احبتــــــى... هل سنعــــــــــــــــــود..((2)) ..والخيانه العظمى..

[عصام هبار]

احبتى ..هل ..سنعود ((2)) ..والخيانه العظمى ..

فى اواخر السبعنيات واوائل الثمانينات ارتفعت اعداد المغتربيين بشكل ملحوظ
لكن ..كان لدى الجميع.. عقائد.. ثابته وراسخه
انا سودانى ومافى حاجه بتغير الكلام دا لاعايز جواز ثانى ولا جنسيه اخرى
واى كلام غير كدا يعتبر خيانه عظمى لعازه ولامك ولا بيك
ومرت الايام والسنين وتبدل الحال واصبحت هذه العقــائد تضعف شيئا فشيئاالسودان دا مالوا ماشى للوراء والله اصلوا اولادنا اتولدوا هنا واتعودوا على البلد دى
عليك الله اسعدى السودانيين الجو.. زمان وعرضوا عليهم الجوازات.. لو ..شالوها ..مالو
كان نحن برضوا.. ادونا.. جوازات وكان اسعدى مرطبيين تعليم ووظائف وشقق وفلل واخر تجدع...
وذى ماقالوا منو من المغتربيين الرجع غير الثلاثه المعروفيينالاول رجع فى صندوق
الثانى رجع مفنــــش
الثالث رجع شبــــح
هذا الثالث قد رجع وهو فوق ال 70سنه ومعه سكرى وضغط الدم ومفاصل... وووووالخ
يخرج منذ الصباح الباكر متكلا على عصاه وواحد..من احفاده يجلسه على كرسيه ويتفرج على الماره
يتراجع الكرسى مع الظل الى وقت الغداء ويتغدا.. ثم.. يتمدا.. ويخرج عند العصر يجرجر كرسيه
فاطلق عليه ابناء الجيران لقب الشبح لانه لا بجدع ولابجيب الحجار
يارب دى بداية الانسلاخ عن جلد الوطن ام ماذا
الرجاء المشاركه بارائكم ودمتم .

[عبدالرحيم سعيد]

ياهبار انت دايرنا نجع الليلة ولاشنو طلقت فينا خوفه من التلاته ديل الانتداب ماتم لسع وعلي كف القدر نسير ولاندري افي الثلاثة ام خارجهم المصير والله يستر

[مدنيّة]

والله ياهبار المغتربين ديل لا بيعجبهم العجب ولا الصيام في رجب
تقول ليه ارجع بلدك يقول ليك اعمل فيها شنو
تقول ليه خلا اقعد في مكانك يقولك الغربة حااااااااااارة
تعبونا معاهم والله

[Madanawi]

رجع البلد ... بعد السنين المرة .. يادوب العيون .. سهرن هجد

يا هبّار .. الخوفة الخشت فينا من البوست الأول لي هسه ما مرقت .. تقوم تدبل لينا .. الهرشة تاني

يا أخوي راجعين .. على قول دريد لحّام

[عصام هبار]

الاعزاء عبدالرحيم سعيد / مدنّية /Madanawi / شكراً علي المشاركة لكن كنت اود ان اسمع رائكم حول امتلاك اكثر من جواز ومسالة الاقامة الدائمة خاصة في اوربا وامريكا وانا اظن ان
هذه المسائل اصبحت واقع معاش ....ودمتم

[مدنيّة]

الضرورة تحكم ياهبار ومااعتقد فيها مشكلة لانها حاجة مسموح بيها في كل الدولة
الجواز هين لانه الناس بتطلعه عشان تمشي بيها حالها في البلد المعني
يعني اضرب ليك مثال واحد اخونا عنده الجواز الامريكي بتكلم معاي انه كان عايز يجي بالسعودية يعمل عمرة الاول وبعدين ينزل السودان قلت ليه كيف يعني تعمل عمرة ؟؟ هسي دا ما موسم عمرة !! قال لي انا معاي الجواز الامريكي
يعني اتخيل انت عربي ما بتقدر تدخل دول الخليج الا بضوابط وقوانين صارمة جدا لكن لما تكون حامل جواز غربي ماعندك اي مشكلة

يعني ياهبار الابواب كلها بتتفتح امامه بالجواز دا

[عمار هبّار]

دائماً يا أنا ورغم مشاركاتك الضئيلة لكن تأتينا بما هو صعب .. فقد خنقتني العبرة وأنا أقرأ هذا الموضوع .. سألت نفسي متى سوف أعود ؟! لم أجد غير إجابة واحده :(متى ما أراد الله) ..
أما عن موضوع تعدد الجنسيات والهوية فهو أمر يجب أن نقف عنده قليلاً .. ما كان يمنعنا أن نتمسك بهويتنا هو حبنا لبلدنا لأنها كانت تعطينا دون مقابل .. أما الآن فهي تأخذ منا دون مقابل أيضاً ..
لكن رغم هذا كله نحبها ونحب كل من أحبها لأنها تعني لنا الإنتماء والذكريات الحلوة ولا أظن أن هنالك سوداني أصيل يرضى التخلي عن جنسيته لكن لا يضر إذا إستصحب معه جنسية أخرى لتسهيل الأمور إذا ضاقت بيه هنا !! ..

[الفارس البنفسجي]

برغم قناعاتي بضرورة العودة
إلا أني وللأسف غير متفائل
بعودة كل المسافرين خارج الوطن.

إلا


في الأحلام

[عصام هبار]

لكن لا يضر إذا إستصحب معه جنسية أخرى لتسهيل الأمور إذا ضاقت بيه هنا !!
العزيز...انا...(عمار)...انا اتفق معاك انو الجواز بيساعد وكلها ارض الله والناس ماشه تقرب اكثر بالاتصالات ..وبتكتل الدول ...يعني الاوروبيين اتحدوا وممكن العرب برضوا (رغم صعوبتها)
لكن اخي دائماً نحن السودانيين بنعتبر نفسنا مميزين بصدقنا وبصفات كثيرة كويسة ولا نستحق ان نكون من الدرجة الثانية في اي مكان ودمت...اخي

[عصام هبار]

برغم قناعاتي بضرورة العودة
إلا أني وللأسف غير متفائل
بعودة كل المسافرين خارج الوطن.

إلا


في الأحلام

اخي الفارس اتخيل لقيت وظيفية في مدني تطلع الصباح ترجع الساعة 2 تلقي الاولاد رجعوا من المدرسة وبتفرجوا في التلفزيون او بيلعبوا تتغدا وترقد شوية وتمشى الاستاد تدخل اهلي اتحاد وانت راجع تقشي ناس امك تاخدلك خشم خشمين ترجع تلقي نسوان الجيران قاعدين واخر ضحك والاولاد
بيلعبوا جنب البيت وبيضحكوا من جوا قلبهم تضرب فول كشك وتنوم.....في ...احسن ...من ...كدا

[سامر حسن]

الأحباب حضور وغياب
سلام قدر الشوق وطعم الغربة لما تحاصر الاحلام ولما تصادر الاقلام ولما النيل يفوت يسأل عن الأجيال الراحت كما الانسام
لازلت استميحكم شوقا للعودة صدقوني يا مغتربين البلد بشيلنا لما تجوا .. نحن محتاجين مهندسين ودكاترة ومعلمين وفنيين ومبرمجين وزراع وصناع الخ محتاجين مناضلين وثوار ... محتاجين أطفال يملوا الليل ضحك وسمر وغناء ... تسألني أسيل كثيرا عنكم ... عن شفعكم ...
لا زال هناك متسع للعودة

[الفارس البنفسجي]

والله يا أخونا عصام

دا الجنن بوبي ذاااااااتو

بالتأكيد دي أحلى صورة
وياريت كل السودانين يرجعو
ويسدل الستار عن آخر مشهد
في المسرحية.

شكراً على التواصل

[مدنيّة]

همسة : انت وين ياعصام في السودان ولا برة ؟؟


السؤال دا طبعا عشان الصورة اللي رسمتها للفارس البنفسجي
بتوحي انه الزول دا نفسه هو كمان يعمل كدا

[نزار حسن محمد]

الباشمهندس عصام

موضوعك بضرب فى الوتر الحساس ..عندما قراة البوست راسى لفه وتانى لفه ..وبالعكس لفه وقربت اتوفى...ليس لدى تعليق وانما اتفقق تمام بما جاء على لسان الشفيف سامر حسن محتاجين أطفال يملوا الليل ضحك وسمر وغناء ... تسألني أسيل كثيرا عنكم ... عن شفعكم ...
لا زال هناك متسع للعودة
وراجعين راجعين لك يا اخر الموانئ...

[nasa]

عزيزي عصام
نكون واقعيين الوطن هو البتعيش فيه مستور الحال ليس الوطن الذي تاتي منه انت ياهبار عمرك كم وقضيت منه كم سنة في الغربة بتجي السودان زائر او مغترب بتلقى كل ترحاب لانك بتكون ممتلئ حنين وشوق للبلد والاهل والاصحاب.
بالنسبة لكلام الاخوان سامر ونزار كلامهم طيب بس هل نلقى حياة طيبة في السودان الحد الادنى بتاع الادمية ليس حياة الترف عمل تعليم صحة آدمية شوف كم سوداني مالاقي فرصة عمل كم سوداني مريض كم سوداني ماقادر اتزوج كم سوداني متشرد من الحروب .......كم....كم....الخ.
ياهبار انت تحمل جواز سوداني تبدا تفقد هويتك من سفارتك في ابوظبي لماذا؟ انت تحمل جواز سوداني تفقد إنسانيتك في شؤون المغتربين؟.....الخ
هل الذين يسعون الى جنسية او جواز دولة اخرى غير عاقلين ليس لديهم وطنية لا بل اعتبرهم اكثر وطنية واكثر حكمة لانهم يسعون الى حياة كريمة.

[samah]

مهما حصل لابد نعود عشان عزه وعيون عزه
لكن عليك الله





االسودان دا مالوا ماشى للوراء
ماصحي ماش لوراء

[عصام هبار]

مهما حصل لابد نعود عشان عزه وعيون عزه
لكن عليك الله





االسودان دا مالوا ماشى للوراء
ماصحي ماش لوراء
طيب حتي لو اتفقنا انو السودان ماشي للوراء فكما قال وردي :
من غيرنا يعطي لهذا الشعب معناً ان يعيش وينتصر
وسوا...سوا ...حنخليهوا.. يمشي ..لقدام .....ودمت

[ود المطامير]

عزيزى الغالى .. هبار .
أنا كلما أقول أرجع بعمل خط رجعه للعوده علشان شائف الناس
اللى رجعوا قبلنا قعدوا فى السودان سنه ولأ سنه ونص وتانى طاروا
خارج البلد للسعوديه أو رجعوا الإمارات وزمان كانت وظائفهم محترمه
وهسى معظمهم يزاحموا فى الهنود والبنغاله فى الوظائف العماليه
وأنت قلت الحقيقه لما قلت أو يرجع ( شبح ) بسكرى وضغط
يا رب ترجعنا سالمين غانمين .

[عصام هبار]

عزيزى الغالى .. هبار .
أنا كلما أقول أرجع بعمل خط رجعه للعوده علشان شائف الناس
اللى رجعوا قبلنا قعدوا فى السودان سنه ولأ سنه ونص وتانى طاروا
خارج البلد للسعوديه أو رجعوا الإمارات وزمان كانت وظائفهم محترمه
وهسى معظمهم يزاحموا فى الهنود والبنغاله فى الوظائف العماليه
وأنت قلت الحقيقه لما قلت أو يرجع ( شبح ) بسكرى وضغط
يا رب ترجعنا سالمين غانمين .

العزيز...ود...المطامير....شكراً...علي...المداخلة.. .
طيب...عشان...مانكون...ناس...نيت..وحكي...ساكت...دعن ا...نستفيد...من..هذه..المساحة....
ولنفكر..بصوت....مسموع...علناّ...نستفيد..من...بعض.. ..طيب...نبدا...لماذا..فشل.الكثيرون
هل...لان...معظمهم...لم..يفعلوا...كما..فعل...طارق بن زياد..حين..احرق..جميع..مراكبه...
لذا...كانت..تجاربهم...بقلبين...يعني...عين..في السودان...واخري...هنالك....
ثانياً..المراة...ماعايزة...الاولاد...بينقنقوا...نا س...الحلة...اكلوا..لحموا...الغربة...غلبتوا
...فنشوا...دا...اسعدي..الجابو...شنو...اصلوا...عندو ..مشاكل..مع..البنك...و..و..و....
انا...ماقلت....القرار...ساهل...ويحتاج...الي...الكث ير...من..الاستعداد...المادي...والنفسي
...والكثير...من...العزيمة...والصبر...والجهد...والت ركيز...والقليل...من...الحظ....
وفي...الختام...نحن...من...نصنع...النجاح......ولا ..ايه...الراي.

[رضا حسن محمد]

غايب السنين الليلة مالو غنى العصافير غلبو
طراهوزولا كان حنين كم رضى خاطرووطيبو
سمع قليبو كلام حنين هدهد مشاعرو وذوبو
الناس سعيدم فى الحياة لا ضاق فراق لا جربو
وانا حالىفى بعد الوطن دفعنى ضى العين تمن
ليه يا عصافير الخريف
خضرو مشاعرى اشيلا صيف
ليه ليه
(اسحق الحلنقى )

[MASS77]

التربيه علي حب التراب هي التي تنقصنا دائما
وصدق والاخلاص للهوه والهويه هي التي فقدناها
في ناس طلبو اللجوء في اسرائيل وفي ناس بتمنو اغيرو بشرتم واشرطو جواز بربطم بالسودان
لكن كل ده لي شنو
لانو الناس دي بتجاري في افكار الدول الهم فيها بفتكرو انو تعري البنات حضاره
وكثرت البارات وبيوتات الدعاره حريه ومجاراة الموضهدرب من العولمه
وبدخلو البلد في مقارنه مع الحريه الهم عاوزنها وبلقو انو السودان لو ما فيهو ده معناهو يتبرو من الجنسيه بتاعتو
انا مع البقولو انو السودان في مجالات كثيره ممكن يكون متخلف بس متخلف من وين
من عدم غيرتنا عليو من البدرسو بره وما بنقلو الخبره ليو من نفوسنا البقت بتشتهي تسرق وتخرب في المال العام بدون اي انجاز البمسكوهو اعمارلي طريق بعمل طريق لي قريتو وبنوم بالباقي
وبقول الجنسيه ما كل حاجه بتربط بالسودان الاخلاق والثقه بالنفس والسلوك والمثل هي البتربط
والعاوز يغير جنسو خلوهو الاغيرو وخلوهو يجاري الباقين وانا متاكد في يوم بندم وبرجع