جريدة المنتدى ـ العدد العاشر

[شبارقة]

صحيفة اسبوعية سياسية اجتماعية تهتم بأخبار أعضاء المنتدى، وسياسة المنتدى
(رئيس التحرير + المدير + الغفيركلو) شبارقة
مساعدو غفير التحرير : أبورجاء ، مدناوي و هلمجرا
العدد العاشر ـ الثامن من مايو آيار سنة الفين وسبعة ميلادية


كلمة غفير التحرير:

الإخوة والأخوات رواد المنتدى ، بعد النجاح الذي حققه العدد التاسع ، نأتيكم بهذا العدد الجديد في ثوبه القشيف آملين أن ينال رضاكم ، أبقوا داخلين (الله يحلنا من لسناتكم).

الشمارات الإشتماعية:

مدنية ماسكاها حمى المغتربين ـ حسب غباها ـ دايره تغترب بأي طريقة عشان تضرب البروست وتتسوك بالمعجون المضاد للقشرة ـ عفواً المضاد للأكسدة،وتغسل بالصابون البودرة المعطر ، أصلها زهجت من خالتي فاطنة (نوع من الصابون البلدي) ومن هذا المنطلق ـ والناس كلها منطلقه الزمن دا ـ نعلن دعمنا لمدنية بدستة من معجون C جنال وكرتونة صابون بودرة معطر، أما بالنسبة للجداد، فالجداد البلدي أحسن يا مدنية أضبحي وابلعي بالهنا والبطحاء.


جيفارا البديري شغلوهو ناس الحيكومة جاسوس على المعارضة، وكلفوهو بالبحث عن جنا المطامير ، ولم يتردد في تعليق بوست قدر الليلة وباكر يناشد من رأي أو سمع أو شم شيئاً عن ود المطامير (شم دي حلوة مش!) أن يخبره فوراً لأنه أصبح عميلاً سرياً للحيكومة.

reem قالت عايزة تجرب معزتها عند الناس قدر شنو، نزلت بوست قالت أنا طالعة من المنتدى وما راح تشوفوني تاني وودعت الناس، والناس زعلت وطلعوا كلهم بيعزوها إلا أنا قعدت منطط عيني ماسك وردة (بيضاء) في يدي اقطع صفقة أقول بتطلع ، أقطع صفقة أقول ما بتطلع ، اقطع صفقة أقول بتطلع أقطع صفقة أقول ما بتطلع لمن قلبي قرب يقيف، ولكن الحمدلله المسعلة طلعت كلها فبركة في دربكة ، بس فكرت قلت لو في واحد من الشباب قال طالع أقطع شنو؟؟

عمر سعيد النور قعدوهو على الكرسي الملهلب ، وخجلااااااااااان من ولدو وليد أبو قرط (لكن يا جماعة وليد أبو قرط دا مش أبوهو أبو قرط طلع ولد عمر سعيد النور كيف!!؟؟ حكمتو بالغة)، المهم خايف يشاتر بكلام أو يحكي حاجات حصلت زماااااااااااان يقوم ينوم ليهو بي علقة من المدام ، الناس كلهم متحفزين وجاهزين للأسعلة المولِّعه، يا ربي بيجي يوم يكون فيهو ولدي معاي في المنتدى دا وأخجل منو جنس خجلة صاحبنا من ولدو !!


المسافر دايماً يشاتر في سفراته من حيطة الجالوص الى غيرها من المشاترات،،،، هذه الأيام مسافر في قصة النسيبة (النصيبة) ، خايف يجيب في الشنطة حاجة تزعلها، خايف يقول كلمة في لحظة دقسه تعكننا، خايف منها كلها على بعضها، ، النصيحة ليك يا المسافر من زول لا عرّس لا شاف النسايب: تعرس وتستلم مرتك وتطفش من البلد ، وخلي نسيبتك تأكل نارا، هي تنبح وانت مااااااااااشي!


عصام الدين عموش تم قبضه متضهباً هو والعضو سوباوي والعضو عوض صقير في أحدى حفلات الجبجبه بالرياض، واضعين نصب أعينهم المثل الشهير (بلداً ما بلدك أمشي فيها عريان) لكن طلع في القطر مفتش وتم قبضهم متلبسين واعترفوا بالضهب مع سبق الإصرار والترصد.


طلال الحاج (ما بتاع الجزيرة واحد تاني في منتدانا) مشى السودان وقضى اجازة كلها مساككا وجري ، سكوهو ناس الالزامية ، بعد شوية قبضوهو ناس الضرائب، والمغتربين و..... الخ ، لمن جا راجع يتكلم عن رجل حوت وامرأة أبو الرقيع ، الله يستر من وهم البرندات (مرض نفسي)!!


بورتبيل وصلاح فتحو بوتيك لبيع الكلام الجميل ، زوووووووووول قال ليهم كراعكم في نخرتكم ما في، الناس جاريه لأبو الرجاء ، عفواً أبو الرخا ((حوش القرقراب و(جر) الكراب)) ، والذي حقق نجاحاً منقطع النظير بلغ فوق الستمائة تريليون جنيه منتدياوي (عملة المنتدى)، وطالع في الكفر يا أبو رجوية ، أيامك يا مان.


العضو الرائع جداً صالح شرف ذو القلم الذهبي، المذيع العبقري ، مسكتو حالة نفسية زي المسكتني يوم شاكوش بت الحاج (كائن خرافي)،( أديها شاكوش تمسكني أنا حالة نفسية !!) المهم قرر عدم الكتابة عشان الناس مطنشاهو برغم الروائع التي يكتبها ، نقول ليهو يا زول يا صالح طول حبالك واجدع ليك عنقريب (قد) تحت ضل شدرة سوق ام دفسو ولا في حوش القرقراب ، ولا أدخل بوتيك بورتبيل وريح دماغك ،، أنسى المرض النفسي زي أخوك ما بسوي ، ما براك المجنون!! كلنا صواميلنا ملكلكة !!

مهيرة وأميمة عشرية ، زي الملكة اليزابيث ، يظهروا مرة في السنة ويختفو بقية الفصول الأربعة ، نزّلو في الفترة الأخيرة مواضيع قوية جداً في المنتدى العام ، بت عبود تتكلم عن إشادة الصحافة السودانية بمنتديات ودمدني ، ودا موضوع يسر البال ـ أفرحوا يا ناس حيكومتنا ـ وبت عشرية ـ والية المنتدى الثقافي ـ تتكلم عن موضوع الصداقة السودانية الاسرائيلية ، ودا كلام كبير ، يعني البهايم ديل ما لقو يصادقوا الا الإسرائيليين، والله لو صادقوا القطط المتشردة وسموها جمعية أصدقاء (الكدسة الشماسة) كان يكون أحسن!!

العضو أبو شوتال داير يتكلم اللهجة السودانية في البلدان الخليجية!! اتخيلوا معاي يا جماعة انو زار بتاع البقالة الخليجي وقال: عليك الله أديني ظهره وشمار وهبهان ، ودايرك توصف لي طواحين العيش بي وين عشان كرعي انهردن من اللف ومسكتني ورده وخشمي نشف نشاف جيب شبارقة ... بيفهم حاجة؟؟؟ خليك واقعي يا ابو شوتال!


الشمارات السياسية:

في سابقة مشهودة قررت الحيكومة التخلي عن بعض مبادئها ، حيث قال الناطق الرسمي باسم حيكومة الهنا (الفارس البنفسجي) (ما عارف سر التسمية دي شنو!!،، ليه ما يكون أخضر بني أزرق أبيض، ألوان حلوه .. ما علينا نربط الحمار محل ما يحب سيد الكارو) أكد أنه ليس بالضرورة أن تكون جميع مواضيع المنتدى ذات طابع جدي، بل هنالك متسع لكثير من الأشياء ذكر منها جريدتنا الغراء ، حيث صنفت من ضمن الأشياء الأخرى ، عموماً ما علينا صنفونا هنا أو هناك نحن في النهاية معارضة صريحة لنظام المنتدى، (معارضة سلمية طبعاً) ما ناس جدّيع حجار ، وغازات مسيلة للدموع وكلام زي دا ، ومن هنا ندعو الجميع للإنضمام الينا بما فيهم أعضاء حيكومتنا!!

الشمارات الأدبية:

(شمارات أدبية؟!! أول مرّة أسمع بيها ، عموماً ما علينا .. يلا)
حلمان أنا وقصة قصيرة جداً من البوستات الرائعة التي حظيت بقراءات متكررة في المنتدى الثقافي، الناس عايزة السريع وخفيف دائماً ، (مشروع قصة) بوست من انتاج شبارقة لكنو أخذ حظوا من الطناش ، يا أخوانا ما معقولة زورونا مرة (على وزن أسمعني مرة).

خاتمة:

من عز البلاد هاجرت بره مرقتَ
سكيت القرش لما الرويس انحتَّ
فاتن كم سنين لا غنيت ولا عرستَ

أبقو طيبين،،،

[نزار حسن محمد]

روووووعه ...يامحامينا ..اقصد يا الماك حامينا ..عدد 100% روعه وتعال بكره قول ودحسن قال كلام...

[شبارقة]

روووووعه ...يامحامينا ..اقصد يا الماك حامينا ..عدد 100% روعه وتعال بكره قول ودحسن قال كلام...

الله أكبر .. والعزة للمعارضة

تصريح هام من قائد كبير في الحكومة بنجاح المعارضة في هذه الجولة ...

فلتحيا المعارضة حرة شامخة ..

[المسافر]

تسلم يا شبارقة والله العدد أكثر من رائع
بس ناقص صفحة الشماشة . . . نسيتها
ولا الشماشة حصل عليهم شنو ؟

وبعدين أفكارك دي حتودينا في داهية
يعني أخلي نسيبتي تنبح ! أكان كده
أشوف ليك نسيبة أكون بكرها أصلاً .

وأهبك كل الوداد

[بورتبيل]

SIZE="4"]QUOTE=شبارقة;174263]صحيفة اسبوعية


[COLOR="green"]طلال الحاج (ما بتاع الجزيرة واحد تاني في منتدانا) مشى السودان وقضى اجازة كلها مساككا وجري ، سكوهو ناس الالزامية ، بعد شوية قبضوهو ناس الضرائب، والمغتربين و..... الخ ، لمن جا راجع يتكلم عن رجل حوت وامرأة أبو الرقيع ، الله يستر من وهم البرندات (مرض نفسي)!!


بورتبيل وصلاح فتحو بوتيك لبيع الكلام الجميل ، زوووووووووول قال ليهم كراعكم في نخرتكم ما في، الناس جاريه لأبو الرجاء ، عفواً أبو الرخا ((حوش القرقراب و(جر) الكراب)) ، والذي حقق نجاحاً منقطع النظير بلغ فوق الستمائة تريليون جنيه منتدياوي (عملة المنتدى)، وطالع في الكفر يا أبو رجوية ، أيامك يا مان.

من عز البلاد هاجرت بره مرقتَ
سكيت القرش لما الرويس انحتَّ
فاتن كم سنين لا غنيت ولا عرستَ

أبقو طيبين،،،[/FONT][/SIZE][/QUOTE]

الى السيد / غفير التحرير ( البحراوي) نادي كرة قدم بالخرطوم بحري
اشارة الى موضوعكم رقم خمساتشر في العدد العاشر لجريدتكم نود ان نوضح بعض المساعل الخاصة بالبوتيك والحوش الذين اشرتم اليهم
اولاً تم فتح هذا البوتيك بالاتفاق مع ادارة المنتدي على ان يبقى بالمنتدى العام لمدة تسعتاشر اسبوع .. وبعدها سيتم نقل الى حوش النواعم ( ما عايزين زول يحوم علينا بهناك)
ثانياً : بخصوص تفوق حوش ابو رجاء نفيدكم باننا نمتلك نسبة من الايرادات التريلونية فيه
ثالثاً: هذا العدد من جريدتكم متميز ونتمنى ان يتواصل فيه العطاء
رابعاً: بالنسبة للمرض النفسي (وهم البرندات ) مبااااااااااالغة عديل كدي
دا اتخيل مرض بجي للناس الكانو بسكونو في الداخليات بتاعات الثانويات زمان
ولكم الشكر

[مدنيّة]

والله عدد مية مية يا شبارقة انا اصلي عارفاك لما كفيك يكون مافي بتبدع :cool:

رد علي الخاتمة
ما تجي راجع المقعدك شنوووووو:mad:

[شبارقة]

تسلم يا شبارقة والله العدد أكثر من رائع
بس ناقص صفحة الشماشة . . . نسيتها
ولا الشماشة حصل عليهم شنو ؟

وبعدين أفكارك دي حتودينا في داهية
يعني أخلي نسيبتي تنبح ! أكان كده
أشوف ليك نسيبة أكون بكرها أصلاً .

وأهبك كل الوداد

لا يا خي دي أحسن فكرة

ملحوظة:
أوعى تسمع كلامي

[شبارقة]

[/SIZE]


رابعاً: بالنسبة للمرض النفسي (وهم البرندات ) مبااااااااااالغة عديل كدي
د[/QUOTE]




التعليق على رابعأ من رد بورتبيل على جريدة المنتدى ، نشعرك بالآتي:
وهم البرندات مرض شهير جداً ، وفي غيرو وهم المنقا (يتخيل المريض انو كل الدنيا مصفره)، وغيرو وغيرو .. الله يكفينا الأمراض النفسية، قول آمين!

[شبارقة]

والله عدد مية مية يا شبارقة انا اصلي عارفاك لما كفيك يكون مافي بتبدع :cool:

رد علي الخاتمة
ما تجي راجع المقعدك شنوووووو:mad:




شدة الولية دي بي عيني ما شفت !!

الكلمك منو عليك الله؟؟
بترمي الودع!

[ابوالنور]

حلوة يا شبارقه لكن برضو ما احلي من مدناوي
تسلم يا رائع ومزيدا من الشمارات اقصد الابداعات
مشاققه
اسمنا سقط ولا شنو

[Madanawi]

شغلك نضيف في العدد ده يا شبارقة ، والمزاج شكلو كان رايق المرة دي ،

لازم نهبشك في حوش القرقراب عشان تشتغل صاح .. ولا شنو ؟؟

بالنسبة لي عدم الغناء والعرس .. خلاص أمشي الحج وأعمل عمرة وكلّو بي ثوابو!!

[شبارقة]

حلوة يا شبارقه لكن برضو ما احلي من مدناوي
تسلم يا رائع ومزيدا من الشمارات اقصد الابداعات
مشاققه
اسمنا سقط ولا شنو

والله يا أبو النور انت داير ليك عدد خاص بيك برااااااااك، عشان لسانك المتل علبة الصلصة دا!! ما تقول لي وجه الشبه شنو ، ،،،

لك كل الود

[شبارقة]

شغلك نضيف في العدد ده يا شبارقة ، والمزاج شكلو كان رايق المرة دي ،

لازم نهبشك في حوش القرقراب عشان تشتغل صاح .. ولا شنو ؟؟

بالنسبة لي عدم الغناء والعرس .. خلاص أمشي الحج وأعمل عمرة وكلّو بي ثوابو!!

والله الخميس والجمعة الفاتو كنت في العمرة ، الحمدلله ودي نعمة كبيرة ،، وحجيت وزرت البيت ... لكن يا مدناوي البللنقليزي يا خوي العرس ضروري والفلس ما بندار ..

لك ودي

[شبارقاوية]

رهيب يا ود اهلى
انا ما لى حق زى دا ما بعرف
آآآآآآآآآآآآآآآآى جرسة

[سواااح]

فوق الحلة دي
انا تاني ما بجي
الشمااااااااار كتير
انا تاني ما بجي

[ابوالنور]

والله يا أبو النور انت داير ليك عدد خاص بيك برااااااااك، عشان لسانك المتل علبة الصلصة دا!! ما تقول لي وجه الشبه شنو ، ،،،

لك كل الود

انا عرفتو وما بوريك

[ود المطامير]

جرايد ... جرايد ... أقرأ جرايد
لو فاتك العدد دا نص عمرك ضائع
جرايد .. جرايد .

[شبارقة]

رهيب يا ود اهلى
انا ما لى حق زى دا ما بعرف
آآآآآآآآآآآآآآآآى جرسة

والله جنس فضايح ..

لازم يعني يا خالتي تكلمي الناس كلهم وتوريهم اني اترجيتك تعملي الجريدة!!

والله غايتو يا خالة ما بتتبله في خشمك فولة

[شبارقة]

فوق الحلة دي
انا تاني ما بجي
الشمااااااااار كتير
انا تاني ما بجي

يا سواااح أخوي أحسن ليك تجي

فوق الحلة دي تلقى المكوجي (.........)

فوق الحلة دي تلقى السفرجي (.........)


يا سواااح أخوي ،،، دقيقة انا انتبهت لي حاجة ، اسمك دا مشلخ مطارق مالو؟؟ سواااح!!

[شبارقة]

جرايد ... جرايد ... أقرأ جرايد
لو فاتك العدد دا نص عمرك ضائع
جرايد .. جرايد .

لا خلاااااااااااااااااااااااس عملت دعاية قدر الليلة وباكر،،

شوف الضل الميت والخليقة المتل السرة بياعة التسالي،، دي ياها فلاحتك ..

أمش غسل وشك وارجع زي ما كنت أول ..
دايرك تخوف ناس الحيكومة ، دايرهم اسمعوا اسم جنا المطامير يشتتو شتات الحرامي السرق الطماطمة .. شد حيلك معاي

[شبارقة]

انا عرفتو وما بوريك

هه .. يعني أنا الما عارفو؟؟!

[الفارس البنفسجي]

شوفو بالله شبارقة دا
عامل فيها بتاع
معارضة وبتمسح بي
عمنا ابورجاء واخونا
مدناوي.ونسي أنو ديل
ناس حكومة ساااااي

التسمح دا يا جماعة
بتسموا شنو في علم
السياسة؟؟؟؟؟؟؟؟؟

[ابورجاء]

[SIZE="5"]

التسمح دا يا جماعة
بتسموا شنو في علم
السياسة؟؟؟؟؟؟؟؟؟

الميـــــــــــــــــــــــــــــــــــــــــك آب يا ود اخوي :D

[جيفارا]

نمتنع عن الرد لأنه قد ترد فيه معلومات أمنية وجغرافية ذي ما أنتو عارفين الوضع الراهن في زيادات في الاجور وفي ناس شملتهم وناس معلقين وناس ما معروف . وود المطامير من الناس الشملهم دبل الدبل لمن قرب من التربل وبقوا من ناس فوق العشرة الاف ( فوق 3 الف دولار ) طبعا من دون السكن وغيروا .

خايف أكون طلعت معلومات سرية وكدة

[ابورجاء]

عصام الدين عموش تم قبضه متضهباً هو والعضو سوباوي والعضو عوض صقير في أحدى حفلات الجبجبه بالرياض، واضعين نصب أعينهم المثل الشهير (بلداً ما بلدك أمشي فيها عريان) لكن طلع في القطر مفتش وتم قبضهم متلبسين واعترفوا بالضهب مع سبق الإصرار والترصد.
[/FONT][/SIZE]
والله لكن يا شبروقتي خطيييييييييييييييييييييييييييييير
يا اخوي ما تجي نشغلك معانا شمام اقصد بطيخ
لا اقصد عميل سري الكترابة جبت الشمار ده من وين
انا كلموني لكن ما كنت قايلو جد جد لكن بيني وبينك
المفتش الكلان في القطر ده منو :D :p ;) ....

تخريمة مع المشاققة وشقلبة مع الهمسة :ــــ
حقيييييييييييييييييييييييييييييي وييييييييييييييييييييييييييييين
ما نزلت لي خبر الكمرا الراحت في حق الله لييييييييييييييييييه:confused: ...

ودوما في رعاية الله وحفظه....
مع كل الود باقة ورد.....

[ود المطامير]

لا خلاااااااااااااااااااااااس عملت دعاية قدر الليلة وباكر،،

شوف الضل الميت والخليقة المتل السرة بياعة التسالي،، دي ياها فلاحتك ..

أمش غسل وشك وارجع زي ما كنت أول ..
دايرك تخوف ناس الحيكومة ، دايرهم اسمعوا اسم جنا المطامير يشتتو شتات الحرامي السرق الطماطمة .. شد حيلك معاي
ههههههههههههههههههههه
السرق الطماطمه ما هو أنا زاتى , أشتت ؟

[ود المطامير]

نمتنع عن الرد لأنه قد ترد فيه معلومات أمنية وجغرافية ذي ما أنتو عارفين الوضع الراهن في زيادات في الاجور وفي ناس شملتهم وناس معلقين وناس ما معروف . وود المطامير من الناس الشملهم دبل الدبل لمن قرب من التربل وبقوا من ناس فوق العشرة الاف ( فوق 3 الف دولار ) طبعا من دون السكن وغيروا .

خايف أكون طلعت معلومات سرية وكدة
الله يستر أبوى ما يسمع كلامك دا وبكره يطلّع لى أخوان
من مره تانيه غير أمّى ويقول لى زيد المصاريف .

إلا الظاهر عليك إنت من الناس الما معروف صح ؟

[شبارقة]

ههههههههههههههههههههه
السرق الطماطمه ما هو أنا زاتى , أشتت ؟

احييييييييييييييييييييييييييييييييييييي واااااا فقعت مرارتك يا شبارقة ...

الظاهر علي بموت بي سكته قلبية من عمايل الجنا دا ...

أسوي فيك شنو ....!!

[شبارقة]

والله لكن يا شبروقتي خطيييييييييييييييييييييييييييييير
يا اخوي ما تجي نشغلك معانا شمام اقصد بطيخ
لا اقصد عميل سري الكترابة جبت الشمار ده من وين
انا كلموني لكن ما كنت قايلو جد جد لكن بيني وبينك
المفتش الكلان في القطر ده منو :D :p ;) ....

تخريمة مع المشاققة وشقلبة مع الهمسة :ــــ
حقيييييييييييييييييييييييييييييي وييييييييييييييييييييييييييييين
ما نزلت لي خبر الكمرا الراحت في حق الله لييييييييييييييييييه:confused: ...

ودوما في رعاية الله وحفظه....
مع كل الود باقة ورد.....

يا خوي أنا شغال أناناسة في سوق ام دفسو!! الحمد لله بي وظيفتي ، شوف الما عندهم وظايف...
الكاميرا حقتك راحت في الكازوزه ، باعا صلاح اشترى بي حقها كسرة ودكوة وسلطات من غبيرة !!

[ابورجاء]

يا خوي أنا شغال أناناسة في سوق ام دفسو!! الحمد لله بي وظيفتي ، شوف الما عندهم وظايف...
الكاميرا حقتك راحت في الكازوزه ، باعا صلاح اشترى بي حقها كسرة ودكوة وسلطات من غبيرة !!

لا حولااااااااااااااااااااااااااااااااااااااااااااااا ا
اوع تكون دي الكسرة الرشى بيها عمنا ابو ......
هوووووووووووووووووووووي انا مالي لساني
ده متبري مني كده اشيل واجيب لي نفسي المشاكل
اسه يجي ناطي لي ويوريني المكشن بلا بصل :D ....
اها سكته وصريت خشمي علي التوبه يا بت ام بلينا....

تخريمة وشكلها طوالي مبارية المشاققة:ـــ
كدي مالك عامل لي مسكين كول
مفلس ارسل ليك بطاقة بريالين ;) :p .....

ودوما في رعاية الله وحفظه...
مع كل الود باقة ورد....
بي ريالين

[ود المطامير]

احييييييييييييييييييييييييييييييييييييي واااااا فقعت مرارتك يا شبارقة ...

الظاهر علي بموت بي سكته قلبية من عمايل الجنا دا ...

أسوي فيك شنو ....!!
هع هع هع هع
أنا أخوك إت ؟ قدرت على شبارقه أخوى
الما قدروا عليهو الناس كلهم فى الكرسى الملهلب
عليكم الله شوفوا أحييييييييييييييييييييييى دى قدر شنو ؟
يا حبيب قلبى من هسى بنبدأ فى تنفيز الخطط والهجوم الكاسح
على فرسان بنى حمدان .. أدينى سيفى جاى .. وح أبداها ليك
من ناس المناسبات والتراحيب ونسيب صلاح لحد صاحب الهليكوبتر
فردة الجميع فهذا النصر الساحق يجب أن يصان بمواصلة المعارك .

[محمد السر احمد]

والله العدد دا مبالغة وماف كلام يا رئيس التحرير والغفير
ولك الف تحية والما قرا العدد دا نص عمرو فاتو

[مهيرة]

[QUOTE=شبارقة;174263]صحيفة اسبوعية سياسية اجتماعية تهتم بأخبار أعضاء المنتدى، وسياسة المنتدى
(رئيس التحرير + المدير + الغفيركلو) شبارقة
مساعدو غفير التحرير : أبورجاء ، مدناوي و هلمجرا
العدد العاشر ـ الثامن من مايو آيار سنة الفين وسبعة ميلادية



مهيرةة وأميمة عشرية ، زي الملكة اليزابيث ، يظهروا مرة في السنة ويختفو بقية الفصول الأربعة ، نزّلو في الفترة الأخيرة مواضيع قوية جداً في المنتدى العام ، بت عبود تتكلم عن إشادة الصحافة السودانية بمنتديات ودمدني ، ودا موضوع يسر البال ـ أفرحوا يا ناس حيكومتنا ـ وبت عشرية ـ والية المنتدى الثقافي ـ تتكلم عن موضوع الصداقة السودانية الاسرائيلية ، ودا كلام كبير ، يعني البهايم ديل ما لقو يصادقوا الا الإسرائيليين، والله لو صادقوا القطط المتشردة وسموها جمعية أصدقاء (الكدسة الشماسة) كان يكون أحسن!!



الرائع شبارقة :D طيب الجريدة ما تعملينا عيد الملكة :)
تطير عيشتنا :confused: نتقطع !
لكن برضو الجريدة ياشبارقة 100% وما خدها المركز الأول في البوستات بتقدير ممتاز
دي مش بلبصة :D عشان تجيبو اخبارنا دي رشوة عدييييل :D

فعلا قمة الروعة في اخبار المنتدي والي الأمام .

[ابوشوتال]

يا ولد ما تقعد في الواطة دي وتبطل الشمارات

العمرة الكلها مشاكل دي ما تفقع بيها مرارتنا

الجنيات ديل كاشف حالم مالك دي حفلة ولا سرقوا ليهم سريقة

ودابوشوتال سوداني وبحب الخير لي السودان ما بتنفع فيكم حسنة

وان قبلت عليك بزعمتك ( احسن تخلي المدفون في محل زارعنوا )

واقعد عافية

[نور العيون]

و الله يا شبارقة جريده جميلة و مية مية
و اله يديك العافية و في انتظار المزيد

[شبارقة]

والله العدد دا مبالغة وماف كلام يا رئيس التحرير والغفير
ولك الف تحية والما قرا العدد دا نص عمرو فاتو

بارك الله فيك آ ود السر بلاك تخرب!!

[شبارقة]

[QUOTE=شبارقة;174263]صحيفة اسبوعية سياسية اجتماعية تهتم بأخبار أعضاء المنتدى، وسياسة المنتدى
(رئيس التحرير + المدير + الغفيركلو) شبارقة
مساعدو غفير التحرير : أبورجاء ، مدناوي و هلمجرا
العدد العاشر ـ الثامن من مايو آيار سنة الفين وسبعة ميلادية



مهيرةة وأميمة عشرية ، زي الملكة اليزابيث ، يظهروا مرة في السنة ويختفو بقية الفصول الأربعة ، نزّلو في الفترة الأخيرة مواضيع قوية جداً في المنتدى العام ، بت عبود تتكلم عن إشادة الصحافة السودانية بمنتديات ودمدني ، ودا موضوع يسر البال ـ أفرحوا يا ناس حيكومتنا ـ وبت عشرية ـ والية المنتدى الثقافي ـ تتكلم عن موضوع الصداقة السودانية الاسرائيلية ، ودا كلام كبير ، يعني البهايم ديل ما لقو يصادقوا الا الإسرائيليين، والله لو صادقوا القطط المتشردة وسموها جمعية أصدقاء (الكدسة الشماسة) كان يكون أحسن!!



الرائع شبارقة :D طيب الجريدة ما تعملينا عيد الملكة :)
تطير عيشتنا :confused: نتقطع !
لكن برضو الجريدة ياشبارقة 100% وما خدها المركز الأول في البوستات بتقدير ممتاز
دي مش بلبصة :D عشان تجيبو اخبارنا دي رشوة عدييييل :D

فعلا قمة الروعة في اخبار المنتدي والي الأمام .

هي آ بت عبود قولي جبنا خبرك ، انت جايب لينا خبر!!!

مشاققا : الليلة ما بنوم من الفرح على الإطراء من قامة زيك ..

لك كل ودي

[شبارقة]

يا ولد ما تقعد في الواطة دي وتبطل الشمارات

العمرة الكلها مشاكل دي ما تفقع بيها مرارتنا

الجنيات ديل كاشف حالم مالك دي حفلة ولا سرقوا ليهم سريقة

ودابوشوتال سوداني وبحب الخير لي السودان ما بتنفع فيكم حسنة

وان قبلت عليك بزعمتك ( احسن تخلي المدفون في محل زارعنوا )

واقعد عافية

سمح يا ود أختي ، بقعد في الواطة وبقعد عافية!!

[شبارقة]

و الله يا شبارقة جريده جميلة و مية مية
و اله يديك العافية و في انتظار المزيد

يا نور العين .. انت وينك وين !!

وايديك الف عافية ...

عليك الله مشيتي وين ؟؟

العيادة الحصل عليها شنو؟؟

[شبرقية]

والله احلي شي الواحد يغيب يغيب
والقي الحصل كلو منتظروا في خشم الباب

عدد مبالغة ياشبارقة
بس في شمار كد اقولوا ولا يفتح الله

[شبارقة]

والله احلي شي الواحد يغيب يغيب
والقي الحصل كلو منتظروا في خشم الباب

عدد مبالغة ياشبارقة
بس في شمار كد اقولوا ولا يفتح الله

افتح يا سمسم ..

بعدين .. بعدين

[مصريه]

شكرا علي العدد المميز

[Madanawi]

يا شبارقة .. كنت أتوقع منك تفاصيل كثيرة عن بت الحاج .. قسمتك الفي رجاك!!

أوعة تكون من النوع البنسى العشرة ولبن المراعي خلاك بقيت ما واعي؟؟؟؟؟

[عوض صقير]

خبر عاجل ياشباب

شوهد رئيس تحرير الجريدة الأستاذ شبارقة
ومجموعة من أعضاء المنتدى

سوباوى - عصام عموش - أبوشوتال

فى أحد القصور الفارهة بمدينة الرياض

وطبعا أخونا شبارقة تفأجا عندما شاهد هذه المجموعة

وباقى الشمار جاييكم

[مرتضى يوسف العركي]

رائع والله يا شبارقة
ونصر كبير للمعارضة التي ساحترمها اكثر لو اتمردت بصورة غير سليمة عدد مميز يحتاج للاحتفال به وتقديم شربات ( ليمون ) وليس باضافة الف في وسطة يا فضيحة على كل شرف كبير ان تكون فضائحي في الليمون فهي اشرف من ناس كتار في ليالي الرياض .

[شبارقة]

يا شبارقة .. كنت أتوقع منك تفاصيل كثيرة عن بت الحاج .. قسمتك الفي رجاك!!

أوعة تكون من النوع البنسى العشرة ولبن المراعي خلاك بقيت ما واعي؟؟؟؟؟

الحلمنتيش الكتييييييييييييييييييييير القلناهو في بت الحاج ما قريتو؟؟؟
أجيبو ليك تقراهو ولا يهمك

علوية بت الحاج ـ حلمنتيش
علوية بت الحاج
القامة راكوبة
والكرشة أنبوبة
والتِّفة منكوشة
والخلقة مسلوبة
وشناتا يا الحِبَّان
ملفوفة في توبا
***
علوية بت الحاج
قات ليَّا فيكَ بموت
من دون خلايق الله
فيك يا شبارقة بموت
يا اخوانا شن سويت
تعشقني علوية؟؟؟
أنا في القمر جنيت
مجنونة فيْ هيَّ!
زهر الرياض حبيت
حبتني جنيَّة
اتلطَّف الحلوين
تمسكني زنديَّة
أنا في الغزل غنيت
غنتني مرثيَّة
***
لاقتني يوم راجع
من الشغل تعبان
سكَّتني في الشارع
زي قطعة الشيطان
عضَّت طراريما
ومرقت لسانا كمان
هزَّت كويعاتا
زي القطا البردان
قات ليّا فيك بموت
ياحبة الرمان

[شبارقة]

خبر عاجل ياشباب

شوهد رئيس تحرير الجريدة الأستاذ شبارقة
ومجموعة من أعضاء المنتدى

سوباوى - عصام عموش - أبوشوتال

فى أحد القصور الفارهة بمدينة الرياض

وطبعا أخونا شبارقة تفأجا عندما شاهد هذه المجموعة

وباقى الشمار جاييكم

يحلنا الله من لسان المحامين!!

[شبارقة]

رائع والله يا شبارقة
ونصر كبير للمعارضة التي ساحترمها اكثر لو اتمردت بصورة غير سليمة عدد مميز يحتاج للاحتفال به وتقديم شربات ( ليمون ) وليس باضافة الف في وسطة يا فضيحة على كل شرف كبير ان تكون فضائحي في الليمون فهي اشرف من ناس كتار في ليالي الرياض .

يلا سوي لينا حفل لقرطعة الليمون ، ما تكتر السكر !

[بنت الرفاعي]

والله ماشاءالله أعدادك القريته كلها تمام (في كم عدد كدة فاتوني) بالمناسبة الناس الكانو شغالين معاك زمان فنشتهم ولا لسة (بعد ما فنشتوني نسبة لعدم شماراتي وفشلي الذريع في لملمته) هم البلقطوا ليك بعض الشمارات ولا ........(out )؟؟!!:D

[شبارقة]

شكرا علي العدد المميز

مرسي أوي ..............

[شبارقة]

والله ماشاءالله أعدادك القريته كلها تمام (في كم عدد كدة فاتوني) بالمناسبة الناس الكانو شغالين معاك زمان فنشتهم ولا لسة (بعد ما فنشتوني نسبة لعدم شماراتي وفشلي الذريع في لملمته) هم البلقطوا ليك بعض الشمارات ولا ........(out )؟؟!!:D

مرام باللنقليزي كنت وين ،،،

بالرغم من فشلك الذريع حنعينك في الجريدة لأنو الموظفين كلهم شردو بسبب عدم وجود رواتب!

[شبندر]

الأخ شبارقة عدد رائع
أعمل حسابك من المحامين وخاصة الكبار وكمان في واحد جاء جديد اسمه البربري انت ما بتعرفه
في موظفين في الجريدة ما شايفنهم جاتهم السعودة ولا شنو

[Madanawi]

يا شبارقة .. كان بقت على الرواتب ما هينة .. هسي المكاتب ذاتها مافي .. مساطب بس!!

بعدين العدد الماضي صنف كجريدة حكومية أما العدد الحالي .. فقد تم القبض على بعض موزعيه نسبة لاقحام سيرة حيكومة المنتدى في بعض الاعمدة التي تتعارض مع اولويات النظام وعليه .. كل الموقوفين جاري التحقيق معهم .. وهنالك محاولات حثيثة من ود المطامير لاخراجهم بضمان سمعته وتاريخه .. لذلك رحلوهم للحبس الانفرادي!!!

[elmoiz]

والله يا شبارقة يديك العافية ... ويسكنك الصافية ... ويكفيك شر الكفيل

[بنت الرفاعي]

تقول شنو يا أخوي ظروف الدنيا وأحواله.
هو وقت مافي رواتب بتعيد في تعييني لي شنو؟ شنو شنو كمان مساطب ساي طيب نحن بنتاوق من بعيد لبعيد ولا اقول ليكم تعالوا أجروا مني العمارة الواقف حاله وماعايزة تتم دي, ذاتو عالأقل بقروش الإيجار نتمها.:D

[شبارقة]

الأخ شبارقة عدد رائع
أعمل حسابك من المحامين وخاصة الكبار وكمان في واحد جاء جديد اسمه البربري انت ما بتعرفه
في موظفين في الجريدة ما شايفنهم جاتهم السعودة ولا شنو

جاتم السودنة!

[شبارقة]

يا شبارقة .. كان بقت على الرواتب ما هينة .. هسي المكاتب ذاتها مافي .. مساطب بس!!

بعدين العدد الماضي صنف كجريدة حكومية أما العدد الحالي .. فقد تم القبض على بعض موزعيه نسبة لاقحام سيرة حيكومة المنتدى في بعض الاعمدة التي تتعارض مع اولويات النظام وعليه .. كل الموقوفين جاري التحقيق معهم .. وهنالك محاولات حثيثة من ود المطامير لاخراجهم بضمان سمعته وتاريخه .. لذلك رحلوهم للحبس الانفرادي!!!

لم نسلم عزيزي المدناوي من يد الحيكومة في هذا العدد ، فقد تم اغلاق مباني الجريدة لعدة ساعات ، وقد كبينا الجرسة وبكينا بكا أم الطريفي علي جمل الطريفي حتى تم فتح الموضوع بعد تدخل وساطات أجنبية..
أسعل زول فردة!!

[Madanawi]

دي حاجة بسيطة يا معلم .. عشان تعرف انت بتلعب مع منو يا معارض ؟؟

بس يا شبارقة ما تقول لي الوساطات الأجنبية دي .. ياها وساطة ود المطامير زاتها .. وبعدين أبو الدقيق ده .. كل ما تمشوا خطوة لي قدام يجي يخربها ليكم بي ظبزة مع الحيكومة .. والله كان ما في ناس معتدلين في الحيكزمة دي .. كان في ناس من المعارضة بقت شاورمة لي هسه .. والعوينات مفتحة لأي تجاوز أو حتى محاولة التجاوز يا حبة !!

[Madanawi]

دي حاجة بسيطة يا معلم .. عشان تعرف انت بتلعب مع منو يا معارض ؟؟

بس يا شبارقة ما تقول لي الوساطات الأجنبية دي .. ياها وساطة ود المطامير زاتها .. وبعدين أبو الدقيق ده .. كل ما تمشوا خطوة لي قدام يجي يخربها ليكم بي ظبزة مع الحيكومة .. والله كان ما في ناس معتدلين في الحيكومة دي .. كان في ناس من المعارضة بقت شاورمة لي هسه .. والعوينات مفتحة لأي تجاوز أو حتى محاولة التجاوز يا حبة !!

[جيفارا]

وين العدد الجديد مطويلين

[المكاشفى]

جرايد ... جرايد ... أقرأ جرايد
لو فاتك العدد دا نص عمرك ضائع
جرايد .. جرايد .



يابتاع الجرايد ياولد.....
اه دا العدد القاعد يطبل فيهو شبارقه
لى ابو رجاء معليش مادايره
قايله واحد تانى

[Madanawi]

أعتقد يا شباب حان الوقت لاصدار العدد الحادي عشر من الجريدة ،،

يلا يا شبارقة .. يا تورينا آخر ابداعاتك .. ولا تشوف واحد من الشباب أو الشابات الشماريين أو الشماريات ،،

في انتظار البتروووووووووووووول ،،،،

[مدنيّة]

أعتقد يا شباب حان الوقت لاصدار العدد الحادي عشر من الجريدة ،،

يلا يا شبارقة .. يا تورينا آخر ابداعاتك .. ولا تشوف واحد من الشباب أو الشابات الشماريين أو الشماريات ،،

في انتظار البتروووووووووووووول ،،،،

غايتو يا التوم شبارقة دا ما بتجلي في كتابة الجريدة الا لما كفيله يكون مافي :D

[Madanawi]

وإنشاء الله الكفيل يكون في اجازة الايام دي عشان شبارقة .. يشتغل صح !!

[جيفارا]

الجريدة دي يا اخوانا مل بقت صفرا من الشمس وما عنكم عدد جديد ولا شنو