عارفك سوداني بس جنسك شنو ؟؟؟

[magdi]

موقف غريب جداً مر بي نهاية الإسبوع الماضي مع أحد الأخوة السودانيين بالبحرين ...
جمعني به مكان عام وكانا نحن الإثنين فقط السودانيين من بين المجموعة ، وبعد واجب التحية والسلام والإحترام والتعارف ... دخلنا في الغريق شوية الدراسة والجامعة والتخصص والدفعة ومن وين في السودان والجابك هنا شنو ؟؟؟ وووووو
المهم كلمة واحده من هذا الشخص عكرت الجو شويه ((( شويه إيه دا كتير جداً ))) بعد الكلام ده كلو والمعرفة والدراسة قال لي ... (( لو سمحت إنت جنسك شنو )) .. نظرت ليه كويس كده وقلت ليهو ... بنغالي .. قال لي لا لا لا ما تفهمني غلط أنا عارفك سوداني بس جنسك .. جنسك شنو؟؟؟ ... ياخي إنت لما عارفني سوداني في داعي للأسئلة البايخة دي ... وبعد دا كلها قام شترا ليك شترا عويرة جداً يعني جى يكحلها عماها .. قال لي ياخي تلقاك شايقي ومستحي تقولها عشان انا جعلي ... وخلاص انا حرارتي وصلت H وتمالكت أعصابي وطلعت من الممكان بسرعة شديده وأنا أتحسر على مثل هؤلاء الناس ..
عندها أدركت تماماً لماذا نحن السودانيين من دون شعوب العالم الأخرى يكثر بيننا الخلاف في الشرق والجنوب والغرب ... إنها فعلاً القبلية والتعصب الأعمي والنظرة العليا والدونية ...

الخلاصة ::::
- لا يزال معظم السودانيين وبالرغم من حصولهم على تحصيل علمي متقدم ودرجة إجتماعية محترمة يتعاملون بهذا المنطق مع الأخرين ....
- لابد أن نغير هذا المفهوم المتخلف الذي يسيطر على الكثيرين منا فنحن شعب واحد ويضمنا وطن واحد .
- في الختام آمل أن تكون الفكرة وضحت للكثيرين ....

جعلي وشايقي ودنقلاوي ما هماني ... يكفي النيل أبوي والجنس سوداني !!

[مدنيّة]

تعرف يامجدي انا ما عرفت تقسيمات القبائل دي الا في الجامعة ولا كان بيرد بخاطري اني اسال سخص (جنسك شنو ) الا بعد ما دخلت الجامعة وشفت الفيها

وصحي زي ما بيقولوا القلم ما بيزيل بلم بس للاسف دي اصبحت ظاهرة وظاهرة خطيرة جدا

[sandra]

أخوي مجدي للأسف بقى ده الحال في كلللل الونسات وحلقات التعارف.. يعني بقى سؤال أساسي.. اسمك منو؟ بتقرا وين؟؟ من وين في السودان؟؟؟

والمشكله ماهنا.. المشكله زي زولك البيقول ليك تلقاك .......... وخجلان عشان أنا ............ ..
نسو انو ( لا فرق لعربي على أعجمي إلا بالتقوى ).. خليك من سوداني على سوداني..

ربنا يعين وتنقضي هذه العنصريه والقبليه التي زالت من معظم بلاد وشعوب العالم..

ســــــــــاندرا...

[عصام الدين عموش]

طيب زعلان في أم كم ؟ يانا ديل نحن تعصب وعوارة وحاجة تقرف
لكن بالجد يا مجدي إنتي شايقي ولا الزعلك زعلني بس بطريقتي الخاصة
وبس ياها ذاته حكاية الزول السألو جنسك شتنو قال دينكاوي حلبي .

[امل حياتى]

كلامك 100% اخوى مجدى لسه فى ناس متخلفين

[ابوزيد محمد نور]

اه لم اجد مايقال فى تلك المواضيع لكن اسال الله تكبير العقول
لك التحية اخى مجدى

[s nger]

ده يااخى مجدى مشو تخلف دى عد م ايمان نحن جميع مسلمين والاسلام دين توحد

[الفارس البنفسجي]

العزيز مجدي

يا مجدي يا أخوي أنا زيك
بستنكر الأسئلة دي، لكن
انت غريبة عليك السودانين
ولا ما بتعرفهم؟ اللي حصل
دا شئ طبيعي جداً .

ولكن طالما في ناس زيك
فهمها راقي بالمستوى بتاعك
وبتاع كل الناس اللي شاركوا
أكيد التحول حا يحصل لو ما
الليلة بكون بكرة.

معاً لنخطو خطوة تلو الخطوة
للمشاركة في فهم راقي.

[ابوالنور]

طيب زعلان في أم كم ؟ يانا ديل نحن تعصب وعوارة وحاجة تقرف
لكن بالجد يا مجدي إنتي شايقي ولا الزعلك زعلني بس بطريقتي الخاصة
وبس ياها ذاته حكاية الزول السألو جنسك شتنو قال دينكاوي حلبي .

حلوة يا عموش

[مازن الجمّال]

مجدي يا رائع
تحياتي
ولو راجعت كل المشاكل والخلافات الحاصلة في البلد دي
بتلقى منبعها النقطة دي

ويبقى السؤال معلق ..

تخريمة :
انا اصولي مصرية يا مجدي والحاجة دي عانيت فيها شديد وانا صغير
بذات لقب ( ود الحلبة ) :d

[ابو لوزة]

والجنوب والغرب ... إنها فعلاً القبلية والتعصب الأعمي والنظرة العليا والدونية ...

الخلاصة ::::
- لا يزال معظم السودانيين وبالرغم من حصولهم على تحصيل علمي متقدم ودرجة إجتماعية محترمة يتعاملون بهذا المنطق مع الأخرين ....

مازن كلامك صح الصح طالما الجنسية سوداني بعد ذلك لايهم الي اي قبيلة الشخص ينتمي

[المكاشفى]

COLOR="Red"]يا ابو المجد حقيقه ماتزعل[/COLOR]



كدى براحه كدى ات ماك شايقى........



وبرضو بقيف مع ود اعمى اكان كنت جعلى كان قلت ليه جعلى والحمد لله وما كان جبت خبر الموضوع

البلد كلها كدي وله شنو ياود النيل كل زول مقعد ليه ناس بفاوض فيهم وسلام وجوطه والسبب جنسك شنو
اها واقعنا بنطير وين كل شرزمه تشعر بالدونيه ترد اعتباره بالتمرد والمفاوضات

ده كلو مامهم بس وقفت ع جنسك شنو قبل شويه قريت تعليق ع موضوع اخونا هيثم بابكر فضائح السودانيين بدول الخليج واحد كتب معلقا انو كان فى زياره عمل لدوله خليجيه ووجد واقع السودانيين
مخزى مافى زول بردالسلام لسودانى ومافى زول بيتعرف ع زول خوفا من انو يورطه بمشاكل
احمد ربنا لقيت ليك زول سألك جنسك شنو........
وكل العالم يعرف نحن مليون قبيله ومليار خشم بيت مافى حرج ممكن تتكلم فى اى بلد وتقول شايقى من القرير وله جعلى من المتمه وله دينكاوى من ديم الزبير ...
الكلام مايبقى كلام مثقفاتيه واحساس فنانين ع الفاضى .
معليش حبيبنا ماتبقى حساس لدرجه بعيده وما تكون ملهم حتى الوله لأنو بكون حب من طرف واحد مكتوب عليه الضياع




لكن ماليهو حق يسألك.....

[magdi]

تعرف يامجدي انا ما عرفت تقسيمات القبائل دي الا في الجامعة ولا كان بيرد بخاطري اني اسال سخص (جنسك شنو ) الا بعد ما دخلت الجامعة وشفت الفيها

وصحي زي ما بيقولوا القلم ما بيزيل بلم بس للاسف دي اصبحت ظاهرة وظاهرة خطيرة جدا

أختنا مدنية :: فعلاً القلم مابيزيل بلم بس نسوي شنو إذا كان معظم هذه الظواهر بتظهر وتكبر ويكون لها حيز من داخل الجامعة .. فلابد من أن يبدأ التغيير من المرحلة الجامعية ... لأنه سيترتب عليها كثير من الأشياء التي تخدم الوطن .. ودمتي ..

[magdi]

أخوي مجدي للأسف بقى ده الحال في كلللل الونسات وحلقات التعارف.. يعني بقى سؤال أساسي.. اسمك منو؟ بتقرا وين؟؟ من وين في السودان؟؟؟

والمشكله ماهنا.. المشكله زي زولك البيقول ليك تلقاك .......... وخجلان عشان أنا ............ ..
نسو انو ( لا فرق لعربي على أعجمي إلا بالتقوى ).. خليك من سوداني على سوداني..

ربنا يعين وتنقضي هذه العنصريه والقبليه التي زالت من معظم بلاد وشعوب العالم..

ســــــــــاندرا...

ساندرا ..

تسلم ياغالي ::
فعلاً دا حال الونسات في داخل المجتمعات ما إختلفنا عليها بس لكن جنس الأسئلة دي بالله ما بترفع الضغط ....
يلا نطبق شعار سوداتل ... (( سوداني وخليك سوداني )) بيعداً عن العصب والقبلية

[magdi]

طيب زعلان في أم كم ؟ يانا ديل نحن تعصب وعوارة وحاجة تقرف
لكن بالجد يا مجدي إنتي شايقي ولا الزعلك زعلني بس بطريقتي الخاصة
وبس ياها ذاته حكاية الزول السألو جنسك شتنو قال دينكاوي حلبي .

الرائع / عصام عموش :::

مرحب بيك وأنت تعطر سماء هذا المنتدى وأكيد هذه إضافة نسعد بها جميعاً .. وننتظر منك الكثير ...

بالله عليك ما لي حق أزعل ... كيف أهدي اللعب والجماعة بيشوتو ضفاري كدا
بس لو كنت مكاني كنت حا تصرف كيف !!!

[المسافر]

أخي العزيز / مجدي
لك التحية والتقدير ،
دعنا نعترف بأن ما نحن به الآن هو أحسن كثير عن ما كان في السابق
وأعتقد لو كان الوضع سابقاً كما هو حالياً لما وقفت وحدة السودان
في هذا المحك ولا أصبحنا في مفترق طرق ونحن أبناء وطن واحد .

ودمت

[شبرقية]

علشان كدا السودان بمشي خطوة لقدام وعشرا لورا
لكن المشكلة دي ماعند السودانيين بس
موجودة في كل البلدان

ولو الناس طبقت قول افضل الخلق ( لا خير علي عربي او عجمي الا بالتقوي والايمان )
ماحيكون عندنا مشاكل من النوع دا


فليبدا التغيير من هنا
لصنع سودان واحد

[Madanawi]

يا معلم ما عارف كيف يكون الحال لو ما كنت سوداني وأهل الحارة ديل أهلي ،،،،

يعني سوداني والباقي ده كلو كلام فارغ ، قبلية وجهوية واقول ليك حاجة كلهم اولاد عم في الآخر يعني جدهم واحد وبرضو يتناقرو

[magdi]

كلامك 100% اخوى مجدى لسه فى ناس متخلفين

أمل حياتي ... تشكر على المرور

بالجد الوضع عاوز شغل كثير جداً لتغير هذه النظرة

ولك التحايا

[magdi]

اه لم اجد مايقال فى تلك المواضيع لكن اسال الله تكبير العقول
لك التحية اخى مجدى

أخونا أبوزيد أن شاء الله ربنا يسمع منك ياحبيب ويكبر العقول

ودمت ياغالي

[magdi]

ده يااخى مجدى مشو تخلف دى عد م ايمان نحن جميع مسلمين والاسلام دين توحد

s nger مرحب بيك ياحبيب .. وننتظر منك الكثير

واتمنى أن يطبق الجميع مفهوم لا فرق بين عربي على أعجمي إلا بالتقوى

ودمت

[magdi]

العزيز مجدي

يا مجدي يا أخوي أنا زيك
بستنكر الأسئلة دي، لكن
انت غريبة عليك السودانين
ولا ما بتعرفهم؟ اللي حصل
دا شئ طبيعي جداً .

ولكن طالما في ناس زيك
فهمها راقي بالمستوى بتاعك
وبتاع كل الناس اللي شاركوا
أكيد التحول حا يحصل لو ما
الليلة بكون بكرة.

معاً لنخطو خطوة تلو الخطوة
للمشاركة في فهم راقي.

حبيبنا الفارس ....

يالا سل سلاحك لكي نقاتل هذه الأفكار معاً....
فعلاً الحصل شيء طبيعي .. بس الإستنكار لأنه حصل من شخص له مكانة مرموقة حسب نقاشي معه ولو كان من شخص عادي كان الوضع حا يكون مختلف بس مثل ما قالت أختنا مدنية .. القلم ما بيزيل بلم ....
ونتمنى أن يتحقق هذا التحول سريعاً ... وكلك زوق ياراقي
فمعاً لنخطو خطوة تلو الخطوة للمشاركة في فهم راقي
شعار جميل جداً ... تشكر عليه كثيراً

[magdi]

مجدي يا رائع
تحياتي
ولو راجعت كل المشاكل والخلافات الحاصلة في البلد دي
بتلقى منبعها النقطة دي

ويبقى السؤال معلق ..

تخريمة :
انا اصولي مصرية يا مجدي والحاجة دي عانيت فيها شديد وانا صغير
بذات لقب ( ود الحلبة ) :d


مازن الجمال .... يا كل الجمال ..

أكيد كل الحاصل عندنا بسبب هذه النقطة التعيسة ... ربنا يصلح الحال والأمل معقود علينا لإزالت هذا الفهم المتخلف ... ودمت ياود الحلبة هههههههههههههه

[حسن سادة]

العزيز مجدي
أسعد الله صباحك الجميل
ثمة سؤال يخامرني ولكن لا تقلق فسوف لن أسألك عن قبيلتك في السودان
ولكنني أود أن أسألك في أي منطقة تقطن في البحرين ؟
فهل أنت محرقاوي أم رفاعي والله من البديع محل الصيد هاجر رحل
أم من عجم المنامة أو بلوش القضيبية أم من شيعة البلاد القديمة والخميس

أنا أيضاً من الجالية السودانية بدلمون
ولكنني لم أتشرف بمعرفتك
ولكن أكيد أكيد حنتقابل في بلاج الجزاير
والملفى ملفانا نهواه يهواهنا
والملفى ملفانا والهندي ويانا
لو نبتعد عنهم نشرق
ويا رايحين البحرين سلموا على مجدي

[magdi]

والجنوب والغرب ... إنها فعلاً القبلية والتعصب الأعمي والنظرة العليا والدونية ...

الخلاصة ::::
- لا يزال معظم السودانيين وبالرغم من حصولهم على تحصيل علمي متقدم ودرجة إجتماعية محترمة يتعاملون بهذا المنطق مع الأخرين ....

مازن كلامك صح الصح طالما الجنسية سوداني بعد ذلك لايهم الي اي قبيلة الشخص ينتمي

تحياتي أبولوزة

أرحب بك عضواً جديداً بينا ... وننتظر مساهماتك وإشراقاتك ياغالي
فطالما هناك أشخاص يمتلكون مثل هذا الفهم فلا خوف علينا مطلقاً
وتشكر ياحبيب

[magdi]

COLOR="Red"]يا ابو المجد حقيقه ماتزعل[/COLOR]



كدى براحه كدى ات ماك شايقى........



وبرضو بقيف مع ود اعمى اكان كنت جعلى كان قلت ليه جعلى والحمد لله وما كان جبت خبر الموضوع

البلد كلها كدي وله شنو ياود النيل كل زول مقعد ليه ناس بفاوض فيهم وسلام وجوطه والسبب جنسك شنو
اها واقعنا بنطير وين كل شرزمه تشعر بالدونيه ترد اعتباره بالتمرد والمفاوضات

ده كلو مامهم بس وقفت ع جنسك شنو قبل شويه قريت تعليق ع موضوع اخونا هيثم بابكر فضائح السودانيين بدول الخليج واحد كتب معلقا انو كان فى زياره عمل لدوله خليجيه ووجد واقع السودانيين
مخزى مافى زول بردالسلام لسودانى ومافى زول بيتعرف ع زول خوفا من انو يورطه بمشاكل
احمد ربنا لقيت ليك زول سألك جنسك شنو........
وكل العالم يعرف نحن مليون قبيله ومليار خشم بيت مافى حرج ممكن تتكلم فى اى بلد وتقول شايقى من القرير وله جعلى من المتمه وله دينكاوى من ديم الزبير ...
الكلام مايبقى كلام مثقفاتيه واحساس فنانين ع الفاضى .
معليش حبيبنا ماتبقى حساس لدرجه بعيده وما تكون ملهم حتى الوله لأنو بكون حب من طرف واحد مكتوب عليه الضياع




لكن ماليهو حق يسألك.....


يالمكاشفي ... كدي براحه كدا إنت مالك عاوز تلولع النيران ..
نحن قلنا شنو ... جعلي وشايقي ودنقلاوي ماهماني .. يكفي النيل أبوي والجنس سوداني
فأنا شايقي من المتمة وجعلي من القرير ودنقلاوي من الجنوب كلنا أولاد حتة واحدة
واقعنا ما بنهرب منه ودي حقيقة ... بس تقول شنو على المثقفاتية ديل
وبعدين المسألة ليست حساسية قبلية او شيء من هذا القبيل المسألة أن تسمع مثل هذا الكلام وانت خارج الوطن ومن أشخاص متعلمون جداً .. ويحملون داخلهم أفكار متخلفة ...
وتعال نسألك إنت ماك سوداني

[magdi]

علشان كدا السودان بمشي خطوة لقدام وعشرا لورا
لكن المشكلة دي ماعند السودانيين بس
موجودة في كل البلدان

ولو الناس طبقت قول افضل الخلق ( لا خير علي عربي او عجمي الا بالتقوي والايمان )
ماحيكون عندنا مشاكل من النوع دا


فليبدا التغيير من هنا
لصنع سودان واحد

شبرقية ... تشكرين على هذه الكلمات الرائعة
فلنبدأ التغير من هنا ... لصنع سودان واحد

فما أجمل الوحدة داخل الوطن

[magdi]

أخي العزيز / مجدي
لك التحية والتقدير ،
دعنا نعترف بأن ما نحن به الآن هو أحسن كثير عن ما كان في السابق
وأعتقد لو كان الوضع سابقاً كما هو حالياً لما وقفت وحدة السودان
في هذا المحك ولا أصبحنا في مفترق طرق ونحن أبناء وطن واحد .

ودمت

حبيبنا المسافر ... تحياتي

أعترف معك تماماً بأن الأن هو أفضل بكثير جداً من السابق
بس تقول شنو لما تسمع مثل هذا الشيء من الطبقات المتعلمة والمثقفة

ودمت ياغالي

[magdi]

العزيز مجدي
أسعد الله صباحك الجميل
ثمة سؤال يخامرني ولكن لا تقلق فسوف لن أسألك عن قبيلتك في السودان
ولكنني أود أن أسألك في أي منطقة تقطن في البحرين ؟
فهل أنت محرقاوي أم رفاعي والله من البديع محل الصيد هاجر رحل
أم من عجم المنامة أو بلوش القضيبية أم من شيعة البلاد القديمة والخميس

أنا أيضاً من الجالية السودانية بدلمون
ولكنني لم أتشرف بمعرفتك
ولكن أكيد أكيد حنتقابل في بلاج الجزاير
والملفى ملفانا نهواه يهواهنا
والملفى ملفانا والهندي ويانا
لو نبتعد عنهم نشرق
ويا رايحين البحرين سلموا على مجدي

تحياتي أستاذ حسن ساده !!!
لست محرقاوي ولا أم رفاعي أو بلوش ايه ....؟؟؟؟؟
المهم كنت في مهمة عمل فقط وليومين إثنين وبس .. ومامشيت بعيد !!
وإتشرفنا بمعرفتك يا أخي عبر المنتدي ... ربنا يديم المعروف
ويالقاعدين في البحرين سلمو على حسن سادة ... وماحا أسألك من قبيلتك برضو .. فلا تقلق

[magdi]

يا معلم ما عارف كيف يكون الحال لو ما كنت سوداني وأهل الحارة ديل أهلي ،،،،

يعني سوداني والباقي ده كلو كلام فارغ ، قبلية وجهوية واقول ليك حاجة كلهم اولاد عم في الآخر يعني جدهم واحد وبرضو يتناقرو

مدناوي بالإنجليزي ...

ترحيب حار جداً ....
بالله يامعلم كيف يكون الحال بس ... أكيد صعب لوما سوداني وأهل حاره .... ما أهلي
يالا نجيب الجد ونصلح الصورة المقلوبة دي ...

دمت ياغالي

[حسن سادة]

العزيز الظريف مجدي بيه
حسبتك من قاطني جزيرة البحرين
فأحببت أن أهديك أحلى لؤلؤة بضة
صيدت من شط البحرين فلتكن هذه
بطاقة دعوة لزيارة البحرين
ثانية لنتعرف عن شخصك الكريم
عن كثب ونتواصل
أما وقد رفضت معرفة قبيلتي
فأبت قريحتي إلا وأن تهمس في أذنيك قائلاً:
أنا حلفاوي والأجر على الله
غير أنه:
" من أعز مكان وطني السودان"

[MASS77]

الاخ مجدي
في اعتقادي الخاص ان القبليه كادت ان تختفي
ولكن دواعي ما ايقظتها بالذات في هذه المرحله من تاريخ السودان
وبكل صدق اقول ان السؤال عن القبيله يعد من القبح
لاننا من ادم وادم من تراب ويكفي ان ما يجمع بيننا النيل وحروف السودان

[بابكر]

- لابد أن نغير هذا المفهوم المتخلف الذي يسيطر على الكثيرين منا فنحن شعب واحد ويضمنا وطن واحد .
- في الختام آمل أن تكون الفكرة وضحت للكثيرين
لافض فوك يامجدى !!!