ليالي الخير

[MASS77]

في برنامج
في اذاعة الخرطوم اسمو كده ليالي الخير بهتم بي الناس العندهم مشاكل
ماليه
تابعت البرنامج بي احساسي كسوداني
البرنامج برسلو ليهو المحتاجين مثلا طالب محتاج
لي رسوم ولا واحد بيتو وقع ولا واحده بتربي في ايتام
وعاوزه مساعده ولا مريض عاجز عن تسديد تكاليف
العلاج
وبقروا الرسائل بدون اذكروا الاسامي وبنبهوا بي تلفون البرنامج
والعندو مقدره في المساعده بتصل وبوري مساهمتوا لي ياتو رقم ومساهمتوا قدر شنو
حقيقه البرنامج احتل مساحه في جواي وبقيت اتابعوا
ووراني تكاتف اهل السودان ووراني بي انو لسه البلد دي فيها الخير
لسه في ناس بتحب تساعد وتتعاون
في واحد في حلقة الجمعه الفاتت ضرب وقال انو ما عندو حاجه اقدما الا انو عندو عربيه ممكن يساهم الزول البيتبرعوا ليهو بي مساعده بوصل ليهو الحاجه دي بي عربيتو
اتخيلوا عليكم الله سماحتنا واخلاقنا وسلوكنا ومجتمعنا
اتخيلوا كرمنا واحساسنا بي انو نحن جسم واحد والله حاجه تفرح بي انو مجتمعنا حتي الان فيو اروع نموزج للتعايش والاخوه والاحساس بالام الاخرين
طيب رايكم شنو لو اطبق الكلام ده في الاحياء في القري في المكاتب في الشوارع
تفتكروا حانلقي شحادين في الشارع
رايكم شنو لو نعيد المبادئ القديمه في النفير وغيرا من الحاجات الجميله نعين بيها الضعيف
ونقوي بيها مجتمعنا

[الفارس البنفسجي]

الغالي جداً MASS77
تحياتي لك عبر الأثير وأنت
تنقل إلينا أجمل لوحة إنسانية
عرفها التاريخ البشري منذ
الأزل.
ولكن علينا ألا ننسى أن ديننا
الكريم السمح قد حض على
هذه السلوكيات لما لها من أُثر
طيب وقوي في تعاضد المجتمع
وتماسكه وترابطه.

عن أبي هريرة رَضِيَ اللَّهُ عَنْهُ

أن النبي صَلَّى اللَّهُ عَلَيْهِ وَسَلَّم قال: اليد العليا خير من اليد السفلى، وابدأ بمن تعول، وخير الصدقة ما كان عن ظهر غنى، ومن يستعفف يعفه اللَّه، ومن يستغن يغنه اللَّه
وعن أبي سعيد الخدري رَضِيَ اللَّهُ عَنهُ قال:


بينما نحن في سفر مع النبي صَلَّى اللَّهُ عَلَيهِ وَسَلَّم إذ جاء رجل على راحلة له فجعل يصرف بصره يميناً وشمالاً. فقال رَسُول اللَّهِ صَلَّى اللَّهُ عَلَيهِ وَسَلَّم: من كان معه فضل ظهر فليعد به على من لا ظهر له، وما كان له فضل من زاد فليعد به على من لا زاد له فذكر من أصناف المال ما ذكر حتى رأينا أنه لا حق لأحد منا في فضل

[مدنيّة]

لله عبادا اختصهم بقضاء حوائج الناس حببهم في الخير وحبب الخير اليهم