كبرى الحيصاحيصا رفاعه

[ود المطامير]

قبل كم يوم بشرت مزيعة الأخبار إنو كبرى ( الحيصاحيصا رفاعه ) العمل فيهو ماشى تمام التمام وجاء مسؤل كبير وقال إنو العمل فى كبرى ( الحيصاحيصا رفاعه ) يسير على قدم وساق .. ولحد هنى الخبر حلو ومفرح لكن أهلنا فى رفاعه إحتجوا وقالوا ليه يسموهوا كبرى الحيصاحيصا رفاعه ؟ وليه ما يسموهوا كبرى رفاعه الحيصاحيصا ؟
أها ... ليه يسموهوا كبرى مدنى حنتوب وما يسموهو كبرى حنتوب مدنى ؟
ونحنا من وعينا الدنينا وزمان لما نكون ماشين مدنى يقولوا ليك بنطون حنتوب يعنى عشان بقى كبرى طوالى ناس مدنى شالوهوا ؟ وذى ما قالوا ناس رفاعه ليه ما يكون إسمه كبرى رفاعه الحيصاحيصا , ليه ما يكون إسموا كبرى حنتوب مدنى ؟ ويا ناس شرق الله البارد يا اللى بتقطعوا الكبرى كل يوم كم بتدفعوا رسوم عبور ؟ والكبرى حقكم ملك حر , قوموا الحرب تانى .
ويا ناس رفاعه خلوهوم يسموهوا كبرى الجن اللحمر بس يصبح حقيقه واقعيه من أجل التنميه وحضارة الشرق البائس فالحيصاحيصا هى رفاعه ورفاعه هى مدنى ومدنى هى كل السودان .

[نزار حسن محمد]

... لا والله ياودالمطامير ..جبت التايهه ..انت ياجنى الاغترب ده غير لك صنغورك ولا الحاصل شنوا.. ات مابتعرف اهلك ولا ماك سودانى ..ياهم من ماقاموا اتشاكلوا على الفارغات ..لكن تعال نحكى لك لمن مشينا عرس بكرى اخوه ود الماحى شوف عينى الشركه قطعت تلات اربع الكبرى وعما غريب الهمبريب بدخل شبابيك الشرق والخير يعم ياود المطامير استجم ..فتك بعافيه يالمبروك ..

[المسافر]

دعونا من الأسماء فالنبقى في الإنجاز . . . ومثل هذا الأمر حدث فعلاً في سد ( مروي ) عندما أحتجوا أهالي الحامداب بأن الحكومة غيرت مسمى السد وقامت الدنيا ولم تقعد وتسبب في هدر كثير من الوقت . .

تخريمة :
للأسف يا أخوي ود المطامير . . . زماااااااااااان كنت لاقي فيك فرصة . . . وكلما أزعل منك بقول ليك ( نحن كبري حنتوب ده بنقفلوا تاني تجي مدني أو تمشي الخرطوم كيف ) . . . ولكن مع كبري رفاعة تاني ما في لي !!!!!!!!!!!

وأهبك كل الوداد

[مرتضى يوسف العركي]

الرائع جنا المطامير
نعم ياسيدي المهم ما ينفع الناس من استحقاقات وتبقى المسميات جدليات غير محببة على الاطلاق نامل ان نسقط الاسماء ونهتم بما يستحقه انسان الجزيرة الصابر في هذا الزمن الخئون .
همسة ان شاء يثبت مسمى هذا الكبري على رفاعة او الحصاحيصا سيكون افضل ان لا يكون لاي منهما ويجيبوا لينا اسم اخر اسوة بالمسميات الجديدة لمدراسنا وشوارعنا ومنشاءتنا القائمة واطلاق اسماء جديدة قسرا .
لك الود والتحية ولاخوين نزار والمسافر الحبيبين .
وين القيم العالية الجديدة لموضاعتكم نحن منتظرينك منذ موضوع ام عمرو ونمنى نفسنا كلما نشاهد لك بوست جديد .. في الانتظار مخمخ شوية .

[مدنيّة]

الهلال والمريخ
لالالالالا
المريخ والهلال
لالالالالا
الهلال والمريخ
لالالالالا
المريخ والهلال

[ود المطامير]

... لا والله ياودالمطامير ..جبت التايهه ..انت ياجنى الاغترب ده غير لك صنغورك ولا الحاصل شنوا.. ات مابتعرف اهلك ولا ماك سودانى ..ياهم من ماقاموا اتشاكلوا على الفارغات ..لكن تعال نحكى لك لمن مشينا عرس بكرى اخوه ود الماحى شوف عينى الشركه قطعت تلات اربع الكبرى وعما غريب الهمبريب بدخل شبابيك الشرق والخير يعم ياود المطامير استجم ..فتك بعافيه يالمبروك ..
والله يا عمى .. أنا بس محتار فى طبعنا دا يعنى علشان مسمى وإسم
تقيف حجر عثره فى طريق التنميه والتطور
والله دى بشاره حلوه منك كون الشركه قطعت تلاته أرباع الكبرى
أكان كدى النمش أجهز غنمى ساااى وأمشى أبيعهم فى الخرطوم .

[ود المطامير]

دعونا من الأسماء فالنبقى في الإنجاز . . . ومثل هذا الأمر حدث فعلاً في سد ( مروي ) عندما أحتجوا أهالي الحامداب بأن الحكومة غيرت مسمى السد وقامت الدنيا ولم تقعد وتسبب في هدر كثير من الوقت . .

تخريمة :
للأسف يا أخوي ود المطامير . . . زماااااااااااان كنت لاقي فيك فرصة . . . وكلما أزعل منك بقول ليك ( نحن كبري حنتوب ده بنقفلوا تاني تجي مدني أو تمشي الخرطوم كيف ) . . . ولكن مع كبري رفاعة تاني ما في لي !!!!!!!!!!!

وأهبك كل الوداد

ههههههههههههه
صح والله يا أخوى المسافر
لما نكون ماشين الخرطوم وبدل ما نمشى لحد مدنى وتانى نجى فوق المطامير بهنااااك
بعد كبرى رفاعه الواحد طوالى يشتت الخرطوم والمسافه اللى بتودينا مدتى وتجيبنا لحد الحيصاحيصا بنكون إختصرناها وشتات طوالى وكد رسوم كبرى مدنى ح تنقسم النص هع هع هع

[ود المطامير]

الرائع جنا المطامير
نعم ياسيدي المهم ما ينفع الناس من استحقاقات وتبقى المسميات جدليات غير محببة على الاطلاق نامل ان نسقط الاسماء ونهتم بما يستحقه انسان الجزيرة الصابر في هذا الزمن الخئون .
همسة ان شاء يثبت مسمى هذا الكبري على رفاعة او الحصاحيصا سيكون افضل ان لا يكون لاي منهما ويجيبوا لينا اسم اخر اسوة بالمسميات الجديدة لمدراسنا وشوارعنا ومنشاءتنا القائمة واطلاق اسماء جديدة قسرا .
لك الود والتحية ولاخوين نزار والمسافر الحبيبين .
وين القيم العالية الجديدة لموضاعتكم نحن منتظرينك منذ موضوع ام عمرو ونمنى نفسنا كلما نشاهد لك بوست جديد .. في الانتظار مخمخ شوية .
حبيب القلوب وأخونا الراقى الحلامابى
يقال والله أعلم زمان دوله خليجيه إقترحت تبنى مطار عالمى فى الخرطوم وكان شرطهم
يسمى المطار بإسم ملك تلك الدوله والحمد لله عزة نفس ناسنا حمتهم يقبلوا الشرط
وطار المطار اللى كان ممكن يستوعب نزول طائرات من الوزن الثقيل
وضحكتنى شديد بحكاية ( مخمخ شويه ) أشكرك على هذه الثقه فينى وربنا يجعلنى
عند حسن ظنك بى ... ولن يطول إنتظارك إنشاء الله

[ود المطامير]

الهلال والمريخ
لالالالالا
المريخ والهلال
لالالالالا
الهلال والمريخ
لالالالالا
المريخ والهلال

هههههههههههههههههههه
والله إياها زاتها

[المكاشفى]

دعونا من الأسماء فالنبقى في الإنجاز . . . ومثل هذا الأمر حدث فعلاً في سد ( مروي ) عندما أحتجوا أهالي الحامداب بأن الحكومة غيرت مسمى السد وقامت الدنيا ولم تقعد وتسبب في هدر كثير من الوقت . .

تخريمة :
للأسف يا أخوي ود المطامير . . . زماااااااااااان كنت لاقي فيك فرصة . . . وكلما أزعل منك بقول ليك ( نحن كبري حنتوب ده بنقفلوا تاني تجي مدني أو تمشي الخرطوم كيف ) . . . ولكن مع كبري رفاعة تاني ما في لي !!!!!!!!!!!

وأهبك كل الوداد

ات اود المطامير المسافر ده ماتقوله كان قفلت الكبرى ود اللحمر قاعد موباتل اى زمان واى مكان

[ود المطامير]

ات اود المطامير المسافر ده ماتقوله كان قفلت الكبرى ود اللحمر قاعد موباتل اى زمان واى مكان
هههههههههههههههههههههه
أى والله كلامك صاح ود اللحمر قريبى
جاهز لحالات الطوارى وتنك المركب مليان
بانزين وعوجه تب مافى .

[المكاشفى]

قبل كم يوم بشرت مزيعة الأخبار إنو كبرى ( الحيصاحيصا رفاعه ) العمل فيهو ماشى تمام التمام وجاء مسؤل كبير وقال إنو العمل فى كبرى ( الحيصاحيصا رفاعه ) يسير على قدم وساق .. ولحد هنى الخبر حلو ومفرح لكن أهلنا فى رفاعه إحتجوا وقالوا ليه يسموهوا كبرى الحيصاحيصا رفاعه ؟ وليه ما يسموهوا كبرى رفاعه الحيصاحيصا ؟
أها ... ليه يسموهوا كبرى مدنى حنتوب وما يسموهو كبرى حنتوب مدنى ؟
ونحنا من وعينا الدنينا وزمان لما نكون ماشين مدنى يقولوا ليك بنطون حنتوب يعنى عشان بقى كبرى طوالى ناس مدنى شالوهوا ؟ وذى ما قالوا ناس رفاعه ليه ما يكون إسمه كبرى رفاعه الحيصاحيصا , ليه ما يكون إسموا كبرى حنتوب مدنى ؟ ويا ناس شرق الله البارد يا اللى بتقطعوا الكبرى كل يوم كم بتدفعوا رسوم عبور ؟ والكبرى حقكم ملك حر , قوموا الحرب تانى .
ويا ناس رفاعه خلوهوم يسموهوا كبرى الجن اللحمر بس يصبح حقيقه واقعيه من أجل التنميه وحضارة الشرق البائس فالحيصاحيصا هى رفاعه ورفاعه هى مدنى ومدنى هى كل السودان .
ها جنا هوى يمين اهلك الناصراب هى اهلك الصينيين لمولك فى الكبرى وقربو يصلو الشرق وناس الحيكومه حالفين يقددو البحر كلو كبارى
وعقبال كبرى القريقرييب الشرفه وله الشرفه القريقرييب
اقعدوا اتغالطوا لحدى مايحولوه دلوت العيكوره..

[ود المطامير]

ها جنا هوى يمين اهلك الناصراب هى اهلك الصينيين لمولك فى الكبرى وقربو يصلو الشرق وناس الحيكومه حالفين يقددو البحر كلو كبارى
وعقبال كبرى القريقرييب الشرفه وله الشرفه القريقرييب
اقعدوا اتغالطوا لحدى مايحولوه دلوت العيكوره..
والله ذكرتنى
زمان جابوا بنطون بين الشرفه والقريقريب والشكله قامت
كل فريق داير البنطون يربط عندهم وعملوا القرعه ووقعت لناس
القريقريب وربطوهوا عندهم وبعد كم يوم غرق !!!!

[احمدمحمدعلي]

سلام (عيش الدرت)
ودالمطامير
كلامك دا ذكرني واحد عندنا هلالابي علي السكين
كان في مباراه بين المريخ والهلال
المذيع قدم المباراه علي النحو التالي
نشرفكم من استاد المريخ لنقدم لكم اليوم مباراة
القمه الكرويه السودانيه بين فريقي المربخ والهلال!!!!!!!!!!!!!!!1
صاحبنا كان بحضر الكورة في الراديو قام وكسر الراديو لانو قدم
المريخ علي الهلال؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[الشوربجي]

اخي الرائع ود المطامير
نهنئك وانفسنا بكبري رفاعة الحصاحيصا الجديد عقبال نضوي شمعة الامل بغد افضل لكل مدناوي .نتمني ان نتضافر جهد شعبي محلي ونقول للسلطة في ستين ونقول للثقافة هوب فوق شعلة ومناره سامقة مصدر فخر في جبين كل مدناوي .ونقول لاخوانا المبدعين هوب فوق كل انواع الفنون حتي تصبح مدني جنوة اخري او نابولي كما نتمني ونضاهي بها ونفتخر ان هاؤءم اقراؤء كتابي جل نتاج الانسانيه وسماحة وطيبة النفس البشرية هنالك حيث تركت بقعة الخير العميم مرقد شيخنا الجليل (مدني السني)وغيرها من تكاياء عبق الصوفية وكرم الحوليات الله مااجملك يامدني لولا تلك الادران التي توسخ بعض من مجمل ذلك الثوب الشفيف .
اخي ود المطامير .نعم لكل حركة او دبيب نملة يسعي الي ان يغرس غرسا طيبا في ارض جزيرتنا الطيبة المعطاة فلنومن بمقدراتنا ونسخر انفسنا لانجازها ولنسعي لغرس مفاهيم الجمال في نفوس ابنائنا وليس معني الدرهم والدينار حينئذ يمكننا ان نقول افتحو للحب الف باب وباب افتحو للخير الف باب وباب افتحو للجمال الف باب وباب .
اخي ودامطامير .
مارايك ان نضع امامنا لوحة لودمدني في غرفة مغلقة لاضجيج ولاغيره من سفه هذه الحياة ونضي شمعة وضع هذه الصورة امام عينيك وتجرد في تلك اللحظة من كل همومك واشكالاتك الحياتيه وتامل .انظرها من كل الزواياء وارجع الي الوراء وتعمق اكثر استدعي احساس الفنان من دواخلك خاطب الصورة والجم كل خاطرة تذهب بك بعيدا ماذا تري امامك هي مدني حاوية كل اجناس الدنياء توليفة هائلة هادئة تعانق جمال لاينتهي بانتها حديثي ولاينتهي بتاملك معي ستري كل الابداع والجمال تنتظر من يحيه ويعيد اليه شبابه .ستري ايضا كل ماسرقته منا الغربه والذي نحاول ان نعيده سيرته الاولي سنجد ان لدينا كم هائل من الثروة ونحن غافلون عنه جرياء وراء سراب الاناء المقيت تكاسلنا عنه ببحثنا المضني عنه في غدا وامس كنا ولم نجد لا امسنا ولاغداء الذي نحن مازلنا نمشي اليه وزادنا ان مدني هي الالق والنور الذي يضي الطريق .ماذا فعلنا والي ماذا توصلنا من تاملنا هذا تزوصلنا الي معاني وقيم لايراها الا انسان تسكن في دواخله معني ان يكن شعلة تحترق لكي تضاء سموات الابداع في ليالي مدني خيرا وعطاء دفاق من سلسلا عذب لاينضب هادرا كالازرق الدفاق وهو يطوق جيد محبوبته الحسناء التي خانها الزمان ومازال هذا الوفي يطبطب عليها ويطيب خاطرها في ان هنالك من سياتي من علي البعد ويعيد اليها ماسلبه منها الزمان وفعلة السؤء .
اخي ودالمطامير .
نعم ان شيدو الكباري وارصفو الطرق واعملو كل مابوسعكم ان تفعلوه لاكن دعو الثقافة والابداع للذين يعرفو كيف يذللو عقباتها ويعبدو لها الطرق ولو حتي ان استدعي ان يكونو هم الوقود لاشعال وازكاء نار التقابه والقران والثقافة والابداع في مدينتنا الرائعه ودمدني .
اخي ودالمطامير .
فلنتضافر كلنا يدا واحدة كلنا ولنعتبر ان هذا الكبري هوء الخبر الجيد الذي سيمهد الي خير واعد للفتيه ودمدني الضاجه بكل معاني الاحساس والادب الخلاق الحاوية كنوز بعضها اكتشفها الزمان واضات سماوات مدني وخبات وبعضها مازال متوهجا ينير الدرب وزاده وامله في ان غدا افضل وان هنالك اخوة له يحسون بالمه ويسعون الي الوقوف بجانبه .
لك التحية والاحترام ونرجو ان نكون فوق مستوي المسؤؤلية لكي نتحملها ونعطيها حقها من الاهتمام عندما ياتي غدا ويسال التاريخ عني وعنك وعن الاخرون ونجد ان سجلنا ممتلي بكم هائل من التخاذل والتؤاطو العجرفة والكبرياء وهنالك من يعيش علي امل ان ننقذه ومايحمله من ادب وثقافة وعلم مااشد الام سياط التاريخ اشد وطاة من نظرات الالم في عيونهم الغائرة بفعل التجويع والتشريد والتذويب والتلاشي المتعمد لكم الله اخواني المثقفين والمبدعين في ودمدني فصبرا صبرا يامدني اننا علي الوعد ولو اقتطعنا من اجسامنا لكي نغذي شريان الابداع ولكي نمنعه من التوةقف اخوتي دعو الكوبري لمن يهتم به وسوي لغف ام لم يلغف سوي انجزه بعد مائة عام او لم ينجزه فلنتوقف لنسال انفسنا بعد كل هذا الهراء الذي استمر 17 عام ماالجديد ماهوء امل الغد ماهوء المستقبل غدا وماشكله ومامدي الامل لدينا لكي نتحسسه بقلوبنا وعقولنا ونعيش هم اهلنا ومبدعينا ومثقفينا وغيرهم الكثير .فلنتحد من اجل عموم الجزيرة وقلبها النابض ودمدني لكي يتجدد دم الشباب ونكون في مامن من ادخال جميع هذه المكونات الي غرف الانعاش في مكاتب الثقافة الحكومية والتي اصدرت تقريرها عن الثقافة والمثقفين مع اول بيان 30/يونيو 1989 بان تذهب هي ومن يرعونها الي مقبرة التاريخ ناسين ان الثقافة هي روح هذا الشعب الابداع موروث جاء من ثراء خلاق وتراكم حضاري ليس بشي مستحدث .
كونو معنا كونو معنا
من اجلها من اجلها
ودمدني ودمدني ودمدني
لكي لايكون الانتحار هوء النهاية
وناتي بعدها لكي نستلف الدموع من تلك التماسيح الرابضة جوار شارع النيل وذلك القصر المنيف والثقافة ترقد وهي تحتضلر في قلب كل شارع وكل بيت فلا بواكي لمن باعه اهله
كونو معنا مرة اخري
خالص احترامي لكم جميعا وارجو ان لاتكون مداخلتي مثل تلك المشاققات .
كونو بخير

[صلاح عمر أحمد]

[نتمنى قيام الكبري وتصبح المدينتان حسد واحد الحصاحيصا شرق وغرب أو العكس رفاعه شرق وغرب ............ ]

[nehroo]

أخي ودالمطامير ... لحل هذه المشكلة اقترح .... ناس رفاعة يقولوا كوبري الحصاحيصا ... وناس الحصاحيصا يسموهوا كوبري رفاعة ... كما على ناس المطامير أن يسموهوا كوبري مدني ... المهم انوا ناس رفاعة يجوا يشربوا شاي المغرب في الحصاحيصا ويرجعوا يبيتوا في رفاعة.

[رضا حسن محمد]

يا مطمورة الخير
صباح النور
المشكلة ما فى الكبرى المشكلة فى الجنة الممسوخ شبارقة
انا اطالب لمن يدخل مدنى يدق يدق تاشيرة عند الكبرى

[مصعب الريح]

يا ود المطامير طبعاً اهل مدني وما حولها تسعين في المائة منهم بقولوا كبري حنتوب وثم ثانياً
مدني وحنتوب كلها مدني والبقية اليقولوا البقولوا (( هو البقولو الناس شويه ))

[شبرقية]

ياخونا ماتتشاكلو
ضبحنا ليهو ردمية وسمينا كبري الشبارقة مدني