انت مغترب ... اذا كنت صريحا مع نفسك (1)

[نزار الكاشف]

السلام عليكم ...
انها المرة الاولي الي اشارك فيها ،،، لذلك اعزروني ان كنت قاسيا قليلا في التعبير ..
ماهي الغربة:
الغربة هي ان تتغرب عن اهلك وبلدك لتجد نفسك في عالم اخر يختلف اختلافا كبيرا عنك وعن هويتك
ما الذي جئنا لنحصل عليه ؟
1. المال :-
الكثير من لم يحصل عليه كما كان يتوقع ، والذين نالوه حملوه مغلفا بكل معاني الاستغلال ومهانة النفس والخضوع الكامل ( لمديرك ، لكفيلك ، ..........) وحتي المواطن الذي يحلو له ما يشاء معك طالما انت غريب وجئت متسولا في هذه البلاد.
من منا قال لا للذل او للمهانة .. بعضهم قالها ولكنه الآن ينعم بالعيش في السودان ( فنشوهو)
2. الزواج :-
والله لا اعتقد ان رجلا يتزوج بامراة (لتجلس بين 4 جدران طوال ساعات النهار ثم تحضر لك الغداء لتتغدي وبعدها تريد ان تنام لان دوامكم باكرا من دون مراعاة لاي حقوق لها) برجل سوي.. اجئت بها لتكون خادمتك
لكي اكون نفسي واعمل مشروع في السودان:-
والله لم اعلم احدا رجع الي السودان وقام بمشروع بعد 10 سنوات غربة ( اللهم الا رقشة او بالكتير اتوس ) . وهل لو اجتهد في بلده هذه السنوات الم يكن ليكون افضل حالا..
بالله عليكم ما الذي نجنيه هنا ؟
اين اصحابك ،، اين اقاربك ،، اين زياراتك العائلية ،، اين حوش العائلة ،،
ايــــــــــــــــــــــــــــــن ود مدني منا
ايـــــــــــــــــــــــــــــن شارع النيل
أيــــــــــــــــــــــــــــن السوق الكبير
أيـــــــــــــــــــــــــــن السوق الجديد
أيـــــــــــــــــــــــــــن ملجة الخدار
أين وأين وأين

الليلة عرس ناس فلان
الليلة فلان ده قال تتجوا تتغدوا معاهو
دايرين نمشي نشيل الفاتحة مع ناس فلان
الليلة والله عندنا قعدة في الكورنيش
ما تجو نلعب لينا عشرة حريق
والله الليلة الدافوري نارو في السما

بالله عليكم ما الذي جنيناه

قد اكون مخطئا ،،، فلو كنت كذلك فبالله عليكم ارشدوني الي الصواب

نزار الكاشف
من ابناء ود مدني
العمر 27 سنة
اعزب
جئت للزواج وهذا عامي الثاني

[نزار حسن محمد]

مرحبا بك حفيد الكاشف بيننا ..حللتا اهلا... ونزلت سهلا..

موضوعك جميل ..بس نحن قبيل شن قولنا قولنا الطير بياكولنا ...
دائما التجربه اجمل من النصيحه ..ماذا... ستجنى فى نهاية مشوار الغربه
اذهب الى بوست متى سنعود واختار واحد من الثلاثه خيرات واعمل حسابك من الخيار الثالث....

[gorashi]

ود الكاشف
لك التحية
والله ما قلت إلا الحق وحقو تلحق نفسك يا أخوي قبل ما السنين تجري منك ما بحدد ليك زمن معين عشان ترجع لكن نصيحة ما أكتر من عقدين عمل ما تزيد
ربنا يردنا جميعا

[الفارس البنفسجي]

الأخ نزار الكاشف

والله كلامك كلو صاح، بس
انت عارف، المغترب لمن يجي
هنا ما بكون عارف النتائج شنو
وبالو إن حا يلقى الواقع زي الأحلام

ولمن يصطدم بالواقع بلقى نفسو
اتورط في مية حاجة، وظيفتو في
السودان طارت منو !!!!!!!!!!!!!!!
ديون بسدد فيها ، التزامات دخل فيها ،
ناس عشمها فيهو، ناس وعدهم بي
حاجات ، وانت عارف السودانين
حنينيييييييييييييييييييييين جدا ، وفي بعض
من المغتربين بكون اتورطوا هنا
أما أنهم ما وجدوا شغل أو عندهم
مشاكل والمشكلة تجرر وراءها مية
مشكلة والنماذج كتييييييييييييرة.
وفي نوعية بتلقاها عايشة في وهم
انو الإغتراب أحسن من السودان

الخلاصة يا اخوي نزار

نحن اتورطنا اتورطنا
وأن شاء الله راجعين
راجعين.

[nasa]

ودالكاشف اخوي شكلك مغترب جديد ماضربتك الرطوبة لمن تضربك الرطوبة بتفهم حاجة انت يانزار واحد من الناس انت متخرج من جامعة الجزيرة بمرتبة الشرف وانت اول دفعتك ممتميز ماهو الوضع الاجتماعي الذي حصلت عليه في السودان ؟الوضع المادي؟حتى لوتوفرت اليك هذه الاوضاع ممكن تكون مريض بالملاريا هل تستطيع تأدية أو الابداع في عملك نعم الغربه معاناه ولكن هنالك ايجابيات ولي معك عودة. يابروف

[عبدالرحيم سعيد]

ياجماعة اقول لكم كلمة صدق سجلوها في دفاتركم 0اولا لم افكر قط يوما في الغربة قط0قط0وتشئ الاقدار ان ادخل معاينة من ضمن مئات الناس ويشيلو مننا اربعة اداريين (خدمتنا في السودان اكثر من 25عاما)وجئنا لمدن النفط0تعرفوا ايه امنيتي الآن 0ان ارجع كما كنت والحاميني هو ماحولي 0ماتقطع رزقك0بتندم0حرقتك الغربة0ولو في زول داير تدعيهو ادعو له بالغربه 0مقارنة بالمعاناه والهاجس لا تسوي ماتجنية لامحاسن ولاشئ لالوبنا ولا تمر الآخرين ودا قبل الرطوبة ماتنزل0

[نزار الكاشف]

عبد الرحيم ازيك
رغم اني المدة طالت علي وما اتذكرت الاسم كويس بس والله ردك علي ريحني شديد
وانت فاهم الانا بقصدو وخلينا نكمل مع بعض

[نزار الكاشف]

حبيبنا
شكرا علي المرور والتعقيب وانشاءالله تنتم معرفة وصداقة
اخوك نزار الكاشف
وعلي فكرة انا ياهو ذاتو نزار الكاشف بتاع جامعة الجزيرة البقو لي سبب في الغربة
وخلينا نتواصل

[نزار الكاشف]

الاخ الفارس البنفسجي
انت اصبت كبد الحقيقة نحن اتورطنا وراجعين راجعين دي هي المشكلة ذاتها
لانو راجعين دي بتدي الواحد احساس الرجعة وفجأة تلقي نفسك لسة غرقان في العتمة
بس خلينا نقول انشاء الله راجعين راجعين

[عصام هبار]

مرحباً بك رفيق درب....مرحبا...بك...ضحية ..اخري...من ...ضحايا....الاوضاع...التي ...تدفع ...بابناء
الوطن....بعيد.....بعيد....
مرحباً...بك...بوقاً...جديداً...يزعق...في ...وجه...الغربه...والاغتراب....ونامل...ان ...ناخذ...بايدي بعض...في...طريق ...العودة...الي ...وطن...الجدود

[نور عبدالله]

مرحبا بك حفيد الكاشف بيننا ..حللتا اهلا... ونزلت سهلا..

موضوعك جميل ..بس نحن قبيل شن قولنا قولنا الطير بياكولنا ...
دائما التجربه اجمل من النصيحه ..ماذا... ستجنى فى نهاية مشوار الغربه
اذهب الى بوست متى سنعود واختار واحد من الثلاثه خيرات واعمل حسابك من الخيار الثالث....
.............. اخووووي الكاشف نصيحة لوجه الله اسمع كلام اخوك نزار.. .. واختار،،،،،،،،،،،،

[المسافر]

لله درّك أخي العزيز نزار
ومشاكل الغربة ما تختص بالمغترب لوحده فهي مشاكل متكاملة تشترك فيها الدولة والأسرة والمغترب...

وإن قرار العودة يحتاج إلى قليل من الجرأة وكثير من التوكل على الله . . . وبما إنك لن تستطيع عمل شيء يذكر طوال 10 سنوات الماضية ، فما أظنك سوف تفعل شيء في العشر سنوات القادمة . . . فلا تضيعها في هموم وغموم وغربة وشجن وأنعم بها بين أهلك وأحبابك وأنفع بها وطنك ...

وبالتوفيق أبداً

[محمد السر احمد]

السلام عليكم ...
انها المرة الاولي الي اشارك فيها ،،، لذلك اعزروني ان كنت قاسيا قليلا في التعبير ..
ماهي الغربة:
الغربة هي ان تتغرب عن اهلك وبلدك لتجد نفسك في عالم اخر يختلف اختلافا كبيرا عنك وعن هويتك
ما الذي جئنا لنحصل عليه ؟
1. المال :-
الكثير من لم يحصل عليه كما كان يتوقع ، والذين نالوه حملوه مغلفا بكل معاني الاستغلال ومهانة النفس والخضوع الكامل ( لمديرك ، لكفيلك ، ..........) وحتي المواطن الذي يحلو له ما يشاء معك طالما انت غريب وجئت متسولا في هذه البلاد.
من منا قال لا للذل او للمهانة .. بعضهم قالها ولكنه الآن ينعم بالعيش في السودان ( فنشوهو)
2. الزواج :-
والله لا اعتقد ان رجلا يتزوج بامراة (لتجلس بين 4 جدران طوال ساعات النهار ثم تحضر لك الغداء لتتغدي وبعدها تريد ان تنام لان دوامكم باكرا من دون مراعاة لاي حقوق لها) برجل سوي.. اجئت بها لتكون خادمتك
لكي اكون نفسي واعمل مشروع في السودان:-
والله لم اعلم احدا رجع الي السودان وقام بمشروع بعد 10 سنوات غربة ( اللهم الا رقشة او بالكتير اتوس ) . وهل لو اجتهد في بلده هذه السنوات الم يكن ليكون افضل حالا..
بالله عليكم ما الذي نجنيه هنا ؟
اين اصحابك ،، اين اقاربك ،، اين زياراتك العائلية ،، اين حوش العائلة ،،
ايــــــــــــــــــــــــــــــن ود مدني منا
ايـــــــــــــــــــــــــــــن شارع النيل
أيــــــــــــــــــــــــــــن السوق الكبير
أيـــــــــــــــــــــــــــن السوق الجديد
أيـــــــــــــــــــــــــــن ملجة الخدار
أين وأين وأين

الليلة عرس ناس فلان
الليلة فلان ده قال تتجوا تتغدوا معاهو
دايرين نمشي نشيل الفاتحة مع ناس فلان
الليلة والله عندنا قعدة في الكورنيش
ما تجو نلعب لينا عشرة حريق
والله الليلة الدافوري نارو في السما

بالله عليكم ما الذي جنيناه

قد اكون مخطئا ،،، فلو كنت كذلك فبالله عليكم ارشدوني الي الصواب

نزار الكاشف
من ابناء ود مدني
العمر 27 سنة
اعزب
جئت للزواج وهذا عامي الثاني

الاخ نزار الكاشف وين يا مغترب يا زول بتجي السودان وبتشوف الحاصل براك
ماذا يفيد شارع النيل وانت ما عندك التكحك وما لاقي تاكل ولا تعالج
احمد ربك يا اول الدفعة 22 احصاء لاقيت شنو من بلدك في التوظيف في الجامعة
و ما زال الخيار والفقوس لسة مستمر يا وجيه

[ابوشوتال]

والله يا اخوي الكاشف كلامك في محلو بس تقول شنو جينا واتورطنا

والرجعة بقت صعبة ؟
مافي حل غي القناعة نرجع ونحاول ندخل المجتمع تاني بعد عزلة سنين طويلة

[امل حياتى]

الغربة مشكلة كبيرة بس هى الطريق الامثل تحقيق بعض الامنيات بطريقة افضل

[مختار بازى]

كلامك 100%
بالرغم من غربتي بتختلف شويه بس في النهايه غربه انا قدمته كليه ام درمان الاسلاميه شريعه وقانون
وبعد سنه قدمته استقاله وقدمته في كليه ود مدني الاهليه دبلوم ترجمه انجليزى الدفعه السابعه ودرسته ثلاث سمسترات وسبته الكليه والآن انابدرس في القاهرة والله بصراحه شديد ندمنته علي
الشيء الخلاني ما اكمل في الوطن وكدا بعتبر نفسي متغرب وبلعن اليوم الفكرته فيهو في المشروع دا !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!

وتسلم يا بروف

[ناصر عمر دبيب]

اخي نزار الكاشف واللة الغربة حارة بس الواحد يعمل شنوانحنا شفنا الويل وسهر الليل واللة الواحد في اليوم ب
تزكر اهلوا خمسين مرة وناس الفريق والجران لكن الظروف صعبة شديد وربنا يسهل

[نزار الكاشف]

.............. اخووووي الكاشف نصيحة لوجه الله اسمع كلام اخوك نزار.. .. واختار،،،،،،،،،،،،


اخوي نور
والله كان انت كان نزار كان عصام هبار
الله يديكم العافية اصلو ما بتــــــــــــــــــــــــــــــــــــــطمنو

[نزار الكاشف]

اخي نزار الكاشف واللة الغربة حارة بس الواحد يعمل شنوانحنا شفنا الويل وسهر الليل واللة الواحد في اليوم بتزكر اهلوا خمسين مرة وناس الفريق والجران لكن الظروف صعبة شديد وربنا يسهل

والله يا الدبيب الشماعة بتاعتي انكسرت
وجيت اشتري شماعة لقيت الناس كلها معلقة فيها
جبت زيها
عارف مكتوب فيها شنو
الظروف

[نزار الكاشف]

مختار

انت هسة طالب ،، خلي بالك في دراستك
بس انت جربت وشفت
اتخرج وارجع ابدا من الاول في بلدك
شكرا علي المرور

[نزار الكاشف]

المهم القناعة يا حبيبنا
والله اوصلنا مرحلة القناعة دي
regards

[ود ام تريبات]

شيء من لاشيء بس كفاية ........... شوف يابروف اقعد سنتين واعمل جرد لماكنت تتمناه والاتحقق منو كم في الميه .. لو لقيت انو الاتحقق اقل من 70% من الكنت بتتمناه خلال السنتين ديل ... لملم ما تبقى لك من قريشات-انت وجدت- واتجه الى (الاسكلا) لانها بتجيبك في كبري حنتوب ...
ولك ودي