سؤال فريد : ما رأيك بعمل المرأة عموماً ؟

[meshanshow]

يوماً بعد يوم تتقدم المرأة في سوق العمل، فبعد أن تحصنت بالشهادات العلمية، بدأت تتبوأ المناصب الواحد تلو الآخر وسط ترحيب عام من المجتمع، ومخاوف من بعض الرجال على مكتسباتهم التي ورثوها أزماناً طويلة.
ومن الدبلوماسية إلى مجالس إدارات الشركات والهيئات، ووصولاً إلى التدريس بل والعمل المهني "الشاق أحياناً"، بدأنا نشاهد نماذج مشرفة للمرأة العاملة.
ويبدو أن الرجال لايروق لهم ذلك، لكنهم لا يستطيعون وقف هذا الزحف النسائي، ولذلك نسأل الرجال و النساء سؤالاً..

ما رأيكم بعمل المرأة عموماً؟

و بالنسبة للرجل (( هل تقبل أن يكون مديرك امرأة؟ )) او ان تكون امراتك تعمل ؟

[meshanshow]

عمل المراة اكيد مهم جدا وامر حيوى بالنسبة لمعظم المجتمعات وخاصة دول اوربا

لكن من رائيى ان عمل المراة بقدر مافية من اهمية الا انى اشترط انه مايكون على حساب بيتها وولادها وزوجها

فبالطبع حياتها العائلية لابد وان تحظى بلاهمية الاولى وبعد كدة العمل

واذا ماكان في توفيق مابين الحياة العملية والحياة العائلية فمن الافضل ان تبقى بلاهتمام بشئونها الاسرية

واكيد لو طبقنا القاعدة البسيطة دى اكيد هتتغير حاجات كتير اوى فى مجتمعنا

[طلال الصول]

العزيز شنغهاي
لو كنت عايز وجهة النظر العامة عمل المرأة مهم وانا مؤيد كبير جداً
بس من الناحية الشخصية ما داخلة عندي الحكاية دي
وتكون مديرتي واحدة ست عادي

[الفارس البنفسجي]

هذا الموضوع بالجد حيوي جداً
وهو لصيق بالممارسة الحياتية
اليومية ، لذا نأمل مشاركة الجميع
في هذا الموضوع لأثراءه والخروج
منه بالعديد من وجهات النظر لتعم الفائدة
ودمتم ، ، ،

[شبارقاوية]

طبعا انا اكيد حاقول ليك انا مع عمل المراة لانى امراة عاملة
وبرضو بتفق معاك فى حكاية انه المراة من الاولى ان تعتنى ببيتها وزوجها واولادها واذا كان العمل يتعارض مع بيتها فالافضل لها ان لا تعمل.
اما عن نفسى كنت اظن بانى ساجد صعوبة وخاصة بانى دوامين ولكن الحمدلله قدرت اوفق بين الاتنين

[meshanshow]

شبارقاويه شغاله دوامين و قادره علي شغل البيت مااظن الا اكون عندك زول ماسك ليك البيت ودي نادر تلقاها واحده تاني

[MASS77]

للجواب علي السؤال هنالك مواضع متفرقه يمكن ان تكون بين الرفض والقبول
اولا عن عمل المراة عموما ليس ضده ومن مؤيديه في ظل الوضع الاقتصادي المعقد
في هذا الزمن نسبه للصعوبات الحياتيه
اما ان كانت مديرة لي فارفض ذلك مهما كانت مبرراته
واما بالواقعيه فاختلف مع الكثير في ان المراة العامله تستطيع التوفيق بين العمل والمنزل وتربية الاطفال ومن المستحيل ان توفق ذلك فبعملية بسيطه يمكن اثبات ذلك وبالذات للاتي يعملن با كثر من دوام يوميا بدون مساعده من القربي او الشاغالين
اما ان كنت صاحب شركه فارفض تشغيل المراه لان مقارنة مع الرجل فالرجل عملي اكثر من المراة
بينما هنالك المراة لديها فترة غياب علي الاقل اربعين يوم للولاده ويوم صحي ووووووو
والعمل التجاري مربوط بالربح وبعقليه تجاريه بحت ارفض ذلك
اما عن توسع المراة في العمل فنجد ان الاولاد اصبحوا عديمي الطموح وغالبا ما يتخلون عن مواصلة التعليم والتفرغ للعمل بدلا من الدراسه للظروف الماديه
وايضا لعزم المراة في مواصلة التعليم او البحث عن عمل بمجرد التخرج

[شبارقاوية]

شبارقاويه شغاله دوامين و قادره علي شغل البيت مااظن الا اكون عندك زول ماسك ليك البيت ودي نادر تلقاها واحده تاني

ههههههههههههههههههههه
والله ضحكتنى واتوقعتك حتسالنى انا فعلا معاى زول بس ما ماسك لى البيت حارس لى الاولاد بس انا الماسكة البيت لانى اتعودت ما اقول كلمة تعبانة فى البيت وارجع واقوم بكل الواجبات المنزلية سواء اولادى او زوجى او بيتى وارجع تانى الدوام التانى رايك شنو ؟

[meshanshow]

شبارقاويه ان شاء الله اديك العافيه ده عباره عن جهاد و حاولي ماتقصري في حق البيت ولا الشغل

[meshanshow]

صعبه انو المراه تعمل و تكون ماسكه بيتها

[نور عبدالله]

الاخ ميشانشو . انا باعتقد ان المرأة بتحتاج لبذل جهد جبار للتوفيق بين البيت والاولاد والعمل وخاصة في عدم وجود شخص بساعدها لكن بالعزيمة والاصرار ممكن . وهناك الكثيرات جدا نجحن في تحقيق هذه المعادلة الصعبة وكن نماذج مشرفة . اما بالنسبة لادارة المرأة الرجل وقبوله الفكرة وتاقلمه معاها فهذا برجع لعقليته . وشكرا للموضوع الجميل

[Madanawi]

وقل اعملوا فسيرى الله عملكم ورسوله والمؤمنون ،
الاسلام دين يدعو الى العمل .. ولكل من المرأة والرجل .. والمرأة عملها قديم فهي بجانب عملها في البيت وتربية الابناء كانت تعمل في الحقول وتساعد الرجل في مهامه الحرفية المختلفة .. لا شئ جديد في عمل المرأة .. والمرأة اليوم تساعد زوجها ووالدها في متطلبات الحياة اليومية .. فأمرأة تعمل هي بلا شك من امرأة لا تعمل ، ولكن واجبها الأول هو البيت فلا تفريط في بيتها مقابل عملها خارج البيت .. فما نفع النوافل اذا تركت الفرائض؟

[محمد السر احمد]

الاخ ميشانشو . انا باعتقد ان المرأة بتحتاج لبذل جهد جبار للتوفيق بين البيت والاولاد والعمل وخاصة في عدم وجود شخص بساعدها لكن بالعزيمة والاصرار ممكن . وهناك الكثيرات جدا نجحن في تحقيق هذه المعادلة الصعبة وكن نماذج مشرفة . اما بالنسبة لادارة المرأة الرجل وقبوله الفكرة وتاقلمه معاها فهذا برجع لعقليته . وشكرا للموضوع الجميل


والله كلامك صح وماف كلام بس البقنع المرا منو
اما عن ادارة المرا فلا مانع من ذلك اذا كانت هي مؤهلة ولديها قوة الشخصية والقدرة علي تحمل المسؤلية
وشكا يا انا علي الموضوع

[ود سنهوري]

قال احد الحكماء المراة بيتة وعيالة وقبرة
وهذا كلام الجدود وجدودنا زمان وصونا علي الوطن
ومن غير زعل
حسن

[meshanshow]

يانور برضو صعب . انا بشوف لو هي محتاجه لي الشغل ممكن لكن لو مامحتاجه مافي داعي للتعب

[بنت الرفاعي]

ماشرط الواحدة لما تشتغل تكون محتاجة (مع إنو ظروف الدنيا بتخليك داير أي قرش تلمو إنشاءالله لأولادك في المستقبل), لو جربتو قعدة البيت شهر شهرين حتفهموا حاجة,(مع إني بتمنى لي إجازة إنشاءالله شهر بس) وما شرط اي إمرأة تشتغل وبالذات اللي عندها طفل صغير جدا وهي ما محتاجة, ونرجع لكونو قعدة البيت حارة وبالذات لو الواحدة أولادها كلهم بيطلعوا من الصباح سواء مدارس جامعات او أعمال, من الصباح تقعد تتلفت براها نفرض إنتهت من الطبيخ والنظافة في ساعة (ده بإفتراض إنو ما عندها شغالة وبإفتراض إنو ما من الناس البيحبو الطبيخ البايت!):d ,
من الساعة 8 تقعد لحدي الساعة1 يعني ست ساعات بلا موضوع! أي نعم إحتمال تتفرج شوية في التلفزيون تحاول تجيب ليها شغلة من مافي أو تنوم برضو في الآخر حيكون في روتين يومي ممل وبالذات لو هي وحيدة في البيت وما معاها زول يونسها, في الآخر برضو لازم يكون في مؤيد ومعارض لشغل المرأة لكن ده مفروض يكون بملاحظة أسباب عمل المرأة, وفي أماكن أو أعمال ماحلو تكون المراة مديره لأنو ما كل الرجال والنسوان عندهم القدرة على تحمل مسؤليات كبيرة.

[معتزودمدنى]

انا ما داير بنات حواء يزعلن منى
لكن المراه مفروض تتكسر فى البيت وتراعى شئون زوجها واولادها.
وعمل المراه ممكن يكون مقبول فى بعض المجالات زى التدريس والطب وغير كدة مطبخك اولى بيك.
وزى ماقلت ليكن يا بنات حواء الزعل مرفوض. ودى وجه نظر
وانا بالنسبة لى لوكملت كتب الدنيا تتكسر فى البيت

[معتزودمدنى]

وين ناس برلمان النساء؟؟؟؟؟

[طارق محمد الحسن]

اخى الكريم اسعدك اللة انحنا موظفين وكدا وعندنا زميلات فى المكتب وفى مكان العمل وعمل المراة الزمن دا بقى ضرورى عشان المعايش تمشى لانو الزمن بقى صصصصصعب وبرضو فى حدودلعمل المراة اذا كانت متزوجة انهنا ماتقصر فى واجبات المنزل واذا مامتزوجة اهو تلقى ليها عريس ولا شنو

[meshanshow]

بعدين شغل المراء اذا كانت مامتزوجه بكون لي غرض غير الشغل وهو ايجاد زوج