بصراحه اجمل

[صلاح ودالطاهر]

بسم الله الرحمن الرحيم






الناس في مدني يصنعون الحب كلامهم بسام وصوتهم أنغام وعندما يتقابلون يتقابلون بالسلام السلام عليكم أحبتي السلام إلف إلف الي يوم الو قاف
التحية الي ذالك الوطن الشامخ ثانيا التحية الي الام التي أرضعتني ونهلت منها المعرفة أمي الرؤم مدني
أحبتي عندما أبحرت في صفحات منتديات ودمدني اكتشفت الكثير من ابد عات أبناء مدني وأحب في هذه العجالة أن أشيد علي سبيل المثال لا الحصر المبدع الفنان سوباوي والمبدع الفارس البنفسجي والمبدع ابورجاء والمبدعة مدنية ومندناوي وفارس الحوبة الاخ الصديق ابوشوارب كما ذكرت هذا علي سبيل المثال وهذا لاينقص شي من بقية الأعضاء لان مدني مازالت بكر وتنتج هذه الخامة الرائعة من أبناءها وبناءتها المهم رست بي المركب وقلت أحب أن اتمشي بين جزر المنتدى ودلفتني إقدامي الي منتدى نواعم وأول مره ادخله منذ قيامه وكنت أظن انه يمنع دخول الرجال الا بواسطة محرم ولكن توكلت علي الله وقلت سجن سجن غرامه غرامه وعند دخولي أول مره حقيقة لم أكن أتوقع الكثير لانو في واحد صديقي قال لي أحسن رأي في نسوان رأي أمك ورأي أمك بيعوسك الكسرة ولكن فوجئت بذالك الجمال ووجدت ذالك اللون الذي تمتاز به النساء وهذا اللون من أكثر الألوان التي ارتاح إليها وألان أدركت لماذا سمي أخونا الفارس البنفسجي اسمه بهذا الاسم المهم وجدت وانا اتجول بين أزقت هذا المنتدى من كتابات إخوتنا نور العيون(صاحبة المطعم الشهير) والأخت المشاكسة سماح الكوايه وإخوتنا أم البنات بت الشبارقه والأخت نفحات الصباح والاخت الرائعة روعة مدني مدنية :) المهم منذ الوهلة الأولي بدا واضحاً لي اللمسات الأنثوية الجميلة التي طالما ميزت ذوق المرأة وكان إخراج المنتدى في مجمله اية من الجمال واخرج بطريقه احترافية مريح لعين المستخدم حيث انه يسحر الألباب واتمني ان تسهم بنات مدني لنشر ثقافة الوعي بين بنات بلدي عامه وبنات مدني خاصة واتمني ان يشمل هذا المنتدى كافة التخصصات والمواضيع الجادة والنقاشات الجادة والتي لاتخلو أحيانا من الطرفة حتي لايمل الناس من الجدية
وعاد لي صديقي صاحب المثل السابق بعدما وصفت له هذا المنتدى الرائع عاد وذكر لي انو المرأة إذا فأس ماتكسر الرأس وانا قلت له لا والف لا فالمرأة كشجرة الصندل تعطر فأس قاطعها

ونحمد الله انه توجد هذه الكوكبة الرائعة من بنات مدني وانك من الوهلة الأولي تحس انك وسط أخواتك لما تكن بنات مدني من حنية الأخت الي أخيها وإلام الي ابنها فسرن الي الإمام وعين الله ترعاكم وتقبلوا تحياتي ام مصطفي التي تشوقت لمعرفت أبناء وبنات مدني ودمتم زخراً لهذه المدينة والتحية الي المقاتلين القدامه في منتديات ودمدني ولنا عوده ودمتم سالمين

[نزار حسن محمد]

كلام ذى العسل من انسان مرهف حساس،،،دمت

[شبرقية]

البداع ليس بغريب علي مدني وابنائها

تسلم اخي صلاح

[مدنيّة]

(اللهم اجعلني خيراً مما يظنون)


اكيد كل الروعة والجمال في مدني

[راشد علي]

السلام عليكم ياجماعه وهذا الكلام زي العسل وبارك الله فيك

[Madanawi]

لو للكلام نهاية فانت اوفيت وأي تعليق ربما يفسد عطر الحروف التي زينتها باجمل العبارات .. ودمت يا رائع .. روعة مدني عز الخريف .. ويا راقي رقي الجزيرة وناسها اهل العلم والنوبة والصلاح ..

[ابومرام]

لم تترك شي للحديث ولا يفيد الحديث بعدك لانك كفيت واوفيت هي مدني بناسها شيبها وشبابها نسال الله ان يحفظها ويحفظ كل من مشت اقدامه على ارضها يارب
اللهم جملها بجمال اهلها وزينها بزينه لم تخص بها مدينه

[همسة شوق]

تسلم قالوا لى مدنى الجميلة مدنى يااجمل خبر

[الفارس البنفسجي]

والله يا اخونا صلاح
دي المحرية فيك ... ومسألة أنو
مدني جواك دي مسألة ما بتقالتو
فيها أتنين.

تسلم على الروعة ، أصلاً
هي جاية منك وماشة
ليك ، ويكفينا ويكفيك فخراً
أن الفكرة التي جاءتنا منك
أصبحت واقعاً معاشاً وهمساً
في مجالس الجميع.

دمت لمدني حبلاً متيناً
وركازة في الوسط

[صلاح ودالطاهر]

والله يا اخونا صلاح
دي المحرية فيك ... ومسألة أنو
مدني جواك دي مسألة ما بتقالتو
فيها أتنين.

تسلم على الروعة ، أصلاً
هي جاية منك وماشة
ليك ، ويكفينا ويكفيك فخراً
أن الفكرة التي جاءتنا منك
أصبحت واقعاً معاشاً وهمساً
في مجالس الجميع.

دمت لمدني حبلاً متيناً
وركازة في الوسط

تسلم ايها الفارس ولنا عودة لهذا الموضوع

[صلاح ودالطاهر]

لم تترك شي للحديث ولا يفيد الحديث بعدك لانك كفيت واوفيت هي مدني بناسها شيبها وشبابها نسال الله ان يحفظها ويحفظ كل من مشت اقدامه على ارضها يارب
اللهم جملها بجمال اهلها وزينها بزينه لم تخص بها مدينه ابو مرام بان وليك الامان

[sami_alkaer]

والله ياستاذ صلاح ذي ماقال ابو مرام كفيت واوفيت وحقيقه انت المكسب الحقيقي للمنتدي
وربنا يديك الصحة والعافيه والتحيه عبر البوست ده لجميع الاخوان والاخوات بالمنتدي

[صلاح ودالطاهر]

اشكر كل الاخوة ولكن اين صاحبات الحق

[samah]

اولا سلامات ياعمي صلاح من امس انا وبت الشبارقه نقطع فيك اها والله ماقادرين ندخل ونعلق عاد نقول شنو انا من شفت صورتك لاقادره ادخل بوستك ولا بوست سوباوي المهم الصوره الخاتاها ليك طلعت شئ خطير وكل مااكتب حاجه اشوف صورتك قدامي وياسلام علي الشعر الابيض وقار ذادك وقار
المهم اسم صلاح اداني احساس غير
ولمن قريت كلامك عننا والله كل فرح الدنيا اتلما وغشاني
واخجل من هذه السطور التي لا توفيك حقك ولكن لك العتبى
وبامانه مافي داعي للصور خلوني اتعامل مع الناس حسب صورهم الفي راسي
وتحياتي بعمق الي اختي ام مصطفي وماتجينا بجاي
واخيرا سوف انسي الصوره واتعامل مع صلاح حسب مارسمت من الاول فلك العتبي
اهديك ابيات محجوب شريف التي اعتبرها اجمل هديه اقدمها لاعز الناس والي بنات السودان ودمت بالف خير وربنا يديك الف عافيه سماح
واحبك ملاذ
وناسك عزاز
أحبك حقيقه..
وأحبك مجاز
وأحبك بتضحك
وأحبك عبوس
بعزة جبالك ترك الشموس
وما بين ظلالك
افتش وأكوس
أفتش طفولتى وملامح صباى
بناتك عيونن صفاهن سماى
وهيبة رجالك بتسند قفاى
صحى بتملا عينى..
وتشّرف غناى
بحضرة جلالك..
يطيب الجلوس
مهذب أمامك يكون الكلام
لأنك..
محنك
عميق الدروس
مجيد المهابه ومديد القوام

[صلاح ودالطاهر]

اولا سلامات ياعمي صلاح من امس انا وبت الشبارقه نقطع فيك اها والله ماقادرين ندخل ونعلق عاد نقول شنو انا من شفت صورتك لاقادره ادخل بوستك ولا بوست سوباوي المهم الصوره الخاتاها ليك طلعت شئ خطير وكل مااكتب حاجه اشوف صورتك قدامي وياسلام علي الشعر الابيض وقار ذادك وقار
المهم اسم صلاح اداني احساس غير
ولمن قريت كلامك عننا والله كل فرح الدنيا اتلما وغشاني
واخجل من هذه السطور التي لا توفيك حقك ولكن لك العتبى
وبامانه مافي داعي للصور خلوني اتعامل مع الناس حسب صورهم الفي راسي
وتحياتي بعمق الي اختي ام مصطفي وماتجينا بجاي
واخيرا سوف انسي الصوره واتعامل مع صلاح حسب مارسمت من الاول فلك العتبي
اهديك ابيات محجوب شريف التي اعتبرها اجمل هديه اقدمها لاعز الناس والي بنات السودان ودمت بالف خير وربنا يديك الف عافيه سماح
واحبك ملاذ
وناسك عزاز
أحبك حقيقه..
وأحبك مجاز
وأحبك بتضحك
وأحبك عبوس
بعزة جبالك ترك الشموس
وما بين ظلالك
افتش وأكوس
أفتش طفولتى وملامح صباى
بناتك عيونن صفاهن سماى
وهيبة رجالك بتسند قفاى
صحى بتملا عينى..
وتشّرف غناى
بحضرة جلالك..
يطيب الجلوس
مهذب أمامك يكون الكلام
لأنك..
محنك
عميق الدروس
مجيد المهابه ومديد القوام

اخجلتيني بهذه الكلمات الرائعة المهم ارسلتك رساله خاصة واحب ان اوضح لك امر هذا الشيب هو مع منذ الصف اول ابتدائي نسبة لنقص في مادة تلوين الشعر واخوك كبرو الزمن وعند شعادة ميلاد اصلية عمودية محمد سعيد وهذه يعني الماركة المسجلة لاي شخص ولد في مدني نهاية الستينيات وبداية السبعينات وخلو قطيعة ودمتي انت والاخت بت الشبارقة

[منير محجوب]

لوخيرت في أي مدينة من مدن السودان الجمة لأخترتك يامدني،وللعلم فإني لاصلة لي بمدني من ناحية المنشأ أو الموطن سوي أنها تأثرني بجالها وروعتها وسكونها وطيبة أهلها، وعندما أزورها أتمنى أن يطول بي المقام بها، وياليت لو كنت من ساكينها، ويكفيني إنتمائي الوجداني بها...

[صلاح ودالطاهر]

لو للكلام نهاية فانت اوفيت وأي تعليق ربما يفسد عطر الحروف التي زينتها باجمل العبارات .. ودمت يا رائع .. روعة مدني عز الخريف .. ويا راقي رقي الجزيرة وناسها اهل العلم والنوبة والصلاح .. تسلم اخي وشكرا علي المرور

[نور العيون]

و الله كلام يا عوض دكام

[صلاح ودالطاهر]

و الله كلام يا عوض دكام

هوووووووووووووووووووووي ده ما كلام عوض دكام ده كلامي انا وتشكري علي عادة الموضوع

[مصعب الريح]

الاستاذ صلاح : لقد ابدعت بكلماتك الجميلة لانك ابن مدني التي لها تاريخها ولها ابداعاتها المتميزة في شتي المجالات فمدني كل شئ بطبيعتها الساحرة وبأهلها البارين شكراً كتييييييير يا أستاذ ودمت ابناً باراً لمدني .

[ود المطامير]

يا حبيبى أقول ليك شنو ؟ ولأشنو ؟ غايتو .. فى ميزان حسناتك
ونتلاقى بكره ذى كل مره فى ( منتديات ود مدنى على الهواء مباشرةً )

[الشوربجي]

يا حبيبى أقول ليك شنو ؟ ولأشنو ؟ غايتو .. فى ميزان حسناتك
ونتلاقى بكره ذى كل مره فى ( منتديات ود مدنى على الهواء مباشرةً )
غايتو انا ماعارف اي حاجة خشيت توووووووش طوالي الموضوع شنو بس الشي البعرفو اني لقيت صاحبي ود المطامير هلا هلا هلا ماقلتو نوبه انا معاك لي قضارف .

[ود المطامير]

غايتو انا ماعارف اي حاجة خشيت توووووووش طوالي الموضوع شنو بس الشي البعرفو اني لقيت صاحبي ود المطامير هلا هلا هلا ماقلتو نوبه انا معاك لي قضارف .
خلاص عضى جلابيتك والنشوف
منو البصل القضارف أول واحد ؟

[شبندر]

صلاح المتألق بتألق مدينة ودمدني لك مني كل التقدير وكلام لا يحتاج إلى أي تعليق
أما انت لو قلت فيك أي كلام بالرغم من انه سوف يكون حقيقة الناس بيقولوا انا كتبته عشان انت نسيبي

[بورتبيل]

غاية الروعة ان هذه الكلمات منك
ايها المفتون منذ الامد
بتلكم المدينة الحالمة
مدني .. في نور عيونك احلى
ومدني بين طيات همومك اغلى
ومدني في حدقات عيونك اصفى

لك مدني .. وانت لها .. ايها المسكون .. شموخاً .. وارتقاء
ولك الود

[صلاح ودالطاهر]

غاية الروعة ان هذه الكلمات منك
ايها المفتون منذ الامد
بتلكم المدينة الحالمة
مدني .. في نور عيونك احلى
ومدني بين طيات همومك اغلى
ومدني في حدقات عيونك اصفى

لك مدني .. وانت لها .. ايها المسكون .. شموخاً .. وارتقاء
ولك الود
تشكر برتبيل علي مرورك واشكر كل الاخوة