اذا كنت اصلع ؟؟؟؟؟؟؟

[نور عبدالله]

........... عزيزي اذا كنت احد المهددين بالصلع المبكر والمتابعين بلهفة وقلق كل الاخبار المتعلقة بجهود العلماء والخبراء والصيادلة والنصابين في مجال مكافحة ذلك الوباء المتفشي بين اوساط الجنس الخشن ولا يقتصر الأمر عندك على المتابعة النظرية بل بأستمرار التجريب ،،،، ثم التجريب ،،،، ثم التجريب .... انصحك بالاقتناع بأن الصلع قدرك المحتوم ينزله الله على رؤوس نسبة كبيرة من الرجال ولاسبيل لرده إلا بالتقوى والعمل الصالح والدعاء برفع البلاء ........................................ ( لكن المفيد شنو في الموضوع ؟؟؟؟ ) المفيد معرفة النواحي الايجابية لوجود تلك المساحة الجرداء على رأسك !!! فهي اولا : دليل الوقار والحكمة والذكاء ( دة على مسؤولية الابحاث ) وثانيا : بطاقة نجاة من شكوك الزوجة في سلوكياتك ........... ( يعني حتقول منو البتعاين ليهو الاصلع دة ) . ملاحظة : في الغرب الكثير يجدوا الرجل الاصلع اكثر جازبية من نظيره (ابو شعر ) .

[الفارس البنفسجي]

الأخت نور عبدالله

حب الناس مذاهب


متشكرين ثم متشكرين
على الموضوع ، ولا تقطعي
حبل التواصل وكلنا في رجاك
لإضافة الجديد والمبدع.

[جيفارا]

الشكر للاخ نور
بس يا حبيبنا الفارس الصلعة دي والله بعد ما الجماعة بتاعين الغنا بتاعين أمريكا عملوها موضة بقي الحال يمشي شوية شوية والصلعة بعد الخمسين ما مشكلة لكن في العشرينات والتلاتينات مشكلة .

[Madanawi]

الصلعة زمان كانت دليل على كبر السن وبداية الشيخوخة .. لكن الآن أصبحت موضة وكل لاعبي كرة القدم .. أو قل الكثير منهم أصبح يتعامل معها كأنها تجديد .. أو كما يحلو للكثيرين أن يسميها .. نيو لووك .. على العموم .. زي ما قالو ،،

ليس الجمال بأثواب تزيننا .. إن الجمال جمال الخلق .. والأدب

[samah]

لكن المفيد شنو في الموضوع ؟؟؟؟
المفيد نورتينا يانور
منو البتعاين ليهو الاصلع دة
ابدا تجتمع كل علامات الرجوله في الاصلع
وياحليلكم ياالسودانين الصلع بعمل ليكم هلع

بالمناسبه يانور بتعرفي ودالماحي

[نزار حسن محمد]

كان غناء البنات زمان بقوله اريته ابوصلعه طائر ...بعدين جاء واحد وفتح اكبر محل فى سوق ودمدنى المحل اسمه ابوصلعه وطبعا مافى بيت والاحرمه مابتعرف محلات ابوصلعه لان جميع مستلزمات الحريم موجوده فى محلات ابوصلعه ..اه من اليوم داك والآيه انقلبت الام تدعى لى ولدها وتقول ليه اريتك ياولدى ذى ابوصلعه والبنات فى الشمارات يقولن عريس ذى ابوصلعه ولابلاش ... اه الخنافس بقوا يحلقه صلعه لكن مااصليه لكن ابوصلعه الاصليه ذينا وكده بقينا نتقدل بالصلعه ..وحبابه وقت الله جابه
شفتى كيف يانور ..منوره ومرحبتين حبابك ،،،،

[خالد عبدالماجد]

المفيد معرفة النواحي الايجابية لوجود تلك المساحة الجرداء على رأسك !!! فهي اولا : دليل الوقار والحكمة والذكاء ( دة على مسؤولية الابحاث ) وثانيا : بطاقة نجاة من شكوك الزوجة في سلوكياتك ........... ( يعني حتقول منو البتعاين ليهو الاصلع دة ) .
ملاحظة : في الغرب الكثير يجدوا الرجل الاصلع اكثر جازبية من نظيره (ابو شعر ) .


يانور الصلعة دي بقت كابوس للكثيرين ممن أراهم يميلون شعورهم يمنةً ويساراً في محاولة تغطية تلك الأماكن الخالية وإخفاء مايدل على بداية الغزو ( الصلعي ) ، ورغم ماذكر من أنها دليل للحكمة وتحد من بعض المشاكل الأسرية إلا أنها تظل غير مستحبة خاصة لفئة الشباب الباحثين عن قبول أحداهن .
دمت بخير

[مدنيّة]

غايتو الفائدة يانور عرفنا منو العنده صلعة وجاء يشوف :D

همسة : سموحة اوعي تكوني تبعهم !! :p

[سامر حسن]

سلام الجميع

أتمنى انو اقضي مع الحلاق اكتر من 5مسة دقايق
اتمنى انو اشتري خلال ... لا مشط .. مشط بس
أتمنى أنو أشق شعري وام البنات تغير ....
أتمنى يوم أصحى من النوم وأقول شعري حماني النوم
متمني أني اشاكل المرة واقول ليها "أنا أشد شعري؟؟!!!"

[نور عبدالله]

الأخت نور عبدالله

حب الناس مذاهب


متشكرين ثم متشكرين
على الموضوع ، ولا تقطعي
حبل التواصل وكلنا في رجاك
لإضافة الجديد والمبدع.
شكرا ليك ياراقي زي لونك

[نور عبدالله]

الشكر للاخ نور
بس يا حبيبنا الفارس الصلعة دي والله بعد ما الجماعة بتاعين الغنا بتاعين أمريكا عملوها موضة بقي الحال يمشي شوية شوية والصلعة بعد الخمسين ما مشكلة لكن في العشرينات والتلاتينات مشكلة .
الأخ جيفارا معاك ( الاخت نور )

[نور عبدالله]

لكن المفيد شنو في الموضوع ؟؟؟؟
المفيد نورتينا يانور
منو البتعاين ليهو الاصلع دة
ابدا تجتمع كل علامات الرجوله في الاصلع
وياحليلكم ياالسودانين الصلع بعمل ليكم هلع
هسي في زول جاب سيره المسافر ابدا
بالمناسبه يانور بتعرفي المسافر وودالماحي

العزيزة سموحة (بما اني بقيت من ناس البيت ) البيت منور باصحابو

[نور عبدالله]

كان غناء البنات زمان بقوله اريته ابوصلعه طائر ...بعدين جاء واحد وفتح اكبر محل فى سوق ودمدنى المحل اسمه ابوصلعه وطبعا مافى بيت والاحرمه مابتعرف محلات ابوصلعه لان جميع مستلزمات الحريم موجوده فى محلات ابوصلعه ..اه من اليوم داك والآيه انقلبت الام تدعى لى ولدها وتقول ليه اريتك ياولدى ذى ابوصلعه والبنات فى الشمارات يقولن عريس ذى ابوصلعه ولابلاش ... اه الخنافس بقوا يحلقه صلعه لكن مااصليه لكن ابوصلعه الاصليه ذينا وكده بقينا نتقدل بالصلعه ..وحبابه وقت الله جابه
شفتى كيف يانور ..منوره ومرحبتين حبابك ،،،،
ود حسن ......... الطاقية داسه تحتها حاجة؟؟؟؟؟ ولا انا بتخيل لي؟؟؟؟؟؟ والله البوست منور بسرحتك الفي الصورة دي.