النبغركــم يا مغتربيـــن,,

[محمد حسين (المميز)]

ازيــّـــكم

والله شوقي ليكم مايتوصف

عاااااااااارف حتقولو لي غاطس وين لغاية هسـّـه
حأقول ليكم لسه في مدني
وتقولو لي شغلك في جدّه خليتو حأقول ليكم لأ بس منــّون بتي ماسكاني من السفر

معليش طولت الغيبه لكن جيت ابغركم يامغتربين
طبعا اخوكم مازال في مدني وداكي الغربه والشغل لغاية هسه

اسكتو يا مغتربين
بعد ايام طويــــــــــــــــــــــــــــــــــله من التراب والسخانه اللاسعه
مدني امس غرقت بالمطر والجو الرهيــــب داااااااااااااك
حق عز الخريف:rolleyes:

والليله الجو اصبح تحفه نسيم بااااااااارد وغيم جميـــــــل
حاجه ترد الروح لكن الله يستر من اللي حيجي بعد كده لأنه شهر(5)
صيف على اصوله

وكفاكم كده...

مراسلكم من داخل مدني
المميــــــــــز,,:p :p


*-*-*-*-*-*-*-*-*-*-*-*

[مدنيّة]

المميز بركة الظهرت :D

وسمعت قالوا انه استغنوا عنك في الشغل صحي الكلام دا :confused:
وسمع عيوني في ناس شافوك تفتش لشغل في مدني ومالقيت لهسي :(
غايتو كدي بفتش ليك في الخرتوم لو لقيت بديك خبر لو ما لقيت برسل لنزار في الامارات يشوف ليك شغل :p

[نزار حسن محمد]

مدني امس غرقت بالمطر والجو الرهيــــب داااااااااااااك
حق عز الخريف

والليله الجو اصبح تحفه نسيم بااااااااارد وغيم جميـــــــل

ياابومنــــــــــــــــه ..ما ده زاتوا المرجعنا

[هيثم بابكر]

تحياتي يالمميز لك ولمنون العسل ولجميع ناس المدني الحلوين ، واجازة سعيدة باذن الله

[مدنيّة]

مدني امس غرقت بالمطر والجو الرهيــــب داااااااااااااك
حق عز الخريف

والليله الجو اصبح تحفه نسيم بااااااااارد وغيم جميـــــــل

ياابومنــــــــــــــــه ..ما ده زاتوا المرجعنا


ماكان تجي امبارح ساعة الكتاحة ديك والله لو ربطوك ما كنت قعدت تاني وجري علي اقرب رقشة هي اقصد طيارة:D

[الطويل]

يا اخوى قالوا جو امس ده غير قطع الشبكه من الجوالات ما سوى اى حاجه

الناس تشكى من امس ومضايقين الغبار كرهم وعماهم

وبعدين انته ما عارف نحن عندنا المكيفات الفريون:D

[طلال الصول]

والله يا مميز بي وصفك للجو دا حا تخلينا ننزل بسرعة
عشان نشم ريحة الدعاش

[Madanawi]

بالجد يا المميز بغرتنا .. وذكرتنا أيام زمان .. أيام الدفي والغيم والمطر والحنين،

ربنا يحفظ ليك منّون بنتك .. وحاول تستمتع عننا بكل لحظة في مدني ،

[بابكر]

انتو ياجماعه الكتاحه زمان ماكانت فى يعنى ؟؟؟ ماياهاحال البلد من زمان يعنى خلاص نسيتوا الكتاحه والفجخوب !!!!!

[مدنيّة]

انتو ياجماعه الكتاحه زمان ماكانت فى يعنى ؟؟؟ ماياهاحال البلد من زمان يعنى خلاص نسيتوا الكتاحه والفجخوب !!!!!


اها يابابكر دا كمان اللي بيغيظك في المغتربين زيادة
يعملوا ليك اصلا المواقف دي ما مروا بيها:D