افكار غبية

[طلال الصول]

طبعاً كلكم سمعتو النكتة بتاعة المسطول السألو اصعب حاجة شنو
قال انك تلوك في لبانة وتحلق دقنك
ابشركم كلامو صاح طبعا ً امبارح الجمعة
وانا قاعد فاضي طول اليوم على غير عادة
ولمن اكون فاضي بتجيني افكار كده الله لا وراكم :p
فقلتا نجرب النظرية دي لان جيت احلق وكنت باكل في لبانة
والحكاية انتهت بشوية حوادث جميلة كدا وبعض الخسائر في الارواح
لانو طبعا الراس ناشف ما اقتنعت ارمي اللبانة بعد اول جرحة

ملحوظة :
هذه الحركة تحتوي على مشاهد خطيرة فلا تحاولو تجربتها في المنزل

[meshanshow]

انت متشوبر مالك ماتحلق ساي و بعدين التوقيع بتاعك جميل
One Love Is All We Need

[طلال الصول]

تقول شنو يا تاجو يا اخوي
قالو الفلهمة العميا وشيل البطارية في القمر

[الطويل]

بس كان ناقصاك حاجه واحده بس ....

كان تسطل يا معلم عشان الحكايه تكون بى حزافيرها

[طلال الصول]

ولا يهمك المرة الجاية بشوف لي واحدة
بنفذا بي ضبانتا

[الطويل]

ولا يهمك المرة الجاية بشوف لي واحدة
بنفذا بي ضبانتا


خلاااااص انا برسل ليك زراره :D :D :D :D

[samar_taha]

طيب ياود الصول هو مسطول عرفناه ,انت مالك؟؟؟؟؟؟؟؟؟؟؟؟؟؟؟

[طلال الصول]

تقولي شنو يا سمر عدم المسطول عندو عذر انا ماعندي ولا حاجة
اكون كن مسهضب والا حاجة

[الفارس البنفسجي]

كلام أخونا طلال دا ولّد جواي
سؤال قد يكون غريب أو غبي؟

دعونا نرى

هل يمكن أن يتصرف الإنسان
العادي بغباء ولو مرة واحدة
في حياته ؟ ولماذا؟

ياريت لو نفتح الجراب ونشوف

[سواااح]

لون المنقة

يا الشايل المنقة !!!

[samar_taha]

اخي الفارس البنفسجي :
احيانا قد يتصرف المرء بغباء بسبب تاثير موقف معين فلا تسعفك عندها سرعة البديهة او المقدرة على حسن التصرف ,فينتج عنه رد فعل غبي او غير متناسق مع الموقف فيبدو كالغباء او البلاهة , اما ان تتصرف ببغباء مع سبق الاصرار والترصد فعندها قد لا تحمد العواقب وهو ما لا يقبله العقل والمنطق
عشان كده مااا تحااااول تتصرف بغباء وانت قاصد

[شبارقاوية]

ههههههههههههههههههههه
طيب ما لقيت غير لبانة
اقول حاجة جرب تانى بس اكل ليك لبان بخور او لادى عشان الحادثة تبقى مضبوطة
واديك نكتة المسطول التانى قالوا ليهو قمة الازعاج شنو؟
قال هيكل عظمى بيلعب ضومنة فى الزنك

[جيفارا]

ذي ما بيقولوا أهنلنا الراس القوي .

وأنـــا كما رأسي ذي الحجر لو داير أعمل حاجة حتىلو كانت مجنونة بعملها بعملها ودي سما في اغلب السودانيين بس يا ريت لو كان ركزنا في الحاجات العلمية

[طلال الصول]

الاخت شبارقاوية انا طبعاً مشهور بالافكار المجنونة
طول عمري دي طبعا كانت اغبى واحدة فيهم
عموما مافي مشكلة المرة الجاية بحاول اطبق بتاعة الهيكل العظمي
بالمناسبة حلوة جداً

[طلال الصول]

جيفارا كلامك جميل ورائع وانا ياخوي حاسي بيك شكلك
كنت زيي لمن كنت صغير بتعمل الحاجة عناد
احنا حسي نبدات بالافكار الماعندها معنى بعدين
نترقى وننشف راسنا في الحاجات الخلاقة

[طلال الصول]

الفارس البنفسجي سواح سمر تسلموا على التعقيب

[Madanawi]

كويس أنك ما عملت نظرية المسطول القايل نفسو طبيب جرّاح ،

شبشبو اتقطع .. خيّطو .. وبعد اسبوع فك الخيط ،،،،،،،،،،،،،،

[samar_taha]

يا ود الصول قالو
في مسطول لقى اخوهو نايم قطع راسوا قال والله يصحا يتخلع خلعة..............
اوعك تجرب..............

[طلال الصول]

كويس أنك ما عملت نظرية المسطول القايل نفسو طبيب جرّاح ،

شبشبو اتقطع .. خيّطو .. وبعد اسبوع فك الخيط ،،،،،،،،،،،،،،

بعد فك الخيط مالقاو برا

[طلال الصول]

يا ود الصول قالو
في مسطول لقى اخوهو نايم قطع راسوا قال والله يصحا يتخلع خلعة..............
اوعك تجرب..............

تعرفي يا سمر انا لي تلاتة سنة بنوم في البيت الله ورقبتي
اول ما ارجع ابشرك شكلي حا اطبقا

[samar_taha]

يعني تقطع رقبتك انت وطيب الحيتخلع منو ؟؟؟؟؟؟
شوف زول يتخلع ليك

[عمار هبّار]

كلام أخونا طلال دا ولّد جواي
سؤال قد يكون غريب أو غبي؟

دعونا نرى

هل يمكن أن يتصرف الإنسان
العادي بغباء ولو مرة واحدة
في حياته ؟ ولماذا؟

ياريت لو نفتح الجراب ونشوف

شكراً لي ود الصول المسطول .. لكن الداير أقولو يا لون الحب إنو الغباء وصف لحالة إنسانية ومن الطبيعي أن بتصرف الإنسان بغباء أحياناً أتدري لماذا ؟!
ليوصف به ..
لكم التحية والمرة الجاية أكل لبانة لكن أحلق شعرك وشوف البحصل شنو ..

[طلال الصول]

يعني تقطع رقبتك انت وطيب الحيتخلع منو ؟؟؟؟؟؟
شوف زول يتخلع ليك



وتبقى علي حقت الكلو يوم بصحا من النوم مخلوع يوم صحا ما مخلوع
اتخلع

[طلال الصول]

بعدين يا عمار لو بقى مافي ناس اغبياء
الناس تقشر على منو يعني
والا كيف

[ابوشوتال]

يا ودالصول

لك التحية

في نظام حلاقة بحلق براهو شغلو واديها غمدة ؟

جديد لنج

[طلال الصول]

وين دا يا ابو شوتال الحقنا بيو

[meshanshow]

شايفو عجبك و بعدين انته كنته بتجي السودان و مشاء الله مربيهو الحصل شنو

[نور عبدالله]

بعد فك الخيط مالقاو برا

انت بتسال مااااااااااالك .. داير تطبق النظرية دي كمان ولا شنو !!!!!!!!!!

[طلال الصول]

:D
انت بتسال مااااااااااالك .. داير تطبق النظرية دي كمان ولا شنو !!!!!!!!!!

نور يا ختي النجرب مالو ماقالوا الحياة تجارب ونظريات وانعكاسات رؤوية

والقحة ولا صمت الخشم :D