المساعد الشخصي الرقمي

مشاهدة النسخة كاملة : واحد بحب


صالح شرف
13-05-2007, 10:48 AM
تلقاهو ...ساهم
وفكرو ماجي
مشغول شديد...
بس همو كلو يا اخوانا محبوبو وحياتو
لو الواحد بحب

صراحة...بكون عايش في عوالم حقتو براهو
تلقاهو فرحان وسط ناس مكشرين ومبوذين اربعة وعشرين ساعة
تلقاهو كمان...
حالم...
ومترجي الخير دايما...
وماهاميهو...كلام الناس...
ولا نظرتهم...
ولا أي شئ....

صدقوني لو الواحد بحب (فعلا)بكون مازس الناس
(حبيب الناس...
انت عاجبني وانا زول حساس...
في عيونك ديل اسرار وكلام
امال بتطير زي الاحلام
تفتق في الروح اجمل الهام
وتكون للزول في الحب نبراس...
حبيب الناس.....)
كمان برضو اعز عزيز(المحبوب)

(...يا اعز عزيز للعين والروح
يعجبني كتير لو طيفك يلوح
النسمة عليك كل ما بتروح...
تحملك مني سلام وجناس...)
شوفتو جنس البلاغة
والفصاحة
دي
شعر ساااكت
وكلو المحرك الاساسي لهو الحب
ولا شئ غيره...

(.....والمهم انتو حبو وخلو شيل الهم علينا...)


وتعشو وتحبو...
وتجيبوا للبتحبوهم...
فرح باكر...
فرح...النجوم...


وانا ماشي...


صااااااااااااااااااااالح
ابو اليا
13-05-2007, 10:08 PM
والله يا صــــــــالح لو ما البتفكر فيهو ده كان بيستاهل انك تفكر فيه ما كان الواحد سهر الليالى اما الزول يفكر فيى حياتى ده لانو بالجد عندو زول عاااايز اتعب عشانو لاكن يا صــــــــالح انا معاك بشيل هموم الناس البتحب ان شا الله
ابوالنور
14-05-2007, 01:38 AM
الله يكفيك شر من تحبه أنت بجنون فيكون مصيبتك العظمى حين يدرك حجم هذا الجنون فيتفنن في إيذائك وكأنه ينتقم منك لأنك أحببته فيتمادى في إيذائك ليذيقك مرارة حبك وافتقاده ويتمادى في الهجر والصد .

الله يديك هذا النوع يدخل حياتك بلا إستئذان ، يقدم لك الحب فوق أوراق الورد ، يحملك الي عالم الأحلام ، يحول حياتك إلى عالم الخرافات والأساطير ، يشعرك بمسؤليته تجاهك وأنك مسؤول منه ، يعلمك الصدق والحب والإخلاص ، يحول سوادك إلى بياض ؛ وليلك إلى نهار ؛ وظلمتك إلى شمس ، يصبح قلبك الذي تعشق به ،، وعينك التي ترى بهما ،، هذا الإنسان إذا ضاع بحق نبكي بحرقة
محمد السر احمد
14-05-2007, 11:54 PM
اخي صالح الحب جميل واجمل ما فيهو البهدلة لانو ليها طعم تاني
وربنا يوفقك
Madanawi
15-05-2007, 04:38 AM
شئ جميل أن نحس بالاخرين حباً لهم وعطفا عليهم ،

ويؤثرون على أنفسهم وإن كان بهم خصاصة !!!!!!!!!!!!!

دي فناننا الجميل وردي أطربنا بلحن وكلمة كلنا نحفظها .. حين تغنى قائلاً

الشايل هموم الناس ............ وهمّو العندو غالبو يشيلو
صالح شرف
16-05-2007, 10:12 AM
والله يا صــــــــالح لو ما البتفكر فيهو ده كان بيستاهل انك تفكر فيه ما كان الواحد سهر الليالى اما الزول يفكر فيى حياتى ده لانو بالجد عندو زول عاااايز اتعب عشانو لاكن يا صــــــــالح انا معاك بشيل هموم الناس البتحب ان شا الله



تسلم يا ابو الياء


وتعيش للبحبوك انت كمان
صالح شرف
16-05-2007, 10:18 AM
شئ جميل أن نحس بالاخرين حباً لهم وعطفا عليهم ،

ويؤثرون على أنفسهم وإن كان بهم خصاصة !!!!!!!!!!!!!

دي فناننا الجميل وردي أطربنا بلحن وكلمة كلنا نحفظها .. حين تغنى قائلاً

الشايل هموم الناس ............ وهمّو العندو غالبو يشيلو


مدناوي اخوي عارف البسلمو لينا ديل منو



الاوفياء من الاحباب فليس كلهم باهل لان ندعو لهم بالسلام والراحة والطمانينة
والسلامة

ومع السلامة
علي امل لقاء
ارجو ان لا يكون بعيدا علي بكم
meshanshow
26-05-2007, 01:46 AM
الحب هو من اجمل الاشياء و عندو نكه خاصه و مشاكلو كتيره