كدى خشو ... عليكم الله

[الطويل]

امهاتى .... واخواتى

نواعم منتدى ودمدنى

السلام عليكم ورحمة الله تعالى ,,, وبركاته

نداء استغاثه .......:eek: :eek: :eek: :eek:

اطلب منكم كرما وليس أمر ان تساعدو المغتربين العزابه امثالى وغيرى الذين لا يعرفون عن الطبخ ولا التكتحه بأن تقوموا بزيارة المنتدى العام ... بوست ( مطلوب مساعده ... مطلوب طباخين ) حتى يتثنى لكم مساعدتنا فى اكتمال مطبخنا لأنو غير حلتين مافيه اى حاجه:( :( , ارجو المساعده لأنو انتو اصحاب الشغلانيه دى :D

وفى ميزان حسناتكم انشاء الله .......

[سواااح]

ابو رانيا

يعني الفضيحة عمت القري والحضر
والان عايز تستعين بخبرات اجنبية

دمــــــــــــــــت ،،

[الطويل]

ابو رانيا

يعني الفضيحة عمت القري والحضر
والان عايز تستعين بخبرات اجنبية

دمــــــــــــــــت ،،


ديل ما خبره اجنبيه يا سوااااح........... ديل اصل الحلل يا معلم

حله على الطريقه الصاااااح:D

[نور العيون]

و الله ما عارفة كان حلة على الطريقة الصاح كان غيروا
المهم في بوست كامل فيه طبخات على كيف كيفك
يا ود امي و كان داير اطلب الطبخة الدايرها من بوست
من مطبخ نور العيون نحييكم و اي واحدة من البنات بتساعدك
و انا منهم

[الطويل]

و الله ما عارفة كان حلة على الطريقة الصاح كان غيروا
المهم في بوست كامل فيه طبخات على كيف كيفك
يا ود امي و كان داير اطلب الطبخة الدايرها من بوست
من مطبخ نور العيون نحييكم و اي واحدة من البنات بتساعدك
و انا منهم


البوست ده فى يا تو منتدى يا ماما:D :p :D ;)

النفيسه فى ملااااح ويكاب :o :( :o :(

[مسافر]

اهاخوي انت جعلي يعني ملاح ويكه وعصيدة او قراصه
قالو شكار نفسه ابليس لكن المسافر برضو في الغربة و طباخة مئة مئة بالوراثة و عشان بشيل هم العزابة اعتبر طلباتك اوامر بس وين البوستة اي منتد ى و اوعدك كما اوصف ليك تحليه رهيبه و مشروب ولا اسامة السيد و طبعا هذه الوصفات مضمونة و فيها فوايد مئه مئه بس ما عليك الا تقول و تامر من خلال هذا المنتدى الجميل

[الطويل]

اهاخوي انت جعلي يعني ملاح ويكه وعصيدة او قراصه
قالو شكار نفسه ابليس لكن المسافر برضو في الغربة و طباخة مئة مئة بالوراثة و عشان بشيل هم العزابة اعتبر طلباتك اوامر بس وين البوستة اي منتد ى و اوعدك كما اوصف ليك تحليه رهيبه و مشروب ولا اسامة السيد و طبعا هذه الوصفات مضمونة و فيها فوايد مئه مئه بس ما عليك الا تقول و تامر من خلال هذا المنتدى الجميل


انا ما جعلى انا حلبى على الطريقه الصاااااح :D :D :D :D

آه يا لذيذه ملاااااااح باميه :rolleyes:

وربنا اديك العافيه واسكنك الصافيه

( المنتدى العام ... بوست طالب مساعده ... مطلوب طباخين )

يللا ادخلى ورينا مهاراتك يا ماما

[قمرين دنياي]

يامسكين الجوع كافر صحيح
ربنا يعين علي مساعدة الجوعانين

[ريموز]

ابو رانيا
ابشر دحين جيتنا فى درانا تب ما بنردك خايب
بس انت اسال تدور اى ملاح ونحن جاهزين واى شيتا يصعب عليك بس اسال وعاد اكان لى العصيده بنوصفها ليك ما عندك مشكله .
يلا خلينا نشوفك

[عبدالمجيد عشريه]

[

اطلب منكم كرما وليس أمر ان تساعدو المغتربين العزابه امثالى وغيرى الذين لا يعرفون عن الطبخ ولا التكتحه بأن تقوموا بزيارة المنتدى العام ... بوست ( مطلوب مساعده ... مطلوب طباخين ) حتى يتثنى لكم مساعدتنا فى اكتمال مطبخنا لأنو غير حلتين مافيه اى حاجه:( :( , ارجو المساعده لأنو انتو اصحاب الشغلانيه دى :D

وفى ميزان حسناتكم انشاء الله .......[/quote]


ابو رانيه بالجد كده بيني وبينك سمعته ليك بمره مشهوره في الطبيخ؟؟؟البنعرفهم كلهم رجال امثال الشيف رمزي والشيف ...بس مره دي يخربنا عاد ما سمعنا بيها ..تعال لي بهناك بوريك انت بس داير تتعلم شنو؟؟؟ اي شي هههههههههه

[الطويل]

يامسكين الجوع كافر صحيح
ربنا يعين علي مساعدة الجوعانين


أسوى شنو عزابى ومتغرب ومشتاق لى أكل بلدى

بس شكلك ما بتعرفى تطبخى ( بس سلطه )

[الطويل]

ابو رانيا
ابشر دحين جيتنا فى درانا تب ما بنردك خايب
بس انت اسال تدور اى ملاح ونحن جاهزين واى شيتا يصعب عليك بس اسال وعاد اكان لى العصيده بنوصفها ليك ما عندك مشكله .
يلا خلينا نشوفك


مشكووووووووووووره وتسلمى وربنا اخليك للعزابه الزى حلاتى كدى

عايزين ( كفته ... كفته )

[الطويل]

[

اطلب منكم كرما وليس أمر ان تساعدو المغتربين العزابه امثالى وغيرى الذين لا يعرفون عن الطبخ ولا التكتحه بأن تقوموا بزيارة المنتدى العام ... بوست ( مطلوب مساعده ... مطلوب طباخين ) حتى يتثنى لكم مساعدتنا فى اكتمال مطبخنا لأنو غير حلتين مافيه اى حاجه:( :( , ارجو المساعده لأنو انتو اصحاب الشغلانيه دى :D

وفى ميزان حسناتكم انشاء الله .......


ابو رانيه بالجد كده بيني وبينك سمعته ليك بمره مشهوره في الطبيخ؟؟؟البنعرفهم كلهم رجال امثال الشيف رمزي والشيف ...بس مره دي يخربنا عاد ما سمعنا بيها ..تعال لي بهناك بوريك انت بس داير تتعلم شنو؟؟؟ اي شي هههههههههه[/QUOTE]



والله وبى صراحه أنا حاولته عندنا بى هناك فى بيت الرجال ما لقيت مساعده بس ابو رجاء الطبخ لينا حلتين وقلنا ما دايرين نكتر على الراجل عشان ازعل مننا عشان كدى قلنا النجرب النسوان وأنا متأكد أنو ما فى زول بقدر أسوى حله زى النسوان .

[ريموز]

الاخ ابو رانيا
اها قلت عايز كفته تعال لى بجاى اوريك عمل الكفته وخليك من اشاعات المغرضين بانو النسوان ما بعرفو يطبخو قال اسامه قال حسى اكان جابو ليك اكل اسامه السيد ده فى زمتك بشبع ؟؟؟؟
اها خلينا فى الكفته
كل المطلوب نص كيلو لحمه مفرومه وتضيف ليها البهارات ناس شمارات وكسبره وتوم وتخت عليها بقسماك وهو طبعا العيش المناشف المسحون اذا ما لقيتو ممكن تبدلو بى بتاع البسبوسه وهى متوفر فى اى محل اها شفت كيف بعد اك تروح عاجن الحاجات دى كلها فى اللحمه المفرومه وتضيف ليها شويه زيت ما كتير لما تغرقها يعنى حاجه تقديريه وتفقع فيها زى بيضيتن تلاته عشان تلصق مع بعض بعد داك تروح عاملها الشكل الانت عايزو يا امام اصابع زى السجق ولا دردمه ولا زى الطعمية وبعد ما اخترت الشكل الانت عايزو تروح محمرها فى الزيت بس تحمير خفيف بعد التحمير تضيف ليها خلطه عباره عن طماطم مخلوطه قليل من الصلحه دة طبعا الصوص بتاعها اذا كنت من عشاق الشطة ممكن تضيف ليها شطتين خضر كده نظام النكهه وتروح خاتيها فى نار هادئه .
وبالهناء والشفاء .
اكل وادعى لى
ورينى طلعت كيف

[الطويل]

الاخ ابو رانيا
اها قلت عايز كفته تعال لى بجاى اوريك عمل الكفته وخليك من اشاعات المغرضين بانو النسوان ما بعرفو يطبخو قال اسامه قال حسى اكان جابو ليك اكل اسامه السيد ده فى زمتك بشبع ؟؟؟؟
اها خلينا فى الكفته
كل المطلوب نص كيلو لحمه مفرومه وتضيف ليها البهارات ناس شمارات وكسبره وتوم وتخت عليها بقسماك وهو طبعا العيش المناشف المسحون اذا ما لقيتو ممكن تبدلو بى بتاع البسبوسه وهى متوفر فى اى محل اها شفت كيف بعد اك تروح عاجن الحاجات دى كلها فى اللحمه المفرومه وتضيف ليها شويه زيت ما كتير لما تغرقها يعنى حاجه تقديريه وتفقع فيها زى بيضيتن تلاته عشان تلصق مع بعض بعد داك تروح عاملها الشكل الانت عايزو يا امام اصابع زى السجق ولا دردمه ولا زى الطعمية وبعد ما اخترت الشكل الانت عايزو تروح محمرها فى الزيت بس تحمير خفيف بعد التحمير تضيف ليها خلطه عباره عن طماطم مخلوطه قليل من الصلحه دة طبعا الصوص بتاعها اذا كنت من عشاق الشطة ممكن تضيف ليها شطتين خضر كده نظام النكهه وتروح خاتيها فى نار هادئه .
وبالهناء والشفاء .
اكل وادعى لى
ورينى طلعت كيف

والله العظيم الليله سويته واتغدينا بيها كمان وطلعت رهيبه بس سوينها من غير بيض وقسمناها محمره / وبى دمعه .
مشكوره وتسلم نصايحك يا أستاذه / رموز وربنا اديك العافيه واخليك لينا .
بس عندى طلب تانى لكن خجلان اقولوا أدينى موافقتك ؟

[ريموز]

اطلب كلى اذان صاغية

[الطويل]

اطلب كلى اذان صاغية


وين أنتى يا ريموز مسجله غياب قطعتى رأسنا نحن لليله بنأكل فى الكفته خاتنها فى التلاجه وكل يوم نطلع منها حبه نسخنه:D
طبعا بعد موافقتى ياأستاذه عايزين وصفة ملاح أم دقوقه بالقراصه الدقيق عندنا القراصه بنعرف بنسويها بس المسكله ملاح أم دقوقه بس ماتطولى علينا عليك الله :D وربنا اديك العافيه

[الطويل]

أين أنتى يا رموووووووووووووووووز

[ريموز]

الاخ تبو رانيا اسفه للتاخير فى الرد بس والله مشاغل تخلينى اكون بعيده من النت بس ادعى ربنا يحل المشاكل ويهون القواسى عشان اكون متابعه على طول اما بخصوص الكفته فهنيئاً مريئاً وعلى قول المصرين مطرح ما تسرى تمرى
اها عاد ملاح ام دقوقوه ده شيتا صعب انت النسوان المحكرات ما بعرفو يطلعو كويس بس انا ح اوصف ليك انشاءالله يطلع كويس طبعا انا ستعنت بى صديق فى الملاح ده لانو امى زاتها ما بتعرف تعملو وانا جربتو قبل ما اوصوفو ليك وطلع خلى ساى تاكل صوابعك وراه
اها نبدا فى الوصف طبعا هو بتعمل بالشرموط وهو طبعا طريقه معمول بها حتى الان فى تجفيف اللحوم بما انو اكيد عندك ما موجود اوصيك باللحمه المفرومه بس اول حاجه اغلاها فى قليل من الزيت يعنى تعصجها بعد تضيف ليها البصل المحمر شديد لما لونو يبقى برتقالى وتضيف ليها طماطم مخلوطه وشويه صلصه والبهارات من توم وشمار والذى منو بعد داك تضيف ليها القليل من الماء على قدر الحله الناوى تعملها وتخليها تغلى عشان تكتسب الطعم الجميل المعروف يعد داك تضيف ليها الويكه طبعا عارف الويكه وتخليها حسب القوام الانت عايزو اها نجى للفرك طبعا هنا بتبقى المشكله اذا عندك مضرب كهربا بحل الموضوع اذا مافى ختها فى الخلاط واضربها بس بعد ما تبرد شويه .
اها قلت لى بتعرف تعمل القراصه بقى حليتنى من وصفها
اكل وادعى لى
بالهناء والشفاء
ويلا سلام

[الطويل]

الاخ تبو رانيا اسفه للتاخير فى الرد بس والله مشاغل تخلينى اكون بعيده من النت بس ادعى ربنا يحل المشاكل ويهون القواسى عشان اكون متابعه على طول اما بخصوص الكفته فهنيئاً مريئاً وعلى قول المصرين مطرح ما تسرى تمرى
اها عاد ملاح ام دقوقوه ده شيتا صعب انت النسوان المحكرات ما بعرفو يطلعو كويس بس انا ح اوصف ليك انشاءالله يطلع كويس طبعا انا ستعنت بى صديق فى الملاح ده لانو امى زاتها ما بتعرف تعملو وانا جربتو قبل ما اوصوفو ليك وطلع خلى ساى تاكل صوابعك وراه
اها نبدا فى الوصف طبعا هو بتعمل بالشرموط وهو طبعا طريقه معمول بها حتى الان فى تجفيف اللحوم بما انو اكيد عندك ما موجود اوصيك باللحمه المفرومه بس اول حاجه اغلاها فى قليل من الزيت يعنى تعصجها بعد تضيف ليها البصل المحمر شديد لما لونو يبقى برتقالى وتضيف ليها طماطم مخلوطه وشويه صلصه والبهارات من توم وشمار والذى منو بعد داك تضيف ليها القليل من الماء على قدر الحله الناوى تعملها وتخليها تغلى عشان تكتسب الطعم الجميل المعروف يعد داك تضيف ليها الويكه طبعا عارف الويكه وتخليها حسب القوام الانت عايزو اها نجى للفرك طبعا هنا بتبقى المشكله اذا عندك مضرب كهربا بحل الموضوع اذا مافى ختها فى الخلاط واضربها بس بعد ما تبرد شويه .
اها قلت لى بتعرف تعمل القراصه بقى حليتنى من وصفها
اكل وادعى لى
بالهناء والشفاء
ويلا سلام


مشكوووره يا الغاليه ريمووووووز لك الشكر

وربنا احل ليك كل مشاكلك ويهون قاستك يا اختى .

أنا الليله حأبدأ أنفذ فى الوصفه أنشاء الله وبجى بكره بديك رأى تماااام .

بس المشكله مشكلة الفرك دى ما عندنا الحاجتين ديل عندنا مفراكه بس :D

[ريموز]

بس المشكله مشكلة الفرك دى ما عندنا الحاجتين ديل عندنا مفراكه بس :confused: :confused:

[الطويل]

لا تعليق


غير أنو يسلم وصفك يا ريموووووووووووووز


ومشكوره يا غاليه ربنا إديك العافيه

[طلال الصول]

ممكن يعني بعد اذنكم اطلب لي طبخة
كلوزودان استيك
وبصراحة اكون شاكر جدا

[ريموز]

كلوزودان استيك ؟؟؟؟:confused: :confused: :confused:
برى ده ما ادونا ليه لو حد عارف ينورنا :D

[الطويل]

ممكن يعني بعد اذنكم اطلب لي طبخة
كلوزودان استيك
وبصراحة اكون شاكر جدا


يا ود طلااااااال ما تبطل حنكشه :D


:D هههههههههههههههههههههه :D

قال كلوزودان استيك :D

قصدك كلوس اب انته صااااااح :D

[بنت الرفاعي]

والله يا أبورانيا حننتني كيف مبااالغة, والله يخلي رموز البتديك في الوصفات بس ما وريتنا انت بتطبق الوصفت دي بالجد ولا ساي واذا بتطبقه فعلا بتلقى مساعدة والبتعملو بيطلع كييف أوع تكون بتحرق الأكل؟!:eek: :D

لكن يا طلال كلو عرفنه الا الشي البشبه الفرنسي ده ............!!!!!!!!!!!!!!

[الطويل]

والله يا أبورانيا حننتني كيف مبااالغة, والله يخلي رموز البتديك في الوصفات بس ما وريتنا انت بتطبق الوصفت دي بالجد ولا ساي واذا بتطبقه فعلا بتلقى مساعدة والبتعملو بيطلع كييف أوع تكون بتحرق الأكل؟!:eek: :D

لكن يا طلال كلو عرفنه الا الشي البشبه الفرنسي ده ............!!!!!!!!!!!!!!


والله الله أخلى ريمووووز ونور العيون البدونا الوصفات وكمان لو ما بنطبقها أبقى ما فى فايده لى شهادات الشكر دى يا بت أختى جربنا الوصفات كلها وطلعت 100 % والله

وصدقينى الموضوع بتاع الطبيخ ده أنا جادى فيه جداد شديد خلاااااص :D يعنى ما بحرق الحله الا مره واحده بس حرقت الحله وانضربته ضرب مبرح لكن خلااااص العتره بتصلح المشيه :D

[بنت الرفاعي]

والله تمام وماشاءالله بقيت أحسن مني الطبيخ ده فارقت دربو زمان ويا حليله أيام زمان أيام مابنعمل أي شي دايرنو ونجرب ونجرب ونخترع في الأكلات يلا قربت ترجع ده أكان رجعت انشاءالله.
يعني مرتك في المستقبل حتساعده تمام ولا حتعمل نايم؟؟؟!!!!!!:D

[طلال الصول]

كلوزودان استيك ؟؟؟؟:confused: :confused: :confused:
برى ده ما ادونا ليه لو حد عارف ينورنا :D

دي قابلتني في مطعم مكسيكي الطباخ الفيو سوداني

حاجة كدا روعة في الطعم
والبتديني طريقت صنعا ليها جائزة كبيرة جدا :cool:

[طلال الصول]

اكون قاصد سيجنال 4 وانت الصادق
ههههههههههههههههههههههههههههههه

[الطويل]

والله تمام وماشاءالله بقيت أحسن مني الطبيخ ده فارقت دربو زمان ويا حليله أيام زمان أيام مابنعمل أي شي دايرنو ونجرب ونجرب ونخترع في الأكلات يلا قربت ترجع ده أكان رجعت انشاءالله.
يعني مرتك في المستقبل حتساعده تمام ولا حتعمل نايم؟؟؟!!!!!!:D


فارقت دربو زمان ويا حليله أيام زمان أيام مابنعمل أي شي دايرنو ونجرب ونجرب ونخترع في الأكلات


يعنى انتى يا moram حبوبه لى كلااااامك ده :D :D

مافى راجل ما بساعد مرتو كل الرجااااال بساعدو حريمهم :D :D

[طلال الصول]

والله يا أبورانيا حننتني كيف مبااالغة, والله يخلي رموز البتديك في الوصفات بس ما وريتنا انت بتطبق الوصفت دي بالجد ولا ساي واذا بتطبقه فعلا بتلقى مساعدة والبتعملو بيطلع كييف أوع تكون بتحرق الأكل؟!:eek: :D

لكن يا طلال كلو عرفنه الا الشي البشبه الفرنسي ده ............!!!!!!!!!!!!!!



تحت تحت قالوا دا الضلع لكن بالافرنجي :D

[Madanawi]

يا أبو رانيا .. انت ما تخليك واضح وتقول داير ليك حلة جاهزة من يد واحدة من النواعم .. وما فيها حااجة

أها أنا ما حلبي زيك .. أنا جعل وعيني حمرااااا .. عشان كده بخش بالباب وبقول للنواعم يسوو لينا ملاح امتكشو .. ولازم يعوسن لينا معاه كسرة عشان ما بناكل الا من ما نصنع!!!

[سلوان]

مشكورة على هذه الوصفات المحبوبة جدا لى غالبية المجتمع السودانى .وخاصة ملاح امد دقوقة.

[بنت الرفاعي]

ماحبوبة لكن تقول شنو العشناهو في الدنيا ماهين ولا شوية والشفناهو والسمعنا بيهو برضو ماشوية والحمدلله رب العباد!
خلاص بكلم مرتك بعدين وبقول ليها الزول ده قال بيساعدك أوعى يعمل فيها...........!!:D

[بنت الرفاعي]

لاحول الله دي كلها ضلعة!!!!؟؟؟؟؟؟؟؟

[معذة احمد علي]

انا نفسي في بلاك شير بالخضار يالا ياالنواعم ورونا قدراتكم المطبخية

[طلال الصول]

لاحول الله دي كلها ضلعة!!!!؟؟؟؟؟؟؟؟

قلنا تحت تحت يا زولة وما زال البحث جار

[الطويل]

يا أبو رانيا .. انت ما تخليك واضح وتقول داير ليك حلة جاهزة من يد واحدة من النواعم .. وما فيها حااجة

أها أنا ما حلبي زيك .. أنا جعل وعيني حمرااااا .. عشان كده بخش بالباب وبقول للنواعم يسوو لينا ملاح امتكشو .. ولازم يعوسن لينا معاه كسرة عشان ما بناكل الا من ما نصنع!!!


والله يا مدناوى لو عملوا لينا الحله أكونوا ما قصرو وكمان لو لفوا لى معاها بدل البصل عروووووس :D :D اكونو ماقصرو :D :D

[شبرقية]

ممكن يعني بعد اذنكم اطلب لي طبخة
كلوزودان استيك
وبصراحة اكون شاكر جدا



كيلو ضان باستيك:eek: :D بعرفوا :p
تجيب كيلو ضان
واستيك قروش من نوع مليون ماالبفو بيهن المية مليون علي شرط
عشان طاعم
اها تبهر اللحمة وتتبلا ى بكل انواع الشمارات والخبارات والبهارات وتلفها بالستيك وتتدخلا الفرن
حتاكل صوابعك وراها

[طلال الصول]

كيلو ضان باستيك:eek: :D بعرفوا :p
تجيب كيلو ضان
واستيك قروش من نوع مليون ماالبفو بيهن المية مليون علي شرط
عشان طاعم
اها تبهر اللحمة وتتبلا ى بكل انواع الشمارات والخبارات والبهارات وتلفها بالستيك وتتدخلا الفرن
حتاكل صوابعك وراها




هي ما وريتيني لكن ادخلا الفرن والا الخزنة :D

[ريموز]

انا نفسي في بلاك شير بالخضار يالا ياالنواعم ورونا قدراتكم المطبخية
انتو بتقطعو الاكلات دى من راسكم وتجو تعذبونا

:confused: :confused:

[مختار بازى]

يلا يا شباب خلونا من الام تكشو والبلاك شيراك و كلوزودان استيك

تفتكروا الناس دي بعد الانترية السمح دا حياكلو شنو
بس يا ابو السمحة اوعك تقول لي كوارع:D

[الطويل]

يلا يا شباب خلونا من الام تكشو والبلاك شيراك و كلوزودان استيك

تفتكروا الناس دي بعد الانترية السمح دا حياكلو شنو
بس يا ابو السمحة اوعك تقول لي كوارع:D


ضلاااااااااااااااااااااااافين

ونيفه:D :D :D :D :D :D

[مصباحيه]

ما عارفه اقول اخى ام ابى اسمح ليه انى اتكلم معاك عادى
لانو السن ليها احترامها
عبد المجيد عشريه
كنت بقراءه فى البوست سمح لقيت ما لقيت مشاركتك وبصراحه ما قدرته اخلى ردى على كلامك بعد ما اعرف راى اباقين كلامك استفزانى شديد
عارف ما لقيت مراءه طباخه ليه لانو دا شى عادى اما الماعادى هو رجل طباخ علشان كده بجيبوهم فى القنوات لانو الرجال ما مصدقين انو ممكن يعملوا اكل بس يعنى ما تفرح كتير

[sooka]

سلام
اول مرة اعرف انه ملاح ام دقوقة هو ملاح التقلية ولا ماكدا؟
الشي التانى ماكلمتينا يارموز عن ملاح الويكاب بيتعمل كيف؟وياريت لو وريتنونى معلومة عن الكول وام بقبق.