مغتربين فوق الستين!

[شبرقية]

ظاهرة اصبحت منتشرة في كثير من الدول العرببية رجال عدي عمرهم الستين عام مقيمين خارجالوطن
الادهي وامر وجدهم بدون اسر مما يسبب لهم كثير من المعاناة
اغلبهم يعيش وحدة
وماجعلني اكتب لكم عن هذا الموضوع هو وفاة احد السودانيين وهو رجل كبير في السن يسكن في شقة لوحدة وقيل انه مريض بالسكري والضغط ولا احد معه وللاسف الشديد اغلب المحيطين به في السكن هم اسر سودانية
توفي الرجل حسب ماقالت الشرطة في ساعات الصباح الاولي بازمة قلبية ولم يتم اكتشافة الا المساء
بعد ان حاول زملاء العمل الاتصال به وباءت كل محاولاتهم بالفشل اضر احد الاخوة الذهاب الي شقتة وكسر الباب وكانت الطامة


لماذا ؟؟

عايزين شنومن الغربة ؟؟ كسرة بموية واسط اهلك اعز وابرك
اولادهم وين ؟؟ معقول بيستغنواعن والدهم عشان كم قرش
والله ماممكن:mad: :confused: :eek:

[zoolfrda]

والله يا شبرقية الكلام ده حصل عندنا هنا في أبوظبي

سوداني ما اكتشفوهو متوفي إلى بعد أربعة أيام

تخيلي

[elmoiz]

والله كلامك صاح يا شبرقة وفي أمثلة كتيرة عندنا هنا في السعودية واحدين ليهم أكثر من 40 سنة يعني مش فاتوا الستين ديل يكونوا دخلوا في الثمانين لحدي من سنونهم إتحت

[الفارس البنفسجي]

الأخت شبرقية

أها هسه دي يحلوها كيف؟
هذه وللأسف أحد إفرازات
الإغتراب وياريت الناس
لو عندهم زول كبير وقاعد
براهو في بلاد الغربة يرجعوه
بأي طريقة.
لأنو في سؤال مهم جداً لازم
الناس تسألوا.
الما عملوا الناس العجاز في شبابهم
بقدروا يعملوا في شيبهم.؟

ربنا يصلح الحال

[عبدالرحيم سعيد]

اول وصولي المهجر تصادمت بهذه الحقيقة وسعوت جادا مع رئيس واعضاء الجالية لحل هذه الافرازات فكانت الردود قاسية جدا0مالكم ومالنا0شكينا ليكم0انا في السودان مابلقي هذا المرتب0يحلوها كيف كما قال البنفسج زول كان مرتبه سبعه الف وتفنش وشغال الآن بألف ونصف0وعشرون سنة ماعمل شي بالسبعة واينك من الالف 0عشان كده اخوتي اسألوا الله ربنا يصلح بلدنا لنرجع جميعا قبل انقضاء انتداباتنا حتي مايموت الواحد فطيسي كما ذكر شيخنا يومها0

[صالح شرف]

شبرقية ...
نقطة نظام
سؤال يطرح نفسه
ولغة (من فاتهن قطار الفرص الذهبية)
وبلسان حالهن
(لستِ المقصوده)
لكن اكيد من أوحت.. لك بهذا الموضوع
واحدة تأمل في واحدٍ ممن تحدثتي عنهم...



مجرد استنتاج



شبرقي..............................صغير

[امل حياتى]

يا جماعة دى لقمة العيش عشان يوفلر لقمة عيش لولاده وان شاء الله سوف يكون من اهل الجنة

[شبارقاوية]

المشكلة انه اهله ما بيقدروا انه الفى الغربة دا تعبان وشقيان وما برتاح وما رقد مرتاح البال زى الفى بلدنا وشغالين جيب جيب جيب
وهو اخر من يستمتع بفلوسه دا اذا لحق واستمتع بيها
لكن منو البيحلها؟
اما انا رايى انه الفى الغربة دا لو ما قادر يوفر ويعمل حاجة احسن ليهو يرجع وينوم ليهو فى عنقريب تحت ضل شجرة وياكل كسرة بموية وينوم مرتاح من الضغوط النفسية الفى الغربة

[Madanawi]

يا جماعة .. أنا بقول أن لكل انسان خريطة طريق خاصة يتخذ منها منهج ومسار لحياته .. هذه الخارطة تشكلها ظروف ومتغيرات حياتية .. ربما يكون منها ما هو ثابت أو متغير بوتيرة ثابتة ،،

الم تكن أرض الله واسعة لننتشر فيها .. بلى والامام الشافعي يقول :
و سافر ففي الاسفار خمس فوائد تفريج هم ,و اكتساب معيشة, و علم , و آداب , و صحبة ماجد

لذلك لا يوجد ما يمنع الانسان من السفر لاحدى تلك الفوائد الخمس .. مع مراعاة الظروف الصحية والقدرة على تحمل ويلات السفر ومصاعبه بل ومشقته ،

بداية للخروج:

هنالك من هم فوق الستين ولهم القدرة على العمل والانتاج .. ويعملون في مؤسسات وشركات لها وزنها .. ودخلهم كبير مما يمكنهم من مساعدة أسر فقيرة في السودان بخلاف أسرهم وفتح بيوت جعلهم الله سسبا في أن تظل بها حياة .. والامثلة كثيرة على ذلك ،،،

مشكورة شبرقية لطرح القضية الحساسة ,,,,,,,,

[شبرقية]

لكل من مر وعقب الف شكر
يامدناوي البي صحتو يشتغل والشغل اكيداحسن
بس التعبان وشقيان في الفاضي
معظم مغتربي فوق الستين مريضييييييييين !!!
في الحالة دي بايدراي شبارقاوية عنقريب وهمبريب ولازول يقول ليك جيب
ان شاء الله يامل الحياة يكون من اهل الجنة ولقمة حلال بمشقة افضل من الف لقمة ساهلة وحرام
عمي عبدالرحيم لو حليت المشكلة في قطر ماحتحلها في بقية الدول والمعز والفردة اكدوا انها في اكتر من دولة
وهنا بسالكم سوال البنفسجي ؟الماعملوا الشاب بعملوا الشياب؟

عمي صالح والله لفيت راسي