحافظة ؟

بالله الحتات دي لسة جميلة زي ما كانت ولا انطمرت وراحت ؟

مودتي واحترامي يا لذيذ

[مازن الجمّال]

لكن والله السجاره عندك ياود الجمال

السجارة عندي والقعدة عندك .. باقي جك موية ساااااقط كدا


احمد ازيك والاسرة الكريمة

تحياتي للجميع

[مازن الجمّال]

آمنت بالله !!!!
يا مبشتن دي وارد وين؟http://wadmadani.com/vb/images/icons/icon10.gif

ليك وحشة يا مان

دي وارد مربع حداشر يا وهم ( وش مطلع لسانو )

ممدوح ياخي مشتاق ليك شوق مباااالغة كدا

ات يا وهم انا موش قلت ليك مستنيك في الماسنجر ؟

[مازن الجمّال]

الحبيب العريس مزوني

ابداع والله

اخي مازن انت ماشالله شاعر و عندك امكانيات معتبرة لكن ليه مقل في عطائك هنا في المنتدى سواء في العام ام الثقافي



و عليك الله يا مازن قول لينا قصيدة : كل ما نشتل الافراح تجي الغنماية تأكلها تاني



الزول اللذيذ والعسل
عبد الله العقاد

تسلم على المرور والمشاركة يا حبيب

وردا على :

لكن ليه مقل في عطائك هنا في المنتدى سواء في العام ام الثقافي

حقيقة يا عبد الله المنتدى هو المقصر معاي ما انا والله
ولو كان علي .. كنت بتمنى انو كل اعمالي تشوف النور من خلال منتدى ود مدني اول حاجة لانو ودمدني امنا الحنون دايما .. ومنو الما بتمنى انو تكون امو اول المبشرين والمهنيين

لكن يا عبد الله كدي عاين معاي للتالي :
دا بوست كان نزلتو قبل فترة في المنتدى الثقافي
http://wadmadani.com/vb/showthread.php?16952&highlight=

لاحظ معاي.. المشاركة كانت (30-04-2007 الساعة : 07:25 PM #1 )
و في (25-05-2009 الساعة : 07:05 PM) ما لقيت للاسف أي مشاركة من اي عضو من المنتدى واضطريت اني ارفعو

ولاحظ كمان اول مشاركة جاتني من عضو في البوست بعد داك كانت في ( 25-05-2009 الساعة : 07:05 PM)

يعني يا عبد الله اتخيل انك تنزل ليك بوست لقصيدة انت ككاتب بتكون متشوق لأي مشاركة فيها من خلالها بتقدر تحدد مدى تقبل الناس ليها وكمان لو في نقد بناء ممكن تستفيد منو وتطور بيه كتابتك .. اتخيل انك بعد ما نزلت البوست يفضل سنتين بدون رد او مشاركة واول مشاركة تجيك فيه بعد شهر كامل من التاريخ الرفعتو فيو مرة تانية ..

دا احباط ولا لأ ؟

وكمان لاحظ لنفس القصيدة في منتدى تاني ولاحظ لتجاوب الاعضاء معاها كان كيف
http://www.sudaneseonline.com/cgi-bin/sdb/2bb.cgi?seq=msg&board=160&msg=1206979266&func=flatview

عموما بتمنى يا عبد الله انو الصورة الخربة دي تتغير من ذاكرتي وتنزل مكانا صورة اجمل وانبل

وبخصوص (كل ما نشتل الافراح تجي الغنماية تأكلها تاني ) ( وش ضاحك )

فدي اقتباس للاغنية المشهورة وغيرت فيه في لحظة زهج بس

مودتي واحترامي يا جميل