صوت لوم لكل المشتركين في المنتدي

[MASS77]

الاخوه والاخوات في المنتدي
في مثل بقول الما عاوزك ما عاتبك
او الما دايرك مالامك
انا امكن من الجدد في المنتدي جيت ولقيت المنتدي رائع
وبقي اهتمامي بالمنتدي لدرجة انو نسيت باقي المنتديات الخارج
منتدي مدني الجميل
وبكل الصدق والصراحه اتشرفت بي انو اكون معاكم عشان اتعلم منكم روعة
الكلمه الانيقه اللقيتا ساكنه عندكم
وعشان المنتدي يبقي زي ما اتمناهو وزي ما اي واحد فيكم بتمناهو
انا الليله عندي صوت لوم ليكم
واتتمني انو ما تزعلوا مني فوالله لو ما قلبي علي المنتدي
كنتمريت مرور الكرام
وبتمني انو تشاركوني في النقاش عشان نبقي مدني في سمعتا الحلوه وصورتا عند الكل
ونزيد الثقه للما عرفو مدني انو يتعرفو عليها من خلال المنتدي
والمسؤليه عليكم كبيره في مواصلة ازدهار مدني لانو المنتدي بحمل اسما
يلا تعالوا اقول ليكم علي العتاب
اول حاجه النقاش في المنتديبي صراحه شكرنا للزول الكتب الموضوع واثناءنا علي كتابة موضوع
اكتر من انو نناقش الموضوع من كلو جوانبو ونطلع بي خلاصة تاكد انو نحن عاوزين نعالج قضايا
وحتي نوري الزول البقرا منتدانا اننا جادين وعاوزين نقدم رؤيه نخدم بيها الموضوع المطروح

وبنكون شكرنا الكاتب بي طريقه غير مباشره لانو شاركناهو النقاش
واهم حاجه اننا نطلع من النقاش بي حاجة تكون خلاصه
وفي مواضيع الواحد بقراها وبتمني انو يعرف الاستنتاج والخلاصه وما بلقاها
الحاجه التانيه نحن بنمثل مدني المفروض نوري نبذه عنها نخليها ثابته علي الرئيسيه تحكي للناس
تاريخ مدني وموقعا من الخارطه وتوري الخاشي الموقع اصالة مدني ونسيجا الاجتماعي
وكل حاجه عن مدني وده واجب بسيط نقدمو لي هذه البقعه الحلوه
الملاحظه التالته حقو اي فنان من الجزيره نعمل ليو بوست بي نبذه عنو وتعريف ليو وكده نكون قدمنا ليو شكر لي مساهمتو في رفعة اسمنا كابناء للجزيره
وملاحظة تانيه بتخص المشرفين علي الموقع وهي خدمة الدردشه الكتابيه الراقيه
بتعرف الناس بي بعضا وممكن نناقش فيها موضوعاتنا بي صوره اوسع
وفي ملاحظه تانيه انو المنتدي ما فيو صور كافيه توري مدني للعالم حقو الناس المقيمين في مدني يدعمو المنتدي بكميه من الصور الراقيه عشان الناس الطولوا من مدني وبي الزات المغتربين
القو فيها سلواهم وتعينهم علي الغربه
بسسس يااخواني ده العتاب الحبيت اوريهو ليكم
واتاكدوا انو قلبي علي المنتدي زيكم رغم اني من الناس الاتعرفوا بالمنتدي قريب
ولو كلامي ده ضايقكم جد بالجد حا اتاسفليكم
وليكم الشكر علي الحروف الحلوه

[رضا حسن محمد]

الاخ ماس
كلامك كلو فىالصميم يا زول يا جميل
شكرا جميلا

[رضا حسن محمد]

اها يا ماس
رديت عليك لقيت نفسى اخدت نجمةجديدة
وشك حلوعلى

[خالد هاشم علي]

الأخ ماس...
لك التحية وكل التقدير علي ماكتبت...
بس انا كمان عندي صوت لوم داير اوجهو ليك....
كيف تقول لو كلامي ده ضايقكم أنا بعتذر ليكم؟؟؟؟؟؟؟؟؟؟؟؟
ياخي من أول يوم انت إشتركت معانا هنا إنت بقيت سيد بيت تضرع فيهو زي ماداير وتقول كل مقترحاتك ونسمع منك كل حاجة لانك مننا وفينا.
نرجع لي موضوعك...
بخصوص ردود بعض الاعضاء( بأكد علي كلمة بعض) في دي مشكلة حقيقية وسبق أن تناقشنا فيها كتير لكن والله مالقينا ليها حل...
يعني تلقي صاحب البوست كاتب موضوع وطارح قضية للنقاش ومايطلع من المشاركات بي فائدة تذكر ( إلا من رحم ربي) .. عشان كده بضم صوتي لي صوتك وبتمني من الجميع إنو نثري المواضيع بي إبداء الرأي والنقاش حول الموضوع .
بخصوص التعريف بي مدني والكلام عن مبدعيها فيوجد بوست في منتدي ودمدنيات يتحدث عن ماذكرت وكاتبه الاستاذ بدر الدين.بالاضافة للعديد من البوستات في نفس المنتدي لكن برضه بنطمح في المزيد المزيد.
بخصوص الصور فهي موجودة في الصفحة الرئيسية للموقع ( ودمدني) وتكاد تكون مغطية معظم ملامح المدينة وبرضه بنقول دايرين المزيد لانو مدني تستحق مننا اكتر من كده.
والله مرحب بيك تاني وتالت وبي غيرتك وحبك لي مدني ومنتديات مدني ونحن بنشاركك الحب بأكثر منه.. وابقي قريب بس طول بالك وقول الفي نفسك طوالي لانك في بيتك ( مدنـــــــــــــــــــــــــــــــــــــــــــــــ ــــــــي).

[MASS77]

الاخ خالد
شكرا لك ولحروفك المنمغه
وامنياتي ان يظل كل اسم يقترن برائعتنا ود مدني
يتوهج ويعلو ويسمو ويتمدد في كل الدواخل
وان تظل ايناء للثقافه والرياده والوعي
كما تسلمناها من رعيل وهبوا لنا سمعة طيبه في كل الدواخل
وجعلونا نفتخر بانا من الجزيره ليست عنصره ولا قرصنه
ولكن بوعينا وادراكبا بمعني الوطن
بقي ان اقول لا زلت ادعو للتجويد بعد الروعه
بعد تالق المنتدي بقامات امثالكم تفتخر بها ود مدني

[هيثم بابكر]

الاخ ماس اولا بضم صوتي لصوتك في المقترحات الاتقدمت بيها دي ... وثانيا بقول ليك .... نحن نحلم بالكثير والمثير .. وتحقيق الاهداف يبدأ بالحلم ، نحلم بان يكون تلفزيون الجزيرة قناة فضائية و نحلم ان تكون هنالك وصلة من هذا المنتدى فيها اقتراحات وشكاوي خاصة وعامة مربوطة بحكومة الولاية وحاكم الولاية وتجد الرد الرد على اقل تقدير اسبوعيا مباشرة وفي هذا المنتدى . نحلم بان يتم تنظيم اسبوع ثقافي باشراف هذا المنتدى ويكون سنويا بمدينة مدني . نحلم بان يكون هنالك الكثير والمتميز في مدينتنا الحالمة ، نحلم بان لايكون هنالك فقير او محتاج في مدينتنا عن طريق الصناديق الخيرية والمشاريع الاسر المنتجه . نحلم بان تكون مدينة ودمدني انظف مدينة في السودان واجملها تشجيرا وخضره وانارة ...........

[الفارس البنفسجي]

الأخ ماس...
لك التحية وكل التقدير علي ماكتبت...
بس انا كمان عندي صوت لوم داير اوجهو ليك....
كيف تقول لو كلامي ده ضايقكم أنا بعتذر ليكم؟؟؟؟؟؟؟؟؟؟؟؟
ياخي من أول يوم انت إشتركت معانا هنا إنت بقيت سيد بيت تضرع فيهو زي ماداير وتقول كل مقترحاتك ونسمع منك كل حاجة لانك مننا وفينا.
نرجع لي موضوعك...
بخصوص ردود بعض الاعضاء( بأكد علي كلمة بعض) في دي مشكلة حقيقية وسبق أن تناقشنا فيها كتير لكن والله مالقينا ليها حل...
يعني تلقي صاحب البوست كاتب موضوع وطارح قضية للنقاش ومايطلع من المشاركات بي فائدة تذكر ( إلا من رحم ربي) .. عشان كده بضم صوتي لي صوتك وبتمني من الجميع إنو نثري المواضيع بي إبداء الرأي والنقاش حول الموضوع .
بخصوص التعريف بي مدني والكلام عن مبدعيها فيوجد بوست في منتدي ودمدنيات يتحدث عن ماذكرت وكاتبه الاستاذ بدر الدين.بالاضافة للعديد من البوستات في نفس المنتدي لكن برضه بنطمح في المزيد المزيد.
بخصوص الصور فهي موجودة في الصفحة الرئيسية للموقع ( ودمدني) وتكاد تكون مغطية معظم ملامح المدينة وبرضه بنقول دايرين المزيد لانو مدني تستحق مننا اكتر من كده.
والله مرحب بيك تاني وتالت وبي غيرتك وحبك لي مدني ومنتديات مدني ونحن بنشاركك الحب بأكثر منه.. وابقي قريب بس طول بالك وقول الفي نفسك طوالي لانك في بيتك ( مدنـــــــــــــــــــــــــــــــــــــــــــــــ ــــــــي).



تحدثت فوفيت فكفيت.
وليس بعد هذا الكلام كلام.
معاً نفتدي عقولنا لراحة
أبناء المدينة

[Madanawi]

العزيز ماس...

ما تفضلت بذكره بالجد ملاحظ وتم التطرق له في العديد من المرات والبوستات المختلفة ، ومن هنا انا بقول ليك نحنا نشيل لومك علينا سماح ولك العتبى حتى ترضى ،، وبقول لبعض الاعضاء وليس كلهم كما ذكر الاخ خالد بقول ليهم يلا يا شباب نفعل المشاركات ونزيد من فعالية الحوار كي نسمو بالمنتدى وكلو عشان عيونك يا مدني ،،،،،،،،،،،

[MASS77]

الاعزاء الفارس / هيثم/مدناوي
يبدا كثيرا من المعاش وينطلق من مرحلة
الاماني وتجد الخطي وتسرع وتتفجر الطاقات
وتهم الرؤي فتصبح بالجديه واقعا معاش
فقط ان تركنا المستحيل جانبا وبدانا بخطوه
نحو اعلا ود مدني الخالده الرائعه الحقيقة
الماثله
خطوه نحو مجتمع يوازي ويعلو سمعة احب مكان
فهيا لنبدا فالجد يحقق المزيد من التالق

[رضا حسن محمد]

مالك يا كافى البلا جليتنى

[MASS77]

الاخ رضا
تحيه طيبه
معطره باريج حبك ولومك وحبك لود مدني السني
اخ رضا مبروك النجمه الجديده وعقبال
زياده انجم مدني البراقه الجزابه
بجهدكم واناقة حرفكم
واتمني الا تكون سهوتي قد اصابت مننفسك شيئا
فلم اقصد ان اتناساك او اعتب عليك
ولكن جل من لا ينسي
وعموما اسف
يا زول مسكون بالحس الرايع
لك شكري
ودمت دوما

[رضا حسن محمد]

شكرا يا معجون بطيبة اهلنا التحت الفوق
ما بينا اسف والما دارك ما لامك

[الزبير محمد عبدالفضيل]

ماس 77 ياراقي مشكور علي هذه الاقتراحات وفعلا ننتظر تفعيلها من مجلس الاداره

لك التحيه ياغالي

[نزار حسن محمد]

ماس .. ايها البريق الاتى
شعرت من كلماتك بنك مننا ولينا ياك ولدنا وياكا حقنا حق ود مدنى الاصيلا مرحبتين حبابك واليوم السعيد الليله جابك ...مشكور على الاقتراحات ويدك فى يدنا نبنى ونعمر مدنى كما نحن وتحب والبيت بيتك ونحن فى انتظار مشاركاتك ا بقى لى جـــــــــــــــــــــوه داخل... لك الود ودحسن

[مختار بازى]

اولا مرحب بيك بين ناسك واهلك وكلامك كلو في محلو وتسلم يا حساس

[ابوزيد محمد نور]

الأخ ماس...
لك التحية وكل التقدير علي ماكتبت...
وحاضرين بالصور انشاء الله فى القريب

[عمار هبّار]

ماس سلامي ..
والله يا ماس رغم جمال المنتدى وحبنا ليه لكن كلامك كلو صاح والدليل على كدة كتره الونسة والهظار .. لكن نتمنى أن يرتقي الجميع لفهمك ونفعّل الجانب الثقافي والإجتماعي معاً في هذا المنتدى ..
ولك الشكر كل الشكر ..

[MASS77]

الاخوه الكرام
شكرا لكم وانتم تصممون علي اعتلاء مدني لمكانتها المرموقه
وشكرا لكم علي الدواخل التي زادتني فخرا بكم اخوة اعزاء
بقي ان تترجم الحروف الانيقه الي عالم يفيض بالروعه
ولكم حبي
ولمدني السني
ولمدني المنتدي
ودمتم