ده التوب وسيد التوب يكون كيفنو؟

[samah]

غنى أبو عركي البخيت .. «شفت التوب وما لاقاني أجمل منو.. ده التوب وسيد التوب يكون كيفنو؟
غنى وردي للتجاني سعيد : «خُطاكي والهدب المُكحّل وفتنة التوب الأنيق».
ياحليل زمن التوب وجمال التوب وحشمة التوب واناقة التوب
متين التوب كان خادش للحياء وجرئ وشفاف من زمن اماتنا والتوب رمز الحشمه والجمال وياحليل زمن البلامه(بضم الباء)
لكن بعد ما صارت العقول فارغه وتقليد الغرب هو المهم انتهي الجمال وانتهي التوب الراقي
وياجمال التوب عند المورتانيات بس يخلو ليهن جمال وحشمه واناقه
والسودانيات ياحليلن جاريات ورا التقليد ونسن قديمن والنسي قديمو تاه
ولوعرفت السودانيه جمال التوب عليها مابتتخلى عنو ابدا
والحاجه الغريبه انو الواحده ماتلبس التوب الا في مطار الخرطوم وتستغي عنو اول الطيارة ماتفارق السودان عاد دا كلام
حتي في المناسبات بدا في الاندثار وحل محله الجينز والاسكيرت
والحاجه البتفور الدم لمن تلقي التوب يقع كلو شويه ماحرير اصلي بطلع من الدبله وشفاف يرسم كل التفاصيل واين الجمال هنا
والكلام ده كلو للمغتربات حافظن علي هذا الموروث الجميل والبسو في حدود الحشمه والستر حتي نحتفظ نحن السودانيات بسمعتنا الطيبه وكفايه علين بلاويyou tube
ويقول الشاعر كدكِّي في صورة جمالية رائعة :
عقلي يتوه معا نورة لمَّا تكمِّل الرقصة
وتقلب توبا فوق راسا وتقول كدي تجري تندسه
وين زمن بوليس النجده والازهري في المطار والخط السريع والجاكار وسمعتو بتوب السلا م وصل وسلفاكير

[سوباوي]

الناضرة .. سماح ..

أزيك .. يا زولة رصينة خاطر وعساك طيبة ..

يا سماح كلامك سمح ويثبت رحمن القلب أنو الثوب السوداني الأصيل لسة عندو البدافعوا عنه ..

وده موضوع مليان وأنا بفتش ليهو من زمان .. وهكذا قد عودتنا أن تأتي بالراقي من المواضيع

وفي هذا المقام أستأذنك لأن أتداخل مدافعاً ومعجباً بهذا الثوب … وليس ثوب الحرير يا سماح كما

قلت البيطلع من الدبلة ويرسم تفاصيل الجسد ولكنه التوب الروجوا سوقو النقادة لما غنوا ليهم

(توب الكِرب الجابوه النقادة )


والغنى ليهو الراحل إبراهيم موسى أبا بصوته الصداح (بعز التوب بعزو)

وكانت قمة الأناقة عندما غنى وردي للتجاني سعيد :

«خُطاكي والهدب المُكحّل وفتنة التوب الأنيق»..


سامق تحياتي لك الأخت الموقرة سماح على هذا الطرح العذب والجميل وعلى لسان

صلحة الكارب لها ألف وألف رحمة ..

أجمــل ما فيــك يا بنيـــة

يا بت حلتنــا يا ســمحــة

يا البي كلــك أنـا مفتــون وســبب الريدة يا صيــدة

يا طعــم الدنيــا يا عيــدها

لبــاس التــوب... نطيــف أبيض

وبــي جنب الكتف مقلــوب

وبيــن الخطوة والتطــريــز

وخـــــط المكــوة شــكلو لذيـذ

بحــس بي اللــفتة والمــحة

واشـــوف في طيه ســـوداني

ولــونو الناصــع ألــواني

درب بيــتنا... وباب الأودة ورانـــي

وامشــي معــاك خطــاي تبراك

ومُعجــب بيـــك .....وبــي ترابــاً تــحت كرعيـك

والاقــي عيــوني تهتــف بيـــك

يا نخـــلة ... يا التـــوبك بقـــاك أحلـــى

بشــوف في ضفايرك أجمـــل ليـــل

وبيـــن أعطافـــك دعاش الســـيل

وايــام الدراســة زمــان زمــن بنوتنــا شبه الخيــل

ووليداتــنا مويــة النيـــل

سايــل ريـــدة ما شـــحَ

زمــن ليــل الســـهر فنـــان ...وأطيــاف الجمــال غيــطان

وظــل الأغنـــية الســــــــودان

يــدواي الوجعــة والوحــة

بشــوف فوق القــوام تاريــخ .. ومســاير

وخديــداً جميــل خــايـل

والــزي البــديع ومليـــح

والحــاضر ... وشكــل الخُصــلة والتســـريح

وفــي مغزى الكــلام تلميــح

لــروح آمالــنا الوافيــة....ونيــة أُمــنا الصـــافية

والجغرافيــة والعــافية ...وفـــي لحـــن الكـــلام قافيــة

وحجــى الحبــوبة داك طاعــم الخاتــي اللكنــة ماهو مســيخ

وصــوت مركوبها في دروبها

ونغمـــــة الـــحس والبــحة

وجمــال هنــدامك الراقــي

لوحة تشــيها أحداقــي

ورســم أقــلامي واوراقــي ...وفرحــة تطل من أعمــاقي

زمــان المدرســـة الأول......والترتيـب كمان أول

وحاصــل القســمة دون باقــي

والفســتان والطرحــــــة

بشــوف في القــدلة أحــلامي

تغازل ضــلك الرامـــي

تباري الطلعــة والنزلة وتقــول لبيــك يا دوحــة

يا كــل الدنيــا قدامــي

زمن شــافع ..وكـت يافــع

مــلامــح أهلنا واســامي

وابــوي الفــي الطبــع مهــيوب

وطعم الشــاي لبــن محلـــوب

وعيـــد الفــطر والأضحى

مفـــتون بيــك يا بنيـــة

يا رشـــة مطــرة بي غــادي

وحوش حــدادي مــدادي وضُــل اســمارنا والنــادي

يا ســت التــوب يا لابســاهو

يا لابســـاني أنــا معــاهو

يا خايـــل فيـــك والمطــرح يا عامــر بيــك يا مســرح

يا أحـــلى هبـــاتي يا فرحــــة


وحينما تقول الصديقة "نجلاء عثمان التوم" في رائعتها "تاكيت الباب"

تاكيت الباب واستنيتك

صيفين وشتاء . . ورشة مطرة ..

ما حسك كان صاحي وبخير ..

ألوانك واضحة ومختصرة ...

وكتين ما جيت ..

حزمت التوب .. ضايرت الخوف ..

وصيت الغيمة تلاوح البيت

وما تسد الباب .. جايين راجعين ...

أنه يا سماح جمال التوب لم يتحزم ويضاير الخوف ولما يتلبس للحشمة هذا هو الثوب المقصود

وسيظل راسخاً فينا كيفما وأينما كنا ..

التحيات النواضر .. وكوني بخير أبداً

يجوز أن يكون لي عودة إن ربك سهل الأمور

[samah]

الناضرة .. سماح ..

أزيك .. يا زولة رصينة خاطر وعساك طيبة ..

يا سماح كلامك سمح ويثبت رحمن القلب أنو الثوب السوداني الأصيل لسة عندو البدافعوا عنه ..

وده موضوع مليان وأنا بفتش ليهو من زمان .. وهكذا قد عودتنا أن تأتي بالراقي من المواضيع

وفي هذا المقام أستأذنك لأن أتداخل مدافعاً ومعجباً بهذا الثوب … وليس ثوب الحرير يا سماح كما

قلت البيطلع من الدبلة ويرسم تفاصيل الجسد ولكنه التوب الروجوا سوقو النقادة لما غنوا ليهم

(توب الكِرب الجابوه النقادة )


والغنى ليهو الراحل إبراهيم موسى أبا بصوته الصداح (بعز التوب بعزو)

وكانت قمة الأناقة عندما غنى وردي للتجاني سعيد :

«خُطاكي والهدب المُكحّل وفتنة التوب الأنيق»..


سامق تحياتي لك الأخت الموقرة سماح على هذا الطرح العذب والجميل وعلى لسان

صلحة الكارب لها ألف وألف رحمة ..

أجمــل ما فيــك يا بنيـــة

يا بت حلتنــا يا ســمحــة

يا البي كلــك أنـا مفتــون وســبب الريدة يا صيــدة

يا طعــم الدنيــا يا عيــدها

لبــاس التــوب... نطيــف أبيض

وبــي جنب الكتف مقلــوب

وبيــن الخطوة والتطــريــز

وخـــــط المكــوة شــكلو لذيـذ

بحــس بي اللــفتة والمــحة

واشـــوف في طيه ســـوداني

ولــونو الناصــع ألــواني

درب بيــتنا... وباب الأودة ورانـــي

وامشــي معــاك خطــاي تبراك

ومُعجــب بيـــك .....وبــي ترابــاً تــحت كرعيـك

والاقــي عيــوني تهتــف بيـــك

يا نخـــلة ... يا التـــوبك بقـــاك أحلـــى

بشــوف في ضفايرك أجمـــل ليـــل

وبيـــن أعطافـــك دعاش الســـيل

وايــام الدراســة زمــان زمــن بنوتنــا شبه الخيــل

ووليداتــنا مويــة النيـــل

سايــل ريـــدة ما شـــحَ

زمــن ليــل الســـهر فنـــان ...وأطيــاف الجمــال غيــطان

وظــل الأغنـــية الســــــــودان

يــدواي الوجعــة والوحــة

بشــوف فوق القــوام تاريــخ .. ومســاير

وخديــداً جميــل خــايـل

والــزي البــديع ومليـــح

والحــاضر ... وشكــل الخُصــلة والتســـريح

وفــي مغزى الكــلام تلميــح

لــروح آمالــنا الوافيــة....ونيــة أُمــنا الصـــافية

والجغرافيــة والعــافية ...وفـــي لحـــن الكـــلام قافيــة

وحجــى الحبــوبة داك طاعــم الخاتــي اللكنــة ماهو مســيخ

وصــوت مركوبها في دروبها

ونغمـــــة الـــحس والبــحة

وجمــال هنــدامك الراقــي

لوحة تشــيها أحداقــي

ورســم أقــلامي واوراقــي ...وفرحــة تطل من أعمــاقي

زمــان المدرســـة الأول......والترتيـب كمان أول

وحاصــل القســمة دون باقــي

والفســتان والطرحــــــة

بشــوف في القــدلة أحــلامي

تغازل ضــلك الرامـــي

تباري الطلعــة والنزلة وتقــول لبيــك يا دوحــة

يا كــل الدنيــا قدامــي

زمن شــافع ..وكـت يافــع

مــلامــح أهلنا واســامي

وابــوي الفــي الطبــع مهــيوب

وطعم الشــاي لبــن محلـــوب

وعيـــد الفــطر والأضحى

مفـــتون بيــك يا بنيـــة

يا رشـــة مطــرة بي غــادي

وحوش حــدادي مــدادي وضُــل اســمارنا والنــادي

يا ســت التــوب يا لابســاهو

يا لابســـاني أنــا معــاهو

يا خايـــل فيـــك والمطــرح يا عامــر بيــك يا مســرح

يا أحـــلى هبـــاتي يا فرحــــة


وحينما تقول الصديقة "نجلاء عثمان التوم" في رائعتها "تاكيت الباب"

تاكيت الباب واستنيتك

صيفين وشتاء . . ورشة مطرة ..

ما حسك كان صاحي وبخير ..

ألوانك واضحة ومختصرة ...

وكتين ما جيت ..

حزمت التوب .. ضايرت الخوف ..

وصيت الغيمة تلاوح البيت

وما تسد الباب .. جايين راجعين ...

أنه يا سماح جمال التوب لم يتحزم ويضاير الخوف ولما يتلبس للحشمة هذا هو الثوب المقصود

وسيظل راسخاً فينا كيفما وأينما كنا ..

التحيات النواضر .. وكوني بخير أبداً

يجوز أن يكون لي عودة إن ربك سهل الأمور

سوباوي معاي والله كل الجمال الليله طرانا
انا ماحأزيد اكتر من كلامك الفوق لانك كفيت ووفيت
حأحاول انسخ كلامك عشان اوفيك حقك
خط يراعك اجمل الكلمات عن الحقيقه وكفايه انك شايل معاي هم الحاجات الحلوه لانك عندي كل الخير
اتمني ان يعي الجميع الحقيقه ويشاركو بالرأئ
وانا منتظره ـعودة المطر الخريف سوباوي
ولك مني اجمل الوداد وكون بعافيه

[معتز حمدتو]

الخير يام سماح عندك وانت تغزلين من نسيج الامهات اعذب الكلمات والمواريث تستمدي معنوياتك ....
كان يوم امس لاول مره اشهاد منتدي نواعم وكم اعجبت بالون كما يقول محمد ( الزهي ) لون كل العذوبه والانوثه والجمال وكم اعجبتي الموسيقه المصاحبة للبوست صراحه قمه في الروعة .
اما موضوعك فهو الجمال بحد ذاته ....
كان ولا زال لشريحه كبيرة الثوب السوداني هو الشعار الذي نعتز به اكثر من صقر الجديان لما كان عليه من حشمه ولما يزيد صاحبته وقارا واحتراما وهيبه في نفس الوقت ، الا انه اصبح الان حدث ولا حرج كم شاهدت الثوب الذي كان يستر اصبح يفضح ما تحته ... ولكن السؤال الاهم في ذلك من هن الائي يلبسن الثوب ولايحتشمن فيه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
هل تصدقي أن ذلك يحدث من نساء كبيرات في العمر ينبغي أن يكن قدوه !!!!!!!!
وبقول ياحليل توب الزراق الكان وكان ، وبوقجيجه ، الكرب ، وووووو وكانت ساتره .

[samah]

الخير يام سماح عندك وانت تغزلين من نسيج الامهات اعذب الكلمات والمواريث تستمدي معنوياتك ....
كان يوم امس لاول مره اشهاد منتدي نواعم وكم اعجبت بالون كما يقول محمد ( الزهي ) لون كل العذوبه والانوثه والجمال وكم اعجبتي الموسيقه المصاحبة للبوست صراحه قمه في الروعة .
اما موضوعك فهو الجمال بحد ذاته ....
كان ولا زال لشريحه كبيرة الثوب السوداني هو الشعار الذي نعتز به اكثر من صقر الجديان لما كان عليه من حشمه ولما يزيد صاحبته وقارا واحتراما وهيبه في نفس الوقت ، الا انه اصبح الان حدث ولا حرج كم شاهدت الثوب الذي كان يستر اصبح يفضح ما تحته ... ولكن السؤال الاهم في ذلك من هن الائي يلبسن الثوب ولايحتشمن فيه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
هل تصدقي أن ذلك يحدث من نساء كبيرات في العمر ينبغي أن يكن قدوه !!!!!!!!
وبقول ياحليل توب الزراق الكان وكان ، وبوقجيجه ، الكرب ، وووووو وكانت ساتره .
انا سعيده جدا بوجودك يااستاذ
وطرحك البناء والعميق
وغيرتك انت والغالي سوباوي علي ماتبقي لنا من كثير
في لحظه لم تتحرك هذه النواعم كي تتدافع عن سر جمالها
ولك مني عميق التقدير والود
وكن بكل عافيه المطر الي ان ينصلح الحال

[بورتبيل]

التوب التوب التوب
انا ذاتي الدخلني هنا شنو ...
المرة في التلفون قواقع فيني .. التوب اشتريتو التوب بترسلو بتين العرس قرب.. التوب التوب
جيت خاشي قلتا يمكن القا توب بالاقصاد وكدا ..
عييييييك لقيك الحكاية فيها تكبير .. وهيلمانة .. التوب التوب التوب .. عليكم بالتوب

[samah]

غايتوو مابسألك يابورتبيل
اها داير التوب لونو شنو

وتوتل ولا حرير



وتقول لي التوب
العرس متين
عشان ارسلو سريع
عليك ربك جاوب بصراحه رايك شنو في موضة التياب الزمن ده

[ود المطامير]

التوب ... يا حليل التوب فى بلاد الغربه , على اليمين كتار رمنو هناااك وقالن دا تخلف وبعدما كان التوب كم متر بقى عند المحافظات ضعيفونى وشفااااف وبس ربطه من النص ونص لفه .
التوب يا حليل التوب

[سواااح]

سماح ..

رغم كل شئ

لم استطع تصور السودانية

دون الثوب

او هو دونها ..

عرفتنا الدنيا بالثوب

والسؤال اليس يجب علي حبوباتنا وامهاتنا

تبصر وتوجيه الجيل الجديد

الي قيمة الثوب وجماله واصالته ؟؟

دمــــــــــــــــــــــــــتي ،،

[samah]

التوب ... يا حليل التوب فى بلاد الغربه , على اليمين كتار رمنو هناااك وقالن دا تخلف وبعدما كان التوب كم متر بقى عند المحافظات ضعيفونى وشفااااف وبس ربطه من النص ونص لفه .
التوب يا حليل التوب
تسلم ياابوعمرو يااصيل

[samah]

سماح ..

رغم كل شئ

لم استطع تصور السودانية

دون الثوب

او هو دونها ..

عرفتنا الدنيا بالثوب

والسؤال اليس يجب علي حبوباتنا وامهاتنا

تبصر وتوجيه الجيل الجديد

الي قيمة الثوب وجماله واصالته ؟؟

دمــــــــــــــــــــــــــتي ،،

شكرا سوواح علي كلماتك
لكن الحبوبات زاتن بره الشبكه
وياحليل زمن الحبوبات

[نور عبدالله]

تغنى الفنان علي ابراهيم (( شوف عيني الحبيب بحشمة لابس التوب )) الثوب السوداني الحشمة علامة مميزة للمراة السودانية ولن يتلاشى لانه تاصل فينا وبالرغم من ان الكثيرات يفضلن لبس العباءة او الازياء الجاهزة فان الثوب وحدة سيظل يميزها ويكفي انك عندما تكون خارج الوطن وتلمح الثوب السوداني تشعر بالفرحة والتفرد. ..........

[سوار الياسمين]

ست الحسن والجمال
السمحة سماح
لك كل التقدير على موضوعك الجميل والواقعي جدا
وفعلا في سودانيات شوهو جمال التوب وصورته الانيقة والساترة
يكشفن اكثر ما يسترن عن لبسهم للتوب
وبالخاصة العرايس وده ظاهرة تانية يحد زاتها
بحجة انو الوحدة عروس لازم الفستان يكون عند الركبة وبدون اكمام
ويجيك التوب من فوق ليه على اساس انو بغتي والعكس صحيح
والادهى انو الناس الكبار والامهات جاتهم زي سختة وبقوا هم البعملوا الحاجات ده
وانا ما بقول الكل ولاكن الاغلبية اصبح على هذه الحال

تحياتي ليك مرة اخرى يا سماح

[شبرقية]

ارجوان تتقبلو راي برحابة صدر

التوب مش الزام علي المراة السودانية انها تلبسوا
واكمان هو غير عملي بعض الشي خصوصاللي بتشتغل وعملها يبتطلب منها شوية حركة

لكن المفروض انه الواحدة لما تلبسوا تلتزم بتعاليم دينها
يعني مايكون خفيف ويظهر جسمها

[samah]

تغنى الفنان علي ابراهيم (( شوف عيني الحبيب بحشمة لابس التوب )) الثوب السوداني الحشمة علامة مميزة للمراة السودانية ولن يتلاشى لانه تاصل فينا وبالرغم من ان الكثيرات يفضلن لبس العباءة او الازياء الجاهزة فان الثوب وحدة سيظل يميزها ويكفي انك عندما تكون خارج الوطن وتلمح الثوب السوداني تشعر بالفرحة والتفرد. ..........


فعلا والله انا لما اشوف توب في الغربه بطير من الفرح

[samah]

[quote=سوار الياسمين;167517]
ست الحسن والجمال


السمحة سماح
لك كل التقدير على موضوعك الجميل والواقعي جدا
وفعلا في سودانيات شوهو جمال التوب وصورته الانيقة والساترة
يكشفن اكثر ما يسترن عن لبسهم للتوب
وبالخاصة العرايس وده ظاهرة تانية يحد زاتها
بحجة انو الوحدة عروس لازم الفستان يكون عند الركبة وبدون اكمام
ويجيك التوب من فوق ليه على اساس انو بغتي والعكس صحيح
والادهى انو الناس الكبار والامهات جاتهم زي سختة وبقوا هم البعملوا الحاجات ده
وانا ما بقول الكل ولاكن الاغلبية اصبح على هذه الحال



تحياتي ليك مرة اخرى يا سماح
سوار يارايقه
حمدلله علي السلامه وسلامات الف للوالد الله يديه طول العمر
حقيقه لي ان افتخر لانك تفكرين بهذه العقليه الراقيه
لان اغلب الشباب جارين نحو الموضه
وفعلا دي اغلبيه وليس الكل
ودمتي لنا

[samah]

ارجوان تتقبلو راي برحابة صدر

التوب مش الزام علي المراة السودانية انها تلبسوا
واكمان هو غير عملي بعض الشي خصوصاللي بتشتغل وعملها يبتطلب منها شوية حركة

لكن المفروض انه الواحدة لما تلبسوا تلتزم بتعاليم دينها
يعني مايكون خفيف ويظهر جسمها

طبعا نحن نناقش خارج اوقات العمل
مامعقوله نكبل الحريات
ولكن مجرد وجهات نظر
ويبقي التوب هو الاجمل
ودمتي بكل خير شبرقيه

[عمروش]

انتى عارفه انا ماتعجبنى الا المرة البتلبس التوب احترما واقدرا جدا وبشعر انها انثى

[عمروش]

انتو اصلا استحليتو لبس الهدوم الماعندها هويه دى لانها عملية نسوان زمان كانو اليوم كلو لابسين التياب وبانجزوا اعمالم انتو اسى لاللبسين تياب ولا انجزتو حاجة اه خموا وصروا

[عمروش]

السلام عليكم