معيار السماحة عندنا

[شبارقة]

أخواتي الطيبات النضيفات المتريحات ..
ازيكم .. كيفنكم !!

حبيت أطل عليكم بي مويضيع صغير أطمنكم فيهو ، وأشارككم قعدتكم ..

قالوا : السمحة سمحة كان قامت من نوما ، والشينة شينة كان مكيجولا جضوما

ما تنخلعوا !!

السماحة يا أخواتي خشم بيوت ..
السماحة ما كبر العيون ، وحلاوة الخصل اللي نامت فوق تسابيح البريق!!
السماحة في مقياس الشخصية القويمة السوية سماحة الخلق ، والجمال جمال النفس ..

أبقن عشرة علي رقبتكن ..
وسد ن بيتكن عليكن ،

دمتن ...

[غيداء نورالدين]

تسلمى ياغالية على هذا الموضوع الرائع وفعلا الجمال جمال النفس
لك كل الود*************

[شبرقية]

حبيت أطل عليكم بي مويضيع صغير أطمنكم فيهو ، وأشارككم قعدتكم ..

مالنا تطمنا ؟
مابنختلف السماحة سماحة طبع
بس انت قلتها كدا كانوا
بنات المنتدي دا
شيناااااااااااااااااااااااااااااااااااات
ماقصدي شناة طبع

[ود المطامير]

تسلمى ياغالية على هذا الموضوع الرائع وفعلا الجمال جمال النفس
لك كل الود*************
هع هع هع هع هع
تسلمى إنتى علشان وريتيانا آنسه شوشو

[shaggy999]

هلاء والله


بالحلوين والسمحات


وانشاء الله دائما سمحات وشديدات



وأشي على الشبارقة كلها

وتسلمو

[ابوشوتال]

لك التحية شبرقية
شينين شناة مرة ؛؛ بس الجمال جمال النفس

[صالح شرف]

سماحة جاتكم
بسم الله
قصدي سلام من الله جاكم

لخبتونا
الله يديكم العافية

بالمناسبة كلم العافية عند اخوانا المغاربة تعني النار الحمراي والحية الموقدة

نرجع لموضوعنا
السماحة

ونحن في منتدي النص السمح من الحياة المشتركة

(ده كان في حياة اصلو)
المهم
السماحة الجاريات وراها اخواتنا (ما سماحة الطبع)
السماحة دي .. وفي سبيل الحصول عليها
ياما ضاعن شابات
واسألوا ناس المستشفيات
وانا شخصيا
لمل اشاهد واحدة سمحة
قاعد اتذكر قدرة الله الابدع وصور
وال(......)عارفنهن
الله يكون في عونهن


بس
لانو الزمن العلينا زمن سماحة سااااااااكت