ألم

[صالح شرف]

ألم
دي ما من عندي
حابي بعد اذن الجميع
اطرح هذه المرة قضية الكتابات علي وخلف زجاج السيارات ( سيارات النقل العام)
وسأبدأها ببعض ما اتذكر من كتابات موجودة فعلا خلف سيارات الاتوس
والامجاد ... والحافلات(السفرية... والداخلية) بل وحتي الشاحنات والبصات
والتي تتجه في اغلب الاحيان الي استخدام(استلاف)كلمات الاغاي
والامثال
والادعية
والايات
بل ونداء المشايخ والخلفاء لدرء الحسد والشر
كعادة اهلي السودانيين(اني احبهم)

سأذكر فقط ما شدني واعجبني
ولفتح الباب للاخوة في الواصلة وكتابة ما يَمرُ بهم مع أكيد
إخلاصي( الكلمة دي انا بتقتلني وبتحيني) ((( استغفر الله))))حتي لا ادخل في اثم أو شرك
أبدأووا معي
* حياتنا كلها مِحن....
*( وأتبع سببا)
*أبو يوسف
*يا بركات
*قالوا مُتالم شوية
* مدن عينيك
* جلاااااطة
* شلاقة
* علي فكرة
* علي الله
* رحلة عيون
* نور العين
* عيني عليكي باردة
* يا ستار من العين والسفر الضار
* عيون في الغربة بكاية
* بكرة راجع
* أوعا تنسي
* عيونك كانو في عيوني
* نيفاشا
* يا حنين
* تاني راجع
* أوعا تنسي

وملاحظة كختام لهذه المشاركة معظم( وليس كل) الكتابات بها اغلاط ( اخطاء ) إملائية ونحوية وتعبيرية واااااضحة
ومَردُ ذلك يبدو لنقص ( أو عدم كفاية تعليم) من قام أو طلب أو أشرف علي كتابتها

مع
حبي
وإخلاصي


:p

[خالد هاشم علي]

أخي صالح...
موضوعك جميل ولافت للنظر وفي مرات كتيرة بتكون الكتابة بدون أي معاني .. زي
* الخمجان عريس الموسم
* المافي شنو
*حصاد الغربة ... ودي معناها بالواضح كده ياناس العربية دي حصادي من الغربة عشان كده أعملوا حسابكم هههههههههههههههههههه.
راجع ليك تاني...

[Almostshar]

لا تحسبن ضحكي بينكم طربا
فالطير يرقص مذبوحا من الألم

أيضا هناك كلمات تحمل معاني جميلة
ولكن نجدها في غير موضعها

[Madanawi]

إلا أن بعض الكتابات تكون واقعية وعملية .. مثلا تجد صاحب العربية يود أن يبيع عربته فيكتب فيها " للبيع .. للإتصال هاتف رقم ....... " أنا في اعتقادي ان هذه الطريقة ما هي الا سياسة بيع جيدة وعملية بحساب ان العربية متجولة في الشوارع ويمكن ان يروج لبيع عربته دون عناء او تكاليف دعاية او نشر ،،،،،،،،،،،،،،،

[مدنيّة]

طبعا سبقتني بالبوست دا يا صالح لاني لي فترة عايزة اتكلم عنه
وبشد انتباهي جدا الكلمات المكتوبة علي وسائل الحركة بشتي انواعها
وبكتبتها وبحتفظ بيها لانها بتحمل معاني

مثال
- ما بدوم العز والمفاخر وكل اول وليه اخر .
- لو الدموع بتفيد نبكي العمر كله .
- فينا ارادة الله مخيرة .
عبور المحيط علي العصافير صعب .
- هي الدنيا كلها كم حرف لما يطول فيها الاسف .
- نحن لو ما القسمة ساااااااكت المتاعب مالنا بيها ! .
اها عليك الله الكلام دا ما ملان حكم:confused:

[صالح شرف]

مدينة


يا صاحبة المدينة
بل يا صاحبة الجلالة


شكرا


ولا تحرمينا يا مدينة

من حضورك الراقي( لمن غلط) بيننا



صالح .............................. أبو يوسف