ثقافة غريبة

[شبارقة]

اخوتي أحبتي ... مرحباً بكم ..

منو فيكم فكر يعمل تراجع (ctrl+z) لمن يكب زيادة ملح في الملاح ، ولا يكشح حاجة بالغلط؟؟؟:p

منو فيكم فكر يعمل نسخ(ctrl+c) ولصق(ctrl+v ) لكمية من الأشياء التي يريد أن يرحلها من مكان الى مكان!!

منو فكر يعمل حذف(Delete) لبعض الأشياء التي لا يرغب فيها !!

أنا يا جماعة سيطرت علي العولمة والكمبيوتر..

كتير من الأشياء بفكر فيها بثقافة الكمبيوتر.....


من غير ما أقصد أفكر كده !!!


رايكم شنو يا شباب؟؟

[الفارس البنفسجي]

والله يا شبارقة ما انت براك

انا طوااااااااااااااااااااااالي
كدي واكتر حاجة تعباني وتاعبة هي
ctrl + z،مرات لمن أتأخر من
الشغل ولا الشاي يبرد ولا أقوم
من النوم متأخر بفكر اعمل ctrl+z

دا جن سااااااااااااااااي يا ود
الشبارقة

[شبرقية]

اكتر حاجة بفكر فيها Delete
لشياء كتيرة وناس اكتر
بس Recycle bin is full
نعمل شنو?

[مدنيّة]

شبرقية فضيها كل ما تلقيها مليانة

[Madanawi]

أنا أكتر حاجة بتذكرها لمن ازهج من حاجة وأقول أعمل CTRL+ENTER عشان تقلب صفحة جديدة ... ولا أكون بتكلم مع واحد بالانجليزي ويجي واحد تاني واتكلم معاهو بالعربي بتذكر طوالي Alt+shift

[ود المطامير]

والله يا شبارقه يا أخوى أبو العمده بقول ليك قادر الله
بعدما كنت بتلعب بالبلى بقيت تلعب بأزرار العولمه سااااااااااى

[جيفارا]

وأنــــــــــــا أحب Alt & Tab عشان الواحد لما يكبسوا عليهو ناس ويمدوا ريسينهم في الشاشة أغير الموضوع .

[ود المطامير]

وأنــــــــــــا أحب Alt & Tab عشان الواحد لما يكبسوا عليهو ناس ويمدوا ريسينهم في الشاشة أغير الموضوع .
والله جزاك الله ألف ألف ألف خير والله دى معلومه
جات لأخوك فى جرح علشان اللى معاى هنا جنهم شمارات
وطوالى يتاوقوا فى الشاشه علشان يشوفوا أنا بعمل فى شنو ؟
اليصبروا لى بكره بحيرهم ليك .
فى ميزان حسناتك إن شاء الله

[elmoiz]

والله يا شبارقة الحكاية بقت صعبة شديد حتى في الأحلام الواحد بشوف الكمبيوتر والمسنجر ... ومرات تعمل دردشة (Chatting)

[سواااح]

المسح افضل
لكنه ليس دائما
افضل الحلول !!