،،،،كان بتكم سمحة أصلو ماتدوها لي مغترب،،،،

[نزار الكاشف]

عارف انو كترت عليكم بي موضوع العرس
لكن تقولو شنو ( كل اناء بما فيه ينضح )

ود ناس فلان نازل السودان يعرس دايرين نفتش ليهو بت سمحة
وعلي حس الاغتراب يعرسو ليه بت نااااار وهي الموهومة فرحانة
بالاغتراب وبالنسبة ليها العريس ده هدية من السماء عشان تتخارج
برة وتنزل بعد سنة تتبوبر علي اهلها.
ولا بتراعي لي انو العريس دة مفهومو شنو،، ولا ثقافتو شنو ،،
والفترة البتدلع فيها - فترة التلفونات السمحححححة ماقبل العرس) كلها
كلام فاضي ولا بتعرفو علي بعض ولا حاجة لانو اي طرف بيكون عايز اجذب التاني و كلها مغلفة بي:

العريس :
طبعا الواحد بوفر في الشهر كدة
والحياة في دبي كيف
وانا انسان طموح وعايز البتتفهمني وتقيف جمبي

االعروس :
انا طبعا بحب اللون دة
وانا طموحاتي منحصرة في كدة
والانسان العايزة ارتبط بيهو بحب فيهو كدة

يعني في الآخر حاجة شكلية ساي وفي الآخر بتعرسوا بتعرسوا

( كلكم دايره دايره اسمكم في العسل ده)
وما سمعنا لينا بي واحدة خطبها مغترب وادو نفسهم فرصة للتعارف وبعدين خلوا بعض عشان موضوع التناغم الفكري ..

سؤال جوهري موجه خصيصا لي اخواني في السودان:
لمن بناتكم السمحااااااات تعرسوهم للمغتربين ،، لمن انتو تجو تعرسوا البفضل ليكم شنو؟
والله الا تتموها موية

تحياتي
،،،، وشوفوا لي بت سمححححححححححححة عشان نازل اعرس

[نزار حسن محمد]

والله يانزار الله يعرس لك ساكت ..ونشوفك بعد العرس بتكتب شنوا ..عن الااراضى ولا عن الاستثمار..
والسمحه مامقياس ..اهم شى الجمال الداخلى .. واعمل حسابك مايغشوك ،،:eek:

[سواااح]

نزار الكاشف

والله يا زول باين روحك محرقاك
والله يكون كنت راسم ليك علي واحدة
وبين ليلة وضحاها لقيتها في خبر كااااااااان
عموما الامور دي فبل كل شئ
قسمة ونصيب " ما قسمة الفنانة"
يعني لو خلينا الجمال سبب رئيسي للاختيار
اكيد ح نكون فقدنا حاجات تانية مهمة
بدونها لا يمكن ان تستقيم الحياة
وكما قال رسولنا صلي الله عليه وسلم
" اظفر بذات الدين تربت يداك "

دمــــــــــــــــــــت ،،

[نزار الكاشف]

والله يانزار الله يعرس لك ساكت ..ونشوفك بعد العرس بتكتب شنوا ..عن الااراضى ولا عن الاستثمار..
والسمحه مامقياس ..اهم شى الجمال الداخلى .. واعمل حسابك مايغشوك ،،:eek:


ابو النيز
ربك يســـــــــــــــــــتر
ونحن كان ما شاورناكم انتو اهلنا بنعرس
اعملوا حسابكم انتو ما يغشوكم

[سواااح]

والله يانزار الله يعرس لك ساكت ..ونشوفك بعد العرس بتكتب شنوا ..عن الااراضى ولا عن الاستثمار..
والسمحه مامقياس ..اهم شى الجمال الداخلى .. واعمل حسابك مايغشوك ،،:eek:


اعملوا حسابكم
عمكم نزار شايل
شاكوشو قصدي
ساطورو وحايم !!

[نزار الكاشف]

[QUOTE=سواااح;169821][COLOR="Blue"]نزار الكاشف

والله يا زول باين روحك محرقاك
والله يكون كنت راسم ليك علي واحدة
وبين ليلة وضحاها لقيتها في خبر كااااااااان

والله يا سواح في دي عندك حق
لكن سوطك حااااااااااااااااااااااار
شكرا ليك

[شبرقية]

بنات المغتربين مابعرسن وبنات السودان مايعرسن مغتربين
اها الحل شنو
غايتو شاكوشك حار شديييييييد

نتكلم جد شوية:
مغترب اهلا وسهلا ويفتحوا ليه البواب كلها وتقول ماصدقوا اتخارجوا من البت لو شينة لو سمحة بدون مايعرفوا عنة اي شي
ودا برجع للخالة المادية يعني يريحهم من البت وكمان ممكن يساعدهم
والواحدة تسافر وتنصدم بالواقع
سقة ضيقة ..ماهية مامكفية الايجار ...والصرف بحساب
وتلفون لي اهلي تنوني وتتبكي وطلقوني وتبقي في مشكلة تانية
وخلاص الفاس وقع في الراس وعصفور في اليد ولاعشرة علي الشجرة كان طلقك تمشي وين والبعرسك منو ...
وتستحمل وتسكت وزهج الفلس كلو يفضي فيها
والتسوي بايدك .......

[منير محجوب]

بلا شك أن الغربة تأخذ كثير وتحرم الواحد من أهلوا وأصحابوا ، وإنت ياأبو النيز داير المغترب يتحرم كمان من بنات بلدنا السمحات ، وتبريرك هو عدم الإنسجام والإلفة والمعرفة التامة بين الطرفين ، من الممكن أن ينشاء الإعجاب من الوهلة الأولى ويكتمل حبل الود ولا ينقطع أبداً ، ومن الجانب الآخر هناك علاقات ناشئة من زمن الطفولة وممتدة لسنوات ولايوجد إحتمال بأن يحصل فراق ، ولكن هيهات تأتي الرياح بما لاتشتهي السفن ويحصل الخلاف لأسباب واهنة جداً ، وفي النهاية نرجع إلى القدر والقسمة والنصيب،،،،

[معتز حمدتو]

نزار الكاشف انت عرسك متين ؟؟؟؟؟

المساله ياودالكاشف ما السماحه المسالة كيف تقابل بنت البلد السمحه ونظيفه وعفيفه وبتستر الحال يعني بالمعني العام كده ( فل اوبشن ) ....
بعدين ما كل المغتربين غاشين الحلولهم ومغشوشين في نفسهم كثير في بلاد الغربه ذو اوضاع ممتازه تسمح للواحد اعرس وعيش مبسوط ولا كذب علي نفسُ ولا على الغير ....
بس قبل كل الكلام الداير ماهي اسس الزواج ؟؟؟؟؟
قال الرسول صلي الله عليه وسلم ( إن اتاكم من ترضون دينه فزوجهُ ) .. كما قال ( تخيروا لنظفكم فإن العرق لدساس ) .... وايضا ( تنكح المرآه لماله وجمالها وحسبها ونسبها ... فظفر بذات الدين تربت يداك ) .....
أين نحن من كل هذا ؟؟؟؟؟؟
لك الود ود الكاشف والله استر

[ابوشوتال]

والله يا اخوي
الله يستر عليك
بس اوعة تكون مفلس
بعدين بتتلقي العروس وما تسمع كلام شبرقية
راقداااااااااااااااااااات ومما تقول مغترب ودخالتا دمعوا مطر
بس السماحة ماكلوا شي خليها اخر حاجة شوف الجوهر وبعدين ( القسمة والنصيب)

[رضا حسن محمد]

خطيبتى قبيحة شينة
خطيبتى كمان سمينة
يوم عزمتنى سينما
وانا دايما بطيعا
بطلنا الكان بروسلى
وضرباتو الشنيعة
اندمجت معاهو
وضربتنى فى ضهرى
وعملت لى قطيعة



شاحد ربى تبقى عليك يا نزار يا ود الكاشف

[MASS77]

والله كلامك منطقي بس المساله في النهايه
قسمه قسمتك ممكن تجيب ليك شينه ولا سمحه

[طلال الصول]

الله يديك العافية يا ابو النيز كدا طمنتنا انو الواحد حايسعرس ليو واحدة سمحة
لكن اصبر لي بشاورك فيها ...............................

[ابوالنور]

انتي يا زومبا حكايتك شنو
بتكم سمحه ما تدوها لي مغترب وانا ما عارف شنو
انت تعال من الاخر كده شكلك كده جنيت
وبعدين انت لمن كنت بتتكلم معانا هنا في السودان
وفي مدني كنت بتتناقش علي اساس انو البت دي ما نفس مواصفات
يعني بمعني انك انت الانسحبت يعني مفروض هي تسوي كده
لكن من شكل كلامك هسي بدينا احساس بالامل

اها يا حبيبنانحنا مستنينباقي الامل

[مختار بازى]

يا بروف الحاصل شنو براحه كده وريني

[الجندي المجهول]

اولا تحياتي للغالي دوما نزار الكاشف - ذكرتني بايام قد خلت مع احمد كمبوك وكونا ومصطفي فضل والعالم عمر محمود وباجيو خالد الكاشف والاصابع الذهبية حلاق الحيرة ياسر كجر عزيزي نزار انت شكلك كنت عاوز واحدة وفي زول سبقك بقول ليك الله يعوضك يا فردة .

حقيقي الزواج بقي من المغترب مشكلة بالذات لو كان من السعودية ؟؟؟ من غير ليه واسالوا الهناك ناس ....................
سلام

[Madanawi]

ليس الجمال بأثواب تزيننا .. إن الجمال جمال النفس والأدب

يا ود الكاشف .. العرس ده ما ياهو المقسومة والنصيب .. يعني ما مسألة سماحة ولا اغتراب ،

الله يهدي سرك يا نزار .. ويديك الودود الولود ،

[محمد حسين (المميز)]

حبيبنا المغترب ود جيرانا نزار ود الكاشف
حبابك ابوي منوّر والله وشوقنا كتير مايتوصف

مالك ياخوي شاني هجوم على المغتربين وانت بقيت واحد منهم
بعدين حقّو توري كجر الكلام ده لانه قبل يومين كان بتكلم معاي بالتلفون وقال خلاص باقي العرس بعد الأغتراب

تحيــــــــــــاتي ليك ياعزيزي

*-*-*-*-*-*-*-*-*-*-*-*-*

[الطويل]

ليه كدى يا ود اخوى:mad: ؟؟؟؟؟؟

المغترب ده اكتر انسان بملك مشاعر واحاسيس وحنيه زياده عن اللزوم :o

وكمان المغتربين مستورين حال بسترو المره وحالنا احسن من ناس كتيره

;) وبعدين نحن كلنا اولاد مدنى ;)

[جنيـــــدو]

يا جندي الزول ده سري عندي بس !!!!!!!!

[GREY MAN]

ربنا يديك يا ود الكاشف
السمحه وجميله
الودود
الولود
الطيبه
العفيفه
اامين

[moh_alnour]

والله يا نزار الكاشف
كلامك ما صحيح على أطلاقوا ، ولا كلام شبرقية صحيح على أطلاقوا
الواحد بفتش عن الودود الولود وكل امرها محمود
والتي إذا نظر إليها سرته وإن أمر أطاعته
التي تحفظه في حضوره وغيابه
التي تعيش معه على الخير والشر
وفي الاخر هي القسمة والنصيب
طيب رأيك شنو نحن عكسنا الأية وبدينا نفتش عن بنات المغتربين
أها الفهم شنو يا أخوي الكاشف

[عبدالرحيم سعيد]

اظفر بذات الدين فقط تربت يداك

[معروف الجزولي]

والله يا اخ نزار لمست عين الحقيقه وانا بتفق معاك في كلامك ده-- واقول ليك قبل كم يوم كنا نتسامر انا واخوي كرام من السودانين المقيمين بقطر حيث كانت الجلسه شيقه ومن ضمن المواضيع التي ناقشناها زواج المقترب واتفقنا جميعا بان اي واحده توافق بزواج المقترب بتكون شربت المقلب وبصراحه المقترب بقي نمر من ورق الا من رحم ربي؛؛ واذكر واحد من المتحاورين حلف بالطلاق بان لايزوج بنتو لمقترب حتي ولو بارت عديل كده وحجتو كانت منطقيه جدا-- اول حاجه المقترب حيتزوجها ويتركها في السودان سنه وسنتين وربما اكثر ويتركها في وحده قاتله من غير ثمن بحيث ان المقترب يمكث تلك السنين وياتي الي الوطن ويصرف ما ادخره من سنين في شهور ويرجع تاني وتبدي الساقيه في الدوران واذا اتوفق واحضر زوجته معه الي محل اقامته كمان هنا المشكله اكبر بالنسبه للزوجه اولا انها ستعيش غربه حقيقيه لانها ستكون في غرفه من اربعه جدران من الصباح الباكر الي المساء المتاخر لوحدها-- وحينما ياتي زوجها يكون اهلكه الدوام الطويل ويروح في نوم عميق الي الصباح ويعيد الكره ثانيتا-- والمحصله في الختام غربه ومعاناة وعدم استقرار وبعد عن الاهل والاصدقاء بدون فايده تزكر اللهم الي القليل من الناس لانه وبصراحه قد يكون صرف كل راتبه في مصاريف البيت والحوالات التي تزهب الي اهله اخ طالب واخت طالبه واب وام وخاله مريضه عايزه المساعده وكده--- وعلي كيفكم من ارادت البهدله والمعناة فلتتزوج من مغترب-- مع العلم بانني مغترب غير متزوج- وهنا ينطبق علي المثل القائل وشهد شاهد من اهله- ودمت