جدة ... تدعوكم للقاء بالخميس ... وحضوركم رونق اللقاء

[Madanawi]

في جدة الحالمة باتكاءتها الجذابة على ضفاف البحر الاحمر ندعوكم جميعا لحضور اللقاء المرتقب يوم الخميس الموافق 12-4-2007 ليجمع كل أعضاء المنتدي بجدة والمدن التي حولها.. وكل من يستطيع الحضور .. والدعوة للجميع .. وبالجميع يكتمل الألق وتزدان المساحات ويكتسي الزمان لون الفرح .. فتسعد المقل وترتوي الألباب من طول الغياب عن الأخوة .. والأحباب.. وتسكن الأسئلة الحائرة في جفون اللقيا ونبدأ الفرح مسترسلا يناجي كل الاخوة والاخوات .. فهلا تفضلتم اصحاب.. اصحاب.. واحباب .. احباب.. ودمتم متلاقين .. مترابطين ، ومن أجلك يا مدني نلتقي ونجدد اللقاء ،،،

المرجو من الجميع تأكيد حضورهم وذلك للأهمية،،،

[بورتبيل]

شكرا مدناوي
بس قبل ما نأكد الحضور .. الحضور وين ... والساعة كم
ولك الود

[الفارس البنفسجي]

أهل مدني بجدة

إعتلتني رعشة من الشوق
وأنا أقرأ عنوان هذا البوست

فأدركت بأن المنتدى يسير
على قدم وساق.

معاً لنستضيف مدني في
دواخلنا وننقل الشوق
إليها على أجنحة العصافير.

[عماد عبدالشكور]

أهل مدني بجدة

إعتلتني رعشة من الشوق
وأنا أقرأ عنوان هذا البوست

فأدركت بأن المنتدى يسير
على قدم وساق.

معاً لنستضيف مدني في
دواخلنا وننقل الشوق
إليها على أجنحة العصافير.


اخونا وفارسنا البنفسجي
اها ناس المنطقة الجنوبية (نجران) وما جاورها خميسهم بتين ؟

[مدنيّة]

عيني باااااااااردة عليك يامدني

[أمير عبداللطيف]

بعد طول غياب عن المشاركات فى المنتدى اعود بفرحة وعد اللقاء بالناس الحلوين

منتظريييييييييييييييييييييييين


مع مودتى ،،،

[Madanawi]

شكرا مدناوي
بس قبل ما نأكد الحضور .. الحضور وين ... والساعة كم
ولك الود

مشكور يا بورتبيل على الاهتمام والسؤال وهذا هو عهدنا بك ،،

الأخ خالد هاشم .. يقوم الآن بالتنسيق مع الأخ أمير لتحديد المكان الذي سيحتضن اللقاء يوم الخميس ليلاً.. وترقب الرد في هذا البوست .. وقد قدمت الدعوة قبل تحديد المكان لاتاحة الفرصة لاكبر عدد من الاعضاء لتوفيق ظروفهم يوم الخميس وعدم الارتباط ،،

دمت بكل الود،،

[zaher]

اخي معز التحية لك وانت تعمل لتجميع اخوانك واخواتك

والف تحية لكم يا ناس جدة وضواحيها ... وارجو ان تتجمعوا في الخير دوما

الله يوفقكم ..

[Madanawi]

اخي معز التحية لك وانت تعمل لتجميع اخوانك واخواتك

والف تحية لكم يا ناس جدة وضواحيها ... وارجو ان تتجمعوا في الخير دوما

الله يوفقكم ..

اخونا وود جيراننا - زاهر الرائع،

التحية لك ولكل ناس مدني بالرياض .. واتمنى ان تكتمل اللمة بوجودكم معانا ،،

[بنت الرفاعي]

والله ماشاءالله عليكم انشاءالله بس يطلع جميل (ده بلا شك).
وأتمنى من كل قلبي أن يستطيع كل من يريد الحضور الحضور حتى لا يفوته حلو اللقاء بأهل المنتدى.(الوصف ده من تأثير وصف سوباوي للقاء الفات).

[رضا حسن محمد]

مدناوى
فى طقطقة ؟
هجيج يعنى
انا بحب الهجيج (اللعب عاى قول بنات الزاندى )رغم وقار اللحية
بجيب معاى محمد وحسن وحازم ونختو قرض

[مرتضى يوسف العركي]

اخي الراقي :مدناوي
اخي المقدم امير عبد اللطيف
خالد هاشم
اوبقية لاخوة بعروس البحر
دعوات تسبقنا لكم بالتوفيق في لم ابناء المدينة بعروس البحر
لم اندهش ولن اندهش طالما بها قامات هي انتم دعونا نتبين ملامحها الجيدة بلون ام المدائن عندما يحتضن ابناؤها بعضهم بعضا في الخميس القادم الاروع باذن الله

ــــــــــــــــــــــــــــــــــــ
كلمة طيبة كغيث أًصاب أرضا طيبة فأنبتت كلأ وعشبا كثيرا

[Madanawi]

الحلوين ديل ربنا يحفظهم ليك يا ود حسن ،

وعلاقة الوقار بالطقطقة شنو؟؟

ما تلخبت لينا الكيمان ،، الطقطقة يوم الخميس والوقار يوم الجمعة،،

وهو في طقطقة اكتر من لمة الحلوين ، عليك امان الله انا واخوك دقش برانا ما بنسويها ؟؟؟؟

[Madanawi]

دعواتك بتحرسنا يا الحلامابي

وربنا يوفق الجميع لما فيه الخير

واسأل الله ان يكون اللقاء بحلاوة لقاء الرياض

[ابو لوزة]

[QUOTE=Madanawi;164278][COLOR=red][SIZE=6][B][FONT=Arial]في جدة الحالمة باتكاءتها الجذابة على ضفاف البحر الاحمر ندعوكم جميعا لحضور اللقاء المرتقب يوم الخميس الموافق 12-4-2007 ليجمع كل أعضاء المنتدي بجدة والمدن التي حولها.. وكل من يستطيع الحضور .. والدعوة للجميع .. وبالجميع يكتمل الألق وتزدان المساحات ويكتسي الزمان لون الفرح .. فتسعد المقل وترتوي الألباب من طول الغياب عن الأخوة .. والأحباب.. وتسك

شكرا يامدناوي ياتري اللمة وين انشاء الله معاكم لكن نعرف المكان والزمان

[خالد هاشم علي]

بسم الله الرحمن الرحيم...
الأخوة الكرام....
لكم التحية والتقدير....
شرفني الاخ معز بزيارة في منزلي المتواضع وكانت فرحتي به لا تحدها حدود... فله الشكر والتقدير علي هذة اللفتة البارعة التي اتمني ان تتكرر دوماً مع جميع اخوتي بالموقع.
تناقشنا كثيرا بضرورة التلاقي والتجمع في كيان يجمع جميع منسوبي الموقع بجدة عروس البحر الأحمر... فكانت الشرارة والبداية هذة الدعوة التي نحن بصددها حيث يغمرنا الفرح والحماس لإنجاح هذا اللقاء والذي سيكون نواة لأعمال قادمة بإذن الله.
الشكر لكل من شارك في هذا البوست بدون فرز..
بخصوص مكان اللقاء فسنقوم بتحديده لاحقاً حيث انه يتوقف علي عدد الأعضاء الذين سيشرفوننا بالحضور.. يعني بالواضح كد ( الجايين كم ؟؟).
لذلك كل المني من جميع الأخوة بجدة وماجاورها ( ناس سوااح وامير عبد الباقي وغيرهم ) أن يؤكدوا حضورهم من عدمه حتي يسني لنا الترتيب الجيد للملتقي.
كل المني ان يكون الجميع حضوراً.
ودمتم .

مشاققة علي قول ود الماحي...
لماذا لا يكون اللقاء اسرياً بمعني انو كل واحد مننا يجيب معاهو اسرته ( الحكومة -الاولاد -الاخوان - الوالدين) عشان تبقي الصداقة قرابة ونكسب الودين

[همسة شوق]

تسلموا حبايبنا
نحن جاهزين إنشاءالله ومتشوقين للأخر
يالله ياجماعة أكدوا حضوركم

[admin]

انا غايتو جاي ان شاءالله .. في انتظار تحديد مكان اللقاء

[Madanawi]

حبيبنا أبو هاشم تحية لك على لباقة اللسان وجميل الكلمات ،

أنا أتصلت بالاخوان لواء وهو سيبلغ شقيقه وشقيقنا الأخ فداء وكمان اتصلت بالرائع رضا حسن وغسان ،

أنا الآن بصدد البحث عن اخونا المميز والعريس راشد خضر !!
يلا يا شباب .. كبروا الكوم

[شبرقية]

انا جاية

والله كل يوم تشحتفوا روحنا بلمة حلوة
لينا الله نحن
اللهم لاحسد
والله من كل قلبي ان شاء الله تتجمعوا في ساعات خير
وتكتمل لمتكم علي خير

ريكم شنو لو تنقلوا لينا لمتكم صورة وصوت ?

[خالد هاشم علي]

انا غايتو جاي ان شاءالله .. في انتظار تحديد مكان اللقاء



إنت ح تجي غصباً عنك ( علي وزن انت حتتعلم غصباً عن اللي خلفوك في مدرسة المشاغبين)ههههههههههههههههه
لا بالله ماتجي عليك الله....
أنا إحتياطي كده ح أشيل ليك الأذن من الحكومة عشان مايكون في حجة...

أها يااخوانا في زول تاني دايرنا نشيل ليهو الإذن من الحكومة حقتو؟؟؟؟؟؟؟؟

[مازن الجمّال]

تسجيل حضور

وجايي انشاالله

[تهاني]

كما يقولون جدة غير
يا ريت يكون اللقاء غير

ودمتو

[سواااح]

إنت ح تجي غصباً عنك ( علي وزن انت حتتعلم غصباً عن اللي خلفوك في مدرسة المشاغبين)ههههههههههههههههه
لا بالله ماتجي عليك الله....
أنا إحتياطي كده ح أشيل ليك الأذن من الحكومة عشان مايكون في حجة...

أها يااخوانا في زول تاني دايرنا نشيل ليهو الإذن من الحكومة حقتو؟؟؟؟؟؟؟؟


ايوووووووووووووووه انا ..

[Madanawi]

يا شباب أخونا العزيز خالد هاشم جاب ليكم التايهة وقال كل واحد يجيب حكومته معاهو .. ووزراءه ،، بمعنى آخر صاحبته وبنيه وفصيلته التي تؤيه .. وبكدا يكون الاذن جماعي ومافي أحراج ...

الدبلوماسية بالمنتدي توجه ضربة قوية لحلف شمال الاطلسي،،،،،،،

[معتز حمدتو]

إن شاء الله لمتكم عامره ،،، ومن على البعد نحيكم ونشد من ازركم وامنياتنا بجمع طيب ومواصله دائمه .
وعقبال ما يقوم ود حسن بعمل لمه حلوه كده .
ومن ابوظبي احيكم وكل الاماني بالتوفيق.

[نور العيون]

يا جماعة في طريقة احضر معاكم ولا الحاصل شنو

[Madanawi]

تنورينا يا نور العيون ،،

ويا ريت كل الاعضاء يكونوا معانا عشان الهلال يكتمل ويبقى بدر !!!

[خالد أحمد الصول]

عيني عليكم باردة ... كدي أتكلموا براحه الناس ديل ما يدوكم عين و تسلموا من العين يالحبان ... بختكم ... و نتمني ليكم هنا إجتماع العافية و ربنا يكفيكم من العين .. سوف نظهر ليكم قبل الاجتماع عشان ننسق معاكم

[صلاح ودالطاهر]

اخي الراقي :مدناوي
اخي المقدم امير عبد اللطيف
خالد هاشم
اوبقية لاخوة بعروس البحر
دعوات تسبقنا لكم بالتوفيق في لم ابناء المدينة بعروس البحر
لم اندهش ولن اندهش طالما بها قامات هي انتم دعونا نتبين ملامحها الجيدة بلون ام المدائن عندما يحتضن ابناؤها بعضهم بعضا في الخميس القادم الاروع باذن الله

ــــــــــــــــــــــــــــــــــــ
كلمة طيبة كغيث أًصاب أرضا طيبة فأنبتت كلأ وعشبا كثيرا
يا يوم بكره ماتسرع تخفف لي نار وجدي تحياتي للجميع اوعه ود هاشم يندس في حته ويخلع الناس

[نزار حسن محمد]

اهم حاجه العضه كيف ..معكم ابوزرد ...اوعكم تعملوها كبسه ياودهاشم:D :D :(

[ابوندى]

في حضرة من
اهـــــــــــــــــــ ( مدنى الجمال ) ـــــــــــــــوى
عبثت بى الاشواق . . . حدقت بلا وجه . . . ورقصت بلاساق
لنا الشرف بالحضور وكلنا ترقب بالمكان]

[Madanawi]

حبيبنا أبو ندى لك كل التحية والتقدير يا رائع ،،

لقد تم وضع بوست جديد أعلن فيه تأجيل اللقاء الى الخميس التالي ووضحت فيه أسباب ذلك التأجيل ،،

شكراً لمرورك ولأحساسك الجميل ،،،