سجن بعطعم الرز

[بدرينا]

أمرت السلطات في الهند بفتح تحقيق بشأن قروي أجبر على العمل بدون أجر على مدى 27 عاما لتسديد قرض هو عبارة عن 40 كيلو غرام من الأرز.. وقال جوهر مانجي 72 عاما أنه اقترض من مراب في قريته 40 كيلو غرام من الأرز عام 1980 في مقابل دفع ثمنها بالعمل في حقول المرابي.. وأضاف مانجي الذي كان يبلغ من العمر 45 عاما حين اقترض الأرز لإعداد وليمة عرس في اسرته، للصحافيين "لقد اتفقنا على أن أدفع في مقابل كل كيلو غرام من الارز عمل يوم"..
وفتحت سلكات بيهار إحدى أفقر ولايات الهند، تحقيقا في هذه الممارسات التي يقال أنها منتشرة في المنطقة ولا يزال إقطاعيون تحميهم مليشيات مسلحة خاصة يلجأون إليها رغم أن القانون يحظرها..
وأضاف الرجل وهو والد لأربعة أطفال ويسكن كوخا من الطين "الدين كان في الأساس عبارة عن 40 كيلو غرام من الارز والآن بعد 27 عاما لا أدري كم دفعت ولا كم يزال يتعين عليّ دفعه".
ووعد مستغل مانجي بتحريره إذا دفع له خمسة آلاف روبية (111 دولارا) تشمل كل الفوائد المتراكمة منذ 27 عاما، حسب القروي الفقير الذي قال إنه لا يفهم طريقة حساب الدين وفوائده وإنه على أي حال لا يملك مالا.
ملطووووووووش

[مدنيّة]

27 سنة عشان 40 كيلو غرام من الأرز

بالله العالم دي ما بالغت :eek:

[الفارس البنفسجي]

الأخت بدرينا

الـ 40 كيلو عرفناها
و


الـ 27 عرفناها
و


وعن الكيلو يوم كامل شغل عرفناها

مفروض على كدا يشتغل
الراجل 40 يوم

بقت 27 سنة كيييييف؟؟؟

ودمتي للمنتدى

[سواااح]

الكلام ده صاااااااااااااح

الراجل ده مفروض يشتغل 40 يوم

كيف وصلت الي 27 سنة

الا اذا كان الحساب علي اساس

الكيل بخمسين مكيااااااااااااااال !!!

[ياسر كوستى]

تشوف مصيبة الناس تهون عليك مصيبتك ده كلو فى رز ولو كان دهب كان عملو شنو

[Madanawi]

يا معلم المفروض الراجل ده يشتغل 40 يوم بس لو ما كنت نسيت الرياضيات .. وبقيت احسب بالحصحاص .... وعموما فكرتك ورسالتك وصلت وهي ان العقاب لا يتماشى مع الذنب ان كان هنالك ذنب اصلا..

[بدرينا]

الأخت بدرينا

الـ 40 كيلو عرفناها
و


الـ 27 عرفناها
و


وعن الكيلو يوم كامل شغل عرفناها

مفروض على كدا يشتغل
الراجل 40 يوم

بقت 27 سنة كيييييف؟؟؟

ودمتي للمنتدى



الأخ الفارس البنفسجي: صباح الخير
الليلة مالك يا أخوي؟؟
اختلط عليك الاختصاص ولا شنو؟؟
أول حاجة أنا (بدرينا) يعني (بدري) بتاعنا ..
يعني راجل !! عرفت..

الحاجة التانية في موضوع الزر..
الزول الاسمو مانجي دا اتفق مع صاحب الدين إنو يشتغل ليهو عن كل كيلو زر عمل يوم واحد.. يعني زي ما قلت المفترض يشتغل 40 يوم ويقيف وما نجي طبعا ما بعرف الحساب.. أها بقى يشتغل ويشتغل ويشتغل لحد ما تم 27 سنة شغل .. وما في زول قال ليهو خلاص اقيف.. يعني العملية ما فيها حساب ولا حاجة كل الحاصل عبارة عن استغلال لمانجي المسكين دا..
..
مانجي قال "لقد اتفقنا على أن أدفع في مقابل كل كيلو غرام من الارز عمل يوم"..

وأضاف"الدين كان في الأساس عبارة عن 40 كيلو غرام من الارز والآن بعد 27 عاما لا أدري كم دفعت ولا كم يزال يتعين عليّ دفعه".

شوف قال بعد 27 وعشرين عام ما عارف دفع كم ولا الباقي ليو كم؟؟
إنشاء الله تكون بقت واضحة يا فارس..
ولك كل التحايا والأشواق..

[الفارس البنفسجي]

الأخ بدري

عذراً لهذا الخطأ

أما بالنسبة للحكاية فصارت
واضحة

ولك شكري وتقديري
وشكراً للتوضيح.

نأمل أن نرى مشاركاتك وموضوعاتك
على الدوام.
دمت ، ، ،

[نور عبدالله]

الأخ بدرينا ... (27 سنة أجر 40 كيلو رز ) خبر يدل على الكثير من الظلم السائد في الكثير من دول العالم الثالث ... واكيد يمارس على الكثيرين ......حاجة اقرب للخيال .

[ود المطامير]

كلامك صاح والله
وفى فيلم من أجمل الأفلام الهنديه ( من أجل أبنائى )
يتناول نفس المعنى الذى طرحته لنا .